|
|
 هل الزولة دي اتصرفت صح؟
|
المشاكل الاقتصادية تزج بنفسها في العلاقات الانسانية
هي بنت كويسة جدا من كل المقاييس...هو ايضا شاب كويس..تقدم لخطبتها ..وافقت..ووافقوا...بعد فترة جائها في مقر عملها يسألها تاجيل موعد الزفاف لسنتين او ثلاثة لان اخوانه و اخواته يعتمدون عليه اقتصاديا و لا يستطسع تحمل نفقات زواج الان...هي قامت بانهاء الموضوع و قالت ليهو اعتبر الموضوع منتهي
هل تصرفها كان خطأ ام انه كان لازم تتناقش معاه مرة و تانيه لعله يغير رايه؟
و هل كلام هذا الرجل صح و منطقي مع العلم انه عمله جيد ؟
هل على الفتاة انتظار الشاب زمن طويل في هذا الزمن؟
|
|
 
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
المسألة بتعتمد على إقتناع كل منهم بالآخر ومستوى التفاهم بينهم
وإذا أتخذ الخطيب هذا القرار منفرداً ودون إستشارتها فأنا شخصياًأعتبره متهرب
ويريد عرقلة الامور ليس إلا وخاصة إنتي قلتي إنه مرتاح في شغله ووضعه المادي كويس
وأرى أن صديقتك هذه تصرفت صح 100% لأن المسألة مرتبطة بمستقبل وفرص وطالما هي مرتبطة به سوف تضيع على نفسها فرص أخرى للزواج ربما من شخص أحسن منه
وإيه البيضمن إنه بعض إنقضاء السنوات أو قبل إنقضائها تجده متزوجاً بفتاة أخرى
قولي لصاحبتك إنها تصرفت صح وما تندم عليه أبداً
| |
|
|
|
|
|
|
|
|
|
Re: هل الزولة دي اتصرفت صح؟ (Re: Habib_bldo)
|
ايوى هو اتى و طرح عليها الموضوع و هي رفضت
..لكن عارف ما كان في وقت كفاية يمكن للتفاهم اعتقد لانو يا دوب الموضوع بدأ و تقدم ليها مباشرة اول ما شافها
لكن اخ حبيب بلدو ما بتعتقد انو دا نوع من عدم المسؤلية منو يمكن...لانو كونوا غير مستعد للزواج حاليا لماذا في الاساس يتقدم ليها؟؟.....ما يستنى لغاية ظروفوا ما تتحسن و يفكر في فكرة الزواج...
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
ensana سلام
افتكر تصرف الفتاة والشاب سليم لان الظروف الاقتصادية تلعب دور اساسى
بالنسبة للشابة وانتظرها للشاب فترة طويلة فى هذا الزمن يعتمد عليهم الاثنبن فقط وفى تجربة قبل فترة تم نشرهافىهذا المنبر من الاخ ايهاب
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
الاخت العزيزة انسانة كيفك
طبعا الموضوع يعتبر مهم شديد وكتير من الشباب والشابات
بصتدمو بيهو فى ظل الاوضاع الراهنة دي بس بصراحة الشباب
مدين الاوضاع دي شوية بوهيةوشاغلة مساحة اكبر من حجمها الطبيعي
فى رؤسهم.
الحكاية بتاعت ظروفي تصلح شوية دى عبارة بصراحة نيه شديد
زي ما بوقلو حبوباتنا ما في كلام زي ده ابدا. عندي سؤال
معين هل هنالك وضع مادي معين على ضؤه يقرر الرجل الزواج من
المراة التى اقتنع بها زوجا له؟؟؟ واذا كان فعلا هنالك
اتمنى ان يصفه لي من يؤكد ذلك.
هنالك رجل مسئول واخر لا وكذلك بالنسبة للبنت قد تكون
واعية ومسئولة او لا.
ما دام الشاب لديه عمل بغض النظر عن راتبه او وضعه المادي
وعرض على البنت فكرة الزواج وهي اقتنعت بوضعه وشخصه، ولم تبدي
اي تذمر من وضعه المادي. وجاء اليها بقولك هذا تكون سازجة اذا لم تكن غبية اذا صدقته. و بصراحة كده وبدون رتوووووش ده واحد عايز يجكس سااااي. والمفروض البنات يعملوا حسابهم من النوع ده اللهم الا اذا عايزات يجكسن هن كمان وده يبقى شيتن تاااني.
