|
|
|
 Re: سؤال لا يستطيع بوردابي الأجابة عنه؟ (Re: baha eassa)
|
بهاء يا منقة
يا اخوي والله فترنا من ظاهرة تكسير التلج
تحت مسميات نضالية
و الضبابية
والسرابية
والكيس الفاضي
وأحي انا ياخ من الكيس الفاضي دة
أيه الأرف دة!
ومن أين أتي هؤلاء؟
كلها أجابات حتماً تحتاج لاسئلة
وأنا بصراحة زهجت
لكن قالوا
لو غلبك سدها وسع قدها
والزارعنا غير الله ال يجي يقلعنا!
| |
 
|
|
|
|
|
|
|
 Re: سؤال لا يستطيع بوردابي الأجابة عنه؟ (Re: نوفل عبد الرحيم حسن)
|
نوفل
تسلم يا مان
Quote: محتاجين لقلمك وطاقتك في التنفيس
بالله ما تتحول وتستخدموا لينا في التعكير |
النقطة دي أساسية جداً
انا لاحظت لما أفتح لي بوستات جدية
الناس بتقول لي الكلام دة علي طول
وزي الما عندي رأي في حاجات أساسية
المبدع دة لازم تكون عندو أشكالات طرح وهموم كتيرة
انا غايتو شايف الكتابة في أشياء أدبية
وسط الغبار دة
تعتبر عملية (أرقزة)
دي جاية من اراقوز
وانا ما بقدر أنصب سيرك في الوقت الحالي
حتي ترحل العكاكيز من سودانيز
| |
|
|
|
|
|
|
|
|
|
Re: سؤال لا يستطيع بوردابي الأجابة عنه؟ (Re: عبدالعزيز الفاضلابى)
|
| Quote: المبدع دة لازم تكون عندو أشكالات طرح وهموم كتيرة |
اتفق معك تماما
الفنان او المبدع غير منفصل عن واقعه ومجتمعه
يفرح لفرحه ويحزن لحزنه يحس بآلآمه واوجاعه ويعبر عنها
سبق ان قلت هذا الحديث للاخ الكاتب حمور زيادة
وبالطبع انت جزء من مجتمعك ومن حقك ان تعبر عن مكنون ذاتك
ولكن في اعتقادي تعبير الفنان المبدع بيكون مختلف عن غير الموهوبين
سوا اتي هذا التعبير شعرا او نثرا او رسما او دراميا او .... الي آخر ضروب الفن
ألا تري ان المناضلين يستعينون بأشعار النضال في نضالهم ؟ وحتي المناضل ضدهم يفعلون ذلك ؟
الابداع يولد احيانا من رحم المعاناه والمواجع
| |
|
|
|
|
|
|
|
|
|
Re: سؤال لا يستطيع بوردابي الأجابة عنه؟ (Re: نوفل عبد الرحيم حسن)
|
يا حبيب نورة
منورة مصر ( على لسان مصرى)
هذا المنبر هو فناء يعنى خلاء الكل ينصب فيه خيمته ويشيلها معاه وهو ماشى , فى هذا المنبر لا مقياس للصالح والطالح ودعك من حالات التقزز من عبارات ما انزل الله بها من سلطان بعضها لم اسمعهاالا هناوتسال نفسك مندهشا, هل يمكن ان يحرك الانتقام او ما شابهه الانسان نحو ان يفقد السيطرة على نفسه تماما؟
كن بخير
| |
|
|
|
|
|
|
|
|
|
Re: سؤال لا يستطيع بوردابي الأجابة عنه؟ (Re: حامد محمد حامد)
|
حبيب نورة ( بعيدا عن الموضوع وانت فى القاهرة) امشى عند كوبرى الجيزة بعد الساعة 12 بالليل واسال بياعين الفل عن واحد اسمه صابر( بياع فل) شاب صادقته عندما كنت اقف عند منتصف الكوبرى بعد منتصف الليل ياتينى صابر وقد باع الفل وما تبقى اخذه لى ولكن صابر هذا حكاية احسب انه يكون قد اكمل دراسته فى كلية الهندسة جامعة القاهرة, اذا وجدته سلم عليه ودعه يحكى عن المعاناة وكيف الناس بتتالم .
يا حبيب
المسالة مش فى الصدق والكذب فانا عن نفسى احسب كل الناس صادقون ولكن هل هم واقعيون اقول وجهة نظرى كلنا نمثل اكثر مما نحن فيه من واقع على راى الكاتب الكبير احسان عبد القدوس لا اكذب ولكنى اتجمل.
| |
|
|
|
|
|
|
|
|
|
Re: سؤال لا يستطيع بوردابي الأجابة عنه؟ (Re: نوفل عبد الرحيم حسن)
|
نوفل يا حنين
Quote: ولكن في اعتقادي تعبير الفنان المبدع بيكون مختلف عن غير الموهوبين
سوا اتي هذا التعبير شعرا او نثرا او رسما او دراميا او .... الي آخر ضروب الفن
ألا تري ان المناضلين يستعينون بأشعار النضال في نضالهم ؟ وحتي المناضل ضدهم يفعلون ذلك ؟
|
بالضبط كدة!!
| |
|
|
|
|
|
|
|
|
|
Re: سؤال لا يستطيع بوردابي الأجابة عنه؟ (Re: حبيب نورة)
|
Quote: يا فاضلابي
ياخوي قول بسم الله
يطرشني كان فاهم حاجة |
باقى نحن ياحبيب نورة ـ ناس القانون ـ
لوايـييييق ,, اى حاجة عندنا ,,
يا ابيض يا اسود اللون الرمادى ده مانحبوش
اها انت قلت بهاء ده غاتس فى البطاطس
الكلام ده بلغة القانون زى القاضى اللى بقول
الحكم ,,
الإعدام شنقا ,,
اها كان ماقال شنقا حتى الموت ,, الحكاية ممكن تجيب ليها لولوة محامين ..
