|
|
 تـبـرعـوا لـي !
|
فيروز عاملة حفلة في أبوظبي يوم 18/5 الجاي دا
التظكرة بي ألفين درهم (يعني 500 دورار بي حق المواصلات)
وأنا دايرة أحضر حفلة (لايف) للزولة دي قبال ما أموت ولا تموت هي ..
ما تقولو لي مد رجليك قدر لحافك و النصايح المسيخة دي
دايرة أحضر حفلة فيرووووووووز 
إتصرفوا ..
ملحوظة :
لقيت لي علبة حلاوة ماكنتوش مجدوعة تحت السرير
ممكن أخت فيها القروش الحاتلموها لي !
|
|
 
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
يسووور،،
مطي لحافك و سويهو قدر كرعيك وليس العكس،،
بي الذات في حالة حفل فيروز دي،،
ولي يعني هي التذكرة غالية كدي يعني زاتو؟
قبل سنتين كان عندها حفلة هنا
و لي اسع زعلانة ما مشيت فأنا معاكي و ننادي جداً بي مشيك،،
و إنبسطي ليك معاك،،
ده شرطي الوحيد في الملازمة ليك حملتك،،
| |
|
|
|
|
|
|
|
|
|
Re: تـبـرعـوا لـي ! (Re: Soumeta)
|
سماسم ..
| Quote: مطي لحافك و سويهو قدر كرعيك وليس العكس،، |
بي وين عاد ..
تغطي الراس يتكشفو الرجلين .. تغطي الرجلين يتكشف الراس 
شكلها كدا حتبقى علي البقت عليك
وأقعد أتحسر 
(دا طبعاً في حالة إنو ما أدرتي حملة التبرعات دي بنجاح) ..
| |
|
|
|
|
|
|
|
|
|
Re: تـبـرعـوا لـي ! (Re: أحمد الشايقي)
|
أحمد الشايقي ..
| Quote: أنا (حافلك) العـزمــة دي |
يا سيدي تسلم ..
لكن لما( تحفلني العزمة دي) بتكون كتيرة عليك ..
أصلاً هي كتيرة على زول واحد يدفعا
عشان كدا قلنا تبرعات
عشان يتفرق دم (القروش) بين القبايل 
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
لقيت لي علبة حلاوة ماكنتوش مجدوعة تحت السرير
ممكن أخت فيها القروش الحاتلموها لي !
تيسييييييييييييييير
مشتاقه ليك بجد
رايك شنو علبة الماكنتوش دي انا ح امسكها ليك ؟؟؟
مودتي واحترامي
| |
|
|
|
|
|
|
|
|
|
Re: تـبـرعـوا لـي ! (Re: Muna Khugali)
|
منّو الحالمة ..
| Quote: أنـا ياتايسـا حـبيبتي ماعنـدي غـير اتبرع بالأحـلام? |
يا زولة ما مشكلة نقبل الأحلام كاش أو شيكات
بس ما تكون شيكات طايرة
عشان ما تبقى زي :
البنت التي طارت (أحلامها) ..
| |
|
|
|
|
|
|
|
|
|
Re: تـبـرعـوا لـي ! (Re: فيصل نوبي)
|
يا نوبي ..
الناس ديل بيجوا يحندكونا ساكت ويمشوا ..
* بالنسبة لموضوع الجمعية أنا موافقة بس بدون ما أديكم (ختة)
ولازم أستلم الصرفة خلال أسبوع واحد من تاريخه ..
| |
|
|
|
|
|
|
|
|
 Re: تـبـرعـوا لـي ! (Re: تيسير عووضة)
|
طـيب أنـا بهـدي ليك فسـتان سـهرة بسيط وجميل علشـانتحضـري فيه السهـرة...
معاه حـذاء بثلاثة فـرد...واحـدة احتياطـي اذا اتقمصـتك روح سـندريللا ولا حـاجـة...
شـنطـة يـد فيها بارفان جميل....
ووردة شـبه فيـروز...
ممكـن بس توريني المقاسـات كـيف?
لـوماعـايزة تقـولي هنـا..كـلميني هنـاك!
وبرضـو الألـوان...
منتظـراك
| |
|
|
|
|
|
|
|
|
|
Re: تـبـرعـوا لـي ! (Re: لؤى)
|
يا لؤي ..
أنا خجلانة زول واحد يدفع حق التذكرة
عشان كدا قلت تبرعات تقوم إنت تدفع دبُل تذكرة ..
ما قصرت ..
وعزومتك مقبولة لكن إنت زول شيال حال 
لو بتوعدني تجي بدون الكاميرا
البتصور السفنجات ديك أنا موافقة ..