وشكرا ليك كتير على الموضوع الرائع ده
اخت انسانة
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
انسانة ازيك
شفت اسمي في البوست قلت اخش واقول انو دي ما انا
يمكن زولة تانية
لاكن مادام دخلت البوست حاقول رأيي
اولا سعيدة بكلام الناس فوق ولاول مرة اجدهم ينقدون في الموضع الصحيح
حيث تعودنا في مواضيع التصادم بين الجنسين ان يذود كل منا ببني جنسه ويحاول ان يبرر مواقفهم ويدافع عنهم
ثانيا انا معاكم الزول ده ما جادي ومن الاول الوداه يخطب شنو؟
انامن اشد معارضي الخطبة لفترة طويلة
طبعا ما معناها الناس ما يعرفوا بعض, لاكن ممكن بطريقة محترمة وفي النور ايضا لاكن من دون خطوبة او ما يسارع الاهل فيه بعقد القران اول ما يجيهم زول
طبعا اغلب التبعات بتقع على البنت وكونها مخطوبة سابقا بتنقص من الكريدتس بتاعتها حبة
يعني الحالة صعبة من اساسه تمشي تجيب ليها بلوة تانية لي؟ تصبر اخير مش لوول
ارجع لاصحابك في القصة
اعتقد لو اخبرها منذ البداية بمسؤلياته كان ممكن تتفهم واذا كانت بت حلال وهم كثير ما حيكون عندها مانع يصرف على اهلهم ويتزوجوافي نفس الوقت
وبعدين طول المدة ده بيولد حاجات تانية
والخوف لمن يلقاها استنته سنتين يمدها لتلاتة وارعبة وخمسة
والخوف الاكبر بعد داك يكون زهج منها
ويفتش واحدة طازة ما عرفها ودي عادة بيخطفها خطف يعني على المأذون طوالي
وصحبتنا المسكينة دي تفتش في الغلط العملتوا وين
وجايز تجيها حالة نفسية من الصدمة
يتناسب سوء هذه الحالة طردا مع المدة العرفته فيها 
نجي لآخر حاجة, هم الناس بيعرسوا لي شنو؟
 ووكت ما هو بيقدر يستني سنتين تلاته, خليها تقول ليه:
خد ليك لفة يا ود العم وتعال لي بعد 3 سنين كان لقيتني فاضية الوقت دك نشوف
قولي ليها النصيحة دي من اختك زولة 123 الخايبة لووول
تحياتي وحبي
زولة123
| |
|
|
|
|
|
|
|
|
|
Re: هل الزولة دي اتصرفت صح؟ (Re: zola123)
|
انسانه
كيف احوالك
شوفي بامانه الزول ده زائق
وما قدر المسؤليه
والسوتو الزوله ديت ده كلام سليم ميه الميه
ليه؟
لانو الزول ده كان مفروض يكون تكالو علي الله لو البت دي قناعاتو الحقيقيه لانو رسولنا الكريم بشر الذين يودون العفاف بان الله كفيل بتسهيل امورهم وبعدين حاجه تانيه الزواج من الزوله ديت يعتبر رزق جديد اضيف الي رزق هذا الرجل ورفضه يبقه البت ديت تصرفت بشكل سليم ولا غبار عليها
ولك كل التحايا وكل الود
ابونور
| |
|
|
|
|
|
|
|
|
|
Re: هل الزولة دي اتصرفت صح؟ (Re: zola123)
|
زولة ازيك كيف تمام كدا
انا معاك انو الراجل دا ما كان جاد و صريح كفاية...صحي هو جاى و خطبها من اهلى لكن من الاول قبل ما يأمل البنية ساي كان يقول انا ما بقدر اعرس الى بعد خمسين سنة ...عارفة دا يازولة كلو غموض الراجل السوداني اساس كل المشاكل..هو حسي مافي مشكلة ..لانو عادي الناس ممكن ما تنفع مع بعض ..لكن المشكلة في الزولة الاملة في الزول دا و يمكن تكون حبتوا كمان و اكيد حتكون حبتوا لانه جاء في وقت انقاذ ليها من بورة متوقعة...فلي من الاساس دا كلوا
مافي بت اتخيل لي بترفض مسؤلية الراجل عن اهلوا ..لانو مافي شاب سوداني حاليا غير مسؤل من اهلوا و دي نقطة كويسة و بزيد من احتراموا...لكن لازم البت تقتنع بي دا و الشاب يقدر اقتناع الزولة دي
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
الاخت انسانه
اعتقد انها اتصرفت صاح
استنادالي نو مافي شي اساسا يربطم بي بعض
و يستحق التضحيه والانتظار
