|
ركشة،امجاد،انترنت كافيه و لا مطعم ياتو مشروع فيهم النافع الان في .؟ساعدوني
|
ر.ا امرأة ارملة ..لديها من الاطفال الاربعة..ولدين و بنتين...رحل زوجها عن الدنيا دي و خلى ليها مسؤلية هؤلاء الاطفال...و اصبحت هي و الحياة في صراع دائم للبقاء و الحصول على لقمة العيش
ر فتحت مشروع مطحنة قهوة..طحنت البن..حاولت توزعوا..لكن يبدوا ان السودانين ما ليهم ذلك المزاج في شرب القهوة
المهم...الانسانة دي يهمني امرها جدا جدا...قعدتى افكر ليها في فكرة مشروع جديد بدل العندها الان لانوا دا فشل فشل ذريع..فكرة قلتى يا ربي شنوا الشغل الماشي في السودان الايام دي..و الواحد كان داير يستثمر ممكن يستثمر في شنوا؟؟؟...يعني مثلا فترة كدا جات موضة النت كافيه و ملت البلد لمن قالت بس..بعدين الرقشات..لكن الرقشات و امجاد صعب كمشروع لامرأة ..يعني يوم بايظة..يوم داير ليها ترقيص و يوم و يوم..ناهيك انك تلاقي ليك سواق امين و كويس
المطاعم ممكن..بس مطعم شنوا و كيف ووين
فكرتى فيكم...دايركم و خاصة الناس الفي السودان توروني السوق في السودان طالب شنو...ناقصوا شنو استثمار...الناس عايزة شنوا...المشاريع الممكن تجيب ربح و تكون ميزانيتها معقولة شنو؟؟؟
ما دايركم تتكلموا لي عن النت كافيه و لا الركشات و لا امجاد...ادوني افكار تانية
عايزة اعرف كمان هل هناك مكاتب او شركات في السودان بتعمل دراسة جدوى؟...و عنواينها اذا عندكم
اتمنى تساعدوني بارائكم اعزائي
|
|
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: Bakhaf)
|
انسانه الانسانه
اولا احب اهنيك علي لفتتك البارعه لحمل مسئوليه هذه الارمله التي اتمني من الله ان نجد لها حلول تساعدها علي تربية ابنائها بالصورة التي تريد
ولكن عزيزتي لايمكن ان افتي لك في مشروع الا بعد معرفه حجم المبلغ المستثمر .. ولاني صاحب تجارب وعدة مشاريع منها الناجح ومنها الخاسر اعرف تماما حاجه السوق فقط عزيزتي قولي حجم المبلغ المستثمر وستجدينا تحت خدمتك ولك التحيه.
هوب@فول
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: ensana)
|
خدي يا انسانه مجال الاتصالات يعني الجوالات .. ودا ناجح جدا جدا خاصه في الاكسسوارات بس اهم شئ الموقع يكون موقع بيخدم كثافه سكانيه عاليه او مجمع اتصالات ودا طبعا رأس مالو ما كتير
ماداير اقول ليك المطاعم والانترنت لانك عارفاها طبعا بس في الاتنين اختاري موقع تمام بالنسبه للمطعم يكون افضل لو لقيتي في المنطقه الصناعيه الخرطوم او امدرمان ويكون مطعم بلدي ودا مجرب وناجح جدا جدا.
الانترنت لانو كتر في البلد لازم تتميزي بالديكور وراعي المنطقه الفيها كثافه سكانيه وتكون منطقه سكنيه برضو
شراء وبيع اجهزة الكمبيوتر (ودي راسليني علي الايميل التحت دا عشان اوريك طريقته عشان فيها شغل مبااااالغه ودا المشروع المنصحك بيهو [email protected]
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: HOPELESS)
|
هوب ليس
ما بتعرف لي الزول ممكن يعمل دراسة جدوى وين في السودان في كتب متخصص هناك
و لو داير يعملها براهو يسويها كسف...مع العلم انو زولة قصتنا دي ما لديها خبرة في البزنس و عقليتها ما بزنزية شديد...
فول لي موضوع الاتصالات دا بكلف كم كدا..و التلفونات دي و اكسسوارات بجيبوها من وين و مش لازم يكون في وكالة و لا كيف..حسي كان الزول لو داير يعمل و كالة لنوكيا مثلا زي محلات فونو هنا في الامارات يسوي شنو ؟
و الانترنت بكلف كم النت كافي في السودان؟
شكرا
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: ensana)
|
انسانه الانسانه
بالنسبه لمكاتب دراسه الجدوي فما اعتقد انو في السودان متخصصه في الشئ دا.