إتفقنا ؟
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
LOOOOOOOOOOL
أنا بقرا في البوست دا وميتة من الضحك
انتي عملتي زيي يا تيسير
الليلة قريت الخبر في جريدة الخليج
قعدت ابكي ليهم في البيت , ماشه أبوظبي أحضر الحفلة
اتوقعت انه التذكرة تكون غالية , لكني بعد ماقلتي ألفين درهم أحبطتيني تماما
يا زولة كان لميتي أكتر من ألفين اقسمي لي أختك معاك وكده 
| |
|
|
|
|
|
|
|
|
|
Re: تـبـرعـوا لـي ! (Re: نهال كرار)
|
نهال كرار ..
شفت الناس ديل بيعملوا فينا شنو ؟
| Quote: يا زولة كان لميتي أكتر من ألفين اقسمي لي أختك معاك وكده |
وأنا كان لميت أكتر من ألفين فيروز شنو البخشها
وأضيع قروشي ساكت , بمشي أعمل لي مشروع إستثماري طوالي ..
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
يا تيسير أنا بتبرع بالليرة اللبناني ينفع؟
وبعدين ما ذكرتي.. هل تكلفة تذكرة الحفلة شاملة العشاء
ولا حتشيلي معاك سندوتشات؟
بعد ما نتبرع ليك لحفلة فيروز
أنا خايف المرة الجاية تقولي
عايزه تبرع لحفلةالـ Bony M
الفنانة فيروز فنانة عظيمة..
وأكيد حتقضي وقت ممتع.. لكن ما تنسينا من التسجيل.
| |
|
|
|
|
|
|
|
|
|
Re: تـبـرعـوا لـي ! (Re: عزيز عيسى)
|
عزيز عيسى
طبعاً بينفع , أقول ليك كلام :
رسلهم لي مع فيروز ذاتا لمن تجي ..
بعدين التذكرة دي ما أظن فيها عشاء
هو الزول ماشي يسمع فيروز ولا ياكل
أنا لو مكانا لو لقيت لي زول بياكل أثناء ما بغني
طوالي بوقف الغنا ..
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
حبيبتي تسيير
عاد يا بتي دي سعبة خلاس!
انت ما تحضريها لايف في التلفسيون؟
اللايف ده إلا يكون عيانا بيانا؟
ماما كانت بتحوش لحفلات ام كلثوم بتاعت أول كل شهر من أول الشهر اللي قبله بالتعريفة والشلن، وانتي جاية تلمي حق التذكرة قبلها باسبوع؟
ده اسمه (طموح) و (تفاؤل) انا بأحيكي عليه
عموما،
لك مني عدد 2500 دعوة بتحقيق أمالك
عدد 2 حضن، واحد استلميهو حسي وواحد في حالة مشيتي الحفلة وكان ما مشيتي الحضن الثاني ساري المفعول....
| |
|
|
|
|
|
|
|
|
|
Re: تـبـرعـوا لـي ! (Re: عزاز شامي)
|
.........تيسير
اقول ليك سر انا متكيف منك جدا
وبعدين ........
فيروز دي انا بحاول لي كم سنة اكتب لى كتابة عنها
مرت سنين وانا قيد المحاولة
قيدفيروز
.........
لو لميتى (قدرة كويسة ممكن تعزمينى)............؟؟؟؟؟؟؟؟؟؟؟؟
........
.............
وانا عندى حنين ما بعرف لمين
.........ولا
ليل واوضة منسية؟؟؟؟؟؟
ما عارف لكن عارف انو انا بحبها لمن غالبانى
تامرا
كيفك انت.........؟؟؟؟؟؟؟؟؟؟
| |
|
|
|
|
|
|
|
|
|
Re: تـبـرعـوا لـي ! (Re: Adil Osman)
|
يا سلام ..
عادل عثمان إنت أظنك جعلي
يا أخوانا خلاص
الكاش حسم النقاش ..
* لكن باب التبرع لسه مفتوح للجماهير
تحت شعار  البحر ما بيابا الزيادة)
| |
|
|
|
|
|
|
|
|
|
Re: تـبـرعـوا لـي ! (Re: عزاز شامي)
|
عزوز حبيب قلبي ..
أكيد ما حينقلوها في التلفسيون
وإلا ما كان تذكرتا بقت بألفين
بعدين الحفلة دي معمولة في فندق عشان تاخدي فيهو جولة ساكت وتتفرجي
لازم تدفعي 200 درهم (جد والله)
دا غير إنو الست فيروز بتاخد مبلغ خرافي
ونحن المفروض ندبر المبلغ دا ..
