(الحبشية) في الثقافة الاجتماعية السودانية ..

__ مدخل __

Quote: ولكن قصدت..النظره البشهوة فقط للاثيوبيات واهمال باقي مكونات ثقافة هذه الشعوب العظيمه. فهم نسائهم لا يتجزوا من ثقافتهم المتنوعه وموسيقاهم واكلاتهم وآدابهم وعلموهم ورجالهم وكله على بعضه...ولكنك ادرى بحال بعضنا الذين يعتقدون اثيوبيا حانة كبيرة.

تراجي مصطفي

Quote: كلام اختنا تراجـــى اكثر من مفيد ويحتاج الى بوســـت منفصل يتكلم عن المسكوت عنــه فى ثقافتنا تجاهـ الجيران مثل بوســـت كمال على الزين

بدر الدين اسحاق أحمد





الأحبًاش ... إيقاعات ثرية ومتنوعة يا مامون


وجهة نظر متفق معها :

Quote: يسعد أيامكم يا أروع ناس .......... شكراً وضاح على السؤال الخطير جداً ولدفاعك عن الأُنثى الحبشية ........ لماذا ينظر المجتمع السوداني للمرأه الحبشية كجسد وده المصطلح الكنت متمني تقولوا وليس (عاهرة .....) لأنو بسوقنا لحتات أكبر من كده . السؤال الكنت عايزك تطرحو لماذا ينظر المجتمع السوداني للأُنثى بصورة عامه كجسد ولماذا ينظر للحبشية على وجه الخصوص كفتاة ليل . الإشكال يا وضاح ليس إشكال فتاه حبشية تمتهن هذا الأُسلوب للعيش ولكن كما تفضلت سابقاً وقلت نسبة للنزوح والحروب الدائرة في القارة والفقر المدقع بتلك الدول التي نُعد نحن إحداها أجبرتها على الرضى ببيع جسدها لأنها لجأت إلى جارة قد تكون ضيعت شرفها وهدرته . المجتمع السوداني وللأسف الشديد مجتمع يمتاز بإنتهاكه لحقوق المرأه والتعامل معها بدونية فائقة للحد ودي الحقيقة المؤلمة وما تشوف الكلام البحصل في الجامعات والشارع ويجي واحد يقول لأ المرأه ماخده حقوقها وما يقولوا المرأه بقت تتعلم وبقت تسوق وبقت تشارك الرجل في الوظائف وبقت وبق وبقت ................. والحقيقة المره هي القاعده جوا أغلب الرجال إنو ( المره لو بقت فاس ما بتشق الراس ) . المجتمع السوداني بعاين للمرأه كمواطن من الدرجة الثانية وليس الأولى وهذه الدرجة ممكن تهان وتذل ولا تجد من يقف معها والمجتمع السوداني ينظر للحبشية كجسد لا أكثر ولا أقل . يبقى المطلوب شنو نغير نظرتنا عن الأُنثى بصورة عامه عشان نقدر نعاين للحبشية بصورة جيدة ونبطل ننظر ليها كمجرد جسد فقط ومحتاجين نكون أوعى بالأديان الاخرى والمجتمعات المختلفة والثقافات الإفريقية . وزي ما قلت يا وضاح الناس ديل قدموا للسودان نسبه لظروف إقتصادية أو ظروف حروب ، وبدل ما نحترمهم ونقدرم ونشيلهم فوق راسنا بإعتبارهم لآجئين وضيوف في بلدنا نقوم نستغل فيهم ونتعامل معاهم كأجساد ونستعبد فيهم لرغبات أو مرات نزوات نفسية جوانا . أي واحد فينا يسأل نفسو سؤال.. الناس ديل لمى يرجعوا بلدم حيقولوا شنو عن السودان وأهل السودان وطبايع المجتمع السوداني ؟؟؟؟؟؟؟

بيقولوا إننا كنا في مجتمع نظرتوا لينا كانت سلبية و( محبطة جداً )...
وده ما بنفي لسه لبعض الاحباش نظره للسودان غاية في ( الرومانسية ) لاتمت للواقع بصلة
زي لبعض السودانيين نظره ( متخيله غاية في المجون )برضوا ماليها بالواقع أي صلة ...
فما هو ( المسكوت عنه في ثقافتنا الاجتماعية نحو الجيران )؟؟؟؟
من وأقع نظرة المجتمع السوداني للمراة بصفة عامة
والحبشية بصفة خاصة ...