تاني شئ بالنسبه لموضوع محل الجوالات(الموبايل) فهي وبصوره مختصره كالاتي بعيد ليك تاني وتالت موقع المحل هو البحدد نجاح الفكره التجهيز طبعا حسب نوعيه الديكور ومساحة المحل البضاعه عندكم في دبي تعتبر الارخص يعني ممكن تاخدي ليك جوله في محلات الجمله وتشوفي الاسعار وتتصلي بالمعارف في السودان وتسعتلمي عن اسعار الاكسسوارات والمقارنه بينها وبين سعر الشراء. طبعا تعملي دراسه للسوق في السودان والرغبه الفعليه لنوعيه البضاعه قبل الشراء التعامل في الاجهزه المستعمله وفيها ارباح افضل من الجديده عدم شراء اجهزه جديده في المرحله الاولي علي الاقل
وبالمناسبه اذا بقيتي علي الموضوع دا او علي محل الكمبيوتر فبامكاني اساعدك بمدك بالبضائع المطلوبه لفتح المحل كامله والله من وراء القصد
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: Elsadiq)
|
الاخ الصادق
فكرتك جميله وحلم بس الواقع بقول غير كدا خالص هل تذكر مصانع الصابون التي انشأها الاهالي بين الاحياء السكنيه..؟ انا معاك انو مشاريع مثل البتقول عليها دي مفيده جدا للوطن وللمساهمين بس في حاله اختنا انسانه صعبه التطبيق وانا عن نفسي حأتبني الفكره وارجو مساعدتك وليكن هذا المنبر انطلاق لمشروع وطني مساهم وليطرح كل انسان المشروع المناسب وانتقاء الافضل والافيد بعد اخذ رأي الاغلبيه في هذا البورد .. حتى نكون مثال لغيرنا في مثل هذه المشاريع
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: Elsadiq)
|
بحيث ان احلام السودانيين في غاية التواضع , رقشة , امجاد بقالة , الخ وكنت دوما في نقاش مع بعض الاخوة في هذا الخصوص لماذا نحن متواضعي الطموح ؟ لماذا لا نأتي بأفكار جديدة و مفيدة صالحة للفرد و المجتمع ؟
اي فعلا ...يعني الواحد لمن يبني ليهو مستشفى مثلا جملة كدا و مجهزة و كدا دا حيكون فائدة للمجتمع و ليك..و يحسن من منظر الشارع الواقعة فيهو...الحاجة دي بتلاحظها هنا في الامارات لمن يقوموا مثلا يبنوا مركز تجاري و لا حاجة ..الحتة الحواليهوا تبقى كلها منظمة و نضيفة و الباركنات كيف...كانهم بقوشوا الشارع الحولينوا...اتصور معاي لو كذا مشروع قام و حسن الشارع الحوالينوا بلدنا دي كيف تبقى...غايتوا احلام
المهم....ارجوا ان تخبرني عن الحالات التي تعرفها؟
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: garjah)
|
قرجه اها انتا برضو منهم ... الجاااااااهز والله نحنا السودانين ديل فعلا دايرين الحاجه الجاهزة ياناس اي مشروع داير ليه شويه تعب وصبر حتي الكفتيريا دي دايرة ليها واسطه ما اي زوول بدوهو كفتيريا في الجامعه . الحاجه البتجيب دخل سريع بتروح برضو بسرعه والرقشات اكبر مثال علي ده يعني السنه الاولي بتمشي معاك تماااام لكن تعال شوف لعد داك والله ما تلم في عضمها دايرة مكنه ودايرة ما عارف شنو وعييييييييك.
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: ensana)
|
انسانة والجماعة الفوق سلامي اولاً لدي انا تجربة شخصية مع مشروعين (ركشة وامجاد) الركشة مشتريها بتسعة مليون بالكمال والتمام وماجرها اليوم بخمسة وعشرين ألف جنية يعني بديك في الشهر حوالي سبعمائة وخمسين ألف جنية وهذه بتتوقف على السائق في المقام الأول هو وأمانته وتحمله للمسؤولية نجحت تجربتي لفترة بسيطة جداً ولم أتهنئ كثيراً بذلك العائد فالسائق بداء يزن في وداني يوم كده ويوم عائزة كده اخيراً بعتها باقل من سعرها والفائدة التي كنت اجنيها منها طلعت في فرق السعر يعني حقك حقك اذا كان مافي خسارة من وجهة نظري ليست ذات ارباح مجزية ابداً امجاد آه من أمجاد لسع ما تمت معاي والله العظيم ثلاثة شهور عائزة عمرة يعني مكنة تكلفتها حوالي مليون ودقداقة دخلها كويس جداً وسعرها بتفاوت على حسب الماركة اجود الانواع داماس وتاونر وكايا تبداء من ثلاثة عشر مليون حتى عشرين مليون لحديدة نطيفة واهم حاجة تكون مرخصة لانو ترخيصها موقف من ناس المرور عندما تجريها اليوم بمبلغ اربعين الف جنية يعني بصفي كويس في الشهر ديل تجارب معي تجربة محلات التصوير والطباعة دي تكون بالقرب من احدي الجامعات وياريت بالقرب من جامعة السودان والفرع موقع في السلك دخلها مضمون مائة في المائة تكلفتها مش عالية خالص ماكينة تصوير ماركة شارب سعرها بتفاوت حسب الحجم من خمسة مليون حتى ثمانية مليون بالاضافة لجهاز فاكس وتلفون وثلاثة أو أربعة اجهزة كمبيوتر مع ملحقاتها واسعارها برضو معقولة اليومين ديل ولو عائزة بالتقسيط ممكن ندلك على احد المحلات في شارع الحرية الخرطوم
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: ensana)
|
انسانة والآخرين لكم التحية أنا مع فكرة الأسهم والشركات الكبيرة ففيها مصالح كبيرة للوطن وللمساهم خاصة من لا يعرف في البزنس
ولكن
المستثمر هنا امرأة ، وأحس أنها دفعت للعمل التجاري دفعا وربما لا تجد في نفسها الكفاءة اللازمة لإدارة عمل ما ، وربما يكون رأس المال ضعيفا ، ولا تجد طريقا لزيادته عن طريق التسهيلات ، خاصة وأنتم تعلمون ما يجري في هذا المجال أقــــــــــــــــــــــــــــــــول أن هذه الأخت يمكنها أن تغير نشاط البن إلى نشاط بهارات وويكة وشرموط ، مطحون وغير مطحون ويمكنها أن تطور بعض الأشياء التي ربما تحتاجها ربات البيوت العاملات ، كالخضروات المنظفة والمجمدة وبعض البقوليات المسلوقة كافاصوليا والكبكبيه أي الأطعمة شبه الجاهزة ، واللحم والكبكبيه ( لزوم الطعمية )المفروم المجمد ، والصلصة الجاهزة المبردة أو المجمدة .كما يمكن أن يشمل النشاط خضروات طازجة ودواجن وبيض
هذا أولا ، أما ثانيا : فهو أن تفتج محلا صغيرا لأدوات التجميل والعطور ، وتدعمه بالمطلوبات السودانية التي لا تعرف بنات هذا الزمان إعدادها زي الدلكة والبخور والكركار والخمرة بضم الخاء ويمكنها إن وجدت أن من يعينها وتثق به أن تقوم بتطوير خلطات جديدة للشعر والنعومة وإزالة الشعر غير المرغوب فيه وحطب الدخان وإذا كان المحل واسعا أي نظام شقة أرضية تفتح على شارع عام فيمكن أن يضاف إلى النشاط تجهيز العرائس والكوافير والحناء والدخان أما ثالثا فهو أن تقوم بتجهيز مشغل تبدأه بعدد محدود من مكائن الخياطة ويتولى تحديد نوعيات المكائن المطلوبة شخص متخصص لأن المشغل يحتاج إلى أكثر من نظام يعني عادي وتطريز وتركيب زرائر وغيره ، وتتفق مع عدد اثنين خياطين أو خياطات مهرة والعمل أزياء نسائبة ، لكن يكون للمشغل نشاط آخر حيث يتم توفير بعض الأقمشة ويقوم الخياطين بتفصيلها بمقاسات ستاندرد إس - إم - إكس ، إكس لارج وتباع بالجملة على زبائن محددين كملابس جاهزة ويمكن أن يعرض جزء منها في نفس المحل ويتم تطوير المشغل في اتجاه تخصصه في الملابس الجاهزة .
