|
|
 د نبراس كده احكى لينا عن دراستك فى مصر وعن ابداعاتك فيها
|
انا الليله ماعندى موضوع من الصباح زهجان وماجاينى نوم قلت افتش شويه واشوف انى اعمل شنو بقراء فى الارشيف بتاع المنبر لقيت بوستات لدكتوره نبراس ماكنت فاكره نبراس بنت هشام شيخ الدين الدرست طب اسنان فى جامعة 6 اكتوبر دار فى خيالى ورجعت بى الذاكره الى نبراس الطالبه وايام دراستها فى مصر كده يانبراس عاوزنك تحكى لينا عن دراستك وتحكى لينا عن ابداعتك وكتابتك القاعده تكتبيها لانى الشئ البعرفو ماعندك علاقه بى اى نشاط فى الجامعه وعندك نظره فى الانشطه والبرامج بتاعت الطلبه
|
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: نادية عثمان)
|
محمد عادل ولدنا الزمان,,,تحياتى
| Quote: ماقادرين نفهم وناس شغاله تطبيل انا كما انو البنت دا كانت معانا فى اكتوبر وكنت عارفه وكنت ذاتى طبلته ذى البطبلو غايتو لكن التطبيل فى المعلم |
يا أبوحميد,,,ألترجمة يا حليو ألحقنا بالترجمة!!!!!يا معلم,,,
والله إنت بعد ما صافحت دكتور نافع ومشيت السودان كورتك فكّت عدييييييييل كدا
بعدين كان أى زول ما جاهو نوم بالصباح مشى نكّت المكتبة وجاب
ليهو (شكلة) نحن مشاكل حزب الأمة دي نحلّها كيف ومتين يالحبيب ؟؟؟
| |
|
|
|
|
|
|
|
|
 Re: د نبراس كده احكى لينا عن دراستك فى مصر وعن ابداعاتك فيها (Re: نادية عثمان)
|
اى واحد مشى جاب ليهو كتاب من مكتبة مدبولى اعمل لينا فيها نجيب محفوظ ماقادرين نفهم وناس شغاله تطبيل انا كما انو البنت دا كانت معانا فى اكتوبر وكنت عارفه وكنت ذاتى طبلته ذى البطبلو غايتو لكن التطبيل فى المعلم .. كيف يكون البنت .. وكمان دا ..؟
وإنت قاعد تجيب الكتب حقتك من وين ..؟
أوعه تقولي اموت في القصر العيني وتنقذني الطبيبة ..؟
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
محمد
ياخ بالجد إنت عايز تقول شنو ؟
ثم إنو
| Quote: اى واحد مشى جاب ليهو كتاب من مكتبة مدبولى اعمل لينا فيها نجيب محفوظ ماقادرين نفهم وناس شغاله تطبيل انا كما انو البنت دا كانت معانا فى اكتوبر وكنت عارفه وكنت ذاتى طبلته ذى البطبلو غايتو لكن التطبيل فى المعلم |
الكلام ده ماصاح منك خالص والله .. لأنو نبراس ماغلطت عليك عشان تتكلم عنها بالطريقة دي يامحمد ..!!
ثم يأخي هي ذاتها ماقعد تكتب ومبتعدة عن المنبر ليها زمن فلما تدعوها عشان تجي تحكي عن دراستها وابداعاتها يكون بالصورة الغريبة دي ؟!
طريقتك فيها إستخفاف بالدكتورة نبراس يامحمد ولو عندك معاها مشكلة عديل مابتكون دي طريقة جميلة للطرح ناهيك عن انو تكون زهجان ساي ولقيت ليك موضوع في المكتبة لنبراس وجاي تكتب عنها بالطريقة ( الفجة ) دي !!
محمد
وحياة الخوة وقبل مايجوك الناس يعاتبوك .. إعتذر للدكتورة نبراس ووالدها وأطلب من بكري سحب البوست العجيب ده سمح أخوي ؟؟
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: نادية عثمان)
|
ناديه غلطت ولا ماغلطت دا حاجه انا بعرفها كويس جدا وفلان يعرفها
الشئ الثانى انا بسال عن برامجها الثقافيه وعن ابداعاتها الثقافيه
والله دا حاجه بعرفها انا وفلان وعلان لو عندى معاها مشكله
العاوز يجى اعاتبنى حبابو عشره بلا كشره
واعتذر عن شنو ياناديه انا ماخطاءت فى شئ اما الاعتذار الى والدها فى ماذا هو يدرى وانا ادرى
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
يا أبوحميد,,
من الآخر,,,
إذا إفترضنا جدلا إنك لا سمح الله عندك مشكلة مع الدكتورة,,,
أو زعلان منها او أى موقف ما جميل حاصل معاك,,,
هل يعقل إنك تجيبو هنا وتطلب منها إنها تحكى ليك عن دراستها
وإبداعها,,
ياخ إنت راجل كبير وأمير,,,
المكان دا ليس هو المكان المناسب للأمور الشخصية يا ولدنا,,
إنت قول بسم الله وكلو بهون,,,
العشم إنك تكون عند حسن الظن بك,,,
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
الأستاذ محمد عادل تحياتى .
