|
|
|
 Re: سيدي الرئيس لا تذهب إلي الدوحة .. (Re: nazar hussien)
|
الاخ/نزار حسين
تحياتي،،
Quote: عدم حضور قمة الدوحة بالنسبة للرئيس هو قمة العمل الدبلوماسي...فعلي وزارة الخارجية
ان تتحمل مسئوليتها التامة في ذلك...وان لا تغامر...في تصريحاتها بحضور الرئيس... |
اتمني ان يعي مستشاري الرئيس هذا الحديث.
| |
 
|
|
|
|
|
|
|
|
Re: سيدي الرئيس لا تذهب إلي الدوحة .. (Re: نصار)
|
الاخ/نصار
تحياتي؛؛؛
Quote: يا دكتور
ايوة كدا
الحكاية ما جبن و شجاعة
الحكمة اولي بان تتبع
من هنا و لي قدام اتمني انك تنظر لمجمل الامر
بمثل هذا التروي و التريث |
تشكر علي النصيحة ياحبيب.
| |
|
|
|
|
|
|
|
|
|
Re: سيدي الرئيس لا تذهب إلي الدوحة .. (Re: ود محجوب)
|
ودمحجوب
تحياتي؛؛؛
Quote: صاحب السمو امير قطر قادر على حماية ضيوفه
وهو رجل امين يرعى العهود والمواثيق |
ياخوي واثق انا من الكلام ده ؛
والقطريين مستحيل يعملوا حاجة زي دي
بس بيكونوا في مشكلة مع المجتمع الغير دولي ده.
وفي المسافة من الخرطوم الي الدوحة ما معروف يحصل شنو .
| |
|
|
|
|
|
|
|
|
|
يمشي قطر (Re: بشير أحمد)
|
ههههههههههه
قلت لي قدر أخف من قدر ...
خليهو يسمع نصيحتك وما يمشي قطر ...
بس سيبقى السؤال هل عدم ذهابه إلى قطر هو الحل للورطه والزنقه المزنوق فيها دي ?
الإجابه لا والحل الوحيد أن يعترف بخطئه وسوء إدارته للبلد ، ويترك الأمر لمن هم أقدر منه في تحمل المسئوليه ...
وبعد ذلك يحزم حقائبه ويركب التونسيه ولا السعوديه ولا الليبيه و لى لاهاي جاك بلا ...
| |
|
|
|
|
|
|
|
|
|
Re: يمشي قطر (Re: مجدى محمد مصطفى)
|
Quote: بس سيبقى السؤال هل عدم ذهابه إلى قطر هو الحل للورطه والزنقه المزنوق فيها دي ?
ولكن بالمقابل هل ذهابه من السودان او من الحكم هو الحل لقضية دارفور؟[ٌٌRed]
الإجابه لا والحل الوحيد أن يعترف بخطئه وسوء إدارته للبلد ، ويترك الأمر لمن هم أقدر
منه في تحمل المسئوليه ...
أقدر منه ديل منو؟ ناس خليل!!!!
|
| |
|
|
|
|
|
|
|
|
|
Re: يمشي قطر (Re: nazar hussien)
|
افوووو
عيب يالجعلى...تانى بنات عمك ما بغنن ليك,,,
كيف يهرب من المعركة,,,ولو اصلا سلمتو قطر تانى الباقى ليه منو
انا من رائى ان يسافر للفمة,,ويفحم اعضاء المحكمة
وبعدين هو مش قال الجماعة ديل تحت جزمتى ,,
اها لو ما مشى للقمة عبارتو دى يموصها ويشرب موتها
ولا كيف...ياجماعة
| |
|
|
|
|
|
|
|
|
|
Re: ما يمشي قطر كده احسن (Re: abuguta)
|
الاخ/ابوقوته
تحياتي؛؛
Quote: وبعدين هو مش قال الجماعة ديل تحت جزمتى ,,
اها لو ما مشى للقمة عبارتو دى يموصها ويشرب موتها |
ياخوي اكان للعبارة دي
يديني ليها انا ده بموصها واشرب مويتها انا ؛
واكشح الباقي هنا في منبر بكري ده.
| |
|
|
|
|
|
|
|
|
|
Re: يمشي قطر (Re: nazar hussien)
|
ازيك يا دكتور.
يسلم فمك...
دي الديبلوماسية ولا بلاش...
الراجل مسؤل عن بلد بحالها...
وما في داعي للحماقة والعنترية...
وما عندها علاقة ببطولة ولا رجولة عشان يسافر قطر...
الموضوع اصله ماشي يتاجل في ظرف شهر او شهرين...
بعدين ده حا يمنع من عمل اي محكمة داخلية...
وفي مجرمين كتار حا يكونوا طلقين وما حا يتحاكموا...
انا غايتو لو الرئيس سافر الي قطر حا يسقط من نظري...
لانه الحماقات هي البتضيع السودان واهله...
اتمني قيام محكمة داخلية تسائل وتحاكم كل
من ثبت تورطه في اي جرائم...
تخص دارفور وتخص امدرمان...
وتاني محاكمة لحرب الجنوب والمتورطين فيها..
ما عايزين غير عدالة في السودان...
وكل من اسال قطرة دم في السودان يحاكم...
ما عايزين واسطات او استثناءات...
لذلك علي البشير عدم السفر...
فارجوا الاستماع الي صوت العقل!!
| |
|
|
|
|
|
|
|
|
|
Re: يمشي قطر (Re: ASHRAF MUSTAFA)
|
الأخ أحمد بشير
الوضع أكثر تعقيدا من ذهاب أو عدم ذهاب
ولو كنت نصاحا الريس لقلت : فلننظر خلف غبار
المعارك القانونية والسياسية ونسأل .. هل وقع
ظلم على أى مواطن سودانى ؟
وبعدها ننتقل الى هل الرئيس على علم ؟
وفى كل الحالتين (علمه أم عدم علمه) كيف ترد المظالم؟
عندها صدقنى يمكن " لعمر أن ينام تحت الشجرة "
نحتاج الى وقفة مع النفس بعيدا عن نظرية المؤامرة،
ولكن هل سيسمح عرابى الحركة الاسلامية بذلك ؟
| |
|
|
|
|
|
|
|
|
|
Re: يمشي قطر (Re: Nazar Yousif)
|
هل ستكون القمة القادمة قمة مساومات سياسية من أطراف عربي...بة المحكمة الجنائية
المشكلة ما في الخوف من تسليم الرئيس من قطر
او اعتقالة هناك
المشكلة في التسويات والمساوامات اللي حتطفوا على السطح
وجولات السيد ابو الغيط دي كلها ماااااااااااا سااااااااي
اتوقع ان يتعرض البشير لضغوط سياسي للحصول على تنازلات سياسية من مواقف سياسية تجاه ملفات عربية اخرى
اما الخطاب السياسي اللي المفروض يقدمه السودان
فيجب ان يبتعد عن خطاب التعبئة او الحماس
فلا يجب ان لا ينسى مسئولونا
ان ولا نظام واحد من العرب وقت الجد حيقيف مع البشير ونظامه
كلها انظمة هشة لا تقدر على الثبات على مواقفها
والبقولوا اسع ممكن ان يتبخر في الهواء
ومعظمها للاستهلاك الاعلامي
| |
|
|
|
|
|
|
|
|
|
Re: يمشي قطر (Re: mayada kamal)
|
Quote: اما الخطاب السياسي اللي المفروض يقدمه السودان
فيجب ان يبتعد عن خطاب التعبئة او الحماس
فلا يجب ان لا ينسى مسئولونا
ان ولا نظام واحد من العرب وقت الجد حيقيف مع البشير ونظامه
كلها انظمة هشة لا تقدر على الثبات على مواقفها
والبقولوا اسع ممكن ان يتبخر في الهواء
ومعظمها للاستهلاك الاعلامي |
يسلم فمك يا ميادة يا بت أخوي
؟؟؟؟؟؟؟؟؟؟
| |
|
|
|
|
|
|
|
|
|
Re: يمشي قطر (Re: mayada kamal)
|
الاخت/ميادة كمال
تحياتي؛؛؛
Quote: المشكلة في التسويات والمساوامات اللي حتطفوا على السطح
وجولات السيد ابو الغيط دي كلها ماااااااااااا سااااااااي
|
بالضبط كده ياميادة
ابوالغيط جا قال البشير ما يترشح لرئاسة الجمهورية
وبعدين ناجل القرار لمدة سنة
شفت المصريين بتاعين مقالب.