لو كان في شي كان حاولو اتناقشو و وجدو حلول
الاتنين ما بحبو بعض
عشان كدا البيع كان سريع
هو حسبا سريع
و هي برضو حسبت المساله سريع
و ريحتو
يا ربي
ناس زي ديل لو كان اتزوجو
زواجم كان حا يكون شكلو كيف
اكيد مستحيل انو ينجح
يعني على الاقل يكون في طرف متعلق بالاخر
غايتو زمن عجيب
تحياتي
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
الاخت انسانة لكي كل الود والاحترام اول في رأي ان الزواج قرار وهذا القرار يبني علي عدة عوامل ومن اهمها الوضع الاقتصادي فلا يمكن ان يكون قرار الزواج لمجرد انه وجد من تناسبه لان الزواج مسئولية ونواة لاسرة لابد ان نكون مستعدين له . فاذا كان هذا الشاب غير مستعد لهذا القرار فمن باب اولي عدم اتخاذه او الشروع فيه لانه يعلم سلفا وضعه المادي والاسري واذا كان ت رغبته في الارتباط بهذه الفتاة قوية ويخاف ان يفقدهايجب مصارحة الفتاة بكل هذه التفاصيل قبل اتخاذ اي خطوة ولها حرية الاختيار ولكن في ظل الوضع الراهن لايمكن ان نلوم الفتاة خصوصا مع تعقيداتنا الاجتماعية والضغوط التي تمارس علي الفتاة من قبل اسرتها والتي يمكن ان تمارس علي الشاب من اسرته في المستقبل الشئ الاخر الذي اود الاشارة اليه هو ان ه ليس هناك وضع مثالي او نموذج محدد للوضع الاقتصادي الذي يسمح به للشاب الزواح واستند الي المقولة الاقتصادية ان الانسان حزمة احتياجات لا تنتهي ابدا , والشئ التاني والاهم هو ان الرزق من الله والرسول الكريم قال يا معشر الشباب من استطاع منكم الباءة فليتزوج في رأي ان الشاب قد اخطاء عندما قام بطلب التاجيل والكل يعلم وضعنا الاقتصادي المتردي ومسئولياتنا الغير منطقية في بعض الاحيان تجاه الاهل اقصد الغير مباشرة وضرورية ـــــــــــــــــــــــــــــــــــــــــــــــــــــــــ اغني لشعبي ومين يمنعني اغني لقلبي اذا لوعني
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
الاخت انسانة لكي كل الود والاحترام اول في رأي ان الزواج قرار وهذا القرار يبني علي عدة عوامل ومن اهمها الوضع الاقتصادي فلا يمكن ان يكون قرار الزواج لمجرد انه وجد من تناسبه لان الزواج مسئولية ونواة لاسرة لابد ان نكون مستعدين له . فاذا كان هذا الشاب غير مستعد لهذا القرار فمن باب اولي عدم اتخاذه او الشروع فيه لانه يعلم سلفا وضعه المادي والاسري واذا كان ت رغبته في الارتباط بهذه الفتاة قوية ويخاف ان يفقدهايجب مصارحة الفتاة بكل هذه التفاصيل قبل اتخاذ اي خطوة ولها حرية الاختيار ولكن في ظل الوضع الراهن لايمكن ان نلوم الفتاة خصوصا مع تعقيداتنا الاجتماعية والضغوط التي تمارس علي الفتاة من قبل اسرتها والتي يمكن ان تمارس علي الشاب من اسرته في المستقبل الشئ الاخر الذي اود الاشارة اليه هو ان ه ليس هناك وضع مثالي او نموذج محدد للوضع الاقتصادي الذي يسمح به للشاب الزواح واستند الي المقولة الاقتصادية ان الانسان حزمة احتياجات لا تنتهي ابدا , والشئ التاني والاهم هو ان الرزق من الله والرسول الكريم قال يا معشر الشباب من استطاع منكم الباءة فليتزوج في رأي ان الشاب قد اخطاء عندما قام بطلب التاجيل والكل يعلم وضعنا الاقتصادي المتردي ومسئولياتنا الغير منطقية في بعض الاحيان تجاه الاهل اقصد الغير مباشرة وضرورية ـــــــــــــــــــــــــــــــــــــــــــــــــــــــــ اغني لشعبي ومين يمنعني اغني لقلبي اذا لوعني
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
يا أنسانه..
