|
|
 أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس
|
### تتجه الانظار لى تاريخ 14 من يناير...
وكلهم امل في صدور قرار ضد الرئيس البشير....
ولكننا نقول لهم .... عشمكم زي عشم ابليس في الجنة...
### وصدور قرار القاء القبض على الرئيس ... لن يغير الوضع القائم والمتردي في دارفور...
فتعالوا نفكر في حل من الداخل..
لان تدخل طرف ثالث في الصراع لن يحل المشكلة وفقط سيزيدها تعقيدا...
### الرئيس البشير محاط بهالة من المستشارين يسدوا عين الشمس (يعني دواهية عدييييييل)... وكما جرى في مناسبات سابقة مثل الجدل اللي اثير سابقا حول تحويل ملف دارفور لمجلس الامن... او طلب المدعي العام للمحكمة الجنائية الدولية لتسليم ثلاث مسئولين من بينهم كوشيب واحمد هارون... وكما راينا تطايرت القضية كفقاعات هواء في السماء...
ولليوم يتمتع المذكورين اعلاه بكامل حقوقهم كمواطنين
نبشر انفسنابان ملف تقديم الرئيس للمحاكمة لن يتقدم قيد أنملة...
واراهن وكلي ثقة في سياسيينا بان أوكامبوا هذا لن ينال من رمز سيادتنا
ولا نثق في حلول تاتينا من الخارج... لاننا لا نثق فيهم وفي مصداقيتهم وبكاءهم على ضحايانا كما يزعمون...
|
|
 
|
|
|
|
|
|
|
 Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: mayada kamal)
|
واراهن وكلي ثقة في سياسيينا بان أوكامبوا هذا لن ينال من رمز سيادتنا
ولا نثق في حلول تاتينا من الخارج... لاننا لا نثق فيهم وفي مصداقيتهم وبكاءهم على ضحايانا كما يزعمون...
اختنا ميادة ..
اوكامبو لو كانت تهمه العدالة واهل دارفور فكان من الاجدر له ان ينفذها في شارون منذ الاجتياح الاسرائيلي لصبرا وشايتلا في عام 82 وحتى يوما هذا . ضف اليه الجرائم التي ارتكبها بوش وبلير وغيرهم
ضد الشعب العراقي والافغاني من ابادة جماعية لم يشهد لها التاريخ مثلا .
ولي عودة ..
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: ود الباوقة)
|
الاخ عمر ود الباوقة
مساءك خير
إنها إزدواجية المعايير
لو كان ما يجري في غزة وما تقوم به اسرائيل لو كان ضد مصالحهم لكانوااقاموا الدنيا على الاخيرة ولم يقعدوها...
نحن لا تعنينا المحكمة الجنائية ولا يعنينا اوكامبوا طالما انهم يغضوا الطرف عن اسرائيل وامريكا وممارساتها
ولو المجتمع الدولي جاد حقيقة في اعطاء سلطة قانونية ومسئولية دولية لهذه المحكمة لكانوا الزموا دولة زي الولايات المتحدة في ان تصادق لعضوية هذه المححكمة...
هذه المحكمة لا تعنينا طالما لا تملك سلطة الزام كل الدول في العالم ان تكون سواسية تحت طائلة المسائلة القضائية الدولية
لان وقتها سنضمن ان تكون دول مثل امريكا واسرائيل والسودان تحت سقف قضائي وجنائي واحد تطالها جميعا سلطة الزام من تلك المحكمة
بدل ان تفلح هذه المحكمة وترفع ذراعها على دول بعينها ... وفي نفس الوقت هنالك دول تسبقها بخروقات وابادات جماعية وقومية مثلما جري ويجري من امريكا في العراق وافغانستان او من اسرائيل ضد غزة تحت مسمع ومرئ العالم اجمع.لم يحرك مدعيها الاوكامبوا هذا ساكنا...
وبالله كيف يبني الدارفورييين ويراهنوا على ان حل مشكلة دارفور مبني على تسليم الرئيس للمحكمة..
هل ذهاب فرد يحل مشكلة..