مامتك (الله يخليها) زولة مجتهدة
وكانت بتدخل حفلات أم كلثوم بالعون الذاتي
هسي أي نعم الوقت ضيق لكن عارفاكم ما بتقصروا
مش الصديق وقت الضيق ؟
| |
|
|
|
|
|
|
|
|
|
Re: تـبـرعـوا لـي ! (Re: DKEEN)
|
Quote: انتي ساكة لي هجيج لي مرة ما بتعرف ترمش لامن تغني ؟؟!!
|
بالغت يا دكين !!!المرة دى ما الوحيدة الغنت للحب الحار والبارد في اغنيتا المشهورة (حبيتك بالصيف, حبيتك بالشتي), وغنت للمكسرين والدافقين مويتهم علي الرهاب في غنية (الحور العتيق), وغنت للجكس الخفيف وزن الريشة في غنية (كتبنا مية مكتوب),
اها دة كلو وتقول للبت تيسير ما تمشي؟؟؟؟
اسمعي يا تيسير, امشي ساي يا زولة, انشالله تسمعي بقد الباب.
والله كان ما الظروف كعبة والشهر دة الماهية جات ناقصة (حنك مغتربين) كنت دفعت ليك حق التذكرة واليموزين البوديك ويجيبك كمان
| |
|
|
|
|
|
|
|
|
|
Re: تـبـرعـوا لـي ! (Re: Rasha Hatim)
|
يا رشا دكين دا أكبر (كاواي) عرفه التاريخ
بنوم وبيقوم على الطرب بس بتاع حركات ساي ..
Quote: والله كان ما الظروف كعبة والشهر دة الماهية جات ناقصة
(حنك مغتربين) كنت دفعت ليك حق التذكرة
واليموزين البوديك ويجيبك كمان |
يا زولة ما بتقصري وكلامك دا براهو كفاية , زي الإتبرعتي
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
أبسط يا عم،،
اهو اشيتك معدن،،
يسوور ما عندك حل إلا تمشي بعد ده،،
إنهالت عليك العازيم الدعواتية،،
و العزايم الحبانية،،
و إشي فساتين،،
كان عارفة كدة كان قلت ليك بي المرة نعملها شراكة،،
منها نتشاوف،،
ومنها نشوف فيروز،،
لكن عزاي فرجتك لينا٭ معاك،،
| |
|
|
|
|
|
|
|
|
|
Re: تـبـرعـوا لـي ! (Re: Soumeta)
|
سوميتا حبيبة قساي ..
وشك حلو على
مش إنتي البديتي البوست دا ؟
وبعدين فيروز دي ذاتا مرة بركة
نوينا نمشي ليها أهي إتسهلت ,,
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
والله لكن يا تيسير بالغتي !!
دايرة تمشي كدة براااااااااك لا حتى تكشكري لينا ساكت ؟ إحنا بيتذكرونا وقت الشحتة بس !!؟؟
والله يا عسل ما بيغلى عليكي ، لكن صدقي شهر خمسة ده من دون الشهور الميزانية ضاربة فيهو خالص ، كدي احسبي معاي ، بت عمي عرست دايرة الهدية الطقم ولا الحلة بي كمشها ، اها جبناها ...
بعد داك ، صحباتي اتنين ، امهاتهم ما عرفوا يلدوهم الا شهر خمسة سوا !! العيد ميلادات ، قدت جيبي !! المشكلة قدر ما حاولنا نعمل خصخصة في الصداقات ،مافي فايدة ! قصرتهم علي اتنين ، ألاتنين طلع عيد ميلادهم في خمسة !!
أها ، الحاج الايامات دي قايمة عليهو .. قال ماف زول في البيت شغال بيهو ، قومي يا الشليقة اختي الصغيرة ، قالت الا نعمل ليهو عيد ميلادو السنة دي ، سجم خشمي ، بت ولدو داخلة الجامعة ، عيد ميلاد شنو يا المفعوصة ؟؟!! حلفت طلاق الا يسووا ليهو عيد ميلاد (دافعة حاجة من جيبها هي ؟؟ ما كلها شحتة !! )
عشان كدة ، لما علبتك تكشكش ، رسلي لينا دعم طارئ !!
(علييييييييكي الله كان مشيتي ابكي لي معاك !! )
لكن حرم ما اطلع من بوستك ساكت ، شوفي ديل !
صور ل نهاد حداد (فيروز)
فيروز 1951
| |
|
|
|
|
|
|
|
|
|
Re: تـبـرعـوا لـي ! (Re: toona)
|
تونا ..
كدي أول شي نرد ليك على الصور ..
