نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: ربي كفينا (شر) أول بلوغن وآخر قطوعن ! (Re: Rawia)
|
طـــق خااااص
الوريفة تيسير .. ود واحترام
حزنت ..وحزنت جدا وذلك لامرين ..
الاول .. المساس بمرأة علي هذه الشاكلة من الكتابة والتفكير وهذا شيء
يجد الادانه مني وعدم القبول ويستوجب الاعتذار للدكتورة / نجاة محمود
الثاني .. ان يصدر هذا من العزيز / صديق الموج ولست انا بقامة تقييمة او الحديث عنه
فقط لا احب ان اراه في هكذا موقف او هكذا راي ..
عزيزتي تيسير
في وقت ما كنا نحلم بان نجعل من هذا الاسفير منبرا ديموقراطيا تحفظ فية الحقوق
ونرتقي فية باختلافنا لمستوى نرضي عنه جميعا .. الاعتذار وحفظ حقوق الاخرين
من شانهما الارتقاء بالخطاب المنبري ..
مودتي
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: Rawia)
|
سلامات يا تيسر ما عارفك ح تردى على المليون شكلة المدورات ديل كيف!! ربنا يعينك.
صديق الموج
Quote: ايها الناس انا المدعو صديق الحاج الطيب الموج باهليتى المعتبره شرعا وبكامل قواى العقليه،وكما تعلمون اننى صرت جدا اعلن لكم ان عمرى الان 79 عاما بالتمام والكامل وبما اننى اكبر المذكورة بعاليه بربما اكثر من عشرة اعوام فانا اعتبرت ربما هذه تعنى سنتين عليه يكون عمر المذكورة 67 عاما والله من وراء القصد والله الهادى الى سواء السبيل.. |
صديق الموج ..انت شكلك ما فاهم اصلا الناس بيتقول فى شنو من الصباح. يا سيدى العمر ما شتيمة. و د.نجاة كان بقى عمرها 90 سنة دى مامشتيمة. الناس من الصباح تهرج و تشرع و انت جاى فى البوست ده تقول اصلا د.نجاة عمرها70 سنة؟؟؟ طيب و لو بقى عمر د.نجاة 70 سنة المشكلة وين؟؟؟.
Quote: حبوبتى البتول بت المساعد كانت بتقول ياربى كفينا شر اول بلوغن واخر قطوعن |
ده هو اللى طلعت بيه من حبوبتك؟؟؟ حبوباتكم الرقصوا بالرحط و طهروا بناتهم و بيقولوا جنس كلامك ده ما عاوزين معاهم و ما تعيدوا لينا كلامهم هنا. ما عدم احترام ليهم.... لكن احنا مشيينا و اتخطينا المراحل دى....كانوا تمام فى عصرهم..لكن اعفونا منهم الان.
____________________________________________________ مرات فى ناس فى البورد ده بيحسسونى ان قبل ما بكرى يدى الباس ويرد مفروض يدخل (بعض الناس) كورس بعنوان: "كيف تبقى بنى ادم؟"
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: محمد زكريا)
|
Quote: مرات فى ناس فى البورد ده بيحسسونى ان قبل ما بكرى يدى الباس ويرد مفروض يدخل (بعض الناس) كورس بعنوان: "كيف تبقى بنى ادم؟" |
غايتو لو الخرف البقولو دا بجيب جنس الكلام دا إن شاء الله ما نخرف كلو كلو ( ود الصايم ساعدنا بالوشوش الخضراء) غايتو لو منتظرين زولكم دا يعتذر تبقوا انتو الخرفتوا . __________ سلام تيسير
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: محمد البشرى الخضر)
|
شكرا يا تيسير على الاتساق (للضمان كدا أقسم بالله العظيم و كتابه الكريم قاصد المعنى المباشر للكلمة و هو المعنى الوحيد العارفه ليها). واضح جدا إنه فعلا نحن محتاجين لامتحانات زي دي عشان نعرف الفرق بين من يرفعون بعض الشعارات لتكميل وجاهتهم و بين من يؤمنون بما يقولون. الأخ صديق من ردودك ظاهر جدا إنه ما واقع ليك الناس محتجة على شنو و دي مشكلة حقيقية. ياخي الجوطة دي كلها ما الغرض منها إنه نثبت ليك إنه نجاة طفلة ولا صغيرة. الناس دايرين يقولوا ليك كلامك القلته دا شين في حق جنس النساء و إنه بلوغ المرأة أو انقطاع حيضها دا ما شر ولا خير بل هو شي طبيعي لا يجوز التعيير به.