| |
|
|
|
|
|
|
|
|
|
Re: يمشي قطر (Re: بشير أحمد)
|
Quote: وبعدين ناجل القرار لمدة سنة
شفت المصريين بتاعين مقالب. |
كله بيلعب لصالح ورقه
مصر تريد ان تقلل من النفوذ السياسي والعسكري لحماس في قطاع غزة
وتريد ان تظهر بدور اللاعب الاساسي في ملف المصالحة الوطنية
وتريد ان تبعد يد ايران من المنطقة
وتريد ان يكون لها يد في ملف دارفور ايضا
وذراع اخرى في ملف الجنوب
عيييييييييييييك ديل ما قاعدين ساي
| |
|
|
|
|
|
|
|
|
|
Re: يمشي قطر (Re: Nazar Yousif)
|
الاخ/نزار يوسف
تحياتي ؛؛؛
اسف لعدم الترتيب في الردود وهو غير مقصود
المهم..
Quote: ولو كنت نصاحا الريس لقلت : فلننظر خلف غبار
المعارك القانونية والسياسية ونسأل .. هل وقع
ظلم على أى مواطن سودانى ؟
|
اقول نعم ويجب محاسبة من ظلم مواطن
لكن ما بواسطة المحكمة الغير دولية
بل بواسطة المحاكم السودانية.
| |
|
|
|
|
|
|
|
|
|
Re: يمشي قطر (Re: بشير أحمد)
|
بل بواسطة محاكم سودانية
هل تظن أن هناك محاكم تجرؤ علي محاكمة
أصغر مسئول في الحكومة؟ لاأظن ...
السبب... أين تقرير لجنة دفع الله الحاج يوسف؟
أين تقرير لجنة تقصي الحقائق في شهداء كجبار؟
أين تقرير لجنة تقصي الحقائق في شهداء بورتسودان
أين تقرير لجنة تقصي الحقائق في شهداء العيلفون؟
أين تقارير المراجع العام للسنوات الماضية؟
كيف يستقيل وزير داخلية علي خلفية إنهيار عمارة
الرباط فيقول الرئيس إنها إستراحة محارب ثم يعينه
في وزارة أعلي من سابقتها.. ما هذا العبث بالأوطان؟
أين وعده لغرقي السد ؟ ماهكذا يساس الوطن .. وعند
الملمات تأتون ناصحين بعد أن سبق السف العزل
| |
|
|
|
|
|
|
|
|
|
Re: يمشي قطر (Re: شمس الدين ساتى)
|
الاخ/شمس الدين ساتي
تحياتي؛؛؛
Quote: هل تظن أن هناك محاكم تجرؤ علي محاكمة
أصغر مسئول في الحكومة؟ لاأظن ...
|
ليه لا ؟
محاكم الخارج احسن مننا في شنو ؛ولا عشان داخلية
القاضي الامين لايتاثر براي الحكومة.
| |
|
|
|
|
|
|
|
|
|
Re: يمشي قطر (Re: بشير أحمد)
|
الأخ بشير أحمد
Quote: اقول نعم ويجب محاسبة من ظلم مواطن
لكن ما بواسطة المحكمة الغير دولية
بل بواسطة المحاكم السودانية. |
حتى المحاكم السودانية قد لا يرضى بها البعض
ودونك خبر سوء الفهم بين وزير العدل والوزير
أحمد هارون .
|
|
|
|
|
Re: يمشي قطر (Re: ASHRAF MUSTAFA)
|
الاخ/اشرف مصطفي
تحياتي؛؛؛
| Quote: فارجوا الاستماع الي صوت العقل!! |
اهو قلنا نشغل أم التلافيق في جخانين المخ شوية
ونقرا من زاوية منفرجة 180درجة
عسي ولعل نطلع بي نتيجة كويسة
وربنا يسلم البلد واهلها ورئيسها من كل شر.
| |
|
|
|
|
|
|
|
|
|
Re: يمشي قطر (Re: ASHRAF MUSTAFA)
|
Quote: الراجل مسؤل عن بلد بحالها...
وما في داعي للحماقة والعنترية...
وما عندها علاقة ببطولة ولا رجولة عشان يسافر قطر...
|
كلام عقل والله العظيم
| |
|
|
|
|
|
|
|
|
|
Re: يمشي قطر (Re: مجدى محمد مصطفى)
|
الاخ/مجدي
تحياتي؛؛؛
قالو البيلقي الهبوب بضري عيشو
فرصة لاتعوض طبعا.
Quote: بس سيبقى السؤال هل عدم ذهابه إلى قطر هو الحل للورطه والزنقه المزنوق فيها دي ?
|
الحلول كتيرة ليس من ضمنها الدوحة ياحبيب.
| Quote: ويترك الأمر لمن هم أقدر منه في تحمل المسئوليه |
زي منو كده ؟ هات بدائلكـ.
| |
|
|
|
|
|
|
|
|
|
Re: يمشي قطر (Re: بشير أحمد)
|
سيده الرئيس
لا تذهب
الى
.
.
.
.
.
.
.
.
اى حتة
ده جزء من المطلوب زاتو , انك تكون قاعد مزرور زى الفار
يسموها جبن يسموها رجالة يسموها حكمة او دبلوماسية
ما مهم شديد
مهمة النتائج:
انك تعرف شوية من احساس من كنت و لا زلت تطاردهم و تعتقلهم و تسجنهم و تعذبهم
تعرف مشاعر من كنت تامر مليشياتكم و طائراتكم و جنودكم بقتلهم و سحلهم و اغتصابهم ...
سيده الرئيس: دى المناظر الفلم لسه ما بدا
سيده الرئيس: حين يقرر من هم "حولك" التخلص منك لانك تعطل مصالحهم فلن تستطيع الذهاب حتى "للمستراح" .....الا تفكو في قصريه.
| |
|
|
|
|
|
|
|
|
|
Re: يمشي قطر (Re: esam gabralla)
|
يا بشير
ما يذهب كيف ياخي الزول ده..؟؟
حسع احنا الورود والزهور واللافتات بتاعة سير وعين الله ترعاك دي
نمشي نوديها نبيعها في الحراج بتاع الدوحة ولاشنو..؟؟
يا زول ما تقطع رزق الزول ساكت ياخي
خليهو يجي يجدع في الشيراتون بتاع الدوحة ده وصفافير قوات لاخويا دي تضرب ليهو تعظيم..