ما هي الضمان ان من ياتي بعده في يده حل مشكلة دارفور
وما المانع ان يكون من ياتي بعد (ان يسلم البشير للمحكمة )ان يكون أفضل من البشير في نظرهم
وهل حل مشكلة اقليم باكملة يتوقف على ذهاب شخص ما او بقاءه
| |
|
|
|
|
|
|
|
|
 Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: mayada kamal)
|
ميادة كيفنك ..
| Quote: وكما جرى في مناسبات سابقة مثل الجدل اللي اثير سابقا حول تحويل ملف دارفور لمجلس الامن... او طلب المدعي العام للمحكمة الجنائية الدولية لتسليم ثلاث مسئولين من بينهم كوشيب واحمد هارون... وكما راينا تطايرت القضية كفقاعات هواء في السماء... |
هل تطايرت القضيه كفقاعات هواء في السماء ؟
ده الخطاب يا ميادة الحيودينا في دهيه كلنا .. حكومة و معارضة و بهجة و مسرة ..
تحويل ملف دارفور لمجلس الامن حصل و لم يتطاير .. و مجلس الامن حول القضية للجنائية الدولية
تسليم المسئولين تمت به مذكرة و رفضه هو ما جر رجل الرئيس البشير ( و البلاد كلها بالتبعية ) الى خانة الاتهام لتستره على متهمين ( ابرياء او مدانين لا تفرق ) .. برضو ما طارت في السماء بل جابت بلاوي متلته
مستشارو الرئيس الذين يسدون عين الشمس اول خطاواتهم كانت لابد ان تكون بنصحه أن لا يهاجم الشرعية الدولية ( عادلة او ظالمة لا يفرق ) لكن العمل الدبلوماسي لا يتفق مع لحس الكوع و وضع دول مجلس الامن تحت الجزم
خط الرئيس البشير في الخطاب خط مواجهة .. و بغض النظر عن انه يعرض سلامتي الشخصية للخطر مقابل الدفاع عن هارون و كوشيب و شخصه .. فان خطه هذا يفترض ان لا يتعارض مع بقية تصرفات الدولة
الامم المتحدة الظالمة و مجلس الامن الجاني و الدول التي تحت حذاء سيادته تفرض عليه الانسحاب فورا من الامم المتحدة و سحب سفاراتنا و طرد التي هنا
لكن نهج دعوة السفير الامريكي الى دارفور لمرافقة الرئيس ثم شتمه
و الطعن في الشرعية الدولية و التمسك بها في ذات الوقت
هذه ازدواجية غريبة
كرجل شارع عادي لا افهم في السياسة ارد موقفا واضحا
الامم المتحدة الكعبة البيحرشوني عليهاكل يوم لدرجة الاحتقان دي المقعدنا فوقا شنو ؟ مش هي العدو ؟
امريكا بنت الكلب دي ليه خالنها تبني اكبر سفارة في المنطقة في الخرطوم ؟ السفارة دي حتوزع لبن بودرة ؟ مش حتتأمر على الدول العربية ؟
زول يشرح لي عشان ما أجن
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: mayada kamal)
|
ميادة ..
كيفنك اختي ..
Quote: أسلوب المواجهة اللي حضرتك بتعيبها على الانقاذ.. في رأي شويه عليهم....
كان المفروض اسلوب الرد والمواجهة والتعبئة اكبر من كدا بكتير... بدل ان يعول على الدول داخل مجلس الامن او البحث علن اصدقاء يوقفوا ضد قرار المدعي او ننتظر من مزايدات من هنا وهناك في هذا الملف.... |
انا ما عبتو .. علي الطلاق ما عبتو .. انا بس وضحت ليك انو بيعرض سلامتي الشخصية و سلامتة سيد الدكان المسكين الجمبي الما داير من الدنيا غير ربنا يرزقو و يعمل تلاجة بيبسي في المحل .. تصدقي لما سألتو من امنيتو في الحياة قال دي هي .. لكن ما عبت اسلوب المواجهه .. انا عبت الازدواجية
المواجهة بناحية .. و بناء السفارة و قعادنا في الامم المتحدة الظالمة بناحية
Quote: علاقات السودان بي امريكا ما جات على اكبر سفارة في المنطقة فقط
هل تعلم أن السودان قدم تعاون في ملف ما يسمى الحرب على الارهاب من معلومات ومساعدات للولايات المتحدة... تفوق ما قامت به اسرائيل ومصر ...رغم التوتر الحاصل بين الدولتين... يعني لوو اخدنا العلاقات السودانية الامريكية ظاهريا يظهر لينا انه فيه توتر سياسي وعدم توافق ووووو
اما ما يجري تحت السطح بين الدولتين يفوق ما يتم بي دولتين حليفتين..
