|
تساقط من شعرها وصدرها .. ضبط فتاة بمطار الخرطوم تقوم بتهريب البنقو الى الامارت منذ 4 سنوات
|
ضبطت السلطات الامنية بمطار الخرطوم فتاة في العقد الثاني من عمرها اثناء مغادرتها الى دولة الامارات وقالت مصادر شرطية ان الفتاة تم توقيفها بصالة السلامة .. لاحظ صالة السلامة .. يعني مرت بسلام .. وصالة السلامة هي الصالة المنها والطيارة مما يعني تجاوزها لكافة نقاط التفتيش .. نرجع للخبر .. وفي صالة السلامة سقط قندول بنقو من رأسها .. نعم قندول .. وليس قطعة .. وحاولت الهرب وبعد اخضاعها للتفتيش وجد بحوزتها ثلاث قنايل بنقو اخرى اخفتها في شعرها وصدرها .. التحقيقات اكدت ان المتهمة عضو في شبكة لتهريب المخدرات وانها ظلت تمارس عملها منذ اربعة سنوات خلت .
مطــاااار الخرطوم ..
المصدر : صحيفة حكايات
|
|
|
|
|
|
|
|
Re: رد (Re: SHIBKA)
|
يا فردة بالله القندول ده بقى حاجة غالية يجازفوا عشانوا للدرجة دي
الغريبة البنات ذاتن دخلن الكار
الصور وين
| |
|
|
|
|
|
|
Re: رد (Re: SHIBKA)
|
Quote: والله يامعتصم حكايات دي بتحسسني اننا ما نحن |
سلامات يا شبكة ..
شوفي عناوين اخبار حكايات بتاعت الليلة وفي الصفحة الاولى فقط ..
1- مقتل طالب اساس بعد تعرضه للجلد برفاعة ( رفاعة ) . 2- العثور على جثة مواطن متوفيا قبل عامين بحلفا وبجواره جواز سفره وعملات( حلفا القديمة ) . 3- عاشقان يستغلان مرافقتهما لمريض ويمارسان الفاحشة داخل العنبر(الخرطوم ) . 4- متشرد يقتل زميله ويترك جثته بمقابر البكري ( امدرمان ) . 5- مواطن يطلق الرصاص على زوجته ويجهز عليها بالسكين . ( امبدة امدرمان )
يعني القصة ما قصة جريدة حكايات القصة قصة الحكايات ...
الرد مكرر للاخ عبد الله كع ..
| |
|
|
|
|
|
|
Re: تساقط من شعرها وصدرها .. ضبط فتاة بمطار الخرطوم تقوم بتهريب البنقو الى الامارت منذ 4 سنوات (Re: مهند عبدالسلام)
|
انا لله وانا اليه راجعون ,,,
حال هذا البلد اصبح في مهب الريح ,,,
اغتصاب للاطفال وتهريب نساء للمخدرات ,,,
حسبنا الله ونعم الوكيل ,,,,,
| |
|
|
|
|
|
|
Re: 1 (Re: Deng)
|
لسة انتو شفتوا حاجة
القروش تخلي الانسان يعمل اكتر من كدة
يعني دى حاجة بسيطة لكي تعيش وتربي الباقيين
الله يكون في عونكم
اي زول بتحاسب لوحدو
| |
|
|
|
|
|
|
Re: 1 (Re: Deng)
|
Quote: ده بنقو ولا دهن كركار? |
انت من زمن الكركار ياخ انت قديم قدم
| |
|
|
|
|
|
|
Re: 1 (Re: عبدالوهاب علي الحاج)
|
Quote: انت من زمن الكركار ياخ انت قديم قدم |
قرقرقرقر يا عيد الوهاب ..اصبحت اختصاصى فى الزول دا!!!! تحياتى على تاج الدين على
| |
|
|
|
|
|
|
Re: 1 (Re: على تاج الدين على)
|
انا لله وانا اليه راجعون ,,,
حال هذا البلد اصبح في مهب الريح ,,,
اغتصاب للاطفال وتهريب نساء للمخدرات ,,,
حسبنا الله ونعم الوكيل ,,,,,
| |
|
|
|
|
|
|
Re: 1 (Re: يسرى معتصم)
|
Quote: نرجع للخبر .. وفي صالة السلامة سقط قندول بنقو من رأسها .. نعم قندول .. وليس قطعة .. وحاولت الهرب وبعد اخضاعها للتفتيش وجد بحوزتها ثلاث قنايل بنقو اخرى اخفتها في شعرها وصدرها |
يا جماعة في زول عندو فكرة (طبعا ما قاصد شئ غير مجرد فكرة عن الأسعار يكون سمع بيها)القندول بي كم عشان يجازفوا بيهو و يقطعوا ليهو تذكرة للأمارات و يعملوا ليهو فيزا و الحكاية وراها شبكة يعني أقل شئ ثلاثة عاوزين يتقسموا العائد!! لو هيروين أو كوكايين ممكن يكون في معقولية لتناسب العائد مع المغامرة..الله يستر شماشي:
Quote: بعديت يا معتصم الاتساقط من شعرها دا عرفناهو. لكن المن صدرا دا كيف؟؟؟ يعني جا ناطي من تحت الفستان ولا جا مدردق بي تحت |
يا شماشي ما تحكها يمكن (سقطوهو) ما اتساقط.. تشكر معتصم على الأخبار المثيرة دي..بس ركز على الصور
| |
|
|
|
|
|
|
Re: 1 (Re: الحاج حمد الحاج)
|
Quote: و الحكاية وراها شبكة |
دة طعن واضح في زميلة لينا في البورد و هي الأخت صاحبة المداخلة الأولى في الموضوع دة SHIBKA و بالمناسبة هي مُقيمة في الأمارات يعني الكلام دة ممكن يلفِق معاها
عليك الله هسي كان نوّنتها كان مالو ؟
| |
|
|
|
|
|
|
Re: 1 (Re: علاء الدين يوسف علي محمد)
|
Quote: دة طعن واضح في زميلة لينا في البورد و هي الأخت صاحبة المداخلة الأولى في الموضوع دة SHIBKA و بالمناسبة هي مُقيمة في الأمارات يعني الكلام دة ممكن يلفِق معاها
عليك الله هسي كان نوّنتها كان مالو ؟ |
يا علاء عليك الله الكلام المشربك دا لزومو شنو؟؟؟ خليك واضح لو عندك حاجة
| |
|
|
|
|
|
|
Re: تساقط من شعرها وصدرها .. ضبط فتاة بمطار الخرطوم تقوم بتهريب البنقو الى الامارت منذ 4 سنوات (Re: طارق ميرغني)
|
Quote: فتاة في العقد الثاني من عمرها |
يعني في الطاشرات .. لحدي تسعطاشر .. لأنو في العشرين يبداء العقد الثالث .. صح ؟
طيب ..