شفتي الحلاوة دي , أيام الشباب ..
وهنا في حالة استغراق (مش في الغنا بس , في حاجات كتيرة)
وهنا تحيي العشاق زي ما حاتحيينا في الحفلة(وش متفائل شديد)
يا تونا بعد (عرض الحال) القدمتيهو دا
أنا فكرت جادة قروش التبرعات دي أديك ليها
| Quote: قصرتهم علي اتنين ، ألاتنين طلع عيد ميلادهم في خمسة |
في الحالة دي كل سنة تهدي لواحدة (زي راجل المرتين)
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
تايسا,
Quote: وعزومتك مقبولة لكن إنت زول شيال حال
لو بتوعدني تجي بدون الكاميرا
البتصور السفنجات ديك أنا موافقة .. |
تقبلي عزومة لؤي وما تقبلي عزومتي
افففا اففففا يا تايسـا
بعد ما عملت التأشيرة والحجز على القلف ايـر
يلا ان شاء الله لؤي يصــور حاجات منى خوجلي وانتي لابساها
ويكشــف بيها حالك,
(وجه شامت)
| |
|
|
|
|
|
|
|
|
|
Re: تـبـرعـوا لـي ! (Re: لؤى)
|
يا لؤي ..
Quote: حاجات منى خوجلي شنو اللابساها ؟؟
تيسير حا نمشي باريس أوّل نجيب لبستها للحفلة |
والله أنا خوفي تاني يوم الحفلة طوالي تنزل بوست :
كشف حال ومهزلة في أبوظبي بالصوت والصورة والعلبة كمان
قال شمت قال
| |
|
|
|
|
|
|
|
|
|
Re: تـبـرعـوا لـي ! (Re: أحمد الشايقي)
|
ليه بس كده يا سيادة المستشار ..
أنا مارفضت عزومتك , أنا حانة عليك لأنو قروشا كتار
بعدين لؤي دا بشيل حسي لو قلت ليهو لا
وبيجي يصور العلبة فاضية ,,
خلاص ولا يهمك نكلم فيروز تعمل حفلة إضافية
عشان العزايم تحوق
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
.
الأخت تيسير
ازيــــــــــّك ..
انتي بس رسلي لي فيزا لابوظبي دي ..بعد اصلكم حـ(أتهور )وأدق صدري واعزمك ..ما تقولي أنا كمان متعطش للغاية لصوتها الخرافي ..
تعرفي حالتك دي رجعتني لايام الشباب . سنة 1989 كنت بالقاهرة ومفروض امشي دمشق ..وكنت في وضعي المادي الطبيعي ..يعني (تعيس جدا) ، عندي فقط قيمة تذكرة الطائرة ، وكانت الرائعة فيروز عندها حفل في سفوح الأهرام ، أدنى سعر للتذاكر كان 50 جنيه مصري .. وعشان احضر الحفل داك كان عندي خيار واااااحد بس وهو الذي لجأت اليه ..قطعت التذكرة ابو خمسين جنية وكنت زي الشايف فيروز في التلفزيون لانو المسافة عن المسرح كانت بعيدة ، وبعدها بكام يوم سافرت لسورية ووصلت لحلب الشهباء بعد 36 ساعة من السفر المتواصل ..لاني مشيت بـ "الاتوبيس" من الاسكندرية لحلب ..وده كان هو الخيار الوحيد..
.مساهمتي ليكي تتصبري بدي لغاية ما يجي يوم 18
| |
|
|
|
|
|
|
|
|
|
Re: تـبـرعـوا لـي ! (Re: hatim ibrahim)
|
| Quote: التظكرة بي ألفين درهم (يعني 500 دورار بي حق المواصلات) |
يسورة العسولة
الرسول فيك كان تسوقينى معاك وبكلم الكابتن حق الطيارة انتى علف وانا علف يبقوا علفين ..سمح ؟!!
| |
|
|
|
|
|
|
|
|
|
Re: تـبـرعـوا لـي ! (Re: نادية عثمان)
|
نادية النادية ..
يعني أنا وإنتي نخش بي علفين
نحن دايرين لينا أربعة علوف ..
لكن ما مشكلة عشان خاطرك بتتدبر
وأنا لاقية يتلموا لي جارة القمر و القمر ..
| |
|
|
|
|
|
|
|
|
|
Re: تـبـرعـوا لـي ! (Re: hatim ibrahim)
|
حاتم إبراهيم ..
