|
|
|
 Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: أحمد الشايقي)
|
صراخنا أضخمُ من أصواتنا
وسيفُنا أطولُ من قاماتنا
خلاصةُ القضيّهْ
توجزُ في عبارهْ
لقد لبسنا قشرةَ الحضارهْ
والروحُ جاهليّهْ...
بالنّايِ والمزمار..
لا يحدثُ انتصار
كلّفَنا ارتجالُنا
خمسينَ ألفَ خيمةٍ جديدهْ
لا تلعنوا السماءْ
إذا تخلّت عنكمُ..
لا تلعنوا الظروفْ
فالله يؤتي النصرَ من يشاءْ
وليس حدّاداً لديكم.. يصنعُ السيوفْ
يوجعُني أن أسمعَ الأنباءَ في الصباحْ
يوجعُني.. أن أسمعَ النُّباحْ
...
خمسةُ آلافِ سنهْ..
ونحنُ في السردابْ
ذقوننا طويلةٌ
نقودنا مجهولةٌ
عيوننا مرافئُ الذبابْ
يا أصدقائي:
جرّبوا أن تكسروا الأبوابْ
أن تغسلوا أفكاركم، وتغسلوا الأثوابْ
يا أصدقائي:
جرّبوا أن تقرؤوا كتابْ..
أن تكتبوا كتابْ
أن تزرعوا الحروفَ، والرُّمانَ، والأعنابْ
أن تبحروا إلى بلادِ الثلجِ والضبابْ
فالناسُ يجهلونكم.. في خارجِ السردابْ
الناسُ يحسبونكم نوعاً من الذئابْ...
جلودُنا ميتةُ الإحساسْ
أرواحُنا تشكو منَ الإفلاسْ
أيامنا تدورُ بين الزارِ، والشطرنجِ، والنعاسْ
هل نحنُ "خيرُ أمةٍ قد أخرجت للناسْ" ؟...
Nazar Qabani
present to all sudanese fighting each other here or any where in the world
including my self
dr mustafa mahmoud
| |
 
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
ابو عيسى
بدايات عهد الإنقاذ
Quote: إذا كانت البصلة ب 500 جنيه أديها 3 بصلات = 1500
ربع كيلو ( خليهوا لحم بقر ) = 3000 جنيه
قول نص رطل زيت = 1000 جنيه
خضار =3000 جنيه
شطة وشمار وتوم = 1500 جنيه
الفحم أو الغاز =3000 جنيه
الخبز = 5000 جنيه |
+++++++++++++
اسعار اليوم
ربع البصل 2500 جنيه
كيلو اللحم عجالي 8- 10 ألف جنيه
الخضار
ك بطاطس 3000 جنيه
ك ملوخية 1000 جنيه
ك كوسة 1500 جنيه
ربطة رجلة 500 جنيه
ك بازنجان 1500 جنيه
ك باميه 4000 جنيه
(اسعار الخضار عموما عدا الطماطم) واقعة في الارض
+++
الغاز
الاسطوانة 12,5 كيلو بي 13000 الف جنيه للاسرة المتوسطة تكفي ما بين 35 الى 40 يوم
الفحم سعر الجوال حوالي 25 الف جنيه.الاستعمال اصبح قاصرا على الشيشة وما جاورها.(المكاوي عند الغسالين)
الخبز العادي 100 جنيه للقطعة
الصغير (محسن) للساندوتشات 100 جنيه للقطعة
البلدي 200 القطعة
التركي (الفاخر) 400 - 500 جنيه
++++
| Quote: وترصد ميزانية الأسر السودانية بعد توقف عجلة الحرب وتفجر البترول |
اطراء سافر
.....
ابا عيسى
قدرة عجيبة على (ارباك الحقائق)
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
العزيزة سارة عيسي والأكرم أحمد الشايقي تحياتي
علي ما أعتقد ود القرشي حالياً بسلطنة عمان
ومن أظرف مواقف ود القرشي التي يحكيها دوماً في أركان النقاش العنتريات التي يحملها بعض الطلاب بخاصةً من أخوانا في الإتجاة الإسلامي فقد حكي بأنه أثناء أزمة الرهائن بين أمريكا إيران كان الإتحاد برئاسة الإتجاة الإسلامي فقد أرسل رئيس إتحاد جامعة الخرطوم برقيه شديدة اللهجة للرئيس كارتر وقال له بالحرف الواحد (نرجو أن ترفع يدك من إيران وإلا سوف تري والسلام) فقال ود القرشي إستدعي كارتر أركان إدارتة لبحث أمر البرقية فقال لهم أين تقع الخرطوم هذه وبالله شوفوا لي أين تقع جامعة الخرطوم هذه , ومن هو رئيس إتحادها ؟؟؟؟؟
بحيراوي
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
العزيز سارة عيسي تحياتي
علي ما أعتقد أزمة الرهائن كانت في عهد كارتر ف يالعام 79
ورؤساء الإتحاد الذين ذكرتيهم هم من الإتجاة الإسلامي لكنهم في الثمانينات والتسعينات
حيث أولهم دكتور زيدان ومن بعد المهندس صلاح الزين وبعدة المشرف دورتين ثم حمدي خليل حتى العام 89 مع بداية الإنقاذ حيث حدثت لي قصة معة في عام زيادة السكر خرجنا مسيرتين لمباني مجلس الوزراء لتقديم مذكرة واحدة بإسم التنظيمات السياسية وأخري بإسم الإتحاد الذي يسيطر علية الإتجاة الإسلامي وفي مدخل مجلس الوزراء أراد حمدي خليل أن يلقي كلمة بينما ممثل التنظيمات السياسية أراد أن يلقي كلمة وحدثت مشاجرة إستخدم فيها الطرفين السلاح الأبيض وعند العودة للداخلية كنت أسكن مع صديقي علي إسماعيل من أبناء دار فور وهو إتجاة إسلامي مسالم لكنة كان مكلف بحراسة دكتور حمدي خليل أثناء إلقاء الكلمة ولذلك جاءتة عصا أصابتة تحت عينة ووجدتة مربوط الرأس فقلت له يا علي إسماعيل دا شنو دا فقال لي ديل ما جماعتكم ديل يا أخي فضحكنا علية وقلنا ليه يا علي إنت ما عارف الحجاز ليه عكاز .
بحيراوي
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: البحيراوي)
|
الاخ بحيراوي
الدكتور التيجاني المشرف
والدكتور حمدي خليل
هذه بداية عهد الرؤوساء الحناكيش في الإتجاه الإسلامي
وكنا نصف الدكتور حمدي خليل (بالمتروك) ..وأظنه تزوج من مذيعة في التلفزيون كانت تقرأ الأخبار باللغة الإنجليزية .. وهي علي نفس الشاكلة (white Female)..
وقصتك (أرفعوا أيديكم عن الفلسطينيين وكفي .. ) حدثت في عهد الدكتور التيجاني المشرف أيام الإنتفاضة الفلسطينية الأولي عام 87، وهذه المذكرة سُلمت لكل من السفيرين الأمريكي والبريطاني بالخرطوم ..
عرفت لاحقاً أن الدكتور التيجاني المشرف دخل الولايات المتحدة بتأشيرة لاجئ سياسي ..وتوّرط في قضية أخلاقية أعف عن الدخول في تفاصيلها ..( أرفعوا أيديكم عن الفلسطينيين وكفي !!!!؟؟؟)
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
ابوعيسى
(ينبلج الفجر شيئاً فشيئاً)
Quote: الاخ بحيراوي
الدكتور التيجاني المشرف
والدكتور حمدي خليل
هذه بداية عهد الرؤوساء الحناكيش في الإتجاه الإسلامي
وكنا نصف الدكتور حمدي خليل (بالمتروك) ..وأظنه تزوج من مذيعة في التلفزيون كانت تقرأ الأخبار باللغة الإنجليزية .. وهي علي نفس الشاكلة (white Female)..
وقصتك (أرفعوا أيديكم عن الفلسطينيين وكفي .. ) حدثت في عهد الدكتور التيجاني المشرف أيام الإنتفاضة الفلسطينية الأولي عام 87، وهذه المذكرة سُلمت لكل من السفيرين الأمريكي والبريطاني بالخرطوم ..
