|
|
 الهادي (البصير)...و علاج الأطفال و الحمير
|
وجدت الصورة الآتية طريقها إلى بريد معز الإليكتروني
مرسلة له من الباشمهندس عاصم وداعة الله نقلا عن صديق له
ثم إنتقلت بثقة لتجد حيزا بين رسائلي
والآن أشارككم فيها
الهادي البصير...و علاج الأطفال و الحمير
.
.
|
|
 
|
|
|
|
|
|
|
 Re: الهادي (البصير)...و علاج الأطفال و الحمير (Re: غادة عبدالعزيز خالد)
|
سلامات الأخت غادة,
تداول الناس هذه الصورة بكثرة وهى للأسف توضح إلى أى درك وصلنا فى دولة المشروع
الحضارى!!فالبصير والطبيب البلدى ليس جديدا ولكن الجديد فى الأمر هناوالمخجل
أيضاهو تداخل التخصصات وعلاج الحمير جنبا إلى جنب مع البشر!!! نرجو ألا تقع فى
أيدى من لا يخشى فينا الله وبعدها تكون على نفسها جنت براقش فهى بالجد مهزلة ومن
عمق المأساة تخرج النكتة وشر البلية ما يضحك!!!
تحياتى
| |
|
|
|
|
|
|
|
|
 Re: الهادي (البصير)...و علاج الأطفال و الحمير (Re: أيمن الطيب)
|
Quote: فالبصير والطبيب البلدى ليس جديدا ولكن الجديد فى الأمر هناوالمخجل
أيضاهو تداخل التخصصات وعلاج الحمير جنبا إلى جنب مع البشر |
حقيقة صدقت يا أيمن
و لنتمنى أن تمضى البلد
من أفضل إلى الأفضل
يوما بعد يوم
و لكن هل هذا يكفي؟
ما الذي يجب علينا أن نفعله
كل الود
غادة
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: Al-Shaygi)
|
| Quote: هذه أصبحت ظاهرة عامة في السودان بل وصلت إلى عيادات ومستشفيات خاصة لهؤلاء مع توزيع بروشورات للإعلان عن هذه الأنشطة وفتح عيادات في أحياء راقية |
لا حول و لا قوة إلا بالله
و أنا إعتقدت أن هذه حادثة فردية!
لنا الله و لك يا وطن
شكرا أخي الشايقي
غادة
| |
|
|
|
|
|
|
|
|
 Re: الهادي (البصير)...و علاج الأطفال و الحمير (Re: Adil Osman)
|
Quote: ههههههههههههه. والله حكاية!
ما هو الفهق؟ |
الفهق يا عادل هو....علي كلام حبوبتي فاطنة بت ابراهيم حامد(يمة فاطنة)الله يديها العافية زماااااااااااان كنت بسمعها تقول الشافع مفهوق..والشافع انفهق..وهي ان الطقل يقع من السرير او من مكان عالي او من واحد شايلو الشافع دايمايشخص عينه (ينطرها)و زي بطنو طامة وربما استفراغ..ودايما تعالج حالات الفهق بواسطة كبار السن والحبوبات (مش حبوبات الزمن دة صغار وهن زاتن لو انفهقن دايرات ليهن حبوبات!)وعلاج الفهق معروف في القري والحلال وهو علاج طبيعي لا غير
اها وقع ليك انشاء الله وانا والله روحي طلعت عشان اشرح الحتة دي.....
اقول ليك حاجة لو جيت السودان اضرب لي بوديك ليمة فاطمة تشرح ليك اكتر..
...
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: Adil Osman)
|
Quote: ههههههههههههه. والله حكاية!
ما هو الفهق؟ |
الفهق يا عادل هو....علي كلام حبوبتي فاطنة بت ابراهيم حامد(يمة فاطنة)الله يديها العافية زماااااااااااان كنت بسمعها تقول الشافع مفهوق..والشافع انفهق..وهي ان الطقل يقع من السرير او من مكان عالي او من واحد شايلو الشافع دايمايشخص عينه (ينطرها)و زي بطنو طامة وربما استفراغ..ودايما تعالج حالات الفهق بواسطة كبار السن والحبوبات (مش حبوبات الزمن دة صغار وهن زاتن لو انفهقن دايرات ليهن حبوبات!)وعلاج الفهق معروف في القري والحلال وهو علاج طبيعي لا غير
اها وقع ليك انشاء الله وانا والله روحي طلعت عشان اشرح الحتة دي.....