يعنى يجيك واحد يقول ليك يامولانا انت قلت الإعدام شنقا ,, والإعدام يعنى
الإزالة بعد وجود والإزالة قد تكون من مكان الى مكان يعنى المتهم ده ممكن
نزيلو من شندى نوديه الجداد غمد (بتشديد الميم) وكونك ترمى ليك زول فى صقيعة الجداد غمد دى ما ياها الشنقة ذاتها,,
اها ياخوى وضح لينا البطاطس الغاتس فيها اخونا بهاء دى.
| |
|
|
|
|
|
|
|
|
|
Re: سؤال لا يستطيع بوردابي الأجابة عنه؟ (Re: عبدالعزيز الفاضلابى)
|
مولانا الفاضلابى
اسمح لى بالمداخلة دى فى موضوع البطاطس وسؤالك فى محله ولكن معرفتى بالاخ بهاء عيسى (وش من غير تعبير)كنت اجده دائما يقف عند نعمة اللى فى العجوزة وهو يتامل فى اكوام البطاطس المقشرة ( شيبس) الكم مش الكيف وفيما بعد قرات ان هذا الشبس قد يدمن اكله.
هل عرف حبيب نورة هذا السر ؟
وما سر تلك التلال من البطاطس المقشرة فى محلات الساندوتشات فى مصر ؟
تحياتى للاخوين بهاء وحبيب نورة
وكن بخير
| |
|
|
|
|
|
|
|
|
|
Re: سؤال لا يستطيع بوردابي الأجابة عنه؟ (Re: حبيب نورة)
|
عودة ..
((كلهم كذابين )) ولا ((كلهم صادقين ))
| Quote: هل أنا صادق في هذه العبارة ام كاذب؟؟؟ |
لو قلنا ليك صادق بنكون كذبنا عليك وانت من الكاذيبن ..
ولو قلنا ليك كاذب بنكون صدقنا عليك وانت من الصادقين ...
قرفتك .. دي حاله عامه ومستعصيه كمان ..
وخليها علي الله .. يا حبيبها
| |
|
|
|
|
|
|
|
|
|
Re: سؤال لا يستطيع بوردابي الأجابة عنه؟ (Re: عبدالله كع)
|
شوف يا حبيب نورة
يا زول يا مسلط انت
البورداب ديل أنا بعرف انهم صادقين في الحـب,
وصادقين في المواقف ايضـاً,
لو أحبوا إما نزلت تهنئة ومبروك وبالرفاء والبنين ودي (سـنة ماضيـة) زي ما بقول (شيخهم) ترابي,
أو تلاقي القصائد والبكا شغـال .... يا الهجروك علي, ويا ضنين الوعـد... ويا شفيف ويا ظالمة وما إلى ذلك ....
ولو اختلفوا تلقى الخلافات طافحـة والحجازين شغالين
ولو اتفقوا بعد داك, اعتذرات واعتذارات وأنا اسف وانا اسفـة وما كنت فاهم انه دا حبيب نورة
في البورداب الاجيال (حقت الزمن السمح) ناس التسعينات والمنافي
وديل ثروة (شردهـا) الوطـن, من الصعب جداً تعويضهـا, ناس عندهم الابيض ابيض والأسود أبنــوس
تحياتي يا حبيبها
أحمـد
| |
|
|
|
|
|
|
|
|
|
Re: سؤال لا يستطيع بوردابي الأجابة عنه؟ (Re: أحمد الشايقي)
|
يا شايقي
Quote:
لو أحبوا إما نزلت تهنئة ومبروك وبالرفاء والبنين ودي (سـنة ماضيـة) زي ما بقول (شيخهم) ترابي,
أو تلاقي القصائد والبكا شغـال .... يا الهجروك علي, ويا ضنين الوعـد... ويا شفيف ويا ظالمة وما إلى ذلك ....
|
دة كلام فاهم
Quote:
ولو اتفقوا بعد داك, اعتذرات واعتذارات وأنا اسف وانا اسفـة وما كنت فاهم انه دا حبيب نورة
في البورداب الاجيال (حقت الزمن السمح) ناس التسعينات والمنافي |
كدة أنت لخصت الشغلانة!
شكرن كتيرن!
| |
|
|
|
|
|
|
|
|
|
Re: سؤال لا يستطيع بوردابي الأجابة عنه؟ (Re: حبيب نورة)
|
بعيدا عن الكــــذب والصــــدق .. .. ..
احييــــك عـــلى الــمجـــاهـــرا بحــــب نـــورا .. ..
( لو مـــابخـــاف مــن الله الحســاب واغشـــى انـــو يقـــولـــوا كضـــاب
كنـــت بحلـــف فـــوق الكتــــاب نــــورا مـــن نـــور مـــاك مـــن تــراب ) ..>>
التحية لى نورا .. ..
| |
|
|
|
|
|
|
| |
حبيب نورة
عبدالعزيز الفاضلابى
baha eassa
نوفل عبد الرحيم حسن
محمد سنى دفع الله
حامد محمد حامد
عبدالله كع
أحمد الشايقي
Shaker Hamid
فيس بوك
تويتر
انستقرام
يوتيوب
بنتيريست