عرفت لاحقاً أن الدكتور التيجاني المشرف دخل الولايات المتحدة بتأشيرة لاجئ سياسي ..وتوّرط في قضية أخلاقية أعف عن الدخول في تفاصيلها ..( أرفعوا أيديكم عن الفلسطينيين وكفي !!!!؟؟؟) |
****
ابو عيسى
الريشة ما تقد رأسك
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
العزيزة سارة عيسي تحياتي
في الإقتصاد كان هناك إتنين علي طرفي نقيض الجبهة الديمقراطية عبد اللطيف من أبناء أم درمان لا أدري أين ذهب الآن . والآخر لا أتذكر إسمة من الإتجاة الإسلامي لكنة الأن أصبح رجل أعمال وهو كذلك من أم درمان.
وفي القانون كان أحمد عثمان إذا لم تخني الذاكرة من الجبهة الديمقراطية .
أما ناس الهندسة فقد كان خالد شيخة في بدايتة خطيب لجنة عدالة الفرص الجامعية لكن راح شمار في مرقة .
وفي جانب المستقلين كان إبراهيم علي ما أعتقد من التربية
بحيراوي
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: البحيراوي)
|
| Quote: والآخر لا أتذكر إسمة من الإتجاة الإسلامي لكنة الأن أصبح رجل أعمال وهو كذلك من أم درمان. |
أظنك تقصد الكوز إبراهيم الكناني .. والذي كان عنده عقدة ( دونية ) ..يحس بأنها سوف تُحل إذا تزوج من ( شمالية ) .. وأظنه فعل ذلك وهو يستخدم ثروة كبيرة مصدرها جهاز الأمن ..وحسب مصادري فقد تزوج من أربعة نساء .. وكل زيجاته كما توعد من بنات الشمال ..
| Quote: أما ناس الهندسة فقد كان خالد شيخة في بدايتة خطيب لجنة عدالة الفرص الجامعية لكن راح شمار في مرقة |
خالد شيخة حالة خاصة ولم يكن وراءه تنظيم سياسي ..وبعد أن أنضم للإتجاه الإسلامي أقام مخاطبة واحدة توعد فيها بدك حصون الحركة الشعبية في الجنوب ..
خالد شيخة أيضاً كان مريضاً نفسياُ وعقدته كانت ( الفقر المدقع ) ولذلك كان حلمه هو التزاوج من ( حنكوشه ) تمهد له الطريق إلي الثراء والرفاهية ..
وانا أقصد بهذه البوست الكوادر الوطنية التي كانت تتصدي لقضايا الطلاب ، وليس هذه الفئات الضالة والتي امتدادها بين الطلاب كان طفيلياً ..
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
Quote: : والآخر لا أتذكر إسمة من الإتجاة الإسلامي لكنة الأن أصبح رجل أعمال وهو كذلك من أم درمان.
أظنك تقصد الكوز إبراهيم الكناني .. والذي كان عنده عقدة ( دونية ) ..يحس بأنها سوف تُحل إذا تزوج من ( شمالية ) .. وأظنه فعل ذلك وهو يستخدم ثروة كبيرة مصدرها جهاز الأمن ..وحسب مصادري فقد تزوج من أربعة نساء .. وكل زيجاته كما توعد من بنات الشمال ..
Quote: أما ناس الهندسة فقد كان خالد شيخة في بدايتة خطيب لجنة عدالة الفرص الجامعية لكن راح شمار في مرقة
خالد شيخة حالة خاصة ولم يكن وراءه تنظيم سياسي ..وبعد أن أنضم للإتجاه الإسلامي أقام مخاطبة واحدة توعد فيها بدك حصون الحركة الشعبية في الجنوب ..
خالد شيخة أيضاً كان مريضاً نفسياُ وعقدته كانت ( الفقر المدقع ) ولذلك كان حلمه هو التزاوج من ( حنكوشه ) تمهد له الطريق إلي الثراء والرفاهية ..
وانا أقصد بهذه البوست الكوادر الوطنية التي كانت تتصدي لقضايا الطلاب ، وليس هذه الفئات الضالة والتي امتدادها بين الطلاب كان طفيلياً .. |
****
ابوعيسى
القصص تتداعى
فضفض لسه
...
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: saif massad ali)
|
يمكنني ان اقول بثقة...الابنة سارا والابتاء المتداخلون..طبعا بأستثناء سيف مساعد(شكلو كدي من الجماعة الحفرو البحر )
*اولا لكم التحايا وكل المشاعر الطيبات
*المشار اليه..الطبيب احمد(وليس محمد)..احمد القرشي عبد الرحمن مهدي..من اهالي بارا ..والذين قطنوا الابيض..احمد القرشي كان مؤتمر طلاب مستقلين،ثم مؤتمر وطني(المعارض)وهو من اعضاء المؤتمر الذين انضموا الي قوات التحالف باسمرا..ثم هو الآن بسلطنة عمان..ومن كوادر حزب المؤتمر السوداني(الوطني المعارض سابقا)..
*المقولة التي كان يرددها القرشي ومن قبله احمد المصطفي دالي،القراي(جمهوريان)..(كلاهما الآن تتقدم اسمه دال مضخمة مفخمة’’بحق وحقيقة‘‘)..حدثت في دورة المعتصم عبد الرحيم(78-79..
*ايضا ربما حدث خلط في محمد الشيخ..هو شقيق طارق الشيخ الطيب (زئيس اتحاد طلاب ج الجزيرة)،والمرحوم الطبييب الرشيد الشيخ الطيب(رئيس اتحادطلاب ج الجزيرة)..هو لم يكن طبيبا..وله شقيقة هويدا الشيخ(زراعة الخرطوم)..وخالد الشيخ(تربية الخرطوم)..كلهم كانوا بمؤتمر الطلاب المستقلين..وتزامنوا في الدراسة الجامعية..اكبرهم طارق ويليه الرشيد،ثم خالد،محمد..طارق ،الرشيد،محمد كانوا من الكوادر الخطابية..كان الناس يطلقون علي المؤتمر مؤتمر اولاد الشيخ وحينا اولاد الجلال..فقد كان في المؤتمر الي جانب اولاد الشيخ الذين تقدمت بذكرهم..ابراهيم الشيخ عبد الرحمن(اقتصاد الخرطوم)مدير المجلس الاربعيني في اتحاد الانتفاضة،سكرتير عام حركة جاد،ورئيس حزب المؤتمر السوداني في دورة الرئاسة الحالية..ووليد الشيخ(اقتصاد الخرطوم)..وكل هؤلاء كانوا اعضاء بارزين وكوادر منبرية..وترجع تسمية الجلالين..الي محمد جلال احمد هاشم(تربية الخرطوم).. الآن يحمل دكتوراة وبحاثة يشار اليه بالبنان وصاحب مؤلفات عديدة ..والنطاسي فيصل جلال..وفي الغالب يشتركان في الندوات او الاركان مع بعضهما..اذ هدفنا الي ترويس قائمة الانتخابات باحدهما وتذييلها بالآخر..
