|
|
|
 Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
على فكرة حتى المرحلة الجاميعه كنت اكره الغناء السوداني جدا.
ولا اسمع الا لعبد الحليم حافظ وام كلثون وبقية الفكه
ناس محمد منير وشوية لبنانين ووهم كده لا اذكرهم الآن.
في الجامعه ولاني اغتربت صرت مرتبطه بكل ماهو سوداني.
كنت اختلف مع اختي الكبرى لرب السماء عندما ترغب في الاستماع لوردي
واقول ليها بالله الراجل الاهبل ده فكينا منه.
اختي كانت جبهة ديمقراطيه وهارينا لك بانشيد وردي.
تقوم تقول لي لن اعرف انك صرت تفهمي حتى تتذوقي فن وردي!!
وكنت اضحك عليها مستهتره بان هذا اليوم لن يآتي ابدا؟؟!!
وجاء اليوم باسرع مما تصورت.
| |
 
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: مجاهد عبد الرحمن)
|
مجاهد عبد الرحمن
سلامات
قلت لي الا تغني جاز؟؟!!
يازول حرام عليك هو شرحبيل جاز بس ما كنا الجيلاني الواثق ولا كمال كيلا...ولا اي بتاع جاز.
لشرحبيل خصوصيته وجاذبيته وكمان قامته الخاصه به وقرض على القامة دي فيها
كلام كثير خلاص.
Quote:
اللييييييييييييييييييييييييييييييييييييييييلة
إعترافات خطيرة
يا البكا
ويا الصيوان
وياأم شريف
أسمعي
وألحقي
وكنكشي كويس
دا تطبيق عملي لأغنية راجل المرا
الله يجازيك يا حمادة بي
بس ألحقي الصيوان بالشاي
يعني يا تراجي نغني جاز ولا شنو؟؟؟ |
الايام ديك يازول لم تكن هنالك ثقافة راجل المر.
ثانيا ان تحب فرق من تقترن بمن تحب.
ان تحب هذه تدخل فيما يملك الله ولا نملك.
وان تقترن بمن تحب هذه تدخل فيما نملك.عرفت الفرق؟؟؟ 
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: العوض المسلمي)
|
الاخ الحبيب العوض
شكرا لمروك
وكمان بتجاملني وبتصلح لي في المعنويات.
Quote:
عزيزتي تراجي
مازلتي في شباب
مالك وزكري الايام الخوالي
يكفيك ماذا تحبي ان تسمعي اليوم
ام تقصدين من شغل مراهقتك في غير الطرب
وتسلمي يا اختي |
كثر خيرك واصل التطمين.
وكمان ازيدها واكذب على روحي اكثر واقول الشباب شباب الروح
وروحي شابه فعلا.
فقط اندهشت باني نسيت بعض من مطربي الذين تعلقت بهم جدا في مراهقتي...
الآن تذكرت واحد منهم.... ملحم بركات...WAW وربما سيتوالى التذكر للبقيه.
اما من شغل مراعقتي في غير الطرب
فيا العوض بطل بحات انساه كيف يعني!!
الله يطراهم بالخير.....من علمونا معن انتظار البريد
ودقة التلفون وانتظار ساعات الخروج من المدرسة لانه
ينتظرني و النظرات من بعيد لبعيد!!وباقي
الفلم يتم شراط تسجيل بس و استماع لاغاني مشتركه تعني الكثير.
وربما هنا بدات تعرفي بشرحبيل احمد ولكن ليس بالعمق الكافي.
حليل ايام مشاعر زي ديك
ناس الزمن ده لو عرفوا حلاوتها وجمالها كيف , لكم الممنوعات وقتها
لدفعوا ثمنا ان يجربوها فقط.
شكرا لك.
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: العوض المسلمي)
|
Quote: شريف شرحبيل ظريف ولطيف وغنائي...لكن للاسف ما طويل زي ابوه.
وبركه البقى ما طويل
يعني هو ابوه يطلعو زيت بنات الناس ساكت.
مش كفايه ابوه لليوم مطلع زيتنا. |
دة شنو دة؟ تراجي اتهكرت ولا شنو؟
البوست دة كان كان كتبو اي زول غيرك يا تراجي كان الليلة الله قال بي قولو
ـــــــ
شاكليني بالراحة عليك الله عشان دي اول مرة اتداخل معاك
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Shayma)
|
شيما يا عسل منورة
يا شيماء انت مش من ضمن الناس القلتي لي ما تمشي
لماقلت عايزة اتقاعد واتونس بس!!
| Quote: شاكليني بالراحة عليك الله عشان دي اول مرة اتداخل معاك |
مداخلتك الالوه في بوست التقاعد ما نسيتها
وكانت على فكرة احد اسباب بقائي واستمرار الونسه.