ودا بالرغم من انه يثبت من جانب ضعف القيادة او الادارة بتاعتنا لعلاقاتنامع امريكا ... الا انه يثبت من ناحية اخري انو واشنطن والخرطوم بيعلبوا على الحبال كويس جدا...
ودا اللي خلاني اراهن زي ما في العنوان فوق على ان موضوع تسليم الرئيس للمحاكمة دا حتشوف كان ما حل (بضم الحاء) في تسويات بين الانقاذ والادارة الامريكية... حتشوف برضو كان ما ديل نسوا موضوع دارفور والمعسكرات ووووو....
|
طيب يا ميادة يا بت امي شنو لن نركع لأمريكا .. و امريكا تحت جزمتي .. و الكديسه نعمل منها جزمة .. يعني الكلام ده لي انا المواطن المسكين عشان اتنفخ و اكره امريكا و تحت السطح الجماعة حلفاء ؟
ثم التعاون في ملف ما يسمى بالارهاب ده هل شمل حماس ؟
مش حماس حركة ارهابية برضو عند حليفتنا تحت السطح امريكا ؟
وله علاقتنا بها تحت السطح قوية لدرجة انها سمحت لينا نتعاون معاها في البينفع معانا بس ؟
ميادة .. دي ماااا وقعت لي ..
امريكة الجن دي عدو وله صديق ؟
انا بالنسبة لي الما حكومي ده شايفا عدو و مكجن صباحا زاتو
Quote: ياخوي وتجن لي شنو
تيك إت إيزي
المصلحة المصلحة المصلحة... |
مصلحة ؟
مصلحة ؟
ياخي ما ده الجنن عبد القادر ..
و ده اليخليني بجريدتي مع البطان جاريبا في نص الظهر (الجريدة دي جريد النخل .. ده دليل الجن عند اهلي في الشمالية )
وكت الشي مصلحة الرئيس مالو قبل يومين خاتي دولة المصلحة تحت جزمتو ؟
وليه خلوا المظاهرات تشتم مبارك و تقول عميل ؟
الراجل مصلحة بلدو مع امريكا و مع اسرائيل .. عشان كده ما عاوز يفتح المعابر
و وكت هي مصلحة ليه الزعل من ناس المعارضة البيستعينو بامريكا او المؤسسات الدولية ؟
ديل شايفين انو دي مصلحة
انا و الله كنت قايل الموضوع مبادئ من زمن امريكا لمي جدادك للزيك نحن بنردع
هسه طلع مصلحة ؟
ميادة ..
حقو نرجع لوضوع بوستك لأنو كدي حيرتي زادت و الله ..
انتي واثقة في انو الموضوع حيطلع فشنك ..
و اي زول يتمنى العاوزو ..
لكن بس استدلالك بتحويل القضية لمجلس الامن و بقبض كوشيب و هارون ما صاح ..
لأنو ديل هم الجرو الموضوع للمحل الضيق النحن فيو هسه ده
لو ده دليلك ..
يبقى واطاتنا صبحت
اما المستشارين ..
فمش ديل تبع القيادة الضعيفة القلتيها وله ديل ما شاوروهم في موضوع علاقنا مع امريكا ؟
يا مياة ياخ ده الجن الدبابيرو علب صلصه عديل*
ـــــــــــــــــ
* ما انتي طبعا .. انا قاصد حالتي من الحيرة
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: قيقراوي)
|
الاخ قيقراوي
سلامات
Quote: اسي ثقتك في الاخيرين ما بتهدم مقومات رهانك ؟
اول مرة اشوف لي زول براهن على سقوط رهانة !!!! |
دا رايك انت...
وبنيت شوفتك دي على رايك انت
اذا انت المسئول عن رايك
Quote: ثقتك دي لو كانت في مجلس الامن معليش . . .
لو في قضاة المحكمة الجنائية و نزاهتها و في قانونها . . . و في نفس الوقت في براءة المتهم معليش |
سبب واحد يخليني اثق في مجلس الامن ولا في قضاة المحكمة الجنائية مافي طالمابيتعاملوا بازدواجية معايير .. وسياسة غض الطرف عن ممارسات وسلوك دول زي اسرائيل وامريكا...
