|
أراضى المغتربين فى الوادى الاخضر
|
طلب من المغتربين التقدم بطلبات لمن يرغب فى اراضى الوادى الاخضر والتى يتم توزيع بعضها عن طريق ديوان شؤون المغتربين وقالوا لازم تكمل الضرائب المتبقية عليكم واللى عايز يرسل لى زول هناك يكمل الاجراءات بدل عنه لازم يمشى السفارة ويعمل توكيل وطبعا قمنا بعمل كل الاجراءات المطلوبة من تكملة مبالغ الضريبة ودفع مبالغ مقابل التوكيل وتم التقديم فى ديوان شؤون المغتربين وظهرت الاسماء وكان المفترض ان يتم دفع جزء من المبلغ فى شهر يناير وان نستلم قطعة الارض على ان يتم تقسيط باقى المبلغ حسب ماقيل لنا وقتها ولكن عند ذهابنا لدفع المبلغ قيل لنا بأن هذا الاجراء لم يعد معمولا به .. يعنى بالمفتوح الموضوع انتهى ...
طيب ياجماعة اللى عنده معلومة يفيدنا بيها وكمان اخوانا القانونيين رايكم شنو فى التكاليف اللى دفعناها قصاد التوكيل الشرعى اللى اندفع فى السفارات ورسوم البريد السريع اللى اندفعت عشان توصل التواكيل دى فى الوقت المطلوب هل نستطيع ان نرفع قضية على السفارة لاسترداد هذه المبالغ طبعا بى اخوى واخوك ماحيرجعوها ...
|
|
|
|
|
|
|
|
Re: أراضى المغتربين فى الوادى الاخضر (Re: عابدون محمد عابدون)
|
Quote: طلب من المغتربين التقدم بطلبات لمن يرغب فى اراضى الوادى الاخضر والتى يتم توزيع بعضها عن طريق ديوان شؤون المغتربين وقالوا لازم تكمل الضرائب المتبقية عليكم واللى عايز يرسل لى زول هناك يكمل الاجراءات بدل عنه لازم يمشى السفارة ويعمل توكيل وطبعا قمنا بعمل كل الاجراءات المطلوبة من تكملة مبالغ الضريبة ودفع مبالغ مقابل التوكيل وتم التقديم فى ديوان شؤون المغتربين وظهرت الاسماء وكان المفترض ان يتم دفع جزء من المبلغ فى شهر يناير وان نستلم قطعة الارض على ان يتم تقسيط باقى المبلغ حسب ماقيل لنا وقتها ولكن عند ذهابنا لدفع المبلغ قيل لنا بأن هذا الاجراء لم يعد معمولا به .. يعنى بالمفتوح الموضوع انتهى ...
طيب ياجماعة اللى عنده معلومة يفيدنا بيها وكمان اخوانا القانونيين رايكم شنو فى التكاليف اللى دفعناها قصاد التوكيل الشرعى اللى اندفع فى السفارات ورسوم البريد السريع اللى اندفعت عشان توصل التواكيل دى فى الوقت المطلوب هل نستطيع ان نرفع قضية على السفارة لاسترداد هذه المبالغ طبعا بى اخوى واخوك ماحيرجعوها ... |
| |
|
|
|
|
|
|
Re: أراضى المغتربين فى الوادى الاخضر (Re: عابدون محمد عابدون)
|
ولياب صباحات الخير عليك واعذرنى على التأخير فى الرد الموضوع اللى يحير الواحد مثل هذه الاجراءات العشوائية التى تصدر عن جهات رسمية وانا اتذكر ايضا فى العام 1991 برضو السفارة السودانية فى ابوظبى اعلنت عن توفر اراضى سكنية وتجارية للمغتربين لمن يريد التقديم وجات لجنة من الاراضى من السودان وتقدم الناس بكميات هائلة وكان هناك رسم مقداره عشرون درهما على ما اذكر مقابل اورنيك الطلب وبعد داك ولغاية تاريخ اليوم لم نسمع خبرا ... نرجو من دكتور كرار ان يحقق فى هذا الموضوع خصوصا ان هذه تعتبر واقعة حقيقية وقد تكون اكبر شكوى فى عهده ولانريد ان نتهم او نجرم احدا قبل ان يكون هناك تحقيق وتنوير للناس ..