أول مرة أتداخل معك وأرجو ان تكون مداخلتى فاتحة خير لعلاقة جيدة مع شاب طموح
ويتمتع بقدر من الديناميكية مثلك , لا اعتقد من حق أى أحد فى هذا المنتدى أن يستوضح الدكتورة
نبراس عما فعلته وما لم تفعله خلال فترة دراستها بالقاهرة , ثانيا الكثيرون من عضوية هذا
المنتدى بدأوا نشاطاتهم المختلفة من هنا , اذن ما الذى يمنع الدكتورة نبراس من بداية نشاطها
من هنا كما فعل غيرها , البوست غير موفق ومن شأنه خلق حالة من التوتر غير مرغوب فيها ,
لذا أرجوك أن تتوقف وأن تطلب من الأخ بكرى سحب البوست خصوصا وأنك قد أفدت بأنك صحوت
من الصباح ولم تجد موضوع فتخيرت من الارشيف الابنة نبراس لتكون موضوع لبوستك , وهذا أمر
غير مستحب أن يتخير أحدنا زميل له ويسعى للحط من شأنه وتحقيره , أتعشم فى مروءتك وأخلاقك.
كثير تقديرى واحترامى .
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
الفراغ بيعمل أكتر من كدا أخي الكريم محمد عادل الأنصاري على السكين
الله يعرّس ليك بت الحلال الرضية
نصيحة:
لو أنفقت جزء من الوقت الذي تقضيه في الأرشيف وفتح البوستات (المتعجّلة, المتسرّعة, و"البسيطة")
لو انفقته في ضبط اللغة العربية وترابط ومفهومية الجمل حتى تلك بالعامية
لكان في ذلك خير كثير
لك .... ولمسيرتك الإبداعية الواعدة
ولدكتورة نبراس
ولنا جميعاً
حتى ذلك الحين
يكون من الشجاعة بمكان مطالبة الأخ بكري أبو بكر بحذف البوست
هلا فعلت؟ فأنت كما قد نعلم جميعاً لا تنقصك الشجاعة ولا المروءة لاتخاذ مثل هذا القرار!
تحياتي كمال
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
أخي الكريم محمد عادل
أنا بخير والحمد لله
وألف شكر على الاستجابة السريعة وهذا يدلل على أصالة معدنك وأن دماء الأنصاري فيك تجري دون اضطراب
لم أقل أنّك أخطأت أو أسأت لأحد ولكنه بوست قد يخرج عن الخط الذي فكّرت فيه حالة كتابته
وقد يفهمه الأخرون بفهم خاطئ وستكون ملزم كلّ مرّة بنفي هذه المعلومة وتوضيح تلك العبارة
يمكنك معالجة البوست في فرصة أخرى بطريقة أخرى
وأنت إنسان قد تعلم ما تفعل ومتى تفعل ما تريد
تحياتي كمال
| |
|
|
|
|
|
|
|
|
 Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
أبوحميد,
أنا موجود بكثرة بس إنت ضاربنا شخيت وما فاضى لينا,,,
شكرا على السؤال وأرخى أعصابك وأنسى قصص الجامعة,,
الجامعة دى خلاص بقت ماضى وأكيد ماضى جميل وبعد كدا مدرسة الحياة ,,
وربنا يوفقك يا أمير,,
بعد كلام فرانكلى دا تانى مافى كلام,,,
تحياتى
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
Quote: والله ياعزاز الشامى راحم نفسى وراحم شبابى
لكن الحاجه المقادر افهما فى شنو انتى جايه جايطا من هناك
|
جايطا؟؟ من هناك؟
اللهم ألطف و خفف ..
نمشي معاك للآخر ... افرض دي ما ابداعاتها،
انت شن طعمك تقيمها؟
انت كتاباتك برمتها (دقق يف برمتها دي سممممح) زاتها عندنا فيها راي
و عاملة زي روشتة الدكاترة تقرى أول الكلمة و تتم الباقي بالشبه ..