Quote: لكن ثقتك في المستشاريين " الدواهي عدييييييل " ديل وقتها ما جاء لسه . . .
بجي بعد سقوط الرهان على حسب الترتيب المنطقي للاشياء . |
طيب ... لو ربنا مد في الاجال انت في ونحن في ...
| Quote: بس ما كلمتينا بتراهني بي كم ؟ عشان نزيدك |
بالبريحك ...
هو البشير هين ولا لييييييين... !!!!
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: mayada kamal)
|
Quote: نبشر انفسنابان ملف تقديم الرئيس للمحاكمة لن يتقدم قيد أنملة...
واراهن وكلي ثقة في سياسيينا بان أوكامبوا هذا لن ينال من رمز سيادتنا
ولا نثق في حلول تاتينا من الخارج... لاننا لا نثق فيهم وفي مصداقيتهم وبكاءهم على ضحايانا كما يزعمون |
ميادة...
مساء الخير
بالتأكيد لن يصدر قرار من المدعى العام للجنائيه الدوليه في (يناير) وذلك لسببين مهمين السبب الاول هو ان هذا الموضوع من صلاحيات الاداره الجديده والسبب الثاني هو انعدام وسائل الابتزاز السياسي ضد حكومة البشير فهذبالنسبه للحكومه امران احلاهم مر فالاداره الجديده لديها مراكز ضغط ونفوذ من الامريكين من الاصول الافريقيه اضافة" الي خلفية اوباما الاثنيهواذا صدر قرار باعتقال الرئيس البشير فستقل وسائل الضغط على الحكومه
...
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: حذيفه ابراهيم الكباشي)
|
الاخ حذيفة
صباح الخير
| Quote: ان هذا الموضوع من صلاحيات الاداره الجديده |
ورغم فوز الرئيس الجديد أوباما وانتهاء حكم بوش والمحافظين الجدد
فلا يجب إغفال أن هناك ثوابت ومصالح ثابتة في السياسة الأمريكية ... يعني ادارة اوباما لن تكون افضل من ادارة بوش... ديل بتحكمهم مؤسسات ... وإن كان تاريخ حكم الديمقراطييين بيشهد تصعيد تجاه السودان في سياستهم الخارجية.....
نحن لازم نشدد على انو اولا على الولايات المتحدة ان تعترف بسلطة المحكمة الجنائية عليها هي ايضا
والا لماذ هي تسلط على الدول الفقيرة بس ....
لازم يكون للمحكمة سلطة الزام لجميع الدول .. تتساوي فيها كل الدول
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: mayada kamal)
|
ميادة سلامات
والله رهانك على حصان مريض وخاسر كمان
الدعوة لحل المشكلة داخليا بحجة "الوطن"
دعوة حق اريد بها باطل ليه؟! لسبب بسيط
وين كانت هذة الدعوة قبل خمس سنوات قبل
ما المتهم البشير يبيد أهل دارفور؟؟؟!!
لا تربطوا حماية البشير وزمرتة بحماية الوطن
لانه ببساطة فرض نفسو بدون ما يشاور حد,
وكل نفس بما كسبت رهينة. ليس من حق كانئا من
كان ان يتحدث ابانة عن أهل الدم, والقابعين
فى المعسكرات , الا اذا كانت دعوة لانصافهم ورد
مظاليمهم, لا دعوة لحماية مجرم.
دماء أهل دارفور ليست رخصية ولا ماء حتى تستباح
ويأتى من يراهن على هكذا مراهنة.
| |
|
|
|
|
|
|
|
|
 Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: mayada kamal)
|
الدكتورة ميادة كمال
تحياتي
| Quote: وكما جرى في مناسبات سابقة مثل الجدل اللي اثير سابقا حول تحويل ملف دارفور لمجلس الامن... او طلب المدعي العام للمحكمة الجنائية الدولية لتسليم ثلاث مسئولين من بينهم كوشيب واحمد هارون... وكما راينا تطايرت القضية كفقاعات هواء في السماء... |
لو قضية تحويل ملف دارفور لمجلس الامن و طلب المدعي العام للمحكمة الجنائية الدولية لتسليم ثلاث مسئولين من بينهم كوشيب واحمد هارون تطايرت مشكلة البشير هسة شنو؟؟!
