|
Re: السودان الشمالي والمازق الثقافي - محاضرة د.عبدالله علي ابراهيم (Re: Agab Alfaya)
|
أنا طبعا تتواتر الأخبار السارة ويمكن الليلة قرأتم ما نشره الدكتور الطيب زين العابدين وما نشره الدكتور حيدر ابراهيم وفى تفاؤل عظيم أننا بصدد يعنى الخروج من النفق العبارة التي وردت عند الكابتين : أننا نرى الضوء في نهاية النفق وهذا جميل وهذا عمل كلنا نشارك فيه حتى بسلبيتنا حتى باحتجاجنا الصامت حتى بامتناعنا عن كذا أنا افتكر حكمتنا كلها هى التي أملت ظللت تملى على القوى السياسية المختلفة انما نتفق . وأنا عظيم الأمل ونسأل الله أن يعين الأطراف المختلفة على أن تتوج هذه اللقاءات وهذه الاتفاقات بعمل سوداني نهائي يؤمن الوطن .
أنا بفتكر يعنى لكن نحن ما زلنا على مستوى مسالة الحكومة القومية لا زلنا في مستوى لعبة الكراسى بطريقة ما ، توزيع 00 ولا بأس 00 يعنى أنا دعوتى الي الوفاق الوطنى كانت قائمة على أنو يا جماعة يا أخوانا يا جماعة القوى المنزعجة حول كراسى الحكم والمرهقة المثقلة بهذه المتاعب حقو تتفق مع بعضها يعنى نساعدها في أنها تأتى إلى بعضها البعض لكن دا ما نهايـة المـطاف 00 دائما أذكر فكاهه قال لى الأخ بكرى أحمد عبد الرحيم . مرة قال انو كان بكره شخص كراهية شديدة ما بحبه في العمل معاهو وكدا ومرة ويتفاداهو ويفتكر انو تقيل وما بقدر بتعامل معاهو كلية وكدا مرة ، قابله في السوق فجأة وجها لوجهه- وجه ولجة - كما يقال ، ما عرف يعمل شنو بكرى احتار جدا جدا في انو كيف يتخلص من هذا العبء الثقيل تأمله وتحدث وسأل وفي الآخر طلب منو قالوا ياخى ما نمشى ناخذ صورة ! طبعا الصورة دى أنـت ما بتأخذهـا إلا مـع أعـز ( ضحكه ) مع أعز يعنى الصورة حاجه عندها معنى لكن احتار فأنا شخصيا بفتكر أنو الجلوس في حكومة سودانيه الحكومة المقررة دى هى بمناسبة اخذ الصورة ياخذوا صــورة ( ضحكه ) يعنى يجتمعوا كده الناس البفتكرو بكرهوا بعض ديل ولا يطيقوا بعض نحن نديهم فرصة يأخذوا فرصة يأخذوا صورة ويقولوا ( جيس ) وكدا ( ضحكه ) – إذا تبقت الانسان لذلك ( ضحكه ) . لكن العمل ابعد من كده يعنى بعد كدا تبـدأ المهمة الشاقة في انو أن نتدارس المسائل العميقة بتاعت الشفرة والثقافة حيث يحل فعلا الوئام ونبنى السودان الجديد لكن الجماعة الفى الصورة ديل نحن شفناهم في صور كثيرة جدا ( ضحكه ) صور الاستقلال ورفع العلم يعنى رأينا الصور البتاع 00 وأنا شخصيا لا اثق في أى من هذه الصور منذ بدأت حياتى السياسية يعنى كان ممكن الواحد يبقى وطنى اتحادى لكن تفادى ذلك باكرا ( ضحكه ) وكان ممكن يبقى ختمى وتفادى ذلك باكرا يعنى من بدرى الواحد بفتكر انو هو في ال Beyond ما بعد ذلك ما بعد الصورة ما بعد الصورة التذكارية ولذلك الواحد بثير هذا السؤال اللى بفتكر انو جوهرى في مسألة الثقافة السودانية والشفرة والشماليين ومسئوليتهم على اساس انو الاستتباب الذي يحدث في الوطن يحدث على طريقة ثقافية وروحية وعلى اساس ذوق ووجدان مش اتفاقات مش كوكا دام دا كلام دا لغو وكوكا دام وجنيف وهلـم جرى كما قال الصادق المهدى ( ضحكه ) دا كلو دا مستوى غير المستوى نحن اللى نتحدث عنه لانو كلها وقعت وكلها لكن ما حركت ساكن المسألة الجنوبية فيجب أن نجتهد في طريق آخر لذلك .
