|
|
|
 Re: هل باكر يمكن يكون اجمل ؟ (Re: مدثر محمد ادم)
|
Quote: تايه في الحنيين
غربه
ولاجئ عن وطن
في عيون حبيبة
ومعزب بنزوح
الروح
للحقيقة
وبادي يومي بالهم
الم
وشمسو طالعة علي
مغبشة بالسحاب
عليها الغبار طرحة
مكدحة ظن
وصباحو مكندك بالدم
ومجروح خاطرو شبق
حتى الشجر فيهو حارن
يوشوش للعصافير
الصوتا سكت من
الغنى
واحترت اندهاش
ساعة غلبني الرسم
لملمت حروفي
وشلت قلمي ومشيت
علي المساء
لقيت قمرو غارق
شراب
في كاسات الاسى
حيران حزن
وبين النجوم مترنح
جرح
ومنتشئ من الالم
ويتلادح مع السماء
ويتف في الارض
كل الشربو من الاسى
واشوف فيهو ضؤ امل
طشاش
ويجيني من جواي
صوت الزات طنطنة
واسمع من الغيب سؤال
بهمهمة
صيح باكر يمكن يكون
اجمل ؟
12/2/2009 |
ربنا يديك العافية مدثر ..
باذن الله بكره يكون اجمل وتلقى الفى مرادك ..
وتلقى جواب لكل سؤال ..
تسلم يارب ..
| |
 
|
|
|
|
|
|
|
 Re: هل باكر يمكن يكون اجمل ؟ (Re: ماجدة عوض خوجلى)
|
الرائعة بت خوجلي سلامات
Quote: ربنا يديك العافية مدثر ..
باذن الله بكره يكون اجمل وتلقى الفى مرادك ..
وتلقى جواب لكل سؤال ..
تسلم يارب .. |
الف مرحب بحضورك الجميل
وشكرا علي الدعوات الحميلة
وتسلم من كل شر
مدثر تيف تيف
| |
|
|
|
|
|
|
|
|
|
Re: هل باكر يمكن يكون اجمل ؟ (Re: ihsan fagiri)
|
Quote: بالتاكيد بكره الارض سوف تزداد اتساعا
والقمر اكثر ضياء
والاشجار اكثر اخصرارا
واجمل الاطفال لم يولد بعد
للك الود |
الرائعة احسان فقيري
سلامات ومرحب بالجنة الجديدة للا تحاد النسائي
وشكرا للامل
وتسلمي
مدثر تيف تيف
| |
|
|
|
|
|
|
|
|
|
Re: هل باكر يمكن يكون اجمل ؟ (Re: مدثر محمد ادم)
|
شغلك نضيف يا تيف تيف
Quote: وشلت قلمي ومشيت
علي المساء
لقيت قمرو غارق
شراب
في كاسات الاسى
حيران حزن
وبين النجوم مترنح
جرح
ومنتشئ من الالم
ويتلادح مع السماء
ويتف في الارض
كل الشربو من الاسى |
ولابد يوم باكر يبقي اخير
خالص الود
| |
|
|
|
|
|
|
|
|
|
Re: هل باكر يمكن يكون اجمل ؟ (Re: مدثر محمد ادم)
|
لرائعة الاخت هند محمد سلاماتQuote: شاعرنا مدثر سلام من الله ومودة
ياريت باكر يكون أجمل
وبالجد حروفك جميلة ومعبرة
ربنا يحقق الامنيات |
شكرا علي المرور الجميل
والامنيات السعيدة
ودائما ايامك هناء
وتسلمي يارائعة
| |
|
|
|
|
|
|
|
|
|
Re: هل باكر يمكن يكون اجمل ؟ (Re: مدثر محمد ادم)
|
تجليات غيبية
الوهم هو سئ
ليس كائنا في
الوجود.
اسطورة من نسج
خيالنا.
كذبة كبرى
يطرحها عقلنا.
نسكنها قلوبنا.
ثم نصدقها ونقدسها.
هو شئ نصنعه
بايدينا.
حين نفشل في
مجارات الطبيعة.
وطرح الاسئلة
الجريئة.
والتعمق في الاشياء
الجميلة.
هو شئ كان عابق
في دواخلي
ثم وهن وارتحل.
مع صرخة الرضيع
لبن
وتفجر الامال محن
ومع اشتها اليتامة
حضن
وهن وارتحل.
فكنتي الحقيقة.