اقول ليك حاجة لو جيت السودان اضرب لي بوديك ليمة فاطمة تشرح ليك اكتر..
...
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: عاطف عمر)
|
| Quote: يعني هسع الزول كان داير ( يقطع ) مع معز أو يحرشو عليك يركب طيارة عديل ولا شنو ؟؟؟ |
الأخ العزيز
عاطف عمر
طيارة شنو يا عاطف؟ الطيارة لو ما نزلت عندي في الحوش
ما بتمشي على المطار
إستعوض الله
 
الصورة كما قلت للأخ حيدر
هي عن لافتة لل=لهادي البصير الذي يعالج الأطفال و الحمير
تحياتي إلى سعدية الأبية و الأبناء و البنات
كل الود
غادة
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: طارق جبريل)
|
انا ماشايف صورة
ولكن ليس دفاعاً عن الحمير 000
ياجماعة والله الحمير ديل ماتفتكروهن اغبياء
بعدين أنصح جميع المتزوجين لو زوجتك قالت ليك ياحمار ماتزعل منها
عارف ليييييييييييييييييه ؟؟؟
زمن سيدنا نوح عمل المركب وطلبوا من الحيوانات تدخل
دخلت كل الحيوانات الا الحمار
كراع بره
وكراع جوه
الحمار شاف من كل زوجين اثنين
قام قال ليهم انتو أحسن مننا وللا أحسن مننا
اها قدر الجماعة ماحاولوا معاه حلف بالتكتلوا مايدخل
وأخيرا شكوا للنبي نوح
قالوا ليهو الحمار راسو قوي وحلف مايدخل
اها كان في طائر نسيت اسمو الآن
الطائر دا بتاع شمارات
رسلوه قالوا ليهو امشي فتش { الحمارة } وناديها وقول ليها راجلك حلف مايركب الا انتي تجي
بالله مشى لقى ليك الغبيانة دي تاكل
وكمان شنو زيادة في الشبع والشبق قاعدة تتدردق بالواطاة
اها بتاع الشمارات قال ليها
هوووووي يا الغبيانة دي
الحمار موقف السفينة { على فد كراع } وقال مابيركب لو ما جيتي معاه
اها بعد ما اطمئن الحمار على { اليسا } بتاعتو قام ركب آخر واحد
اها ياجماعة هل هناك وفاء أبلغ من ذلك ؟؟
لاتزعل أخي المتزوج حينما تقول ليك زوجتك { ياحمار } !!!!
عندنا حمار { مكادي } في سوق المدينة عرب
مكادي دي لمن لايعرفها من الحناكيش معناها حمار بطيء غير سريع
تقول ليهو أمشي قدام يقوم يرجع خلف
اها الحمار دا صاحبوا بيجيبو كل يوم سوق في المدينة
والظاهر انو السماسرة بتاعين الحمير لازم يفتحوا خشم الحمار قبل مايشتروه
وهذا السر بيعرفوا بيهو سن الحمار
الحمار يمكن عشرة أسواق ما اتباع فيهم
اها في الأسواق التانية كان كلما يمر على الحمار واحد من السماسرة
يقوم الحمار بسرعة يفتح خشمو !!
وبقى في كل سوق فاتح خشمو طول اليوم
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: ابوحراز)
|
Quote:
اها الحمار دا صاحبوا بيجيبو كل يوم سوق في المدينة
والظاهر انو السماسرة بتاعين الحمير لازم يفتحوا خشم الحمار قبل مايشتروه
وهذا السر بيعرفوا بيهو سن الحمار
الحمار يمكن عشرة أسواق ما اتباع فيهم
اها في الأسواق التانية كان كلما يمر على الحمار واحد من السماسرة
يقوم الحمار بسرعة يفتح خشمو !!