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: Mohamed E. Seliaman)
|
Quote: حبوباتكم الرقصوا بالرحط و طهروا بناتهم و بيقولوا جنس كلامك ده ما عاوزين معاهم و ما تعيدوا لينا كلامهم هنا. ما عدم احترام ليهم.... لكن احنا مشيينا و اتخطينا المراحل دى....كانوا تمام فى عصرهم..لكن اعفونا منهم الان. |
اسمارت جابت الزبدة ..
صحي الإستفزاز البتعرض ليهو الزول بولد ردود فعل عنيفة ..لكن وين الوعي البخلي الزول ما يقع في المصيدة ؟..الوعي ماهو وقوف مع قضايا الجندر !..الوعي بظهر في الكلام البقولو الزول وفي ردة فعلو تجاه الإستفزاز،..وفي شنو البتقال وشنو ما البتقال ؟ ..غير كدة ده وعي ناقص وإمكن كمان قشرة ..، كلامي هنا ما موجه لصديق الموج لكن لأي زول بنفترض أنو (كويس)..
زعلني الكلام الإتقال غض النظر اتقال لمنو ..وزعلني أكتر أنو يقولو صديق الموج ..
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: داليا حافظ)
|
عشان الناس العاملة رايحة
الموج هذا لا اعرفه نهائيا ولا اتمنى ان اعرفه وهو الذي بدا يطاردني من مكان الى مكان
وقد فتحت بوست حذف بسببه بعنوان البحث عن شهيد بوست لا يخصه من بعيد او قريب
بدون مبررات كتب لي يا.................. ثم استمر في ممارسة الانحطاط الى ان قررت ان ارد عليه وعادة اعطي اي زول يغلط فرص كثيرة الى ان ارد عليهم بالفعل بدأت من دقنو فتلت ليه الى ان شتم اهلي كلهم
واي زول يتكتب ليه هنا يا.......... حيعمل نفس الحاجة الموج رجل مريض وقلبل ادب ومتخلف جدا جدا في نظرته للمرأة يا تحبه يا يقتلها هذه النوعية المريضة لا تلزمني ابدا. اي زول بفتكر اني غلطانة في هذا الموج يتحسس مخه ان وجد وكذلك ضميره ان وجد
والجاهل الجهلول بيكتب لي متصابية وهو لا يعرف معنى متصابية اسع لو كنت متصابية يا الموج كان فرحت بي فرح شديد وآخر غزل وحبكانات اي زول بالله يطل ارشيف الموج دا عشان تشوف اي نوع من الرجال هو وكيف بتعامل مع النساء في البورد ( والله خجلت ليهن) رجل لا يلزمني ابدا ابدا.لا اتعامل ولا اتسامح مع الرجال الفارشين ال libido حقهم في تعاملهم مع النساء. وهو نموذج مثالي للرجال الذين لا احترمهم
عايز تناقش اي موضوع ممكن تناقشه باحترام لا يهم من كاتب الموضوع رجل كان ام امرأة
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: د.نجاة محمود)
|
ود البشرى ظهرتا عاملة
Quote: محمد زكريا يا حليلك الليلة بس بقيت لي قيقراوي في بوست المعيار لا ايدك لا كراعك اتلببت البوست وبقيت في التخارجك
|
اسي دا نسميهو شنو؟ شيل حال و لّ تعاطف؟
تايسا يا انصرافية( و الله انا غايتو اقتنعت بكلام من قال اننا مخرفين لو راجين اعتذار من ود " الموج " ؟ اظنو ود موية ساي الزول دا ) عندي طلب ياخ!؟ ممكن نصرف شوية من رصيد انصرافيتنا هنا؟ ( حبيب ألبي عمر عشاري .. مفيش حد احسن من حد هنا )
تعرف يا ابو حتحوت صاحبك الفنان محمد زكريا هو ( المعلم ) و انا المقلد ... ما سمعت انتخبوا زكريا من أجل الايدولوجية!؟ ياخ دا قبل كدا برضو اتورط في بوست و غرق فيهو ... لحظو السئ او الكويس ما عارف!؟ ما يلقى جمبو الا العبد لله و ود القاضي و خدر الفنان همسلف و تسمع نداء الاستغاثة يايتك منو!؟ غايتو انا و ود القاضي اكتفينا بالفرجة و المغارز .. بالمناسبة دي مولانا خدر ما تخليهو يدافع عنك كلو كلو ... و دا الشكر اللقاهو من زكريا دا قال ليو : تاني ما تدافع عني بالله مولانا جاب ليو البراءة من اتهامات اختنا الظلامية ميادة، و ورطو في اتهامات جابا ليو هو من عند نفسو
