حبيبي أنا عيانكلمات: عمر البنا
ألحان وأداء: كرومة
(صورة تضم عمر البنا وكرومة)
في الطيف أو في الصحيان
زورني يا حبيبي أنا عيان
مالو لو في بعض الأحيان
تسمح لي صحواً أراك عيان
تاخد يا حبيب عن حالي بيان
عسى تبقي قلوبنا في الغرام سيان
ديمة أساهر لي صيحة الآذان
أناجي خيال أشعاري والنجم والأوزان
إنت وين يا البي حسنك وطنّا مُزان
إنت تظهر وتكشف عني الأحزان
يا الفريد في حسنك و بهجة أمدرمان
لي من شوفتك يا حبيبي زمان
أنا ساهر و نوم عيني حرمان
و إنت بين أترابك في نعيم و أمان
النحول علي جسمي يا حبيبي أنا بان
و إنت جسمك نامي و بالنعيم طربان
لو رأك الناسك المـن الله جبان
بيك يفتن و يصبح بالغـرام تعبان
قبل حسنك قط ما رأيت إنسان
فاق العسجد لمعة و الحرير لمسان
كيف يحصر وصفك يا حبيبي لسان
والبان إتعلم من قامتك الميَسان
إيه الدرر لي سناك وبنت الحان
لي لماك و إيه نفحة الريحان
إنت حسنك كامل لكـن لمحان
خدك قاسي و قلبك ما حان