فكل شئ عقلي
واقعي.
وواقعي ان تكوني
الحبيبة.
اذن انتي الصدفة
لان لي وجودك ضرورة.
اسمئها احيانأ الوطن
وانا الان لا امن الا
بقدس اجلال عينيك .
سر وجود الكائنات.
ونهداك السابحات
اروع اياتك.
يزاد يقيني
حين اراك.
شفتاك منجاتي.
وفي جسدك صلواتي
وزوباني في ذاتك
فضميني راهبا في
محرابك
او درويش ولها في
رحابك
| |
|
|
|
|
|
|
|
|
|
Re: حيكون أجمل (Re: محاسن أحمد محمد)
|
الرائعة محاسن احمد سلامات
Quote: ألأخ مدثر أكيد باكر حيكون أجمل
وحتى لو مرة يوم ماجميل حنتعلم
منو وبكرة حيكون أجمل
|
وشكرا علي اللحن والاهداء الجميل
ولكيد باكر حيكون اجمل
ويايوم بكرة اسرع
وتسلمي علي المرور
| |
|
|
|
|
|
|
|
|
|
Re: حيكون أجمل (Re: أحمد الشايقي)
|
الرائع احمد الشاقي سلامات
وليك وحشة وطلتك بالدنيا
Quote: كلنا في الهـواء ســوا
أحمـد الشايقي |
وبس باكر اكيد اجمل
وتسلم يارائع
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
ساعة تزوب الروح
ريد
وتفتش عن حنان في
عيون الحقيقة
في درب الحنين
مابتعرف الخوف
ولا بتردد الخطوات
بين لونين ابيض
واسود
وتقيف في الرمادي
ولابتوه عن سحاب
قبلي
في الردبتعمق احساس
شعاع الشمس
ساعة يصادف في السكة
المطر
وتاخز شكل البنفسج
انكسار الضؤ في الرزاز
قوس عشق
ويسال بزرة حب
مدفونة جواه جوف الارض
باكر بكون اخضر
باكر بكون انضر
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
ولسه واقف
علي انات الحنين
بردان
وفوق حمر الشوق
حفيان
منتظر في امل
دنياي
نبية
في تميمة الصبر
ترتل ايات العشق
باهة غنوة ريد
شهقة روح
دندنة همس الحروف
وكاتلة الخوف
بدوزنة وتر ملهوف
طالعة من عيون الحقيقة
لقلب مجروح
غارق في النوح
فيك مفضوح
ومعمداهو بفرح
لعب اطفال
وشدو الطير
لصباح اجمل
حاضن بالضؤ في صدرو
وردة حب
لزمن جاي
يايوم بكره عليك
الريد
اسرع
عشان نلقي الحقيقة
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
(اسف)
اسف لاني كنت
افتكرتك
الحقيقة المهابة
ولهفة الحروف علي
عيونك
ساعة تئن في الكتابة
وخشوع الجسد في صلاة
العشق غياب
وكانت افترتك نبية
وظنيتك حنين
مشابات ريق الروح
للسراب
اه
ماكنت قايل انو ما
تحت الرغوة خائب
بس لسه منتظر حلم
جواي
وبكره بتجئ
الانثى الحقيقة
في الريد سحاب
قبلي
فائض مطر حنين
علي ارض جواي
يبست من العشق
وبقت خراب
ومن العطش اشققت
جروح
وقائم فيها شجر
العشر والشوك
الم
ورشاها بحساسك
ومحضرها بالحب
غابة
شجر حنة
شائل صفقو محنة
معشش فيهو طير
الجنة
صوت غناهو فرح
الناس الغلابة
ضحكة شقى التعابة
بسمة يتامة
ورقصة حصاد مزارعية
بدقة نحاس مع النقارة
رامي عليهم ضؤ الشمس
شبال
برنة نغم ربابة
وداخلة بين المسام
بسمة ضؤ
جارية حوه الرويد
مع الدم
تهتهد في القلب همو
وتلولي فوق خزنو
بالغناوي
وتمسح بحنا ايديها
الالم
وتوسد ودار الجرح
التام
وتكسن حوه الجوف
من دون خوف
ملامح وطن حب
هتاف شارعو
انين عزاب الشوق
كاسر متاريس
عوارض الزمن القاسي
وبرضو اسف علي كل
حاجة
واسف علي كل شئ
وعلي حلم طفل
لسه في الحب بحبو
وبتعلم المشئ
19/2/2009
مدثر تيف تيف
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
لأمن قرب موعدك
قعدت في سكون الليل وأتخيلك
طالعه من قلب النيل
لابسة النجوم توب
وشايلة القمر منديل
لأمن قرب موعدك
استنيتك و استنيت
بحرك علي يفيض
وقعدت في قيفك أغنيك
واغني اسمك والكون
معاي يغني يشيل
استنيتك ضماضة جروح
دوبتك جواي زاد للطريق
في طرف الدرب ما بدفقك
ساعة كأسك علي يميل
بشربك
وأتخيلك
طالعة من الشمس رقراق
جاية من المطر شقشاق
في نظرتك أنسى كل ألفات
قبال ما يحيني موعدك
قلبي طار يلحقك
وعقلي قعد يتخيلك
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
تيف تيف
ازيك ياخ
ياما باكر ياما باكر !