Quote:
دة شنو دة؟ تراجي اتهكرت ولا شنو؟
البوست دة كان كان كتبو اي زول غيرك يا تراجي كان الليلة الله قال بي قولو
|
ما اتهكرته يا زوله وما تستعجلي
لو صبرتي اكمل حتعرفي بربط لك الامور كيف
ويتضح انه شرحبيل ابن الهامش الخرطومي انه ناس الهامش ما سهلين اطلاقا
واعملوا حسابكم.ولو دخل السياسه كان بقى لينا اوباما آخر.
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: عبدالكريم الامين احمد)
|
العزيز كيكي
يا سلام عليك
عارف انا فعلا الذكرني الحبيب شرحبيل وافتناني به صغيره ولازلت
هو فعلا بوست ابو مهيار بتاع( يا الجندريه لو تعرفي الشوق)
وفعلا دخلته البارحه فقط ولقيت لك الحبيب متحرك في وسطه
باغانيه الساحره وكلماته العميقه والحانه الحالمه وصوته الرخيم....
قلت فلنحيه لاني لم افعل يوما:
Quote:
ده الفن ذاااتو يا تراجي
وصرعة لا تقاوم ابدا ابدا |
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
هم اتنين يا تراجى
الاول شرحبيل
والتانى صلاح بن البادية
اقول ليك مكسرة فيهم الاتنين عديل والكلام دا مسؤولة عنه
لانهم الاتنين دخلوا القلب واتحكروا
منذ الصبا
وبالمناسبة لغاية الان ماقدرت اعرف سر انى ما بحب الغنا العربى
كله جملة وتفصيلا
وكانت عندى (شكلة جاهزة )كل ما اتلاقيت مع الموسيقار سليم سحاب فى مصر
قدر ما حاول يقنعنى بالغنا العربى ما قدر
وعذرى انها موسيقى ما بتشبه موسيقانا الخماسية
واقول ليك سر
شخصيا حيظل ابو عركى البخيت قبال اى زول تانى فى مسالة الن ديلون دى
شنو ليك ؟
بقوا تلاته الليلة ووب
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: سلمى الشيخ سلامة)
|
سلمى الشيخ
التقولي امبارح ماشفتيني جايب سيرة الحبيب المرحوم
(العميري) كدي امشي فتشي باقي كسيرنا في بوست آلن ديلون بتاع دينا خالد.
Quote:
هم اتنين يا تراجى
الاول شرحبيل
والتانى صلاح بن البادية
اقول ليك مكسرة فيهم الاتنين عديل والكلام دا مسؤولة عنه
لانهم الاتنين دخلوا القلب واتحكروا
منذ الصبا
وبالمناسبة لغاية الان ماقدرت اعرف سر انى ما بحب الغنا العربى
كله جملة وتفصيلا
وكانت عندى (شكلة جاهزة )كل ما اتلاقيت مع الموسيقار سليم سحاب فى مصر
قدر ما حاول يقنعنى بالغنا العربى ما قدر
وعذرى انها موسيقى ما بتشبه موسيقانا الخماسية
واقول ليك سر
شخصيا حيظل ابو عركى البخيت قبال اى زول تانى فى مسالة الن ديلون دى
شنو ليك ؟
بقوا تلاته الليلة ووب |
غايتو يا سلوم بالغتي
انت متأكده شفتي صلاح ابن الباديه و الفاضل سعيد في فيلهم داك المع سمه الآلفي؟؟؟؟
غايتو اتفه منظر لرجال بالمايهوات شفته في حياتي
وكان محلهم لو دفعوا لي اموال الدنيا كلهالايمكن اقبل اظهر بالمايوه
يازوله اتاري الهدوم دي ساتره بلاوي
جنس كلوجه وكعوجه واجسام مكلكعه غايتو المصرين
يتجازوا فرجوا فينا خلق الله يومها
ابو عركي ممكن لانه خشب الله عبد الناشف زي حبيبي شرحبيل ده D
لكن طبعا سحر شرحبيل براه
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
العزيزة تراجى
يسعد مساك
كنت قد تحدثت عن (فن ) صلاح الغنائى ولم اعن بقيمته كجميل وكفى
وهو فنان بعد
حتى ان هفا فلكل اسان هفوة
ومن كان منكم بلا خطيئة الى اخره
لكن ما رميت الى اساءته لانه يعرف قدر ما يقوم به
وان كان كما وصفتيه فهناك من هم اقبح منه باطنا وظاهرا
لكنه يبقى قامة غنائية وجمال روح فنية
لم تقف تلك اللحظات او حالت دون بلوغه قمة الغناء السودانى
هذا ما كان من امرى
اما ان يكون ما جرى على لسانك
(غايتو اتفه منظر لرجال بالمايهوات شفته في حياتي
وكان محلهم لو دفعوا لي اموال الدنيا كلهالايمكن اقبل اظهر بالمايوه
يازوله اتاري الهدوم دي ساتره بلاوي
جنس كلوجه وكعوجه واجسام مكلكعه )
فهذا ليس لى فيه ولا هم لهم فيه يد
تقبلى فائق احترامى
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
| Quote: كلمة صبايا دي باقي استلاب لبناني يضرب استخداماتنا اللغويه احيانا. |
اكيد للاعلام العربي والذي يفيض بلسان وشكل لبناني اثر كبير علي المستمعيين والمشاهديين حيث ان للبنانيين الفاظ سهلة التداول وربما تظهر حميمية اكثر من دارجي بعض الدول ...وربما لو كان للسودانيين مقدرة اعلامية وتواجد كالبنانين في الفضائيات والاعلام المسموع والمشاهد لكانت لدارجية اهل السودان مساحات تفوق اللبنانية ففي دارجية اهل السودان الناطقيين به( يعني الما زي انا لسانو معووج كما يقال ولساننا فصيح في لغاتنا) كثير من الحميمية ....
