|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: سيف النصر محي الدين محمد أحمد)
|
شفتي التهميش ده حار كيف يا كوزة ؟
سطر الوفيات كيف معاكم ؟
غايتو يا ميادة اليومين دي ما براك
ياخ مش كفاية علينا بوستات عمنا العائد داك المعتره لينا في الصفحة الاولى
مره كان عندو خمستاشر بوست في الصفحة الاولى
سبعة منهم عناوينم شتايم
قراية العنوان ساي كان حتفسد اخلاقي
كمان عاوزة ترفعي لينا بوستات شجب لاوكامبو ؟
ــــــــــــــ
سؤال يا ميادة ..
بالجد
ليه التركيز على اوكامبو كانو الزول ده كابوي جا شايل مسدسو ؟
الزول ده مش موظف ممكن هسه يمشي و يجي غيرو ؟
المشكلة اسمها المحكمة الجنائية الدولية مش كده ؟
| |
 
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: حمور زيادة)
|
سلامات يا حمور زيادة
مشتاقين وكدا
| Quote: شفتي التهميش ده حار كيف يا كوزة ؟ |
نشجب
وندين
ونستكر
التهميش .... وكدا
| Quote: غايتو يا ميادة اليومين دي ما براك |
قرقرقرقر
صدقت في دي
راحية لي شكلة بس
Quote: سؤال يا ميادة ..
بالجد
ليه التركيز على اوكامبو كانو الزول ده كابوي جا شايل مسدسو ؟
الزول ده مش موظف ممكن هسه يمشي و يجي غيرو ؟
المشكلة اسمها المحكمة الجنائية الدولية مش كده |
دا سؤال مهم
اوكامبوا لا يعنينا في شئ
هو في النهاية موظف
بنفس الفهم والقدر
ليه تركيز الاشخاص المؤيدين لاعتقال الرئيس البشير ليه تركيزهم في شخص الرئيس
ما بنفس الفهم عمر البشير دا شخص على راس الجهاز التنفيذي
وممكن يمشي بيتهم....
وتظل السياسات الشايفناها سالبة كما هي سالبه
يعني ما اعتقد انو بذهاب البشير ستتغير الامور بين يوم وليله
*** تخريمة
قلت لي ليه التركيز على اوكامبوا
لانو غايظني ما عنده شغلة وعايز يعمل مشهوووووووور على اكتاف قضية دارفور
(الوشوش ما شغاااااااالة يا بكري ابو بكر)
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: mayada kamal)
|
Quote: صدقت في دي
راحية لي شكلة بس |
رد الله غربة ام حازم
Quote: ليه تركيز الاشخاص المؤيدين لاعتقال الرئيس البشير ليه تركيزهم في شخص الرئيس
ما بنفس الفهم عمر البشير دا شخص على راس الجهاز التنفيذي
وممكن يمشي بيتهم....
وتظل السياسات الشايفناها سالبة كما هي سالبه
يعني ما اعتقد انو بذهاب البشير ستتغير الامور بين يوم وليله
|
كلام سليم في اخرو
السياسات فعلا قد ما تتغير ..