| |
|
|
|
|
|
|
Re: أراضى المغتربين فى الوادى الاخضر (Re: عابدون محمد عابدون)
|
Quote: وكان المفترض ان يتم دفع جزء من المبلغ فى شهر يناير وان نستلم قطعة الارض على ان يتم تقسيط باقى المبلغ حسب ماقيل لنا وقتها ولكن عند ذهابنا لدفع المبلغ قيل لنا بأن هذا الاجراء لم يعد معمولا به .. يعنى بالمفتوح الموضوع انتهى |
الموضوع الانتهى موضوع توزيع الأراضي أم موضوع التقسيط؟
| |
|
|
|
|
|
|
Re: أراضى المغتربين فى الوادى الاخضر (Re: الحاج حمد الحاج)
|
اخوى عابدون
للاسف الشديد المصاريف التى تكفلتم بها مع شوية دفره بسيطه كانت جابت ليك قطعة الارض فى الوادى الاخضر ومعها شهادة البحث لانو الاراضى هناك رخيصه جدا واظنها بمليونين جنيه فقط بالعمله القديمه ...
سيبك من كلام ناس الحكومه دا شوف ليك واحد من اهلك يكون من سكان بحرى رسل ليهو القرشينات وح تكون من اصحاب الاراضى فى الوادى الاخضر بكل سهوله ويسر وانتظر على الارض كم سنه كدا وح تلقى الحى الذى اشتريت فيه اصبح عامر بالسكان ..
يلا اتحرك وما تضيع وقت .. وانسى لى كلام ناس الحكومه دا ..
| |
|
|
|
|
|
|
Re: أراضى المغتربين فى الوادى الاخضر (Re: عابدون محمد عابدون)
|
أول حاجة ورينا الوادي الأخضر وين
بعدين ياسجم إنت لسا بتصدق الحكومة
ياخ ديل عشان يلهطو من المغتربين شوية قروش
ياهو بيرسلوا النصابين ديل ويعملوا أورنيك ودمغة
وماعارف إيه علشان الدرويش الزيك يغشوا ويقلعوا منو
كم درهم ويزوغو إنت ماترسل قروش عديل لناس جوه خليهم
يشتروا ليك قطعة أرض في الحلفايا ولا الكدرو ولا شعبيتنا زاتا
ما سمعت بلجان بنك المزارع الجات الخليج وبشرت الناس بالأسهم
أين هي أرباح الأسهم ؟ هل سمعت بتوزيع 70% مما يرزق الله به من ربح
كله كذب وإحتيال يا عابدون يا أخوي
| |
|
|
|
|
|
|
Re: أراضى المغتربين فى الوادى الاخضر (Re: شمس الدين ساتى)
|
شمس الدين ساتي:
Quote: أول حاجة ورينا الوادي الأخضر وين
بعدين ياسجم إنت لسا بتصدق الحكومة
ياخ ديل عشان يلهطو من المغتربين شوية قروش
ياهو بيرسلوا النصابين ديل ويعملوا أورنيك ودمغة
وماعارف إيه علشان الدرويش الزيك يغشوا ويقلعوا منو
كم درهم ويزوغو إنت ماترسل قروش عديل لناس جوه خليهم
يشتروا ليك قطعة أرض في الحلفايا ولا الكدرو ولا شعبيتنا زاتا |
يا شمس الدين الأراضي بيعت بالفعل في المغتربين لكل مغترب تقدم و بمبلغ حوالي 4 مليون و شوية للدرجة الأولى و هذا المبلغ قريب لسعر السوق و الميزة عندما تشتري من أراضي المغتربين شهادة البحث بتكون باسمك لكن اذا اشتريت من السوق ح تضطر تدفع ضريبة.. تعرف البيت في الشعبية بي 180 مليون و الأرض في الحلفايا شرق الشارع يفوق ال 100 مليون..الكدرو بتكون رخيصة نسبيا.
| |
|
|
|
|
|
|
Re: أراضى المغتربين فى الوادى الاخضر (Re: الحاج حمد الحاج)
|
بعد دا يا أخوي الا تشتري في الجيلي
البشير بعد قال وزعوا الأراضي في الفكي هاشم- ما بتقدر تشتري في لا في الحلفايا ولا الكدرو ولا الدروشاب ...