ومن الشيراتون الشافو في لاهاي ما كضب...
رحلةمسارها
الخرطوم- الدوحة لاهاي دي رحلة ياخي بمنعو منها زول يا دكترة..
خلي الرجال في حالو ..يجزيك الله خيرا ويجزي الوطن
| |
|
|
|
|
|
|
|
|
|
Re: يمشي قطر (Re: عبدالكريم الامين احمد)
|
المهندس/عبدالكريم
تحياتي؛؛؛
Quote: يا زول ما تقطع رزق الزول ساكت ياخي
خليهو يجي يجدع في الشيراتون بتاع الدوحة ده وصفافير قوات لاخويا دي تضرب ليهو تعظيم..
ومن الشيراتون الشافو في لاهاي ما كضب...
|
ياخوي حتي لو جاكم هناك ناسكم كريمين والبشير يستاهل الكرم
وما بيعملو حاجة زي دي كونو يسلموا للوهم ديل
شايف المناتل محمد سليمان جا جاري وكرعينو بي ترابهم
وامامه احلامه الزلوطية العريضة ؛
| Quote: الخرطوم- الدوحة لاهاي دي رحلة ياخي بمنعو منها زول يا دكترة.. |
اتمني ان لايحصل ذلك
حتت البحر الاحمر دي فيها الكفوة ؛ولو وصلنا السعودية بكون تمام.
| |
|
|
|
|
|
|
|
|
|
Re: يمشي قطر (Re: isam elzein)
|
يا بشير تحياتي ...
انا لو في محلو وقلت كل الكلام بتاع يبلعو ناشف ... ويموصوه ويشربو مويتو... وتحت القندره ولا تحت نعلاتي ما عارف ... ما ح اسمع كلام اي واحد فيكم...ح اسافر والله لو يقطعوني (حتت حتت) ...ويعملوني ملاح (كول)..برضو ح امشي الدوحه دي
*الدبلوماسيه دي بتجي الساعه خمسه وعشرين يا بشير اخوي ...
__________________________________________________
* بس احي ...انا ما هو... والحمد ليك اني ماهو...
| |
|
|
|
|
|
|
|
|
|
Re:ما يمشي قطر (Re: Elsanosi Badr)
|
الاخ/السنوسي بدر
تحياتي؛؛؛
Quote: انا لو في محلو وقلت كل الكلام بتاع يبلعو ناشف ... ويموصوه ويشربو مويتو... وتحت القندره ولا تحت نعلاتي ما عارف ... ما ح اسمع كلام اي واحد فيكم...ح اسافر والله لو يقطعوني (حتت حتت) ...ويعملوني ملاح (كول)..برضو ح امشي الدوحه دي
|
يا السنوسي ياخوي كلام رجالة ساي وهوشه
الطيب احسن.
| |
|
|
|
|
|
|
|
|
|
Re: يمشي قطر (Re: ادريس خليفة علم الهدي)
|
بالله بعد النفخ داك هنا في البورد .... أخيرا راسكم جا يا جبناء؟؟؟
إنتو ما بتجو إلا بالعصر و الضغط .... و حينها تنبرشون و تنبطحون كأجبن خلق الله ...
لقد صدقت سوزان رايس حين كتبت فيكم هذا:
History demonstrates that there is one language Khartoum understands: the credible threat or use of force. After Sept. 11, 2001, when President Bush issued a warning to states that harbor terrorists, Sudan -- recalling the 1998 U.S. airstrike on Khartoum -- suddenly began cooperating on counterterrorism. It's time to get tough with Sudan again.
الترجمة:
التاريخ يشير الي أن هناك لغة واحدة فقط تفهمها الخرطوم: التهديد الحقيقي أو إستخدام القوة.
بعد سبتمبر 11 2001 عندما أصدر الرئيس بوش إنذارا للدول التي تأوي الإرهاب, السودان - متذكرا ضربة الولايات المتحدة عام 1998 في الخرطوم - فجأة بدأت تتعاون في محاربة الإرهاب.
لقد آن الأوان للتعامل مع السودان بخشونة مرة أخري.
إنتهت الترجمة
قال نسور البشير قال
ديل طلعوا ديوك عدة ..
| |
|
|
|
|
|
|
|
|
|
Re: يمشي قطر (Re: Deng)
|
Quote: صاحب السمو امير قطر قادر على حماية ضيوفه
وهو رجل امين يرعى العهود والمواثيق |
ده مش نفس الزول العمل إنقلاب على ابوهو ولا ده زول تاني؟
دولة قطر لن تغامر بعلاقاتها مع المجتمع الدولي من أجل مجرمي الأنقاذ.
ديرو بالكم يا كيزان.
دينق
| |
|
|
|
|
|
|
|
|
|
Re:ما يمشي قطر (Re: Deng)
|
الاخ/دينق
تحياتي؛؛؛
Quote: الخواف ربى كيزانو(عيالو).
حالتكم تحنن.
|
شوية ترتيبات بس ونعود كما الربيع ياحبة.
| |
|
|
|
|
|
|
|
|
|
Re: يمشي قطر (Re: Mohamed Suleiman)
|
تحياتي للجميع..وبعد يحكي أن بعض اهل الحل و العقد (وياللمصادفة) ارادو التخلص من احد سلاطين دارفور .. فاتوا بسيدة داهية فزغردت للسلطان ونفخته ... ثم قالت له : مولاي السلطان ... ٌإنت أي حاجة في الدنيا ركبت.. فرس ركبت ... جمل ركبت..حمار ركبت ..إلا حاجة واحد بس ماركبت .. ثم أغوته لركوب التيتل فأمر بالتيتل فركب وشد وثاقه عليه حتي لا يقع عنه ! وعييييييك علي رأي بشاشا!
مطلوب واحد من ناس التاريخ لتنقيح الرواية ... بس مايكون علي كرتي
| |
|
|
|
|
|
|
|
|
|
Re: يمشي قطر (Re: ياسر احمد محمود)
|
رجل تتلخص ادوات حكمه في الحلايف بالحرام والطلاق .. واشهار جزمته المصفحه فى وجه كل الصعاب التى تواجهه ما ظننته مصغى لاحد..
| |
|
|
|
|
|
|
|
|
|
Re: يمشي قطر (Re: حسين نوباتيا)
|
الاخ/حسين نوباتيا
تحياتي؛؛؛
| Quote: رجل تتلخص ادوات حكمه في الحلايف بالحرام والطلاق .. واشهار جزمته المصفحه فى وجه كل الصعاب التى تواجهه ما ظننته مصغى لاحد.. |
زولنا ياخوي كلس وجعلي .
| |
|
|
|
|
|
|
|
|
|
Re: يمشي قطر (Re: ياسر احمد محمود)
|
Quote:
ده مش نفس الزول العمل إنقلاب على ابوهو ولا ده زول تاني؟
دولة قطر لن تغامر بعلاقاتها مع المجتمع الدولي من أجل مجرمي الأنقاذ.
ديرو بالكم يا كيزان.
دينق |
ياخى انقلاب شنو
الراجل شاف ابوه بقى كبير قال يريحو ويتحمل المسئولية وبس .
| |
|
|
|
|
|
|
|
|
|
Re: يمشي قطر (Re: Mohamed Suleiman)
|
Quote:
بالله بعد النفخ داك هنا في البورد .... أخيرا راسكم جا يا جبناء؟؟؟
إنتو ما بتجو إلا بالعصر و الضغط .... و حينها تنبرشون و تنبطحون كأجبن خلق الله ...