صديقتك هذه واعيه وتصرفت بعين العقل والحكمه ..هذا الكلام ياتى من واحده انتظرت بالسنين.. ولكننى وافقت عن قناعه وهو لم يتقدم لى ثم واجهنى بالامر الواقع.. ولو كان قد فعل لربما كانت النتيحه مختلفه..
اما الان بعد ان (كبرت وعقلت) لا اريد ان اقول ان الانتظار اكذوبه.. ولكننى احذر كل الانسات منه..فهو مر..وغير مضمون العواقب..ولا يدفع اى احد الثمن الا المرأه , حتى ولو تزوحت فى النهايه .
أسأل محرب ولا تسأل طبيب..
MY advise to all women (Never put your life on hold, not for anyone)
سلامى..
| |
|
|
|
|
|
|
|
|
|
Re: هل الزولة دي اتصرفت صح؟ (Re: Outcast)
|
الساحر ممكن تسمح لي ارد على Outcast
اول حاجة لانو ليدز فيرست و كدا ...و عشان اقوم ارفع البوست النزل تحت دا و انت برد عليك بكرى عشان برضوا ارفع بيك البوست
Outcast
اول شي قول لي اسمك دا معناهو شنو
المهم
فعلا البت ما تستنى لانوا وضعها ما زي وضع الشاب من عدة نواحي و
اهمها نواحي طبية و كدا
و المرأة 99% هي ما تدفع كل نتائج الفشل و المجتمع اذا تطلقت مثلا للتخلص من الفشل يكون قاسي جدا عليها و اذا صبرت ما حتخسر الى اعصابها
المهم شكرا شديد على تجربتك
و بدعي باقي الاعضاء يورونا اذا مروا بتجربة زي دي او مشابهة
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
انسانه
زولتك دي من الاول غلطانه
ده مازمن خطوبه وكلام زي ده
ده زمن امسك لي واقطع لك طوالي
طالما هي وافقت مافي داعي للخطوبه ولا عقد زاتو
عرس طوااالي
وانا ما عارف الشباب ليه بعملوا كده
الواحد يتقدم ويخطب وبعد داك يجي يقول انا داير البنت تنتظرني شويه
ومن الاول انتا متقدم ليه ابوالشباب
خلوا بنات الناس في حالهم
عسي ولعل يجيها الفيه النصيب
بدل التعليقه دي
ولا كيف؟
| |
|
|
|
|
|
|
|
|
|
Re: هل الزولة دي اتصرفت صح؟ (Re: Bakhaf)
|
انسانه ازيك
وشكرا لعرضك معاناة مليون انسانه
بس صعب اقول ليك تصرفه دا صح ولا لا لانو في حاجات كتير لازم الزول يكون ملم بيها في الموضوع.. مثلا الزول دا صادق في كلامو ولا لا
طيب ممكن يكون كلامو دا انسحاب بالادب
وبرضو ممكن يكون صادق وفي الحاله دي نشوفه هي بتقدر تنتظر ولا لا
وعامل السن في الحته دي مهم جدا ..
بس نصيحتي لاي بت عليك بالزول الجاهز والحب ملحوق افهمنها يا بناتنا خلاااااااص
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
انسانه..
Outcast معناها Outsider
وهو اسم ما ظريف لعويا.. ولكن احيانا بيحكى عن حاله تنتابنى ...
أنا اشرت لتحربتى ليس لانها فاشله .. بل العكس..ولكن ..هل تريدين رأى حقيقة فى موضوع الزواج عموما.. هذا هو:
الحب ..او الارتباط المسبق قبل الزواج لا(اكرر) لا علاقة له بفشل او نجاح الزواج..
فى رأى انا (وهذا رأى انا فقطـ)ـ الزواح لكى ينحح (وكل انسان لديه فهم خاص به لكلمة نجاح) ولا اعنى محرد الاستمراريه بل اعنى التفاهم و قناعة كل طرف بالاخر وبحياتهم المشتركه.