والله كتر خيرك
لكن أها كان الفيزا ما مرقت بسرعة
الحفلة تروح على ولا شنو ؟
بعدين حكايتك دي ورتني إنو فيروز دي يوم بتكتل ليها رقبة
زول يسافر بالبر 36 ساعة
وزول يجمع في التبرعات
وغايتو ,,
Quote: سمعت ذات مرة بأن رائعة الراحل المقيم سيد خليفة " يا صوتها "
قد صاغها الشاعر في صوت فيروز . ...هل من مصحح او مؤكد ؟ |
والله ما متأكدة .. لكن بكون لأنو(صوتها) يستاهل ..
| |
|
|
|
|
|
|
|
|
|
Re: تـبـرعـوا لـي ! (Re: الجندرية)
|
يا جندرية ..
Quote: جاجيب ليك صحن كبدة ابل
يا تبيعيه وتختي قروشي في العلبة
يا كمان شلتيه مزمزتي بيه في الحفلة |
بيني وبينك لو بعتو حيجيب لي كتير
لأنو حيكون أصلي بلادو ومن يد الجندرية
أما الحل التاني , لو شلتو ما حا أمشي الحفلة
بقعد في البيت
وزي ما بتقول فيروز ذاتا :
خليك بالبيت
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
Just like a paintings of Leonardo Davinci.oh sorry I have to be polite.Iam a man with a broken heart so I havent to enter this post again
| |
|
|
|
|
|
|
|
|
|
Re: تـبـرعـوا لـي ! (Re: ombadda)
|
الاخت تيسير سلامات بوست لذيذ جدا....
انا متبرع ب الف درهم سوداني رسلي زول يجي يستلمهم
اكرر درهم سوداني لاني انا ما بعرف بالدولار او بالاماراتي....
الاخ عادل عثمان ... لو سمحت ممكن تجيب لينا الجهة الثانية من الدراهم دي
عشان عندي فكرة قوية لو نجحت حنحل مشاكل ناس تيسير و كل الناس المفلسة
في البورد ده.... كلميه يا تيسير
| |
|
|
|
|
|
|
|
|
|
Re: تـبـرعـوا لـي ! (Re: Waly Eldin Elfakey)
|
والي الدين ..
| Quote: انا متبرع ب الف درهم سوداني |
طيب ما تخليها ألف جنيه إماراتي بيجيب أكتر ..
Quote: عشان عندي فكرة قوية لو نجحت حنحل مشاكل ناس تيسير
و كل الناس المفلسة في البورد ده |
لا بالغت , دي حركة باكستانيين طبعاً
خلاص ولا بنتظر عادل عثمان
أنا براي بمشي أجيب الوش التاني
وإنت جهز البرنتر
وتاني الجاري ما يحصلنا ,,
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
تيسير العسوله
اشجعك واصلوا ما تتراجعي عن موقفك
دي حفلة ما تتفوت كمان شكلها حا تكون آخر
حفلة لفيروز الله يخليك اسمعيلي معك رجعت الشتوية
لسه قدامك كم يوم ما تفقدي الامل وبمناسبة الامل دي
نحن اتفقنا في أي حاجة يكون الامل معانا وقدامنا
وكمان ندية لاحبابنا لحد الان في الاتفاق دا نادية عثمان
ومنى خوجلي يلا فرصة وكوني معانا شفتي لوكان من زمان ماكنت احترتي
اسه على الأقل بكون الأمل في وبيهو تجي التبرعات
| |
|
|
|
|
|
|
|
|
|
Re: تـبـرعـوا لـي ! (Re: خالدة البدوي)
|
يا خالدة ..
والله موضوع التبرعات شكلو ماشي كويس
لكن طبعاً بالخشم بس لسه مافي تنفيذ
والعلبة لي هسه فاضية
وأنا غايتو معاك في حكاية الأمل دي
الخوف أقوم ما أمشي الحفلة وأقعد أغني :
مسكين البدا يأمل !
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
لــؤي
Quote:
شـوف يا ود الشّايقي
بلاش فتن مـعاك
حاجات منى خوجلي شنو اللابساها ؟؟
تيسير حا نمشي باريس أوّل نجيب لبستها للحفلة
أطلع إنت بس منّها وهي تعمـر |
كفاية عـليك عـزومـة الحفلة حقت فيروز يا لـؤي
تيسير دي لازم تلبس حاجات منى خوجلي
لاني أنا اللي بدفـع قيمتهــا
يا لــؤي
عــرفـت؟
أحمـد الشايقي
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
تيسير
خالص التحايا
شوفى خليك من كلام لؤى واحمد الشايقى
وشوفى العرض دة
انا عندى تذكرة اكرامية ( يعنى فى الصفوف الاولى ومعاها ضيافة كمان )
وعملت حجز لابوظبى يوم 16/5 (عندى حاجة مهمة جدا فى ابو ظبى عاوز اعملها )
ممكن اتنازل ليك من التذكرة ،،
وبعدين نشوف حكاية علبة الماكنتوش دى ،،،،
رايك شنو ؟؟؟
| |
|
|
|
|
|
|
|
|
|
Re: تـبـرعـوا لـي ! (Re: معاوية الطيب)
|
يا معاوية ..