وبقى في كل سوق فاتح خشمو طول اليوم |
سلامات يا أبو حراز
الحمار ده غير إنو ذكي
(غتييييييت)
كسرة,
تحياتنا للمدام
عارفاك جيتنا أمبارح في البوست
كل الود
غادة
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: غادة عبدالعزيز خالد)
|
غادة ازيك
معز دا منو؟...واحد
اتنين... فسخ كيف يعني؟.....زي فسخ الختوبة؟....واللا زي فسخ الفول ...وماعلاقة الفسيخ بالفسخ السالف الذكر؟......زمان وانا يا دوب جاي الخرتوم كقروي ساذج....جيت شايل حبة منقة وجبتها لسلوى الحليوة من بنيات العاصمة قلت لها يا هناية هاكي افسخ لي المنقة دي..وانا بكل سذاجة اقصد قشريها لي " قشريها دي عرفتها بعد اتسغفتا"...سلوى جرت مني وقامت صوف وبعد شوية جات امها وحلاني من تخت ايديها عم عبد الله سيد الدكان....الله يطول عمرو
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: سجيمان)
|
سلامات يا سجيمان
أولا, كتبت عن معز قبلا
Re: اطلاله من نافذة الغربة....(مع الصور)
أ| Quote: اتنين... فسخ كيف يعني؟.....زي فسخ الختوبة؟....واللا زي فسخ الفول ...وماعلاقة الفسيخ بالفسخ السالف الذكر؟......زمان وانا يا دوب جاي الخرتوم كقروي ساذج....جيت شايل حبة منقة وجبتها لسلوى الحليوة من بنيات العاصمة قلت لها يا هناية هاكي افسخ لي المنقة دي..وانا بكل سذاجة اقصد قشريها لي " قشريها دي عرفتها بعد اتسغفتا"...سلوى جرت مني وقامت صوف وبعد شوية جات امها وحلاني من تخت ايديها عم عبد الله سيد الدكان....الله يطول عمرو |
سجيمان يا سجمان
ما بتعرف الفرق؟ ههههههه
الله يحفظ عم عبدالله
كل الود
غادة
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: غادة عبدالعزيز خالد)
|
غادة سلام
عندنا في حلتنا (الصحافة) واحد بصير (لكن مركب مكنة دكتور) لا بخلي رجل مكسورة لا ركبة مفكوكة لا يد معووجة اي حاجة بيعملها.وبعدين بيتم فاتح في ميدان الكورة اي شاب يقع في ا########## ساي تلقي جاب خشباتو وجا جاري داير يعمل عملية اها يوم هو ذاتو (جمبلغ) وقع جوه بلاعة وكراعو اتفكت ناس الحلة اتلموا قالوا عايزين يشوفوا ح يعمل شنو,عمك طوالي شال تلفونو وضرب لي ود اخوه:
الو.....يابلال عليك الله احجز لي عند دكتور كشان !!!!
انحن راسنا ضرب
ياعمك.....دكتور شنو انت ذااتك ما ما عامل لينا فيها دكتور!!! القصة شنو!!! وبعدين نحن ممكن نوديك لي حاجة بتول البصيرة ترجع ليك رجلك المفكوكة دي واهي زميلتك في الشغلانةو she will take care of you عمك عاين لينا كدة وقال:-
بصيرة؟؟؟؟؟انا اتعلج عند بصيرة؟؟؟؟ليه
قلنا ليهو ما انحنا كلنا بنتعلج عندك.....اشمعنا؟؟؟؟؟
قال: انتو بهايم اعمل ليكم شنو !!!!!!!!!
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: elsawi)
|
لوحه دعائيه نحو مزيد من التسويق
في بلاد يكثر بها الجهل و الحهلاء.
طفل مصاب بالملاريا وبدء بالتعافى اصرت اسرته الغنيه على الخروج
ذهبو به لبصير لعمل الفهق الطفل عاد الينا بعد يوم بكسر في الرقبه وصعوبه في التنفس وتوفى في العياده الخارجيه.
اهــله ارادو الجثمان ولم يريدوا عمل اجرائات جنائيه..
ستستمر هذه الممارسه في السودان واكثر ما بقى الوضع الاقتصادي
وغلاء العلاج و ردائته وما بقى الجهل ، ومابقى مثل
هذا الممارس في الهواء الطـــلق .
مسكــين الحمـــار فلا يستطيع ان يختار من يعالجه! .
شكرا غــاده على البوست ، و لكم جميعا التحيه و الود .[/B
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: omar altom)
|
Quote: عندنا في حلتنا (الصحافة) واحد بصير (لكن مركب مكنة دكتور) لا بخلي رجل مكسورة لا ركبة مفكوكة لا يد معووجة اي حاجة بيعملها.وبعدين بيتم فاتح في ميدان الكورة اي شاب يقع في ا########## ساي تلقي جاب خشباتو وجا جاري داير يعمل عملية اها يوم هو ذاتو (جمبلغ) وقع جوه بلاعة وكراعو اتفكت ناس الحلة اتلموا قالوا عايزين يشوفوا ح يعمل شنو,عمك طوالي شال تلفونو وضرب لي ود اخوه:
الو.....يابلال عليك الله احجز لي عند دكتور كشان !!!!