Quote: وانها ظلت تمارس عملها منذ اربعة سنوات خلت |
لو إفترضنا إنها .. قول تسعطاشر .. آخر حد للطاشرات وليها أربعة سنوات بتمارس .. يبقى من عمرها خمسطاشر ... معقولة عمرها 15 وهي شغالة ؟؟
نجي لحتة غريبة شوية ..
Quote: وفي صالة السلامة سقط قندول بنقو من رأسها .. نعم قندول .. وليس قطعة .. وحاولت الهرب وبعد اخضاعها للتفتيش |
زولة إتخطت نقاط التفتيش والشرطة بقت وراها .. الهرب لزومو شنو والناس الحولها كلهم مسافرين .. خصوصاً زخبرتها 4 سنوات يعني متعودة دائماً؟؟ براااحة تشيل القندول وترجعو محلو .. أكان في الشعر وللا محل ما كان ..
.
| |
|
|
|
|
|
|
Re: تساقط من شعرها وصدرها .. ضبط فتاة بمطار الخرطوم تقوم بتهريب البنقو الى الامارت منذ 4 سنوات (Re: معتصم محمد صالح)
|
الأخ معتصم محمد صالح الخبر غير مستغرب طالما هي عضو في شبكة لتهريب المخدرات فضروري إنها تقوم بالتهريب ، لكين الشئ الغريب في الموضوع إنه تخت في رأسها الكبير داك قندول وقندولين بلا ثلاث قناديل بنقو يا جماعه دا رأس الرجاء الصالح ولا رأسبوتين أصلو. أما إجراءات السلامة والتفتيش في الصالة فحدث ولا حرج والله تدخل معاك أى حاجه وما في زول شغال بيك شغله كان الجهاز صفر ولا اللمبه علقت أو قالت بق ، ودا واحد من أسباب كثيرة بتخلي بعض شركات الطيران المغادرة لمطار الخرطوم تقوم بإعادة تفتيش الركاب على سلم الطائرة وقبل دخولهم كما يحدث للمسافرين على شركة الخطوط الجوية العربية السعودية
| |
|
|
|
|
|
|
Re: تساقط من شعرها وصدرها .. ضبط فتاة بمطار الخرطوم تقوم بتهريب البنقو الى الامارت منذ 4 سنوات (Re: ود الخليفه)
|
Quote: بس من باب العلم بالشئ القندول بي كم وفيهو كم جرام وهل هنالك انواع |
يا ابو عفان سؤالك دا ما منطقي واحتمال يجيب ليك (الطارة) .. البتاع دا لسه ما اعلنوهو .. .. والتصدير مفتوح للحوم.. البقوليات لسه ما نظرو في أمرهـا .. كل البعرفو عن البتاع دا .. إنو بقوليات إنت ممكن تسال عن (الكابسيتي) بتاعت القندول الواحد .. بصورة أوضح: واحد راس نووي .. ممكن يجهجه ليهو كم راس بشري ؟ .. طبعا الاستاندرد دا ما داخلين فوقو (الخفاف) ..
بعد المجازفة دي كلها .. الزولة دي قاعده تضوقو واللا بشتيل في العويش ساكت وتختو في راسه ..؟ غايتو يا ناس الامارات الضربتوهو طول الأربعة سنوات دا .. أريتو يعمل ليكم ( عنقره)
| |
|
|
|
|
|
|
Re: تساقط من شعرها وصدرها .. ضبط فتاة بمطار الخرطوم تقوم بتهريب البنقو الى الامارت منذ 4 سنوات (Re: tmbis)
|
يا معتصم جبتي الصور والقندول واقع من راسها ولا لسه قلنا نسلم عليك وين اساذ محي الدين ما شرف تحياتي له
يا مزمز ابو السابع وصحبه (ابو السباع ... ابو شيبه ... ابو بسبوسه... ابو سلك ..وابجلمبو ) الكوره الشاتوها من سوق العيش دا... الشاتها لابس نمره كم ؟؟ 6مليون دولار قاعده بره قاعد لي انا للمضرة !!!!!! الذمة بانت ... دعاء أئمة المساجد بدا مفعوله ... والتسوي كريت تلغي في اتراكو... دا التمهيدي الـ 32 وألـ 16 كيف يكون الحال !!!اما المجموعات تكتفوا بالتشريف!!!! ارجعوا الكونفيدرالية خير لكم قلنا ليك دا شعر ما عندكم ليه رقبة !!! جهجتوا المذيع الذي اصبح يرغو يبحث عن اعذار يخرجكم بها من ضجة وارغو !!!!!
| |
|
|
|
|
|
|
|