|
نظرية الموامرة وعودة الترابي
|
غايتو لو ما كترت المحلبية واتعشيت كتير وكان ما بخاف من الكضب
بقول ان انشقاق الموتمر الوطني كان تكتيك لفك العزلة عن النظام
وفي الايام دي التكتيك ما نفع عشان اوكامبو ضايق الموتمر الوطني
عشان كدة سيعود الشعبي والوطني في حزب واحد
ويكون انتهي الدرس
احتمال خالكم خليل بحلم
|
|
|
|
|
|
|
|
Re: نظرية الموامرة وعودة الترابي (Re: khaleel)
|
يا خلي .. الحكاية دي انا زاتي هضربت بيها قبل كم يوم كدي .. لكن اتذكرت انو الشيخ ما عندو صبر يبل الأبري في قصة انو يقعد قدام دي. لمن عملوا قصة السجن حبيسا و القصر رئيسا ديك كان مفروض الموضوع ياخد ليو كم سنة كده خدعة ثورية. لكن بعد سنتين الشيخ ما استحمل نط ظهر طوالي و قعد قدام. تاني كمان قام يكابس عشان يشوت عمك عمر .. زي ايام الامام المجاهد و الامام العالم حقت نميري ديك. الزول ده مااا صبور قدر ده.
بعدين ما تنسى انو خلافو مع البشير كان لأنو الترابي عاوز يفكك الحركة الاسلامية و يقلل سلطات رئيس الجمهورية لصالح البرلمان(يعني نوع من التحول الديموقراطي) و دي حاجه العالم كان ممكن يرحب بيها. نحن زاتنا كشعب لو ما كراهيتنا للترابي عليك الله كان نفرح انو رئيس الجمهورية يحل البرلمان ؟ نحن زاتنا شعب يموت في المكايدات.
| |
|
|
|
|
|
|
Re: نظرية الموامرة وعودة الترابي (Re: khaleel)
|
ما تنسى يا خلي لكن انو القرار ضد البشير كشخص .. ما المنصب .. يعني عادي شيخ حسن ده يقنع ليك الناس دي كلها انو الرئيس بقى عبء على النظام و التنظيم .. و الحل انو يتنازل و الدولة تحميو بعد داك بعقد صفقات و اتفاقيات تحت التربيزة .. اظنها جات ملبنة للترابي. غايتو لو الشيخ رجع للسلطة مفروض يبقى شعار السودان : من كد وجد.
| |
|
|
|
|
|
|
Re: نظرية الموامرة وعودة الترابي (Re: عبدالكريم الامين احمد)
|
Quote: لانو الترابي حيلعب عليها ويطلع ليك روحو ما كان قاصد اوكمابو وانو قاصد بانكي مون...
|
على قولك يا كيكي .. الترابي ده تتوقع منو اي حاجه ممكن يبيض و ممكن يلدي ..
لكن انا عاوزك تعاين لاطلاق سراحو ده بحتة تانية .. اربطو مع المسيرات الكثيرة و الرقص (على فكرة في رقصة جديدة ظهرت عند الشباب اسمها "الرئيس " مبالغ فيها ) هل الحكومة تعتقد انو مظاهرات التأييد سترد المحكمة الجنائية سواء كانت مسيسة او مهنية ؟ اعتقد انو المظاهرات موجهة الى اهل الداخل. و ما اي داخل . الداخل شديييييد. يعني ناسم ذاتم. انو البشير عندو شعبية. تشيلوهو تلقو الناس دي وين تاني ؟ و استصحب لينا معاك كمان انو الرئيس بعد ما كان في اي حتة معاهو عبد الرحيم محمد حسين زمان هسه بقى معاو دكتور نافع و الفريق قوش. حتى في المولد. لهل كل الحاجات دي ليها علاقة ببعض ؟
| |
|
|
|
|
|
|
Re: نظرية الموامرة وعودة الترابي (Re: عبدالكريم الامين احمد)
|
اظنها جات ملبنة للترابي. غايتو لو الشيخ رجع للسلطة مفروض يبقى شعار السودان : من كد وجد.