لكن الاتهام لازم يتوجه نحو الاشخاص الليهم علاقة بالتهمة
يعني انتي عاوزة المحكمة الجنائية تسوق حتى وزير البيئة ؟
الموضوع اتهام للاشخاص العندهم علاقة بالتهمة
لازم يتشخصن
لكن الاتهام ما موجه من شخص
موجه من مؤسسة دولية لاشخاص
فهي ما مبارزة البشير ضد اوكامبو
هي اتهام من مؤسسة دولية ( محايدة او منحازة ) لمتهمين ( يعني اشخاص)
المهم خلينا من اوكامبو
نرجع ليك
مشتاقين و الله و الله يفش ليك شكلك
| Quote: (الوشوش ما شغاااااااالة يا بكري ابو بكر) |
ما تشغل ليها الوشوش كلو كلو الكوزه دي يا بكري
| |
|
|
|
|
|
|
|
|
 Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: rosemen osman)
|
إزيك يا روزمين يا عسل
والله زعلانة للان لاني ما قدرت اشوفك في زيارتك الاخيرة للسودان
Quote: ههههه تعرفى يا ميادة فكرت أقول للكيزان يعملوا جمعية لحماية حقوقهم كبنى آدمين فى المنبر
ياخى ديل بتبهدلو آخر بهدلة |
على قوول عادل امام
نحن بنتببببببببببببببببهدل
والغريبة المنبر مسطر فووووووووق في الواجهة
منبر الحرية والديمقراطية والشعارات البراقة ديييييييييك
ويييييييييييين ناس حقوق الانسان والناشطين
اسسسسسسسسسع دي دايرين نصيبنا في البورد دا
سعيدة بمرورك من هنا
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: إبراهيم سليمان)
|
الاخت ميادة
هل تعلمين الكيزان ديل بكونوا مبدعين متين؟ لمن يسرقوا كتابة زول تاني
اتخيلي اي سرقة ادبية في سودانييز اون لاين كانت من كوز او اسلامي ، وعلي راسهم فدوي الشريف
التي قامت في يوما ما بسرقة موضوع ، وعندما طلع انو ما حقها قالت انو هي نست كتابة اسم المرجع ، وقامت
مجموعه من الاعضاء والعضوات بالدفاع عنها ،، فقط خلال يومين سرقت مره ثانية ،،، وبرضو اكتشقوها
ابداعكم في السرقة ، لكن ما عندكم اي حاجة اصيله ، في عدم الحياء وقوة العين
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: حامد محمد حامد)
|
لووووووووووول يا ميادة با بتي انت اسمك تم اعتماده في آخر قائمة؟
انا لقيت اسمي مافي
عشان كدا بكري وضع بوستي دا لمدة كم ساعة
من هذا الطافر كالجبل الأسمر ؟ وداعا شيخنا
بدون غرور افضل بوست اتكتب في الاحتفاء بالشاعر الكبير المرحوم
النور عثمان ابكر في كل البوردات السودانية
. بالله كم ساعة ويبدو طلعت قائمة جديدة اسمي نزل فيها
لقيت ليك البوست المهم جدا جدا جدا الذي يثبت حق النور عثمان ابكر في
انه اول من استخدم مصطلح الغابة والصحراء في شعره في السودان
لقيتو اتشال ذي العجب...
بعدين حتل لثقله في الصفحة 5..
وياها دا حال المنبر الضعيف بقيف والسمن بيقع..
اها عاد البوست دا حيلم ليك السنمبر قالو بدرسوهم في الجبهة الديمقراطية يحللو
نوع تحليل اي زول راكب موتر في الامن.. العربي اللبيع الالوب والحمريق والطلح والشاف
القاعد جنب الدكان في الامن لمراقبة فنطوط الخطير جدا الطالب في جامعةالخرطوم
والبت دي كوزة رغم انها ما لابسة حجاب عشان تستخدم جمالها في الايقاع بفناطيط
الجامعة عشان ما يقلبو الحكومة..
واخطر تحليل الما معانا كوز,
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: د.نجاة محمود)
|
غايتو والله الكيزان ديل ما بيخجلوا كلو كلو ..
بالله عندكم كم قناة فضائية وكم جريدة ووزارة اعلام ووكالات أنباء وكم محطة راديو وجهاز أمن يخنق وبفطس في مقالات الآخرين ليل نهار وبعد دا دايرين تتصدروا حتة الموقع الالكتروني الصغيروني دا ، وكمان دايرنها "كوتة" من غير إبداع؟!!!
غايتو بقت عليكم حكاية الآية الكريمة (ان هذا اخي له تسع وتسعون نعجة ولي نعجة واحدة فقال اكفلنيها وعزني في الخطاب) ..
عمر
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: Omer Abdalla)
|
Quote:
غايتو والله الكيزان ديل ما بيخجلوا كلو كلو ..
بالله عندكم كم قناة فضائية وكم جريدة ووزارة اعلام ووكالات أنباء وكم محطة راديو وجهاز أمن يخنق وبفطس في مقالات الآخرين ليل نهار وبعد دا دايرين تتصدروا حتة الموقع الالكتروني الصغيروني دا ، وكمان دايرنها "كوتة" من غير إبداع؟!!!
غايتو بقت عليكم حكاية الآية الكريمة (ان هذا اخي له تسع وتسعون نعجة ولي نعجة واحدة فقال اكفلنيها وعزني في الخطاب) ..
