|
Re: شرطة الفاشر تقيم حد السكر على محمود عبد العزيز صور (Re: جلال جبريل)
|
الاخ جلال جبريل
سمعت ان محمود عبدالعزيز ترك الغناء لصالح المديح , الرجعوا تاني شنو للغناء ؟
و بما اننا نؤمن بنظرية المؤامرة , فان الفنان محمود عبدالعزيز تم استدراجه الى فاشر السلطان في عملية كيدية بعد ان رفض تغيير سلوكه رغم ما بذل معه من جهد .. و رفضه في اداء اغنية لصالح الرئيس المزنوق .. فهو يجد اليوم مصيره المحتوم .
هل من مثني ؟!
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: جلال جبريل)
|
الاخ ناذر الخليفة
Quote: شكرا لسحب الصورة ..
بعد ما حفظوها ؟!! |
انت يا ناذر معانا و لا معاهم . قلنا ليك : هل من مثني ان محمود عبدالعزيز ضحية .. قلت لا ما هو ضحيه
و تطالب بسحب الصورة ؟!!
بعدين اثبت انك انت شخصياً ما حفظت الصوره .. و في الحاله دي المسألة متروكة لضميرك و تقول انا ما حفظت الصوره.. بعد داك عشان نقدر نقول : يا عباد الله اي زول حفظ الصوره يرجعها .
خيط رفيع : ورد للتو ان الفنان محمود عبدالعزيز لم يتعاطى الخمر .. و انما تناول ( لو ما فاطر ما تخاطر ) فارداه مترنحا
عشان كده نقول ليكم : كلامنا لسه .
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: الصادق ضرار)
|
الاخ جلال / تحية طيبة
لاشك ان محمود عبدالعزيز شاب فنان بمعنى الكلمة واثبت وجوده بمجهودات خارقة; يتمتع بصوت قوى وثابت; -قدم من الفن ماقدم واصبح له طابعه المميز وجمهوره ومعجبيه...... فى تقديرى انه يمر بظروف عصيبة قد تتطور الى نفسية وجب علينا الوقوف معه ومساعدته لنرد اليه بعض جمائله علينا, فقد اطربنا وافرحنا.......وقدم فنا جادا ناصعا
ـــــــــــــــــــــــ اتمنى ان نتفهم ظروفه التى يعيش فيها امنياتى له بالعودة الى سيرته الاولى
تحياتى
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: سمندلاوى)
|
الموهبة دائما قلقة وتأتي بأشياء عكس طبيعة البشر ومحمود زول موهوب شديد لذا هذه الموهبة متعباه جزء كبير من الابداع هو عبارة عن قلق داخلي لذا كثيرا ما نفاجأ بشخص مبدع يأتي بأشياء غريبة
اكثر من نص البلد سكرانة يا جلال يعني دة ما شي جديد ياما بعنا قزاز السكارى ونحن صغار دون احساس بالذنب وان كان هذا لا يبرر ما قام به محمود
كل الود
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: Abdel Aati)
|
Quote: شنو الكلام الفارغ دا ... يدقوا فنان؛ عشان شرب ؟؟؟
طيب ما يمشوا يدقوا المجرم البيشرب الدم عمر البشير ...
قال سكران قال ... |
يا عادل عبدالعاطى
لم اكن اعلم ان جرابك خالى قدر كده
ياخى فليسكر لكن يقدم وصلته الغنائيه بصوره محترمه لان هنالك نفر غير قليل
كان فى انتظار سيادته يعنى لو شرب ليه كاس كاسين وجاء قدم ما يحمل تفتكر فى واحد
بيفكر يجلدو حتى لو فكرو الجمهور لحظتها كانو بيكونو سدا منيع له
لقد تكررت فعلته تلك اكثر من مره وخرب لعرسان كتار ليلة عمرهم ولقد كنت شاهد لحادثة لمحمود عبد العزيز بتلك الموصفات
ده كلو شى وكونك تدخل الريس هنا ده شى تانى.... احترمو عقولنا حتى نتمكن من احترامكم................
