|
|
 عثمان عووضة ...أبو تيسير عووضة
|
أبوي ..الله يرحمه ويتغمد روحه الينة.. عاش في مصر فترة طويلة
عشان كدناس بلدنا ماكانوا بيعرفوه كويس وكانت ملكية كل الاشياء تقريبا
تعود للوالدة امنة نصر ..الله يطول عمرها
بعد الوالد رجع من مصر واستقر في البلد لاحظ انه اسم امنة نصر ماكل الجو
والكلام دا ما عجبه ومحروق منه حرقة شديدة
يا شيخ عووضة انت المزعلك شنو ياخي دي مابرضو مرتك وكدا
والله بالجد حاجة تزعل
الجناين ورثتهم من ابوي قالو جناين امنة نصر
الاولاد جبتهم من ضهري ينادوهم يا اولاد امنة نصر
البيت بنيتو بي قروشي قالوا بيت امنة نصر
جبت لي جريوة ربيتها ..عشان تشيل اسمي
لمن كبرت قالوا ######ة امنة نصر
اها ال######ة قامت عضت ولد شيخ البلد
يا اخوانا دي كطلبة منو؟
يادوبك افتكروني ..يعني البجيب البلاوي دي منو غير شيخ عووضة
دي ما######ة شيخ قشورة
الله يقشركم ياخي
|
|
 
|
|
|
|
|
|
|
|
Re: عثمان عووضة ...أبو تيسير عووضة (Re: خدر)
|
Quote: جبت لي جريوة ربيتها ..عشان تشيل اسمي
لمن كبرت قالوا ######ة امنة نصر
اها ال######ة قامت عضت ولد شيخ البلد
يا اخوانا دي كطلبة منو؟
يادوبك افتكروني ..يعني البجيب البلاوي دي منو غير شيخ عووضة
دي ما######ة شيخ قشورة
الله يقشركم ياخي |
ههههههههههههه والله دي حلوة دي
وانا اقول تيسير دي الجابا منو ههههههه
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عثمان عووضة)
|
ويبدو ان مقولة التاريخ يعيد نفسه صحيحة تماما
اتصلت اليوم بكمية من بورداب الخرطوم بغرض التحية والتعارف
وتكرر معي نفس سينارية ######ة عووضة
السلام عليكم
عليكم السلام
كيف الحال ياخي
كويس
الله يسلمك ياخي
اهلا
كيف احوالك
منو معاي؟
عثمان عووضة
اهلا
انا عثمان عووضة ..أبو تيسير عووضة
اهلا يا عمو حمد الله على السلام متين في البلد كيفك و بلا بلا بلا بلا
ياخي الله يقطع قشرين قشورة ياخي
باله دي ما عوجة ???
يعني الواحد يمشي يجيب ليهو شكلة يفتح بيها بوست ولا رايكم شنو؟؟؟؟
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عثمان عووضة)
|
اناشدك باستشارة العقلاء لايجاد حل عاجل وناجع لهذه الاشكالية قبل ان تستفحل وتخرج من الاسفير الى غيره مع ضرورة اتخاذ اجراءات تعسفية في الوقت الراهن بمنع كريمتك تيسير من استخدام النت الا للاطلاع فقط ويا ريت لو انت مزكيها عند بكري ان تستبري من التزكية ومنعها من الرد على الهاتف او بالاحرى تغيير رقم تلفونها ومسح الارقام القديمة كلها... ومع ذلك يجب ان تكثر من الاشياء التي كانت تفعلها تيسير بالتركيز اولا على الكتابة الكثيرة في الاسفير وفتح بوستات كثيرة تفوق بوستات الحبيب صديق مهدي مع اختيار العناوين اللافتة للانظار ...ومهم جدا كضربة قاضية ان تغير اسمك في المنبر الى اسم ابو تيسير عووضة وبكدا بتكون امسكت بزمام المبادرة .
