|
Re: قضاة المحكمة الجنائية الدولية يرفضون استئناف جيفري نايس حول مذكرة توقيف البشير!!! (Re: Mohamed Yassin Khalifa)
|
الأخ محمد سلام أجيك من النهاية.. زى ما ذكرت إنو مذكرات الamicus curiae ممكن تقدم بواسطة أى جهة بغض النظر عن غرضها طالما لوائح المحكمة ألأجرائية تسمح بذلك. وأظنك تكون تابعت كثيرمن القضايا المهمة فى أمريكا، وفيها لو لاحظت بكون فى جهات كثيرة بتقدم المذكرات دى، لأن نتيجة التقاضى بتمس الجهات دى بطريقة أو أخرى. فمثلا حكومة بوش قدمت المذكرات الزى دى فى أى قضية ذات طابع أيدلوجى،فمثلا فى قضايا الأجهاض والتمييز ألاجابى كانت مذكراتهم تعكس وبصورة صارخة موقف الحزب الجمهورى والأيفانجليكانز من مثل هذه القضايا. ومن المتوقع أن تعكس مذكرات إدارة أوباما موقفا عكس ذلك. بخصوص وجود تمثيل للدفاع وعلاقته بالسماح لهذه المذكرات، زي ما ذكرت بتحكمها مادة الأجراءات اللى على أساسها تم تقديم المذكرات. ولو تلاحظ أنا ذكرت أنو المحكمة عينت محامى دفاع ad hoc ودا من مهامه التعامل مع المذكرات دى كمحامى دفاع. ورغم أنو المقارنة هنا بتكون مخلة دى قريبة من المحامى البتعينو المحاكم الجنائية فى حالة عدم مقدرة المتهم. بخصوص ماذكرت عن أنو المحكمة سحبت من السير صفة الamicus curiae، غير صحيح لأنو زى ماقلت مايجرى ألآن هو تراكم لأجراءات مستمرة من عدة سنوات ومافى طريقة لأستيعابه بدون خلفية تفصيلية. وبرضو ما ننسى أنو الUNHCR قدت عريضة برضو تصب فى مصلحة الضحايا..وبتخدم وقائع التحقيق.
لولا أنى مشغول بموضوع سفر كنت شرحت بالتفصيل كل مايتعلق بالموضوع دا.. إمكن بعدما نرجع..إنشاء الله..
نجيك فى الخاص:
ما فى حاجة بتخلينى ما أقرأ كتاباتك بخصوص الICC والفلم بتاعها دا مستمر من قبل دارفور بى كتير والجدل القانونى حولها حيستمر ولو ما البشير ما أظن الناس كان حاتسمع أو تهتم بمعارضتنا ليها زيها وزى غواتنامو بغض النظر حا تحاكم منو. بخصوص تلميحك أنو السير يمثل هيئة دفاع أنا جبتو من هنا ،وما أظن بنختلف فى أنا فهمت كدة ليه بغض النظر عن أنت قاصد شنو.
Quote: وهو شيئ متوقع لهزالت العريضة والتي أعدها طاقم دفاعي تم تكوينه على عجل وبمسمى غريب دفاعا عن ($) ودفعت له مبالغ طائلة من أموال الشعب السوداني... وكنت قد إتصلت بهذة الهيئة الدفاعية بغرض معرفة تمثيلها والجهة التي تمولها ورفض طلبي أو قل تم تجاهله بالرغم من أنني إستلمت منهم إشعار يؤكد إستلامهم لبريدي المسجل. |
الحاجة الأخيرة عليك الله قصة لقب دكتور دى أعفينى منها. رغم حصولى على الJuris Doctor زي وزي أى محامى أمريكى تانى إلا أنو اللوائح المهنية بتمنعنا من أستخدام أى لقب ممكن يقود لأى فهم أنك كمحامى بتحمل معرفة أكثر من المحامين ألأخرين، و فى أمريكا المحامين تعارفوا على عدم أستخدامها رغم عدم منعه. لأن أستخدامها بيفرزك من الباقيين. ممكن أخت JD أو Esquire بعد أسمى، لكين دكتور دى بجيب لى الهواء من ناس DC BAR لما نمشى الICC ممكن نستخدمها..just kidding بالمناسبة السير نايس لو عايز يبقى أمريكى يجب عليه بنص القانون التنازل عن لقب سير. شفت أختلاف الثقافات دا كيف...
تسلم سيف
|
|
|
|
|
|
|
|
|