أنا بدأ من انو ما مشكلة الشفرة ما مشكلة الثقافة والشفرة ما مشكلة الثقافة الشمالية 00 خلينا نعرف الشمالى مين ، الشمالى في نظرى هو ، الجنوبى هو البقرر من الشمالى . نحن لا نقرر ، نحن نختلف شديد ، إذا الشماليين قعدوا مع بعض ممكن يختلفوا ابتداء من أنت جعلى وأنا ما جعلى وأنت بجة وكدا لكن افتكر طوال المدة دى التعريف كان واقع بصدد انو الجنوبيين بفتكروا منو المندكورو منو الشمالى لأنهم الأذى واقع عليهم ويعرفوا انو الاذى واقع عليهم من ياتو جهـة . فتعريف بسيط ويمكن عشوائى أنا بأخذ الشمالى على هذا الأساس باخذ الشمالى أيضا في دعواه العروبة والاسلام وهى دعاوى مشروعة جدا وعلى أنو أسود ودا مباحث يمكن الأخ الدكتور العفيفى كتب فيها شئ. أنك أنت لما تقول ومتاعبنا في العالم ومتاعبنا في مساكننا في الوطن انو أنت لما تقول أنا عربى أو تقول أنا مسلم أو تقول أنا أسود .
خلينا ننظر إلى العالم القوى وهو عالم الولايات المتحدة والغرب الذي مهما قلنا فيه هو يقرر اللغة ويقرر المصطلح وبقرر الميز والحرمية عندنا متاعب شديدة جدا كسودانيين شماليين في القوله أننا كمسلمين طبعا دى بالنسبة للغرب دى هوية ضعيفة إذا قلنا عرب طبعا دى هوية اضعف إذا قلنا سود Same Same فنحن عندنا في الحقيقة دى الوقت بعض متاعب النظم بتاعتنا جاية فعلا من هذا من الخليط دا ، أنا ما بقول هذا تنكرا لهذا الخليط أنا سعيد بيهو بفتكر انو بعمل لى جذور وامتدادات وجذور إلى ثقافة مستطيعة وقادرة وإلى جماعات باسلة ولكن تقدر تشوف المتاعب التي تنشأ من هذه من ما يسمى ب... من الروشته دى بتاعت الهويات واحدة من اصعب مشاكل السوداني الشمالى انو هو يعنى اسود في ثقافة بيضاء إذا اعتبرنا الثقافة العربية واضرب مثل عابر لذلك بانو المهدى عليه السلام في ثورته في آخر القرن الماضى هو ادعى المهدية طبعا زعم المهدى أو كان المهدى على حسب عقائد الناس المختلفة ولما نظر في صورة المهدى طبعا صورة موجودة في التراث العربى والاسلامى هو صورة بيضاء وكانت اكبر مشاكله كيف يطابق بين المهدى الأسود وبين الصورة البيضاء عن المهدى والعلماء أشاروا إلى ذلك ياخى انت ما ممكن تكون أنت المهدى أقرأ النصوص الأصولية في المسألة دى المهم يعنى واحدة من المتاعب اللى أيضا يعنى نحنا عندنا في ثقافتنا العربية الاسلامية وانتماءتنا نجد هذه المتاعب .