يجب ان يكون هناك تقارب فى وحهات النطر حول ماهو الهدف من الزواح , فالناس تتزوج لاسباب كثيره ومتفاوته وكل منا لديه تصوره لما يجب ان تكون عليه الحياه بعد الزواج ودور كل طرف ومسئوليته تحاه نجاح هذه المؤسسه . لكل منا فلسفته ومنطقه اللذى يتعامل به تجاه الحياه, الناس, وتحاه نفسه. اذا حصل اى تصادم بين منطق الطرفين تحاه الحياه, سيستحيل حل اى مشكله لانه لاتوجد ارضيه مشتركه للنقاش من اساسه. وهذه الفلسفه تجاه الحياة لاتأتى مصادفه او بقراءة بعض الكتب انما هى محصلة بيئه اجتماعيه تربى عليها الطرفين وعوامل نشئه ايضا وتراكمات تجارب و عوامل كثيره هى اللتى تشكل وعينا بكل شئ ومن ضمن هذه الاشياء تصورنا لمؤسسة الزواج .
على كل, عشان ما اتفلسف كثير, وكل اللذى ذكرته اعلاه طبعا معروف مسبقا لكل شخص..
ولكن نرحع لموضوعنا عن الانتظار.. اذا اتفقنا ان الاسباب اعلاه هى اللتى تحدد نجاح الزواج من عدمه فلماذا الانتظار؟؟.. صدقينى..وسأقول لك ما لن يقله لك الاخرون.. الزواح لا دخل له بانتظار او علاقه عاطفيه.. له دخل فقط بتوفيفك فى اختيار شخص تحس معه ان الشروط اللتى ذكرتها متوفره..وانكم متوافقون فيها. مش تحب زول او زوله وتحاول ان تفصل جلابية الزواج لتصبح على مفاسه..
ولذلك قلت ان تصرف صديقتك كان عين العقل فا لواضح ان منطقه وطريقته لاتنفع معها ..
هناك ايضا اسباب بيولوحيه تجعلنى لا احبذ مسألة الانتظار مثل مسألة الاطفال والتربيه وهذه مسأله انا شخصيا كنت غافله عنها لانك لما تكون صعير لاتفكر فى (الساعه البيولوحيه) كما يسمونها هذا اذا اضفت عليها الضغوط الاحتماعيه اثناء فترة الانتظار. واصبحت اعتقد ان كثير من الرجال يقومون بازاحة هذه الضعوط عنهم وتحميلها للانسانه اللتى ترتبط بهم , ولا اعتقد ان من يحب انسانا يحاول ان يحعله يحمل عنه مسئولياته بل على العكس.)..
غايتو , الموضوع متشعب وهو يقودنا الى مناقشة ما نريده من الزواح قبل ان نكتف ايدينا وننتظر فرح الله.
Marriage: "What's love got to do with it ??"..
أ رجو ان اكون قد اوضحت رأى بصوره احسن
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
ياانسانة
انا شايف البنت اتسرعت....ماذا تعنى بالموضوع انتهى....هو شنو...حصة حساب....المواضيع زي دى مابنهوها كدا.
اصلوا اي راجل في السودان مسئول عن بيتو القديم وكمان الجديد....
الرجل مسئول عن امه واخواته واخوانه اذا كانوا صغار....
المشكلة انو النسوان مهما اتجردوا وبقو عادلين...بشوفو نفسهن وحاجاتهم اهم للرجل من امه واخوته..
..................
ليه الزوجات دايما بيشوفوا العلاقة ياانا يااهلك....ليه ما تكون انحنا واهلك.....
ماهو الزوج دايما بحب زوجته وهو عايش معاها وعارف حاجاتهاالضرورية من الما ضرورية....وبرضو عايش مع امو
واخوانو وعارف احتياجاتهم.
انا بشوف انو الزوجات بحبن يكاوشن...ودا واقعنا...
المهم الزوجة مفروض يكون عندها بعد نظر...والزوج اقدر علي تقييم حاجة امه واخوته من الزوجة.
...................
في الختام...الزوجات دايما بضغطو الرجال بالانانية..