والله العرض ما بطال
لكن شكلي كدا بدل التبرعات حأعمل (مناقصة)
وأشوف العطاء حيرسى على منو 
| Quote: (عندى حاجة مهمة جدا فى ابو ظبى عاوز اعملها ) |
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
و الله يا تيسير امبارح كنت في ابوظبي لو كلمتينا من بدري كان عندي باقي دريهمات كنت ساهمت معاك و بالفعل شايف صور الفنانة القديرة تملاء الشوارع .........
الا ما بعرف درب بيتكم بووين.........
الصادق البوصيري
( المأذون ........لحدة الليلة ما عقد لزول و زوله )
| |
|
|
|
|
|
|
|
|
|
Re: تـبـرعـوا لـي ! (Re: sadiq elbusairy)
|
الأخت الكريمه تيسير
ممكن أتبرع ليك بالدعوات ....
وإذا ربنا قبلها..أرجوك أن تسجلى لى:-
ياقدس
يا مدينه الصلاه ...أصلى
عيوننا إليك ترحل كل يوم
تجوب فى أروقه المعابد
تعانق الكنائس القديمه
وتمسح الحزن عن المساجد
أخوك ، اسامه خلف
| |
|
|
|
|
|
|
|
|
|
Re: تـبـرعـوا لـي ! (Re: sadiq elbusairy)
|
صادق البوصيري ..
| Quote: شايف صور الفنانة القديرة تملاء الشوارع ......... |
كل ما أمرق الشارع يجيني وجع راس لما أتذكر إني ممكن ما أحضرها ..
كان دراهمك فاتت ساعدنا بالنية
| Quote: ( المأذون ........لحدة الليلة ما عقد لزول و زوله ) |
أهو إحنا فيها
المأذون جاهز
والحفلة جاهزة
خلاص أمشي أشوف لي عريس من هنا ليوم 18 عشان نلحق الحفلة
وتكون إنت حققت أمنيتك بإنك تعقد لإتنين من البورد
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
تايسـأ,
Quote: والله العرض ما بطال
لكن شكلي كدا بدل التبرعات حأعمل (مناقصة)
وأشوف العطاء حيرسى على منو |
لـو بقت فيها مناقصــة
أكيد (حأفـوز) بيها
مـش كدا يا تايسـا؟
(وجـه غامـز)
| |
|
|
|
|
|
|
|
|
|
Re: تـبـرعـوا لـي ! (Re: لؤى)
|
يا لؤي ..
Quote: لذا رأيت أن أهديكِ بعض شمس ورذاذ أمطار حنينة لترسم لكِ سقفاً من ألوان الطّيف
ومجلساً بأقواس قزح عساها تعوّضك عن هذا الحفل الحدث .. |
حتماً ستعوضني ,,
لأن ما وصفته يفعل بالروح
نفس ما تفعله اغاني فيروز ..
وربما أكثر
ربما !!
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
شنو يا انعام
ما تخففي اللعب شويه
لحدة هنا مقطماها علي
قلنا يمكن نعقد للبنية
برضو مقطماني
معليش مردوده ليك
تعالي في بوست المأذون بهناك
المأذون
الصادق البوصيري
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
تيسير
سلام كتير
أنا حوّلت ليك المبلغ في حساب أبوك ... استلميهو منّو وأمشي احضري الحفلة ، وادعي لي عمّك ... وقولي لي عثمان ود شيخ عووضة ، ودقاسم حالف يفضحك في كل المنابر كان ما أديتني قروشي ...
| |
|
|
|
|
|
|
|
|
|
Re: تـبـرعـوا لـي ! (Re: ودقاسم)
|
عمو ودقاسم ..
تسلم والله ..
لكن أنا خوفي يقوم يشيل القروش يمشي بيها الحفلة ويمقلبني
هوأصلاً بحب فيروز أكتر مني ..