عمر |
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: Omer Abdalla)
|
Quote: غايتو والله الكيزان ديل ما بيخجلوا كلو كلو ..
بالله عندكم كم قناة فضائية وكم جريدة ووزارة اعلام ووكالات أنباء وكم محطة راديو وجهاز أمن يخنق وبفطس في مقالات الآخرين ليل نهار وبعد دا دايرين تتصدروا حتة الموقع الالكتروني الصغيروني دا ، وكمان دايرنها "كوتة" من غير إبداع؟!!!
غايتو بقت عليكم حكاية الآية الكريمة (ان هذا اخي له تسع وتسعون نعجة ولي نعجة واحدة فقال اكفلنيها وعزني في الخطاب) ..
عمر
|
ومالو يعني
سودانيز اونلاين حقتكم دي كتيرة علينا
ابسط حاجة عملا بشعار موقعكم المرفوع في راس الموقع
لابد من بسط الحريات والمساوة بين الاعضاء
وكان صعبتوا علينا بنجيبكم بالتوالي زي الاحزاب السياسية
*** تخريمة
صورة بروفايلك دي هل هو بيت في السجانة فاتح شمال
بشبه بيت هناك ليه وقع خاص عندي
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: mayada kamal)
|
<font size=4 color=green>
Quote: *** تخريمة
صورة بروفايلك دي هل هو بيت في السجانة فاتح شمال
بشبه بيت هناك ليه وقع خاص عندي |
الأخت ميادة
تحية طيبة
وشكرا على السؤال
هذه الصورة هي واجهة منزل الجالوص الذي كان يقطنه الأستاذ محمود وهو نفس المنزل الذي سعى نميري وبطانته (من الكيزان) لمصادرته بعد حكمهم على الأستاذ محمود بالاعدام إبان اصدار الجمهوريين لمنشور "هذا أو الطوفان" والذي عارضوا فيه تطبيق قوانين سبتمبر التي لم يجد الشعب السوداني منها غير السيف والسوط .. بعد الانتفاضة حكمت المحكمة العليا ببطلان الحكم وأرجعت المنزل لأسرة الأستاذ محمود ..
عمر
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: د.نجاة محمود)
|
يا دكتورتي نجاة
صبحاحاتك نواضر
كيفك يومه
Quote: لووووووووووول يا ميادة با بتي انت اسمك تم اعتماده في آخر قائمة؟
انا لقيت اسمي مافي
عشان كدا بكري وضع بوستي دا لمدة كم ساعة
من هذا الطافر كالجبل الأسمر ؟ وداعا شيخنا
بدون غرور افضل بوست اتكتب في الاحتفاء بالشاعر الكبير المرحوم
النور عثمان ابكر في كل البوردات السودانية
. بالله كم ساعة ويبدو طلعت قائمة جديدة اسمي نزل فيها
لقيت ليك البوست المهم جدا جدا جدا الذي يثبت حق النور عثمان ابكر في
انه اول من استخدم مصطلح الغابة والصحراء في شعره في السودان
لقيتو اتشال ذي العجب...
بعدين حتل لثقله في الصفحة 5..
وياها دا حال المنبر الضعيف بقيف والسمن بيقع..
اها عاد البوست دا حيلم ليك السنمبر قالو بدرسوهم في الجبهة الديمقراطية يحللو
نوع تحليل اي زول راكب موتر في الامن.. العربي اللبيع الالوب والحمريق والطلح والشاف
القاعد جنب الدكان في الامن لمراقبة فنطوط الخطير جدا الطالب في جامعةالخرطوم
والبت دي كوزة رغم انها ما لابسة حجاب عشان تستخدم جمالها في الايقاع بفناطيط
الجامعة عشان ما يقلبو الحكومة..