* الفترة 1979-19985 ..شهدت جامعة الخرطوم حراكا وغناء سياسيا وفكريا مهولا..وهي من اخصب الفترات..وقد برز في تلك الفترة من لهم قامة مائزة في الفكر والسياسة..ولدرجة كبيرة يصح هذا القول بالنسبة للجامعات الاخري..ففي مؤتمر الطلاب المستقلين في الجامعات الاخري..انماز..طه عبد الله يسن،الصحفي محمد لطيف،الصحفي حيدر المكاشفي،عبد القيوم عوض السيد،عمر حمد النيل في جامعة امدرمان الاسلامية، محمد زين محمد بخيت،محمد سامي ،دليل في جامعة القاهرة_ فرع الخرطوم،وفي الجزيرة مهدي محمد خير، طارق الشيخ الطيب،الرشيد الشيخ الطيب،علي القاضي،عسكوري، التاج محمد علي،سعاد عبد الرحيم،علي الشاعر، يوسف صوصل،عبد الله عكود...وفي جامعة جوبا اذكر زاهر،ومعهد شمبات جمال راشد..ومعهد الكليات التكنولجية..المهندس ابوبكر حسن،واحمد عطية،ووليد..ومن الجامعات المصرية..الزيدابي بطنطا..ابوبكر بشير(طبيب)..نصر الدين،موسي،وشداد..وفي باكستان..شوقي عمر،واسامة الرشيد
*من كوادر المنابر في جامعة الخرطوم في تلك الفترة(79-85)..في مؤتمر الطلاب المستقلين..سليمان الامين عباس(آداب)(رئيس اتحاد التمثيل النسبي)،حامد عوض حامد(قانون)،الدكتور امين كوكو(بيطرة)، ايمان بلدو(اقتصاد)..وفيما بعداحمد جمعة صديق(تربية)،محمد جلال احمد هاشم(تربية)،فيصل جلال(طب) ،شخصي(تربية)،النعيم عبد الرحيم(زراعة)،عمر الدقير(هندسة)، عماد عبد القادر(طب)،عمر السيد عبد الرحمن(تربية)،سعاد شاع الدين(تربية)محمد الرشيد شداد(طب)،ابراهيم الشيخ عبد الرحمن(اقتصاد)،وليد الشيخ(اقتصاد)..وقبل تخرجنا استلم الراية النطاسي الاديب احمد القرشي عبد الرحمن..وكان هنالك من الشخصيات الفكرية والتنظيميةوالذين كانوا اباء الحركة الحقيقين ومديروها(حافظ بابكر راشد(قانون الخرطوم)،شوقي عمر ابراهيم(علوم الخرطوم)،احمد الازهري صالح،وعاصم سيد الامين(هندسة الخرطوم)،مني عمر التوم(علوم الخرطوم)،مجذوب عبد الرحيم (زراعة الخرطوم))
*من كوادر التنظيمات الاخر المنبرية..لا يفوت الذكر،ولا تخطئ العين نجوم الحوار من السادة الجمهوريين..احمد المصطفي دالي،عمر القراي،الراوي،ابفرجة(رحمه الله)والباقر العفيف..ولا يفوتك جماع العرفانيات ،الشجي والتطريب ايضا..وانت تسمع منشدي الجامعة،محاسن محمد خير،عمر ابراهيم (قبل ان يترك)والاشهر حيدر بدوي صادق..في جيلانينا،وشئ لله يا حسن!...وفي الجبهة الديمقراطية(الشيوعيين) المهذب ،الاديب،النقي والعالم ابوبكر الصديق دفع الله الزيلعي،آمال جبر الله سيد احمد،علي الكامل(حينا خيري)..ثم مامون سيد احمد ونزار...وفي جبهة كفاح الطلبة(البعثيين)الرائع سعيد المهدي ومن بعده حيدر خضر عطية الله وكمال..وفي الحزب الناصري سطع ساطع محمد الحاج وابو تلة الحسن..وفي الانصار المهذب الخلوق الصادق الزين الصادق والدكتور صديق بولاد..والجبهة الافريقية كان هنالك بيتر(قانون)..اما في الجانب الآخر فقد فرخت الحركة الاسلامية اميز كوادرها الخطابية في تلك الفترة..ابن عمر محمد احمد،المعتصم عبد الرحيم،التجاني عبد القادر،امين بناني نيو،محمد محي الدين الجميعابي،محمد عبد الرحمن عجول،عبد الرحيم عمر محي الدين..محمد طه محمد احمد..
*عذرا فأنا اكتب مباشرة علي الكيبورد ويبدو ان التذكر قد اجهدني..فسأكتفي بهذه المداخلة..مع وعد مني ان سمح الوقت وجادت الذاكرة بما هو مفيد سنعاود الطلة..
لكم مودتي
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: البحيراوي)
|
تحياتي سارة وضيوفها
لم اسمع الدكتور محمد القرشي/ أحمد القرشي في ركن نقاش لكن الروايات حوله كانت تجعلنا كما ولو اننا عاصرنا وجوده ..
احمد القرشي (كما عرفنا الاسم) وقاسم القواز كانوا كوادر المؤتمر في الخرطوم في بدايات عهد الانقاذ وبالفعل كان هناك الأخ محمد الشيخ من جامعة الجزيرة وهذه اشارة يجب الوقوف عندها لانها شكلت استراتيجية عمل مؤتمر الطلاب المستقلين في الفترة التالية اثناء وبعد تجميد النشاط الطلابي ...
في الوقت الذي كان النشاط مجمدا في جامعة الخرطوم تحول العمل السياسي للمؤتمر الي عمل لا مركزي وبدأ الجيل الجديد من كوادر المؤتمر الخطابية ( بكري الجاك – فائز الشيخ - ابكر ادم – اقبال الزين – بهجة جلال والبقية العمل في الجامعات الأخري مثل الاهلية والسودان والفرع ... في ذات الوقت الذي كانت فيه كوادر هذه الجامعات ( حمزة فاروق – الشهيد نصر الدين الرشيد – زاهر موسي – رحاب عبدا لباقي مع كوادر الخرطوم تخطط لاعادة النشاط بالجامعة (رغم تجميده) عبر كوادر خارجية حتي لا يتعرض طلاب الجامعة لسلاح الفصل .... واعلن المؤتمر واقام ركن نقاش كان مفاجئا للجميع ومن ثم تكرر الامر وتبعته بقية التنظيمات السياسية بدءا الجبهة الديموقراطية وتواصلت حتي عاد النشاط الي الجامعة ويرجع الامر الي هذه الطريقة اللامركزية في العمل السياسي ... وادت الي نتيجة اخري وهي ان تقابل الكثيرين من طلاب الجامعات الذين كانوا يعتقدون انك طالب في هذه الجامعة او تلك فقد اصبح الجميع في كل مكان ..
يحكي عن صديقنا المهندس بابكر (بيكو) انه جاء مرة لي احمد القرشي وجراهو من يده في بداية ركن نقاش وما نفعت توسلاته ولا اعذاره انو في ركن نقاش المهم استسلم في النهاية ومشي معاهو وخلي الركن .... لما بقوا بعيدين شوية بيكو قال ليهو ياخي عايز لي قروش عشان اكل .... فمسكه احمد من يدو وجراهو تاني لحد ما وصل محل الركن وقال ليهو: ما عندي .... وواصل الركن.
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: Gafar Bashir)
|
الأخ جعفر بشير
شكراً للإضافة القيمة:
ومن رعيل تنظيم مؤتمر الطلاب المستقلين
المهندس/محمد بابكر الشهير (ببيكو ) كلية الهندسة وهو من أبناء مدينة كوستي
المهندس مدني / محمد فاروق سلمان
الأستاذ/أبو القاسم القواص من كلية الإقتصاد
الأستاذ/محمد سليمان ود العبد ( نقتوت ) كلية الإقتصاد
وغيرهم من الأسماء ..أما الدكتور/محمد القرشي فهو يعتبر من أبناء جيلي الذين دخلوا جامعة الخرطوم بعد الديمقراطية الثالثة ، وهو في الحقيقة كان حاد الذكاء ومحاور بارع .. بعد تخرجه في عام 90 ترك فراغاً كبيراً في الجامعة ، محمد القرشي كان شجاعاً ولذلك كان يقيم أركانه وهو يعلم أن معظم مرتاديها من رجال الأمن ..في أحد المرات قال:
مرحباً بالطلاب في هذا الركن
وأرحب أيضاً بكلاب الأمن من داخل وخارج الجامعة
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
الاخت سارة عيسي
تحياتي
Quote: أما الدكتور/محمد القرشي فهو يعتبر من أبناء جيلي الذين دخلوا جامعة الخرطوم بعد الديمقراطية الثالثة ، وهو في الحقيقة كان حاد الذكاء ومحاور بارع .. بعد تخرجه في عام 90 ترك فراغاً كبيراً في الجامعة ، محمد القرشي كان شجاعاً ولذلك كان يقيم أركانه وهو يعلم أن معظم مرتاديها من رجال الأمن ..في أحد المرات قال:
|
*ان كنت تقصدين احمد القرشي عبد الرحمن..بارا/الابيض..اسنان..فهو قد دخل الجامعة في عهد نميري..وهواول من عارض الانقاذ قاطبة ..فقد اقام مؤتمر الطلاب المستقلين ركنا للنقاش صبيحة يوم الانقلاب..بكلية الطب تحدث فيه احمد القرشي ومحمد المبارك (عتو)..وكنت انا والماجد عمر الدقير وغيرنا من قدامي المحاربين حضورا..في ذلك الركن اعلن قرشي ان الانقلاب انقلاب اخواني..ودعا الناس الي التمسك بميثاق الدفاع للديمقراطية.. بعد انتهاء ذلك الركن كان هنالك اجتماعا مهيبا بمستشفي الخرطوم للفيف من الساسة المعارضين ..