في المثال اعلاه يبدو ان الزولة دى...تعتبر انو وقوف زوجها مع اسرته اهانة لها...او اهانة للعلاقة...باعتبار ان الرجل صادق في حديثه ...وان اهله في حوجة الي المال الذي سينفق في الزواج...ومن الواضح ان الفتاة لن ترضي بزواج بسيط.....................
i think the girl has lost him.Because a man that takes care of his family will always have a son that will take care of his mom.
..........
you got me ??
shereef shereef
.........
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
صباح الخير للجميع
اخ الساحر
اتفق معاك في الحتة الاقتصادية دي و هي مهمة طبعا و خاصة في الزمن دا لكن الناس بس تكون واضحة من الاساس
اخ بخاف
كيف لكن تالناس تعرس طواي كدا...الخطوبة دي مهمة عشان الناس دي تشوف بتنفع و لا مع بعض...لانوا كا حصل زواج طوالي و بعدين اكتشفوا حقائق بعض حيكون يمكن المصير ما كويس...هو صحي الزول ما ممكن يعرف التاني بشكل صحيح قبل الزواج و لكن على الاقل يعرف ما يريحه لهذا الاختيار
اخ هوب ليس
اي ممكن يكون انسحاب بشكل لطيف او غير لطيف
Outcast
يا صاحبة الاسم الصعب علي قرايته
كيف تمام
اتفق معاك على كلامك كلوا ...و اشكرك على تجربتك الطرحتيها هنا
و الله يسعدك في حياتك
اخ امدرماني
ما اكذب عليك و من واقع مشاهداتي للناس الحولي و الاسر التي يكون الزوج فيها مسؤل عن اهلوا و كذا بيت كمان في السودان..رايت انو في غيرة من قبل الزجة...و دا اتخيل لي حاجة طبيعية جدا لانها يالمقابل بتحصل لدى ام الزوج مثلا و عائلته و يعتقدون احيانا انو الزوجة دي جات و خطفت ولدهم ما كنة القروش التي لا تتوقف.....لكن مع غيرة الزوجة دي ، اذا كانت و زوجها متفاهمين على النقطة دي من الاساس و عنده اسلوب في الكلام لمن تطلب زوجته حاجة و يكون ما عنده...الزوجة صدقني ما بكون عندها مشكلة..اولا لانها من الاساس بتحترم النقطة دي فيهوا و بتقدرها ...و بعدين المرأة تهتم جدا بالكلام الجميل المحنك من زوجها ...ابدا ما انانية..يمكن في نسوان كدا و ديل غلطانات اكيد
نرجع لموضوع البت صحبتنا صاحبة القصة...هي ما اتخيل لي رات في وقوف زوجها المتوقع على اهلوا اهانة لانها من الاول عارفة انوا مسؤل عن اهلوا...و لكن بعد الاتفاق على موعد الخطوبة و العرس في وقت قريب ...يجي يقول ليها استنيني 3 او 4 سنين كدا!!!...يمكن حسيت بنوع من الاهانة يمكن ..ما عارفة
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
انسانه الانسانه
يذكر المؤرخ المقريزي أن المعتمد آخر ملوك بني أمية بالأندلس كان متزوج من جارية اسمها اعتماد
وكان يحبها حبا جما ويعاملها برفق ولين ويحرص على إرضائها وتلبية جميع رغباتها
وذات يوم أطلت من شرفة القصر فرأت القرويات يمشين في الطين فاشتهت ان تمشي في الطين هي أيضا وحدثت زوجها بذلك فخاف على قدميها أن يمسها الطين ...! فألحت عليه ، فأمر الملك أن يؤتى بالمسك والعنبر وأنواع الطيب المختلفة فطحنت وصبت في صالة القصر ثم امر أن يأتوا بماء الورد ويصب فوق هذا الطيب وعجنوها بالأيدي حتى أصبحت كالطين ..!! وعندئذ جاءت اعتماد مع جواريها تتهادى بينهن فخاضت بقدميها في هذا الطين ..!! الذي بلغت اثمانه آلاف الدنانير ، وحققت رغبتها ومشت في الطين ، وذات يوم سمعت من زوجها كلمة اغضبتها ، فنظرت إليه وقالت له : والله ما رأيت منك خيرا قط ..!!
فقال لها المعتمد : ولا يوم الطين ..؟؟!!