لقد صدقت سوزان رايس حين كتبت فيكم هذا:
|
ياخى الرجالة ملحوقة .
ونحن حكايتنا شنو شنو مع الحريم ديل من سوزان رايس لقاضيايات المحكمة الجنائية
الله يدينا خيرن ويكفينا شرهن.
ـــــــــــــــــــــــــــــــــــ
يا محمد سليمان مسئوول من الخير الأسطول الأمريكى حاصر بورتسودان ولا لسه؟؟
مش انت قلت قبل مع القرار سيتم الحصار من الشرق والغرب ولا أنا غلطان؟؟
| |
|
|
|
|
|
|
|
|
|
Re: يمشي قطر (Re: Mohamed Suleiman)
|
دقيقة ياشباب قبل ما ارد عليكم
ارد علي الزغاوي محمد سليمان
قلت لي شنو ؟
Quote: بالله بعد النفخ داك هنا في البورد .... أخيرا راسكم جا يا جبناء؟؟؟
إنتو ما بتجو إلا بالعصر و الضغط .... و حينها تنبرشون و تنبطحون كأجبن خلق الله ...
|
القال ليك منو راسنا جا ياوهم
انت قايل خلاص ضغطونا لمن جبنا الزيت ؛اكيد انت واهم
نحنا وراك وراك لمن تقول الرووب
اها الاسطول الامريكي وصل وين ياحبة ؟
Quote: قال نسور البشير قال
ديل طلعوا ديوك عدة .. |
ديوك ياوهم ديل خلوك تكاكي بره الشبكة ؛وتكوس للامريكان عشان يطردوا ليك الجلابة
القاعدين فوق راسك ديل .
انت هسع جاي جاري كرعيك بترابهم ولابس الشقيانة حقت وفرحان بالبوست ده؟
الجلابة قاعدين وح يحكموك تاني لكم 50سنة جايه ان شاء الله.
_________
| |
|
|
|
|
|
|
|
|
|
Re: يمشي قطر (Re: بشير أحمد)
|
ود محجوب:
Quote:
يا محمد سليمان مسئوول من الخير الأسطول الأمريكى حاصر بورتسودان ولا لسه؟؟
مش انت قلت قبل مع القرار سيتم الحصار من الشرق والغرب ولا أنا غلطان؟؟
|
إنتو برضو موش قلتو كده لما أوكامبو إتأخر؟؟
و لما ظهر اوكامبو بأمر القبض .. ضربتو الجرسه ... زي البوست ده ... أنا ما داير السفر .. لكن حكم القدر .. و جعير .... بلا خجلة ...
بشير لأحمد ده لا يخجل .... فاتح بوست كبير و عريض و كلو إنبراشات ...
و كمان كاتب:
Quote:
الجلابة قاعدين وح يحكموك تاني لكم 50سنة جايه
|
كدي في الأول أمشي أسأل آل تكريت .. أسألهم الحصل شنو لعنجهيتهم .... مع أنهم كانوا أكثر شجاعة منكم يا أجبن خلق الله ...
يا بشير أحمد يا وهم إنك تعيش آخر أيام هيمنتكم و إستبدادكم ....
خلاص .... دي الخاتمة بإذن الله .... و بالذات لما الواحد يقرأ كلام من جلابي جعلي زيك يتباكي و يستجدي جعلي آخر : سيدي الرئيس ماتسافر ...
هو الجبن ده كيف؟؟ ... أليس هو خوفك من أن يجبر البشير من المثول في محكمة ليواجه فيها ضحاياهو الذين جلهم من النساء و الأطفال .. يا جبناء؟؟؟
لماذا عندما تدنو ساعة المحاسبة تتحولون من أسود ورقية الي سواسيو و فئران مذعورة تهرول طلبا للنجاة يا جبناء؟؟
أما سؤالك عن الأسطول .... لا تسألوا عن أشياء إن تبد لكم تسؤكم ...
أكزوا .. و أرجو الراجيكم .... بلاش فرفرة جبناء و بتابت مذعورين ...
| |
|
|
|
|
|
|
|
|
|
Re: يمشي قطر (Re: Mohamed Suleiman)
|
الزغاوي محمد سليمان
| Quote: بشير لأحمد ده لا يخجل .... فاتح بوست كبير و عريض و كلو إنبراشات |
انت ياتو يوم خجلت اهو خجلان طول الوكت.
Quote: كدي في الأول أمشي أسأل آل تكريت .. أسألهم الحصل شنو لعنجهيتهم .... مع أنهم كانوا أكثر شجاعة منكم يا أجبن خلق الله ...
يا بشير أحمد يا وهم إنك تعيش آخر أيام هيمنتكم و إستبدادكم ....
|
عليك الله الجبن فايتك وين ؟ قاعد في امريكا مرطب تاكل في البيرقر وتشرب في البيستي كولا
وليك جضوم زي عبد الواحد حواكير ؛ومنتظر الامريكان يشيلو ليك الجلابة ؛عشان تجي تتجدع في الخرطوم
وتدلدل كرعيك مقاس 45 ياوهم
ابقي مارق عشان تعرف حاجة ونطير ليك كلمة جلابة دي في راسك
شابكنا ليك جلابة وعنصريين وبطيخ ؛تعال بس
| Quote: خلاص .... دي الخاتمة بإذن الله .... و بالذات لما الواحد يقرأ كلام من جلابي جعلي زيك يتباكي و يستجدي جعلي آخر : سيدي الرئيس ماتسافر |
الجعليين ديل مُركب نقصك يازغاوي ياموهوم.
Quote: لماذا عندما تدنو ساعة المحاسبة تتحولون من أسود ورقية الي سواسيو و فئران مذعورة تهرول طلبا للنجاة يا جبناء؟؟
|
لو نحنا سواسيو انت تطلع شنو بالله ؟
السواسيو دي خلت تحاحي في امريكا
نحنا الحدي البختف كف .
| |
|
|
|
|
|
|
|
|
|
Re:ما يمشي قطر (Re: ادريس خليفة علم الهدي)
|
الاخ/ادريس خليفة
تحياتي؛؛؛
| Quote: أحي علي سيفوا البسوي تح |
انت عارف أتخيلتك وانت بتقول الحركة دي
الله يستر علي كرسي المكتب نعلو ما انكسر ؟
تشكر علي احي أنا.
| |
|
|
|
|
|
|
|
|
|
Re: Re:ما يمشي قطر (Re: بشير أحمد)
|
Quote: انت عارف أتخيلتك وانت بتقول الحركة دي
الله يستر علي كرسي المكتب نعلو ما انكسر ؟
تشكر علي احي أنا. |
جزء من هطرقة حبوباتكم ..
| |
|
|
|
|
|
|
|
|
|
Re: يمشي قطر (Re: esam gabralla)
|
عصام ودجبرالله
تحياتي وللشباب.
Quote: اى حتة
ده جزء من المطلوب زاتو , انك تكون قاعد مزرور زى الفار
يسموها جبن يسموها رجالة يسموها حكمة او دبلوماسية
ما مهم شديد
|
ياخوي خليهم يسموها زي ماعايزين
| |
|
|
|
|
|
|
|
|
|
لا غرابة ..! (Re: بشير أحمد)
|
الأخ بشير ..