Quote: انا ياخت عزاز بشك انو دا كتابات وابداعات نبراس لانى بعرفها كويس جدا ذى جوع البطن معرفه بتاعت 4 سنوات ممكن
بعرف منطق تفكيرها جيدا واعرف انها ممكن تكون مهتمه بشنو |
بعدين معرفتك و خوتك ورق ساي لو بتعاتب اصحابك في العلن كده من غير ما تفكر في توابع الموضوع
وممكن يتفهم كيف وفي ياتو سياق ..
محمد عادل،
كلامك البديت بيهو البوست كلام بلا طعم
و تبريراتك عذر اقبح من ذنب
انت لا اديب لا أريب لا ناقد فني
انا ما بيهمني نبراس تحب شنو لا بتهتم بشنو،
اديبة، شاعرة، طبيبة، سياسية، تكون التكونو غالية لاهلها و اصحابها
البيهمني انو ما نبقى في حال وسنة الشباب (.....) البيجيبو في سيرة البنات
***البين قوسين ده خليتو ليك فاضي املاهو انت بمروتك !!
| |
|
|
|
|
|
|
|
|
 Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
| Quote: عارف ياتمبس بجيبها من مكتبة الجامعه او ومكتبة الحرمين بصورو لى الشيتات |
البصور ليك الشيتات دا يا عادل ما قاعد يقول ليك مع كل شيته مفترض يتنور عقلك وتعرف الحد الفاصل ما بين انك تستعدي ليك زوله اساسا ما اعتقد انها بادرت ليك بي اي نبش في المنبر العام .. وجاي تنبش ليها في حالة فراغ وعدم موضوعية عما يتعلق بي دراسته وكمان عايزه تحكي ليك عن ابداعاته ..؟
والله لو اي زول يا محمد عادل بيصورو ليهو شيت وبجيب شيتو ويجي داخل بيهو هنا علشان يفتش عن دراسة الاخرين وابداعاتهم .. ما كان فضل شيت في الدنيا يتصور ..
دعك من نبراس يا محمد عادل .. وحدثنا عما يتعلق بي (اشيات) حزبك .. ومتعلقاتك السياسية فانت بارع في عكس هذه الهموم ..
اعتذر اصالة عن نفسك .. لي نبراس وقباله اعتذر للمصوراتي بتاع المكتبة ولي كل شيت .. مرة فيك شيييييت من غير ما تستفيد منو ..
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
محمد عادل
كيفك حبيبنا الأزرق
بالله ما بتبالغوا ؟؟
ترجعوا تفتشوا لي إيفوشا تسجلوهو ؟؟ مش قلتو ماسورة ؟؟
طيب هسي كيف بقى زول بعرف يلعب ؟؟
مش لعب في المصري وبتكون شايف لعبو عشانك في مصر ؟؟
طيب ليه ما تكلم الأرباب ده عشان ما يخوزقكم بماسورة ؟؟
غايتو يا ناس الهلال عليكم جنس حركاااات
.
.
.
أصلووووووووو ما مفهوووووووومة ومافي ليها أي داااااااااعي
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: ثابت محمد)
|
ياحبيبنا،،
ياخي الزولة دي الابداع جاري في دمها زي ماقال الفنان القمر خالها وعمها والشمس تشبه امها
يعني مبدعة بالوراثة ، انا شخصيا ماكنت عارف انو هشام عندو بت دكتورة وبوردابية وقطع شك اكيد مبدعة
او في طريقها انو تكون مبدعة بس مشكلتك يامحمد عادل بتستعجل الامور دائما ومابتخت الرحمن في قلبك .
بعدين الزولة دي انت مفروض تقيف في صفها بحكم الزمالة بس خليك من الحاجات التانية .
تحياتنا لي بنتنا المبدعة الجديدة
وتحياتي ليك يامحمد عادل العرفتنا عليها
زاتوووو
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
| Quote: هل شاركت معنا فى اى نشاط ثقافى اجتماعى فنى رياضى اسرى بستفسر عن هذا ليس الا |
عليك الله يا محمد عادل اسي إنت بخرمجتك دي كنت قاعد تشارك في انشطة طلابية؟؟
وكان في جمهور بيجي يشارك أو يشوف؟؟
واللة الأنشطة بتاعتك دي تكون بتسويها براك وتشاهدها براك.
بعدين إنت قريت ياتو جامعة ياخوي؟
ياخي عليك الله قوم لف .