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عثمان عووضة)
|
أخونا عثمان
أللهم أغفر لعمنا شيخ عووضه ووسده الباردة يارب
ونسأل الله أن يمد في ايام والدتناأم نصر ويخليها لي ولادها وبلغها تحياتنا..
وعشان ما تزعل لا أنت ولا تيسير ولا أخوانكم أوؤكدلك أن الحال من بعضه في مجتمعنا هذا حيث يسود أسم الأم على إسم الأب وتالي الأب وسط اخواتها وأخوانها وحبانها وحتى ناس الحي والفريق كلهم يمشي عليهم هذا الشيء، فالكل يجري على لسانه أولاد أم حقين وبيت أم حقين وجردل أم حقين وحتى الأب في لسان النساوين لا يطروه أبداً فيقولوا راجل أم حقين.. هذا بالرغم من أن مجتمعنا أبوي وبها المناسبة كثير من الناس لا تعرف عن أهل أبوها إلا كان يملك ميراث في البلد أكان في سافل أو في الصعيد (حليل أهل الصعيد!)
فيا عثمان كلنا عيال أم حقين ولي يوم الدين مادم مكتوب لنا النشأة وسط أهل أمحقين..
أللهم أرحم والدينا ووالدي والدينا وكل أم حقين كانت ولا زالت وستظل هي أمنا وأختنا وحبيبتنا.
يلا ورينا تاني المشكلة وين؟
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: خدر)
|
ياجماعة جاييكم واحد واحد بس المشكلة النت بطئ للغاية في السيدة الخرطوم
طبعا الكلمة الشخبتها رقيب بكري هي كلمة كل-ب
ياخي خليكم من دا كلو
السيد الدكتور المفكر امين خال حمور شخصيا ما اشتغل بي شغلة لمن رسلت ليهو ميل في وفاة امه الله يرحمها
وفي النهاية اكتشفت انه ماعرفني لانه ما كتبتب عثمان عووضة ابو تيسير عووضة
شفتو كيف
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عثمان عووضة)
|
كان أولاد ( حوا ) سمة بارزة في فريقنا وفي زماننا
ما شاء الله عليهم كانوا سبعة أو ثمانية لا أذكر لكنهم كانوا متوزعي الإهتمامات
فمنهم العامل في السوق ومنهم لاعب الكرة ومنهم الفنان ومنهم الطالب ومنهم ........
العامل المشترك بينهم هو ظرفهم وروح النكتة
لذلك انتشر اسم ( حوا ) هذا في كل مناحي حيواتنا
تشاجر أحد أصدقائنا مع أحد أولاد ( حوا ) ، وأخذ ولد ( حوا ) كرة صديقنا وذهب بها
لم يجد صديقنا أمامه حلا سوى الذهاب لمنزل ( ولد حوا ) ليشكوه لأهله
ذهب صديقنا لمنزل ( ولد حوا ) ، قرع الباب، فتح الباب رجل كبير في السن، خمن صديقنا أن هذا الرجل هو والد غريمه لذلك فاجأه بطرفته
"يا ( عم حوا ) ولدك غلط على وضربني وشال كورتي ومشى ...... "
____________________
سلامات أخونا عثمان عووضة ( ود آمنة )
تيسير عووضة دي منو ؟؟؟؟
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عثمان عووضة)
|
Quote: ياخي قومي لفي
الناس ديل كلهم جو لي حوار انتي فوق كم؟؟؟ |
يعني بقت علي أنا بس الما أتيت لحوار؟
الحوار الغلب شيخو 
ـــــــــ
لو ما رجعت في غضون الأربعة وعشرين ساعة القادمة صدقني حا أغير قفل الباب وأخليك تمشي تأجر مع عزابة
المجد والخلود لجدادة الخلا
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: Adam Mousa)
|
الف مرحب
الاستاذ
عثمان
اول امس كنت فى معرض الشارقة للكتاب
