وماذا إن لم يصلي نقد؟

Quote: يا أخى أنت همك كله كيزان وشيوعيين وأنتخابات .. وبالأحرى أمر دنيا .. هل تعلم يوم الموقف العظيم كما ندافع عن بعضنا هنا .. نرافع عن بعضنا هناك .. هناك مافى كيزان .. هناك فى سيدنا مالك خازن النار .. البشير ما بلحقو فى الشدة .. أحسن ليكم تخافوا من مالك .. بدل تخليكم عن الدين حردان ساكت ضد سلوك الكيزان .. وللعلم نحن شهداء على ما فعله الكيزان بالشعب السودانى يوم الأخرة .. جهز شهادتك يا ياسر طفيور .. عشان ما يبطبطوا ويطلعوا مننا هنا وهناك ..

Quote: متخيل إني بتفاصح فصاحتي دي كلها عن جهالة؟ في داعي هسي أنفعل وأقول ليك إني حافظة القرآن ولا قارية كتب الفقه والتفاسير والتاريخ الإسلامي بما توفر عشان تقتنع؟

تحياتي

زاتوووو

Quote: مفروض من منو ؟ وملتزم دى حانعرفها كيف ياوليد بمنطقك اعلاه خليك من نقد انت اسع مرشح فى دايرتنا وعشان ننتخبك اول حاجة انت قاعد تصلى ؟ وين وكيف والشافك منو.. دايرين شهود دايرين اثبات انك اذا كنت بتصلى انو صلاتك دى لوجه الله تعالى وانو خشوعك وقيامك ليس للناس وما شوفنى ساكت وانو ماعندك مارب اخرى من الصلاة وضح لينا بالدليل العملى انك ملتزم باوامر الاسلام ما بتكضب مابتسرق مابتشيل حق زول ..نرجو ان تكون الافادات موثقة ومختومة من الجهات المعنية عشان نديك صوتنا. ----- قالوا فى الزمن دا اذا كان المتحدث مجنون خليك اجن منو

Quote: كتيرين جداً رأيهم من رأيك ودا سبب فتح البوست دا عشان الناس ما تتخما ساي بتكفير المتشنجين ..

Quote: شوفي يا بتنا... موضوع الصلاة قضية مركزية في الدين بل هي عماد الدين وهي الصلة بين العبد وربة.. في صلاة في صلة مع الرب مافي صلاة مافي صلة والسلوك العام بتاع الشخصية السودانية العادية هو الاتزام بالصلاة والايمان بيها.. والاصل في الدين هو الاخذ بالظاهر (اذا رأيتم رجلا يرتاد المساجد فاشهدوا له بالايمان) حديث شريف طبعا دا هو خط التدين العام بدون تشدد ..

Quote: شوفي يا بتنا... موضوع الصلاة قضية مركزية في الدين بل هي عماد الدين وهي الصلة بين العبد وربة.. في صلاة في صلة مع الرب مافي صلاة مافي صلة والسلوك العام بتاع الشخصية السودانية العادية هو الاتزام بالصلاة والايمان بيها.. والاصل في الدين هو الاخذ بالظاهر (اذا رأيتم رجلا يرتاد المساجد فاشهدوا له بالايمان) حديث شريف طبعا دا هو خط التدين العام بدون تشدد ..

Quote: والله قامت بيكم بس يا شيوعين اها انا ما بجي اصلي المغرب في التلفزيون انت ما تنتخبي وانا ما بنتخب نقد ومعاي كتار عشان قال ما بصلي كلو كلو يا زول نقد طبزها جرستكم دي ما بتلتقها

Quote: ولا في مقارنه الاسقف قبريال ملتزم اوامر دينة لحدي ما بقى اسقف - يعني درجة امام جامع عندنا - نقد ما التزم اوامر دين ارتضاه طواعية وهو قال كده بعضمة لسانه الفرق كبير نوريكم الجن الجدد

Quote: الأخ وليـد السـلام عليكم أرجـو أن تبتعـد عن الانفعال الذي يجعـل قناعتك بحـق الأسـقف ( درجة امام ) في الترشـح لدى المسـلمين في ســرج واحــد مع نقـد لأن الاســلام من وجهة النظر التي تحاكم نقـد يفيد بأن لا دين بعـد رسـالة سـيدنا محمد صلى الله عليه وسـلم ,وأن الكتابي لا يتولى أمر المسـلمين لا في قضاء ولا غيرو بل بعض المدراس تعتبرهم كفار

Quote: هو دينا نحن ونقد منتمي ليه

Quote: المعضلة التي تقع فيها بعض الكوادر الإسلاموية وهو جهلها بحقيقة أن الاسلام مرفوع في السودان كشعار سياسي وأن الدستور طابعه العام علماني وأنه يكفل رئاسة المسيحي والمراة ويدعو لمساواة الرجل والمراة ويضع الاعلان العالمي لحقوق الانسان كجزء لا يتجزاء من الدستور بل أن المؤتمر يرشح مسيحي وهو الاب - الأسقف قبريال روريج مرشح المؤتمر الوطني في دائرة الكلاكلة - منطقة أغلبهامسلمين ومع هذا لم يجد إعتراضا من هئية علماء السودان أو عضوية الحزب الحاكم أو أسلاموي المنبر ! .........