واخطر تحليل الما معانا كوز, |
لنا فخر انو نكون معاك/م في المنبر
وما تشتغلي بيييييهم
شنو يعني لو ما رفع لينا بوست
وفي نفس الوقت
منح حقنا ان نسووود في هذا المنبر
ومع مرور الوقت راسنا براسهم (الوشوش ما شغااالة يا بكري)
| Quote: وياها دا حال المنبر الضعيف بقيف والسمن بيقع.. |
الله عليكي
ذكرتي ايام اللعب قدام البيت
انا طبعا كنت بلعب مع اولادنا
وكنت بكجن ليكي البنات وما بحب العب معاهم زاتو
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: رقم صفر)
|
Quote: الاخت ميادة
هل تعلمين الكيزان ديل بكونوا مبدعين متين؟ لمن يسرقوا كتابة زول تاني
اتخيلي اي سرقة ادبية في سودانييز اون لاين كانت من كوز او اسلامي ، وعلي راسهم فدوي الشريف
التي قامت في يوما ما بسرقة موضوع ، وعندما طلع انو ما حقها قالت انو هي نست كتابة اسم المرجع ، وقامت
مجموعه من الاعضاء والعضوات بالدفاع عنها ،، فقط خلال يومين سرقت مره ثانية ،،، وبرضو اكتشقوها
ابداعكم في السرقة ، لكن ما عندكم اي حاجة اصيله ، في عدم الحياء وقوة العين |
الاخ رقم صفر
وجه رؤيتك بدوووون ما تذكر أسماء بعينها لو تكرمت
ودا ما مووضوعناالان
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: بشير أحمد)
|
الاخ بشير احمد
تحيا طيبة وكدا
Quote: الاخت/ميادة
تحياتي؛؛؛
والله الكيزان مبدعين جدا؛
هو عليكـ الله لو ما مبدعين ماسكين بلد بحالها ؛وخلو ليك المناتلين يناتلو
الاعمي شايل المكسر ؛ويزازو بالخلا .
والبورد ده ماتحلمي بي بوست مثبت فوق زي سواق البنطون وكاتبو كوز .
الغريبة المناتلين ديل يتكلمو ليك عن الحرية والديما جايطة
والواحد في نفسوا ماديمقراطي .
___________
فاقد الشئ لايعطيه. |
هم حيكونوا احسن من الجابوا الديمقراطية زاتها
ديل بيظلوا يتشدقوا بها ولمن تجي عندنا بتقيف
بس نحن نفسنا طويييييييييل
واكيد حنسود عالم سودانيز اوونلاين
وحنعلمهم الديمقراطية غصبا عنهم
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: Kostawi)
|
Quote: لقيت ليك البوست المهم جدا جدا جدا الذي يثبت حق النور عثمان ابكر في
انه اول من استخدم مصطلح الغابة والصحراء في شعره في السودان
لقيتو اتشال ذي العجب...
بعدين حتل لثقله في الصفحة 5.. |
سلام يا د.بيان
فعلاً كان بوست مهم لكن مسألة الجدود التلاتة ( جدا جدا جدا ) دي جدلية و تفرق من تقييم لتقييم مش ؟
مثلاً انا بالنسبة لي كانت ثابتة من عُرفت بالشاعر الكبير النور عثمان ابكر بانه مؤسس ( تيار ) الغابة و الصحراء . . . يعني اثبتي لي ثابت يبقى في جدين - على الاقل - سقطوا صرعى بتثقال الحمولة على شيبتهم . . .
ذكرتيني سؤال كان حاقص لي خلال ايام الرحيل المر دي . . .
باستثناء بعض الاشراقات ( احمد الامين احمد . . . فضيلي جماع و خطاب ) نموذجاً غير حصري . . . الجماعة وقعوا ليك آيات و ادعية للفقيد
سؤال لمفتيي الديار الاسفيرية
الدعاء المكتوب و نقل القرآن كنصوص مكتوبة فيه أجر للميت او للحي ؟ و لا دي بدعة اسفيرية جديدة ؟
في تأبين عثمان حسين اقامته " رابطة منتديات الراكوبة في جدة " دار جدل عظيم حول انو يأبن زول بالغناء مشروعيته من عدمها . . . طيب زول نذر حياتو للغناء يحيوا ذكراه بشنو ؟
النور عثمان ابكر يستحق من ( كتاب ) سودانيز اون لاين اكثر من نسخ و لزق الادعية المأثورة . . . و لا ماكدا يا شباب ؟
بوستيك المشأر اليه يستحق مهم جداً في تقديري
انتي قايلة مشروع الصحبة داك ما فيهو اجندة خفية ؟ صديقتنا المشتركة شادية عبد المنعم هادياني عليك في شأن الغابة و الصحراء دي ذاتا . . . بالمناسبة غزيت وتدي في البوست المعني
انت ما مصنفة كوزة يا دكتورة - على الاقل عندي - عشان كدا كل النقاش دا ما عندو علاقة ببوست الظلامية ميادة دا
ميادة ازيك ياخ
انا اثني و اثلث على الاقتراح بتثبيت البوست دا لاختنا الظلامية ميادة عشان تفكنا منها يا بكري
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: قيقراوي)
|
Quote: والله الكيزان مبدعين جدا؛
هو عليكـ الله لو ما مبدعين ماسكين بلد بحالها ؛وخلو ليك المناتلين يناتلو
الاعمي شايل المكسر ؛ويزازو بالخلا .