و قولتي لي فقاعات الهواء دي شكلها عامل كيف؟!!
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: mayada kamal)
|
الاخت ميادة تحية طيبة وسلام
| Quote: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس |
Quote: وصدور قرار القاء القبض على الرئيس ... لن يغير الوضع القائم والمتردي في دارفور...
|
نقاشي في النقطتين اعلاها وطريقة نقاشي هي اسئلة اتقدم بها اليك أتمني أجابتها :-
1/ هل رهانك مبني علي تحاليل استراتيجية ومنطقية وفق سياسات راهنة ومتبعة تخص هذا الملف ؟
1-أ/ إذا كانت الأجابة نعم فما هي هذه التحاليل وماهي السياسات المتبعة التى اوصلتك للنتيجة ؟
2/ ماهي السياسات والنجاحات التي تقدم بها السادة مستشاري الرجل لينجوه من مثل هذا الانتظار
المعاش لاصدار القرار أو عدم اصداره ؟ وهل تعني نقطة الانتظار الحالي فشل لهم كمستشارين ام نجاح
في وجهة نظرك ؟
3/ في الاقتباس الثاني اري ثمة تناقض بين واضح مع جوهر عنوان البوست (الاقتباس الاول) لماذا تعزى
ذالك ؟
3-أ/ هل صدور القرار وعدم تغيير الوضع القائم والمتردي في دار فور مدعاة لاستمرار ازمة الدولة
السودانية في ال20 سنة الاخيرة ؟
لك المودة
والاحترام
سفيان نابرى
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: الطيب رحمه قريمان)
|
الدكتورة ميادة
اذا كانت الصورة وردية كما تحاولي تصويرها
- لماذا طلب البشير من العاهل السعودي التوسط لدى واشنطن حتى لا تستخدم الفيتو ضد اي قرار لتجميد اجراءات المحكمة?
- لماذا طلب سبدرات نفس الطلب من الأردن?
- مايقوله المؤتمر الوطني في العلن من عنتريات لاعلاقة له بمايقوله للحكومات الغربية. ومثال ذلك مقابلة رايس مع طه في نيويورك شهر سبتمر. كانت وزيرة الخارجية الأمريكية في منتهى الفظاظة والجلافة معه وهو جالس صاغرا يسألها مالمطلوب منهم كي لايستخدموا الفيتو ضد تجميد ادانة البشير. كان لقاءا متوترا جدا ورايس توجه له التقريع والتعليمات. ولعلمك ان رايس في البداية اخبرتهم ان مدة اللقاء خمسة دقائق وبسبب اسئلة طه تجاوز اللقاء عشرة دقائق.
- لماذا تراجع السودان عن طلب رأي استشاري من محكمة العدل الدولية حول قانونية الإحالة للمحكمة?
- لماذا الوزير هارون لايستطيع مغادرة البلاد ولماذا اعلن السودان انه سيحاكم كشيب اذا كانوا الأثنين يمارسون حياتهم بشكل طبيعي كما تقولين?
- لماذا ذهب نافع وغوش لفرنسا يعرضون اقالة هارون مقابل سحب قضية البشير وسحب سلطة المحكمة للتحقيق في دارفور?
- لماذا ذهب عوض الجاز للهند يعرض فتح ابوابه للمستثمرين الهنود بلا حدود مقابل دعمهم سياسيا في موضوع المحكمة?
- لماذا لم تقم اي دولة في مجلس الأمن بطلب مناقشة قضية التجميد? فقط مجرد مناقشة
- لماذا فشل السودان في استصدار قرار من وزراء العدل العرب يعتبر قرار الإحالة غير قانوني?
