|
|
 بلاغ جنائي بالتهديد بالقتل ضد حاج ماجد سوار
|
كلفني بعض المواطنين بأن أطلب من محامين وناشطين التطوع لفتح بلاغ ومتابعة أية إجراءات جنائية داخل السودان ما أمكن ، وخارجه إن لزم الأمر ضد المدعو حاج ماجد سوار زاعمين بأنه هدد في مكان عام بقتلهم بناء على مواقفهم وآراؤهم في بعض المسائل
هنا الدليل
... الذي استندوا عليه في هذا الزعم
فما رأيكم ؟؟؟
|
|
 
|
|
|
|
|
|
|
 Re: بلاغ جنائي بالتهديد بالقتل ضد حاج ماجد سوار (Re: القلب النابض)
|
يا عمنا كيفك والاحوال ؟
يا صاحبي بلاغك ده لو عايز
تفتحو في السودان اقنع منو
واقنع من روحك ذاتو
اما لو عايز تفتحو في دولة
برة والله ما عارف الموقف
القانونى بيقول شنو !
المهمبالمرة كده في مساعيك
لفتح البلاغ ده افتح بلاغ برضو
في السيد صلاح عبدالله (قوش) وما
اظن محتاج مني لي دليل الدليل
قاعد ومتوفر .
بس لو عايز تكليف باوراقي الرسمية
عشان تفتحو كلمنى ح ارسل ليك توكيل .
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: khaleel)
|
Quote: فتوحي
دها الزل القفل لينا الجامعة وللا التاني
لانو في واحد وطني وفي واحد شعبي
افرز ابن |
يا خلي تقريباً
ياهو ذاتو
وفي الفترة ديك كان
أمير المجاهدين زي
ما بقولو .
ــــــ
طبعاً أنا ماقدركم
ولا حاجة بس عندى
ود اهلي قرأ معاكم
ههههههه.
ـــــــــ
الليلة مضروبين
مضروبين يا خلي
وكلمة السر محمد
عادل .
ــــــ
معليش يا فتحي
علي الخرمجة .
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: سفيان بشير نابرى)
|
الحبيب الرائع سفيان
يازول ابشر تب
ما اظننا نحتاج إلى هكذا تدابير
وبيني وبينك
ما في قدرة عليها أصلا
وفي تقديري المتواضع إنو الشباب ديل دايرين يتفاوضوا معانا
لكن خانم التعبير
أخيرا عرفوا إنو المشكلة ليس في قرار يصدر في مدينة صغيرة في هولندا
وانو ما في جيوش أجنبية فاضية ليهم
ولا أي حاجة
مشكلتم الوحيدة هي القطيعة القعدوا يسعوا فيها عشرين سنة مع الناس والجماهير
والهترشات دي ، في تقديري ، بداية الوعي بالمأساة
وهم عارفين انو مزيد من الدماء ستعني لهم مزيد من العزلة
أو أتمنى أنهم يكونا عارفين
والحلول ، سوى دمائنا ، على قفا من يشيل
لو ختوا الرحمن ، الذي لا مفر لنا ولا لهم منه ، في قلوبم
لك مطلق دي يا سفيان
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: سفيان بشير نابرى)
|
الاخت القلب النابض
تحية واحترام
أحاول دائما أن أتكلم معك باحترام فساعديني قدر استطاعتك على ذلك
حاج ماجد دا بالذات ما زول حارّة
عشان كدا نحن ما خايفين شديد
علا برضو اللحطياط واجب
موش من حقنا برضو "نفرفر" و"نكتر في البتابت"
كما تفعل الثيران الأخرى الآن ؟؟؟
وإذا كان ما قريتي الفقرة دي
Quote: وقال أمين الشباب في حزب المؤتمر الوطني الحاكم حاج ماجد سوار
في ندوة سياسية في منطقة «أبو جبيهة» (ولاية كردفان - غرب)
إن كل الخيارات ستظل مفتوحة في حال صدور مذكرة من المحكمة الجنائية
قي حق البشير. وأشار إلى أن «اليوم الذي ستصدر فيه المذكرة سيكون فارقا
في تاريخ السودان»، وحذر من انهيار اتفاقية السلام بين حزبه والحركة
الشعبية لتحرير السودان (جنوب). وقال مهددا «توقيف البشير يعتبر خطا أحمر،
وكل من يؤيد توقيف البشير سواء كان منتميا لأحزاب سياسية في المعارضة أو الحكومة
أو أفراد أو منظمات أو قوات أجنبية موجودة بأرض السودان سيكون هدفا للمجاهدين
والشباب». كما هدد بأن حزبه سيستخدم كل الوسائل للحيلولة دون «تنفيذ
المخططات الفرنسية والأميركية والبريطانية في السودان»
|
اقريها تاني
واعتذري لي شخشي الفاني
وللمواطنين الموصيني
وإذا قريتها وما فهمتيها خشي معانا في نقاش موضوعي وقانوني ولغوي محترم عشان نصل فيها لي راي قاطع
واذا قريتها وفهميتيها وعايزة تغالطي ساكت
برضو عندك حق!!