بالمناسبة:
وين الوالد المناضل الجسور الإمام القائد الهمام (الدق عوض الجاز لمن أحماهو القروش)، العندو سبعطتاشر عمة وعشرين مركوب مبارك الفاضل؟؟
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
الأخ الحبيب محمد عادل
يا أخي ما وعدتني بأنّك ستفعل بوصيتي والطلب من بكري حذف البوست
ما تشتغل بزول يتداخل معاك ويخليك تشعر بوجوب الرد عليه وهكذا يبقى البوست معلّقاً في سقف المنبر ويدخل في من يدخل ويتداخل فيه من يتداخل
خليك أنت الشجاع واتخذ قرارك بدون أي استفزاز من أحد
مطالبتك بحذف البوست قد تجعلك تكبر في عيوننا كثيراً وتحترم مشاعرنا ومشاعر من مسّه رشاش ولو بغير قصد
أوّلهم والد الأخت د. نبراس وزميلنا وحبيبنا المنبري الذي نكن له احترام وتقدير كبيرين وثانياً أو أولاً مشترك د. نبراس احتراماً لها ولغيابها عن المنبر والذي قد يطول ويطول معه الجدل في هذا البوست
ومحور نقاشه (د. نبراس إن كانت معنية بالأمر) غائبة عن المنبر
أنا كلّي ثقة في جرأتك وشجاعتك وامتلاك قرارك بطلب حذف البوست فلا تخيّب ظنّي أخي الحبيب محمد عادل
عنوان بكري الإلكتروني
[email protected]
تحياتي كمال
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
Quote: الحبيب ثابت
ايفوسا مرحبا به فى سجلات سيد البلدلانو سيجد نفسه هناك خاصة مع امولادى وديمبا وكوارزما وامبيلى
ماسوره لكن ماماسورة |
والله يا محمد بالغت عدييييييييل كده
يعني إيفوسا لما كان في ( جامعة ) أقصد فريق المريخ كان ماسورة
وكان تعباان وما بعرف يلعب ومانشيط وما منو فايدة في الفريق
شنو الإبداع والنشاط النزل عليهو فجأة ده ؟؟
يعني ممكن الإبداع ده يجي ناطي وجايط كده بدون مقدمات ؟؟
طيب مالك يا محمد يااااخ ؟؟ ههههههههه
ما تبااااالغ يامحمد يااااخ
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
محمد عادل اول حاجة سلامات ويارب كل شى عندك بخير
قبل كده يامحمد عادل فى زميل ليك فى البورد ده كتب كلام فى حقك الناس رات انو كلام جاير وغلط انو يتقال
واساسا الناس حتى مادخلت ولانقاشت انو ممكن يكون صحيح ولا غير صحيح فتصدى له الاخ عاطف عمر وطلب منه الاعتذار.. بعتبار انه كلامه لايليق فى حق زميل له و المبدا العام والاخلاق بتقول انو البيجمع الجميع هنا فى سودانيزاون لاين لازم الاساس بتاعو يكون هو الاحترام والبعد عن اى شى خاص ولا يخص غير العضو نفسة غير كدة يامحمد ياولدى كل انسان له مطلق الحريه .. انه يناضل بمايراه هو ومن منظروه هو وعدم المشاركة زمان ماسبب بيخلينى نخرج عن الاداب العامة ونخش فى الخاص لانو النضال ماحق زول محدد ولاعندو وقت محدد ولا عندو شكل محدد كل انسان له مطلق الحرية فى ان يفعل مايراه ومايرغب فيه وده لا بيقلل من انسانيتو ولا بيلغى عنو الابداع ولا فى انسان بيقدر يقول عنو انو غير مناضل ذى ماقلنا النضال لاعندو شكل محدد ولاقون واحد .. وبعدين الاجتهاد فى الدراسة زاتو فى حد نفسه هو نضال اخونا بكرى ابوبكر مااظن كان فى فكرو لمن انشا المنبر ده انو الاعضاء يكون همهم يترصدو بعض او يفتشو
اسمع كلام الاخوان الفوقى ديل كلهم وابعد عن شخصنه الامور وابعد عن كل ماهو خاص وخارج اطار المنبر هسة بس معقولة كلامك ده زهجان وماعارف تعمل شنو مشيت الارشيف .. محمدعادل كده اسمو ترصد وفى الحالة ده عيب وعيب كبير منك .. الله يرضى عليك البوست ده بينزل مابيضف ليك تسلم انشالله
| |
|
|
|
|
|
|
|
|
|
محمد عادل بتتلوم مالك؟ (Re: محمد عادل)
|
محمد عادل نحنا بتين قاعدين نعتدي بالقول بقسوة على بنات الناس؟؟
الامزجة دي حرية إنتا شايف كتابتها ما بتستاهل أنا شايفاها ممتازة غيري شايفها نص نص
محمد إعتذر لنبراس أعمل الشي البشبهك دوماً
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
| Quote: نا الليله ماعندى موضوع من الصباح زهجان |
عبثا حاولت افهم سبب كتباتك البوست .. غلبني جد .. ما ممكن زول يبدا البوست بالكلام الفوق دة
و يؤسفني انوا من خلال مطالعتي للبوست .. ان اراك ماضيا و مصراً علي الاستمرار مع كل النصح الذي تم توجيه اليك .. وكانك عازم علي الاستمرار في الاتجاة الاساسا ما مفهوم ليه و لشنو و الغرض منو ..