لك المودة
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
سلام سارة و الجميع
وين احمد القرشي الان؟
البحيراوى سلامات
Quote: في الإقتصاد كان هناك إتنين علي طرفي نقيض الجبهة الديمقراطية عبد اللطيف من أبناء أم درمان لا أدري أين ذهب الآن . والآخر لا أتذكر إسمة من الإتجاة الإسلامي لكنة الأن أصبح رجل أعمال وهو كذلك من أم درمان.
وفي القانون كان أحمد عثمان إذا لم تخني الذاكرة من الجبهة الديمقراطية . |
عبداللطيف عثمان صديق و صاحب عمر، هو فى الخليج و تصوف و لا زال صديق وعلى اتصال به كلما سمحت الظروف. احمد عثمان بخير و هو عضو فى البورد و له عدة مساهمات.
تقصد محمد ابراهيم الفكى زى ما قال ليك الشايقى, ود الفكى ده عينة خاصة من الكيزان, النوع الفاهم اللعبة و عارف هو داير شنو, عنده حركات عجيبة, مثلا نكون فى كافتريا اقتصاد و هو قاعد فى تربيزة بعيدة شوية يقوم بي صوت عالى يكورك: يا عبداللطيف ياخى بفتش للجزء التالت من راس المال (بتاع ماركس) ما بلقاهو عندك؟, الناس القاعدة كلها تتلفت وتعرف انو ود الفكى بقرا كتب ماركس...
كنت كتير بتونس معاه ولما نكون برانا بياخد راحتو, مرة فى واحد من كيزان اقتصاد عمل شكلة مع واحد من ناس الجبهة الديمقراطية بدون سبب, بتكلم مع ود الفكى قال لى: سيبك منو ده واحد من عمال التظيم.
مرة كان فى استفتاء على مقاطعة الامتحانات وكان الاتجاه الاسلامى و الجبهة الديمقراطية ضد المقاطعة, التصويت جا لصالح المقاطعة, قابلت ود الفكى و وقفنا نتكلم, قال لى : شوف الطلبة الخ...لات ديل, قلت ليه ما خايف من كلامك ده؟ ردو كان: عارفكم ما بتنشروه, ولو نشرتوه بنكرو و ما عندك دليل.
اخر مرة قابلتو بعد الانقلاب كان شكلو مرتاح و سايق عربية قيافة شغال فى مؤسسة اقرا وكانت محتكرة توزيع البيض والدجاج و لم توزع حتى صفحة واحدة فاضية.
سلام
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: esam gabralla)
|
الاخت سارة
سلام
معلومة وتصحيح بخصوص الاخ أحمد القرشي ، وهو موجود معنا في السلطنة وبالتحديد في منطقة مصيرة كما عرفت من صديقه محمد المرتضى المحامي ، وهو يلفت نظركم لتصحيح الاسم لان اسمه الصحيح هو أحمد القرشي عبدالرحمن (تصحيح/ محمد المرتضى).. وهو عضو نشط بالنادي السوداني وعضو في جماعة النقرزان هو ودكتور أحمد طراوة والنقرزان تهتم بالفن السوداني وتاريخه ويعتبر الاستاذ أحمد القرشي مرجع لاغاني الحقيبة ولقد أستمتعنا بحديثه الشيق في النادي السوداني واستفدنا ونقول ليه مشتاقين لسماع تلك الندوات الثقافية ولسماع المزيد من كنوزه الرائعة و النادرة واديك العافية أنشاالله يا استاذ .وانشاالله ينقلوك مسقط .
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
الأخ عصام جبر الله تحياتي
بخصوص محمد إبراهيم الفكي كادر الكيزان البراقماتي فهناك كثيرين أمثالة في هذا التنظيم ولدينا أصحاب منهم يدوك الزبدة في كل شئ بيد أن بعضهم حرفي لدرجة حزو النعل بالنعل علي ما يعطوم له من تعليمات ولن يسأل نفسة كيف هذا ولماذا وهنا تكمن المشكلة .
الأخ سيف خليل تحياتي أن نلتقي هنا بخصوص أحمد القرشي هذا الطالب الذي أخذ جائزة الطالب المثالي حينما كان بخور طقت الثانوية وهي عبارة عن مبلغ من المال ونجمة ذهبية.
ولدية شبة في توني بلير كان ما بخاف الله . غايتة دي مشيها لي يا سيف باين عليك سنير لينا بس ما عارف حليم دا موضوعة وين من السنيرة.
بحيراوي
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: البحيراوي)
|
بحيراوي
تحياتي
*اكيد انا سنيرك..ربما كنت زاملت اشقائي .. مولانامحمد الفاتح احمد خليل صديق احمدالقرشي
ومولانا خليل احمد خليل..
*حليم برلومي..لكن اظن العمر مع الغربة فعلتا به ما يجعله مخرفا..تهديد الرئيس الامريكي ..في دورة المعتصم عبد الرحيم..لدي مداخلات اعلاه ..مداخلة ’’ماكنة كدي،، بها تاريخ يفيد الشباب امثالكم..
*علي فكرة لقد تخرجت انا ايضا من خورطقت ..وكنت بداخلية ود التوم..في عهدي المرحوم عبد الحميد محمد مدني وبده ابراهيم آدم الدين
لك المودة
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
كان الإتجاه الاسلامي بعد نهاية دورته يعرض انجازاته في كتيب فاخر ، وخلف كل إنجاز تجد أية كريمة أو حديث شريف
مثلاً :
تعليم الطلاب الرماية ( علموا أولادكم الرماية )
ركوب الخيل ( علموا أولادكم ركوب الخيل )
توسعة حوض السباحة ( علموا أولادكم السباحة )
فتح دورة تعلم الكراتيه ( صورة لكوز قافز في الهواء ) ومكتوب تحتها ( وأعدوا لهم من قوة ورباط الخيل ) هنا سخر الدكتور محمد القرشي من هذا الرسم وقال : طبعاًهذا الانجاز المقصود به نحن ( التنظيمات السياسية )
وفي فقرة من الانجازات كُتب : أن الاتحاد قام بتنظيم عروض فيديو لبعض الأفلام الأجنبية في قاعة الجغرافيا
فضحك الدكتور أحمد القرشي وقال بسخريته المعروفة :
(( دي ما لقوا ليها دليل ؟؟ لا من الكتاب ولا من السنة ..طيب كيف الحل يا جماعة الإتجاه الإسلامي ؟؟؟؟
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: haleem)
|
الاخ حليم
تحياتي
*صحيح انت ما حضرتهم ولا انا..وانت برلومي طبعا
*الا ان العبارة وردت في بيان من الاتحاد في دورة المعتصم عبد الرحيم(78-79)..وذلك تاريخ الحدث..
*هذا البيان كان من محفوظات التنظيمات السياسية ..وخاصة الجمهوريين..
*محمد الفاتح عمل حينا بالمحاماة والتحق بالقضائية بناء علي رغبة الوالد..في عهد عبيد حاج علي..وكان اول المتقدمين ..ومع ذلك ارادوا ابعاده لولا ’’حرام،، عبيد حاج علي..عمل بمجمع محاكم بحري..ثم جاء رئيس القضاء الحالي ..ليصفي معه تارات قديمة..فنقل الي كوبر،الدروشاب،الجيلي..هذا خلال سنة ..والآن يتعرض لنقل تعسفي الي دارفور..وهو رافض للتنفيذ وربما ترك القضائية..