Quote: لالا وحياتك يالحبيبة ماقاصدة تصليح لكن أنا اليومين ديل ماكلة (سد الحنك) عشان كدا مابقدر أفتح خشمي وأقول كلامي وبعدين لقيتك معبرة عن دواخلي في كل كلمة قلتيها بداية من العنوان قمت ختيتو وختيت ليهو الايد العاملة (ثم أب)

ماما دوما ..

Quote: الرد دا بكي بورد راويه العباسي يا تيسير لانها ما قادره ترد من كومبيوترها

قلت يا ربي الزولة دي مشت الصين
ولا إنتي مشيتي القاهرة ولا الحاصل شنو بالضبط؟

(عدل بواسطة تيسير عووضة on 03-29-2010, 09:56 AM)

Quote: موضوع البوست هو ( وماذا إن لم يصلي نقد؟ ) الأستاذ نقد يا كمال إن لم يكن فعلاً يصلي فهو في مشكلة كبيرة وكبيرة جداً مشكلة مخالفته لأصل وللغرض الأساسي لوجوده في هذه الحياة الدنيا ليس بخاف عنك قول الحق عز وجل " وما خلقت الجن والإنس إلا ليعبدون " وليس بالطبع خاف عنك أن الصلاة هى عماد دين الإسلام وأصل العبادة الأولى والأسلم أن يتفرغ إذاً لحل مشكلته التي تواجهه بدلاً عن التصدي لحل مشكلات السودان

Quote: ما تفنجطوا ساي

Quote: التكفير ده موضوع تاني انت خايفه منو مالك ؟

Quote: خايفة منو لأنو سكين عمياء في يد أهوج خايفة منو على أولادي وأولادك وأولاد السودان عمرو العنف ما كان حل لمشكلة العنف ما بيولد إلا عنف أكبر لو ما خايف على نفسك خاف على أولادك حاول أصنع ليهم من هسي سودان آمن يسع الجميع ورفضك لتكفير البشر وتعريض أرواحهم للخطر هو الخطوة الأولى لي كدة يا حضرة النائب ..

Quote: Quote: الأخ وليـد السـلام عليكم أرجـو أن تبتعـد عن الانفعال الذي يجعـل قناعتك بحـق الأسـقف ( درجة امام ) في الترشـح لدى المسـلمين في ســرج واحــد مع نقـد لأن الاســلام من وجهة النظر التي تحاكم نقـد يفيد بأن لا دين بعـد رسـالة سـيدنا محمد صلى الله عليه وسـلم ,وأن الكتابي لا يتولى أمر المسـلمين لا في قضاء ولا غيرو بل بعض المدراس تعتبرهم كفار عبد الله إحيمر .. المواطنة قبل الدين الأسقف قبريال عندو في الوطن زي العند أي إمام جامع مسلم عدم إسلامه لا ينقصه شيء وإسلام ذلك لا يزيده شيء دستور السودان بيقول كدا لو الكلام دا ما لقى قبول عندك ممكن تمشي تطلب لجوء ديني في مكة المكرمة

Quote: أما ما تحته خـط فليس له داعي وأرجـو أن تنزلي أصبعك ( السـبابة ) عنـد المخاطبة ( يعني روقي المنقـة ) ما بطالبك أن تكتبي الأخ الاســم حاف كدي مقبول

)

Quote: أرجـو أن تبتعـد عن الانفعال الذي يجعـل قناعتك بحـق الأسـقف ( درجة امام ) في الترشـح لدى المسـلمين في ســرج واحــد

Quote: لا بالله ماتنفعلي وتكوني زي الساسة بتاعننا كل كلامهم انفعالات انفعالك يتناقض مع مضمون البوست

Quote: بركاتك ياشيخة تيسير وماتنسينا من صالح الدعوات

إنت بالذات حا أسختك أبقيك قرد


صالح دا منو
هو قال بيعرفني؟

Quote: يالكيزان : الترابى قال مافي عذاب قبر نقد قال مابصلي روحو اسالو الترابى وبعديت تعال حاسبو نقد

Quote: الترابي غير مترشح للرئاسة يا سيد بدر الدين

Quote: أنت هنا تربط وبشكل محكم بين صلاح الإنسان دينياً وصلاحه في أمور الدولة وهذا الكلام ثبت عدم صحته في جميع التجارب التي من حولنا وليس السودان فقط وتفترض حتى في رئيس السودان المستقبلي أن يكون مصلياً حتى تقتنع بأهليته لشئون البلاد والعباد وهذا لب الإختلاف فأنا لا أشترط في رئيسي القادم أن يكون مصلياً كي أضمن رشده كما وأني لا أشترط (عدم صلاته) كي أضمن رشده أيضاً .. ببساطة لأن الصلاة عندي ليس هي المقياس قد تصلح حين إختيار إمام جامع أو وزير شئون دينية وأوقاف أو حين إختيار زوج/ة (ويظل هذا خيار شخصي للمختار/ة) لكن في شئون الدولة لا .. ليست هي المقياس !

Quote: زيادة تاني!!!!! انتا ضنقلاوي ولا شنو؟