زولتك دى
غلطانه بكل المقايس طالما انها مقتنعه بحبه كان عليها الانتظار لقد انكرت حبه بكل سهوله
| |
|
|
|
|
|
|
|
|
 Re: هل الزولة دي اتصرفت صح؟ (Re: ensana)
|
تصرف أى من الطرفين يعتمد بالدرجة الأولى على مدى صدق مشاعر كل منهما تجاه الآخر وهناك الكثير من التضحيات التي يجب أن تبذل وتقدم من أجل إستمرار العلاقة وتتويجها بالزواج كأن تقبل البنت بوضع الشاب المادي وأن يضحى هو من أجل أن يوفق بينها وبين إرتباطاته تجاه أسرته وهذا أمر ممكن فمن منا لا تحتاج إليه أسرته حتى يومنا هذا أعني الأصل من أم وأب وأخوات وأخوان وحتى الفروع والجيران. أكيد أن تصرف هذه الفتاة لم يكن إلا نتيجة إحباط وهي أدري بذلك الشاب وظروفه ولم تكن تتوقع منه ربما أن يفكر بهذه الطريقة على إعتبار أنها أدري من غيرها بظروفه ومع ذلك كان يحدوها الأمل إن صح التعبير في تتويج علاقتهما بالزواج لا الإنتظار طويلاً وضياع أحلى سنين العمر في إنتظار أن تتحسن أحوال فارس أحلامها والتي ربما لا تتحقق في ظل الظروف الراهنة.
تعلمنا من الإسلام أن سعادة البيت ليست في الترف والتكلف والتغالي في الصداق والتعسف فيه . روى الترمذي عن عامر بن ربيعة أن امراة من فزارة تزوجت على نعلين ، فقال رسول الله صلى الله عليه وسلم : رضيت من نفسك ومالك بنعلين ؟ فقالت : نعم ، فأجازه .
قال ابن قيم الجوزية – رحمه الله – بعد ذكر أحاديث قضاء النبي صلى الله عليه سلم في الصداق:
فتضمنت هذه الأحاديث أن الصداق لا يتقرر أقله ، وأن قبضة السويق وخاتم الحديد والنعلين يصح تسميتها مهراً وتحل به الزيجة ، وتضمن أن المغالاة في المهر مكروهة في النكاح وأنها من قلة بركته وعسره.
وبالله عليكم شوفوا سماحة الإسلام وتيسيره للأمور لكن نحن لازم نصعبها ونعقدها على أنفسنا يعني لازم نعمل حفل الزواج في مركب عائم في النيل يغني فيها كمال ترباس ونقضي شهر العسل في القاهرة كأضعف إيمان ونجيب شيلة مش عارف كم في كم ونعمل سرادق يسد الشارع ونجيب أربعة عساكر و6 خيول سواري عشان يحرسوا الحفلة وفي النهاية نقعد ندفع في الديون ويكون حبيبي فنتاستك بيضرب بوهية بوماستك. تزوجوا فقرا يغنيكم الله من فضله ، وفضل الله كثير مش مجرد دنانير.
وبعدين يا إنسانه الزوله دي بتسمع أغنية وردي دي فرصه وضيعتيها وتاني وين تلقيها ولا شنو؟
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
ماعارف لكن المواضيع المصيريه الزي كده ما في زول بستعجل
في قرارو بالسهولة دي
يرميه ويشتت
غلطانه ميه في الميه
كان تناقشوا وتاخذ قرارها على رواقه
وبعد تاخد وتدي منو
يمكن يكون عندو فعلا ظروف
ولا يكون (البت) دي حاريا ليها (واحد) لابت في الشارع التاني
او واحد معشمها
لانو مافي واحد عاقل بتحمق في موضوع مصيري زي دا
منهو وليهو
لازم يكون في سبب
على الاقل كان تنتظر رأيو النهائي
يا حنكتو بوجهة نظرها
ولا حنكها بوجهة نظرو وظروفو
| |
|
|
|
|
|
|
|
|
|
Re: هل الزولة دي اتصرفت صح؟ (Re: شرير والبرتقاله)
|
شرير و البرتقالة
يمكن البت طبعها حمقي شوية و معتزة شديد بنفسها و كذللك اهلها...و يمكن شافت الموضوع فيهوا يمكن لف و دوران عشان كدا حسمتوا طوالي...احتمال كلامك صح و يمكن لو شخصية تانية كانت صبرة او حنكت المهم كانت اتصرفت..لكن بعتمد على الشخصيات