شئ عجيب ياخ قدر قدرتنا بس نتمسك في فال الغناوي يا صاحب
ومشتاقين يعلم الله
لافيساً بوك شايفنك لا ماسنجراً كان
فشنو الحكاية ؟
| |
|
|
|
|
|
|
|
|
|
Re: حيكون أجمل (Re: خضر حسين خليل)
|
الصديق الرائع خضر سلامات
والله ليك وحشة وبسال عنك طوالي الشباب
Quote: تيف تيف
ازيك ياخ
ياما باكر ياما باكر !
شئ عجيب ياخ قدر قدرتنا بس نتمسك في فال الغناوي يا صاحب
ومشتاقين يعلم الله
لافيساً بوك شايفنك لا ماسنجراً كان
فشنو الحكاية ؟ |
ويازول ماتشيل هم شوية احباط عاطفي
والواحد برجع احسن من اول
وشوقنا وطن غلابة
وتسلم يارائع
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
كلمني يا قلب
كلمني ياقلب
مره وقول لي.
منو الزيك شرب
من كأس الحب
لامن شرق.
منو الزيك خاض
في بحر الريد
لامن غرق.
ومنوالزيك اتعزب
بنار الشوق
لامن اتحرق
وتعبت معاك
يا قلب من
مشئ الدروب الطويلة
ما بتتلحق.
كلمني كم مره
حاولت تبوح والكلمة
ترجع من الحلق
قبال ما تطلع تنمحق.
قالبك تصرخ تقول
بالجواك من بدري
مكتوم.
كلمني كم مره بس
رجعت واتوسدت الليل
هموم.
وكم مره ساهرت تحاجي
ضؤ النجوم.
وكم مره حلمت مع القمر
تغني وتكون.
فجاة تصحي تلاقي
نفسك قدام حبك
مهزوم.
ويطير من عينيك
النوم.
يا قلب احكي ليا
وقول.
عن ملامح بدر البدور.
وكلمني عن الخلت دواخلك
جواك تنتفض وتثور.
مهما اوصف مهما اقول
ما اظنو انصف.
دي غايتو اجمل من بنات
الحور.
كلاما ذي همس الزهور.
انفاسة طالعة ذي عبق
البخور.
ومشيها ذي النسمة لما
علي النيل تمر
وتحيي في ضفافه في لحظة
عبور.
ايدها ذي رقة جناح عصفور.
ونغمة صوتا ذي رنة حيس
دوبت مع الطنبور
وفي عينيها الارض وقفت
وابت ما تدور.
وانا يا قلب بالدهشة
مكتول.
ذي تقول مخمور
يمكن اكون مسكون.
لكني يا قلب دايرك
تقول لي.