..يتبع،
|
|
|
|
|
|
|
العنوان |
الكاتب |
Date |
السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-06-04, 10:50 AM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-06-04, 10:54 AM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-06-04, 11:02 AM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-06-04, 11:14 AM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-06-04, 11:23 AM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-06-04, 11:31 AM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-06-04, 11:40 AM |
Re: مداخلة محمد سيد احمد | Agab Alfaya | 07-06-04, 08:48 PM |
Re: مداخلة محمد محيسي | Agab Alfaya | 07-06-04, 08:51 PM |
Re: مداخلة عبد المنعم عجب الفيا | Agab Alfaya | 07-06-04, 08:54 PM |
Re: مداخلة عثمان حامد سليمان | Agab Alfaya | 07-06-04, 08:56 PM |
Re: مداخلة ناظم عبد الرحيم | Agab Alfaya | 07-08-04, 10:53 AM |
Re: رجاء | Agab Alfaya | 07-06-04, 11:56 AM |
Re: السودان الشمالي والمازق الثقافي - محاضرة د.عبدالله علي ابراهيم | Deng | 07-06-04, 12:27 PM |
Re: السودان الشمالي والمازق الثقافي - محاضرة د.عبدالله علي ابراهيم | Hussein Mallasi | 07-06-04, 12:34 PM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-07-04, 02:51 AM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-07-04, 08:14 PM |
Re: السودان الشمالي والمازق الثقافي - محاضرة د.عبدالله علي ابراهيم | Bashasha | 07-08-04, 08:56 AM |
Re: السودان الشمالي والمازق الثقافي - محاضرة د.عبدالله علي ابراهيم | Deng | 07-08-04, 12:27 PM |
Re: ردي علي محاضرة الدكتور بجريدة اخبار العرب | Agab Alfaya | 07-08-04, 11:38 PM |
Re: السودان الشمالي والمازق الثقافي - محاضرة د.عبدالله علي ابراهيم | Bashasha | 07-09-04, 10:46 AM |
Re: السودان الشمالي والمازق الثقافي - محاضرة د.عبدالله علي ابراهيم | Yaho_Zato | 07-10-04, 01:37 PM |
Re: السودان الشمالي والمازق الثقافي - محاضرة د.عبدالله علي ابراهيم | Yaho_Zato | 07-10-04, 04:53 PM |
Re: السودان الشمالي والمازق الثقافي - محاضرة د.عبدالله علي ابراهيم | Yaho_Zato | 07-11-04, 08:08 AM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-11-04, 09:03 AM |
Re: ها هو الجديد يا دينق في حديث الدكتور | Agab Alfaya | 07-14-04, 10:22 AM |
Re: السودان الشمالي والمازق الثقافي - محاضرة د.عبدالله علي ابراهيم | Bashasha | 07-14-04, 01:04 PM |
Re: الاتفاقات السياسية بين الشمال والجنوب لغو | Agab Alfaya | 07-14-04, 08:04 PM |
Re: المازق هو هذا الوطن الكبير | Agab Alfaya | 07-16-04, 05:55 AM |
Re: السودان الشمالي والمازق الثقافي - محاضرة د.عبدالله علي ابراهيم | Bashasha | 07-16-04, 08:26 AM |
Re: السودان الشمالي والمازق الثقافي - محاضرة د.عبدالله علي ابراهيم | Yaho_Zato | 07-16-04, 12:16 PM |
Re: السودان الشمالي والمازق الثقافي - محاضرة د.عبدالله علي ابراهيم | Yaho_Zato | 07-16-04, 12:28 PM |
Re: السودان الشمالي والمازق الثقافي - محاضرة د.عبدالله علي ابراهيم | Yaho_Zato | 07-16-04, 01:12 PM |
Re: السودان الشمالي والمازق الثقافي - محاضرة د.عبدالله علي ابراهيم | Bashasha | 07-16-04, 04:13 PM |
Re: السودان الشمالي والمازق الثقافي - محاضرة د.عبدالله علي ابراهيم | Yaho_Zato | 07-16-04, 06:18 PM |
Re: السودان الشمالي والمازق الثقافي - محاضرة د.عبدالله علي ابراهيم | Habib_bldo | 07-16-04, 11:17 PM |
Re: السودان الشمالي والمازق الثقافي - محاضرة د.عبدالله علي ابراهيم | Yaho_Zato | 07-17-04, 06:25 AM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-18-04, 10:23 AM |
Re: السودان الشمالي والمازق الثقافي - محاضرة د.عبدالله علي ابراهيم | Khatim | 07-17-04, 09:25 AM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-17-04, 05:43 PM |
الخاتم عدلان | mohmmed said ahmed | 07-17-04, 11:31 PM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-18-04, 10:28 AM |
Re: السودان الشمالي والمازق الثقافي - محاضرة د.عبدالله علي ابراهيم | Yaho_Zato | 07-18-04, 07:32 PM |
Re: السودان الشمالي والمازق الثقافي - محاضرة د.عبدالله علي ابراهيم | Habib_bldo | 07-19-04, 01:45 AM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-19-04, 07:29 PM |
Re: السودان الشمالي والمازق الثقافي - محاضرة د.عبدالله علي ابراهيم | Agab Alfaya | 07-20-04, 07:16 PM |
Re:مآلات دكتور عبدالله ابراهيم | Agab Alfaya | 07-27-04, 08:51 AM |
|
|
|