تحياتي
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: A.Razek Althalib)
|
المسالة إذا فيها داخليا وما داخليا عايزين إجابات لهذه التساؤلات
(1) ما رأيك فيما حدث بدارفور هل هناك انتهاكات وقعت في حق هذا الشعب الطيب ؟ أم أن ناس دارفور ديل وقعوا ليهم في سكين شقت بطنهم وبس؟
(2) لماذا أعلنت الحكومة أنها بصدد إقامة محاكم محلية ؟ وماذا تم في هذه المحاكم وتحقيقاتها ؟
(3) هل من نتائج الاستشارات الحكيمة التي يقدمها هؤلاء المستشارون هذا السقوط المريع في لغة الرئيس؟
(4) ما هي الدفوعات القانونية لبطلان المحكمة الجنائية الدولية ؟ ولا الحكاية كسر رقبة كلام ساكت ؟
الأخت العزيزة ميادة / رجاء إعادة قراءة ما خطه بنانك فأنت تتحدثين عن تعاون كبير بين الحكومية السودانية والمخابرات الأمريكية وأنت ناقمة عن ذلك ؟ فهل هذا يعني أن رأيك يختلف عن رأي المستشارين الذين سيسدون عين الشمس؟
نعم سيسد هؤلاء المستشارون عين شمس الحقيقة ويغطونها عن أعين الرئيس ولكنها ستظل بائنة كطلوع الشمس في رائعة النهار لشعب السودان العظيم.
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: khaleel)
|
يا هندسة يا خليل
كيييفك ابوي
Quote: ميادة
غايتو لو الصين ما تدخلت
البلد بتلحق امات طه |
بالعكس المفروض ما نأمل على مواقف الدول الكبرى داخل مجلس الامن
يعني لا الصين ولا روسيا بيوقفوا وقت الجد مع الحكومة
لان مصلحتهم مع الولايات المتحدة اكبر من مصلحتهم مع السودان
وبالتالي هم ظاهريا بيساندوا السودان ولكن لم يحتدم النقاش في مجلس الامن اقلها بيمتنعوا عن التصويت
والامتناع عن التصويت في داخل مجلس الامن يحسب لصالح الدول المستفيدة من صدور القرار ضد الرئيس البشير
ولا شنو !!!!!!!!
| |
|
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: mayada kamal)
|
Hague Court Will Pursue Sudan Leader
Sign In to E-Mail Print Reprints ShareClose
LinkedinDiggFacebookMixxMy SpaceYahoo! BuzzPermalinkBy MARLISE SIMONS
Published: February 23, 2009
PARIS — The International Criminal Court in The Hague is expected to announce on March 4 that it will issue an arrest warrant for President Omar Hassan al-Bashir of Sudan, the first such action by the court against a sitting head of state.
In an unusual statement on Monday, the three pretrial judges on the court said they were giving the date in view of “numerous rumors over the past weeks on a possible date and outcome of the decision.” They gave no further details.
Court officials and diplomats had told The New York Times this month that a panel of judges had agreed on the arrest warrant in private sessions in January.
Lawyers familiar with the court, who spoke anonymously because of the sensitivity of the matter, said the announcement of the date was prompted by security concerns. They said it would alert diplomats, United Nations peacekeepers and humanitarian workers in Sudan and the region that they could become the targets of attacks.
The United Nations has some 10,000 peacekeeping troops — one of its largest contingents — in the Darfur region of Sudan; more than 10,000 humanitarian workers from different nations are working in the country.
Last July, the court’s chief prosecutor, Luis Moreno-Ocampo, requested an arrest warrant for President Bashir, saying there was sufficient evidence to charge him with war crimes, crimes against humanity and genocide. The prosecutor said Mr. Bashir had masterminded and organized a campaign of genocide in the western Darfur region, starting in 2003
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: Nagi Ahmed)
|
اخ Nagi Ahmed
سلامات
البيان دا المتداول في المواقع ووكالات الانباء
نحن بتهمنا النتيجة وما سيحلق بالبلد
عمر البشير في النهاية فرد
وما بنرضى اي سوداني يحاكم امام الاوغاد ديل
عدالة دولية متمسكين بيها وما قلنا لا
بس البيسري على البشير لابد ان يسري على بوش وكل الروساء اللي مارسوا انتهاكات لحقوق الانسان او احتلوابلد
او اضطهدوا جماعات
اسع انا مستغربة
من 20 يناير وللان مافي جماعة حقوق انسان كدا
فكرت او طلعت بي بيان انها ناوية تلاحق جورج بوش قضائيا نتيجة لجرائمه في العراق او افغانستان او غوانتناموا او او او.... الخ
ولا هي العدالة الدولية مسلطة على شعوب العالم الثالث بس
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: mayada kamal)
|
كتبت الاخت ميادة
Quote: تتجه الانظار لى تاريخ 14 من يناير...
وكلهم امل في صدور قرار ضد الرئيس البشير....