منو الذي في حبو
فات حد الجنون
يونيو/2001
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
شوية إحباط من الفين وواحد يا تيف تيف
بالغت والله
ـــــــ
إتصلت علي فينست عشان احكي ليهو وتلفونو مقفول
الله يقطع طاري الغربة
| |
|
|
|
|
|
|
|
|
|
Re: حيكون أجمل (Re: خضر حسين خليل)
|
Quote: شوية إحباط من الفين وواحد يا تيف تيف
بالغت والله
ـــــــ
إتصلت علي فينست عشان احكي ليهو وتلفونو مقفول |
تقول شنو ياصديق المهم الواحد بحاول يتماسك وطن
وياسر لقيتو قبل فترة شال تلفوني وما اتصل بي لاحد اسع
وبحوال بشوفو ليل
وتسلم يارائع
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
تكويـــــــن **
يا شمس التكوين
وحاتك أنت
كوني حيث أنت
كوني مكان ما اخترت
دنيا الصمت معقل
الرفض
كوني فراشة رافضة
الظلمة
كوني أنثى رافضة تعيش
في ضل راجل
وتكون حرمه
دايره تكون في قلبو
أصعب منية
بتشكل لحياته كل
الدنيا
يا شمس التكوين
لما تكوني في دنيا الناس
أنت الفوق
أنت الأصعب
وأنت الأبعد
بتكوني في دنياي
أنت الأجمل
وأنت الأقرب
وبتكون عينيك منبع
فكره
أول خطوة تودي
لبكره
ما الكون ما خد من عينيك
الحكمه
يا شمس التكوين
كوني شمس كل ما تغيب
تطلع أحلى
كوني حلم لي زولا داير
يلحق ضوء النجمه
كوني أمل في ابعد
حتة
بنجيهو بشوق
الرحلة
كنتي في زمن معاني
تديني مبادئي
في الزمن الزيف كنت
النكرة
يالاديت الطير من حسك
أجمل نغمه
كل متجينى صورتك
شايلاها النسمة
بستلهم من روحك وحي الكلمة
يا شمس التكوين
كونتك جواي أمال منتظره
بتراقص روحي بنشوة
كونتك فرشة تلون في أيد رسام
تديهو ألروعه
كونتك وتر تلحين
في عود فنان
يحكليو الغنوة
وشتلت تكوينك معاي
همسة حنين
لي قلب إنسان غارق
في الدمعة
يا شمس التكوين
يا نور في حياتنا
رافض تشرق تبين
راجنو انفجار التكوين
ضوءك من سنين
وخطانا في دربك
ما بتلين
وساعة شروقك كانت
لحظة انفجار التكوين ...
21/مايو/2001
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
البيني وبينك
سر حزن القصائد
ووجع الم جوف
حروفها
مولع في حشاها
نار كمائن
لامن تأن
وتمشي عليك
من غير ارادة
وتتاوه ريد
وانتي جائة
من رحم الغيب
بشارة امل
البيني وبينك
بحر شوق واسع
ممتد
مهيج فيض مشاعرو
رياح الشوف
مقومة ودار امواجو
مد
فائت الحد
ملاحق السحاب
وسادي الافق
شاقيهو عليك
بي مركب عشق
وانشدخيال طيفك
وطن
في موال غنى
المركبية
ساعة قلبي
ليك يحن
ويسرح في سواحل
حروفك
ويموت في الشوف
شوق
ويذيد في الشوق
جن
ويرسم عيونك في
خاطرو
مدن حب
ومراسي ريد
ويشتهي قيف
رموشك حضن
منابع جوف الحقيقة
لي فرح الوصول
فيهو ترتاح مقاديف
وجدانو
من تعب السفر
وقساوة الزمن الصعب
البيني وبينك
سوهاد الليل
ولحظة صدق في
صباح
راسم صورتك شبق
طالة فيهو ملامح
قصائدك
ضؤ شمس
مفرهد زهرة حب
ومالي المكان
حنين ضؤ احساسك
ورد
البيني وبينك
توارد خواطر
في روحين جسد
نواح غنى الطير
في الغربة
وطن
فرح ضحك لعب اطفال
تحت المطر
البيني وبينك
ما بين الغيم
وشهقة ارض
هم غبش
واكثر من حلم
يوليو/2007
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
لامن غرقت في
سحر بحر عيونك
بين موج رموشك