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: فتحي البحيري)
|
الاخ فتحي البحيري
| Quote: أحاول دائما أن أتكلم معك باحترام فساعديني قدر استطاعتك على ذلك |
بداية غير موفقة لانو كلامي ليس فيه شئ خارج عن الاحترام اللهم إلا إذا كان اختلاف الرأي عدم احترام ..
قال مهدداً دا وصف الصحفي الذي نقل الخبر ولا يعني ان وصفه صحيح يترتب عليه ما تدعو له
أما كلامي فليس فيه ما يدعوك أن لان تقول
| Quote: نقاش موضوعي وقانوني ولغوي محترم |
اوافقك على الكلمات الاولى كلمات موضوعية
لكن كلمة محترم دي ما بقبلها منك لاني ما تعودت ادخل نقاشات غير محترمة ..
بعدين كلامي
الانا قلتو رأي وما فيه حاجة تستعدي الاعتذار الذي لن اتوانى في تقديمه ان اسأت لاحد ..
الكلام القالوا حاج ماجد دا قالوه ناس كتار صحفيين.. حول مآلات ونتائج القرار..
أنا عند رأيي
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: القلب النابض)
|
سلام فتحى
غض النظر عن الراى في القوانين السارية الان و عن الراى في النظام القضائي و اجهزة الدولة كلها ارى ان فكرة فتح بلاغ ضد حاج ماجد و كل من يردد مثل هذه العبارات جديرة بالتنفيذ. كلام حاج ماجد واضح:
| Quote: وكل من يؤيد توقيف البشير سواء كان منتميا لأحزاب سياسية في المعارضة أو الحكومة أو أفراد أو منظمات أو قوات أجنبية موجودة بأرض السودان سيكون هدفا للمجاهدين |
مجرد التاييد يجعلك هدف و هدف لا تحتاج شرح. حاج ماجد تجاوز مقولة نافع الذي هدد من يحاول القبض على البشير لتهديد من يؤيد القبض على البشير و ربما ياتينا الطيب مصطفي او الزومة غدا بتهديد لمن يفكر في تاييد القبض على البشير !!!
حاج ماجد زول مصالح ... رجعتو للوطنى من الشعبي كانت بسبب التضييق عليهو و مصالحو في السوق, الموت ده بيعرف يرسل ليهو التانيين و هو يملا حساباتو البنكية.
الحاجة الوحيدة المفرحة في الخبر ده انو الواحد يعتبر روحو لسه شاب , حاج ماجد أمين الشباب دفعتى الحجل بالرجل ... مسكين الشباب الامينو حاج ماجد
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: esam gabralla)
|
الرائع العزيز عصام جبر الله
أؤيد كل كلمة في مداخلتك
وإن لم يكن من الموت بد
فمن العجز أن تموت مؤيدا أوكامبو وحده
موش ؟؟؟
كامل الحب وعميق الامتنان للمؤازرة والتوضيح والتركيز على لزوم فتح البلاغات ضد حاج ماجد سوار وصلاح قوش
ونتمنى من القريبين من ذلك أن لا يتوانوا ولا يدخروا جهدا ولا شجاعة في تنفيذ ذلك
شكرا كتير يا عصام
واتمنى أن يكون الغموض قد انجلى الان يا القلب النابض واخرين
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: القلب النابض)
|
يا ستي عدم الاحترام "بدا "لي من اتهامك لنا اننا لا نفهم أو نخلق موضوعا من لا موضوع
التهديد بالقتل واضح في مجمل ما تحته خط لا سيما قوله ، لا فض فوه : سيكون هدفا للمجاهدين !!