ولكننا نقول لهم .... عشمكم زي عشم ابليس في الجنة...
### وصدور قرار القاء القبض على الرئيس ... لن يغير الوضع القائم والمتردي في دارفور...
فتعالوا نفكر في حل من الداخل..
لان تدخل طرف ثالث في الصراع لن يحل المشكلة وفقط سيزيدها تعقيدا...
### الرئيس البشير محاط بهالة من المستشارين يسدوا عين الشمس (يعني دواهية عدييييييل)... وكما جرى في مناسبات سابقة مثل الجدل اللي اثير سابقا حول تحويل ملف دارفور لمجلس الامن... او طلب المدعي العام للمحكمة الجنائية الدولية لتسليم ثلاث مسئولين من بينهم كوشيب واحمد هارون... وكما راينا تطايرت القضية كفقاعات هواء في السماء...
ولليوم يتمتع المذكورين اعلاه بكامل حقوقهم كمواطنين
نبشر انفسنابان ملف تقديم الرئيس للمحاكمة لن يتقدم قيد أنملة...
واراهن وكلي ثقة في سياسيينا بان أوكامبوا هذا لن ينال من رمز سيادتنا
ولا نثق في حلول تاتينا من الخارج... لاننا لا نثق فيهم وفي مصداقيتهم وبكاءهم على ضحايانا كما يزعمون... |
منتهي الثقة.
ثم عادت في نهاية المداخلات لتكتب
Quote: نحن بتهمنا النتيجة وما سيحلق بالبلد
عمر البشير في النهاية فرد
وما بنرضى اي سوداني يحاكم امام الاوغاد ديل
عدالة دولية متمسكين بيها وما قلنا لا
بس البيسري على البشير لابد ان يسري على بوش وكل الروساء اللي مارسوا انتهاكات لحقوق الانسان او احتلوابلد
او اضطهدوا جماعاتاسع انا مستغربة
من 20 يناير وللان مافي جماعة حقوق انسان كدا
فكرت او طلعت بي بيان انها ناوية تلاحق جورج بوش قضائيا نتيجة لجرائمه في العراق او افغانستان او غوانتناموا او او او.... الخ
ولا هي العدالة الدولية مسلطة على شعوب العالم الثالث بس |
منتهي التسليم
طيب يا ميادة نصدقك في الاول ولا في الاخر؟
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: محمد عمر الفكي)
|
الاخ محمد عمر الفكي
تتصور ... وللان بتكلم بمنتهي الثقة
Quote: عمر البشير في النهاية فرد
وما بنرضى اي سوداني يحاكم امام الاوغاد ديل |
دي قلتها للناس اللي بيتفكروا انو حل مشكلة دارفور واقفه على تسليمنا للبشير للمحكمة الجنائية الدولية.
متناسين ان البشير هو فقط يوجد على راس سلطة تنفيذية
ولو المؤيدين لقرار المحكمة الجنائية لديهم وعي بقضتهم كانو طالبوا بان يكون التغيير شامل وكامل
وما يتعتروا في البشير
Quote: عدالة دولية متمسكين بيها وما قلنا لا
بس البيسري على البشير لابد ان يسري على بوش وكل الروساء اللي مارسوا انتهاكات لحقوق الانسان |
Quote:
طيب يا ميادة نصدقك في الاول ولا في الاخر؟ |
لو لاحظت سيادتك انا ربطت موافقتنا بتسليم الرئيس البشير بان نفس سيف العدالة هذه تسلط ايضا على القادة امثال جورج بوش والقادة الصهاينة لما اقترفوه في العراق وافغانستان وفلسطين وووووو
وطبعا دا مستحيل يحصل ....