قطاني مد جفونك
وفت حد اخر العشق
ولمست في جوف
اعماقك
سر حس محارك
والصدف
قلبي تاه
وغلبو يواصل الدرب
من دونك
قعد في البعاد
علي باب محرابك
واجعو فراق اقانيم
روحك
ذي راهب عاش مشتها
في فرح الحياة
يناجي في رواه
اله
تجلي في ذاتك
شرف امل منحاز
لي احلام الناس
التحت
امل غبش
ضحكت اطفال بيوت
الطين
طلاسيم وطن
شائلك جواه للناس
فهم
وينشد من وحي الهامك
قبس ترانيم بذرة
الحب الفي غناك
مزامير لي حنين
صوتك
رنة دقة جرس كنيسة
مع صوت اذان صلاة العصر
حس نغم مالي السماء
ومديها من صداهو
نفحت روح
نبتت عروقا
كبرت وبقت
وردة حب حمراء
ومقدس لونا
معمداني بي نداه
جننت احساسي
ملياني بالفرح
والخوف
ولما فضحني البوح
اتؤضيت بي موية
دموع النوح
وفرشت شجوني مصلاية
وجد
منسوجةمن خيوط احساسي
وقبلتها عليك
كبرت باسمك صليت
خاشع شوق
مهمهم حب
ساجد ريد
ومسبح بي رضاك
عبادةعشق في
اخر الليل
وماسك النجوم في
ذكرك عدد
وشارد خاطري في
دنياك
درويش هائم في
مسيدك
ومدور بي غناويك
ذكر
لابس ملامحك وملفوفه
حوليه
سبحة صندل ولالوب
معتق بي عبق انفاسك
بخور
وفيك مزبوح وما قادر
يسيبك
ونار التقاوي البتوقد
في خلاويك
مولعة من لهيب جمر
شوقو
حوليها اطفال بتقراء
وترتل
في غناويك
وراسمين صورتك في
الواحهم
فرح تنزيل لي زول
بريدك وميت فيك
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
شوق
مشتاق ليك ولي جمال
عينيك
وكلامك الذي الغنى
حتى طيفك أخر الليل
بقي لي منى
يا تحفه كل ألازمنه
الدنيا من غيرك
مظلمة
وحياتنا صارت مبهمة
بحثت عنك في كل
الامكنه
بقيت أعاين لي فوق
يمكن ألاقي وشك شارد
في السماء
فتشت عن نجمك
وسط النجوم
لفيتو عني بعيد سنه
عاينت للقمر بي شوق
ضحكت القمر مني
وقال لي:
البتفتش عنها مكانا ابعد
من هنا
وهي ذاتها أجمل مني أنا
دنقرت للأرض مهموم
شفت سكتك طويلة
كاسيها الضنى
لكن عنها ما برجع
والرجوع يعني الفني
يا غيمه ساقيها الريح
عن دياري مرحله
ببراك عبر الدهر
عبر الفصول
في مدار السنة
ما بلوم صدك ما يعاتبك
عندي أمل أنو مطر
مشاعرك يفيض على يوم
في أي لحظه ممكنة
برجاك في طرف الحقول
جنب الزهور
عند السوسنة
أوعي تكوني ناسية
الهطول
لأني مشتاق ليك ولي
جمال عينيك
وكلامك الذي الغنى
******
نوفمبر 2001
| |
|
|
|
|
|
|
|
|
|
Re: حيكون أجمل (Re: Muna Khugali)
|
الرائعة بت خوجلي سلامات
وتسلمي علي الطلة الجميلة
Quote: لازم غصبا عنه يكون أحلي..
أمال يعني بنعاني الليله ليه؟؟
كل سنه وانت طيب وبكره عندك وعندنا أحلي.. |
وغصبا عن الليل وظلموا بيكون اجمل
وانتي طيبة وبالتوفيق في القضية
وتسلمي وطن
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
طيور الغربة
طيور الغربة
يا فاضحة
لسان الخوف
بي دموع الشوق
والم الفرقة
بي اهت صغير
قلب صغير
ملهوف
علي وطن مجروح
يا ناس مزبوح
بأطماع النخبة
وربوع متحاربة
وطن الشتات
لملم اطراف
جراحاتك تعال
سنسن حمرا
وحجوت فاطمة
السمحة
الفي حكاوي الصغار
تهديك السلام
في حكاوي الصغار
ساعة تحن
لي ضحكت عيون اطفالك
تمام
غوغاي القماري اخر
العصاري
يتاتي نواح اطفال
بيوت الطين
ويمسح حزن الرواكيب
الفي الضهاري
بي عرق الغبش الكادحة