كان ربنا قدرني بزيدكم
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: ودقاسم)
|
اخ ود قاسم والله ما قصرت و اديتنا تفاصيل مهمة جدا
قبيل لسى كنت بناقش مع اهلي فكرة الاسهم دي..و تطرقنا لاسهم سوداتل التي ستطرحها بعد يومين اظن...و كنت عايزة اسالك و اسال الناس هنا اذا في زول اشتغل في المجال دا قبلي كدا و عندو خبرة فيهو..وهل هو مربح
كمان في حتة الربح السريع اخ ود قاسم..بتعتقد انو المشاريع الذكرتها ممكن تحقق ربح سريع...انا بسال عنا من حتة طلب السوق لها...ارجو افادتي اذا عندك فكرة و برضو باقي الناس هنا ممكن يدونا فكرة عن المشاريع الطرحتهل و هل بتمشي في السودان في الوقت الحالي؟؟؟
و شكرا جزيلا
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: zola123)
|
زولة كيفك مشتاقين
بالنسبة لأسهم سوداتيل تم توزيع ارباح بنسبة 24 % و بواقع 3/2 ( ثلثين) اضافة اسهم وثلث نقدا
وفي ما يلي نشرة اصدار الاسهم كما جاءت في موقع سوداتيل علما بأن الاكتتاب ينتهي يوم 19 مايو
---------
.بسم الله الرحمن الرحيم
جمهورية السودان
الشركة السودانية للاتصالات المحدودة (سود اتل ) شركة مساهمة عامة ذات مسئولية محدودة مسجلة تحت الرقم ش / 7484 بتاريخ 7 /3/1993م
ملخص نشرة إصدار بغرض طرح 000ر000ر5 سهم للاكتتاب العام2003م
الشركات المنظمة والمروجة للاكتتاب شركة ترويج للاستثمار المالي تقاطع شارع الجامعة مع الطيار مراد جوار شركة السودان للخدمات المالية ( شهامة ) تلفون767280- 797853- تلفاكس784947
الشركة العالمية لادارة المال الشركة القومية للمعاملات المالية السابع بنك الـخرطوم- المركز الرئيسي برج البركة- الطابق شقة 1008 تلفونات 776400 تقاطع شـارع الجمهورية مع القصر 766640 فاكس 781508 تلفون 780296 فاكس 793249
بسم الله الرحمن الرحيم
الشركة السودانية للاتصالات سود اتل شركة مساهمة عامة
العنوان : السودان - الخرطوم - برج الشركة ص0ب 11155 تلفون 773930 فاكس 782322
ملخص نشرة إصدار زيادة رأس المال 2003م
1/ رأس المال المصرح به : 000ر000ر750 مليون دولارامريكى مقسمة على 000ر000ر75 سهم 2/ القيمة الاسمية للسهم: 10 دولار ( عشرة دولار أمريكي ) 3/ نوع الأسهم : عادية 4/ عدد الأسهم المطروحة للاكتتاب: 000ر000ر5 (خمسة مليون سهم ) 5/ راس المال المكتتب والمدفوع : 349.904.255 دولار أمريكي ( ثلاثمائة تسعة واربعين مليون تسعمائة واربعة ألف مائتان خمسة وخمسين دولار) 0 6/ قيمة السهم المطروح للاكتتاب: 15 دولار( خمسة عشر دولار ) منها خمسة دولارات عبارة عن علاوة إصدار تضاف لحقوق المساهمين 7/ تطرح الأسهم على الجمهور عبر مراكز الاكتتاب اعتبارا من بداية عمل يوم الثلاثاء الموافق 20/ 4 /2003م وينتهى الاكتتاب في نهاية عمل يوم الخميس الموافق 19 /5/2003م0 مكان وتاريخ وطريقة توزيع شهادات الملكية ووثائق التخصيص:
توزع شهادات الملكية و وثائق التخصيص للمساهمين شخصيا بعنوان رئاسة الشركة ، أما المساهمون خارج السودان فيتم إرسالها لهم بالبريد المسجل على عناوينهم أو عن طريق مندوب سود اتل وذلك خلال ثلاثة اشهر من تاريخ قفل باب الاكتتاب العام0
تداول الأسهم في سوق الخرطوم للأوراق المالية : # وافق سوق الخرطوم للأوراق المالية على درج قيد اسهم الشركة للتداول في السوق اعتبارا من 4/7/1997م # أعدت هذه النشرة وفقا لمتطلبات نشرة الإصدار المقررة والمعتمدة مـن قبل سوق الخرطوم للأوراق المالية 0
# تم الاطلاع على هذه النشرة من قبل إدارة السوق وتمت الموافقة عليها بموجب خطاب سوق الخرطوم للأوراق المالية رقم ش س م/ش أ /38/2003 بتاريخ 14/ 4/2003م0
اسم الشركة ورأسمالها والأسهم المطروحة للاكتتاب العام
1/اسم الشركة: الشركة السودانية للاتصالات المحدودة ( سود اتل ) 2/ رقم التسجيل :- ش/7484 3/ تاريخ التسجيل :- 7/3/1993 4/ راس مال الشركة :- رأسمال الشركة المصرح به 000ر000ر750 دولار أمريكي ( سبعمائة وخمسين مليون دولار أمريكي ) مقسم على 75 مليون سهم (خمسة وسبعون مليون سهم) قيمة السهم الاسمية 10 دولار ( عشرة دولارات)0و قد اكتتب المساهمين بمبلغ وقدره 349.904.255 دولار أمريكي 0