سلام وتحية .. وبعد،
جعفر نميري زمان كان عنده مقولة شهيرة تقول: <الثورة تُراجِع ولا تتراجع> ،
وفي أعتقادي المتواضع أنها نقطة تُحسب لنميري لا عليه (أتفقنا أو إختلفنا حوله)
، لأنه كان يمنح نفسه مساحة كافية تفصل بينه وبين المكابرة في حال الخطأ!
البشير للأسف لم يُعطْْي لنفسه فرصة للتفكير ومراجعة النفس إبتداءً ناهيك عن التراجع
عن أخطائه ، وهذا ينم عن تفكير ضحل غير ناضج أتضح جلياً من خلال المهاترات الأخيرة بعد
قرارات المحكمة والتي أضرت بصورته أكثر مما هي متضررة كـ<رئيس دولة> ، وجعلت منه أضحوكة!
أنا لا أعتقد - يا أستاذي - أن مسألة التفكير <تحديداً> يمكن أن تتغير بين ليلة وضحاها ، لذلك
أؤكد لك أنه سيسافر للدوحة رغم نصائحك الغالية ، فالمعضلة ليست في تضليل <علي كرتي> وإنما
في طريقة تفكير البشير نفسه ، فهو للأسف لم يتدرب على التفكير الممنطق والناضح ،
حتى أنني في كثيرٍ من الأحيان أحسه كالمراهق الذي يريد أن يُثبت رجولته لكل من حوله دون أن يجادله
أحد في ذلك! ، ليته يدرك من خلالكم يا أخ بشير أنه لا يُمثِّل نفسه مطلقاً بل يمثل شعب
له تاريخ ، ودولة لها إحترامها بين الدول ..!
______
| Quote: وعشان برضو مانحرج ناس قطر مع المجتمع الغير دولي. |
يبدو ان مقولة السجين السابق حسن الترابي لقناة العربية أضحت نصيحة
يقتبسها العامة والمناهضين للشيخ لينقذوا بها البشير!!
Quote: اهو قلنا نشغل أم التلافيق في جخانين المخ شوية
ونقرا من زاوية منفرجة 180درجة
عسي ولعل نطلع بي نتيجة كويسة
وربنا يسلم البلد واهلها ورئيسها من كل شر. |
أولاً: فات أوان إنفراج الزوايا ، لانه إنفراج بفعل الضغط وليس بفعل الطبيعة سرعان ما يعود لطبيعته مع زوال المؤثِّر!!
ثانياً: هل نصيحتك للبشير نابعة من خوفك على <السودان> أم على <البشير> أم على <دولة قطر>؟
| |
|
|
|
|
|
|
|
|
|
Re: لا غرابة ..! (Re: Amir Omer)
|
Quote: وعشان برضو مانحرج ناس قطر مع المجتمع الغير دولي.
|
يعني حضرتك انت حتفكر لقطر ؟؟ياخي ارجو الا تحرج قطر نفسها بكلامك دة قطر
ليها ديبلوماسية تعرف تقدر علاقاتها جيداً...بس خليك مع رئيسك ووطريقة حمايته..
بعدين ياخي هو مش المجتمع الدولي بكيل بمكيالين وانو معاييرو ماعادلة اذن يكون
الاولي بك الا تحرص علي علاقة اي دولة صديقة به وكمان هو مجتمع لا دولي .
وعليه تكون خدمت قطر خدمة جيدة ...بجعلها حرة من التبعية لدول الاستكبار ...
| |
|
|
|
|
|
|
|
|
|
Re: لا غرابة ..! (Re: Elbagir Osman)
|
واحد قال لي مرتو بعد ماجات متأخره من عند جارتها ....قال ليها في الباب طلقانه اذا دخلت وطلقانه اذا رجعت وطلقانه اذا وقفت قدام الباب
| |
|
|
|
|
|
|
|
|
|
Re: لا غرابة ..! (Re: عثمان محمد كرار)
|
Quote:
الناطق باسم الخارجية الفرنسية: باريس تؤيد اعتراض طائرة البشير في الجو
مسؤولون سودانيون لـ«الشرق الأوسط» : لدينا ترتيبات خاصة لضمان وصول وعودة طائرة البشير سالمة
الاثنيـن 20 ربيـع الاول 1430 هـ 16 مارس 2009 العدد 11066
جريدة الشرق الاوسط
الصفحة: أخبــــــار
القاهرة: عبد الستار حتيتة وخالد محمود
كشف دبلوماسي أوروبي أمس أن دولا في الاتحاد الأوروبي، على رأسها فرنسا، تؤيد اعتراض طائرة الرئيس السوداني عمر البشير في الجو في حال سفره خارج السودان، وتوقيفه تنفيذا لقرار المحكمة الجنائية الدولية في لاهاي الصادر في الرابع من الشهر الحالي، تزامنا مع إعلان السودان أن البشير سيحضر القمة العربية في الدوحة نهاية الشهر، بعد أن تلقى دعوة قطرية رسمية. لكن مسؤولين سودانيين قالوا لـ«الشرق الأوسط»، أمس إن لدى الخرطوم ترتيبات أمنية خاصة لضمان وصول وعودة طائرة البشير سالمة من الدوحة.
وقال الناطق باسم وزارة الشؤون الخارجية والأوروبية الفرنسي إيريك شوفاليه، لـ«الشرق الأوسط» بالقاهرة أمس، إن باريس متشددة في اتجاه ملاحقة البشير، وأوضح «فرنسا، مثل العديد من الدول الأخرى طرف في نظام روما الأساسي، وهناك التزامات واضحة للغاية تهدف إلى السماح بتنفيذ أمر توقيف الرئيس السوداني». وأضاف «هناك التزامات تلقي بثقلها على أطراف الصراع وعلى السودان وعلى الدول الموقعة على نظام روما الأساسي.. وهناك دعوة تطلب من الدول غير الأطراف في هذا النظام التعاون من أجل تنفيذ أمر التوقيف».
وقال الدبلوماسي الفرنسي إن غالبية الاتحاد الأوروبي يدفع باتجاه «حثّ الدول الأعضاء في المحكمة الجنائية الدولية وكذلك غير الأعضاء فيها، على مساعدة المحكمة في تنفيذ قرارها الخاص بتوقيف الرئيس السوداني، خاصة إذا ما انتقل إلى العاصمة القطرية الدوحة للمشاركة في القمة العربية المقرر عقدها نهاية الشهر الجاري». وأضافت المصادر أن هذا الأمر ينطبق كذلك على اثنين من المسؤولين السودانيين مطلوبين إلى لاهاي، هما أحمد هارون (وزير الدولة للشؤون الإنسانية) وعلي كوشيب (زعيم ميليشيا الجنجويد).
وقالت المصادر إن فرنسا تعتبر الأكثر تشددا في هذا الاتجاه، وأنها متمسكة بضرورة تطبيق البنود التي تعطي الحق في توقيف البشير، خاصة أنها تدفع بقوة في اتجاه ضرورة تنفيذ «أمر توقيف البشير»، وتريد من «الدول الأطراف في المحكمة الدولية المساهمة في تنفيذ هذا الأمر»، وتريد من الدول الأخرى «غير الموقعة على نظام روما الأساسي، المكوِّن للمحكمة الجنائية الدولية المساهمة أيضا في تنفيذ أمر التوقيف».