يا اخوانا و الله ليس دفاعاً عن الفنان محمد زكريا ... لكن الزول دا كـ ( فنان ) زول مختلف* ... اعيدوا قراءة مداخلاتو في السياق دا و دا التماس بمحبة شديدة
-----------
* بس بعيد عنكم عندو شوية هوس كيزاني ... ما بحبهم كلو كلو .. ماعارف ليه!؟
اوع تقول لي ما تدافع عني تاني!؟ يا زكريا خذ الدفاع بقوة ... و اركز ... كلو من أجل الايدولوجية او كما قال حبيبنا الملك تاج السر
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: قيقراوي)
|
نحن نروح الاسم بقى وكل واحد ياخد حقو هناك
الواحد يفتح بوست يدين فيهو سلوك ذكوري وداخل البوست نجد نفس السلوك يمارس مع نفس الجنس
لذلك نرجو من الجندريات ترتيب البيت الداخلي فيما بينهن وبعد ذلك يمكن ادانة اي سلوك ذكوري بيد من حديد
الا ليت شعري وليت الطير تخبرني ....... ماكان بين منال وبنت عووضة
تحياتي
زاتوووو
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: د.نجاة محمود)
|
Quote: واضح شكلك ما داير تعدل مداخلاتك بتاعه نعيق ونبيح دىك كمان بتزيد فى الاوصاف المسيئه ولا تعتذر عنها كمان لاحظ انى لم احاول الاساءه اليك الا اللهم لو وصفتك بكوز هل الكوز صفه مسيئه؟ والله بعتذر ليك لو كانت كذلك |
يا زكريا
انت وكت قلت لي كوز انا قلت ليك عدل مداخلاتك ... ما كتبت ساكت من غير هدى بعدين شنو الكوز صفة مسيئة وما اداكما .. انت وكت ما معتبرها صفة مسيئة بتنبذ في الكيزان كل يوم في المنبر ليه ؟؟!!
كضاب القلتها ليك دي ما نبذ ده شرح لموقف انت قلت انا متلحك في البوستات
وانا قلت ليك انت كضاب انا ما متلحك انت المتلحني
بدليل انك اعترفت في البوست ده انك من بدا المهاجمة ، في بوست معين ، وهسع اعتذرت عن هجومك السابق وهسع في البوست ده راجع شوف منو البدا هجوم على التاني
وكت انت بتهاجم وبتقول انا هاجمتك
تكون شنو ؟
انت عاوز تتلح الناس وتنابزهم وتوصفهم وكت يردوا عليك تقعد تشبكم .. ان ان ان ومارشات عسكرية وقران
هسع مداخلتك النسخت منها انا الاقتباس الفوق ده خاتمها بشنو ؟ ما خاتمها بتريقة شفاته وما ادراكما
يردوا عليك حسب ما تكتب تقعد تانن
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: وليد محمد المبارك)
|
Quote: الواحد يفتح بوست يدين فيهو سلوك ذكوري وداخل البوست نجد نفس السلوك يمارس مع نفس الجنس لذلك نرجو من الجندريات ترتيب البيت الداخلي فيما بينهن وبعد ذلك يمكن ادانة اي سلوك ذكوري بيد من حديد |
ممكن توريني يا الزول زاتو وين نفس السلوك مورس مع نفس الجنس؟ عشان ما يبقى كلام ساي ..
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: تيسير عووضة)
|
الأعزاء والعزيزات المروا من هنا وأدانوا وقالوا آرائهم بوضوح سواء كانت مع أو ضد شاكرة وممتنة ليكم ولمشاركاتكم البوست حقكم وتقريباً كلنا قلنا العايزين نقولو اعذروني لو دمجت كتير من الردود مع بعض تفادياً للتكرار ورديت على بعض المداخلات الممكن يكون فيها شوية إختلاف بشكل منفصل
ليكم جميعاً إحترامي ،،
ونواصل
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: تيسير عووضة)
|
Quote: بالمناسبة: البوست دا مناهض للإساءة الموجهة ضد النساء بحكم مراحل أعمارهن وما يحدث فيها من تغيرات بيولوجية سمعتي بي جنس الكلام دا قبل كدا؟
كلامي الإقتبستيهو دا ما فيهو أي نوع من الإساءة أو المعايرة لأي جندر ذكر ولا أنثي فيهو إقرار بطبيعية الإحتياجات دي للجنسين وتنويه بأن البورد هنا ما مكانها ولا مكان للبحث عنها من خلاله ..