ان كانت لديك مشاكل شخصية في ظني المنبر ليس مجال ولا مكان ليها ... اقول لك هذا واعلم علم اليقين من سير البوست انك لن تتراجع
ويقيني هذا يخبرني أن نوع هذه الكتابة بالتحديد تكثر هنا في المنبر ..
لا حول و لا قوة الا بالله
كامل تضامني مع نبراس
| |
|
|
|
|
|
|
|
|
 Re: د نبراس كده احكى لينا عن دراستك فى مصر وعن ابداعاتك فيها (Re: كمال علي الزين)
|
محمد عادل
أنا كنت قايلة لما بنتلم ونقعد في القهوة ونختمها بالليل عند الراجل بتاع الفول (المانضيف ومحله زي الزفت)الودانا ليهو مصعب .. كنت قايلة بنبي في جسور إحترام وود كنا بنتلم أجيال مختلفة وناس مختلفة وتوجهاتها محتلفة لكن بنتقابل في الانسانية والاخوة وطلعتا من اللمات دي بناس زي الدهب وماببدلهم بالعالم كله وليهم مني الاحترام سفيان ووديدي وأميمة ونبراس واحمد ومنى وإنعام وسحر وسابل وإنت ذاتك ومصبع وعصام وأيمن وعمرو وكلكم كدا على بعضكم
واضح يامحمد إنه في شي مزعلك يعني لا كنت قاعد ساكت ولا عدم شغلة منك تفتش حاجات نبراس القديمة في الارشيف
نبراس أنسانة رقيقة ومهذبة وأحنا عاوزنها كدا زي ماهي وليها كامل الاحترام والمودة
أنت زعلتك دي شوف ليها طريقة تانية
وسكة تانية
هشام شيخ الدين دا إنت مابعيد منه
هو القدمك في المنبر هنا وجابك
لاقي هشام وأتكلم معاهو وحل الاشكال دا بسرعة
أحنا ماعندنا زول بيبيت زعلان من أهله
مع إحترامي الكامل لهشام شيخ الدين وموقفه
_________________
الناس بينها عيش وملح
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
يا محمد عادل
اوع تكون قلت ليك كلام غلط فى الخليفة عبد الله وجاك ابكباس حقو البحمى الناس النوم
فى ظنى انو دكتوره نبراس حقو تحمد الله وتشكرو انها هى فى القاهرة وانت رجعت الخرطوم لانك لو كنت موجود كنت قديت بكرامات السيد وبيانات الامام..............والسعى لتنجيدها فى حزب الامة (فلع الاسلاح والتديد)
ده كان ما كبيت ليها الجاكات والمكنات والحبكانات
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
التحية للدكتورة نبراس(المبدعة)
والتحية لهشام الزول الرائع
والشفقة
الشفقة
الشفقة
على ولدنا محمد عادل عوج الدرب
دي حركات ما بتشبه الهلالاب
نرجو منك الاعتذار لاستاذنا هشام
ولي بنتنا المبدعة دكتور نبراس
بعدين قالو ليك القمر خالا و عمها
أسه يجيك عمها أخدر الليموني المشنق الطاقية يخلي ريحتك طير طير
بس خلي تنصيب أوباما ينتهي
المهم
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: الرفاعي عبدالعاطي حجر)
|
محمد عادل ، أسمح لي ، بعد إذنك يعني ، أقول ليك
إنو طريقتك ، غير إنها صبيانيه وزذيله ، طريقه غير
محترمه البته ..
بمعنى ، إنك تصحى من نومك ، زهجان وما عندك موضوع ،
وعاطل ، فتقرر إنك تبرمج ببت الناس فأعتقد إنو ده
شيء زي ما قلت ليك غير محترم .
إنت عايز نبراس تحكي ليك شنو ؟ تحكي ليك إنها كانت
نشيطه زيك ومناضله زيك لمن كانت في القاهرة ؟ يمكن
هي ما كانت نشيطه ومناضله حنجوريه من طراز نضالك
الإسفيري الفخيم والذي إنتهى بتخرجكم الميمون وصورة
تذكارية مع نافع علي نافع وما أدراك ما نافع علي نافع
وصحي يا عدوله لو كنت أنصاري ود رجال كان قطعتو بأسنانك
بدل ما تتلصق فيهو وتتصور معاهو وسعيد فرحان .