ورفض شوفاليه الاتهامات التي تقول إن قرار المحكمة الجنائية الدولية منحاز ضد دول العالم الثالث، قائلا إن أكثر من نصف الدول الأفريقية أطراف في نظام روما الأساسي، وأن معظم أوامر التوقيف الصادرة عن المحكمة الجنائية الدولية، تم استصدارها بناء على طلب من دول أفريقية. لكن اللافت أن كبار مساعدي البشير ليسوا قلقين تماما من ناحية إمكانية اعتقاله أو إقدام قطر على تسليمه، ومع ذلك فإن ثمة تحضيرات أمنية غير معلنة يجري التخطيط لها لضمان سلامة البشير في حال توجهه إلى الدوحة أو العودة مجددا إلى عاصمة بلاده الخرطوم. وقال الوسيلة السماني وزير الدولة بوزارة الخارجية السودانية لـ«الشرق الأوسط» إن الرئيس البشير سيغادر إلى الدوحة لحضور القمة العربية مع أشقائه من قادة ورؤساء وملوك الدول العربية وسيتشاورون في أمر هذه المحكمة والوقوف بصلابة في مواجهتها». وأبلغ الوسيلة «الشرق الأوسط» عبر الهاتف من الخرطوم أن الإقلاع سيكون بطائرة رئاسية ستغادر من مطار الخرطوم. مضيفا: «لن يستطيعوا فعل أي شيء لأن جريمة اعتراض طائرة سيكون قرصنة جوية يعاقب عليها القانون اللهم إلا إذا أسقطوا الطائرة». ومضى إلى القول: «إذا كانت دولة عربية لا تقوم بمسؤوليتها تجاه هذه القضية فعلى الدنيا السلام وأشك أن هناك دولة عربية مستعدة للتعاون».
وعن الوفد الذي سيرافق البشير إلى قمة الدوحة قال الوسيلة، إنه «الوفد التقليدي كما في كل المؤتمرات وحسب طبيعة القمة»، لافتا إلى أن الرئيس السوداني لم يتخلف عن المشاركة في أي قمة عربية إلا في ظروف طارئة لكنه كان حريصا على حضور كل القمم العربية والإسلامية والأفريقية. ويعتقد الوسيلة كغيره من كبار مسؤولي الحكومة السودانية أن البشير سيكون نجم القمة، معتبرا أن المحكمة الجنائية الدولية تكتب كل يوم على نفسها الفناء على حد تعبيره.
بدوره قال المهندس عبد الله على مسار مستشار الرئيس السوداني لـ«الشرق الأوسط»، إن الرئيس البشير الذي تلقى دعوة من أمير قطر لحضور القمتين العربية والعربية اللاتينية وسيشارك في هاتين القمتين باعتبار أن الدعوة من قطر، وهى من المشاركين في صنع السلام في إقليم دارفور وتقوم بدور إيجابي في هذا الإطار. وأضاف «قطر غير موقعة على اتفاقية المحكمة وليس هناك ما يلزمها بتنفيذ القرار وقرار مجلس الأمن نفسه ليس فيه إلزامية ونحن نعتقد أن كل هذه ضغوط سياسية لصالح قوى أجنبية تستهدف السودان». وبعدما لفت إلى أن الرئيس البشير يمارس صلاحياته المعروفة والمعهودة، فإنه شدد على أن التهم الموجهة إليه من قبل المحكمة لا تستند إلى قانون أو منطق أو وقائع.
وحول ما إذا كانت السلطات السودانية ستتخذ خطوات أو ترتيبات أمنية خاصة لضمان وصول البشير بسلام إلى القمة العربية في الدوحة ومن ثم العودة إلى السودان من دون أن يتعرض لأي مواقف محرجة، قال «لا بد أن الدولة ستكون لها ترتيبات معينة في هذا الخصوص»، مشيرا إلى أن مسألة مرافقة طائرات حربية سودانية لطائرة البشير الرئاسية، «شيء تقرره الأجهزة الأمنية والترتيبات الأمنية ستقوم بها هذه الأجهزة المعنية لضمان حماية الرئيس». وأضاف: «قطر لا يمكن أن تقدم على هذا الفعل (تسليم البشير) لأنها وجهت الدعوة إلى الرئيس البشير للمشاركة في القمة وحضور أعمالها وهى تعلم ملابسات القضية». ويقول دبلوماسيون عرب في المقابل إنه لن يكون بإمكان قطر تسليم البشير إلى أي جهة على اعتبار أن قطر التي ستؤول إليها رئاسة القمة العربية المقبلة بعد عملية التسليم والتسلم من سورية الرئيس الحالي، ليست من الدول الموقعة على الميثاق التأسيسي للمحكمة الجنائية الدولية.
وقال مسؤول أمني سوداني تحدث لـ«الشرق الأوسط) مشترطا عدم تعريفه، «إن هناك ترتيبات خاصة بتأمين وصول البشير سالما إلى القمة العربية، تشمل إخفاء الساعة المحددة لإقلاع طائرته من مطار الخرطوم بالإضافة إلى مرافقة طائرات حربية لطائرة الرئاسة حتى تغادر الأجواء السودانية». وأضاف «قد نلجأ إلى التمويه، خاصة مع تهديدات المتمردين بمحاولة إسقاط الطائرة، لكن لا نعتقد أن لديهم المقدرة على ذلك.. بإمكاني القول إننا لن نواجه أدنى مشكلة في إيصال الرئيس (البشير) سالما بإذن الله إلى قطر لحضور اجتماعات القمة العربية». ووفقا لما أعلنه الموقع الالكتروني القطري الرسمي للقمة العربية على شبكة الانترنت، فإنه من المقرر أن تصل الوفود المشاركة في القمة ومن بينها وفد السودان إلى مطار الدوحة الدولي الذي يقع على بعد سبعة كيلومترات فقط من مركز قطر الدولي للمؤتمرات الذي ستعقد فيه القمة. أما في حالة حدوث ظروف طارئة فسيتم استعمال المطار البديل في قطر وهو قاعدة العديد العسكرية الواقع على بعد نحو 16 ميلا باتجاه الغرب من الدوحة.
ومع هذه الترتيبات ثمة من يتساءل حول إمكانية منع الطائرة أساسا من الهبوط في مطار الدوحة الدولي، وهو تساؤل يجيب عنه مسؤول سوداني بشكل مقتضب: «هذا غير ممكن ولن يحدث، ولدينا ترتيباتنا الخاصة لكننا لن نعلن عنها في وسائل الإعلام الدولية». ولم يكن هاتف السفير محمد بن عبد الله الرميحي مساعد وزير الخارجية القطري لشؤون المتابعة ورئيس اللجنة الوطنية التي شكلتها قطر مؤخرا للإشراف على اجتماع القمة العربية وتنظيمه متاحا أمس للتعقيب على موقف بلاده بينما ظل هاتف مندوب قطر لدى الجامعة العربية وسفيرها في القاهرة دون رد.
|
| |
|
|
|
|
|
|
|
|
|
Re: لا غرابة ..! (Re: احمد سردوب)
|
مالو ...
خايفين عليو ...
من ...
مشيخة قطر ( السعنتوتة ! ) ...
و لا ...
من ...
قاعدة ...
( العديد ! )
و ( السيلية ! )
( الغتستن ! )
حجر ...
( صدام التكريتى ! )
...
قال ( سيدى ! ) الرئيس قال ..
توووووف على رئيسك المجرم الهارب ...