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
شكرا يا سارة عيسى..
صدفة جميلة.. اول امبارح كنا في سيرة احمد قرشي..و اتحاد فن الغناء الشعبي..!
التحية لأخونا.. دكتور أحمد القرشي عبد الرحمن.. فلقد تعلمت الكثير من أركانه..و اذكر كثير من العبارات التي اظن انها كانت تشكل مفاتيح لفهم كثير من الحاجات.. فلقد سمعت من أحد اركانه .. عبارة الإنتهازية الواعية..و التي قال بها ايام مؤتمر الجبهة الإسـلامية..في 1988.. حيث قال في معناه ( نحن لا نخاف الترابي..و لا قواعد الجبهة التحتانية..و لكننا اكثر ما نخافه هو الإنتهازية الواعية.. التي تقف بين الشيخ و قواعده..) ..و كان يقصد على عثمان محمد طه.. و لنا الآن أن نتأمل تلك النبوءة/ القراءة المتقدمة.. للحال..و فعلا.. فعلت الإنتهازية الواعية فعلها في السودان..و لازالت تفعل..
ايضا من العبارات الراسخة.. ما كان يقول به..ايام كتائب الرحمن التي كان يشكلها الإتجاه الإسلامي.. و التي كانت تذهب الى الجنوب ( كما كانوا يقولون لنا).. فأحمد قرشي هو الذي كان يسخر سخرية لاذعة من كتائب الخرساء و الشغيلة..و الرجرجة و الدهماء..و هو الذي يقول ( حد في جامعة الخرطوم يسمي نفسو خرساء ؟)..
و اذكر اول ركن له بعد حادثة خالد عبد الله في اغسطس 1988.. و هو الشخص الذي لم يكن من ضمن طلاب جامعة الخرطوم ..و لكنه بقدرة قادر صار عضو في المجلس الأربعيني لإتحاد الطلاب..و الذي قام المؤتمرجية بكشفه..
لم اكن ميالا لحضور كثير من اركان النقاش في الجامعة..و و اكثر الأركان التي حضرتها.. كانت هي اركان أحمد القرشي.. و ذلك لأسباب عديدة منها معقولية طرحه للأشياء.. سخريته..احترام عقول جمهوره..
و اذكر ثلاثة من اركانه فركشت لي تلاتة خلطات مصيرية.. و في احدها قالت لي صديقتي : يا انا يا لغلغة احمد قرشي.. قلت بحسم : انت ملحوقة.. عشان كده انا بشيل لغلغة احمد قرشي.. و حضرت الركن..و لو كان القصة جرت شوية كان الواحد بقى مؤتمرجي بسبب اركانه!
من مؤتمرجية كلية القانون.. اذكر صديقنا الأستاذ عبد الحليم ضيف اللـه..و ضحكته الدائمة..و سخريته..و كان في كورال الكلية..و من المشاركين في المحاكمة الصورية التي كانت من ضمن انشطة اسبوع كلية القانون الثقافي في سنة 1989..
و كنت اتمنى من اخوانا المؤتمرجية أن يكتبوا لنا عن الجانب الأخر من خطبائهم ( بس لأنهم اكتر الناس قربا و ملازمة لهم).. خصوصا علاقة احمد القرشي بأغاني الحقيبة..
شكرا احمد القرشي أينما كنت ..و كيفما كنت.. فلقد علمتنا الكثير..
استاذنا و صديقنا سيف خليل.. تحية طيبة.. و زي ما بقولوا اهلنا عدم العرفة ضلام .. محمد الفاتح دفعة قدامي مباشرة ( دفعة اخونا احمد الشايقي).. و لا زلت اذكر نكتته و سخريته ( بالمناسبة انتو المؤتمرجية ديل قاعدين تقروهم سخرية ولا شنو؟ .. الناس اتقول رباطاب..!).. و التحية له اينما ما كان..و التحية للأخ خليل ( البرلوم) و كان دفعة بعدنا..
كبر
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: Kabar)
|
الاخ كبر
تحياتي
*اتابع ما تكتب باحترام وافر..فلا شك عندي انك أديب مجود..هذا ما يجعلك حميما من غير ان نلتقي..كما علمت مؤخرا انك من كردفان(دي خليها في سرك اسه الجماعة يقولو الغرابة عنصريين)
*Quote: لو كان القصة جرت شوية كان الواحد بقى مؤتمرجي بسبب اركانه!
|
لا زال الباب مفتوحا..وهذا تجنيد علي رؤوس الاشهاد..
*Quote: و كنت اتمنى من اخوانا المؤتمرجية أن يكتبوا لنا عن الجانب الأخر من خطبائهم ( بس لأنهم اكتر الناس قربا و ملازمة لهم).. خصوصا علاقة احمد القرشي بأغاني الحقيبة..
|
احمد القرشي رجل ذكي بشكل خرافي..واقدر انسان علي الحفظ..ما قرأ شيئا الا حفظه..عندما كان بالبرلم..وبما انني استقطبته وكنت مسئولا عن المنتدي التأهيلي لهم كبرالمة(زي مدرسة الكادر)..كان يختفي من المكان المحدد ويتخلف عن الميعاد..تتبعته.. فنحن ابناء بلد واهل وهو بمثابة اخي الصغير بحكم زمالته وصداقته لمحمد الفاتح..ومؤخرا غدا نسيبي..اذ تزوجت بنت اخته..هذه العلاقة كانت تسمح لي بتضييق الخناق عليه..كنت اظن آثما انه( تابع الخلط) فذلك ما يشغل كثيرا من الطلاب (والخلاطين)لا جدوي منهم عندنا في السياسة..خاصة اذا كان احدهم استهدف ليكون قياديا..وجدت احمد القرشي خارجا من مكتبة الجامعة الرئيسية..فقد كان يذهب الي المكتبة لممارسة هواية الحفظ..فيقول والله الليلة قريت ليك في كتاب الاغاني ..عليك الله اسمعو قال شنو
فأقول له شوف يا قرشي ..سيبك من كلامك الفارغ دا انحنا جايبنك هنالناس ابو الفرج الاصفهاني..اقرا كلامنا دا واحفظو وبعد داك امشي لجماعتك الميتين ديل..
عالجنا هوس المكتبة..تعلق بالحقيبة،فهو رجل فنان كدأب اهل بارا..قرشي وين؟قرشي مع مبارك حسن بركات..قرشي ما جا ليه ..قرشي الليلة قال عندو مواعيد مع بادي..او في دار فلاح..صراحة تعبنا تعب شديد..للاتيان به في خطنا الذي رسمناه له..فهو بالسليقة اديب وفنان..مرهف لدرجة خيالية
قرشي شهم،كريم ..تصور انه كانت له عيادة يستقبل فيها المرضي للعلاج مجانا!وهو يشكو لطوب الارض..من الفلس ومن (ابو النوم)..لا اظن ان احدا يعرف من او ما هو ابو النوم..ابو النوم هو(النفنف او وسخ الجيب )..فهذا كان حليفا لاحمد القرشي..
| Quote: ( بالمناسبة انتو المؤتمرجية ديل قاعدين تقروهم سخرية ولا شنو؟ .. الناس اتقول رباطاب..!).. و التحية |
السخرية..كانت امرا سائدا في في فترة79-85 وما بعدها قليلا..وقد كانت مدرسة الجمهوريين في الحوار تعتمد علي السخرية او قل كانوا لاذعين ذوي طرفة..احمد المصطفي دالي وعمر القراي..وكانت مما يجعل من ركن النقاش ناجحا من ناحية حوارية ومن ناحية جماهيرية،فسعي محاوروا التنظيمات الاخري الي تبني ذلك..وقد برعنا فيها نحن..لربما كان الجمهوريون متحفظين بعض الشئ لالتزامهم بأطر مثالية..فقد كان محمد جلال احمد هاشم ساخرا وكذا فيصل جلال ويقولون انني كذلك..وربما عن طريقي انتقلت لمحمد الفاتح وقرشي لكونهم اكثر احتكاكا بي وبحكم انني استاذهم المباشر..يعني شيخ طريقتهم..ولادارة الاركان فنون وتكتيكات..فهنالك من المواقف الفكرية او السياسية التي يصعب الدفاع عنها ..فلا بد من تكتيك محدد لتجاوز هذه النقطة..وكيفية جرجرة الخصم الي نقاط ضعفه ..كيفية ابرازها..وهذا يحتاج الي تدريب مع قوة شخصية ونباهة الذي يدير الركن..