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
الاخت العزيزة تراجى
ده بوست اخر جميل جدا لانه جاب لينا الزول الرايع دا.
وحقو ننتهز كنا الفرصة دى عشان نبدا التوثيق لتراث هذاالفنان المبدع الاصيل.
شرحبيل احمد ظلم من قبل المثقفين السودانيين. ما ادوه حقوا بالرغم من انه فنان شامل ومجدد. يكتب ويلحن. بالاضافة الى انه كان المؤلف الرئيسى فى مجلة الصبيان.
حياته الخاصة دى شئ يخصه ولا دخل لاى انسان فبها.
طبعا شرحبيل احمد بلدياتنا, من الجزيرة ابا. غادرها فى وقت مبكر الى الخرطوم. زوجته ايضا من الجزيرة ابا.
تحياتى
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: M A Muhagir)
|
العزيز باش مهندس محمد مهاجر
تحياتي
وبالله طلع شرحبيل من ناس الجزيرة ابا كمان؟؟؟؟
يا عيني عليه اتاري عشان كده اتهمش؟؟!!
Quote:
الاخت العزيزة تراجى
ده بوست اخر جميل جدا لانه جاب لينا الزول الرايع دا.
وحقو ننتهز كنا الفرصة دى عشان نبدا التوثيق لتراث هذاالفنان المبدع الاصيل.
شرحبيل احمد ظلم من قبل المثقفين السودانيين. ما ادوه حقوا بالرغم
من انه فنان شامل ومجدد. يكتب ويلحن. بالاضافة الى انه كان المؤلف الرئيسى فى
مجلة الصبيان.
حياته الخاصة دى شئ يخصه ولا دخل لاى انسان فبها.
طبعا شرحبيل احمد بلدياتنا, من الجزيرة ابا. غادرها فى وقت مبكر الى الخرطوم. زوجته ايضا من الجزيرة ابا.
تحياتى |
اتفق معك في انه فنان شامل
وفي انه لم يجد مكانته التي يستحقها كقمة من قمم الغناء السوداني.
والحمد لله ان اتيح لنا ان نذكره ويذكره قبلنا بعضهم ستجد الكثير قد قيل
في بوست كستاوي المرفق هنا كلينك.
ومعا لتحية المبدع شرحبيل احمد.
تخريمه:
| Quote: حياته الخاصة دى شئ يخصه ولا دخل لاى انسان فبها. |
لم افهم معنى كلامك هذا؟؟ومن تعرض لحياته الخاصه هنا؟؟؟
ولا اعتقد في حياته الخاصه ما يعيب,فما الذي جعلك تقول هذا؟؟
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: ALGARADABI)
|
وأنا منهم ياتراجى...
ابوعركى وشرحبيل وفى فترات من سنين عمرى الاولى زيدان ابراهيم
شكرا لرفقتهم والقلب نابض يادابو فى سنوات الحب العزرى أيامها
مازال شرحبيل يطربنى وابوعركى فنانى المفضل وياقلب وعن حبيبتى بقول لكم
وعثمان حسين فنان حماية ، {الشواكيش}ْ اياها، تبكى وتستغفرى ربك وآه ياشجن
--------------
شفتى كيف يا ام حازم بنتفق فى حاجات
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Kostawi)
|
Quote: ولا اسمع الا لعبد الحليم حافظ وام كلثون وبقية الفكه
ناس محمد منير وشوية لبنانين ووهم كده لا اذكرهم الآن |
يا تراجى يعنى طلعتى... جلابية وفستان..... بشاشة كان سمع الكلام الفوق دة بقير رايو فيك... عمومآ خالص معزتى وتقديرى لكى... وانتى دومآ ذات قلب ابيض... عشان كدة واحد ينزل لينا اغنية الابيض ضميرك للطيب عبدالله....