والبت كربتا شنو في الدنيا تشرح ليك ؟ وتشرح ليك ليه ؟
إنت خلاص ، سبت كل شي وبقيت تجيز المبدعين ؟ طيب يا أخي
إتعلم الكتابة في الأول الله يفتح عليك .
والشي الضايقني منك زياده يا عادل ، إنك قلت في محضر كلامك
Quote: وماجاينى نوم قلت افتش شويه واشوف انى اعمل شنو بقراء
فى الارشيف بتاع المنبر لقيت بوستات لدكتوره نبراس ماكنت فاكره
نبراس بنت هشام شيخ الدين |
جابت ليها إستهبال وكذب يا محمد يا خوي ؟
ما كنت عارفا كيف يعني ؟
كنت قايلا منو ؟؟
نبراس بنت أبوبكر الصديق ؟
ما ياها نبراس ، نبراس الواحده دي أختنا وصديقتنا الظريفة
والتي زاملتها أنت في كايرو سنيناً عدداً ، مش إنت القلت :
Quote: نبراس هشام شيخ الدين خريجة كلية طب الاسنان بجامعة
السادس من اكتوبر الابنة الكبرى للحبيب هشام شيخ الدين عضو
المنبر |
وأهديتا أغنية بتقول :
Quote: سنتر الخرطوم والسهر بالكوم
اشتهينا النوم ياعوض دكام
حلوة دنياتنا
نحنا مانسين للعهود فاكرين
ياحليل زمان الطيب زمان
وتعال شوفو الان ياعوض دكام
جينا نحكى ليك
نبكى نشكى ليك
العلم بالشيك
والجامعة بالدولار
والدكاترة اسنان |
في شنو يا محمد عادل ؟
كيف ما كنت عارفا ؟
يا أخي ده حتى إنت كاتب ليها قصيدة هنا ، برضو
بمناسبة التخرج :
Quote: تعودى يانبراس حامله الشهادة
تفرحى قلوبنا طالت وداده
اصلو المحبة سر الارادة
طريق هنانا هى السعادة |
بل ، وأوصلت التهنئه (التهنئية على قولك) لـ
الخالة تماضر شيخ الدين ورشا شيخ الدين والوافر
شيخ الدين والوالد هشام ...
يعني إنت حتى بتعرف الأسره كلها ، طيب الإستهبال
شنو ؟
وناس زي ديل طالما إنهم إتعرفوا بيك وبيتعاملوا
معاك بمودة ، مش الأجدر إنك تكون نزيه ومحترم
معاهم .
ولو عندك مشكلة مع زميلة الدراسة وصديقتك أحسن
تحلها بطريقة فيها رجولة شويه ، بدل ما تقعد
تعرض بإسمها في وطن من لا وطن له ...
كنت عايز توصل وين بالبوست ده ولشنو ؟
بقيت تبتز الناس يا محمد عادل في مقتبل مشوارك
الفني ؟
يا أخي عيب ...
انا لو محلك بمشي أعتذر لعمك هشام ولنبراس إعتذار
واضح وعديل بدل الإعتذار الخايب المدفون العايز
تبلع بيهو البوست . إعتذر بعين قوية وبشهامة .
لأنو صدقني ، بدون ما تكون شهم مع الناس المحترمين
وبدون ما تكف عن الإبتزاز ، ماهينفع موضوع الأنصارية
والنضال وكربة العِمة الأظنها قافله ليك مخك ده ...
بعدين بالمناسبه ، النضال والنشاط ده ما مرحلي ،
وما بينتهي بصور تخرجك في جامعة أكتوبر ، إنت مش
جيت الخرطوم ليك حسه اربعين سنه ، بتعمل في شنو ؟
ما شايفك في ندوة ولا إعتصام ولا منشط ولا مكره بيخص
الحياة المدنية في السودان ، ولا صورتك مع الدكتور
كانت مسك الختام ؟
والله يا محمد عادل تعبتني معاك الليله ، لأني إستندلت*
الحركة دي منك شديد .
أشوفك على خير ، والله يهديك ، ويفتح عليك .
أخوك طلال
______________
*إستندلتك : يعني
شعرت بيك ندل
| |
|
|
|
|
|
|
|
|
 Re: د نبراس كده احكى لينا عن دراستك فى مصر وعن ابداعاتك فيها (Re: yaser mostafa)
|
مؤسف
مزيدا من البؤس يا أيها المنبر العام
مزيدا من الكتابة غير المُجدية، ماالكلام بقى ببلاش!