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: سمندلاوى)
|
Quote: لاشك ان محمود عبدالعزيز شاب فنان بمعنى الكلمة واثبت وجوده بمجهودات خارقة; يتمتع بصوت قوى وثابت; -قدم من الفن ماقدم واصبح له طابعه المميز وجمهوره ومعجبيه...... فى تقديرى انه يمر بظروف عصيبة قد تتطور الى نفسية وجب علينا الوقوف معه ومساعدته لنرد اليه بعض جمائله علينا, فقد اطربنا وافرحنا.......وقدم فنا جادا ناصعا ـــــــــــــــــــــــ اتمنى ان نتفهم ظروفه التى يعيش فيها امنياتى له بالعودة الى سيرته الاولى
|
سمندلاوي مافي شك في الكلام الإتفضلت بيهو ومحمود رقم لايمكن الناس تتجاوزو في مجال الأغنية السودانية بالرغم أن لي رأي في أعماله الخاصة وهذا رأي شخصي والآراء حول مثل هذه مواضيع مبنية على تذوق كل فرد للون معين من الغناء حاله حال الطعام .. ومحمود له جمهور عريض جدا ودي أول حاجة تخلي الواحد يقول إنو رقم كبير ... لكن دا كلو مايبرر إتاحة فرصة له أن يضع نفسه في قالب مثل الذي يضع نفسه فيه وهذه ليست المرة الأولى حفلات عديدة حدث فيها ماحدث "الشغب" وكلو كان بسبب التأخير وإسفزاز الجمهو يأتي من هذا المنطلق.....
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: جلال جبريل)
|
العزيز ود جبريل يعني خلاص هي بقت علي السكر ياخ في فنانيين بعملو الاكتر من السكر ولو عايز بوست اشهار والله تنزل ليكم هنا لسته لاحصر لها بكل فنان ( ماكلهم طبعا ) ومايفعله بس حايجوك الناس بالله مافي داعي للتشهير وما ادراك محمود شخص طيب جدا جدا لو تعرفت عليه من قرب طفل في شكل رجل له من الاعداء مايشيب له شعر راسك فضلا عن هذا لايمثلون 1% من محبيه
قناطير مقنطره من الود
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: ناذر محمد الخليفة)
|
Quote: الصورة دي الإلتقطا منو وكيف ؟ وهل السلطات سمحت بي كدة ؟
عشان خاطر نظرية المؤامرة وكدة . يا ريت لو لقيت منك إجابة ..!! |
انت يا ناذر جاي تسأل عن الصورة دي التقطوها كيف بعد رفع الفراش ؟!!!
الظاهر لما كنا نقول الزول ده ضحيه يا جماعه , كنت مشغول بحفظ الصورة
ارجع و شوف الصورة تلقاها صورة التقطها واحد بروفشنال في التصوير مش هاوي
و كمان الناس الظاهرين في الصورة و منهم ربما القاضي الرابط كرفته ده تشوفوا مبتسم او مكشر و مستعد للتصوير .
انت مالك شاغل بالك
الود
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: ناذر محمد الخليفة)
|
Quote: الصادق ..
أقر وأبصم لك بالعشرة أنه ضحية ..
وذلك بعد مراجعتي للعديد من المصادر هنا وهناك ...!!
يلا قول لي الحصل شنو ؟!!! |
طيب يا ناذر و ما دام قلت الصادق , اوريك الحاصل شنو .
طبعاً انت قلت تقر بانو ضحية و ما عندي شك في صدقك بعد قولك بالرجوع للكثير من المصادر .
طلب من محمود عبدالعزيز اداء اغنية لصالح البشير ضد اوكاميوا لاستمالة الشباب و المعجبين به و هو جمهور عريض بلا شك .. رفض الرجل ذلك .. استدرجوه الى ان حانت لهم الفرصة .. فاقتصوا منه دون ادنى وازع .
عمرك شفت ليك محكمة تسمح بتصوير تنفيذ الحكم على المدان ؟!!
حقيقة محمود فنان يملك موهبه و قد كان زاداً لنا في ايام خلت .