سيف
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: محمد البشرى الخضر)
|
ود البشرى يا معلم
مرة كنت أحكي لأطفالي عن ( طفولتنا ) وشقاوتها ومشاكلها . قلت لهم ما معناهو أنه " يبدو لي أنني قد إستنفدت ( كوتة ) الشكل المقررة لي كلها في فترة الطفولة فـ .......... " وبدأت أحكي لهم عن بعض مشاكل الطفولة و( علقاتها ) .
"أريج" أكثر كريماتي فوضوية واستهبال ( إستغلت ) هذه الجزئية أيما إستغلال . فصارت كلما ترتكب خطأ وتراني أهم بمعاقبتها تبادرني بالقول
" يا بابا إنت مش خلاص خلصت كوتة الشكل بتاعتك ؟؟ معصب على كدا مالك ؟؟ "
وتقولي لى أركز ؟؟؟
نحنا يا كابتن كنا بنركز ( للبطان ) زااااتو
أها عرفتوا ولاَ برضو عاوز هنت هنتتين ؟؟
_________________
قلت لى الباقي ليك كم إسبوع عشان تاني حنشتاق لى مناكفاتك دي
وتشتاق دينا خالد للـ ( دويتو معاك ) كما قالت بتنا الجندرية
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: عاطف عمر)
|
عاطف يا عمك
| Quote: نحنا يا كابتن كنا بنركز ( للبطان ) زااااتو |
ركز لي على كنا دي باللاي
كنا دي فعل ماضي و كمان ناقص
وتفيد الإنقطاع
يعني مثلا
كنا بندي السعودية والخليج الزكاة
وكان الجنيه السوداني يعادل تلاتة دولار
وكان وكان وكان وكانت احزانا
فيا عمك الله يرضى عليك أنساني من كنا دي
بالنسبة للباقي ففي محاولات لأخذ سبيشال بيرمشن وكدا
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: jini)
|
يا جني ارجاني لما ارجع لك مساء
في داعي تقول لي الرمان بقى قرع!!واحد حاسد بس
يا نجوان يا غاليه
انا قلت شرحبيل بس ملحقات سلمى الشيخ سلامه دي جاملتها فيها ساكت
:
Quote: شرحبيل.. زيدان.. أبوعركي..
يعني جبتي الديب من ديلو يا تراجي؟؟
ماياهم الفنانيين القسمهم لينا الله في الدنيا دي
وبعدهم ما جا تاني فنانا ينضموبو (حقوق الطبع لخليل)
يعني القلتيهو بينطبق على كل أمة الأمجاد..
_____
قال فتى أحلامي قال!
___
لكن قصة المايوهات دي مضحكة شديد..
ثقة بالنفس فاااايتة الحدود..
|
اما فيلم المايهوات فاتذكرت اسمه الآن (رحلة عيون) غايتو
ده بالغ فيه المرحوم الفاضل سعيد وصلاح ابن الباديه.
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: حيدر حسن ميرغني)
|
تراجي...
(خفت أقول العزيزة تراجي المرة دي)
بعد يوم عمل طويل دام لحوالي 14 ساعة عدت ألى منزلي في الساعة الثامنة
مساء.. حسابات.. تحضيرات للميزانية الجديدة.. ضرائب عام 2007 ووو ..
قررت أن لا أدخل النت اليوم ,, خاصة سودانيزأون لاين ( the most stressful web to some people)
و أنا منهم..!! وبعد ساعة قررت الدخول ألى النت ,, ولمدة وجيزة فقط
.. لمتابعة نتائج الplay off لكرة القدم الأمريكية ..
وبعد الأنتهاء منها وجدت نفسي لاشعوريآ ألج ألى موقع سودانيزأون لاين,,
أنها عادة ياتراجي.. وفي المنبر الحر أتفاجأ في أوله ببوست عن
آلان ديلون السوداني .. بقلم تراجي مصطفى.. و فتحت البوست,,
و هالنى ما قرأت ورأيت,,, و سمعت( أستعيرها من عمنا الراحل محمد خليفة
طه الريفي) عموده الشهير بالصحافة السودانية ووالد زميلنا في البورد
أسعد الريفي... فأكتشف أن آلان ديلون السودان هو أحد مكونات شجني الغنائي
ذلك العملاق ذو الصوت الندي الذي لم يتغير منذ أن غنى( يا اللابس البمبي)
في الستينات ألى آخر أعماله في أوبريت ( مصر المؤمنة)...
الصوت نفس الصوت .. وكان أجملهم أداءآ و صوتا في ذلك الأوبريت..
و كان أجملهم صوتا,,,( ستار يا ليل)... ما شاء الله ...