قابلت الياسس فتح الرحمن
سالتو من الكتب
قلتا ليهو يازول الناس الطالبن الكتب كلهم اختفتو
سمؤال ابوسن سافر البحرين وصلاح ابوحجل فى السودان وعثمان عووضة اختفى اها تقوم تظهر
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: mohmmed said ahmed)
|
مالو كان رافعة راسكـ ياخي 
_____________________________
الوالد ضاقت بيهو مدينة ما في سودان (الأمس)
شال عدتو ورجع الشمالية ومعاهو البنات
أها أخواتي فيهم واحدة روحة روح مجاملات شديدة وانتشر اسمها بين الأهل ( والما أهل )
وأتاري انتشر بين الناس بيت ناس أميمة
ماشين ناس أميمة
جينا من ناس أميمة
ولاغين ليكـ عناوين الآخرين تماماً
واحدة من زميلاتة وتعمل معها في التدريس قابلت الوالد عند الباب وهي لا تعرفه
وقومي أسأليهو يا عمو ده بيت ناس أميمة ؟؟
قال ليها بدون ما يشعر ( لا ده بيت ناس حسن صالح )
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عبدالوهاب علي الحاج)
|
وهبة ياوهبة
والله الدي لا اله الا هو انت من اول الناس الفتشت عليهم بمجرد وصولي
وجيت لاحدي الكرين وسالت واحد اسمو الكباشي منكم ومعي شاهد عدل
ولو ما مصدقني اسال هشام هباني
اما ادا سالتم عن التلفون فهو مغلق
ولو مامصدق اسال اخونا شول وبالمناسبة شول كان احد الدين وراء هدا البوست اللعين
ياخي الماعايز يترك رسالة صوتية ياكل تبن في البلد دي ولا شنو
\افنح التلفون ياخي
ان شاء الله تنضفو وتقفله تاني
عالم عجيبة خلاس
انادي ليك ولا تقعد مؤدب؟؟؟؟؟؟؟؟
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: mohmmed said ahmed)
|
يا استادنا ممد سيد احمد
احوالك يتخي وفي رواية اخرى سكرفي
والله مشيت علي شلاقتي السودان ووقعت وقعة زي الطين ياشيخ
الله لا وراك ليها
بتصل فيك بعد ارجع ادا كان تلفونك ياهو بتاع سنة التساب داك
------
سنة التساب لغير الناطقين بها هو سنة فيضانات عام 1946
| |
|
|
|
|
|
|
|
|
 Re: عثمان عووضة ...أبو تيسير عووضة (Re: jini)
|
أخباركـ يا أبو تيسير والأمور
عندنا عما لينا قاعد فترة طويلة في الغربة، أها رجع قعد هناكـ نهائي
وناس الحلها كوولها بتعرف بيتهم باسم زوجتو .. أها يوم قووووم يا عمي
روح من البيت، يسأل يا جماعة بيت ناس فلان الفلاني بين وين (اللي هو اسمو)
الناس كلها ما عرفت، في النهاية قال ليهم عندو أولادو فلان وفلان .. الجماعة
قالوا ليهو أيووووا .. ما تقول بيت ناس (فلانة) ياخ!!
شفت إزاي
وتحياتي للمفعوصة!!
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عثمان عووضة)
|
Quote:
يا حيدر انت ماحاضر عرس امها
مانصحت ابوها ليه
والله انتو خوتكم اخير منها داء الك-لاب |
والله الا نكون حاسدنك
يا اخى سميرة حمودة اتنين فى واحد شامبو وبلسم
يعنى زوجة ومقاول غاية ما يحلم به اى مغترب
تحاتى لهذه الاسرة العظيمة
جنى
| |
|
|
|
|
|
|
|
|
 Re: عثمان عووضة ...أبو تيسير عووضة (Re: jini)
|
مرحبا عمنا عثمان امنة بتان
شرفت الديار ..
والشكر اوله واَخره لتيسير التي بيدها مفتاح البيت ..