فتك بعافية .
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: الصادق ضرار)
|
يا الصادق ...
كلامك تحصيل حاصل ..
أنا سألت عن كيفية وصول الصورة لي أخونا جلال !!
أما دي :
Quote: .. استدرجوه الى ان حانت لهم الفرصة .. فاقتصوا منه دون ادنى وازع .
|
ما فهمت قصدك من عبارة (دون أدنى وازع) !!
أنا هسي داي أعرف كيف الصورة دي وصلت لي أخونا جلال عشان أتأكد إنو فعلا في مؤامرة مقننة ...
كدي خلي جلال اليجاوب ... إنت لحدي هنا ما قصرت ..
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: برير احمد إبراهيم)
|
سلام,,,
محمود فنان له قاعدته من المعجبين وما أعرضها,, إختلفنا أو إتفقنا حوله فهو فنان وضع إسمه على لائحة كبيرة إسمها سجل الفن السودانى,,,
أسلوب حياته الخاص للأسف الشديدألقى أثره على فنه وحياته وللأسف الشديد أيضا عندما ينسى الفنّان أن حب الناس له وإعجابهم به هو أحد أسباب وجوده يبدأ الإنهيار,,,وعليه دائما أن يحترم هذا الجمهور وحبه له كى يظل فى قلوبهم,,
ولكن,,
أن نبشّع به ونشهر أمر قبيح وغير مقبول,, فلا أحد يدرى أى ظرف رمى به فى تلك الأخطاء!! أن يتم تصويره ونشر هذه الصور أمر غير أخلاقى وغير إنسانى أيضا بالمرّة!!! وأن يكون هذا المكان هو الوسيله لذلك فذاك أمر مخجل ولن يسمح الناس به,, محمود عبدالعزيز وغير محمود عبد العزيز
عقوبة من صور ونشر هذه الصور القبيحة قطعا أكبر من عقوبة حد الخمر,,, والأسوأ من ذلك من يعتقد أنه يستحق أن يحدث له هذا ولا مشكلة لديهم فى نشر هذه الصور!!!!!!
الواضح أن الصورة إلتقطت بكاميرا تلفون وهو أمر يحدث كثيرا ولكن الأكيد أن هذا الأمر مجاف للأخلاق والأعراف السليمة,,,
مودتى,,
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: على محمد على بشير)
|
Quote: المجافى للاخلاق والاعراف السليمه شنو يا ايمن التصوير والا سكر الفنان والا الجلد ؟ |
ما نتحدث عنه هنا هو تصوير إنسان أثناء تنفيذ العقوبة الحدّية عليه ونشرها وتوزيعها!!! وبالمناسبة لا يمكن أن تلتقط صورا مثل هذه بطريقة مكشوفة والحل أن تفعلها بطريقة غير واضحة أو غير مكشوفة لأن أى إنسان آخر يراك تفعل ذلك سيوقفك !!! ويكون المصور كمن يسرق و يتعدى على حرمات الآخرين فى لحظات ضعفهم,,,,,
سكر الناس وعقوبة الجلد ليسا مدار نقاشنا هنا يا على!!!!!!!!!!!!!,,
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: قلقو)
|
سلام قلقو قريت مداخلتك , ده نقاش ممكن يطول و اعتقد ان الامر هنا لا يتعلق بالحدود وما هيتها و عددها , قدر ما يتعلق بالكرامة الانسانية في ابسط صورها و تجلياتها , التناقض الفاضح ان السلطات و المؤسسات السياسية و القوى الواقفة خلف ممارسات زى دى باسم تنفيذ القانون و حفظ النظام هى نفسها التى تخطط و تدبر و تنفذ كل البشاعات الدائرة في دارفور: قتل , اغتصاب , حرق قرى ...الخ
تقديري
و تانى في صحة محمود
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: شول اشوانق دينق)
|