تراجي أتفق و معك بشدة في شيرحبيل.. هل تعلمي بأن أبنائي الذين نشأوا
و تربوا في أميركا لا يسمعون ألا غناء شيرحبيل من السودان..~!~!~
تراجي شكرآ لك و أنت تستحضرين شيرحبيل ألينا( you made my day)
| |
|
|
|
|
|
|
|
|
 Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
يا سلاااااام يا أم حازم..
فى داعى تقلبى المواجع وتذكرينا برأس السنة والكريسماس فى بورسودان والنادى العالمى
وبداية تعرفنا وتذوقنا فن الغناء السودانى ومن ديك وعيك..
كنا لو كرمسنا بشرحبيل بنروس بجيلانى الواثق..ولو كرمسنا بجيلانى نروس بشرحبيل..
كانت أيام..
ثم أيام الجامعة وبداية تعرفنا بعملاق أفريقيا محمد وردى ربنا يديهو الصحة ويطربنا كمان وكمان..
وعثمان حسين ( وسيرة المشوكشين) ..والبلابل ..وروائع الحقيبة..ومحمد الأمين..
ثم جامعة الخرطوم والتعرف الى العملاق ابو العركى البخيت وعقد الجلاد..
وبعد كده...ما عارفة الحصل شنو للغنا السودانى ..حصل يباس غريب !!
________
عارف يا خردة أنا لو كنت فى بورتسودان الان لكنت أمطرتك بصور من بيت الكلاوى
لأم حازم قبل ما تبقى أم حازم...أيام ما كانت معبودة شباب بورسودان
Quote: غايتو اتفه منظر لرجال بالمايهوات شفته في حياتي
وكان محلهم لو دفعوا لي اموال الدنيا كلهالايمكن اقبل اظهر بالمايوه
يازوله اتاري الهدوم دي ساتره بلاوي
جنس كلوجه وكعوجه واجسام مكلكعه غايتو المصرين
يتجازوا فرجوا فينا خلق الله يومها
ابو عركي ممكن لانه خشب الله عبد الناشف زي حبيبي شرحبيل ده D |
أما دى...اليوم داك بتذكر انا فى السينما لمن شفت المنظر ده..
ما عرفت أودى وشى وين ...جنس مسخرة
لياقة بدنية بتعريفة مافى..
ولكن لا عجب.. معاهد اللياقة البدنية والرشاقة فى السودان
زباينها بس نسوان ؟!
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
يا سلام عليكي يا استاذه تراجي ,,
وعلى ذوقك العالي ,,
شرحبيل احمد ده فعلا زي ما سميتيهو ,,
الان ديلون السودان !!
احساس عالي , ولون مزيكا مختلف عن كل الموجود ,
وكلمات ناعمه وشبعانه رقه ,,
شرحبيل احمد ده مدرسه كامله ,,
انا كده ممكن اغير رايي من ريتشارد غير خلاص !!
اخيرا في زول خلاني اقتنع واغير رايي !!
وبعدين يا ست الكل , انا كمان على فكره واحده من الناس
القلت ليكي ما تمشي لما كنتي زهجانه وعايزه تسيبي المنبر
ده يتيتم !!
بس يظهر عليكي ما قريتي كلامي ,,
ولا يهمك , تاااااااااني نقول ليكي ما تمشي ,,
خليكي بخير ,,
وزايده جمال ,,
في الليل الهادي ,,
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
والله يا ام حازم بالغتي في البوست دا ...ما بيشبهك ..ما تزعلي بس ...
وذكرتيني بفترة غرت من شرحبيل غيرة شديدة هههههههههههههههه...
الحكاية عندي بت عمتي حلووووة شديد وكانت بتشبه ميادة الحناوي ..ايام زماان ...
وكل افراد الاسرة متنافسين فيها شديد ...
الشباب قالو يعملو حيلة لمعرفة بمن معجبة فينا...
فعملو شكل مجلة ولقاء العدد معها...
المهم سالناها معجبة بمين ويمكن تتزوج به ...
المفاجاءة غاظتنا كلنا ...قالت معجبة بشرحبيل أحمد وبتتمنى تكون زوجة لمثله ....
تحياتي لك ام حازم ولكل اسرتك ...
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Mohammed Ibrahim Othman)
|
ام حازم
التحيو والمودة
خلينا من الملك
الصور
يااااااه
الصور صورك
ذكرتنا بورسودان
الفتيات الجميلات
والموضة تلك الأيام
طريقة التسريحة
الألوان
وضغيان الأبيض والأسود
والله صور بديعة
وفيها تاريخ السنوات الجميلة
وتاريخ التصوير الفوتو غرافي
حافظي عليهم
الملك
الملك والناس رعية
فهو فنان ملون ومبدع شخصيات كرتونية
عظيمةزملحن يهز الوجدان من زمن
ومغني صوتو ينقلك لي عوالم الشجن بي سهوله ورقة
الملك حان وقت تكريمه التكريم الحقيقي
وهذا البوست يكون البداية لفكرة كبيرة
لك المودة والمحبة الدائمة
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: محمد سنى دفع الله)
|
اخوتي دعوني اتجاوز الترتيب في الردود
وارد على عزيزنا السني دفعه الله.