كدي بيني وبينك كدا كلامي دا المزعلك فيهو شنو يا منال؟ .. |
Quote: ممكن توريني يا الزول زاتو وين نفس السلوك مورس مع نفس الجنس؟ عشان ما يبقى كلام ساي .... |
كدي بالله مري على الكوت الاول لو مالقيتي حاجة اعيدي النظر مرتين وركزي على البولد برضو لو مالقيتي حاجة حاولي تمري عليهم تاني ولو مالقيتي حاجة افترضي ان الكوت ده بتاع صديق الموج واديهو قراية ح تطلعي بلاوي زرقاء عشان مايكون كلام ساي
زاتوووو
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: ALZOLZATOO)
|
الزول زاتو ..
لا أرى في الكلام البولد أي بلاوي زرقاء ولو أي واحدة كتبت نفس "البلاوي الزرقاء" الجد جد الكانت بتتكتب وخلتني أقول كلامي البي البولد دا يبقى صديق الموج وغيرو معاهم ألف حق الواحد فيكم يعمل رايح من الكلام القبيح ويلقى ليهو ألف تفسير وتأويل ولما نعترض فجأة عيونو تفتح ويقول دي بلاوي زرقاء وبلاوي بمبية ..
يا زاتو لا تدافع عما لا يُدافع عنه!
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: تيسير عووضة)
|
محمد زكريا ... السلام عليكم .. ما بينا اعتذار لانه مافي شئ يستحق ... انا كتبت كلام انت رديت عليه (ربما بنفس حار) و انا رديت عليك عشان بس تعرف اولا اني ما كوز ثانينا التصنيفات ما بتاثر فيني لاني عارف نفسي و مرتاح معاها ... الشئ التالت الما ذكرت من قبل وهو بالنسبة لي انا الفاروق معظم البمثلوا المعارضة كان هنا كان في الواقع و الكيزان ما ناس مبادئ و ميزان معايرهم مختلة و هم وجهان لعملة واحدة ... وهي راي صحيح و راي الاخر خطاء و ما بعترف بيه و لا بحترم خيارته ... و لذلك كفرت بي اهل السياسة السودانية ...
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: وليد محمد المبارك)
|
محمد زكريا
Quote: والله عال يا احمد بشير يعنى محمد فرح بتعتبره ضحيه واصبح حيطه قصيره؟؟؟ حرقك البوست بتاع لاتطردوهاطالب بعدم طرد محمد فرح ...والامنجيه واعوان النظام........تحفيزهم( فيديو+ صور) هى هكذا الحقيقه مريره طعمها وتحرق اتفق معك لقد قصدت ان اضرب به مثال عن تشابه السوء كما هم بعض رفاقه من الكيزان
|
Quote: الكل يعلم من انت ولكن هل انت رفيق له؟يزعلك ان كل المنبر استنكر حديثه وطالب بفصله؟ |
محمد فرح اخطا واخد جزاه بما فعلت يداه ؛ وكتبت ليهو في بوستيهو والبوستات المجاورة أنو كلامو غلط ؛ وانت عارف انو محسوب علي تيار المستقبل بتاعنا؛ وما بزعلني انو الناس استنكرت فعل الكوز محمد ؛بقدر ما زعلني انو انت ما ادنت نفس الفعل لمّن صدر من شخص محسوب علي تيار المعارضة وجيت بتبريرات ماعندها معني ؛
Quote: كلكم ما همانى عداواتكم بس مزعلنى وحارق روحى الاسمه احمد بشير ده ياخ انت تشيل وتنقل فى صور المداخلات بتاعه المشاكل من بوست لى بوست وتلصق ده فى داك وتحرش هنا وهناك ده يسموه شنو
|
إنت لو كنت زول حقاني مفروض صور المداخلات الجبتها انا ماتزعلك ؛لانو ده فعل حدث هنا في البورد ومافي حاجة جبتها انا من عندي ؛ وليه الناس انشبكت في محمد فرح؟موش برضو كتب مداخلة ماجميلة في حق اخوات خارج المنبر وانت بي عضمت كيبوردك قلت مداخلات المشاكل !!!
خلي عندك مبدأ وشفافية وتقول الغلط غلط ولو علي نفسك ؛ موش تعملا لي كيزان ومعارضة ؛حسب معارضتك للكيزان والسلام.