عبدالماجد
| |
|
|
|
|
|
|
|
|
|
Re: لا غرابة ..! (Re: nazar hussien)
|
الأخ بشير
تحياتي
طبعن من الأحسن للبشير أن يقول أو يعمل علي قول أنه منشغل بحل أزمتة التي تولدت من قرار الجنائية وتداعياتها علي المستوي الداخلي لحزبة والسودان وأخطرها سبب الأزمة ( قضية دار فور ) حيث الناس بتتعلم من الأيام . فهل رأينا كم رئيس دولة من حولنا بالعالم قطع زيارة رسمية وعاد لبلاده لمجرد أن عمارة وقعت أو كارثة طبيعية حلت ببلده .
وشئ تاني أن الدولة التي يقام فيها المؤتمر لديها سوابق تستحق الوقوف عندها بدءاً بأميرها وما فعلة بوالدة ؟؟؟؟
ثم الحادث الذي حدث لرئيس واحدة من دول أوروربا الشرقية حينما قُتل علي التراب القطري!!!!
ثم ما حدث لمعاوية ولد الطايع يوم إنقلب علية جماعتة وإستقبلته دولة قطر ضيفاً عليها !!
وكثير من معارضي دول عربية يعيشون في قطر ولا نعلم ما هي الصفقات التي بموجبها يعيشون هناك!!!
لكن كلام القصير ما بنسمع إلا الحر تحمي !!!!!!!!
وأخشي أن يستمر تقاصرنا الذي بدأ مع أزمة دار فور وتعاطي الحكومة وحزبها السياسي معها بطريقة تجعلنا نفاقمها أكثر من علاجها.
بحيراوي
| |
|
|
|
|
|
|
|
|
|
Re: لا غرابة ..! (Re: nazar hussien)
|
| Quote: الراجل شاف ابوه بقى كبير قال يريحو ويتحمل المسئولية وبس . |
ود محجوب.
دي راحة ابدية ولاشنو. بعدين منو الحاكم الحقيقي لدولة قطر اليوم؟
هل هو أميرالبلاد الشيخ حمد أم زوجته الشيخة موزة المسند؟
دينق
| |
|
|
|
|
|
|
|
|
|
Re: لا غرابة ..! (Re: د.محمد حسن)
|
| Quote: وعشان برضو مانحرج ناس قطر مع المجتمع الغير دولي. |
اخي بشير المجتمع الدولي ما حا يعمل لقطر شي وحتى اذا حضر الرئيس البشير... وبعدين
الاجندة معروفة لي اجتماع الدول العربية ده... وعلى الرئيس ان يكتفي بالحضور عن
طريق التقنبات المتوفرة ومنها يلقى خطابه.. يعنى ممكن يحضر الموتمر وهو في بلده
وبعدين اجتماع الدول العربية ده ولا بزيد ولا بنقص شي نفس الاجتماع والفات.
تحياتي
امين
| |
|
|
|
|
|
|
|
|
|
Re: لا غرابة ..! (Re: Deng)
|
Quote: ود محجوب.
دي راحة ابدية ولاشنو. بعدين منو الحاكم الحقيقي لدولة قطر اليوم؟
هل هو أميرالبلاد الشيخ حمد أم زوجته الشيخة موزة المسند؟
دينق |
لا هذا ولا ذاك
فى رأيى الخاص الحاكم هو التنظيم العالمى للأخوان المسلمين.
| |
|
|
|
|
|
|
|
|
|
Re: لا غرابة ..! (Re: ود محجوب)
|
بالله هو كان مسافر الدوحه يا بشير أخوي؟؟
أنا لو منه والله أسمع كلامك!
تحياتي..
انتو بكري موقف الوشوش دي لمتين؟؟ماعارفين نعبر بالكلام!
| |
|
|
|
|
|
|
|
|
|
Re: لا غرابة ..! (Re: تاج الدين عبدالله آدم)
|
| Quote: اليس هو الذى تآمر على أبيه وعزله من الحكم عندما كان فى فترة نقاهة بالخارج؟!!!! |
الاخ بشير ســـــلام.
دى كانت فايتة عليك, الامير المفدى غدر بى ابو( و ربنا أوصى بى بر الوالدين)
و ما تنسى ان قطر فيها أكبر قاعدة عسكرية فى المنطقة و عدد أفرادة يفوق سـكان قطر
( و أنا أوصى بى الاتى أمير و السلطان كابوس ما يقعدو جب بعض عشان الاتنين أصحاب سوابق)
| |
|
|
|
|
|
|
|
|
|
Re: لا غرابة ..! (Re: عثمان محمد كرار)
|
الاخ/عثمان محمد كرار
تحياتي؛؛؛
| Quote: واحد قال لي مرتو بعد ماجات متأخره من عند جارتها ....قال ليها في الباب طلقانه اذا دخلت وطلقانه اذا رجعت وطلقانه اذا وقفت قدام الباب |
هادي قعدة في الواطة.
| |
|
|
|
|
|
|
|
|
|
Re: لا غرابة ..! (Re: ibrahim alnimma)
|
الاخ/ibrahim alnimma
تحياتي؛؛؛
| Quote: يعني حضرتك انت حتفكر لقطر ؟؟ياخي ارجو الا تحرج قطر نفسها بكلامك دة قطر |
القال ليك منو ؟
دي من الفوائد من سياق الزيارة
| Quote: ...بس خليك مع رئيسك ووطريقة حمايته |
ياخوي اصلي قاعد مع رئيسي وان شاء الله نحميهو بكل ماعندنا.
هو برضو رئيسكـ ولا ما كده؟ كده.
| |
|
|
|
|
|
|
|
|
|
Re: لا غرابة ..! (Re: Amir Omer)
|
الاخ/امير عمر
تحياتي؛؛؛
النت عندي بطئ جدا ؛اسف لتاخري في الرد.
Quote: أنا لا أعتقد - يا أستاذي - أن مسألة التفكير <تحديداً> يمكن أن تتغير بين ليلة وضحاها ، لذلك
أؤكد لك أنه سيسافر للدوحة رغم نصائحك الغالية ، فالمعضلة ليست في تضليل <علي كرتي> وإنما
في طريقة تفكير البشير نفسه ، فهو للأسف لم يتدرب على التفكير الممنطق والناضح ،
|
مرات الواحد بينفعل وبيقول كلام كده ؛ولمن تقعد براك كده بتدرك مدي الخطأ
والتريث مطلوب.
| Quote: ثانياً: هل نصيحتك للبشير نابعة من خوفك على <السودان> أم على <البشير> أم على <دولة قطر>؟ |
خوف علي الجميع واكثر علي السودان والرئيس.
| |
|
|
|
|
|
|
|
|
|
Re: لا غرابة ..! (Re: بشير أحمد)
|
نؤيد هذه الدعوة
فلا لسفر الرئيس خارج البلاد في هذا الظرف
وأعتقد أن الأمة السودانية جاهزة للدفاع عنه داخل أراضيها
وهي لا طاقة لها بأية تصرفات خارج السودان
============
ألا هل بلغت
اللهم فاشهد
| |
|
|
|
|
|
|
|
|
|
Re: لا غرابة ..! (Re: عز الدين بيلو)
|
Quote:
نؤيد هذه الدعوة
فلا لسفر الرئيس خارج البلاد في هذا الظرف
|
كالعادة .... تخافون و لا تختشون ...
أهو أوكامبو حبس رئيسكم في سجن كبير إسموالسودان .. و حرمو المرقة ..