لك مودتي
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: Osman Malik)
|
الأخت/ أ. سارة عيسي
تحية طيبة
شكرا لفتح هذا النفاج للحديث عن د. أحمد القرشي الذي كان يتميز باسلوب مرح، ساخر ولازع لفضح وكشف مجرمي الاتجاه الاسلامي منذ التحاقه بكلية طب الأسنان وحتي تخرجه والسلطة فى أوج عنفوانها وقهرها للمعارضين والتنكيل بهم لم يصمت أحمد القرشي بل كان يجوب الجامعات والمعاهد العليا مواصلا فضح المجرمين داعيا الطلاب للتظاهر واسقاط نظام الجبهه.
من المصطلحات التي ابتدعها ود القرشي بالاضافة لما ذكرها السيد كبر هي (الانفعال العاطفي الرومانسي بقضايا الدين) واصفا بها حالات الهياج والتكبير التي تنتاب الكوز بعد ان يقول خطيبهم (تكببببببببببييييييير) أو في شعاراتهم الزائفة ربط قيم السماء بالأرض أو فليعد للدين مجده أو ترق منا الدماء.
ذات العقلية وبذات الانفعال العاطفي هي التي تحكم الآن لم تتطور قيد أنمله والكل سمع بشعارات أمريكا روسيا قد دني عذابها بمجرد استلامهم السلطة، كانوا يعتقدون السيطرة على كل العالم العربي بتكوينهم للمؤتمر الشعبي العربي الاسلامي واعادة الأندلس ومن ثم الانقضاض على أوربا الغربية والشرقية ثم أمريكا....ألم تكن تلك هي نفس العقلية التي كان يسخر منها أحمد القرشي.
لك التحية وعبرك أحيي الصديق الدكتور أحمد القرسي وكل الشرفاء الذين مروا من هنا والذين يتابعون هذا البوست.
هناك بعض الصور سأحاول انزالها غدا ان شاء الكريم.
عماد خليفة
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
نعم آخي الاستاذ, كبر,
| Quote: محمد الفاتح دفعة قدامي مباشرة ( دفعة اخونا احمد الشايقي).. و لا زلت اذكر نكتته و سخريته ( بالمناسبة انتو المؤتمرجية ديل قاعدين تقروهم سخرية ولا شنو؟ |
مولانا محمد الفاتح أحمـد خليل من أبناء بارا, كان من أحب أبناء الدفعـة لي شخصياً وبالتالي فإن الأخ سيف خليل أخي الأكبر (لـزم), لهم جميعاً التحيـة,
محمد الفاتح كان مؤتمرجي ولكنه كان في التدين بعيد الشـأو مداوماً على الصلوات والأذكار وعالى النظافـة بصــورة ملفتـه,
كنا نثق في إجابة دعـواتـه ونشاغـلـه على الدوام بالعبارات الكردفانية الحنونـة ويشاغلنا بمقولات أحمد القرشي عن الطائفيـة.
لهـم جميعا التحيـة,
أحمـد الشايقي
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: أحمد الشايقي)
|
الاخ احمد الشايقي
تحياتي
| Quote: مولانا محمد الفاتح أحمـد خليل من أبناء بارا, كان من أحب أبناء الدفعـة لي شخصياً وبالتالي فإن الأخ سيف خليل أخي الأكبر (لـزم), |
*احتفي ايما احتفاء بأخائك فهذا شرف لي ومنة نحمد الله عليها.
*ربما كنت اعرفك وتعرفني..فحينما التحق محمد بالجامعة ..كنت لا زلت متسكعا فيها..اذكر من اصدقائه حافظ نوري،نضال عثمان،عيسي،كمال..
Quote: محمد الفاتح كان مؤتمرجي ولكنه كان في التدين بعيد الشـأو مداوماً على الصلوات والأذكار وعالى النظافـة بصــورة ملفتـه,
|
*نبدأ بالنظافة ..هي هاجسه منذ الصغر ..ولا زال متمكسكا بها..واعتقد ان النظافة ايضا تتعلق بالذي يتعلق بها..فمما استغرب له في اجازاتي نخرج سويا ..استعين به لتسهيل بعض الاشياء كالضرائب والزكاة..عندما نعود الي المنزل اجده لا يزال نظيفا..وانا حالي بالبلا..اشعث اغبر ..وجزمتي الا توديها الكوشة وهو جزمته تلمع..فاستغرب لذلك كثيرا,,
*اما التدين..ايضا هو ملتزم بذلك منذ ان كان طفلا وساعده علي ذلك ما لاسرتنا من علاقة بالتدين ..فهو نقي خير..لم يرتكب اي من الكبائر..وتصوف مبكرا..وهو مميز في دراسته منذ كان يافعا..لذا كانت التنظيمات السياسية تسعي لضمه خاصة الاخوان او الكيزان كما يقولون فهو اديب وخطيب..وهو ابعد ما يكون عنهم لذا هم لا يحبونه ..ولا يستطيعون رميه بالزندقة او الشيوعية او اي من الاكلشيهات...وبمناسبة الدعوات فلقد تقدم كثيرا في هذا المضمار..يمكنك القول انه اصبخ(شيخ الا ربع )
*الغريب وانا اكتب هذه المداخلة تلقيت مهاتفة من احمد القرشي..يغري صاحبة البوست والمتداخلين سلامه..ويشكركم كثيرا ..مع وعد منه بالتداخل ربما عن طريق عشة بت فاطمة..كما اكد لي انه لم يضرب احدا في حياته مشيرا الي المداخلة عاليه ..كما ذكر انه ربما كان الحديث في اطار ونسة عامة فهم منها من سمع انه هو الذي قام بذاك الفعل..واردف بطريقته المعهودة يا خي انا ايام المشكلة دي بي مكرفوني!!
لك المودة
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: عادل فضل المولى)
|
حول محمد ابراهيم الفكى ( الكوز)
وجدت الآتى فى كتاب( الترابى والانقاذ - صراع الهويه والهوى - فتنة الاسلاميين فى السلطه من مذكرة العشره الى مذكرة التفاهم مع قرنق) لمؤلفه دكتور عبدالرحيم عمر محى الدين(خريج تربيه الخرطوم وكادرخطابى من كوادر الكيزان وشغل مدير مؤسسة موفق الخيريه الدوليه وامين القطاع الثقافى والاجتماعى بامانة المؤتمر الوطنى بولاية الخرطوم وعضو الامانه العامه ورئيس دائرة الاعلام ثم مساعد الامين العام بامانة المؤتمر الوطنى بولاية الخرطوم وعضو المكتب السياسى بالمؤتمر الوطنى ومساعد امين العلاقات الخارجيه بالمؤتمر الوطنى وعمل مستشارا اعلاميا بسفارة السودان بلبنان ثم سفارة السودان بتركيا )
قال الآتى فى كتابه المذكور صفحة 257
احتدم الخلاف بين الوالى ( يقصد والى الخرطوم ) والامانه واختلفت وجهات النظر وتفسيرات لوائح المؤتمر الوطنى والحركه الاسلاميه وعندما بلغ الخلاف ذروته تمت دعوتنا من قبل الامين العام لحركه الاسلاميه وكان يومها امينا عاما ايضا للمؤتمر الشعبى العربى والاسلامى وفى مقر المؤتمر الشعبى العربى والاسلامى كان لقاؤنا بالدكتور الشيخ حسن الترابى امين الحركه الاسلاميه ومنظر نظامها السياسى واسسها الفكريه ، حضر ذلك الاجتماع بجانب الدكتور الترابى كل من السيد يسن عمر الامام ، الدكتور على الحاج محمد ، محمد احمد الفضل دقشم ، مجذوب يوسف بابكر والوالى بدر الدين طه ومن جانب الامانه حضر كل من
دكتور محمد محى الدين الجميعابى
مهندس عثمان يوسف
الاستاذ عبيد الامين الفكى
الاستاذ محمد ابراهيم الفكى
الاستاذ محمد عبدالله
الاستاذ عبدالرحمن الجاك
الاستاذ المعتز بالله الخليفه
الاستاذ محمد عبدالرحمن بابكر
الاستاذ عبدالرحيم عمر محى الدين
وجاء فى صفحة 258 من الكتاب ما يلى
( كان رد الشيخ الترابى فى تلك الليله صاعقا ومحيرا ولغزا وذلك عندما قال لنا هذه اللوائح - اى لوائح المؤتمر الوطنى - قد كتبناها من اجل الخواجات والاعلام الغربى فقط فالوالى هو رئيس الجهاز التنفيذى والسياسى معا )
وهكذا كما ترون كان محمد ابراهيم الفكى متنفذا فى الامانه العامه للتنظيم وهى الجهه الحاكمه البلد
وهكذا ترون اراء الترابى فى الغرف المغلقه لدى التنظيم وخداع الناس ولذلك لا تستغرب يا عصام جبر الله ان يقول محمد ابراهيم الفكر اراء خارج الاركان واراء فى الاركان فهو ابن الشيخ الترابى وتلميذه كلهم لهم خطابات مختلفه
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
هناك غرض معين من إنزال هذا البوست ، فهو بداية لمرحلة توثيقية تشمل كل من ساهم في العمل الوطني في بداية التسعينات ، والتنقيب عن ماضي الشرفاء الذين وقفوا في وجه الدكتاتورية والطغيان ، عندما كانت الإنقاذ تردد المقولة الشهيرة : نحن لا نعرف عفا الله عما سلف
أو مقولة الراحل الزبير : من أجل الثورة يجب أن يموت ثلثا الشعب السوداني ويحيا ثلثُ واحد يحمل راية الجهاد .. وقد كان عليه رحمة الله يكرر في الإعلام أيام توليه لوزارة الداخلية : أنني لست سيد أحمد الحسين !!!