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: Ishraga Mustafa)
|
يا ايها الشباب جميعاً بكل الوان الطيف صغاراً وكباراً نساءاً ورجالاً كانت حمى الويكيند وعدت العفو والعافيه ويدينا طوله البال وسلامه العقل
والله المزعلنى انه العالم الحولنا كله طالع ثورات الا نحنا وما عارفين نسوى شنو غبلتنا الحيره ولا الخوف ولا شنو ما عارف الكان بناضل تلقاه ارتد كوز والكان كوز تلقاه انقلب ضد والما معروف شنو ما تعرفه هو ذاته شنو
ومافى زول بقدر يورينا الحاصل شنو كبرنا ولا صغرنا ولا اصبحنا شنو ما معروف حالنا كلنا ناس عندها مبادىء وما قادرين نقف فى وجه نظام ضد كل المبادىء وبرضو نقول بنتمسك المبادىء كل شىء ممسوك من النص ناس يعتقلوها وناس يخلوها وبرضو نتفرج وبس وبنجامل بعض كتير فى الحق والما حق وبنخاف اكتر على مصالحنا الخاصه
بصراحه عندى احساس انه اصبحنا كلنا منافقين
انا كرهت الحياة دى ذاتها وبالجد قرفت من هذه العيشه
العفو والعافيه وسامحونى على غلطاتى عليكم جميعاً بدون فرز
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: محمد زكريا)
|
Quote: الواحد فيكم يعمل رايح من الكلام القبيح ويلقى ليهو ألف تفسير وتأويل ولما نعترض فجأة عيونو تفتح ويقول دي بلاوي زرقاء وبلاوي بمبية ..
يا زاتو لا تدافع عما لا يُدافع عنه! |
غير صحيح طبعا، بعدين عيونا مفتحة طوالي مش بتفتح فجاة في بوستات وتنوم في بوستات تانية
ماترينه قبيح قد يكون غير ذلك لشخص اخر وماترينه حميد قد يكون قبيح لبعض الاشخاص فالاشخاص هنا محكومون بقوانين موضوعة من صاحب البورد واي كلام يخالف القوانين يتم حذفه فاي شئ موجود معناها غير مخالف وان اختلفت معه انا او انت فالمنبر منبر حر وضعت له قوانين بدون ان نتدخل فيها
انا لا ا دافع عن اي شخص واي زول عندو باص وورد ياكل نارو بس كمان بعض مرات في واحدين بيناقضوا نفسهم بي نفسهم
تحياتي
زاتوووو
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: محمد عبد الماجد الصايم)
|
Quote: ياااا مورتون .. أمرقني من إحساسكـ دا إذا سمحت ظروفك |
وانا كمان بالله يا محمد زكريا
يا خوي للمخارجة من المواقف الزي دي عادة الواحد بقول " دي آخر مداخلة لي هنا" ويجي راجع بعد يومين تلاتة تاني و يقول دي آخر مداخلة وهكذا ممكن تستعين بصديق*
_________________ * صديق أول حرفه قيقراوي
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: ALZOLZATOO)
|
الموضوع دا قتل نقاشاً قبل سنة من الآن ما عارفاك كنت وين الزمن داك ما أظن عندي إستعداد أجتر قناعات وأكرر كلام إتقال قبل كدا
عموماً شكراً ليك يا زاتو على المرور والتعليق ورايك - وإن إختلفت معاهو كلياً - برضو محل تقدير ..
تحياتي ..