احسن حاجة شوف الوادي الاخضر دا مكان المطارالكان مُقترح وودوهو الصـلحه دا !!
الحكومة دي انت بتصدقها ؟؟ هسة لو قالوا ليك في أرض في الخرطوم خطة إسكانية بتصدقها ؟؟
بس قول ليهم وين ؟؟
مافي مكان فاضي في الخرطوم كلها الا في مناطق الوادي الاخضر وما شابه .
بعدين الأغتراب دا بقى ما بجيب الا في الوادي الأخضر وقطعه - يعني لو عاوز تبنيها أسكت وأقعد ساكت متمهل ...
كان حيين بتلاقى في الوادي الاخضر نحنا كلنا !!
أنت ابوك ما خلا ليك قطعه صغيرة في الخرطوم القديمة دي ؟؟
هشام
| |
|
|
|
|
|
|
Re: أراضى المغتربين فى الوادى الاخضر (Re: عابدون محمد عابدون)
|
طيب يالحاج الكلام البقولو عبدون دا شنو
هو زاتو الطمع العليه شنو ماعندو بيت
في الشعبية وبيت في المايقوما تاني الشلاقة
شنو.. أهو ضيع فلوسو سااااااااااااكت
صلاح شكوكو حمد لله علي الطلة البهية
وياعبد الحليم عبد الغفار أخبارك شنو
وأخبار خيلانك حسين وناجي وعماد ومصطفي وماهر
ومحمود .. بالله كلم حسين وأديني تلفونو أصلي روحتو
وسلامي الكتير لوالدتك وجدتك الحاجة حسنة
| |
|
|
|
|
|
|
Re: أراضى المغتربين فى الوادى الاخضر (Re: جعفر محي الدين)
|
Quote: الموضوع اللى يحير الواحد مثل هذه الاجراءات العشوائية التى تصدر عن جهات رسمية وانا اتذكر ايضا فى العام 1991 برضو السفارة السودانية فى ابوظبى اعلنت عن توفر اراضى سكنية وتجارية للمغتربين لمن يريد التقديم وجات لجنة من الاراضى من السودان وتقدم الناس بكميات هائلة وكان هناك رسم مقداره عشرون درهما على ما اذكر مقابل اورنيك الطلب وبعد داك ولغاية تاريخ اليوم لم نسمع خبرا ... نرجو من دكتور كرار ان يحقق فى هذا الموضوع خصوصا ان هذه تعتبر واقعة حقيقية وقد تكون اكبر شكوى فى عهده ولانريد ان نتهم او نجرم احدا قبل ان يكون هناك تحقيق وتنوير للناس |
أنا عندي اورنيك جزء منه أكلته الأرضة ... وهي بتكون جات معاي في واحدة من الشنط والغريبة...ما أكلت الاورنيك كلو...وخلت لي عبارات ...درجة أولي...وام درمان...
أما اراضي الوادي الأخضر...فبعد ان تقدمت لها ودفعت ما علي في ضرائب المغتربين تبين لي انها في سقط لقط...وخليتها براي..
| |
|
|
|
|
|
|
Re: أراضى المغتربين فى الوادى الاخضر (Re: عابدون محمد عابدون)
|
خلاص ياجماعة أمرى لله وخليت الموضوع هو ذاته الوادى الاخضر دا لو عاوز ابنى البيت يجيبوا ليهو طوب من وين .. ياهشام ياخى الخرطوم القديمة دى انا قريت فيها وكنت بمشى ليها من الشعبية بى باظ المؤسسة وبعد داك جانا باظ ابورجيلة ... يانزار اهى غايتو ورقتك عملت حاجة يعنى الفار المسكين بيكون جيعان ولما ياكل الورقة دى غايتو بتسد ليهو فرقة اها الله يعوضك فى دريهماتك العشرين .. ولا أظنها كانت تسعتاشر دولار ماعارف غايتو..
| |
|
|
|
|
|
|
|