انحن راسنا ضرب
ياعمك.....دكتور شنو انت ذااتك ما ما عامل لينا فيها دكتور!!! القصة شنو!!! وبعدين نحن ممكن نوديك لي حاجة بتول البصيرة ترجع ليك رجلك المفكوكة دي واهي زميلتك في الشغلانةو she will take care of you عمك عاين لينا كدة وقال:-
بصيرة؟؟؟؟؟انا اتعلج عند بصيرة؟؟؟؟ليه
قلنا ليهو ما انحنا كلنا بنتعلج عندك.....اشمعنا؟؟؟؟؟
قال: انتو بهايم اعمل ليكم شنو !!!!!!!!! |
الأخ العزيز
عمر
بركة الدخلت البورد و إنضميت لينا
حقيقة, القصة رائعة, جلسنا نضحك عليها
أنا و معز جدا
كل الشكر على قصة هكذا جميلة
غادة
| |
|
|
|
|
|
|
|
|
 Re: الهادي (البصير)...و علاج الأطفال و الحمير (Re: غادة عبدالعزيز خالد)
|
Quote: اها كان في طائر نسيت اسمو الآن
الطائر دا بتاع شمارات
رسلوه قالوا ليهو امشي فتش { الحمارة } وناديها وقول ليها راجلك حلف مايركب الا انتي تجي
بالله مشى لقى ليك الغبيانة دي تاكل
وكمان شنو زيادة في الشبع والشبق قاعدة تتدردق بالواطاة
اها بتاع الشمارات قال ليها
هوووووي يا الغبيانة دي
الحمار موقف السفينة { على فد كراع } وقال مابيركب لو ما جيتي معاه
اها بعد ما اطمئن الحمار على { اليسا } بتاعتو قام ركب آخر واحد
اها ياجماعة هل هناك وفاء أبلغ من ذلك ؟؟
|
 وتاني سبعتاشر قدُرِن!!
لوووووووووووووووووووووووول... الله يجازي محنك يا أبو حراز...
قلتلي الغبياني بعد ما أكلت وشبعت بقت تندَرْدَق... كأني أعاين الله الآن... الله يديك العافي في عضيماتك يا أخي...
الشكية لاب إيداً قوية... يا سجيمان ... الله يسجْمِن عدوك قول آمين... قلت لي الفسخ ماك عارفو شنو؟؟؟ والله عااااااااافو وفايت قد أضانَك دي... كدي لامِن ألاقيك في الماسنجر الداخلي عشان ماب أقدر أقولو في العام
وتشكراتي أُستاذة غادة...
أبو الحســــــين...
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: أبو الحسين)
|
شكرا الأخ الصاوي ... على إعادة تنزيل الصورة .
وهي بالطبع صورة محزنة ... لكن مهلا ... فلا ينبغي
سادتي أن تحزنوا كثيرا , فهي صورة من صميم واقعنا
الإجتماعي وهنا حيث { يتطبب } الكثيرين من أهل بلدي
وحيث يموتون , ولم يكن لتنتصب مثل هذه اللافتة بجوار
مركز صحي أو عيادة أو مستشفي , فهنا السوق يقيم بدائله
الممكنة بالصح والكذب , وهي لافتة تحكي كل قصتنا , قصة
التخلف وعدم الإستقرار السياسي وعدم الكفاية الإقتصادية
وقصور الخدمات الإجتماعية وإنخفاض سقف الوعي الإجتماعي ,
وأضف ما شئت .
مع هذا فلن أحيل الأمر إلى معركة شاملة ضد الطب البلدي ,
لأنه طب كذلك تقتضيه ظروف بيئية لا تتوفر فيها كل الخدمات
الطبية المطلوبة , بل حتى عندما تتوفر هذه العناصر فيظل
مشروع الطب البلدي يتساوق مع أحاسيس بعض الناس ويوفر لهم
إحتمال الشفاء بتوفر الإستعداد النفسي والذي يقال أنه يمثل
خمسين بالمائة من العلاج . فالطب البلدي يتحول فى منظومة
العلوم الطبية إلى ما يسمي اليوم { بالطب البديل } فهو
يتطور إلى علم ويأخذ طريقه إلى المعامل وحقول التجربة ,
لكن دون أن يفقد خواصه التاريخية والنفسية التي تميزه عن
الطب التقليدي . لكننا فى السودان ليس كذلك ... لم نلتحق
بعد بالركب الطبي للعصر , لهذا فسوف يظل كلا فرعي طبنا
التقليدي والبديل متخلفين وبعيدين عن أسباب العلم والتطور.
