|
|
 وإن قالها فقد صدق..كنّا شحادين !!
|
كالعادة في سودانيز اون لاين كل مرة بتطلع موضة جديدة وموضوع جدييد يلوكوهو ويلتو فيهو ويعجنو إلى ان يظهر موضوع جديد ..
إنتهينا من الطهور ومن اوكامبو وبنقول يا هادي وجاتنا موضة وزير الخاريجة السابق الدكتور مصطفى عثمان اسماعيل ونعته للعشب السوداني بالشحادين حسب ما ورد في اللقاء او عبر صحيفة الشرق الاوسط ..
وبغض النظر عن التأكيد من النفي من الدكتور مصطفى عثمان قاله ام لم يقله فقبل الإنقاذ نحن فعلا كنا شحادين ..
هي الشحدة دي كيفنها ؟؟؟
شحادين وكل الرؤساء كانوا يتسولون في الخليج عقب كل فترة لتجميع الاموال وما تجود به قريحة اهل الخليج من منظمات ومؤسسات من فتافيت الميزانية..
كنا شحادين ونحن بنقول ليهم ادونا قروش نعمل مستشفى وادونا قروش نعمل كهربا وادونا قروش للإغاثة ..
كنا زي الشحادين ونحن واقفقين في صفوف البنزين للدرجة اللي بتخليك تشوف المواطن في الشارع شايل الباقة والخرطوش وواقف ليك في الظلط عشان تلحقو بي خط خطين ..
كنا شحادين تحت غطاء التكافل الاجتماعي وانت بدق لي جارك عشان يديك رطل سكر عشان جوكم ضيوف وانتو ما عندم سكر..
كنا شحادين ونحن بنشوف التفاح والعنب في المسلسلات وفي شارع الجنة كما يحب ان يطلق عليه امثالنا في العمارات ..
لا عليك يا دكتور فقد كنا شحادين بس شحادين مقننين لا نحتاج ان ندعو ونحن نشحد :
الله يعرس ليك الجمبك دي ..الله يخليك ..الله يديك الفي مرادك ..
كنا شحادين ولمن نجلس على ابواب المساجد فنحن شحادين "مودرن" خااااالص..
مفهوم الشحدة عندنا انو لازم تكون شاييل كورية وجلابيتك مشروطة ولا بأس بي عصاية بتاعت زول كراعو مقطوعة..
كريم ..الله كريم ..ربنا كريم ..
|
|
 
|
|
|
|
|
| العنوان |
الكاتب |
Date |
| وإن قالها فقد صدق..كنّا شحادين !! | عمر الفاروق | 03-21-09, 08:36 AM |
| Re: وإن قالها فقد صدق..كنّا شحادين !! | محمد عبدالرحمن | 03-21-09, 08:46 AM |
| Re: وإن قالها فقد صدق..كنّا شحادين !! | على محمد على بشير | 03-21-09, 08:50 AM |
| Re: وإن قالها فقد صدق..كنّا شحادين !! | Zomrawi Alweli | 03-21-09, 09:02 AM |
| Re: وإن قالها فقد صدق..كنّا شحادين !! | humida | 03-21-09, 09:14 AM |
| Re: وإن قالها فقد صدق..كنّا شحادين !! | عزاز شامي | 03-21-09, 09:11 AM |
| بختك | طلحة عبدالله | 03-21-09, 09:22 AM |
| Re: وإن قالها فقد صدق..كنّا شحادين !! | عمر الفاروق عبد الله الشيخ | 03-21-09, 09:26 AM |
| Re: وإن قالها فقد صدق..كنّا شحادين !! | Hawari Nimir | 03-21-09, 09:40 AM |
| الفاروق | عبد اللطيف بكري أحمد | 03-21-09, 09:44 AM |
| * | عمر الفاروق | 03-21-09, 09:45 AM |
| Re: * | humida | 03-21-09, 10:29 AM |
| * | عمر الفاروق | 03-21-09, 10:40 AM |
| * | عمر الفاروق | 03-21-09, 10:47 AM |
| Re: * | humida | 03-21-09, 11:30 AM |
| Re: * | khaleel | 03-21-09, 11:54 AM |
 Re: * | tmbis | 03-21-09, 12:24 PM |
| رد | مهدى الصادق السيد | 03-21-09, 01:05 PM |
| * | عمر الفاروق | 03-21-09, 01:16 PM |
| * | عمر الفاروق | 03-21-09, 01:25 PM |
|
| |
عمر الفاروق
فيس بوك
تويتر
انستقرام
يوتيوب
بنتيريست