|
وهل هذا هو الابداع ؟ان تشرد الناس بالخلاء وتجعلهم يزازون هو ابداع؟ وهل وفقاً لهذا التعريف
اخترت فريقك الذي تساند ؟مبروك اختيار فريق المبدعين ....
اذا تابعت كلام رفيقتك عن الديمقراطية بعين مفتوحة وعقل عاطب لادركت انها اعظم اعداء الديمقراطية
والحرية فهاك كلامها اعلاه واعد القراءة كرة واحدة وانت ناعس العينين.
Quote: بس نحن نفسنا طويييييييييل
واكيد حنسود عالم سودانيز اوونلاين
وحنعلمهم الديمقراطية غصبا عنهم |
ولاحظ غصباً عنهم دي وشوف ديمقراطيتها الاصلية ....
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: عمر صديق)
|
يا للاحراااج
اها يا ميادة لما رفعوا ليكم بوست حذفوا منو كلمة عشان مشاعر القراء و ادب الكلمة
في داعي كان للكلام ده ؟
ياخ كان اخير ما يرفعوا ليكم حاجه بدل البشتنة دي و مقص الرقيب.
اخونا اب صلعة ختاها ليكم
تاني لو فتحتو خشمكم بيقول ليكم بوستاتكم محرجة و تجافي الذوق العام و يمكن يقول كمان خادشة للحياء
اقول ليك حاجه ..
بما اني حصل لي شرف التوب تن ده كم مره قبل كده فرايك شنو تمسحو لي شنبي و ابقى كوز و بكده تاخدو نصيبكم في بوستاتي ؟
احسن لي اتكوزن* من اكون لافي ساي كده لا الى هؤلا و لا الى هؤلاء
ـــــــــ
* اتكوزن دي بقت لي زي اتحجب
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: فايزودالقاضي)
|
الاخ ود القاضي
Quote:
الاقصاء والتهميش متجذر في الوعي الاجتماعي والسياسي السوداني وربما برعت الانقاذ في ممارسته بكل اشكاله وباقصي سبله والآن ورغم المرواغه التي تمارسها الانقاذ الا ان الفرصة متاحة للتغيير عبر الحضور والضغط من القوي الاخرى دون اللجوء الي ممارسة الاقصاء المضاد في المنابر ، فم الذي يمنع ان يكون الحوار مفتوحاً وبحضور الجميع ...ولتكن المقارعة بالحجة ..والديمقراطيه لينا وعلينا ..
قالوا لواحد في صف الصلاة ياشيخنا لصق رجلينك دي عشان الشيطان مايخش بينها ..قال ليهم : طيب خلوهو يمكن ربنا يهديهو .. فخلوا الجماعة موجودين يمكن ربنا يهديهم ...
(عدل بواسطة فايزودالقاضي on 10-02-2009, 08:38 ص)
|
ما قامت به الانقاذ تتحمل مسئوليته الانظمة اللي سبقته واللي السبب في مجئ الانقاذ للسلطة
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: قيقراوي)
|
قيقا يا صاحبي
ما تسمع كلام شادة عني.. شادية دي شهادتها مجروحة وكابة الدم
اختى نمرة اربعة..
بعدين تيار ولا مدرسة دا فيه كلام كثير شديد
لانه المدرسة ممكن تكون تيار به تنظير وابداع
وهذا ما حدث في الغابة والصحراء اذ هناك كثير من التنظير
بعدين هناك سمات متشابهة فيهم جميعهم. اناحصرت اهمها
ودللت عليها من الابداعات..