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: Ashraf el-Halabi)
|
ابو حتحوت
Quote: صديق أول حرفه قيقراوي
|
دا خيا اتحرق خلاس!! استعين بالجمهور ساي بعد دا ... يا زكريا خذ ( العتاب ) بقوة
و الله الصديق اجتهد معاه لكن صاحبك موقفو منتهي كلو كلو ... بقينا في التحنيس و اللالتماسات ... نسوي سنو عاد!؟ و الظريفة كل مداخلة بطمبجا اكتر!!؟
يا مورتون يا فنان - بصفتي محاميك - انصحك تبعد عن البورد لويك ويكين اند كدا .. و بعدين تعال! غيب و تعال .. تلقنا نحن يانا نحن ذااااااااتو
---------
يا ذاتو ياخ انت ما قريت كلام " طبارك " الذي ليس بيده شئ داك!؟ قليك الاسبوع كلو صرع جندر الا الجمعة صراع نوبة و السبت المحكمة
يا زول بطريقتك دي بتركب معاي انا واخوي زكريا دا في سرج واحد!!!! اسي في ي ي البوست دا، دكتورة بيان كرفست لي صديق الموج و لفتو في قرطاس و سلمتني ليهو في ي ي يدي غايتو انا اتعلمت - آآيي بتمن فاادح جداً - لكن اتعلمت و الحمد لله و قديمن قيل " التجربة التي لا تورث حكمتها تعيد نفسها في ملهاة " ... اختى الخت المعلق، و ركز على يوم الجمعة ... و يوم السبت تعال المحكمة للفرجة ساي الناس ديل كلهم ناقشين السألت عنو، و عاملين غمرانين
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: قيقراوي)
|
ياقيقراوي
ياخ اسف على التاخير في الرد عليك قلنا ليدس فيرست
ورينا الحاصل بينهم شنو وسجل الفاتورة على الحساب الجاري بيننا
اما بخسوس طبارك الذي مابيدو حاجة الراجل ده انا بقرا ليهو من زمن كان اسمو ياهو زاتو وتطور الى تبارك زول كتاباتو لذيذة جدا مع انها بتكون حامضة بعض مرات بالمناسبة صراع النوبة برنامج طويل هاهاها ياخي تشوف كل مجموعة جايبة المصارع بتاعها بي سيرة ليها ضل والذ حاجة كمان لمن يفوز النقاطة تشتغل يملو ليهو الفانلة الداخلية جنيهات ساكت لووولز.
الركوب في السرج مامشكلة بالنسبة لي لانو عادي ممكن انزل بي ضنب الجمل اذا لزم الامر النزول .
عشان كده يامعلم قلنا للجندر نظموا الصفوف
تحياتي كما تعلم
زاتوووو
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: ALZOLZATOO)
|
Quote: عشان كده يامعلم قلنا للجندر نظموا الصفوف
تحياتي كما تعلم
زاتوووو
|
لوووووووووولز@ زاااااااتو.ضوط كوممممم و صررررررررر
الطريق الى جهنم مفروش بالنوايا الحسنة ياخ!؟
اهو البركبك السرج و قيل التونسية راسا عديل، غير الشمار الكتل الكديسة دا تاني مافي!؟ مياو واو ركز على الجمعة ياخ ... قيقا المطلوب مشغول حالياً بالدفاع عن زكريا من اجل الايدولوجية
كان مصر غايتو اخد الاجازة و ذاكر المعيار كوييييس ... اهو بالمرة نحن بجاي نكون على الاقل خلصنا من الدفاع عن مورتون دا! عشان نتفرغ للدفاع عنك انت دا زاااااااتولمن يجيبوك في المحكمة يوم السبت هنا!! ... المافي شنو!؟
--------------
محتاجين تضامن رجالي عديل في بورد من لا بورد لهو دا نحن
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: تيسير عووضة)
|
Quote: النجيضة يا تايسا .. زاتو دا داير يرجعكـ لنقطة الانطلاق: ما هو المعيااااار؟.. |
ماعندي شك ياود الصائم انك نقطة الانطلاق دي فتها زمااااان
Quote: الموضوع دا قتل نقاشاً قبل سنة من الآن ما عارفاك كنت وين الزمن داك ما أظن عندي إستعداد أجتر قناعات وأكرر كلام إتقال قبل كدا
عموماً شكراً ليك يا زاتو على المرور والتعليق ورايك - وإن إختلفت معاهو كلياً - برضو محل تقدير ..
. |
كنت على يقين انك ح تتقبلي النقد بي صدر رحب
كنت موجود ايام المعيار لكن الكلام الاتكتب عايز ليهو اجازة مرضية عشان الواحد يقراهو على العموم اعتبري المداخلة عتاب من احد المتابعين لبعض كتاباتك عندما وجد قليل من تداخل
بعدين منال وصديق الموج ديل ماعندي معاهم شغلة رشيهم لوووولز
تحياتي
زاتوووو
| |
|
|
|
|
|
|
Re: ربي كفينا (شر) أول بلوغن وآخر قطوعن ! (Re: خدر)
|
Quote: كيف ما في زول اشتغل بيه؟!! أمال الحلبي مع منو؟ |
تخيل يا بشرى أنا كنت قاصد اللاعب موضوع الشكوى ذاتو (عمك الموج) لكن لمن لقيت كلامك دا وحكاية "قيدت ضد مجهول" رجعت فتشت كلام حنين وعليه: حنين Cc to
| |
|
|
|
|
|
|
|