وربما هنا موضوع يطول فيه الحديث ... لكن لا أود أن أغير في
طبيعة البوست والذي من خواصه خفة الظل والدم .
أما حكاية علاج الأطفال والحمير على حد سواء ... فقديما كان
العباقرة يقبضون بخيوط سائر المعارف , فتجد الواحد فيهم
طبيبا وفيلسوفا ومنجما وما إليه , فربما صاحب اللافتة من
بين هؤلاء , وإن يكون أكثر واقعية لربطه بين الطب البشري
والطب البيطري ... فقط لا غير ... بعدين شايف تلفونو { سوداني }
والظاهر الحكاية { وارة } ... وحفظ الله قومي .
شكرا غادة
مع مودتي
| |
|
|
|
|
|
|
|
|
 Re: الهادي (البصير)...و علاج الأطفال و الحمير (Re: غادة عبدالعزيز خالد)
|
غادة ازيك ..
نحن ناس الكورة زمان عندنا البصير ولا الدكتور هسي ما عارف الحاجة دي اتغيرت ولسه بمارسوها
طبعاً حكاية انو لاعب يتعوق أو يتكسر طوالي بيقوموا يودهو للبصير على فكرة في ناس كتيرة عندها خبرة وبعالجوا حالات اصابة الملاعب وحتى لاعبين كبار كانوا بمشوا للبصير ..
ودا طبعاً خطأ في حد زاته لكن نحن بلدنا شغالة بالبصارة نعمل شنو ..
في مره من المرات اصبت بشد عضلي في العضلة الداخلية مشيت لي واحد صاحبي دكتور اخصائي علاج طبيعي تخيلي انا بتعالج لمدة تلاتة شهور من الشد دا وعرفت كيف انو نحن الطب الرياضي محتاج للكثير حتى يعالج اصابات لاعبينا عشان كده بنلقى عمر اللاعب قصير في الملاعب السودانية ..
تاني حاجة نتمنى أن نرتفع بدرجة شوية من الوعي وأن لا ننساق وراء هذه الأشياء ففي ضررها أكثر من نفعها ..
والتحية لك وللجميع ..
| |
|
|
|
|
|
|
|
|
|
Re: الهادي (البصير)...و علاج الأطفال و الحمير (Re: غادة عبدالعزيز خالد)
|
غادة
ببلدنا لا تعبر اللافتات عن شئ كما قال الرائعالمبدع هاشم صديق
في بلدنا الحلة واحدة
المطارياهو المحطة
والكوميت يوم تبقي الكارو
والزمن بيروح اونطة
كلو زي يفط الدكاكين والمتاجر
كلو زينة وماهو شاهد
تلقي مكتوب (ترزي أحلام العرائس)
وجوة فستان مرمي واحد
أو (مطعم الجنة الفريدة)
وجوة قدرة فول وحلة
وموية للعطشان في قُلة
تخريمة سياسية :
في بلد يتحدث فيه وزيرالداخلية عن المحاكمات بديلاً عن وزيرالعدل
ووزير العدل عن التدخل الأجنبي بديلاً عن وزيرالخارجية
وتبني فيه وزارة الداخلية الجامعات بديلاً عن وزارة التعليم العالي
لا تستجبي معالجة الحميروالبشربمكان واحد!!!!
| |
|
|
|
|
|
|
| |
غادة عبدالعزيز خالد
أيمن الطيب
HAYDER GASIM
Al-Shaygi
othman mohmmadien
Adil Osman
Ahmed El Gasim
عاطف عمر
Ehab Eltayeb
طارق جبريل
ابوحراز
سجيمان
omar altom
محمد على طه الملك
elsawi
شهاب الفاتح عثمان
أبو الحسين
معتصم دفع الله
Alsa7afa_30
ترهاقا
Ahmed musa
فيس بوك
تويتر
انستقرام
يوتيوب
بنتيريست