حمور اذا تمت التضحية بالبشير
فلابد من انتخاب رئيس للموتمر الوطني وهنا يبدا الصراع من جديد
لا اعتقد ان سن الترابي تسمح له بان يصبح رئيس الجمهورية
سيعود الصراع مجددا بين علي الحاج وعلي عثمان وعبدالرحيم حاج وغازي صلاح الدين
ونافع
| |
|
|
|
|
|
|
Re: نظرية الموامرة وعودة الترابي (Re: khaleel)
|
Quote: بقول ان انشقاق الموتمر الوطني كان تكتيك لفك العزلة عن النظام
وفي الايام دي التكتيك ما نفع عشان اوكامبو ضايق الموتمر الوطني
عشان كدة سيعود الشعبي والوطني في حزب واحد |
كانك الفكي الزاكي يا خليل فهذا هو ما سيحصل لان وجود الترابي في الحكم كان سيجلب اللعنة في وقت مبكر وهو معروف بالثعلب في دوائر المخابرات الامريكية ولكن طالما حلت لعنة اوكامبو قليس هناك ما يحول دون انهاء هذا الفلم
| |
|
|
|
|
|
|
Re: نظرية الموامرة وعودة الترابي (Re: khaleel)
|
Quote: دي عائزة شطارة الحركة الاسلامية الان في مهب الريح فلذلك لا بد
من عودة العراب فورا |
خليل لو على كلامك ده افتكر اول حاجة كان يعملها التربي عند باب السجن أن يندد باوكامبو ويقول هذا تدخل اجنبي ولابد من وحدة الصف الداخلي و .. و.. و..
لكن تصريحاتو دي تاني يبلعه كيف ومتين
| |
|
|
|
|
|
|
Re: نظرية الموامرة وعودة الترابي (Re: صلاح ليون)
|
خليل لو على كلامك ده افتكر اول حاجة كان يعملها التربي عند باب السجن أن يندد باوكامبو ويقول هذا تدخل اجنبي ولابد من وحدة الصف الداخلي و .. و.. و
يا صلاح
يقولون في السياسة تذبح القداسة
غدا ستري لافتة موحدة اسمعها الموتمر الوطني
والشعبي في ذمة التاريخ
حدسي لا يخيب ابدا
| |
|
|
|
|
|
|
Re: نظرية الموامرة وعودة الترابي (Re: khaleel)
|
Quote: ما تنسى يا خلي لكن انو القرار ضد البشير كشخص .. ما المنصب .. يعني عادي شيخ حسن ده يقنع ليك الناس دي كلها انو الرئيس بقى عبء على النظام و التنظيم .. و الحل انو يتنازل و الدولة تحميو بعد داك بعقد صفقات و اتفاقيات تحت التربيزة .. اظنها جات ملبنة للترابي. غايتو لو الشيخ رجع للسلطة مفروض يبقى شعار السودان : من كد وجد. |
وهو الارجح البشير فينيشد جنى
| |
|
|
|
|
|
|
Re: نظرية الموامرة وعودة الترابي (Re: khaleel)
|
Quote: انو البشير عندو شعبية. تشيلوهو تلقو الناس دي وين تاني ؟ |
فعلا ياحمور المظاهرات بالمناسبة زخم وسلاح كان مقصود بيهو ناس الداخل وملاحظة اختفاء عبدالرحيم محمد حسين ووظهور نافع علي السطح ما بتكون حاجة عابرة فاكيد الطبخة دي فيها دمعة مدورة.... شيخ حسن لو رجع الملاعب قايدا لاولادو ديل وان ذهب البشير يظل لسع شيخ علي عثمان شوكة حوت واساسا الشيخ مكجنو ورامي فيهو كل البلاوي والمحن دي... اتوقع ظهور تيار جديد خلاص من (اهل الظل) والاصلاحيين الذين لم يذهبو مع اي من الطرفيين وسيكون قائد السفينة هو الترابي
| |
|
|
|
|
|
|
Re: نظرية الموامرة وعودة الترابي (Re: حمور زيادة)
|
الحركة الاسلامية يا حمور وزي ماقل ابو خليل لن تترك جهد السنين يضيع هدرا وفيها تيارات عديدة ومراكز قوي ممكن تطلع في الكفر في اي لحظة ولكن بالجد حكاية طلعة الترابي دي بتحير وفيها ما يليها