5/ الأغراض التي من اجلها تأسست الشركة :- 1/ تقوم بتقديم أو إقامة أو صيانة أو هندسة أو تشغيل أو تركيب بعض أوكل أنواع منتجات أو خدمات أو البنية الأساسية للاتصالات السلكية واللاسلكية . 2/ تقبل وتتولى كل الحقوق والالتزامات في مجال الاتصالات السلكية واللاسلكية العلمية في السودان بما في ذلك مقابلة اتفاقيات التسويات الثنائية- مع شركات الاتصالات العالمية الناقلة للحركة وفق اتفاق أو اتفاقيات توقع مع جمهورية السودان في هذا الخصوص . 3/ تتولى كل المهام في مجال الاتصالات السلكية واللاسلكية المحلية . 4/ تتعامل مع مؤسسات التمويل المختلفة لجذب رؤوس الأموال أو تمويل الاستثمار-في مجال البنية الأساسية للمواصلات السلكية واللاسلكية في جمهورية السودان . 5/ العمل في أي مجال يمكن من الاستغلال الأمثل لإيرادات الشركة بما يضاعف الربحية للمساهمين . 6/ مسئولية الأعضاء محدودة 0 7/ راس مال الشركة 000ر000ر750 (سبعمائة وخمسين مليون دولار) مقسمة على 000ر000ر75 سهم (خمسة وسبعين مليون سهم) قيمـة السهـم الواحــد 10 دولار ( عشرة دولار أمريكي)
شروط الاكتتاب العام
1 - عدد الأسهم المطروحة للاكتتاب العام 000ر000ر5 سهم ( خمسة مليون سهم )عادى 0 2 - قيمة السهم الواحد المطروح للاكتتاب العام 15 دولار أمريكي ( خمسة عشر دولار أمريكي منها خمسة دولارات عبارة عن علاوة إصدار تضاف لحقوق المساهمين 0 3 - تدفع قيمة الأسهم المكتتب بها دفعة واحدة عند تقديم طلب الاكتتاب وينطبق هذا على كافة المساهمين 0 4 - يبـدأ الاكتتاب العام اعتبارا من صباح عمل يوم 20/ 4 / 2003م وينتهى بنهاية عمل يوم 19 / 5 / 2003م0 5 - يتم الاكتتاب داخليا عبر المراكز التالية : - أ - شركة ترويج للاستثمار المالي 0 ب - الشركة العالمية لادارة المال 0 ج - الشركة القومية للمعاملات المالية 0 د - بنك الخرطوم وفروعه هـ بنك البركة السوداني و - مراكز الاكتتاب المرفقة 6 - يجوز لغير السودانيين الاكتتاب باسهم الشركة على أن يتم تحويل مساهماتهم بالعملة الأجنبية وبالطرق الرسمية 07 7 - تخصص الأسهم المطروحة للاكتتاب العام على المكتتبين كل بنسبة ما اكتتب به وذلك إذا زاد الاكتتاب في اسهم الشركة على عدد الأسهم المطروحة في الاكتتاب العام هذا وسوف تعيد الشركة المبالغ الزائدة للمكتتبين بعــد إجراء عملية التخصيص خـلال شهر مـن تاريخ إغلاق الاكتتاب العام فـي اسهم الشركة 0 8 - الاكتتاب لقدامى المساهمين بالدولار الاريكى0 9 - الاكتتاب للمساهمين الجدد خارج السودان بالدولار الأمريكي بينما الاكتتاب للمساهمين الجدد داخل السودان بالدينار السوداني 0 10 - لا يجوز الاكتتاب بأسماء مشتركة إلا إذا كانت باشتراكها تشكل شخصية اعتبارية كما لا يجوز الاكتتاب بأسماء وهمية وذلك تحت طائلة بطلان الاكتتاب في أي من الحالات المنصوص عليها في هذه الفقرة 0 11- يقوم طالب الاكتتاب بالتوقيع على طلب الاكتتاب الذي يحتوى على إقراره باستلامه نشرة الإصدار والنظام الأساسي للشركة والاطلاع على كافة محتوياتها ودراستها بعناية وفهم مضمونها 0 12- تشارك الأسهم المطروحة في الاكتتاب العام في الأرباح المحققة عن عام 2003م0 وصف كامل للأسهم المطروحة للاكتتاب العام
الأسهم المطروحة للاكتتاب أسهم عادية 0 عدد الأسهم المطروحة 000ر000ر5 سهم0 قيمة السهم المطروح 15 دولار منها خمسة دولارات علاوة إصدار تضاف لحقوق المساهمين 0 تسدد قيمة الأسهم كاملة ودفعة واحدة 0 يتم تسليم المكتتبين في الأسهم المطروحة شهادات ملكية الأسهم مختومة بخاتم الشركة و موقعة حسب الاصول خلال شهر من تاريخ إغلاق الاكتتاب العام بينما ترسل الشهادات للمكتتبين خارج السودان خلال ثلاثة اشهر من تاريخ إغلاق الاكتتاب 0 يتمتع مالك السهم بحق ملكية مطلقة للأسهم المثبتة بشهادة الأسهم و بجميع حقوق المساهم مثل اقتسام الأرباح وحضور اجتماعات الجمعية العمومية و التصويت فيها0 يتمتع السهم الجديد بالأرباح المتحققة في الشركة اعتبارا من الأرباح المحققة من عام 2003م0 حقوق المساهمين :- 1/ المشاركة في الأرباح بعد موافقة الجمعية العمومية واجازتها للميزانية العمومية ابتداء من العام 2003م و بناءا على توصية مجلس الإدارة 0 2/ حضور اجتماعات الجمعية العمومية العادية و غير العادية للمساهمين لبحث المواضيع المدرجة في جدول الأعمال الموزعة على المساهمين و هي: أ - تقرير مجلس الإدارة و المصادقة عليه ب -الاستماع إلى تقرير مراجعي الحسابات عن الوضع المالي بالشركة و صحة حساباتها و أرباحها و مركزها المالي0 ج -الاشتراك في مناقشة التقارير و الحسابات و الميزانيات و المصادقة عليها0 3/ المصادقة على اقتراح مجلس الإدارة بخصوص توزيع الارباح0 4/ انتخاب أعضاء مجلس الإدارة 0 5/ تعيين مراجعي الحسابات للسنة المالية المقبلة0 6/ تعديل اللائحة و عقد التأسيس 0 7/ تصفية الشركة0 8/ التصويت0 9/ إقالة أحد أعضاء المجلس 10/ يقدم للمساهم مرة على الأقل في كل سنة في الاجتماع العام الميزانية و حساب الأرباح و الخسائر بجانب التقرير من مجلس الإدارة عن أعمال الشركة و المبالغ الموصى بتوزيعها على سبيل الارباح0