وتعاني
وتحت ضل مقيلك علي
حبك متلمين
ياوطن الطيبن اهلانا
احنا الطيور حس
وجع المنافي
دمعة دطفل بران
وحافي
واقف علي قيف
بحر
موجو احمر ولونو
صافي
وقف يحلم
بي حضن دافئ
في وطن خرافي
صحيح وعافئ
ولي جراحو شافئ
غنيناك وطن العديل
والزين
ودسيناك في شوق
شوف عيونا
وفي شجن غنانا
في ضحكنا ولعبنا
وفي بكانا
لما تقع عليك
محنه
وتحاصرك قواسي
بنزل دمعنا
وينزف جرحنا
وبتكونا في عيونا
انت
عشقنا الاساسي
عشقنا الاساسي
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
اعتزار
يا زهرة هامسة
بالاريج
مدفق نداك
حنين للفراش
هداني في سكة
مدن عينيك
تعب السفر
وطول الطريق
وخطوات المجهول
اه من همسك
في السحر
ليلو ساجي
تتنفس نجومو
حسيسك نغم
وطن المنافي
خلاني ليك من
تاني
احن
واشتاق لي حنين صوتك
البتاوك من بين
كلامك
وجوه اهت الم
حروفك
وبين حزن
رموشك
وصوت موسيقة
همسك
تلولي جواي
نواح
وتر شجن غناي
وشرخ قلبي
سؤال
نازف دم
مدفق علي سهولك
انهار
كيف فقدتك ؟
وانا الفي محرابك
راهب عشق
كم عبدتك كم
ساجد حب
مرتل بي مزامير
ريدك
وانشد من خوفك
عدم
ودرويش في حضرتك
راقص بي تجلي
ومدور مع دقة
قلبك
نوية زكر
مدد...مدد
داير يعتزر
ويهلل باسمك
ويزوب في الزكر
ومولع نار التقاوي
اشواق
وراسم في لوحو
صورتك زهرة
صباح الحب
يا وطن
روياها غيمة
مشطفه بالرزاز
رجلين قوس قزح
صغير
ومتمراها بي خيوط ضؤ
الشمس
غاسلة تعب عرق
الغبش
حزن الرواكيب الفي
الضهاري
دموع الاطفال
جرح الوطن
ويتبتب حنين
همسك
وجع القصائد
ساعة تيكي وتنوح
وليك تحن
وتتاوه من جرح
خاطر البوح
ولاكن جيتك من
تاني
مزنب تائب
وعاشق تايه
قدامك مفضوح
سارق شهد عيونك
ولون كحلك البنفسج
متمني يتولد طفل من
تاني
طالع من رحم
حبك
معمد بي شذاك
وملفوف
بي حرير
كتاباتك
ويرتاح بين مساحات
صدرك
حزن التعب الجواي
والقى الامان
وحلمي الخرافي
ويضحك بي همسك الامل
الفي دنياي
وجاني تاني نفس
السؤال
كيف فقدتك ؟
اهرب منو ليك
وارجع اسرح مع
الخيال
واسابق في السراب
واقابض في المحال
ملامح طيفك
ويلاوني في الخيال
نفس السؤال
القاهو شارد مني
وماشي علي
ويقول بي صوت
واضح
مرات هامس
كيف فقدتك ؟
وتلاوحني زكراك
من بعيد
ابكي واحن
واناتي تشتاق
في الشوق تجن
ساعة يغلبني الجواب
اغرق في الحزن
واردد في الجنون نفس
السؤال
كيف فقدتك ؟
ما انا وانتي
والعصافير الجميلة
الزمن كان ابتلانا
من زمان
بي شقى الحب
والسفر
وحمدنا بي المطارات
ومحطات القطارات
وقلق الواعيد
الانتظار
وخضنا في بحر
الريد
حفاية ومتماسكسن
ومرات خائفين
وغرقنا في موجة
عشق
حد الركب
وتاني ارجع اعيد
واكرر
ومرات اتحائل و
اغير
ملامح نفس السؤال
انا ليه فقدتك
وكيف الرجوع
لي سكتك
لي زولا وراك
غرق
2007
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
اخير نخاوي
الارض بالمطر
عشان من تاتي
ما ينجرح في
الريد
خاطر السحاب
ولا الزرع يموت
من ظنو
صمت الرعد
واحتار
في تفاصيل احساس
قوس قزح
كيف براوق في
الريد الرزاز
ومرات يخاوي
الدعاش بالسراب
حلم
وشائل مرض نفس
دواخل الريح عزر
وماهماهو كيف
خاطر الغيم
انجرح
وكيف صدا الصباح
اول ضؤ جاي من
الشمس
ووقفث حروفي تعاين
باندهاش
لي انكسار خيوط