الحركة الاسلامية بايسون وكلها حركات ياخي هههه
| |
|
|
|
|
|
|
Re: نظرية الموامرة وعودة الترابي (Re: khaleel)
|
فعلا ياحمور المظاهرات بالمناسبة زخم وسلاح كان مقصود بيهو ناس الداخل
كيكي وحمور
المظاهرات ليست بالضرورة تعبر عن شعبية البشير
قد يكون الناس شعرت بان الموضوع حقارة من الغرب لذا خرجوا
| |
|
|
|
|
|
|
Re: نظرية الموامرة وعودة الترابي (Re: khaleel)
|
وفيها تيارات عديدة ومراكز قوي ممكن تطلع في الكفر في اي لحظة ولكن بالجد حكاية طلعة الترابي دي بتحير وفيها ما يليها
الارجح يا كيكي
ان يعافر الاسلاميين المحكمة فترة طويلة في ظل قيادة البشير ووجود الترابي
واذا فشلت سياسة النفس الطويل لابد
من العلاج بالكي
| |
|
|
|
|
|
|
Re: نظرية الموامرة وعودة الترابي (Re: khaleel)
|
Quote: والله يا جني
انا متعاطف مع البشير الاولي بالمحاكمة اشخاص اخرين داخل التنظيم |
متعاطف مع منو! البشير يوم القيامة عندو فرن براهو! السبعة وذمتا عملها باقى لى شنو!هسة هو بكورك مصدق انه هو الجاب البترول وبنى سد مروى! جنى
| |
|
|
|
|
|
|
Re: نظرية الموامرة وعودة الترابي (Re: khaleel)
|
سلمات ياخليل .. شوفوا يا جماعه.. اللعبة دي قويه وفيها لعيبه دوليين .. وزير الحكومة كانت حركته قوية واستطاع يرمي رخ الخصم المسنود دوليا بره الحلبة .. الخصم حول إستراتيجية اللعبة ولعب وزير الحكومة رأس .. بسقوط وزير الدولة حركة الملك بقت مقيده وأصبح مهدد من الوزير الخصم .. لعبة والتانيه الملك لقي نفسه محاصر .. بعد فقد كثير من جنوده والرخين والطابيه .. فكر يعمل هدنه سريعة مع الخصم ويكسب الوزير الخصم .. لكن الخصم كان مفتح .. رفض يفك وزيره لكن وافق يتنازل ليه من الرخ .. بعد ضمن الوزير الخصم إستيعاب الجماعة للرخ .. رجع وفك حصاره الشخصي للملك ورجع لموقعه.. وترك قيادة الهجوم لأحصنته وطابياته.. الملك لقى نفسه مرة تانيه محاصر مابين الحصين والطابية .. والسكه الوحيده السالكة قدامه ترميه في يد الوزير لقمة سائغة.. عرف إنه المره دي مامنها فلتان إلا يرجع وزيره .. الوزير الخصم عارف إنه الملك ميت ميت إن رجع وزيره والا مارجعه .. لكن شاف إنه رجوع الوزير ما منه خوف عليهم و بدي اللعبة حرورية .. وبدل الملك ينتهي براه أخير يكون معاه وزيره الآفه دا وناسه القدام .. عارفين يا جماعه .. أنا كنت قايل اللعبة دي كش ولد بس .. لكن الظاهر إنها كش شايب ..
قايلين نفسكم براكم المجانيين؟
على العموم دردشه حلوه.. الله يحفظكم ويحفظ البلد.
| |
|
|
|
|
|
|
Re: نظرية الموامرة وعودة الترابي (Re: khaleel)
|
تعرف يا خليل عندما سمعت ان الترابى تم الافراج عنه تخيلت انه مناورة وكرت ضغط على امريكا والغرب وتلويح بانه اذا تمت محاصرة الانقاذ فانهم سيتحالفوا مرة اخرى مع الترابى وكل الاسلاميين المغضوب عليهم داخليا وخارجيا والعودة للمربع الاول ولكن عندما سمعت تعليق الترابى وحديث سبدرات للبيى بي سي وهو يتلعثم ومضطرب ادركت ان الامر ضغوط على المعسكر الذذى يضم سبدرات والبشير وامين والنافع وشلتهم!