نعم بالفعل أنه ليس مثل سيد أحمد الحسين ، رجل المواقف الصعبة ، والرجل الإنسان الذي عاش تحت الإنقاذ ، في سجونها وتحت نظرها ولكنه كانت تخاف منه خوف العقرب من ضربة النعال ، وتعمل له ألف حساب ، وكثيراً ما كنت أقول لو أن الذين حكموا السودان كانوا مثل سيد أحمد الحسين والحاج مضوى محمد أحمد وعلي محمود حسنين لما اندلعت الحرب في الجنوب ، أو اشتعلت الثورة في دارفور ، ولكن سفينة التاريخ أحياناً لا تحمل أناسُ علي مثل هذه الشاكلة ، فقد تسلل إليها نافع علي نافع وعلي عثمان ومجذوب الخليفة ، فكانت النهاية ليست في جبل ( الجودي ) حيث الاستقرار والأمان ، بل لا زالت السفينة السودانية تمخر في محيط بلا سواحل ، حتى نيفاشا لم تمهد للسلام ، علي الرغم من زخمها ورقصها وطبولها ، وهي الاتفاقية الوحيدة في التاريخ التي وافق عليها أعضاء برلمان بنسبة مائة بالمائة ، وشكوى الفريق سلفاكير للرئيس جورج بوش عن بطء تطبيق اتفاقية السلام كشفت حجم الأزمة بين الشريكين المتنافرين ، واللذان كانا يخاطبان أهل السودان مع موقع البندقية وليس من موقع خيارات هذا الشعب الذي يحكمانه .
والحال لا يختلف كثيراً عندما نأتي للتطرق لاتفاقية أبوجا ، فمساعد رئيس الجمهورية الجديد خيّر بين أداء المراسم في القصر الجمهوري وبين دعوة وجهها له البيت الأبيض ، فأختار الأخيرة علي القصر ، وكما هو واضح أن حركة تحرير السودان لن تتخلى عن دعم المجتمع الدولي بما فيه الولايات المتحدة مقابل وظيفة سياسية في القصر الجمهوري ، فرجلٌ مثل الدكتور مصطفي عثمان إسماعيل يفتخر بأنه أصبح وزيراً لمدة سبعة عشر عاماً !! ويعتبر خدمته فضلٌ أهداه للشعب السوداني ، بقي في الوزارة ما يقارب العقدين من غير أن يحمل البندقية ، لذلك يشعر المحارب أنه لم ينل ما يريده ، أو أنه وجد أقل من المطلوب ، وهو الذي حمل السلاح وتحمل مكاره الحروب .
يمكن لأشخاص مثل الدكتور/أحمد القرشي أن يحملوا فكرة الدولة السودانية الجديدة ، القائمة علي الحرية والديمقراطية والتسامح ، كما كان يفعل أستاذنا سيد أحمد الحسين متعه الله بالصحة والعافية ، ومن الممكن أن يتذكر الأستاذ/ أحمد الشايقي التعامل الحضاري الذي وجدته مظاهرته في عام 88 ، عندما أقدمت حكومة الائتلاف بين الصادق المهدي والدكتور الترابي علي زيادة أسعار السكر ، فقد خاطب تلك المظاهرة والتي خرجت من رحاب جامعة الخرطوم مولانا أحمد الشايقي ، وإن لم تخونني الذاكرة فهو أحد الذين اسهموا في رفع هذا البوست .
يحتاج السودان للدكتور/أحمد القرشي ومعاذ خيال ومحجوب حماد وعثمان أبو كنة وغيرهم من أبناء السودان الذين يحملون تصوراً واعداً يخرج السودان من هذا الوحل ، فالسودان إذا دخل في مستنقع الحروب الدولية كما تخطط الإنقاذ فلن يجد الأشقاء الذين يهرعون لنجدته كما حدث للبنانيين الآن ، وفي مثل ظروفٍ بهذا النوع يتم تحميل النظام المسؤولية ، ولن تتضرر الجبهة الإسلامية كثيراً ، ولعلها احتاطت لمثل هذا اليوم ، بتحويش الملايين من الدولارات بعد أن حولتها إلي حسابات سرية في الخارج ، فهم لن يعيشوا عمراً أكثر من الذي عاشوه ، وكنت أتساءل من عجب الزمان .. كيف يفاوض مجذوب الخليفة مولانا عبد الواحد محمد أحمد وهو في عمر أبنائه ، فالأستاذ عبد الواحد من مواليد عام 1971 ، أما الأستاذ أركوي مناوي فهو من مواليد 1968 م ، وعندما تخرج كل من مجذوب الخليفة وعلي نافع وعلي عثمان من جامعة الخرطوم ربما يكون هذان المناضلان يحبوان ، أو غير موجودين في أقرب الاحتمالات ، إذاً هناك فرصة لصعود وجوه جديدة شابة ، لها ماضي في النضال والعمل السياسي ، لذلك اخترت الدكتور أحمد القرشي ليكون البداية ، ولعلمي التام بحنكته السياسية ، وهو لا يشبه الرئيس بلير في الخلقة فقط ، بل يفوقه في الخطابة السياسية ، كما أنه قادر علي حشد التأييد ويملك منطقاً لقياس الأشياء .
أنه أحمد القرشي ، حتى وإن نسينا بعضاً من حروف اسمه ، إلا أنه ترك في نفوسنا أثراً طيباً قلما تجده في هذه الأيام
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
ابوعيسى
والشوق مطر
طواحين الهواء التي تديرها هنا لا تعفيك من الإجابة
من من المتداخلين تعرفه أو يعرفك بصورة شخصية..؟
**
Quote: عندما كانت الإنقاذ تردد المقولة الشهيرة : نحن لا نعرف عفا الله عما سلف
أو مقولة الراحل الزبير : من أجل الثورة يجب أن يموت ثلثا الشعب السوداني ويحيا ثلثُ واحد يحمل راية الجهاد .. وقد كان عليه رحمة الله يكرر في الإعلام أيام توليه لوزارة الداخلية : أنني لست سيد أحمد الحسين !!! |
***
| Quote: وكثيراً ما كنت أقول لو أن الذين حكموا السودان كانوا مثل سيد أحمد الحسين والحاج مضوى محمد أحمد وعلي محمود حسنين لما اندلعت الحرب في الجنوب ، أو اشتعلت الثورة في دارفور |
ولو تعلقت باستار الكعبة ..مش (تكسر تلج للحزب الاتحادي) فهذا لن يعفيك يا ابا عيسى من الاجابة على السؤال المطروح
من يعرفك من المتداخلين في هذا البوست بصورة شخصية..؟
سيف الدين خليل قال لم (يتعرف عليك بعد)
وعمار محمد أدم- أشهر من شال سيخة في جامعة الخرطوم ابان تلك الفترة-
يود ان تذكره بنفسك..
