|
|
|
 Re: ابراهيم بقال ليه ماصالحت حبوبتك ماجدة ؟!! (Re: أحمد الشايقي)
|
Quote: يا ماجدة
بقال ضارب الحنك ومتصور وسط الزهور
دا عايز زمن عشان يرجع يتذكر ناس تانين
تحياتي وكل سنة وانتم بخير
أحمد الشايقي |
احمد كل سنه وانت بخير وربنا يحقق الامانى
عليك الله مش انا برضو مفروض يصالحنى خسوسا انو بداية عام سعيد وكدة
تسلم يارب انت ...
| |
 
|
|
|
|
|
|
|
|
Re: ابراهيم بقال ليه ماصالحت حبوبتك ماجدة ؟!! (Re: عاطف عمر)
|
Quote: غايتو يا بنات عوض خوجلي الله عالم وشاهد
تشهُو الزول في المشاكل
خلاص صحوبية فرتق
نشاكلكم عشان نتصالح صلح جميل زى دا
بى صورو وبى بوستاتو
___________________
ماجدة
منى ما فاضية لينا
ورونا آلية لتنسيق حضور ( وفدنا ) لزواج كريمة منال
أرقام إتصال وكدا
منى معها أرقامي |
عاطف كل سنه وانت وسعدية والاولاد كلهم بخير وعافية .. تبرى انت من الشكل والمشاكل نعمل واحد بوست بدون 
ذى بوستاتك الجميلة ديك .. انا ياعاطف قاعدة فى مجمدة فى لندنى لكن بخلى منى او منال تتصل بيك انشالله
انت يعنى ماعايزين تجونا هنا؟ تتجنضولو معانا والله ياعاطف تمرق نص متر بس من باب بيتك .. تجى لاحاسى برجليك ولا نخرتك ذاته
تسلم يارب ..
| |
|
|
|
|
|
|
|
|
|
Re: ابراهيم بقال ليه ماصالحت حبوبتك ماجدة ؟!! (Re: مجدي عبدالرحيم فضل)
|
Quote: ماجدة بت الخليفة كل عام وأنت أكثر أشراق وشمس حضورك يكفينا
وأن شاء الله مراكب شوقك تصل قيف المدينة وعلي نيل بلادي سلام،،،
أسبوع تمااااااام وانا بنتظر عودة الســــلم والســـلام يجمعنا.
،،،،أبوقصي،،،، |
مجدى كل سنه وانت بخير ربنا يحفظ ليك قصى وحمودى ويخليهم ليك
اخبارك مقطوعة ليه انت وين يامجدى فى السودان ولاشنو ؟
وعلى نيل بلادى ونخيل بلادى سلام
تسلم يارب
| |
|
|
|
|
|
|
|
|
|
Re: ابراهيم بقال ليه ماصالحت حبوبتك ماجدة ؟!! (Re: محمد البشرى الخضر)
|
| Quote: معليش غيرنا مسار البوست المهم جدا و لو كره المثقفون |
ودالبشرى ربنا يسلم ليك بروفايلك من كل شر
علا عندى طلب صغيرونى وكده ذى طشاش طشاش شفت كيف طشاش يخيل لى واظنو كده ذى مامتاكدة اين ومتى وفى ياتو قناة
ذى فى معلومة غير مؤكده بتقول انك يعنى واظن وان بعض الظن اثم انك قد يكون عندك علاقة غير مؤكدة بالادارة
اها ربنا يخلى ليك بروفايلك شحادك تخت لى بوستينى المهم المنلى ده فوق فى الواجة وكده  (1 )
...