يعني "سعادتوا" قاصد انو حيلعب معانا كورة مثلا ؟؟؟
ولا زالت اطالبك بفهم العبارة ، ومن ثم ، الاعتذار للمساكين اللي ناسك قاعدين يتمتعوا بخيراتم طول هذه السنين ومدنهم الجوع والفقر والتشريد وبعدا دا ما كفاهم دايرين يهددوهم بالقتل وما يقولوا بغم
ولازلت اريد الحديث معك باحترام طالما ابتعدتي عن تجريح الأبرياء واتهامهم المبطن والصريح بالكذب أو الغباء
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: فتحي البحيري)
|
فتحى
لقد قمت بقراءة الخبر المعنى ولم اجد اى دليل على ما سطرتة انت الان
وعندما طالعت مانشيت المطبوعة وجدتة يعنون ويسطر اهمية هذا اليوم بانة سيكون فارقا فى تاريخ السودان
ولم يتتطرق عنوانها الى ما تطرقت انت الية .
هل يعنى هذا ان نظرتك انت الثاقبة ونظرة محللى المطبوعة بعيدة عن معنى الخبر ؟؟
لا اعتقد ..... لذا ارجو ان تساعدنا وان كنت انت المعارض الذى لا يشق لك غبار فى توخى الحذر ايراد الاخبار رحمة بعقولنا.
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: فتحي البحيري)
|
استغرب تفسيرك لمضمون الكلام المنشور يا فتحى
فما قالة حاج ماجد يمكن ان تفسرة انت والمعارضين على انة تهديد بالقتل وما شابهة ذلك ولكن ماذا لو اخذناة من ناحية اخرى
وفسرناة على انة جهاد لتعرية الخونة والماجورين وفضحهم امام الراى العام وامام اهلهم وعشيرتهم وبنى وطنهم.
فتحى الا تتفق معى ان الحقد يعمى بصيرتنا فى بعض الاحيان؟
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: Hisham Amin)
|
يا سيدي هشام أمين
الله يهدينا ويهديك
هو قال هدفاً للمجاهدين
ولم يقل هدفا للمفركين أو السياسيين أو الصحفيين أ الخطباء
حقد إيه اللي انت جايي تئول عليه
الغرض ايضا يعمي بصائر أقوام
وربما كان الغرض مجرد إصرار على قول تبين خطؤه أو عدم دقته
وعلى كلِ نطالب بان نحال انا وانت والقلب النابض للقانونيين هاهنا لفض هذا النزاع
الكلام أكثر من واضح
وحاج ماجد ، والسياق ، والأجواء ، إضافة للدلالة "القاتلة" المباشرة للألفاظ تغني الحصيف الخالي من الغرض عن كل هذا
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: فتحي البحيري)
|
Quote: يا سيدي هشام أمين
الله يهدينا ويهديك
هو قال هدفاً للمجاهدين |
اخ فتحى والله استغرب اصرارك على ما تحاول ان تفرضة علينا هنا
يا اخى ان استهداف كل من يسعى الى تسلم البشير مجاز ومشروع وليس بالضرورة قتل من تم استهدافة او نفية
والا لما بقى المواطن الذى اتهم بمد الامم المتحدة والجنائية بمعلومات عن السودان على قيد الحياة حتى الان .
بالله كفانا بلبلة وكفانا انفة وكفانا ضرر
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: Hisham Amin)
|
البحيراوي سلام ..
رغم قناعتي بأنه إذا صدر قرار في غير صالح البشير لن تستطيع أي قوة عسكرية او قوات دفاع شعبي إطلاق بنبان في وجه أحد ناهيك من قذائف حية كما كانوا يفعلون من قبل ..
مع ذلك كدى نزل لينا النص البعرف جريمة التهديد والأرهاب في قانون العقوبات السوداني ..
كمان بالمره نورنا إن كان المذكور ضمن كشوفات الدفاع الشعبي او أي جهاز رسمي غير تنظيم الشباب..
مودتي.
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: علاء الدين صلاح محمد)
|
الاخت القلب النابض ..
تحياتي
| Quote: الكلام القالوا حاج ماجد دا قالوه ناس كتار صحفيين.. حول مآلات ونتائج القرار |
فعلا كثيرين حذروا كرؤية خاصة بهم و قراءة للواقع ان الامور ستصبح فوضى لكنهم (الذين حذروا ) حذروا من امثال حاج ماجد.