هنالك امور تتم على نار هادئة! جنى
| |
|
|
|
|
|
|
Re: نظرية الموامرة وعودة الترابي (Re: Al-Shaygi)
|
سلامات خلّي و كيكي و حمور محمد الملك لو سمحت ياخ Quote: اللعبة دي قويه وفيها لعيبه دوليين .. وزير الحكومة كانت حركته قوية واستطاع يرمي رخ الخصم المسنود دوليا بره الحلبة .. الخصم حول إستراتيجية اللعبة ولعب وزير الحكومة رأس .. بسقوط وزير الدولة حركة الملك بقت مقيده وأصبح مهدد من الوزير الخصم .. لعبة والتانيه الملك لقي نفسه محاصر .. بعد فقد كثير من جنوده والرخين والطابيه .. فكر يعمل هدنه سريعة مع الخصم ويكسب الوزير الخصم .. لكن الخصم كان مفتح .. رفض يفك وزيره لكن وافق يتنازل ليه من الرخ .. بعد ضمن الوزير الخصم إستيعاب الجماعة للرخ .. رجع وفك حصاره الشخصي للملك ورجع لموقعه.. وترك قيادة الهجوم لأحصنته وطابياته.. الملك لقى نفسه مرة تانيه محاصر مابين الحصين والطابية .. والسكه الوحيده السالكة قدامه ترميه في يد الوزير لقمة سائغة.. عرف إنه المره دي مامنها فلتان إلا يرجع وزيره .. الوزير الخصم عارف إنه الملك ميت ميت إن رجع وزيره والا مارجعه .. لكن شاف إنه رجوع الوزير ما منه خوف عليهم و بدي اللعبة حرورية .. وبدل الملك ينتهي براه أخير يكون معاه وزيره الآفه دا وناسه القدام .. |
أخوك في الشطرنج قاعد ساي ما تعيد الصياغة بالكورة أو على الأقل بالوست أو الحريق عشان نتابع معاكم
| |
|
|
|
|
|
|
Re: نظرية الموامرة وعودة الترابي (Re: محمد على طه الملك)
|
غايتو يا خلي الثوابت الما اتغيرت و لا بتتغير : 1- الشيخ زول داهية و ما مضمون ، دايما بيلعب على الكوادر و الاتفاقات .. عارف الكيزان ما بيقدروا يتجاوزوهو.. يحومو يحومو و يجوهو. 2- المشير بيعتمد على الشارع و مصدق شديد حكاية انو الشعب معاو .. دي الودرت نميري .. في امثلة كثيرة انو الرئيس في اي خلاف بيطلع يخطب عشان يحس بتأييد الشارع.
يلا قيسو على ديل و شوفو مين يكسب.
| |
|
|
|
|
|
|
Re: نظرية الموامرة وعودة الترابي (Re: محمد البشرى الخضر)
|
خليل والشباب خروج الترابي مهم جدا لعلي عثمان فالترابي هو الوحيد الذي يجهر بمايسر به علي عثمان وتكتيك المسيرات وحشد التايد القبلي والهوجه الاعلامية قد صعبت من تحرك علي عثمان. لذلك شيخ علي يحتاج لشخص من داخل الاسلاميين يرفع عنه حرج المعارضة دون ان يتهم بالخيانة ،فهل هناك شخصية لها ثقل ومناصرين اكثر من الترابي ؟ فالسان شيخ علي يقول اليوم خمر البشير وغداامر الترابي
| |
|
|
|
|
|
|
Re: نظرية الموامرة وعودة الترابي (Re: محمد البشرى الخضر)
|
يا خلي خليني اسحر البوست ده. من الملاحظ انو فيو ناس افكارم متباينة حول الجنائية و النظام .. لكن ده ما منع انو الناس تتناقش في نقطة محددة بكل هدوء و تعرض رؤيتا .. ياخ انا اقترح انو البوست ده يتعمل مقرر حفظ لبتوع السياسة هنا في البورد. يعني لا زول شتم زول لا واحد طلع التاني سفاح لا عميل . الله يغتي عليو البوست ده ياخ.
