|
السنيــــــــــــــــــــن
|
يؤرخ السودانيون السنين بالاحداث العامه والخاصه فالخاصه يؤرخ لها
بي سنه حجه فلان او عرس فلان او موت فلان
اما الاحداث العامه فقد لاقت حظها من التوثيق والحفظ في الذاكره الجمعيه
مثلا سنه سته فالمعروف ا نها سنه 1306 هجريه حيث اصاب السودان قحط بعد انشغال الخليفه عبد الله بالحروب والفتن والجهاديه واهملوا الزراعه كما ضن المطر فاطلق عليها الناس سنه الجوع والجبه اشاره للقحط والمرقوعه اي جبه الانصار
|
|
|
|
|
|
|
|
Re: السنيــــــــــــــــــــن (Re: ود الخليفه)
|
سلامات
Quote: فيكم زول بعرف سنه الضلمه الاولانيه؟ |
غايتو أنا أهلي من امدرمان وبريد حكى الحبوبات ده. أها آدي قعدة لمن نشوف حكاية الضلمة الأولانية دي متين.
أنا بعرف الضلمة التانية، لمن قطعت الكهربا من نيويورك قاموا عملوا ليها فيلم!!
إيمان
| |
|
|
|
|
|
|
Re: السنيــــــــــــــــــــن (Re: ود الخليفه)
|
في العام 1951 حدث كسوف كلي للشمس في السودان واظلمت الارض حتي انقضي الكسوف فواصلت الشمس ما انقطع من حديث اقصد ما انقطع من ضؤ حتي غابت مساءا كالمعتاد
فاطلق الناس عليها سنه الضلمه الاولانيه اشاره لان هناك ضلاما ثانيا هو ضلام الليل الواحد دا
ايمان بت منو انتي في امدرمان؟
| |
|
|
|
|
|
|
السنيــــــــــــــــــــن (Re: ود الخليفه)
|
العام 1914 عرف باسمين اولهما سنه الدقيق لانه حصل جدب حتي ان الانجليز استوردوا الدقيق من احدي مستعمراتهم
وهي الهند
اما الاسم الثاني فهو سنه الدقنوس والدقنوس هو الراس الاقرع او الصلعه وشبه العام بالدقنوس لعدم نجاح الزراعه
والله اعلم
| |
|
|
|
|
|
|
السنيــــــــــــــــــــن (Re: ود الخليفه)
|
بعض الاحداث يكون تاثيرها محدودا فلا يعرف الا في نطاق
القريه او الفريق مثلا سنه رفاعه -بالتشديد- من رفعتهم السنه فهي سنه رفاعه
المكان احدي قري كردفان منتصف السبعينات هذه السنه كانت خير وبشر علي الناس
ورفعتهم من فقرهم فكانت رفاعه فتزوج كل اعزب في القريه
| |
|
|
|
|
|
|
Re: السنيــــــــــــــــــــن (Re: ABUKHALID)
|
ود الخليفة تحياتى وانا افتح البوست امتدت يدى الى السماعة وكنت امنى نفسى بالاستماع لاغنية السنين لكن وجدت معلومة جديدة رائعة بروعة اغنية السنين شكرا لهذه المعلومة اللهم زدنا علما
| |
|
|
|
|
|
|
Re: السنيــــــــــــــــــــن (Re: ABUKHALID)
|
سنه البشير دي اختلفو فيها الرواه
منهم من يقول انها سنه انقلابه علي الصادق
والراجح انها سنه انقلابه علي الترابي والله اعلم
اما سنه الطياره فاسقطت من التقويم الا ما يلحق بها من التعريف
سنه طياره الزبير سنه طياره ابراهيم شمس الدين سنه طياره جون قرنق طياره الحاج يوسف طياره بورسودان وما زال البحث جاريا واقترح ان يلغي التقويم الطياري لعدم جدواه لا السنين دي كلها كم سنه اذا كان بتقع في السنه الواحده عده طيارات والله اعلم
| |
|
|
|
|
|
|
Re: السنيــــــــــــــــــــن (Re: ود الخليفه)
|
ود الخليفة لالا ماظنيتا بعيدة كدي
غايتو سنة 79 اليوم داك دي ونحنا في سنه ساته
سألونا عن سنة الميلاد عشان موضوع التسنين لأمتحان الشهادة الابتدائية
واحد قال مولود سنة الديش والفصل قررررررررر
لكن لي هسي ماعرفتها سنة كم
| |
|
|
|
|
|
|
Re: السنيــــــــــــــــــــن (Re: ود الخليفه)
|
عام الرمادة عام مجاعه
بدأت هذه المجاعة من أواخر عام 17هـ إلى أول سنة 18هـ، واستمرت لمدة تسعة أشهر
اما الاسم فانه اما لاسوداد الأرض من قلة المطر حتى عاد لونها شبيهاً بالرماد او أوكانت الريح تسفي تراباً كالرماد او أولأن ألوان الناس أضحت مثل الرماد
| |
|
|
|
|
|
|
Re: السنيــــــــــــــــــــن (Re: ود الخليفه)
|
عام الجماعه
هو العام 41 هجريه او 661م وهو العام الذي تنازل فيه الحسن بن علي عن الخلافه
لمعاويه بن ابي سفيان حقنا لدماء المسلمين ثبت في البخاري
قال الرسول ص « إن ابني هذا سيد وسيصلح الله به بين فئتين عظيمتين من المسلمين »
| |
|
|
|
|
|
|
Re: السنيــــــــــــــــــــن (Re: ود الخليفه)
|
قبل التهكير سالني احدهم عن سنه دو للناس المابعرفو كوتشينه وبستعملو تعبير سنه دو اقل كرت في الكوشتينه هو الدو (الاتنين) وعلي حسب وصيه عبدالله خليل انو 25 دو ما تمو نزول فاقل كرت هو الدو فجري التقويم لاقل سنه او اقدم سنه سنه دو
| |
|
|
|
|
|
|
Re: السنيــــــــــــــــــــن (Re: ود الخليفه)
|
سنه الكوره في احدي قري شرق النيل وبعد عام المجاعه قل الزواج
ولم يجد الناس بدا من ان يخففوا تكاليف الزواج فتزوجوا زواج الكوره والكور هو الجماعه فصيح مستعمل في الدارجيه
نحن الما انجمع لي فارغه كور لمتنا تعلو علي مقاليد السماك همتنا لم يبق في الحي عازب الا وتزوج المهر واحد جنيه العام 1985
| |
|
|
|
|
|
|
|