مسئولية المساهمين إن مسئولية المساهم محدودة بمقدار ما يمتلكه من مساهمة في رأسمال الشركة0 نقل ملكية الأسهم
1/ لا تقوم الشركة بتحويل و نقل ملكية أي سهم صادر عنها لأي سبب كان و لآي شخص في السودان أو خارجه دون الحصول على موافقة سوق الخرطوم للأوراق المالية و يتم التحويل و النقل في جميع الأحوال وفق الشروط و الوثائق و المستندات التي تحددها إدارة سوق الخرطوم للأوراق المالية و تراها مناسبة0 2/ يتم تسجيل ملكية الأسهم الصادرة عن الشركة و التي يتم بيعها أو شرائها أو تحويلها أو نقل ملكيتها في السوق دون قيد أو شرط باستثناء الحالات التالية:- إذا كانت الأسهم محجوزة أو مرهونة0 إذا كانت شهادة الملكية مفقودة 0 إذا كان بيع الأسهم مخالف لاحكام القوانين و اللوائح التي تحدد النسب المسموح بها0 تقوم الشركة بإصدار إشعار تحويل ملكية لكل عقد تحويل يرسل إليه من سوق الخرطوم للأوراق المالية و يتم تسجيله في سجلاته وفقا لنموذج الإشعار المحدد المعتمد من قبل السوق مع مراعاة بأنه لا تدون الشركة اسم البائع و إنما رقم مساهمته فقط0
الغاية من الإصدار
راس المال العامل الأساسي في عملية التنمية ، والتخطيط الاقتصادي للنمو بأي شركة أو مؤسسة وبالتالي بدورها تحتاج إلى رؤوس أموال لاستثمارها فـي المشاريع المتصلة بنشاطها لتعطى عائـدا وفيرا بجانب تحقيق الهدف المنشود 0 لذا لجأت الشركة السودانية للاتصالات في سبيل تحقيق نهضة وتنمية وأحداث نقلة نوعية في مجال الاتصالات إلى زيادة رأس مالها وذلك لملاحقــة ركب التطور في مجال الاتصالات وكذلك استجابة لرغبة العديد مـن الشركات والمؤسسات والأفراد للمساهمة فــي رأسمال الشركة ، خاصــة وان الشركة السودانية للاتصالات تعطى مردودا مجزيا لحملة أسهمها 0 كما تهدف الشركة إلى استخدام المزيد مـن التقنيات الحديثـة والمتطورة في دعم هياكلها وبناياتها الأساسية 0 إن الغاية من الإصدار يمكن أن نشملها في الآتي : - 1 - تطوير وتحسين خدمات الاتصالات وذلك بالاستفادة من التطورات العالمية في مجال الاتصالات0 2 - تقوية المركز المالي وتوسيع قاعدة المساهمين 0 3 - تأكيد ثقة المساهمين وجديتهم في دعم الشركة0 4 - زيادة رقعة الانتشار داخل وخارج السودان في مجال الاتصالات 0 أغراض الشركة : - تقديم خدمات الاتصال المحلية والعالميـة والصيانــة والهندسة والتشغيل والتركيب لكل أنـواع منتجات خـدمات البنية الأساسيــة للاتصالات السلكيـة واللاسلكية وكذلك جذب رؤوس الأموال واستثمارها فـي مجال البنيات الأساسية للمواصلات السلكية واللاسلكية وذلك بالاستفادة من التقنيات الحديثة والتطور فـي هذا المجال والعمل على إدخالها بالسودان لمواكبة التطورات العالمية
مصادر تمويل الشركة
تعتمد الشركة في عملياتها على مصادر التمويل التالية : - 1/ المصادر الذاتية وتشمل راس المال والاحتياطات المختلفة 2 / المصادر الخارجية وتشمل المدفوعات المقدمة والتسهيلات المصرفية والتمويل من المؤسسات المحلية والعالمية وتتمثل في : أ/ قروض قصيرة الأجل من مؤسسات محلية وعالمية 0 ب/ قروض طويلة الأجل من مؤسسات عالمية ومحلية0
حركة سعر السهم في السوق الشركة تم إدراجها في سوق الخرطوم للأوراق المالية في فبراير 1997 وذلك بسعر افتتاح للسهم 650ر17 دينار أي ما يعادل 100 دولار في ذلك الوقت وقد تم تجزئة السهم إلي عشرة أسهم ليكـــون سهل التداول ويستطيع أكبر قطاع مـن المستثمرين من الدخول في تركيبة مساهمي سودا تل 0 بعد التجزئة نفذ سهم سودا تل بسعر 200ر3 دينار فـي مايو 1999 ليصل إلي 350ر4 دينار في ديسمبر 2001 م و0 ويعتبر سهم سودا تل أكثر الأسهم تـداولا في البورصة خلال الأعوام 99-2001 كما أن هنالك طلبات شراء ضخمة بسوق الخرطوم للأوراق المالية وقد تراوح سعر التداول مابين 4.000 إلى 4.100 دينار خلال العام 2002 وصف الشركة وطبيعة أعمالها إن الشركة السودانية للاتصالات "سود اتل" شركة مساهمة عامة ذات مسؤولية محدودة ، تم تسجيلها لدى المسجل التجاري العام تحت الرقم ش/7484 بتاريخ 7/3/ 1993م وافتتحت رسميا في 14/2/1994 م0 بدأت الشركة أعمالها برأسمال مصرح به قدره 150 مليون دولار مقسم إلى 1.5 مليون سهم قيمة السهم الواحد الاسمية مائة دولار أمريكي ، اكتتب في 899.000 سهم ، وقد قررت الجمعية العمومية زيادة رأس المال المصرح به إلى 300 مليون دولار وقد ارتفع رأس المال المدفوع إلى 101.137.500 دولار أمريكي وذلك بعد رسملة الأرباح ، ثم تمت زيادة رأس المال المدفوع مرة أخرى إلى 211.728.670 دولار أمريكي عن طريق طرح أسهم للاكتتاب العام 0 ثم ارتفع إلى 690ر073ر254 دولار أمريكي نتيجة رسملة جزء من الأرباح 0، ثم أصدرت الجمعية العمومية قرار في عام 2002م يقضى برفع رأسمال الشركة إلى 750 مليون دولار وقد وصل رأسمال الشركة المدفوع إلى 299.917.935 في نهاية العام 2002م 00
