|
|
 مـــــــــــــــــــاسوره
|
طبعا كثر استخدام لفظ ماسوره علي الموضوع المطرشق ولا الزول المجلي والي اخره
حتي استخدمها زميل ايام الدراسه امام السيد البروف عميد الكليه وهو يشرح منفعلا
(دي ما ماسوره يا بروف)
لم يفهم البروف شيئا سوي انها مشكله كبيره ويبدو ان مكانته العلميه تمنعه من السؤال ولكن
فضولي حل محله (الود دا بكون قاصد شنو بي ماسوره)
طبعا دي مقدمه لي موضوع جادي جدا ومزعلني شديد
استخدام التوريات والمدلاولات الجنسيه زي الامثال والمصطلحات عند النساء خاصه
من غير ما يعرفو معناها
لا تقدر تصلح ولا تقدر تضحك ولا تقدر تحكي المعني الحقيقي
اها دي يحلوها كيف (بالقالو حمد؟؟؟)
|
|
 
|
|
|
|
|
|
|
|
Re: مـــــــــــــــــــاسوره (Re: ود الخليفه)
|
طبعا كثر استخدام لفظ ماسوره علي الموضوع المطرشق ولا الزول المجلي والي اخره
الأخ/ ود الخليفة
والله أنا زيك متحير في مصطلح ماسورة !
لكن الشئ الذي أعلمه هو أن الماسورة بتجيب موية وبس ؟
أتمنى من مستخدمي هذا المصطلح تعريفنا بالمقصد.
مع تحياتي
| |
|
|
|
|
|
|
|
|
|
Re: مـــــــــــــــــــاسوره (Re: ود الخليفه)
|
هوي
ماسوره بتعني الزول ................
يعني ما بيصح استعمالها هنا
وخاصه من جانب البنات هنا
والرجاء من الجميع التوقف عن استعمالها
ودي الماسوره الجد انو الناس تستخدمها بدون معرفة معناها
| |
|
|
|
|
|
|
|
|
|
Re: مـــــــــــــــــــاسوره (Re: ود الخليفه)
|
| Quote: لو حكيتو هنا بنمشي الخور ولا النظام العام |
عفوا اخ ود الخليفه
وهل اقصد من كلامك دا انو بيستخدم لي شئ مخل بالذوق العام وكدا
انامرة كان عملت دراسة عن لغة اطفال الشوارع
واللي الايام دي مستخدم بكثرة بين طلاب الجامعات
واللي خلاني اعمل كدا انو يوم راكبة الحافلة وماشة محاضرة
قاعدين في الصف الجنبي ثلاث شباب واضح انهم طلاب جامعة
فتصور بيتكلموا مع بعضهم بلغتهم ومصطلحاتهم
والله بالرغم من انها عربية... لكن ما فهمت شئ
وواضح انهم فيما بينهم المصطلحات دي بتعني ليه معنى او حاجة معنية
بالنسبة لكلمة ماسورة اللي استخدمتها حضرتي في بوست بي هناك
المعنى اللي استخدمته هو انو ماسورة
بمعنى فاضية وما بتجيب مووية
ودي ثقافة اهل الهامش في الخرطوم
لمن يفتحواالماسورة بتكون عادة الموية قاطعة
ونادرا ما تجي بليل متاخر وكدا
فتعودوا الجماعة لم يفتحوا الماسورة بالنهار بتجيب هواء فاضي
وبالتالي بقى متداول بينهم الحاجة الفاضية والما تجيب شئ
بقولوا عليها ماسورة
وعفوا لو هي عندها معنى غير لايق بالذوق العام
| |
|
|
|
|
|
|
|
|
|
Re: مـــــــــــــــــــاسوره (Re: mayada kamal)
|
الأخت ميادة
شكرا على الشرح وأنا عرفت الآن مصطلح ماسورة من كلامك
لكن إذا كان هنالك معنى آخر لهذا المصطلح كما أشار به
أحد المتداخلين ويتنافى مع الذوق العام فأرجو أن يظل المعنى
المقصود مدفونا في الرمال
وكفى المؤمنين شر القتال
مع تحياتي
| |
|
|
|
|
|
|
|
|
|
Re: مـــــــــــــــــــاسوره (Re: mayada kamal)
|
الاخت مياده
لكل كل الود
طبعا المصطلحات دي قد تكون خاصه بي شله معينه وتكون مرتبطه بي مواقف معينه
عشان كده حتي لو سمعها احد شفاته ورا السينما لا يفهم شي
ولكن هناك ما يبدعه العقل الجمعي الذكوري هربا من البنات والجكس في الجامعه او المواصلات