ضؤ الشروق رقراق
واحترت في ندى
الزهور
نازل دموع
يبكي هجران
الفراش
وغرقت في بحر
حذن جواي
عميق ما ليهو
حد
وتلاوح لي ضفاف
عينيك
بين الموج ظن
واتوه بين النسيان
والمحن
وفارقتو درب العشق
والهم
ومن غير ندم
واعتكفت فوق جبل
الوحده براي
وحيد في البعاد
احد
لاشريك معاي في
دنياي
ولابحلم في يوم
بي ريد انسان
ولامتمني يخلفني
ولد
ولايعزبني تاني
وجد
ولابطربني صوت
غناك الكان
لانو الدموع
ما بتوقف نزيف
القلب
والحروف بتشفي
الجرح
ولابتتبتبب علي
الم وجعي
ولاكني رجعت
وجيت
لقيت وطن العيون
اوهام
هلاويس فنان
جنون شعر
28/8/2007
(
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
انا الهذاء
اسف علي كل
هذاء
ومعليش
كان البيني
وبينك
حطاء احساس
حرف
اترسلت غنوات
عشان تفرتك
بوتر ريد
سكون صمتك
بالنغم للرد
تترجاك
بس لكني خاويت
الجسد بالروح
حنين
بعد ما جاني
مرسال رسالتك
وطويت مصلاية عشقي
ومشيت
متوكل علي جمال
يوم باكر
انسد من سؤال الغيب
الاجابة
وساند ظهري علي عيون
الحقيقة
محدق في للافق
مرات اتلفت واعلين
لي غروب شمس اليوم
النازلة تعب بهمو
ابتسم
وارجع اسرح في شرق
شمس يوم باكر
وكيف بنطلع منها الانثى
الحقيقة
مليانب بالامل فرح
ومرسومة في السحاب
مطر حبيبة
نازل فيض حب
لزمن جاي
مخضر وطن
وضاحك مع الصباح
قوس قزح
واسف علي كل هذاء
انا الهذاء
3/3/2009
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
Quote: صباحك وطن حب
بي تفاصيل مدن
البنفسج .
شمس الصباح
طالعة من
اسمك.
نازف خاطر
بوح شمسك
شبق.
كتباني في
ايدك
وراسماني قصيدة.
مرسلاني مع الطيور
رسول عسق.
بي ترانيم
ريدك
ومزامير صوتك
وكتاب حب مقدس
مخضر زرع
ارض غناك.
قائم ومفرهد
شجرة حنه
شائلة محنه
مظللة ضحكت
عيون لعب اطفال
صغار.
وصلنا شجر الحنه
وصلنا شجر الحنه
ساعة حسيس
صوتك.
ليا دوزن وغنى
وشفت شجن
حسك.
منك طالع
وماشي يتنى
مع خصل شعرك
وراقص علي انغام
وتر الالفة.
الكانت بناتنا
وجات من تاني
رامية شبال علي
الوطن.
مشرق سحاب بوحك
في السماء.
مصفق مطر.
لي صفير الريح
وحجلت في عيونك
غيمة.
ساعة شفق علي
من جواها قوس
قزح.
ملهوف بالرزاز
راشيهو فوق جمر
نار اشواقي.
بعد طول غياب
لقيتك.
ما السجن منافي.
وشريتي حروف
غناك.
بيني وبينك
مساحة ضؤ.
في قلب العتمة.
يتاتي في براح
روح افراحي.
بي شهد وردة
حب حمرا.
مدفق نداها
ونازل علي
ريق عطش الفراش.
رحيق ابيض
وصافي.
معطر شزاها
عبق كل الامكنة.
بي لهفة حنان
قلب دافئ.
احمر لونك
ولحن غناك
مصادم.
عوارض الزمن
الظالم.
وعازف موسيقة امل الغبش.
احلام الناس التحت.
وماسحه دموع اطفال
مشردة من الوطن.
مواقفك واضحة
في عز الكتمة.
هديتي جدار
كانت حابسة
انفاسي.
واتنفست حنينك
ومكسرة ترابيس
باب السجن.
ملامح صورتك
مرسوم فيها
حزن ضحكتك.
وبددتي جواي
صخور جبال الهم.
ما ليل غناك
دافئ وهادي.
ممسي عليا بي
طرب همسو.
وبتلاعب نسائمو
ضفاير طفلة.
صغيرة جميلة.
مسكون ريدك جواها
حديقة.
وطرحة حب لابساها
قصيدة.
ونجمو يلالي
بي خوفو عليا.
ودموع قمر عيونك.
حنينو ينادي.
يباري ويلولي
ومرات يلاوي
قساوة الزمن القاسي
صوتك فاضح .
نباح كلاب الامن
وغدر نفاق
القالو رفاقي.