كن شجاعاً وقل للبورداب الشرفاء من أنت..!!
***
| Quote: ومن الممكن أن يتذكر الأستاذ/ أحمد الشايقي التعامل الحضاري الذي وجدته مظاهرته في عام 88 ، |
.
للتثبيت فقط
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: عادل فضل المولى)
|
ما قلنا ليكم قبل كدة وما صدقتونا ،، سارة عيسى شخصية مدعية
وأكبر مشاكلها أن اخترات كلية القانون التي يتعارف جميع طلبابها لقلة الطلاب إذ يتراوح عدد طلابها بين ( 80 - 100)..
مرة ثانية ليس لكي أي مصداقية يا سارة عيسى حتى تكشفي عن شخصيتك...
التحية لأحمد القرشي أينما كان،، مع أمنياتنا له بالتوفيق
والتحية موصولة لإبراهيم الشيخ ومحمد الشيخ ومحمد جلال وغيرهم من أولئك الصناديد الذين جعلوا للمعرفة أشكالاً وللحوار أبعاداً خرافية،،،
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: عادل فضل المولى)
|
Quote: عمدة
الصورة لم تظهر عندي..لرجو اعادة تحميلها
لك المودة |
الجسور / سيف الدولة
الصور يظهر فيها مشكلة فنية واظنها أختفت تماما من البوست، وأعتقد لا داعي للمحاولة مرة أخري خاصة وان ست الدار لم ترحب بنا ونحن دارا ما برحبو بينا فيها ما بنقربها تاني، لكن أمر ود القرشي عزيز علينا وما دايرين نفتح بوستات لتمجيد ناسنا.
شكرا مرة أخري سارة عيسي على هذا البوست ومعذرة لكثرة الطلة التي قيل عنها(انها تمسخ خلق الله).
الصور سأرسلها لك عن طريق الأيميل ومعها صور أخري لشرفاء فرق بينهم هذا الزمن الكالح.
تحياتي
عماد خليفة
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: Imad Khalifa)
|
الاخ عمدة
تحياتي
*امس لاحظت عدم الترحيب بالمتداخلين ربما بأستثناء ابو آمنة وبحيراوي..علي غير ما جري به العرف في هذا البورد..
*عزوت ذلك لنسيان او لعدم قصد
*بمداخلة صاحب/ة البوست الاخيرة ..احسست ..كأنما اعد البوست لأستكتاب اقلام او اجيال بعينها..
*ورغم انني تداخلت بما هو اساسي ..اذ صححت معلومات مغلوطة..بل حتي الاسم ..موضوع البوست..ولم تنتبه او ينتبه صاحب البوست للرد او التمسك بأغلاطه او حتي الشكر..
*جاءني احساس ان صاحب البوست واحد المتداخلين شخص واحد..والذي يحمل ما المح اليه..
*علي اي اسفي العميم علي مساهمات غير مرغوبة..رغم شكرنا لصاحب/ة البوست علي جهده..
*له/ا والمتداخلين كل الود..
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: saif khalil)
|
اخي سيف خليل
لك العتبي حتى ترضي ، واشكرك علي تصحيح المعلومة الخاصة باسم الدكتور/أحمد القرشي
والغرض من هذا البوست ليست إستمالة الأقلام كما أشرت ..بل الغرض منه توثيق حقبة من الحياة الجامعية ، وإسداء العرفان لشخص الدكتور أحمد القرشي ، فهو كان أحد أقطاب القوى الوطنية في جامعة الخرطوم ..
والغرض الثاني ، والذي لا أخفيه إطلاقاً هو جذب الدكتور / أحمد القرشي لهذا المنتدي ، وكما أستفدنا في السابق من أسلوبه في الحوار المباشر فنحن نريده بيننا حتى يعطر سماء هذا المنتدي .. وأظنني أخفقت في ذلك ..
لم أرد علي كل المداخلات ..علي الرغم أن ذلك يرفع البوست ويغذيه بالقراء ..ولكنني لم أفعل ذلك لعلمي أن هذا البوست ملك مشاع ، فأناس مثل الأستاذ/سيف خليل كفوني مؤونة التعقيب .. فالمبادرة لمن يعرف أكثر عن أحمد القرشي وليس لمن يملك البوست
| |
|
|
|
|
|
|
|
|
|
Re: خطباء التنظيمات السياسية بجامعة الخرطوم في بدايات عهد الإنقاذ ..الدكتور/محمد القرشي (Re: SARA ISSA)
|
اظنننى اختلف مع الدكتور منصور خالد عندما قال إن الشعب السوداني ذاكرته ضعيفة عندما كرم العميد عثمان عبد الله الذي طالب بضرب المتظاهرين إبان ثورة ابريل وعينه وزيرا للدفاع بينما يقبع الفريق احمد حسن وادي مدير السجون والذي عارض قمع المتظاهرين في قاع النسيان…وأخال إن بعض السودانيين يذكرون المحاسن فقط أما المساوئ فهم يتناسونها أو يسامحون من يرتكبها حتى لو أسقطت أعمدة الفساد مباني مستشفى الشرطة على رؤوس الأشهاد .
اشكر الأخت سارة عيسى على هذه الكلمات التي خطتها عنى واقدر لها حسن ظنها بى . ويكفيني شرفا
اننى خطرت بذاكرتها وبذاكرة الذين شاركوا بالبوست . وهاهي السعادة تجد مكانا في نفسي بين مشاعر الأسى والحزن التي وطنتها الانقا ذ في أعماقنا.
الأسطر التي كتبتها سارة بكل تقدير واحترام لشخصي فجرت ينابيع الإخاء والصداقة عند كل من تربطني به صلة..أو حتى من لامس حديثي جرح في داخله..فانهمرت كلماتهم تمدح شخصي ولا أظن نفسي آهل لهذا المدح... وكل صفة دثروني بها فانى اكتسبتها من دعمهم وشجاعتهم ومساندتهم .
اشكر كل من كتب عنى في هذا البوست ..اشكر احترامهم لي وتقديرهم لمواقفي تلك والتي استمديتها منهم ...أشكرك آخى واستاذى الكبير سيف الدولة احمد خليل فالأحرى أن نكتب نحن عن نضاله وتضحياته من اجل هذا الوطن..فمنه تعلمنا الإيثار على النفس والتضحية والشجاعة وتشربنا الفكرة. ولساني يلهج بالشكر للإخوة الاعزاءعماد خليفة، بحيراوى،احمد الشايقى، جعفر بشير ،حليم ،عصام جبرالله، الدكتور عبدا لعظيم عبدا لرحمن ، كبر، الصادق إسماعيل، عشه بنت فاطمة ومحمد المرتضى والأخ عثمان مالك وأقول له ليس من شيمي الضرب وما سمعته كنت أحكى حادثة لأحدهم لم أكن طرفا فيها ولك الود.والشكر لكل من أثرى البوست.
لكم جميعا الشكر والتقدير..وللحديث بقية.
اعتذر للتأخير فلقد اكتسبت العضوية مؤخرا.
| |
|
|
|
|
|
|
| |
أحمد الشايقي
Mustafa Mahmoud
عادل فضل المولى
البحيراوي
wadalzain
saif massad ali
saif khalil
عشة بت فاطنة
jini
Kabar
Imad Khalifa
الصادق اسماعيل
amar adam
ALMURADABI
ابوبكر الامين يوسف
Ahmed al Qurashi
فيس بوك
تويتر
انستقرام
يوتيوب
بنتيريست