من موجهات الخطة لعام 2003م وبعض مؤشرات الخطة الخمسية(2004م - 2008م) :-
· رفع عدد المشتركين إلي 1.2 مليون مشترك بمعدل زيادة 50% سنوية 0 · توسيع شبكة الخدمات الخاصة لتشمل تطوير الإنترنت ،· التعليم عن بعد ،· التراسل الطبي ،· الهواتف العمومية 00 الخ 0 · توسيع المنافذ الخارجية وزيادة دوائر الشبكة واستيعاب مزيد من الحركة وذلك بالعمل مع راسكوم وكومتيل لربط دول الجوار كربط إثيوبيا /السودان و ربط السودان /مصر خلال العام 2003م0 · إدخال شبكات الاتصالات المتنوعة (Multi Media ) والشبكات الذكية ( Intelligent Network) والاستمرار في إدخال التقنيات الحديثة أولا بأول كالتلفزة الرقمية وغيرها 0 · تقليل تكلفة تشغيل الخط التلفوني من 137 دولار سنويا حاليا إلى 72 دولار سنويا بنهاية الخطة 0 من موجهات شبكة الاتصال :- 1/تطوير خدمات الهاتف العمومي في المواقع الحضرية المختارة لتشمل خدمات الفاكس والبريد الإلكتروني والانتقال بالهاتف العمومي في المناطق الريفية بالتدرج إلى مراكز اتصال متعددة الأغراض 0 2/الانتقال المتدرج لشبكات الجيل الثاني( (NGNبأسلوب تطوري (Evolutionary) ، بحيث يتحقق التقارب بين الشبكة الهاتفية والبيانات والانتقال الشامل على مراحل محسوبة تأخذ في الاعتبار مختلف العوامل المرجعية ومعدلات نمو الحركة الهاتفية وحركة البيانات 0 3/ تخطيط الشبكة القومية للتراسل - وفق الأسس والمعايير العالمية - في اتجاه زيادة حجم الحركة المنقولة من دول الجوار ( Land Locked ) بهدف الاستفادة القصوى من الكيبل البحري 0
1) طبيعة أعمال الشركة : تقوم الشركة بجميع أعمال الاتصالات 0 2) مساهمات الشركة : (1) شركة موبيتل للهاتف السيار (60% مملوكة لسود اتل قيمتها 22.90 مليون دولار أمريكي) (2) الشركة البريدية للاستثمار والتجارة المحدودة (253ر8 دولار)0 (3) شركة سو دانت 51% من رأس المال 0 (4) شركة هواتف 40% من رأس المال 0 (5) شركة الثريا للاتصالات الفضائية (1 مليون دولار أمريكي ) (6) مركز التجارة الخارجية( 145ر5 دولار ) 0 (7) مستشفى الشرطة (808ر61) 0
مجلس إدارة الشركة - العضوية الممثل الجهة الرئيس د0 احمد مجذوب احمد حكومة السودان 1 نائب الرئيس م0 عبد الباسط حمزة الحسن مجموعة التقنية المتطورة 2 عضو المجلس عادل عبد الجليل بترجى عادل عبد الجليل بترجى 3 ,,,,,,,,,,,,, سالم على الشرهان مؤسسة الامارات للاتصالات 4 ,,,,,,,,,,,,, عبد القادر محمد احمد صالح حكومة السودان 5 ,,,,,,,,,,,,, م0 عبد الوهاب محمد عثمان مؤسسة دان فوديو الخيرية 6 ,,,,,,,,,,,,, احمد عبد الله احمد عمر عبود العمودي 7 ,,,,,,,,,,,,, إسامة داؤود عبد الله بيطار وشركاؤه 8 ,,,,,,,,,,,,,, إبراهيم عبد الله الحبيب مؤسسة أبنائي للاستثمار 9 ,,,,,,,,,,,,,, عبد الكريم احمد محمد إدريس شركة مياه النيل 10
وتختص اللائحة على الآتي : - 1/ يتكون مجلس الإدارة من عشرة أعضاء على أن تكون مدة مجلس الإدارة ثلاث سنوات ويكون انتخابهم عبر الجمعية العمومية على أن تعين الحكومة عضوين من أعضاء المجلس تعتمد تعيينهم الجمعية العمومية ، بينما ينتخب حملة الأسهم من الفئة الأخرى الأعضاء الثمانية من مجلس الإدارة من دون أن يكون من بينهم مرشحون آخرون للحكومة 0
صلاحيات المجلس : - (1) يجوز لمجلس الإدارة أن يمارس كل سلطات الشركة في اقتراض أي مبلغ من المال وان يعمل على أيجاد الضمانات المتعلقة بموجودات وعقارات ورأس مال الشركة الذي لم يحل موعد دفعه وان يصدر الصكوك والأوراق المالية وغيرها من الضمانات سواء كانت مباشرة لضمان وفائه بالديون والأموال التي يقترضها أو بضمان قيامه بأي التزام أو مسئولية يطلع بها أو يطلع بها الغير ويمارس مجلس الإدارة هذه السلطة بما لا يخالف توجيهات الجمعية العمومية للمساهمين 0 (2) يقوم مجلس الإدارة بإدارة أعمالها ويجوزله أن يدفع جميع نفقات الشركة وله أن يباشر جميع سلطات الشركة والتي يتطلب القانون أو النظام الأساسي أو اللوائح الأخرى أو القرارات التي تصدرها الجمعية العمومية ممارستها بواسطة الجمعية العمومية0