| |
|
|
|
|
|
|
Re: نظرية الموامرة وعودة الترابي (Re: حمور زيادة)
|
سلام خليل يحدثنا تاريخ السودان الحديث بانه يحكم السودان اما الاحزاب الطائفية او الانقلابات العسكرية ، وفى هذه الحالة اعتقد ان القوات المسلحة السودانية مثلها مثل غيرها من دول العالم الثالث هى الحزب السياسى الوحيد القوى (فيما يتعلق بارتداء مظهر الحداثة)، اهم شىء تعلمه حزب القوات المسلحة السودانية هو ان قصر نظام عبود كان بسبب عدم تبنيه لشعارات سياسية عقائدية رائجة. القوات المسلحة (حزبها ) عنده الاستعداد للاستمرار فى تبنى شعارات الاسلام السياسى فى ظل التخلف التاريخى للبلاد ، وفى هذا الاطار يمكن العودة فى اتجاه احتضان الترابى بس مشكلة الترابى هو انه لم يكتفى بلعب دور العراب فهو يود ان يكون فى الصورة اكثر وفى هذه الحالة يمكن اعادته الى صدر الاحداث اذا وافق على تقديم بعض التنازلات... السيناريو ممكن حدوثه بشكل ما مختلف تحياتى
| |
|
|
|
|
|
|
Re: نظرية الموامرة وعودة الترابي (Re: حمور زيادة)
|
أها ياود البشرى..
النزول محكوم.. والواطه مفروشه صور .. والأسكور في السماء .. صاحبك كروته صغيره وعلى العليها ما متناسقه.. ما في ليه حل غير زميله يفتح .. غمز ليه عشان يشوف مخرج.. زميله ورقه كويس لكن معرقلاه الأغطية .. خصمهم فاتح بس متغاتت منتظر الخمسين عشان يحرق اللعبة ..
شافت كيف. مودتي.
| |
|
|
|
|
|
|
Re: نظرية الموامرة وعودة الترابي (Re: khaleel)
|
لذلك شيخ علي يحتاج لشخص من داخل الاسلاميين يرفع عنه حرج المعارضة دون ان يتهم بالخيانة ،فهل هناك شخصية
محجوب شكلك
انت مع نظرية المفاصلة وان الحزب فعلا انقسم
ولكن المصائب يجمعنا المصابينا اجزم بان الشعبي والوطني سيعودان حزبا
واحدا علي الاقل الي حين
| |
|
|
|
|
|
|
Re: نظرية الموامرة وعودة الترابي (Re: khaleel)
|
يا خلي خليني اسحر البوست ده. من الملاحظ انو فيو ناس افكارم متباينة حول الجنائية و النظام .. لكن ده ما منع انو الناس تتناقش في نقطة محددة بكل هدوء و تعرض رؤيتا ..
حمور
لان البوست قام علي نظرية افتراضية
وهي انه حان الوقت لاسدال الستار علي مسرحية الوطني والشعبي
وحبيسا ورئيسا
والموية تكضب الغطاس
| |
|
|
|
|
|
|
Re: نظرية الموامرة وعودة الترابي (Re: Nader Abu Kadouk)
|
مرحلة الدين دي إتخطوها زماااان
القصه كلها الان صراع على السلطه
بالمناسبة يا نادر
الموتمر الوطني تنظيم مسلح ومعظم افراده يمتلكون الكلاشنكوف في منازلهم
ولو تذكر ايام المظاهرات في الجامعة
في ظرف عشرة دقائق تجد السيخ والطوق اتي من حيث لا نعلم
| |
|
|
|
|
|
|
Re: نظرية الموامرة وعودة الترابي (Re: khaleel)
|
Quote: الموتمر الوطني تنظيم مسلح ومعظم افراده يمتلكون الكلاشنكوف في منازلهم
ولو تذكر ايام المظاهرات في الجامعة
في ظرف عشرة دقائق تجد السيخ والطوق اتي من حيث لا نعلم |
و هذا هو ديدنهم
بسدوا الفراغ بين الفكر و التطبيق بالعنف
بعدين ما تنسى الناس دي يدها ملطخه بدماء ابناء الوطن الشرفاء
قصة تحول ديمقراطي و تسليم السلطه للغير دي كلها رومانسيه سياسيه
القوه تبقى المخرج الوحيد
| |
|
|
|
|
|
|
Re: نظرية الموامرة وعودة الترابي (Re: عبدالكريم الامين احمد)