السني سلامات
يا اخي انا ماعارفه ماسنجر بكري ده بيطش ولا الحاصل شنو
مرة رسلت لك وقلت لك انا شفتك يا السني في بيتنا قبل كده
وان انت وفرقة الاصدقاء كنتو اصدقاء لاختي الكبيرة تغريد
وحصل اثناء زيارتكم لبروتسودان ان عزمناكم جميعا في بيتنا
وقتها انا مفعوصه في الثانوي العام,فهلا تذكر؟؟؟
Quote: ام حازم
التحيو والمودة
خلينا من الملك
الصور
يااااااه
الصور صورك
ذكرتنا بورسودان
الفتيات الجميلات
والموضة تلك الأيام
طريقة التسريحة
الألوان
وضغيان الأبيض والأسود
والله صور بديعة
وفيها تاريخ السنوات الجميلة
وتاريخ التصوير الفوتو غرافي
حافظي عليهم الملك
الملك والناس رعية
فهو فنان ملون ومبدع شخصيات كرتونية
عظيمةزملحن يهز الوجدان من زمن
ومغني صوتو ينقلك لي عوالم الشجن بي سهوله ورقة
الملك حان وقت تكريمه التكريم الحقيقي
وهذا البوست يكون البداية لفكرة كبيرة
لك المودة والمحبة الدائمة |
يا السني ضحكتني سويتنا تاريخ عديل كده؟؟؟
يازول ده بعد ما اخترعوا الصور الملونه امال لو نكتوا لك الابيض و الاسود تقول شنو؟؟؟
الملك فعلا يستحق التكريم
ويا السني لن تتطور فنوننا مالم نوفر لقمة العيش الكريمه لمبدعينا حتى يتفرغوا لفنهم
يعني حرام راجل زي شرحبيل يكون مشغول بالفواتير؟؟؟كهرباء ..مويه..ونور..جمرات خبيثه ومحن.
الزيه مفروض يتفرغ لفنه وزيك تماما..بدل ما يصرفوها لينا دبابات وغيره خليهم يصرفوها
تنمية للفنون.
شكرا لمروك ومعا من اجل الملك وكل الملوك المهمشين. حول مهمشين دي مش كده؟؟
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
بما انه وحسب افادة ود البشرى انه دا اسبوع فك الاخر ، نلحق نفك اخرنا قبل ما الاسبوع يلحق امات طه ، باقي فيهو فرد طقاق ، وبكرة اربحا وعقاب الشهر ، الشهر اصلو من بدايتو ياكافي البلا وحايد المحن عقاب .
نحن ناس الاذن تعشق قبل العين احياناً ، عشقناهو من زمن الأذاعة وندرة التلفزيون البهاجرو ليه في نادي الفريق ، والحالة فرد اضان كان الاتنين شغالات كان لحقنا ناس تراجي اختي ديل.
النبي ما تنزلو / ن لينا بتقول مشتاق أرد بيها على ابو مهيار .
يا تراجي ياختي الله يستر كبرنا ، كان في داعي ؟
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
تراجي ....ست البوست والزوار...
لمتكم لذيذه ... والمداخلات أحلي ...
أنا بس مستنى دخول محمد سليمان ....
وماظنيتو ح يعلق بمداخلة ..... (في الغالب الأعم الراجل ده مابسمع غنا جلابة .. وماعنده وقت للسمع عموماً)
___________________________
بعدين ياتراجي ... شرحبيل بهامشته (حسب تصنيفك) من أوائل سكان حي الرياض(اللهم زيد وبارك) ...
عارفه السكن في الرياض معناها شنو في الوقت الحالي ... أغلي حي في أغلي مدينة ....(سامحنا ياشرحبيل )
_________________________
ياشباب .. فيه أغنية جميلة جداً لشرحبيل ... عارف فيها جزء بسيط .. واحد يتبرع ويسمعنا ليها ..