غايتو شكرا على الطلة
| |
|
|
|
|
|
|
|
|
 Re: هل الزولة دي اتصرفت صح؟ (Re: ensana)
|
الاخت انساااااااانة
بعد التحية والمجاملة
من المفترض ان ننظر للوضع الاجتماعى والاقتصادى السايد على ارض الواقع ......؟
التعامل مع امور الزواج والخطوبة لا يتم بهذه الحدية من الصاح والخطاء والصحيح بصحته يتحول الي خطاء قاتل اذا لم يختار له الزمان المناسب
وطالما ان الحياة الزوجية بزل وعطاء متبادل وليس بالضرورة متكافيء فان اي اساس اخر لقيام الحياة الزوجيةخاطيء والمعلوم ان البنات دائما في حالة بحث مستمر عن فتي الاحلام
ومصطلح فتي الاحلام هو السبب الاساسي لرفض الولد دا حيث انه اصبح لا يواكب حاجة البنت له ودليلي علي ذلك انها تركته بدلا من ان تساهم معه في الحلول لاقصار الفترة التي طلبها
كما ان العمل الكويس ليس وحده علي المقدرة علي اكمال الزواج بل كذلك تقبل القليل والمثابرة من اجل تحسين الحال او كما قال الرسول الكريم(صلي الله عليه وسلم) لا يغير الله ما بقوم حتي يغيروا ما بانفسهم
فالرضا بالمقسوم عبادة
واظن من حسن طالع الواحدان يكتشف الوجه الاخر لمخطوبته قبل فوات الآوان ويابخت من تلقي البشيل هموم اهله الايام دي
الاجابة علي الاسئلة المطروحة!!!!!!!!
الاسئلة غير محدده بطريقة علمية سليمة ومن غير المعقول تحميل الولد نتيجة ظروفه الاسرية والتي هي اسمي من ارتباطه تجاه مخطوبته التي من المفترض ان تعلم بها ابتداء وكان من المفترض ان تسعي معه لازالةالازمة من جزورها بالصبر القليل وتدبير الحال وان تناقشه في ذلك بدلا من ان يغير رائيه!
نعم علي الفتاة انتظار الشاب زمن طويل ذلك لانه زمان البدع وهن لم ولن يرضين بالقليل وعايزات الفشخرة بالتالي عليهن الانتظار و من الممكن الشاب ما يرجع تاني
قوليها طائر في الايد ولا 100 في الشجرة
وقوليها زمان المهازل بقول واحد في الكف و واحد للسف و واحد في الرف
ودي زمان واحدة زي دي عايزه تفصل الولد من اسرته من البداية
وهي ما بترضي بالقليل
وما ممكن ترضي تعرسوا من غير اهله عشان ممكن يكون عرفي
او سري وزي دي ممكن تعملها بعد ما مسحت به الارض
| |
|
|
|
|
|
|
|
|
 Re: هل الزولة دي اتصرفت صح؟ (Re: ensana)
|
بسم الله الرحمن الرحيم
انا لو منها بوافق على مضض وهي بتكون اتصرفت صح اذا وافقت على مضض واتصرفت غلط اذا وافقت طوالي بدون تفكير وكمان بتكون اتصرفت صح اذا ناقشته وحاولت تقنعه اذا ما قدرت تقنعه خليها توافق على مضض لكن هو كلامه غير منطقي سنه ولا سنتين حيتحله من اخوانه وكمان كلامه منطقى لانه احتمال اخوانه يشتغلوا
ده رايي
| |
|
|
|
|
|
|
|
|
|
Re: هل الزولة دي اتصرفت صح؟ (Re: ensana)
|
انسانة .... المعرفه مفروض تكون تمت قبل الزووول ده يمشي لاهل البت ويخطبها . الحاجة المتعارف عليها الايام دي مافي زوول بيتقدم لبت لن لم يكن هناك اتفاق مسبق بينهم .
ماممكن تعرف زوول الا تعيش معاه في بيت واحد أو تعاشرة في غربه
تحياتي
| |
|
|
|
|
|
|
| |
Habib_bldo
elsharief
alsngaq
zola123
ايهاب
Outcast
Bakhaf
waleed500
almulaomar
bamseka
PLAYER
فيس بوك
تويتر
انستقرام
يوتيوب
بنتيريست