فحاج ماجد ليس محايدا و ليس مراقبا و الخوف الاكبر هو من انصار النظام امثال حاج ماجد (الذي ساحاول ان الفت انتباهك الى اين هدد) و من اعداء النظام امثال خليل ابراهيم الذي يتطوع بتسليم البشير بالقوة المسلحة في تلميح لغزو جديد للعاصمة.
طبعا موقف خليل معروف لديك و مدان.
يبقى تبيين موقف حاج ماجد.
نقرأ الكلام المنقول اعلاه :
| Quote: وقال أمين الشباب في حزب المؤتمر الوطني الحاكم حاج ماجد سوار |
Quote: توقيف البشير يعتبر خطا أحمر،
وكل من يؤيد توقيف البشير سواء كان منتميا لأحزاب سياسية في المعارضة أو الحكومة
أو أفراد أو منظمات أو قوات أجنبية موجودة بأرض السودان سيكون هدفا للمجاهدين
والشباب» |
دعينا نتجاوز موضوع المجاهدين الذين كان حاج ماجد اميرا لهم و لنقرأ عبارة الشباب .
عن اي شباب يتحدث حاج ماجد انهم سيتسهدفون المؤيدين للمحكمة ؟
هل يتحدث باسم شباب نادي الزهرة ؟
باسم شباب قرية بنقنارتي بالولاية الشمالية ؟
عفوا الامثلة ليست من باب السخرية .. بل من باب التوضيح يا اختي.
لو كان حاج ماجد يتحدث باسم هؤلاء الناس لكان يتحدث بما لا يعلم.
لكن الاقرب للمنطق و الذي يفهمه كل شخص انه يتحدث باسم الشباب الذين تحت امرته كامين للشباب في المؤتمر الوطني.
حاج ماجد يقول انه في حالة ادانة الرئيس فان شباب المؤتمر الوطني سيستهدفون كل مؤيد للقرار. امين الشباب بالمؤتمر اوطني يقول ان شباب المؤتمر الوطني سيتسهدفون كل مؤيد للقرار. ما هو التهديد ان لم يكن هذا تهديدا ؟
يا سيدتي ان حديث حاج ماجد ليس تحذيرا من وضع سيئ قد يحدث .. بل هو تهديد كما عبر الصحفي الذي لو صدقناه في نقل العبارات لابد ان نصدق فهمه لسياق العبارة.
الخطر الان على الوطن من المعارضين حملة السلاح و من اتباع النظام الذين يهددون بالفوضى الشاملة في حالة تمت ادانة البشير.
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: حمور زيادة)
|
الاخ حمور تحياتى
اخى الاستهداف وفضح المتامر ليس خطاء ضد الذى يسعى الى تسليم راس الدولة الى الجنائية .
ولكن الخطاء فى التفسير التفسير الذى اتى بة الاخ فتحى وقال فية كما قراءت انة تهديد بالقتل .
اين اتت كلمة القتل هنا وهل الاستهداف يفسر على انة قتل ؟؟
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: Hisham Amin)
|
مرحب هشام ..
نص كلام حاج ماجد المنقول :
Quote: توقيف البشير يعتبر خطا أحمر،
وكل من يؤيد توقيف البشير سواء كان منتميا لأحزاب سياسية في المعارضة أو الحكومة
أو أفراد أو منظمات أو قوات أجنبية موجودة بأرض السودان سيكون هدفا للمجاهدين
والشباب» |
اذا معنى الكلام هو الفضح زي ما بتوقل فيبقى حاج ماجد قال :
توقيف البشير يعتبر خطا أحمر، وكل من يؤيد توقيف البشير سواء كان منتميا لأحزاب سياسية في المعارضة أو الحكومة
أو أفراد أو منظمات أو قوات أجنبية موجودة بأرض السودان سيقوم المجاهدون و الشباب بفضحه
كدي بيني و بينك خلي فتجي المعارض ده بره انت شايف الكلام ده شكلو جايي ؟
زول يقول ليك خط احمر و اي زول مؤيد مهما كان اها ده يقولوا حنفضحو و نكشفو ؟
و الله لو كده يكون حاج ماجد ما بيعرف يتكلم و ما صاح يوقفوهو قدام مكرفون.