فجاءت بعض المصطلحات غير المفهومه الا للاولاد
منها ماسوره وغيرها
اعتبر الجميع هنا اخواني واخواتي
فبالله لا تستخدموها
قصتها
مافي داعي ليها
| |
|
|
|
|
|
|
|
|
|
Re: مـــــــــــــــــــاسوره (Re: ود الخليفه)
|
طبعا من قديم الزمان كانت المصطلحات الخاصه مستخدمه
فقد قرات في احد كتب الجاحظ ان شابين كانا في سفر مع شيخ
عندما يروا فتاه جميله طوالي الشباب بقولو حجه (بضم الحاء) اي دليل
فلاحظ الشيخ وعرف مقصدهم
وعندما راوا فتاه من بعيد ظنوها ايه من الجمال فقال الشباب حجه
وعندما اقتربت وجودها قبيحه فرد الشيخ حجه داحضه
| |
|
|
|
|
|
|
|
|
|
Re: مـــــــــــــــــــاسوره (Re: ود الخليفه)
|
| Quote: لو حكيتو هنا بنمشي الخور ولا النظام العام |
اقع المسنجر يا ود الخليفة
بالنسبة لموضوعك الرئيس وهو تناول الالفاظ ذات دلالات معينة غير لائقة
فيهو كلام كتير
بعض الالفاظ معانيها في اللغة عادية جدا لكن استخدام مجموعة معينة ذات خلفية اجتماعية,عمرية أو ثقافية مشتركة ممكن يخليها تحمل دلالة تانية
يبقى من يستخدمها من خارج المجموعة او الشلة او الفئة بدون ما يقصد المعنى السيئ ما اعتقد عليه لوم
كمان اختلاف الثقافات بلعب دور
اعتقد كل سياق الكلام الورد فيه اللفظ المعين هو الحكم
| |
|
|
|
|
|
|
|
|
|
Re: مـــــــــــــــــــاسوره (Re: محمد البشرى الخضر)
|
ود الخليفة ..
لفظ ماسورة لفظ غير لائق حسب الدلالات التي اتى في سياقها ..
وهي نكتة يتداولها المراهقين ( تحت تحت ) ..
تحكي انه ( الاسد كان قاعد مع زوجته اللبوة .. جا القرد قعد ينبذ فيهو نبذ ما كويس .. و الاسد يعاين ليهو ويدنقر .. اللبوة اتغاظت شديد و كوركت في راجلا ملك الغابة .. قال ليها انسيهو ياخي بنبذ و يمشي .. و حسب نفسيات الاسود وكدا قامت اللبوة ساكة ليك القرد لحدي طرف الغابة .. كان في ماسورة صرف صحي .. قام القرد دخل جواها جات اللبوة تدخل قامت انحشرت في الماسورة لصغر حجم الماسورة .. القرد طلع من الناحية التانية .. و جاها راجع .. و عمل حاجات ما كويسة .. رجعت بعدها ذليلة مكسورة الي زوجها .. اول ما شافها الاسد عاين ليها شديد بحزن .. و قال ليها .. شكلو وداك الماسورة ) ..
دا باختصار .. و تحفظ شديد ..
..
..
كتاب الاعمدة الرياضية .. الاغلبهم غير مؤهلين .. هم من روجوا لهذا اللفظ ..
| |
|
|
|
|
|
|
|
|
|
Re: مـــــــــــــــــــاسوره (Re: محمد البشرى الخضر)
|
طبعا انا وضحت انو بعض المصطلحات تكون خاصه بشله معينه
لكن الامثال والنكت الجنسيه قد تكون مشاعه في المجتمع الذكوري وتحكي من غير تكلف
ولا يصل للاخوات منها الا الايحائات والمصطلحات واختلاف اللغه بين المجتمعات معروف ولكني اقصد
المتداول الان واسمعه في كل مكان من الاخوات في العمل في البيت في النت وغبره
والله الهكر ليه حق لمن هدد بي الماسينجر الداخلي لا يلدغ المؤمن
| |
|
|
|
|
|
|
|
|
|
Re: مـــــــــــــــــــاسوره (Re: ود الخليفه)
|
بالنسبة للمصطلحات على شاكلة ماسورة اوكي الفكرة وضحت وانا معاك فيه
لكن المشكلة في الكلمات العادية و في محلها الصحيح وين المشكلة لو غيرك عندو ليها استخدام سيئ هل حيحاسبك بطريقة تفكيرو هو
| |
|
|
|
|
|
|
| |
ود الخليفه
mayada kamal
abas
محمد البشرى الخضر
humida
فيس بوك
تويتر
انستقرام
يوتيوب
بنتيريست