شماتا تشفق.
مره تمحن.
وساعات تضحك
لامن تفضح دواخل
الكزاب
وطارح نفسو مناضل.
قايتو مرات تشوفي
حاجات تجنن.
تعرفي انا اصلي.
بي ريدك اجاوزت
كل احقاد الناس.
بي خاطر مصدوم
ومنهم ساخر.
ومتناسي تفاهت
الدنيا.
واتصالحت فيك
مع نفسي.
وباريت خطوات
فرح حلم الطفل
الجواي.
لامن لقيتو ماشي
عليك.
مره يحبو
ومره يشابي.
عشان يتاوك لي
بزرة الحب الفي
غناك.
نابتة بين رموشك.
ومسقية من موية
دموعك.
ورجعت من تاني
وارتاح في صدر
فيض حنانك.
واغرق في موج
بحر عشق
لونو احمر.
عاصف وجد.
مداهو ما ليهو
حد.
وملامحي جواك اتلقت.
فنانة وشاعر
بشارة نبي
وقبس اله
28/6/2007
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
أتخيل
كدي أتخيل زى كأنك في بحر ميل
وشتت ليك رزاز الموج أوهام
وغنت ليك ضفافو الريد الألم
وشدت ليك من حبال الشوق سفن
توديك لي مدن أحزان
تخيل والبحر ليل
ومن ظلمو تشوف
جزر المحبة طشاش
تخاصمك موجة ممتدة
تصارعك وأنت تتحدي
وتفكر ليها تتحدى
يلازمك حسرة الإحساس
تلاعبك ريح
وتزيد في الفؤاد تجريح
تحاول أنت تصيح
تموت جواك الصخرة
ونشوف في الموت
مركب خلاص
5 / 12 / 2005
| |
|
|
|
|
|
|
|
|
|
Re: حيكون أجمل (Re: مدثر محمد ادم)
|
عصفورة
******
جلسنا في ضل السحاب
نغني
انا والصحاب
ولمة رفاق
وكانت عصفورة
بي جمال صوتا
ونغم حب
مدوزن عصب وتر
البوح
من حنين الشوق
وتردد اجمل ماقاله
مصطفى من فني
لهذاء الوطن كانت
تغني
لاتوعد شعبه بالتمني
كانت تصنع لحظة التجلي
للاطفال كانت تغني
للجوعى والكادحين تغني
وبصوت خطوات اقدام عمال
تغني
وكان كلي معاك
ملبش بي ريدك
حنين حسك بيغني
وياعصفورتي الغناء
طيري وانشدي لحن
الحرية
في الفضاء
وقولي بي نفس صوت
واضح
للذين يوزعون الظلم
باسم الله في الطرقات
احنا ثورة بركان
قائده في صدور
عبن الغبش
وقومة فورة دخان
الناس التحت
عجاجو مابتلحق
وغضب عرق جبين
كادحين
زعلو ما بنهبش
وين تمشي منو
ياظالمتمش
نحن من صلب هذاء
الوطن
وانتم بالتبنئ
زكريهم بروح عم
عبدالرحيم
ودم علي فضل
ودعوات عمنا الحاج
ودعجبنا
وحطمي بالغناء زنازين
العساكر
ولاتخافئ
فخلفك جيلأ ثائرأ
فاطمئني
ياعصفورتي اشعلي
بالعناء
نار القضية
وعوزينا بكلات مصطفى
الماهانية
واطربينا بي غناوي
الغبش الفغرية
شائف روحو جواك حية
وانتي بتعني
ياعصفورة غني لينا
واحنا ماشين لي قدام
غني لينا واحنا داخلين
عمق الصدام
غني لينا عشان نزرع
في وطنا السلام
وغني لينا عشان نمحو
عن ارضو الظلام
ويلاه يا عصفورة غني
صوتي في حسك انحس
ويلاه غني
وانا معاك بي احر
نفس بغني
بجيك شائل معاي في
ايدي ضل سحاب
رامي علي ضؤ الشمس
شبال
عشان تاني تعني
****
كتبت في 6/مارس/200/
وعدلت في 11/12/2007
| |
|
|
|
|
|
|
| |
ماجدة عوض خوجلى
Elawad Eltayeb
هند محمد
محاسن أحمد محمد
خضر حسين خليل
naeem ali
Muna Khugali
فيس بوك
تويتر
انستقرام
يوتيوب
بنتيريست