لعناية بدر الدين أسحاق واخرين ...




**

(عدل بواسطة عبد الناصر الخطيب on 01-14-2009, 04:24 AM)

Quote: العزيز / بدر الدين أسحاق صباحك زين ,,, --------------------------------------------- البوست كان في مقصده الاساس تحية لمامون احمد أبراهيم فقد قراءت له عبارات غاية في الروعة عن الجيران واغنياتهم وحياتهم . فقصدت ان احاول للتجول معه في إيقاعات الاحباش المختلفة وعكس التنوع والثراء فيها ... وكما تعرف بلاد ( الجيران ) تكاد تكون افريقيا المصغرة بما فيها من مكونات بشرية مختلفة ومتعددة الاعراق واللغات واللهجات في الهضبة ذات السماء القريبة ,الغائمة, الماطرة الغنية بتنوعها وتعدد مكوناتها Quote: كل اغنية عبارة عن تعبير لمكونات احدى قوميات الهضبة الاثيوبية من حيث الزى للرجال والنساء من حيث الايقاع المستخدم من حيث الالات الموسيقية من حيث الجغرافيا والبيئة من حيث الاديان من حيث العمارة للمدن والقرى من حيث انماط العيش والحرف من حيث التعبير عن التاريخ ثراء وتنوع يصعب ان يحصي او يحصر مهما كان الاجتهاد ... *** Quote: كلام اختنا تراجـــى اكثر من مفيد ويحتاج الى بوســـت منفصل يتكلم عن المسكوت عنــه فى ثقافتنا تجاهـ الجيران مثل بوســـت كمال على الزين كلام أستاذة / تراجي مصطفي الشرفتنا بالمرور في بداية البوست بالتاكيد بعكس جزء من مفاهيم اجتماعية خاصة بينا نحو جيرانا موجوده لكن بتظل شي خاص بينا _ نحنه _ وذات تأثير محدود في نظرت الجيران وتعاملهم معنا لبعضهم إيضا مفاهيم (خاصة ) بيهم عننا ما بالضرورة تكون حقيقية ... وده ما بنفي انو لبعضهم نظرة إيجابية عن السودان والسودانيين تكاد تكون من فرط مثاليته نظره خيالية ... كلام أستاذة تراجي مفيد ومهم لكن في الاخر مأزق خاص بينا بغض أرتباطوا بالجيران من عدموا ... لأنو نظرة (بعضنا) السلبيه ما للجيران وبس بل لبعضنا البعض .. ممكن تكون تجاه الجيران أكثر حدّه لكنها في النهاية خاصة بالناس الدي حدود نظرتهم وتفكيرهم وتعاملهم مع الاشياء ... وماظن نظرتهم في يوم تبقي إيجابية حتى لو أتوفرت ليهم معرفة أعمق بالجيران ... لانو في الاخر ده حدود تعاملهم وتفكيرهم ونظرتهم وده حظهم واجتهادهم وإضافتهم في الحياة بوست كمال على الزين الشهير ( جنابة الحبشية ) أتناول جزء من النظرة دي ولو تابعته بدايتوا كتير من متداخليه جاؤ بتلميحات سخيفة تدعم وترّسخ للمفاهيم دي لكن في الاخر وبفضل وجود ناس ليها معرفتهم وقدراتهم على النقاش زي الاستاذ / محمود أبوبكر بتصور انو البوست كان ايجابي واتناول الموضوع بصورة أكتر وأقعية وكان ليك فيهو إضافات إيجابية بحكم معرفتك للجيران Quote: متعــــه ان نتشارك معك سعيد بحضورك وكلامك المميز وأكيد إن فتح بوست عن (المسكوت عنه في ثقافتنا الاجتماعية عن الاحباش ) المبنية على كتير من الجهل وعدم المعرفة بالاخر أكيد حنشارك معاك ***

Quote: أما التقليل أو الاساءة بالتاكيد لايمكن ان تصدر مني في حق من اعرفهم حق المعرفة وأحمل لهم من المعزة والتقدير بمثل ما وجدة منهم من إعزاز وتقدير

Quote: http://www.youtube.com/watch?v=X-UoNSdpqI8&feature=related[/QUOTE]