(فكري يوم قالي ...مين أحلى من فوزيه ) حاجة بالشكل ده تقريباً-
-
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
الاخت تراجي وضيوفها
الحقيقة ان شرحبيل ملك
وحول هذا اللقب دارت مناوشات بين المعجبين بشرحبيل الذين
قالوا ان شرحبيل ملك الجاز
والفنان جيلاني الواثق
الذي قال انه ملك ملوك الجاز
وثبت مع الايام ان شرحبيل هو الملك
فيما كانت الفرق الشبيه له تتهاوى ظل هو شامخا
يعبق سماء بلادنا طربا
وكانت زوجته السيدة زكية اول سودانية تعزف الة موسيقي
والاولى بالعزف ضمن فرقة
ولا عجب ان نشاة اولاده مشبعين بحب الموسيقى والطرب
شرحبيل فنان شامل يرسم ويلحن ويغني في صوته كمية طرب لا محدودة
سر خلود هذا الفنان اذا جاز التعبير اضافة
الى ما ذكرت اعلاه هو انسانيته وروحه
فهو انسان بكل ما تحمل هذه الكلمة من معنى
مرح وبشوش مع الاطفال طفل ومع الكبار كبير
بين كل ما يجري في الوسط الفني من تنافس واحيانا تباغض
ومرات تشاكل لم يحدث ان كان شرحبيل طرف في اي منها
حتى موضوع الجيلاني الواثق الذي ذكرته فان شرحبيل
لم يفتح فمه بكلمة.
اخر سطر
هذا البوست الوجه الاخر لتراجي
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Al-Shaygi)
|
حسه يا دوما بالله في (موية ترمس )اكثر منك ومن قريبك الشايقي ده؟؟؟
دخلين البوست لا احم لا دستور لا سلام عليكم وتقولي لي اصحابي موية ترمس؟؟؟
Quote:
Quote: أنا غايتو كان بعجبوني البنات البعجبن شرحبيل أحمد
لوووول اجمل تعليق يا ود المنسي .
انا غايتو قدر ما قلبت دفتر الزكريات ما لقيت عندي فتي احلام
المهم افتكر السبب لاني كنت عارفه اني ما ممكن اكون حلم اي فتي
( الله ينعل ابو شناتنا دي علي قول دكتور بيان ) |
Quote:
يا الله يا Doma
بل لك شاب أحلام
وما هي مقايس الشناة؟؟؟
وما هي مقايس الحلاة؟؟؟؟؟
بلا نانسي سجم بلا بعر
والله الأصالة هي الحلاة
الوعي هو الجمال
الفهم بجيب كل الريد
الله يديك العافية أخت دومة
وما قلتي لي أهلك في بحري ناس منو؟؟
الشايقي
|
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
Quote: حسه يا دوما بالله في (موية ترمس )اكثر منك ومن قريبك الشايقي ده؟؟؟
دخلين البوست لا احم لا دستور لا سلام عليكم وتقولي لي اصحابي موية ترمس؟؟؟ |
عاد يا تراجي يا معبوده شباب بورسودان والمدن المجاوره
نحن دخلنا اتنفرجنا في ملكه جمال الكون الهامشي
وقلنا الصلاه علي الخلق الحلاوه دي كلها وهمشها
بعدين والله دسنوري ما بنزل في موسيقي الجاز
عاد اكضب اقول بريد شرحبيل او غناه
لكين الغريبه عاجبني غني ولده لما يقول حاجه امنه اتصبري .
بعدين ا لبعجبني في وسامه الرجال ما موجود في الساحه بتاعتكم دي
كسره
انا خيطي ما بنزل الا تجيبي لي احمد المصطفي الوسيم القلبي رادو
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: عبدالمنعم الرزوقي)
|
Quote: يا الله يا Doma
بل لك شاب أحلام
وما هي مقايس الشناة؟؟؟
وما هي مقايس الحلاة؟؟؟؟؟
بلا نانسي سجم بلا بعر
والله الأصالة هي الحلاة
الوعي هو الجمال
الفهم بجيب كل الريد
الله يديك العافية أخت دومة
وما قلتي لي أهلك في بحري ناس منو؟؟
الشايقي
|
تراجي يعني استئذنك ارد علي قريبي دا ( الدم عمره ما يباش ميه )
يا الله يا الشايقي
رفعت معنوياتي في هذاالصباح البكيني المتلفع بالضباب البارد
ويديك انت العافيه ويملئ الليد
اهلي كل ناس السودان
وكل ناس بحري
واهلي انتو يا السمحين
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Kostawi)
|
انت يا جني هوي..بطل الحركات دي...
وع تكون قايل الجاكت ده انا كله مالايه؟؟؟؟
Quote: عبدالحميد فردوس!
تاكلو وتنسو السفر!
جنى |
يازول لزوم الحشمه انا بلبس جاكتات طويله وواسعه
يعني انت عايز ناس دكين ينتحروا ولا يجنوا؟؟؟
اما الوش فمدور من يومه نلبس مقاس 10 او مقاس 16 كله واحد نفس الوش.
بطل حساده,وامشي شوف ناس خشب الله عبد الناشف ذوقك داك.