مشكلة الغابة والصحراء حدث تنصل جماعي منها
الشخص الوحيد الكان صادق للنهاية هو النور عثمان ابكر
بعدين معلومة النور عثمان هو اول من استخدم المصطلح
ما حاجة معروفة لو رجعت للمقابلة الاتعملت معاه
حتلقاه عايز يثبت النقطة دي..
ربما انت لانك عندك فكرة عنها بقت المعلومة ما مهمة
لكن لعدد كبير جدا دي اثبتت ليهم انه هو اول من استخدم
مصطلح غابة او صحراء
وبحثي هذا هو اول بحث اكاديمي رجع للاصول ذي ما قال واحدفي حملة تبخسية
لمت ليها كلام جرائد
لكن كلام الجرائد ما اتلمى بالساهل ابدا ابدا
في بلد ذي السودان ودار وثائق ذي حقت السودان
ربما في المستقبل تدرس الغابة والصحراء من عدة اتجاهات..
لكن يبقى بحثي هذا هو البحث الرائد.. اي دراسة دون ذكره تعد ناقصة
لان الرترشر رفيو ناقصة..ولم يرجع للدراسات السابقة
يلا كدا نرفع اهمية البحث لجدا مية مرة...(وش مادي لسانو)
حكاية ما كوزة دي بتجيب ليك مشاكل مع الرباطة تبع الجبهة الديمقراطية البتعلم التحليل
حق اي بتاع موتر امنجي..واي زول ما معانا كوز
هنا يا تبقى طيرة مبارية سيرة
يا اسع يطلعوك كوز انت قايل تمبس بتاع الجبهة الديمقراطية
دا بقى كوز كيف؟؟؟ وبيان بقت كوزة كيف؟
ما بجنس الكلام البتسوي فيه دا(وش ضاحك)
مع التحية والمودة لك..الله يمرقك يا ود مي من غاغة
الجماعة..
| |
|
|
|
|
|
|
|
|
 Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: Deng)
|
ميادة يا بت كمال
والله العافية درجـــات ...غايتو فى لحظــة تجلــــــى إسفيريــة
تم رفــــع بوســــت الى احــد الكيزان فوووووووووووووووووووووق
اخوك مــا صــدق قام فاتــح بوســـت فرائحـــى / إحتفالـــى
طوالـــى البوســت الفرائحى قام قتـــس ليك بوست ود فرح وداهــو الشارع الثالث
وبعد داك البوســـت الفرائحـــى حقـــى قام زعــــل وحــرد وتلــب من البورد وقــع فى خــور شمبات
.........
غايتـــو بعد كــدى الا نفرح ســرا ..
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: المكاشفي الخضر الطاهر)
|
Quote: العافية درجـــات ...غايتو فى لحظــة تجلــــــى إسفيريــة
تم رفــــع بوســــت الى احــد الكيزان فوووووووووووووووووووووق
اخوك مــا صــدق قام فاتــح بوســـت فرائحـــى / إحتفالـــى
طوالـــى البوســت الفرائحى قام قتـــس ليك بوست ود فرح وداهــو الشارع الثالث
وبعد داك البوســـت الفرائحـــى حقـــى قام زعــــل وحــرد وتلــب من البورد وقــع فى خــور شمبات
|
هههههههههه
غايتوا الا نفرح سرا دى ابدااااااع
دى الكانت تترفع ليها ... بوست
يديك العافية ....
ميوووودة ازيك مشتاقين وكده ....
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: ناهد بشير الطيب)
|
Quote: الدعاء المكتوب و نقل القرآن كنصوص مكتوبة فيه أجر للميت او للحي ؟ و لا دي بدعة اسفيرية جديدة ؟
في تأبين عثمان حسين اقامته " رابطة منتديات الراكوبة في جدة " دار جدل عظيم حول انو يأبن زول بالغناء مشروعيته من عدمها . . . طيب زول نذر حياتو للغناء يحيوا ذكراه بشنو ؟
النور عثمان ابكر يستحق من ( كتاب ) سودانيز اون لاين اكثر من نسخ و لزق الادعية المأثورة . . . و لا ماكدا يا شباب ؟ |
نجاوبك على هذا الامر..