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: Nader Abu Kadouk)
|
Quote: لسع المباراة ما انتهت
ولا يغرنكم ماتم بالامس
في مادة 16 يمكن ان يتم بها تاجيل المذكرة لمدة عام قابلة للتجديد |
ياخي تأجيل شنو؟ البشير أصبح مطلوباً من العدالة الدولية، زيو وزي كارلوس وأسامة بن لادن القدمهم أول أمس للعدالة الدولية، تقولي لي تأجيل؟؟ وفرضنا تأجل عام أهاو بعد؟ عام آخر وهكذا؟؟؟
ياخي البشير جاء للحكم بلا شرعية، بل عنوة أغتصب السلطة، ثم أفسد وحكم بلا عدل، وأصبح الوضع في السودان متردياً كما لم يحدث في السودان من قبل، هو وبطانته إنشغلوا بالتمكين ونهب أموال الشعب، ونسوا أن يولوا المشاكل (مشكلة دارفور مثلاً) التي تواجه النظام قدرها، حتى نيفاشا ذهبوا لها وحلوها بعد ضغوط غربية، لذلك استفحلت ووصلت إلى ما آلت إليه الأمور الآن، لماذا تدفنون رؤوسكم في التراب عن الحقائق الدامغة التي لا يراهاويعترف بها إلا مكابراً؟؟؟
هذه فرصة الشعب السوداني لحياة عادلة كريمة، يجب تسليم البشير، تصفية النظام، والإعداد لاعادة الديمقراطية التي سلبنا إياها قبل عقدين من الزمان.
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: HAIDER ALZAIN)
|
| Quote: بهالة من المستشارين |
اخونا زمان عبد الرحمن نورين من اولاد كتم ..زغاوي ضليع
واختنا هالة من جهات دنقلا شهادة عربية
اها البت سمحة ونجاضة ..عبد الرحمن يوم في (المين روود) سالها
قتي لي اسمك منو؟
قات ليهو هالة
قال ليها "حالة" في مستشفى امدرمان؟!
خخخخخخخخخخخخخخخ
والله ديل مايسدو باب حمام ساي ...
لو كان في زول نافع فيهم ماكنتي جيتي هبلتي بي روحك هنا..
| Quote: أراهن على عدم صدور قرار ضد الرئيس البشير |
خسرتي رهانك وكسبتي مستشارين السرور ..الهي يضوو ليك
| |
|
|
|
|
|
|
|
|
|
Re: أراهن على عدم صدور قرار ضد الرئيس البشير.... وثقتي لامحدودة في المستشارين المحيطين بالرئيس (Re: نادر)
|
Quote: ياخي البشير جاء للحكم بلا شرعية، بل عنوة أغتصب السلطة، ثم أفسد وحكم بلا عدل، وأصبح الوضع في السودان متردياً كما لم يحدث في السودان من قبل، هو وبطانته إنشغلوا بالتمكين ونهب أموال الشعب، ونسوا أن يولوا المشاكل (مشكلة دارفور مثلاً) التي تواجه النظام قدرها، حتى نيفاشا ذهبوا لها وحلوها بعد ضغوط غربية، لذلك استفحلت ووصلت إلى ما آلت إليه الأمور الآن، لماذا تدفنون رؤوسكم في التراب عن الحقائق الدامغة التي لا يراهاويعترف بها إلا مكابراً؟؟؟
|
اها في العشرين سنة الحكم فيها البشير وزمرته
ماذا فعلتم انتم ...
اليست سنين عددا كافية لاحداث تغيير
المعارضة تتحمل جزء من هذا الفشل والوضع المذري
هي تتحمل نتيجة تسلم الانقاذ للسلطة
ونتيجة ما تدعون ان الانقاذ تقوم بيه
فلا يغير الله ما بقوم حتى يغيروا ما بانفسهم...
| |
|
|
|
|
|
|
|
| |
mayada kamal
Adam Omer
حمور زيادة
حذيفه ابراهيم الكباشي
Adil Ali
محمد الأمين موسى
قيقراوي
ريهان الريح الشاذلي
Muhammad Elamin
Hafiz Bashir
jini
سفيان بشير نابرى
الطيب رحمه قريمان
Wasil Ali
عثمان محمد كرار
وربنا يكضب الشينه ويجنب البلاد والعباد شر الفتن والمصائب والمحن ...والمشكله يااخوانا الطيبين ليست هي البشير ولا الترابي وابقو افهموها بقا
lana mahdi
عبدالكريم الامين احمد
A.Razek Althalib
جعفر محي الدين
ابراهيم بقال سراج
دينا خالد
khaleel
ادريس خليفة علم الهدي
محمد عمر الفكي
محمد أبوالعزائم أبوالريش
Nader Abu Kadouk
HAIDER ALZAIN
محمد الواثق
أيزابيلا
هشام المجمر
AnwarKing
عاطف عبدون
فيس بوك
تويتر
انستقرام
يوتيوب
بنتيريست