اها النشوف ناس المثغفين تانى بيلقو ليهم تسويق كيف بعد ين يتم رفع
كل البوستات ذات الصلة بالثغافه والفنون الشعبية
ريفرنس (1 ) من كتاب الوشوش الخاصه بالخليج
| |
|
|
|
|
|
|
|
|
|
Re: ابراهيم بقال ليه ماصالحت حبوبتك ماجدة ؟!! (Re: ماجدة عوض خوجلى)
|
| Quote: ياجماعة الخير عايزة بوستينى ده يتخت لى فى واجهه المنبر مع العناويين الرئيسية |
الحكاية محجوزة لليسار والجمهوريين ياماجدة ، مصالحة بقال اسهل ليك،،
Quote: رسالة الى جميع الاعضاء
================
فى ذكرى اغتيال م. م طه عرض مقدمة كتابه(نحو مشروع مستقبلى للاسلام)
ندوة للاستاذ احمد المصطفى دالى بعنوان الهوس الدينى والفكرة الجمهورية ب VA
=======
الاحتفال بمئوية الأستاذ محمود محمد طه(بأثنز، أوهايو-17-18 يناير) في ذكرى استشهاده 23
==
.هكذا تحدث الاستاذ..........الحلقة الاولى:دستور السودان
|
=
فات علي شكرك على الإستجابة في أول البوست من اجل البروفايل،،
والوردة برضو تستاهل الكثير ،،،،
=
ملحوظة: لبسنا ليك خليجي تحسبا لأي عودة محتملة للجذور،،،،
| |
|
|
|
|
|
|
|
|
|
Re: ابراهيم بقال ليه ماصالحت حبوبتك ماجدة ؟!! (Re: عبد اللطيف بكري أحمد)
|
Quote: فات علي شكرك على الإستجابة في أول البوست من اجل البروفايل،،
والوردة برضو تستاهل الكثير ،،،،
=
ملحوظة: لبسنا ليك خليجي تحسبا لأي عودة محتملة للجذور،،،،
|
تسلم انشالله
| Quote: الحكاية محجوزة لليسار والجمهوريين ياماجدة ، مصالحة بقال اسهل ليك،، |
والله العظيم استجابتى كانت صادقة وجادة جدا والبوست المعنى يشهد الله انى فعلا نسيتو ورديت على الاخوة الكرام
الاتداخلو لى فيه واكتفيت بكده وتستطيع ان ترجع ليهو وتشوف انا وقفت الكتابه فيهو من متين .. لكن للاسف الشديد حدث ماجعل العودة لهذا البوست ضرورة هذة المرة يشهد الله على كلامى بقال لم يكن هو المقصود منها لكن بعضهم اعطى نفسه الحق فى تقيم مانكتبه فيهم من اسفاف وفيهم من قال فضيحة وحقيقة وحقيقة الخلانى احس انهم المقصود فى المقام الاول هو استهداف هو انى لاحظت ان بعضهم لم يتداخل ويقف مع الحق ويقيم البوستات التى كانت تكيل للناس السباب بكل انواعه لم منهم من اعتبره فضيحة ولم ارى منهم من اعتبره اسفاف ..عن نفسى بعض مالايعجبنى اكتفى بعدم قراته ولكنى لا احاول ابدا ولااعطى نفسى الحق فى الاستهزاء به فى ناس فى البورد اخى الكريم جعلو من بساورداتهم فقط للاستهزاء بالاخرين لاترى لهم بوستات ولكنك ترى لهم تعليقات سخيفه بالرغم من عدم وجود اى سبب بينك وبينهم يجعلهم يتحرشون بك .
انا اؤمن ان كل انسان له الحق ان يكتب مايراه ومايرغب فيه على ان لا يتعد ذلك وضغ خارج عن الذوق ولا احد كبير فوق النقد و لكن النقد الذى يجعلنا نستفيد منه ويس مثل هذة التعليقات ولكنهم يتعمدون التجريح والخروج عن حدود العام وانا لا اقبل ان يتعدى على احد ويحدد لى ماذا اكتب او توصيف ماكتبته بالاسفاف او الفضيحة او خلافه خاصة وان صاحب المنبر لم يحدد ماذا نكتب او فى ماذا طالما تم وضع لوائح تنسق هذة الكتابة..
الوحيد الذى له هذا الحق هو من اعطيه انا الحق فى ذلك فقط بعض الناس هنا اعتادات ان ترهب الاخرين ببوستات للترويج لانفسهمبعد ان يفقد احدهم القدرة على جذب الاخريين للبوستاته فترى مثل السم الذى يبثونه مرة فى شكل بوست ومرات فى شكل تداخل لااحدى البوستات ..
ذى امس القريبه دى احد الاخوة الكرام كتب ليهو بوست عن تغير اسم بتصدق جا احد الاخوة المعنين وببرود يحسد عليه وبدون مراعاة لاى شعور لزميلاته الممكن الكلام ده يمسهم قال اختار اسم واحده وخت صورة سمحة علشان بوستاتك تمشى وتلقى البيدخل لها تخيل مستوى انسان عامل نفسو بيعرف يحدد ويقيم البوستات .. ده تقيمو لزميلاته وزملائه فى المنبر .. وبالمناسبه دى مااول مرة اقرى تعليق بنفس المعنى من نفس
الشخصية لمن جانى احساس انو موجه من بعض من عندو غباين هنا ..
اخى الكريم عبداللطيف رفعى للبوست من اهم اسبابه ان يعرف بعضهم هنا ان هذا المنبر اسمه المنبرالعام من حقى ان اكتب فيه مااراه وارغبه ..| Quote: والوردة برضو تستاهل الكثير ،،،، |
طيب انا هسه اخت نمله ولاشنو فى البروفايل بتاعى
اتمنى انى اكون قدرت وضحت ليك اسباب الخلتنى ارجع البوست تانى
تسلم يارب من كل شر ...
| |
|
|
|
|
|
|
| |
ماجدة عوض خوجلى
Magdi Ahmed Elsheikh
أحمد الشايقي
ناهد بشير الطيب
عاطف عمر
شول اشوانق دينق
العوض المسلمي
مجدي عبدالرحيم فضل
Muna Khugali
Zomrawi Alweli
محمد البشرى الخضر
Manal Awad Khugali
هاشم أحمد خلف الله
فيس بوك
تويتر
انستقرام
يوتيوب
بنتيريست