تعرف انا ما حسيت باهمية هذه الاشياء والادعية التي تكتب الا عند وفاة الوالد رحمه الله في مارس
اي دعاء كتب حسيت بكاتيتوااو كاتبوا دخل يدو في قلبي واخد جزء من حزني..
انا بقرا واحس انه الله سبحانه وتعالى سيرحم والدي وحسيت انه هناك مشاركة كبيرة
من اخوات و اخوة لم اراهم في حياتي ولم يراهم ابي ولم يسمع بهم
كل هؤلاء دعوا له وشاركونا حزننا العظيم,,
اما الذين اتصلوا ديل خليهم ساكت ربنا لا جاب يوم شكرهم
لقد مات ابي رحمه لا شئ يرجعه لنا ولكن جمع قلوب الناس حولنا..
بوستات العزاء هي الوحيدة التي تجمع كل الناس بمختلف مشاربهم واختلافاتهم
وزعلهم..
من اليوم داك حرصت ان اشارك في كل بوستات العزاء
عشان عارفة بتعمل شنو في الزول..
وربنا سبحانع تعالى والرسول ص
وصانا دائما بحق المسلم على المسلم
ولم يحدد كيفيتها بلصق هذه الادعية يحق المسلم حق المسلم بانه يعزيه ويخفف عليه مصابه
ومن مجرب لها ابلغ الاثر والله..ربنا ما يخليك تجربها في عزيز لديك
ونتمنى هذه الدعوات يتقبلها الله سبحانه وتعالى لان بها اخلاص..
والدعوة للميت واجبة..
الشيخة بيان مفتي الديار الاسفيرية..
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: د.نجاة محمود)
|
Quote: ومن مجرب لها ابلغ الاثر والله..ربنا ما يخليك تجربها في عزيز لديك
ونتمنى هذه الدعوات يتقبلها الله سبحانه وتعالى لان بها اخلاص..
والدعوة للميت واجبة..
الشيخة بيان مفتي الديار الاسفيرية.. |
جربتها و اختبرت الاتكلمتي عنه يا دكتورة
ايه الدنيا ايه غير لمة ناس في خير او ساعة حزن ؟
و فعلاً ما في ما يخفف على الواحد من فقد عزيز زي مشاركة الناس له
و بالتأكيد الواحد بيقرأ بنفسياته هو
لكن دا ما القصدتو . . .
كانت ابداء عشم في انو الواحد يشوف اكتر من ناس عندها القدرة على اكتر من قص و لزق
| |
|
|
|
|
|
|
|
|
|
Re: الكيزان دييييييييييل ولا مبدعين ولا بعرفوا يكتبوا !!!!!!!!!!!! الدليل قدااامكم (Re: عز الدين بيلو)
|
Quote: قر قر قر قر
والله ضحكتيني لكن يا ميادة
كيزان شنو البعلقوا ليهم بوست فوق
إنت بتحلمي |
سلامات اخوي عز الدين بيلو
بس ما تئسوا... ولازم تسودوا المنبر ...
والمنبر اليوم ... ما زي المنبر بالامس القريب
تعرف بتخيل حيكونوا زي شنو
زي الزنوج في امريكا زمن مارتن لوثر كنج ووو الكانو بعملوا فيهم
واليوم شوف الزنوج هم الحاكمين امريكا
وهم البدوهم ادوار البطولة في الافلام الكبيرة
وهم النجوم
وهم اصحاب المال الى حد ما
ولا شنو
| |
|
|
|
|
|
|
| |
mayada kamal
عاطف عبدون
حمور زيادة
خضر حسين خليل
rosemen osman
omer almahi
بشير أحمد
إبراهيم سليمان
رقم صفر
حامد محمد حامد
Omer Abdalla
Hisham Osman
بدر الدين اسحاق احمد
Kostawi
قيقراوي
ibrahim alnimma
فايزودالقاضي
علاء الدين يوسف علي محمد
عمر صديق
Deng
المكاشفي الخضر الطاهر
ناهد بشير الطيب
دوت مجاك
khalid fahmi
عز الدين بيلو
فيس بوك
تويتر
انستقرام
يوتيوب
بنتيريست