|
Quote: ولم يستبعد الترابي طي صفحة الخلافات بين حزبه وحلفائه السابقين في حزب المؤتمر الوطني أو أي حزب آخر، لكنه رهن ذلك بإقرار اتفاق على مبادئ معلنة مرتبطة بالديموقراطية، مشيراً إلى أن الإسلاميين صفحوا عن نظام الرئيس السابق جعفر نميري وتوصلوا معه الى مصالحة في عام 1977 |
............. دا منشور اليوم في الحياة يا خليل وقول واحد
| |
|
|
|
|
|
|
Re: نظرية الموامرة وعودة الترابي (Re: khaleel)
|
بس الخوف ايضا من شيخي هي عدم استطاعتة ادارة صراع ليس من طرفيه الفرعونان كما كان يردد التقي الفرعونان (المهدي والميرغني)
كيكي
اظن ان تصريحات الترابي ضد البشير ومعه السنوسي لتحقيق اكبر قدر من المكاسب
للشعبي وعودة كل كوادره للحكومة
اذا صدقنا انهم تنظمان
| |
|
|
|
|
|
|
Re: نظرية الموامرة وعودة الترابي (Re: khaleel)
|
يا خليل,,
شكلو كدا المرّة دى الشيخ جاى مارق بالحيل زعلان !! تبدو عليه علامات الكبر واضحة وبه قليل من ذهللة وعدم تركيز!! ولم يضحك كثيرا كعادته وكان يبدو عليه الغبن والألم,, وواضح شديد و عليى وعلى أعدائى,,
فى صفقة لكن ما قدرنا نعرفا,, بين منو ومنو!!!! بس يبدو لى من الزول الكان بجعّر داك ونقلته شاشات التلفزة وأصر مذيع الجزيرة أن يثبت الموقف بقوله إنها دموع الفرح!!!فرح يا فرح!!!! حقو الناس تركّز مع الزول الكان ببكى ويقشقش فى دموعو ومخاخيتو بى عمتو دا!!! دا مفتاح القضية,,
بورسودان شكلها كان الجو فيها كعب شديد!!! الناس ديل تانى مافى بيناتم إتفاق يا صاحب!! طلاق تلاتة وزول بجى يتيس ليهم مافى!! إلا يتزوجو متعة ولا مسيار المرة دى!!
| |
|
|
|
|
|
|
Re: نظرية الموامرة وعودة الترابي (Re: Faisal Elrasheed)
|
خليل الشعبي دايما كان backup للوطني من بداية الانشقاق المفبرك كان المقصود ال backup ودي النظرية كلها والايام حتورينا كل كم يوم ويرفعوا فراش اوكامبو وناس البكي حيشوفوا ديون الميت ويبدأ السداد وكان الله يحب المحسنين
| |
|
|
|
|
|
|
Re: نظرية الموامرة وعودة الترابي (Re: ABUKHALID)
|
يا ملك Quote: أها ياود البشرى..
النزول محكوم.. والواطه مفروشه صور .. والأسكور في السماء .. صاحبك كروته صغيره وعلى العليها ما متناسقه.. ما في ليه حل غير زميله يفتح .. غمز ليه عشان يشوف مخرج.. زميله ورقه كويس لكن معرقلاه الأغطية .. خصمهم فاتح بس متغاتت منتظر الخمسين عشان يحرق اللعبة ..
شافت كيف. مودتي. |
ايوة كدا لكن السؤال وفت لاعبينها حريق الزمالة العليهم شنو ؟ ولّ دا الفلم ذاتو هنا
| |
|
|
|
|
|
|
Re: نظرية الموامرة وعودة الترابي (Re: khaleel)
|
خلّي إنت الإقتباس رايح ليك ولّ كيف؟ بعدين ياخي ما تشوف لينا حل لقصة الطرف اليمين في الهلال دي ياخ لا حمودة نافع لا خليفة و زرياب هو كدة يا الله يا الله اسي اتعوق رايك شنو في اسامة التعاون؟
| |
|
|
|
|
|
|
Re: نظرية الموامرة وعودة الترابي (Re: khaleel)
|
Quote: وفت لاعبينها حريق الزمالة العليهم شنو ؟ |
ود البشرى سلامات يا صاحب .. يوم متين لعبناها بقوانينها ؟ الغاية تبرر الوسيلة .. ماتقول لي دي مكنة الونق الشمال .. مهاجم النص ده بختف من الشمال واليمين زيما تجي تجي.. المهم يعمل حركة ..