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: Tragie Mustafa)
|
Quote: لكين الغريبه عاجبني غني ولده لما يقول حاجه امنه اتصبري .
بعدين ا لبعجبني في وسامه الرجال ما موجود في الساحه بتاعتكم دي
كسره
انا خيطي ما بنزل الا تجيبي لي احمد المصطفي الوسيم القلبي رادو
|
عظمة يااااا دومة عظظظظظظمة ..خيطك با بنزل الا فى الوسيم أحمد المصطفى الفنان الراقى والوسيم فعلا..وقولا
ورقى وأناقة ..رحمه الله
ياخ ده هو وعثمان حسين كانو من أأنق الرجال السودانيين.. تقولى شنو وتقول لى منو..
التوقيع( موية الترمس)
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: AMNA MUKHTAR)
|
Quote: عظمة يااااا دومة عظظظظظظمة ..خيطك با بنزل الا فى الوسيم أحمد المصطفى الفنان الراقى والوسيم فعلا..وقولا
ورقى وأناقة ..رحمه الله |
يا امونه عسل النحل
ديني وايماني انا بالله شفت الوسيم دا لما يبتسم بيشع النور من فاهه نور نور عديل كدا و الزوله قلبها يقول شححححححححححح نحن لو عشقنا نعشق قمر ولو سرقنا نسرق منجم دهب
تجي تراجي تقول لي شرحبيل احمد
ممكن يكون غناي وعازف جيتار ما في منه اتنين ودمه خفيف
لكين ما ذوقي في الوسامه
| |
|
|
|
|
|
|
|
|
|
Re: آلن ديلون السوداني...(.....).......والكثيرات!! (Re: سجيمان)
|
Quote: اكثر ما لفت انتباهي له مشاركته لزوجته بالعزف معه
فاحببت فيه (جندريته) التي لم اكن اعي عمقها وانا صغيره.
احسست بانه رجل يختلف عن بقية رجال السودان من جيله. |
وإنت برضك يا تراجى ,
كان ممكن تكونى فتاة أحلام ناس كتيرين !
غايتو صور مبالغه ! ومدهشه جد !
| |
|
|
|
|
|
|
|
|
|
Re: آلن ديلون السوداني...(.....)....فتى احلامي...والكثيرات!! (Re: AMNA MUKHTAR)
|
الأخت تراجى والمتداخلين
مريت مراراُ على عنوان البوست .. ضللنى .. فلم أنقر عليهو
لو كنت اعلم أنه عن شرحبيل أحمد لكنت اول الداخلين.
الغريبه وانا أقرأ المداخلات الأولى قلت الحكايه شنو
يوم داك سلمى الشيخ .. أول حب .. وصلاح بن الباديه،
وهسه تراجى و ألن ديلون .. وشرحبيل أحمد!
الشغلانه دى ليها علاقه بالشتاء ولا شنو؟
ده طبعاً قبل أن أقرا مداخلات سلمى الشيخ.
مشكورين تراجى وسلمى بتكريمكم لهؤلاء المبدعين
الأستاذ شرحبيل أحمد فنان مبدع، وشخصيه تدخل القلب مباشره
هو علم من أعلام الغناء ومن ذكرياتنا وحاضرنا الجميل
أخونا العزيز كوستاوى له بوست رائع له، لكنى كنت اتمنى
أن لا يكتفى بالكلام، ويقوم بدعوة هذا الفنان العظيم
وتكريمه هنا بأمريكا .. و ما تخاف شرحبيل حفلاته حتنجح
خاصه بعد ما عرفت في ناس مكسرة ..
* وين أغنيه مين فى الأحبه غيرك يا قليى أخلص وحبه
كانت فى بوست الأخ هشام خلف الله
| |
|
|
|
|
|
|
| |
Tragie Mustafa
مجاهد عبد الرحمن
العوض المسلمي
Mohamed Omer
Shayma
عبدالكريم الامين احمد
معتصم ود الجمام
abubakr
سلمى الشيخ سلامة
M A Muhagir
ALGARADABI
Ishraga Mustafa
Kostawi
Saifeldin Gibreel
عاطف عمر
محمد البشرى الخضر
jini
نجوان
Abomihyar
حيدر حسن ميرغني
AMNA MUKHTAR
Mohammed Ibrahim Othman
محمد سنى دفع الله
دينا خالد
الجندرية
ود محجوب
wd al geran
خالد علي محجوب المنسي
Adil Osman
انتصار محمد صالخ بشير
doma
Hatim Yousif
salma subhi
Al-Shaygi
عبدالمنعم الرزوقي
elsawi
عمر ادريس محمد
سجيمان
مامون أحمد إبراهيم
محمد مكى محمد
محمد عبد الماجد الصايم
فيس بوك
تويتر
انستقرام
يوتيوب
بنتيريست