هذه مرحلة حبسة صدام في العراق ..
و طبعا إنتو حافظين الفيلم ده .... و كيف نهايتو ....
يا أجبن خلق الله .....
فالحين في ضعاف خلق الله .... و قدام أوكامبو يختفي رئيسكم وسط ... أسرته
و كمان من أسخف الأشياء ... إستخدام الدين كدرع للهروب من قدرة الله و قدره ... قال فتاوي قال
أهو في النهاية .. سقطت آخر ورلاقة توت .. و وقفتم أمام العالم عراة من كل شئ ... و ترتجفون في جبن من قبضة أوكامبو ...
التاريخ يعيد نفسه ....
و عازمكم علي الفلم التحفة: الهروب الكبيييييييير
يا جبناء ... و رئيسكم هو أجبنكم ...
| |
|
|
|
|
|
|
|
|
|
Re: لا غرابة ..! (Re: عز الدين بيلو)
|
بشير أحمد ,, تحياتى ,,
كلامك ده والتصريحات الاتنشرت أمبارح من هيئة علماء السودان
وأسرة الرئيس ومدير عام الشرطه ووزير الدفاع ,, دى كلها بدايه
لهذا السيناريو :
1/ النظام الحاكم فى السودان بدأ يتحلل من
إرتباطه بالبشير منذ أن صوروا للشعب السودانى
إن مشكلة المحكمه الجنائيه مقصود بها شخص البشير
2/ تركوه يواجه العالم لوحده بتلك التصريحات العشوائيه
دون أن يجتمع قادة المؤتمر الوطنى ورهط المستشاريين
حملة الدكتواره والبروفيسر شب الذين تمتلئ بهم غرف
القصر الجمهورى لتوحيد خطاب دوبلوماسى مهذب لادارة الازمه.
3/ الايعاز لجهات ليست بذات سياده لتنشر بيانات تمنع فيها
الرئيس من السفر ( وإلا لماذا لايصدر المؤتمر الوطنى أو رئاسة
الجمهوريه مثل ذلك القرار ) .
4/ عندما يزعن الرئيس بعدم السفر ويبدأ إحساسه بالضعف واضحا
تبدإ المرحله الثانيه من السيناريو .
5/ وبما أن الاخوه المصريين لم ينسوا حتى اللحظه محاولة إغتيال
حسنى مبارك فى أديس أببا 1996 فأنهم الآن يصطادون فى الماء العكر
ومازيارات أبو الغيط ومدير جهاز المخابرات المصريه المكوكيه هذه
الايام إلا دليل على ذلك ,, فإنهم يدسون السم فى الدسم, سوف يحاولون
بقدر الامكان لف الحبل ليس على رقبة البشير وحده إنما على رقاب
كثيره ,, عليه سوف تكون هنالك مساومات كبيره أولها إبعاد البشير .
6/ كلنا يعلم أن البشير بالنسبه للمؤتمر الوطنى ليس إلا مجرد عسكرى
وضعوه فى الواجهه كشخص مقبول وقتها ومن خلاله يقوم النظام بتسيير
دفة الحكم فى السودان ( كان من المفترض أن يكون رئيس مجلس قيادة
الثوره فى 30 يونيو89 العميد مختار حمدين إلا أنه إستشهد قبل فتره
قصيره من الانقلاب ) وهذا يبرهن أن أى عسكرى من الممكن أن يكون فى
الواجهه طالما هنالك نظام مسيطر تماما عل الاوضاع .
7/ ماذا يساوى البشير للحركه الاسلاميه إذا قارناه بعرابها الترابى ؟
ى فعندما تقاطعت المصالح ألم (يبيعوه) بأبخس ثمن , أليس هؤلاء الموجودين
حول الرئيس هم نفس الاشخاص الذين باعو شيخهم ؟؟
8/ الضغوط القادمه كبيره وهم يعلمون ذلك , والمكاسب التى إكتسبوها
خلال عشرين عاما أيضا كبيره !! لذا فبعد أن يحس البشير بالضعف والهوان
المرسوم له بدقه مع سبق الاصرار والترصد سوف تكون الخطه القادمه بعد
منعه من السفر هى ما سيقولونه له : ياسيادة الرئيس السودان فى خطر
(لاحظو معى السودان وليس النظام ) وأنت قد قدمت الكثير مما ستحفظه لك
الاجيال بعد ألآف السنين , ولكن وحتى نفوت الفرصه على أعداء الوطن فقد
قررناأن تنسحب أنت من المواجهه وسوف نقدم بشيرا آخر حتى نضمن للمسيره
التى رويتها من دمك أن تستمر .
9/ سيعترض سيادة المشير فى بداية الامر ويهيج ويثور لكن عندما يلتفت
يمينا ويسارا ولايجد أحدا بجانبه حينها سوف يعلم أنه كان وجبة غداء
أخير إلتهمها الجماعه ٌقبل عشائه ,
10/ وآخر السيناريو سوف يقول لهم ( طيب هسه أنا أودى وشى وين من الحشود
التى خاطبتها وصرحت لها ووعدتها )
وسوف يسمع من آخر الغرفه صوت السيد نافع قائلا له تصريحاتك ووعودك دى
خلى الحشود تبلها وتشرب مويتها ,,
هذا ماسوف يكون أخى بشير
وغدا لناظره قريب ,,
| |
|
|
|
|
|
|
|
|
|
Re: لا غرابة ..! (Re: علاء الدين صلاح محمد)
|
شوفوا:
البشير ده لو ما مشى الدوحة معناها ريسناWANTED
لازم يمشي ما تضحكوا علينا الشعوب..
لو اتقبض الجموع الاتحشدت في حوش ود أم بدر والفاشر والجيوش الغتت الشمش يوم النصرة قادرة تحميهوا من عين الحسود
لازم يمشي يعني لازم يمشي..
لو بي البر
أو في الحر
لو كداري أو سداري
لو حفيان أو عيان
يمشي بي السعودية يعمل عمره يمكن تكون آخر مره ويشيل معاو نافيغيتر و سبحة والحصن الحصين..ليل السجن طويل. كلموه
لو إتقبض السجن للرجاله، لا باطل لا عاطل..بس كاتل
لو وصل ورجع نغني ليو ونرقصوا جنس رقيص
الفتح الخران تترام تر تر تررام
الهرب حفيان تررام
الوصل السودان تم تمام
| |
|
|
|
|
|
|
|
| |
بشير أحمد
الرفاعي عبدالعاطي حجر
نصار
nazar hussien
ود محجوب
عزالدين آدم علي
مجدى محمد مصطفى
abuguta
ASHRAF MUSTAFA
Nazar Yousif
mayada kamal
خالد حامد الجزولي
على تاج الدين على
عبدالكريم الامين احمد
ادريس خليفة علم الهدي
isam elzein
Elsanosi Badr
Mohamed Suleiman
Deng
ياسر احمد محمود
حسين نوباتيا
Kostawi
Amir Omer
ibrahim alnimma
Elbagir Osman
احمد سردوب
البحيراوي
على احمد النعيم
د.محمد حسن
Nader Abu Kadouk
Muna Khugali
تاج الدين عبدالله آدم
Adam Omer
عز الدين بيلو
عمار عبدالله عبدالرحمن
كمال سالم
علاء الدين صلاح محمد
فيس بوك
تويتر
انستقرام
يوتيوب
بنتيريست