باين عليك سايقني للحفره.
| |
|
|
|
|
|
|
Re: نظرية الموامرة وعودة الترابي (Re: khaleel)
|
Quote: واكامبو لا ندري اجندته العدالة ام ماذا |
أكامبو دا أجدعه بعيد.. سو الداير يسويه وقعد يتفرج .. كدى ركز معاي على الحته دي.. مدفوسه في قرار مجلس الأمن رقم1593 من سنة 2005 ومافي زول جايب خبرها.. ( أن تتعاون حكومة السودان وجميع أطراف الصراع الأخرى في دارفور , تعاونا كاملا مع المحكمة والمدعي العام وأن تقدم كل مايلزم من مساعدة عملا بهذا القرار. ) ياربى بال الصين كان وين اليوم داك؟
| |
|
|
|
|
|
|
Re: نظرية الموامرة وعودة الترابي (Re: khaleel)
|
المهندس خليل
تحياتي
الاسلاميين ح يتوحدوا سواء اليوم او بكرة
شوف ما ورد في الراي العام:
Quote: الخرطوم:الرأي العام
قالت الحكومة إنّه لا يوجد عداء بينها ود. حسن عبد الله الترابي الأمين العام للمؤتمر الشعبي الذى أُفرج عنه صباح أمس. وأكّد عبد الباسط سبدرات وزير العدل أن قضية اعتقال الترابي ليست سياسية، وأشار الى انّ هناك أسباباً دعت لاعتقاله، وزالت الآن - على حد تعبيره -. وأضاف: نريد أن نفتح صفحة جديدة. وأوضح سبدرات في حديث لـ «بي بي سي» امس أنّ الحكومة مشغولة الآن بمواجهة تحدي المحكمة الجنائية الدولية، وقال إنّ ذلك يقتضي منا تضميد الجراح ولَمّ الصفوف والعمل معاً لضم كل القوى الوطنية لمواجهة اخطار السودان. واشار الى ان إطلاق سراح الترابي تم التفكير فيه قبل قرار الجنائية، وأضاف أنه جزء من القوى السياسية الموجودة الآن، وأعرب عن أمله أن لا يحدث انشقاق بين الحكومة والقوى السياسية، وزاد: ان الإفراج عن الترابي يمكن أن يسهم في إشاعة هذه الروح وسط المؤتمر الوطنى والقوى السياسية المؤيدة له. ونفى سبدرات أن يكون اعتقال الترابي بسبب مخالفته لرأي الحكومة فيما يتعلّق بالجنائية، بيد أنه قال: (نُقدّر ظروفنا التى نعرفها والمعطيات التى أمامنا)، مشيراً الى أن إطلاق سراحه في هذه المرحلة أمرٌ إيجابيٌّ. ووصف أسباب اعتقاله بأنها أصبحت ثانوية الآن، مشيراً الى إتاحة الفرصة له ولحزبه في التفكير دون أن يكون زعيمهم في المعتقل. من جانبه قال الترابي فى تصريحات صحفية بمنزله أمس إن الإفراج عنه تم دون أية مساومة، ونفى أن يكون أحد قد اتصل به «قبل وبعد اعتقاله». وأضاف الترابي أنه بوسعه ان يدير حواراً مع د. خليل إبراهيم زعيم حركة العدل والمساواة في دارفور يفضي إلى حل الأزمة في الإقليم. ولم يستبعد الترابي عودة الإسلاميين في السودان إلى صف واحد، وقال «هذا ممكن إذا ما اتفقنا على المبادئ بشكل علني»، وأضاف: «إذا ما حدث إتفاق على الإدارة وعلى ضمان الحريات والإلتزام بالمواثيق والعهود ومحاربة الفساد فإنه يمكن خلق إتفاقات مع كل القوى السّياسيّة في البلاد». وأشار إلى أنه الآن قريبٌ من زعيم الحزب الشيوعي السوداني. وقال إنّ الشيوعية قد تغيّرت وإنّ الإسلاميين أيضاً تغيّروا عن تشدّدهم القديم - حسب قوله |
| |
|
|
|
|
|
|
Re: نظرية الموامرة وعودة الترابي (Re: بشير أحمد)
|
والله يا بشير
كنت منتظر مداخلتك قبل اربعة ايام لتضع لنا المشرط علي الجرح
وكما تعلم ان لدكتور ترابي كاريزما علي بعض حركات دارفور
وقد يساعد في تخيف الاحتقان ويساهم في حل قضية دارفور
| |
|
|
|
|
|
|
|