زوال أهلية أعضاء مجلس الإدارة:- 1/ إذا استقال عن منصبه بإخطار كتابي 0 2/ إذا صدر قرار فوق العادة بعزله0 3/ إذا صدر أمر بتعيين حارس قضائي أو وصل إلى تسوية صلح مع دائنيه لحالة إفلاسه 0 4/ إذا اصبح مختل العقل
إجراءات الاكتتاب
1/ تقدم طلبات الاكتتاب من قبل المستثمرين وفق النموذج المرفق مع نشرة الإصدار والذي يمكن الحصول علية من مراكز الاكتتاب التالية : - 5 - يتم الاكتتاب داخليا عبر المراكز التالية : - أ - شركة ترويج للاستثمار المالي 0 ب - الشركة العالمية لادارة المال 0 ج - الشركة القومية للمعاملات المالية 0 د - بنك الخرطوم وفروعه هـ بنك البركة السوداني و - مراكز الاكتتاب المذكورة في الصفحة 2 6/ يتم الاكتتاب خارجيا عبر مراكز الاكتتاب التالية : 1- بنك النيلين ابوظبى 2- السفارة السودانية - الرياض0 ج - القنصلية السودانية -جده د - الوكلاء في الخارج هـ - الوكلاء والمراسلين بالخارج ( وفقا للكشف الموضح ) على أن يضاف المبلغ إلى حساب بنك الخرطوم - فرع البرلمان - لصالح الشركة القومية للمعاملات المالية حساب رقم 52757 مــع ذكـر اسم المساهم رباعيا واشارة إلى اكتتاب سود اتل 0 2/ يعبأ طلب الاكتتاب ويوقع عليه ويسلم مع قيمة الاسهم المكتتب بها ( مع كتابة الاسم رباعيا ) إلى مركز الاكتتاب 0 3/ يبدأ الاكتتاب العام اعتبارا من صباح عمل يوم 20/4/2003م وينتهى بنهاية عمل يوم 19 / 5 / 2003م 4/ تسدد قيمة الأسهم كاملة عند الاكتتاب 0 5/ تقبل كل طلبات الاكتتاب ما عدا الطلبات التي تخالف الشروط التي تخضع لها إجراءات قبول الاكتتاب 0 6/ أسلوب التخصيص المزمع اتباعه في حالة زيادة عدد الأسهم المكتتب بها عن عدد الأسهم المطروحة هو تخصيص الأسهم للمكتتبين كل بنسبة ما اكتتب به 0 7/ تعاد الأموال الفائضة عن عملية التخصيص أو في حالة رفض طلب الاكتتاب للمكتتبين خلال شهر من تاريخ إغلاق الاكتتاب العام 0 8/ الشروط التي يخضع لها قبول الاكتتاب : - # لا يجوز الاكتتاب بأسماء وهمية # لا يجوز لاكثر من شخص الاشتراك في طلب اكتتاب واحد إلا إذا كانت شخصية اعتبارية 0 9/ يجب ألا يزيد عدد الأسهم المكتتب بها عن الحد المسموح به 0 10/ تشترك الأسهم المكتتب بها في الأرباح اعتبارا من أرباح عام 2003م 0 11/ ليس هناك قيود على اكتتاب غير السودانيين باسهم الشركة على أن يتم تحويل مبالغ مساهماتهم بالطرق الرسمية 0
مكاتب الترويج
داخل السودان 1/ شركة ترويج للاستثمار المالي -جوال 012132886 حساب رقم 2-4-3072-6921 بالدولار بنك السودان - الفرع الرئيسي حساب رقم 1-3072-6919 بالدينار السوداني- بنك السودان -الفرع الرئيسي 2/ الشركة العالمية لادارة المال - جوال 012218393 حساب رقم 915 بالدولار بنك البركة فرع الزهراء -الخرطوم 3/ الشركة القومية للمعاملات المالية- جوال 012353797 حساب رقم 52757 بالدولار بنك الخرطوم فرع البرلمان 4/ بنك الخرطوم وفروعه بالعاصمة والأقاليم 5/ شركة سكسيص ديلنق المحدودة تلفون 799775 موبايل 012291073 6/ شركة الأمين للأوراق المالية تلفون 765165 -765166 جوال 012295825 7/ شركة المهاجر للخدمات المالية جوال 012141967 8/ شركة قرين قولد للأوراق المالية تلفون 782485 9/ شركة الأعراف للأوراق المالية تلفون 763355 10/ شركة بر انتو للخدمات المالية تلفون 767390 - 792677 11/ شركة الكاشديب للأوراق المالية تلفون 776704 جوال 012639139 12/ شركة المستشار للأوراق المالية تلفون 762672 جوال 012630763 13/ بنك البركة السوداني وفروعه
خارج السودان :- بنك النيلين - ابو ظبي بنك قطر الإسلامي -الدوحة السفارة السودانية -الرياض السعودية القنصلية السودانية - جد0 بنك ابوظبى الوطني 0-ابوظبى مكاتب شركة الهاجر للخدمات المالية التحويلات المباشرة من الخارج مراسلي بنك الخرطوم حساب رقم 52757 طرف بنك الخرطوم- البرلمان Arab Bank For Investment &Foreign Trade( Abudabi)- -Mashreg Bank PSC ( Dubai) -The Arab Investment company ( Bahrain ) -The national commercial Bank ( Jeddah ) -National Bank of Sudan ( Cairo) -Riyad Bank ( Riyad)
http://www.sudatel.net/arabic/ads/15-4-2003.htm
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: ensana)
|
الاخوة الاعزاء تحياتي
وسلام خاص للاخت انسانة الانسانة