مزيدا من اتخاذ النساء مطية لكل من خانته الموهبة، ما النساء أصلا الحيطة القصيرة، ولا حتى الحيطة المايلة.
This is not amusing, and is typical disrepectful behavior and attitude that usually comes from under-achievers and ill-talented persons
إلى متى ستظل تضيع وقت الجميع ومساحة المنبر (الذي هو في النهاية مكان عاااااااام) في ترهاتك وسخفك ياأيها الشاب غير الناضج المتهور محمد عادل؟!
ياللبؤس.
إيمان
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد الجزولي)
|
Quote: تبارك ..
سلام ياصاحب .. وليك وحشه ..
تعرف ياحبوب جنس الكلام (الناعم وممسح) الزي ده صدقني
هو البخلي الناس (العجينة) الزي ديل يتمادوا ويقلوا أدبهم
ويجيبوا سيرة الناس على هواهم وزي مادايرين .. والواحد فيهم يقوم
من النوم (زهجان) وماعندو موضوع .. ولا بطنو واجعاهو من اكل (الأفوال المصرية)! الرخيصة
في الأماكن المعفنة، ويقوم يكتب هنا اي (دوراب)!! على شوية (خرا)!
مع زيادة من موية (البلاعات) ، والبغيظك !! .. الواحد بعد مارسالتو تصل ويستفز
الخلق بجنس ردود (كردود حماده) في البوست المعني .. يقوم يجيك بأسف ومعليش
وانا بعد ماتكلمت في التلفون مع منو كده اتقدم بكامل اسفي ..... وشنو كده ماعارف
من جنس (المياعة وخرخرة الطفوليه الجبانة) .. ونحن علينا ان نجي نقول اقول من شاكلة
(والله كبرت في نظرنا .... وياها المحرية فيك ..... وبرضو من شاكلة كلامك ده ياتبارك) !!!!
يأخي خلاص (وي قيت سِك) من جنس ده .. والجاي ..
ومافي اي شئ ...
مهم |
اعلن طؤى صفحة بوست نبراس نهائيا بعد الاتصال الرقيق من هشام شيخ الدين]
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد الجزولي)
|
محمد الجزولى ... ازيك وازىّ عدوى حسونى ...
يا اخوى ما تسمع محمد عادل و د. نبراس وفلان وعلاّن .... ديل اولاد سغار ... قدامم عمر طويل يتعلموا منّو .... محمد عادل (أيّاً كانت مشكلتو مع نبراس) ود ناس وبيعرفنا وبنعرفو ولو قال كلام مبهم انا ما بجى فى ذهنى تأويل بطّال ...
حركة انو يلجأ للمنبر العام ويحتج على د. نبراس احتجاجات مبهمة كدة انا افتكر دى حركة صبيانية وما جميلة (بالمناسبة انا لى هسة ما عارف ولا عايز اعرف الموضوع شنو، لأنو رغم الغياب الطويل إلاّ إنو د. نبراس فوق مستوى الشبهات بالنسبة لى وما بتشيل اسم شيخ الدين ساى)
نحن لو بقينا حادّين مع الشباب التحت مسؤوليتنا حننفّرم من الحق والخير والجمال ...
لو محمد عادل معادى مستقصد د. نبراس كان الوضع اختلف! لاكين محمد عادل بالنسبة لى ما أبعد من نبراس ... وانا عمّو زى ما انا عمّها (بالمناسبة د. نبراس ومحمد عادل أصلاً الشحمة والنار، ما تسمع القصايد دى كلها) ..
واهلنا بقولوا: "الرباية زى كدّ الحجر".
.. المهم ...
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: Tabaldina)
|
Quote: اسلوبكـ استفزازى يا حمور وساخر جداً
بعدين انت كلمة ابلغ .. ويلغ .. وولغ
وكل الكلمات التى تحتوى على حرف ( الغين )
ما استفدت من استخدامها..!؟
|
شكرا اخي صالح عبد الرحمن للتنبيه
فعلا في بوست موضوعي و علمي و مطرز بالمراجع العلمية و الاوراق البحثية كهذا البوست لم يكن ينبغي ان اقول مثل هذا الكلام.
و انا اعتذر للاخوه المتداخلين عن مداخلتي الاستفزازية الساخرة التي لا تناسب رروح البوست و ربما حرمتهم من الاستفادة و اثراء الحوار حول اتهامات محمد عادل للصديقة نبراس انها تسرق كتابات الاخرين.
ارجوكم اقبلوا اسفي.
شكرا صالح تبلدينا مرة اخرى.