توضيح ضرورى ولابد منه لانو جانى مليون ايميل انا لم اطلب من الاخ جلال ارسال الصوره... الاخ جلال صديق عزيز وكان رايح منى الايميل بتاعو عشان كده قلته ليهو رسل لى ايميلك عشان اتواصل معاهو وعلى كل حال الصوره موجوده فى النت فى احدى الامنتديات السودانيه اسمه سودانيل على ما اظن لكن باجراء بحث فى قوقل يمكن ان تجدها فى مليوت حته.... واطالب الاخ جلال بارجاع الصوره مره اخرى لانو فى مليون زول طالب يشوفا وهى اساسا صوره عاديه ومافيها اى تشهير بى زول ما خاف الله حيخاف من الناس.. ومافى زول قال انو التهمه ملفقه... والسؤال انو الراجل ده بى سكرو ده لو غنا كان جلده برضو
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: معاوية عوض الكريم)
|
يبدو أن معظم الذين تداخلوا هنا في هذا البوست ذهبوا بأفكارهم لأماكن بعيدة لأمور لم أقصد إثارتها البته ...فأنا لم أتحدث عن أن محمودا ً هو الشخص الوحيد الذي يمارس السكر ناهيك عن فنان ، فأصحابه كثر من المجتمع السوداني مشاهيرا ً "محاقيرا ً" يضربون كاساتهم بعضها البعض ليلا ونهارا ً ... ولكن كاميرات الصحفيين لاترحم المشاهير والتجارب كتيرة واحدين مصورنهم في أحواض السباحة واحدين في الحمامات ... ماسمعنا بي زول قال ماتشهروا بيهو ... هو تعالو أن نقول ليكم لو في متاجرة بالموضوع دا تاجرتو بيهو إنتو الدخلتو بين مداخلتي دي ومداخلتي السابقة ليها وأنا مجرد مادقيتو أجراسكن البتمارسوها ديمة عليكن وعاملين فيها إنسانيين .... وأنا وقفت من الكتابة في البوست شان أصلا ً الموضوع الأساسي مافي الصورة وإنسحبت دحين دايرين الكلام في الموضوع سيبو الإدعات وإتفرجو وأمشو ..... وبعدين شنو شابكننا شيلو الصورة وواحدين يرسلو في البريد دايرين الصورة بالدس وهم نفسهم القالوا شيلوها وبالترجي كمان ... والغريب في الموضوع والمضحك إنو في ناس سيسوها كمان .... ياخي حاجة غريبة ...
| |
|
|
|
|
|
|
Re: شرطة الفاشر تقيم حد السكر على محمود عبد العزيز صور (Re: ناذر محمد الخليفة)
|
نازر سلاااااااام وتحايا واشواق
( شفتا ليك عرقى ..كتل ليه 000/200 الف شخص) ما قالو الكابتن الكبير زاتو كان بتاع ... هواء ( علف ساكت )
يا سيدى اقول ليك :
Quote: ]الصادق ..
أقر وأبصم لك بالعشرة أنه ضحية ..
وذلك بعد مراجعتي للعديد من المصادر هنا وهناك ...!!
يلا قول لي الحصل شنو ؟!!! |
حسب المعلومات الوارده محمود رفض يكون واحد من الجوقة الفنية الاضحت هتيفة للبشير ( قيقم فى اشكال مختلفة ) سبف الجامعة بقى قيقم عبد القادر سالم بقى قيقم اسماعيل حسب الدايم اصلا عندة مركب نقص من ايام ( قزاااااز ) ومشى الميل 70 تقريبا(من حقةيبقى قيقم) اسماء كبرى فى عالم الفن والموسيقى اتشقلبت الى قيقم ... الفرق بين الجهاد والجنائية الدولية تشابه عليهم البقر كل الحروزف بتشبه بعض
ده كل الموضوع يا عمك يا تغنى للبشير علشان يفرزوك من بقية الناس ... قالو حرية راى ... ده اسمو اجبار على حرية الاختيار الاحادى او يجلدوك بدعوى السكر سواء كنت شارب شاى ولا عرقوب ( عصير بلح معتق )
قاسم المهداوى
| |
|
|
|
|
|
|
|