وبيني وبينك لو عملا أنا ذاتي بفضحو
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
خسمه بالله يا تيسير كان تشوفي لك مأذون غيري
انعام اصلها قارشه ملحتي
دايره تبقى هي المأذون لكن كيفين....... الا تشوف ليها نص تاني عشان تبقى مأذون واحد
لكن انا كده براي مأذون
و الله اسوي ليك جنس عقد
و لا حبال بقر .......يمكن اقوى
المأذون
الصادق البوصيري
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
Quote: لغاية ما تتفقوا إنت وانعام حفيظ
جينا لقينا الموضوع طرشق .. |
تيسير
انتي وين تغيبي وتظهري كده
الموضوع ده طرشق ليه؟
ده ما سببك شوف ليك سبب تاني
تكون العلبة ما ملت ولا شنو؟
ولا الجماعة الاتبرعوا بالتذاكر زاغو؟
مودتي واحترامي
| |
|
|
|
|
|
|
|
|
|
Re: تـبـرعـوا لـي ! (Re: انعام عبد الحفيظ)
|
انعام حفيظ
إزيك يا جميلة ,,
Quote: الموضوع ده طرشق ليه؟
ده ما سببك شوف ليك سبب تاني
تكون العلبة ما ملت ولا شنو؟
ولا الجماعة الاتبرعوا بالتذاكر زاغو؟ |
تعرفي هسي أنا قاعدة أعمل في لجنة بتاعت تقصي حقائق
عشان أعرف الموضوع دا طرشق ليه ؟
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
الاخت العزيزة تيسير،
قررت ان ارفع هذا البوست مرة اخرى، نسبة لانني وجدت ما يهمك حول هذا الموضوع، وايضا لانك دائما تشاركينني بتعليقات منك في ما اكتبه، ولك مودتي.
المصدر: موقع انترنت لجريدة (الخليج)الظبيانية
Quote: آخــر تحديــــث 2006-05-20
فيروز تضيء الماضي في ليلة ظبيانية
أبوظبي - ضياء حيدر:
“شو كانت حلوة الليالي والقمر يبقى ناطرنا”، كان ذلك الباب الذي فتحته فيروز في بداية حفلها في قصر الإمارات ليل الخميس الفائت، واستدرجتنا منه إلى بيتها القديم جدا، فنبشت ما كدنا ننساه، وما لم تغنه منذ سنوات طوال، إلا منذ نحو الشهرين في حفل دبي، بالبرنامج نفسه مع استثناءات بسيطة جدا وفي غياب ابنها أيضا الفنان زياد الرحباني. ولكن هنا في قصر الإمارات، حيث غلب حضور الجيل الوسطي والكبير وقلّ الشبابي مع بعض فراغات في المقاعد، على الأرجح لارتفاع أسعار البطاقات حيث بلغ ثمن البطاقات في حده الأدنى سبعمائة ووصل الى حد الألفي درهم في مسرح سعته ألف ومائتا مقعد. في هذا الحفل كان لذلك القديم معناه، حتى لخليجيين وإماراتيين من ذلك الجيل. وعندما غنت “شتي يا دنيي تيزيد موسمنا ويحلى” كاد ذلك الإماراتي بعباءته البيضاء الجالس في الصف الثاني، من دون أن نعلم بهويته، يقفز من مكانه، تصفيقه كان أشبه بالرقص. كان المسرح بالرغم من ضخامته، حميما، مقفلا، أشبه بسهرة خاصة.
ولم يخبط الحاضرون أقدامهم بخشب المسرح المستحدث ليستدعوا بجنونهم فيروز مرة أخرى كما يحصل في حفلات بيت الدين في لبنان، لكن أيضا هنا في هذا الحفل، كان صراخ اللحظات الأخيرة قويا كما العادة، مستميتا، لكن فيروز لم تعد إلا مرة واحدة، تماما كما حصل في حفل دبي، عادت لتغني للجمهور “بكرا برجع بوقف معكن”، “حنا السكران” و”زوروني”. وأضاء الحاضرون بالرغم من تلك الأوراق التي وزعت عند مدخل القصر طالبة ترك الهواتف المحمولة في السيارات، أضاؤوا هواتفهم وصوروا فيروز وسجلوا صوتها، ومنهم أيضا من التقطوا صورا بالرغم من حظر التصوير وحتى للصحف التي كان عليها الالتزام بصور تلتقط من قبل فريق فيروز حصرا لتوزع على الصحف.
كان هذا الماضي الذي غنته فيروز على امتداد الحفل يشبه المسرح بحضوره، لكن المفارقة أنه مع أغنية “اشتقتلك واشتقتلي بعرف مش رح بتقلي..” لزياد الرحباني كانت اللحظة الذروة، وكانت الأغنية ما قبل الأخيرة حسب البرنامج الأولي، أي عدا عودتها الأخيرة. مع هذه الأغنية اشتعل القسم الخلفي للمسرح، أي تلك المقاعد الارجوانية، التي من المفترض أن بطاقاتها هي الأقل سعرا، والتي شغلت بفئات شابة في أغلبها، ولكن الحماسة امتدت لتعدي المسرح كله ولتفلته من بروتوكلاته. لتأتي بعدها مباشرة “عيد العزابي” من الزمن الأقدم، ليأتي بعد ذلك الختام الذي لحقه حفل كوكتيل لم تحضره فيروز طبعا.