ــــــــــــــــ
Quote: أنت مش قلت معرفة الشخص واقعاً
تحرم الاساءة اليه منبرياً او فيما معناه !! |
لأ ما قلت.
| |
|
|
|
|
|
|
|
|
 Re: د نبراس كده احكى لينا عن دراستك فى مصر وعن ابداعاتك فيها (Re: حمور زيادة)
|
..
.
Quote: شكرا اخي صالح عبد الرحمن للتنبيه
فعلا في بوست موضوعي و علمي و مطرز بالمراجع العلمية و الاوراق البحثية كهذا البوست لم يكن ينبغي ان اقول مثل هذا الكلام.
و انا اعتذر للاخوه المتداخلين عن مداخلتي الاستفزازية الساخرة التي لا تناسب رروح البوست و ربما حرمتهم من الاستفادة و اثراء الحوار حول اتهامات محمد عادل للصديقة نبراس انها تسرق كتابات الاخرين.
ارجوكم اقبلوا اسفي.
شكرا صالح تبلدينا مرة اخرى. |
برضو .. يا حمور م زيادة !!??
ما مشكلة ..
.. You are lucky man this 2009
and i have new poliy to reply to this Sh***t
_______________
أذن تستحق الوصف الذى عبرت عنه حينها
| |
|
|
|
|
|
|
|
|
|
Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
..
.
والله يا محمد عادل كنت اتمنى اكون فاهم الحاصل
و نبراس دى ماتكون كريمة الاخ هشام شيخ الدين ..
عشان اتفرغ ليك لبعض من الرهط الحايم هنا دا ..
بس معليش الجايات اكتر ..
وأتمنى انك تناقش معاها خلافكم الذى خفى عنا وعنهم
عبر وسيلة اخرى .. وفى النهاية ان كانت لها ابداعات او لم تكن فهى
لها حق الزمالة والاحترام..
الا قاسم المهداوى مالو ؟؟
_______________
يذكرنى هذا الامر ببوست اعلان للجميع
محمد إى سليمان يعتذر والرهط يهلل .. احبك يا كيكى
واحبك فى التصور .. فى شنو !!؟
بس يقول المثل الخيل تجقلب و الشكر لحماد ..
عالم ...... 2009 م
| |
|
|
|
|
|
|
|
|
 Re: د نبراس كده احكى لينا عن دراستك فى مصر وعن ابداعاتك فيها (Re: محمد عادل)
|
..
.
Quote: محمد الجزولى ... ازيك وازىّ عدوى حسونى ...
يا اخوى ما تسمع محمد عادل و د. نبراس وفلان وعلاّن .... ديل اولاد سغار ... قدامم عمر طويل يتعلموا منّو .... محمد عادل (أيّاً كانت مشكلتو مع نبراس) ود ناس وبيعرفنا وبنعرفو ولو قال كلام مبهم انا ما بجى فى ذهنى تأويل بطّال ...
حركة انو يلجأ للمنبر العام ويحتج على د. نبراس احتجاجات مبهمة كدة انا افتكر دى حركة صبيانية وما جميلة (بالمناسبة انا لى هسة ما عارف ولا عايز اعرف الموضوع شنو، لأنو رغم الغياب الطويل إلاّ إنو د. نبراس فوق مستوى الشبهات بالنسبة لى وما بتشيل اسم شيخ الدين ساى)
نحن لو بقينا حادّين مع الشباب التحت مسؤوليتنا حننفّرم من الحق والخير والجمال ...
لو محمد عادل معادى مستقصد د. نبراس كان الوضع اختلف! لاكين محمد عادل بالنسبة لى ما أبعد من نبراس ... وانا عمّو زى ما انا عمّها (بالمناسبة د. نبراس ومحمد عادل أصلاً الشحمة والنار، ما تسمع القصايد دى كلها) ..
واهلنا بقولوا: "الرباية زى كدّ الحجر". |
___________
ما بكونوا شافوها !!
| |
|
|
|
|
|
|
| |
محمد عادل
يازولyazoalيازول
طلال عفيفي
أيمن الطيب
tmbis
السمؤال بدرالدين
انور التكينة
عصام دهب
Frankly
أيوب خليل
ثابت محمد
ALZOLZATOO
baha eassa
Nader Abu Kadouk
هيثم درار
ماجدة عوض خوجلى
lana mahdi
محمد عبد الماجد الصايم
نصر الدين عثمان
عمار عبدالله عبدالرحمن
Sahar Yousif
Rawia
يوسف الولى
ALGARADABI
الرفاعي عبدالعاطي حجر
تبارك شيخ الدين جبريل
إيمان أحمد
محمد الجزولي
حمور زيادة
ALazhary2
Hussein Mallasi
فيس بوك
تويتر
انستقرام
يوتيوب
بنتيريست