_____________
بالمناسبة مرحلة الكاروهات دي لا ينالها الا كل ذو فكر عظيم..
لكنك You hit the ground running عيني باردة:)
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: مرتضى احمد عبد القادر)
|
العم عثمان عووضة ابو تيسير عووضة
مرحب بيك
ونيابة عن نفسي وعن اعضاء المؤتمر الوطني الظاهريين والمستترين نرحب بك في البورد وفي المؤتمر ان رغبت ونثني مقترح ناس حزب الامة الذي تفضل به الاخ عمر نيابة عنهم وندين وشجب ماتقوم به تيسير من تقليد لحبوبتها
وبهذه المناسبة اهدي لك هذه القصة
قالو في احد الاحياء كان في واحد عسكري اسمو عبد الله وكان مسافرا وزوجته تبيع الطعمية فاصبحت مشهورة في الحي باسم مرة العسكري
وبعد فترة جاء عبد الله من السفر واستقر
فاصبح اهل الحي ينادونه ب
عبد الله راجل مرة العسكري
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عمر صديق)
|
اسنادنا عمر صديق تحياتنا
ياخي يمكن انا من اعضاء المؤتمر الوطني المستترين الامنجية
مالك عايز تشيل حالي
(الله يستر مايجي واحد بكره يشيل _انا من اعضاء المؤتمر الوطني المستترين الامنجية-
ويقول لي اهو اعترفت بي عضمة كي بوردك)
مع تحياتي لحبوبة صلاح غريبة
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: احمد العربي)
|
ولدنا احمد العربي الظريف
اتاريك الناس يضربوا في الزغني ماجايبين خبر
وانت شغال دار الوثائق المركزية
عفيت منك والله
--
الزغني المدكور لا علاقة له بالزغني بتاع امريكا
والعجاجة العملها الامنجي خدر ومن لف لفه
لدا لزم التنويه
| |
|
|
|
|
|
|
|
|
 Re: عثمان عووضة ...أبو تيسير عووضة (Re: عبدالرحمن الحلاوي)
|
شفت كيف يا عم عثمان , يجوا ناس تيسير عووضة يدوشونا بالتسلط الذكوري المالي السودان !!
لكن شكلها فطرت بيك بدري يا خال
النضيجة علي قول الضحكونجي لو استمرت هذه الكاروهات تزين كتاباتك واقتباساتك من بوستات ذواليد , حتما سنري تيسير تلاعبك ( الليدو) في هذا المكان
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: اساسي)
|
السماني ياخي انت تيسير دي ماجاتك مقنطرة
وبي معيارها كمان ولا بس فالح فوقي انا
صاحبك شايفو قبض ولبد
حتى سمك عوضية ما جابو من منفته الاختياري
كدي امش شوف الحاصل شنو
بس اوع يغشك وياكلك حنك صبحية مباراة الرد امام الصفاقسي
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: وليد محمد المبارك)
|
ود امنه .. ابوتيسير ...
اها عثمان عووضه ضاعت كله كله .. ولكن .. هل يخفى القمر ..
-----------------------------------------------------
تعرف نحن 7 بنات فى مناسبات اهل الوالد بنادونا بنات الصادق ..
وفى مناسبات الوالده بقولوا لينا بنات خديجه ( فى الحالتين انا الضائع)
اها ...والبتفرس اكتر .. عند اهل بعلى بنادونى مرة طارق ( والله دي بتغيظنى غيظه )
غايتو أسمي ده إلا انادي نفسي واحس بيهو ..
تسلم انت وام تيسير وتيسير .. وكل آل عووووضه
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عثمان عووضة)
|
عملا بالناسخ والمنسوخ
لقد بذلت تيسير عووضة جهدا كبيرا حتى وصلت لهذه المكانة واي محاولة للنيل منها بهذه النعرة الاستعلائية الوصائية سوف ترتد الى صاحبها اخذين في الاعتبار ان محبة الناس لا تشترى بالمال ولا تفرض عليهم بالقوة وانما بالر ضا والقبول لهذا يا ابو تيسير غنى ظلموني بس .