يا اخي في ظني انو عبارة " سيكون هدفا " واضحه جدا و معناها القتل و غيره من سوء المعاملة الجسدية .. من الاستهداف انو تحرق للمؤيد بيتو و من الاستهداف انو تفجر عربيتو و من الاستهداف انو تخطف ولدو عشان تحرق حشاو.
لكن من الصعب تقول لي انو الاستهداف المقصود ده معناهو كشفو و فضحو
صعبه .. و الله صعبه
عموما انا اتمنى انو المؤتمر الوطني يكون خيارو حنين و يكتفي بالفضح و يتذكر انو لو رفع سلاح داخل الوطن ضد المؤيدين للمحكمة الما شايلين سلاح فده اذن بخراب البلد.
المعركة ليست هنا.
المعركة قانونية سياسية في لاهاي و نيويورك.
و ربنا يكفينا نحن الشعب شرور السلطة و المتطلع للسلطة.
بالله زول يقول امين لو سمحتو.
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: حمور زيادة)
|
الاخ حمور والترحيب يتواصل
.......
فى ماضى هذا البورد كانت هناك شخصية تدعى روضة مردة وكانت تستهدف فى كل اطروحاتها الدين الاسلامى
وكان استهدافها للدين الاسلامى خطا احمر بالنسبة لى وعندما كنت اتبادل اطراف الحديث مع زملائى واصدقائى
كنت اردد ان استهدافى لها مشروع ولم يفسر احد هذا الاستهداف على انة تهديد بالقتل اما بخصوص تصريح حاج ماجد اعتقد انة
اجتهاد شخصى وتفسير خاطى قصد بها الاخ فتحى احداث بلبلة منبرية ليس الا ........ وهذة مصيبتنا
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: مؤيد شريف)
|
Quote: اخ بحيري
لمن تشكو؟!
احتراماتي |
الاخ مؤيد
من قصص دارفور ...جايز كثيرين عارفنها لكن نعيدها بمناسبة تعليقك .
سلطان غاشم في زمان ما كان لديه فيل ارسله يرتع في قرية ما، اتعب الفيل اهل القرية فاتفقوا
ان يرفعو الامر للسلطان ليأخذ عنهم فيله.
المشكلة منو الراجل البيقول للسلطان. اخيرا اتفقوا ان يبدأ احدهم الكلام ويتم الاخرون
في حضرة السلطان الظالم بدأ المكلف (سيدى السلطان، الله ينصرك، فيلك)
كان الاتفاق ان يقول الاخرون بصوت واحد(تعبنا منو فشيلو مننا)
ولكن المجموعة صمتت
كرر الرجل الجملة مرة اخرى وصمت الجماعة
وهنا غضب السلطان وقال له ( وليد عزبة دا، فيلي مالو؟)
فرد الرجل( قاعد وحيدو و الوحشة قرب يكتلي، جيبي لي فيلاة عشان يوانسو)
اها انا خايف اخونا فتحي يمشي في الاجراءات و يلفا رقبتو واقف براهو في السهلة
| |
|
|
|
|
|
|
|
|
|
Re: بلاغ جنائي بالتهديد بالقتل ضد حاج ماجد سوار (Re: محمد على طه الملك)
|
Quote: البحيراوي سلام ..
رغم قناعتي بأنه إذا صدر قرار في غير صالح البشير لن تستطيع أي قوة عسكرية او قوات دفاع شعبي إطلاق بنبان في وجه أحد ناهيك من قذائف حية كما كانوا يفعلون من قبل ..
مع ذلك كدى نزل لينا النص البعرف جريمة التهديد والأرهاب في قانون العقوبات السوداني ..
كمان بالمره نورنا إن كان المذكور ضمن كشوفات الدفاع الشعبي او أي جهاز رسمي غير تنظيم الشباب..
مودتي. |
الملك الحبيب
غالي والطلب قريب
لكن
خليها في سرك
الوكت ليهو شاغل
عمما الف شكر ليك على الاهتمام بالأمر
واحسان الظن
لك الحب أجزله
| |
|
|
|
|
|
|
| |
فتحي البحيري
القلب النابض
سفيان بشير نابرى
khaleel
Hisham Amin
محمد على طه الملك
علاء الدين صلاح محمد
حمور زيادة
فتحي الصديق
مجدى محمد مصطفى
فيس بوك
تويتر
انستقرام
يوتيوب
بنتيريست