طبعا انا مطول من السودان عشان كده ما ح اقدر افتي في الحته دي كتير لكن بعتقد انو موضوع الاسهم ده ما مناسب تمام مع الحالة دي لانو الاسهم ما الدجاجة البتبيض بيضة دهب كل يوم وبتعتمد علي اشئاء كتيرة جدا جدا ولانو انا ما عندي معلومات كافية عن الشركات في السودان ما ح افتي لكن بفهم بسيط للوضع الحالي انو ما مستقر وكل يوم قانون ونظام جديد حسب مصلحة السلطة وناسها وده ما موضوعنا والشئ التاني عشان اشتري لي اسهم في شركة اقلها اكون عارف المركز المالي حقها واكون بعرف شوية تحليل مالي بسيط وفي شركات بين يوم وليلة فلست واكبر دليل شركات الطيران في امريكا بعد 11 ديسمبر ماعايز اخوض كتير في موضوع الاسهم ده . وكلمةللاخوان البقولوا مشروعات طموحة ومرة مصلحة البلد ومرة شنو رجاء يكونوا موضوعيين شوية ويتعاملوا مع الحالة لانها خاصة شديدد واي زول لي قدام يااخوانا يراعي الظروف الموضوعية للحالة واهم شئ درجة المجازفة لانو الوضع ما بتحتمل الومعروف انو الربح بزيد مع درجة الرسك وبقل معاها عشان كده الناس تكون تنظر للموضوع من جميع جوانبه
انا شايف انو لو راس المال كتبير شوية يتخيل لي انو العقار يااخوانا درجة الرسك في المشروع سلم مشروع واضمن مشروع لعدة عوامل انو ما عايز ادارة والشئ التاني ما عنده مصاريف مباشرة فيه والشئ التاني قيمته زايده كل يوم والمثل بقول العقار ابن بار وبرضو في واحدين بقولوا العقار استثمار جبان ما مشكلة الخواف ربي عياله . وبرضو في محلات فتحت اسمها قدر ظروفك في السودان لبيع ادوات ومستحضرات التجميل وهي عبارة عن تجزئة التجزئة يعني ممكن نص علبة كريم او كده وشغالة شديد وبتكون في داخل الاحياء يعني مع شوية تلقيح كده مع كلام ود قاسم ممكن الشغلة تزبط شديد وبرضو برجع وبقول انو الرسك ماعالي هنا لانو التكلفة بتاعت الانشاء ما كبيرة
وربنا يكون في عون الجميع
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: ensana)
|
انسانة وآخرين كيف حالكم المشروع ليس فكرة أو رأس مال فقط ، المشروع إدارة أكثر من أي شئ الإدارة واحد من أهم عناصرالانتاج وهناك جانب يهمله السودانيون في استثماراتهم وهو جانب التسويق وهذا مهم للغاية ، نحن نمارس الاستثمار المتخلف ولذلك لا ننجح أو لا نستمر أو نظل في خانة محلك سر أي من المشاريع التي ذكرتها آنفا يمكن أن ينجح ويمكن أن يفشل وأن تلعنني هذه الأرملة هي وأبناءها أمد الدهر بالرغم من ان الفشل كان سببه الإدارة وليست الفكرة خليها تركز على أدوات التجميل والعطور وتعمل بجد واجتهاد وتدير العمل بنفسها وستجد مني ومن الآخرين العون الاستشاري إن رغبت وأنا مستعد للمتابعة معها حتى تقف على رجليها التحية لك ولكل أم عاملة
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: ensana)
|
العزيزة انسانة تحياتي كما ذكر الاخوة وذكرت لكي ان هنالك بعض المشاريع بسيطة في راسمالها كبيرة في فائدتها ولكن تتوقف على نوعية المشروع المواصلات وسيلة ربما تكون ناجحة اذا توفرت لها شروط النجاح واهمها الامانة والنزاهة في من يؤكل اليه امرها وثانيها الصيانة الدورية والتجديد المستمر للعربة حسب ما ذكرتي بان لكي كم مليون كده افتكر انو ايجار محل تصوير مستندات واتصالات وطباعة بحوث في المقرن بالذات كما ذكرت لكي ان يقع بين الفرع وجامعة السودان وانا بعرف محل ماجر بمبلغ ليس كبير مائة وخمسون الف جنية وهو يقع في مركز الخرطوم غرب وهي كمية من المكاتب التي فتحت حديثا ودخله ممتاز جدا وبعد كده احسن تقرري بسرعة لانو كترة الافكار ربما تجعلي في موازنات انتي في غنى عنها اما موضوع الاسر المنتجة دا شكلو برضو مربح لكن كيف الوصول ليهو اسالي الجماعة اياهم
| |
|
|
|
|
|
|
Re: ركشة،امجاد،انترنت كافيه و لا مطعم ياتو مشروع فيهم النافع الان في .؟ساع (Re: ensana)
|
الاخت انسانه عساك عافيه اولا فى مكاتب دراسه جدوى فى السودان وكتيره ويمكن يشفو ليك الحجات المافيها جمارك يعنى معفيه وتانيه المساحه الفى العمارت دى مربع كم وهل بطل على احد الشوارع الريسه شارع المطار او الصحافه او الملك فهد نحن شركه هندسيه وممكن نعرف تقيم الارض وتكلفه التشيد عندى مشروعين مجربات واحد مزرعه دواجن صغير يعنى الزوال بقول بتاجير مساحه يعمل عليها قفص يشيل 10000 دجاجه ودى ممكن ياجر فى حله كوكو دى عندى كل تفاصيلو اما التانى مصنع تلج صغير يعنى بحتاج لمساحه 5 متر فى 8 متر وفى شركه فى عماره ابو العلاء بتعمل الشغل كلو وعندى صديق سوف يرسل لى داسه جدوه عن التكلفه بكره احتمال كبير للمعلوميه انا فى السودان ودعقاب
| |
|
|
|
|
|
|
|