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عثمان عووضة)
|
يا رااااااااجل..
على قول عمك دنيا دبنقا..
ــــــــــــــــــــــــــــــــــــــــــــ
عثمان عوضة..
أهلاً بك فى رحاب الوطن..
ونتمنى أن تكون قد قضيت أيام طيبة..
تبقت لى فى الخرطوم ثلاث أيام قبل أن (نتعاقب)..
نتمنى أن نراك خلالها..
أو على الأقل نسمع صوتك..
0912313042
مع التحية والمحبة لك ولتيسير..
أزهرى..
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: محمد عبد الماجد الصايم)
|
ياخ ماقلنا ليك النقطة بتاعة البتاع دا مالاقينها
بعدين تعال هنا ياود الصايم
انت بتتريق على بنات المهدي كدا ماعارف عصام الترابي ببقى ليهم شنو؟؟؟
انشاء الله بس اتدكر لمن الاقيهو بعدين
وماتقول كمان قال ناوي الحج السنة دي
غايتو الا في موسم الحج دا تمرقها في جزيرة لبب
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عبدالكريم الامين احمد)
|
اووو كيكي ابو بت ياخي
باركنا ليك بهناك ان شاء الله تتربي في عزك ياخي
(هسه يجي ود الصايم يقول ليك عزك دي ناقصة حرف)
غايتو عالم عجيبة خلاس
خلي جاء قبيل وادانا الفيها النصيب وزاغ
بعدين حكاية الحلوف والسبت دي ماتخليها بعد السماية وكدا
ولا شنو؟؟؟؟؟؟؟؟؟
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: عمر صديق)
|
ابو تيسير عووضة سلامات وحمدلله علي السلامة
انت بتتريق على بنات المهدي كدا ماعارف عصام الترابي ببقى ليهم شنو؟؟؟
واللييييييييييييييييييييييييييييييييييييييييييييييييييييلا ياود الصائم انت قيلو بجيك براهو
دا بجيب معاهو اربعة مدججين كمان ومكي علي بلايل يحلك مايتلقي
خالص الود
| |
|
|
|
|
|
|
|
|
|
Re: عثمان عووضة ...أبو تيسير عووضة (Re: ياسر بيناوي)
|
Quote: حيدر ياخي انت مالك عايز تبقى لي زي جعفر عباس مقاول و ......
انتو النصيحة دي مابتمرقوها ليه
مالها من عائلة محافظة؟؟؟ |
مقاول دى انا بشهد ليها اكتر من ابوالجعافر
يا اخى دى مواكبة وبتعرف البيل اوف كوانتيتى والتنفيذ والسيوبرقيزن والكوست اكتر من محمد على بشير الباشمهندس زاتو!
بينى وبينك وفرت كم ثرو هار بيرسونال انترفنشن!
النصيحة ما بتمرقوها يا العووضاب!
جنى
| |
|
|
|
|
|
|
| |
عثمان عووضة
خدر
khaleel
ALGARADABI
عمر عبد الله فضل المولى
الطيب عبد الرحيم خلف الله
Rawia
طارق جبريل
فيصل نوبي
عاطف عمر
معروف حمدين
تيسير عووضة
Adam Mousa
mohmmed said ahmed
عمران حسن صالح
عبدالوهاب علي الحاج
jini
محمد عبد الماجد الصايم
حسين نوباتيا
مرتضى احمد عبد القادر
عمر صديق
احمد العربي
خالد العبيد
عبدالرحمن الحلاوي
اساسي
خالد عبد الله محمود
عفاف الصادق بابكر
أمير فتحي
بشير جبريل علي
عبدالكريم الامين احمد
ماجدة عوض خوجلى
Adil Osman
ياسر بيناوي
فيس بوك
تويتر
انستقرام
يوتيوب
بنتيريست