لماذا هذه العودة إلى الماضي؟ لماذا أيضا هذه العودة إلى الاخوين الرحباني تحديدا ومن أرشيف مسرحياتهما (كان لنصري شمس الدين حصة كبيرة) وليس إلى الابن الرحباني، أي زياد. فعدا “اشتقتلك” الجديدة نسبيا، كانت حصة زياد فقط من قديمه “شو هالايام اللي وصلنالها” ومقدمة إحدى مسرحياته. لم تغن فيروز أياً من الأغاني التي أعاد زياد توزيعها، كما في حفلات لبنان في السنوات الأخيرة. نبشت الماضي، بكل تلك المشاعر بالفقدان، بالخسارات للزمن الجميل، الخسارات الشخصية والجماعية.
|
| |
|
|
|
|
|
|
|
|
|
Re: تـبـرعـوا لـي ! (Re: بكري الصايغ)
|
د. بكري الصايغ ..
شكراً كثيراً على إيراد هذه التغطية المفصلة لحفل فيروز
فعلاً تمنيت أن أحضر الحفل لكنها كانت مزوداها شوية
لكن ما مشكلة خيرها في غيرها ..
مرة اخرى شاكرة لُطفك ..
وتسلم ,,
| |
|
|
|
|
|
|
|
|
|
Re: تـبـرعـوا لـي ! (Re: تيسير عووضة)
|
تيسير الظريفة
سلامات
درجت الفنانة فيروز بأن تقيم حفلتين فى الصيف كل
عام فى لبنان ألأولى فى مسرح بيت الدين و الثانية
فى مسرح قلعة بعلبك فكنت من المحظوظين بحكم وجودى
فى بيروت حضرت لها حفلة كانت غاية فى الروعة و هى
تعتبر رمز من رموز الفن اللبنانى و العربى و جديرة
بالحضور اينما كانت ,,
جهذى شنطك من هسه ,,, الفيزا و التزاكر (مـــلح)
الصبف على ألأبواب .
الفولانى
| |
|
|
|
|
|
|
|
|
|
Re: تـبـرعـوا لـي ! (Re: عوض الله الفولانى)
|
سلام تيسير وضيوفها...
هاردلك المرّه دي يا تيسير...الجايّات اكتر
فيروز تستاهل والله...يالعظمة هذه النجمه!
ما كنت عارفه انه في تذاكر اقلّ من الالفين درهم الفلكيه ...واللي اعتبرتها صفحه اخرى في كتاب استهبال الشوام في الامارات ورفعهم لاسعار كل شئ يدخلوا فيه...
بعدين الجلوس في اي مكان في مسرح قصر الامارات اعتقد كان بيكون تمام...
شكرا على ايراد المقال اخ بكري الصايغ..زرت هنا كم مرّه لقراءة شئ مماثل.
| |
|
|
|
|
|
|
|
|
|
Re: تـبـرعـوا لـي ! (Re: نجوان)
|
يا نجوان ..
تعرفي فيروز مرة كانت طالبة في واحدة من حفلاتها مبلغ 150 ألف دولار
بعدين تبرعت بالمبلغ بكامله لصالح القضية الفلسطينية , دي مفهومة ..
لكن البيغيظ في الموضوع إحساس إنو الشوام بيسمسروا حتى
في فيروز !
تتخيلي لما إتصلت عشان أستفسر من أسعار التذاكر
بعد وراني تدرج الأسعار قال إنو كلها إنتهت فضل بس التذكرة البـ 2000
شفتي الإستهبال دا حدو وين ؟
| |
|
|
|
|
|
|
| |
تيسير عووضة
Soumeta
انعام عبد الحفيظ
Muna Khugali
فيصل نوبي
لؤى
عزيز عيسى
Adil Osman
الملك
Emad Abdulla
Rasha Hatim
toona
ombadda
الجندرية
Waly Eldin Elfakey
خضر الطيب
tmbis
خالدة البدوي
معتصم دفع الله
-1.jpg)
معاوية الطيب
sadiq elbusairy
أسامة خلف الله مصطفى
ودقاسم
عثمان عووضة
عوض الله الفولانى
نجوان
فيس بوك
تويتر
انستقرام
يوتيوب
بنتيريست