|
|
|
 Re: عضـو جـديد..يغريكم السلآم..ويستأذن بالدخـول ... (Re: محمد عبد الماجد الصايم)
|
مرحب بيك اخ معاوية ود المدير
ونستقبلك بكلماتك التي نشرها الاخ
منصور المفتاح في بوست خاص بها
بوح أطفال المايقومه....معاويه المدير
أنا من متاهات العدم
ساقتني أزمات الضمير
وسكنت في جوف الرحم
مساني في الظلمةالمصير
عالم غريب
في جوفو بسمع
كل همسات السكون
ممزوجة بي وخز العيون
صخب الجنون
طعم المجون
ناس دايره
تطرحني واموت
والعار يفوت
والخلق في إيد الكريم
لو قالو كن لابد يكون
وجع أمي كان
ساعة الوضوع
وخز الضمير
ولدوني في عز الهجير
فوق التراب
ما فوق سرير
وصرخت في
وجه الزمان
رجعني لدنياالامان
لكن محال
لا فرحة طافت
بالمكان
لا ضل عشان
بيهو إستجير
وبسمت في كل الوجوه
بسمة غريب
لا شالني أب طاف يي
يباركولو الرجال
لا عم لا خال
وحضن أمي كان
عين المحال
وانا روعة
آية من الجمال
فرحــان
أضاحك في الملاك
ما حــاســي
بخطر الهلاك
والوضع كان
بالجد خطيـر
ساقتني خطوات القدر
اجتزت مرحلة الخطر
في الدنيا شان
أحيا واشوف
الدنيا اطوف
شاقي العباب
مليانه هم
مليانه خوف
مد البصر
قدامي أبحر
مـن سـراب
أثـار حطام
أثـار خراب
ظلمه وضباب
شاهدت نور
شاقي الظلام
همسات وئام
وشتات كلام
وقفت أسترق
الســمع
وبرق الامل
في جوف دواخلي
سطـع لمـع
لمن سمعت
الناس تقول
حــق اللــبن
ياريت كمان الناس
تقاسمنا الحنان
مانسمع الكلمة
التقد طبل الاضان
جرح السنان
بيبرا ويطيب
ما بتبرا جرحات
اللســان
بالعـازة
دائـما نستجير
لمن يصيبنا
الزمـهرير
حق اللبـن
أوتار كمان
صمام أمان
عايزين نحس
لا تحرمـونا
كل أم هي أمنا
وكـل أب
يا عازة أبونا
وكل أخ بالحيل أخونا
يا عــازة
ناديلنا البنات
خيرك كتيـر
لا بقولوا فات
لا بقولوا مات
عايزين يكون
فينا المدير
فينا السفير
فينا الامير
أدونا فرصة نعيش عزاز
نمطر في وديانك رزاز
يـا عازة
كلمي لينا
أولادك...بناتك
وحياة غلاتك
وحياة حلاتك
قولي ليهن
بنمدهن إيدينا ليكم
وكبير كبير
ده عشمنا فيكم
وصافي اللبـن
ليكم نقدموا فرحة
في دارنا الحبيب
لمان نشوفكم
والله خاطرنا بيطيب
يـا أهلنا
صلوا علي الحبيب
وتعالوا
في الزمن القريب
ضحكات صغار
في إنتظاركم
يا ابواتنا دارنا
حقيقة داركم
ونحن ياأماتنا
زينا زي صغاركم
جيبوهم أطفالكم هنا
نلعب معاهم
في محبة وفي هناء
ونغنـــي
بفرحة وحبور
هودنـــا
يــاهودنـــــا
يــاهودنـــــا
| |
 
|
|
|
|
|
| |
معاوية المدير
عبدالله كع
أيمن الطيب
الطيب عثمان يوسف
محمد عبد الماجد الصايم
الشامي الحبر عبدالوهاب
Muna Khugali
Hassan Makkawi
نجلاء سيد أحمد
نصار
فيصل محمد خليل
ناهد بشير الطيب
هند محمد
عمر الفاروق عبد الله الشيخ
Alsa7afa_30
عبدالعزيز الفاضلابى
عبدالكريم أحمد الامين
abdulhalim altilib
rani
عبد الدائم سيد أحمد
salee
ALazhary2
البشير دفع الله
فيس بوك
تويتر
انستقرام
يوتيوب
بنتيريست