يا رشا هووووي .. إنتي منو ؟ الفاتح حسن إبراهيم دفعتي .. يعني من زمن النبي صبي زييي كده , أوع يكون أخوكي الصغير !!!
و بعدين بيان دي حاقدة ساكت لانها لمن جات للديم من البلد , نزلت من اللوري وهي مشلخة و كانت جنها تشوف ليك أي حاجة تقوم تقول : واحلاتي يا ناس الله .. والله الحيكومي دي شديدي شدي .. و مكرهة جيرانهم , ما تلحق تشوفك طوالي تقول ليك : النبي يا ده و إنت صاد , تجيبلي معاك باسطي
يا عربي .. أستر علينا و غتس البوست ده .. ما تجيب لينا الهوا
10-10-2006, 03:59 AM
رشا سالم رشا سالم
تاريخ التسجيل: 08-24-2006
مجموع المشاركات: 2605
الزول البحر عماد ابونا في المنبر كدي خلينا من ده كلو إت رشا دي ياها ست الشنطه وقلم الشيني بعدين موية البلاعه المحفره شوارع الديم رشا ساهمت فيها؟ تعرف كان كدي رشا دي عايزه ليها بوست خاص وما يكون فيهو اي غنم ولا زرائب
10-10-2006, 04:38 AM
رشا سالم رشا سالم
تاريخ التسجيل: 08-24-2006
مجموع المشاركات: 2605
سلام ورمضان كريم ، والله يا جماعه بتكلم بى جد ، بعد العمر ده كله انا بحلم بغنمايتنا، لسبب بسيط ، ولانى من قرى واصقاع نهر النيل المشهوره بالجزاير ( للحناكيش ارض فى نص البحر) يكون فيها قش كتير ، وبما اننى كنت الحتاله فقد اوكلو لى مهمة اعاشة الغنم ، واليوم الذى يكون فيه حصادى قليل ، انتو عارفين الباقى ، وتانى مسئول من السقاية انزلن البحر ولو واحده زاغت ودها الحجر مشكله ( الحجر مكان لحبس الغنم المخالفات) المهم والله ما يمر وقت وإلا انا حلمان ان الغنمايه بتاعتنا الكبيره تكورك ، وانا فى الحلم اخاف خوف شديد من ان يعرفوا اننى ما جبت القش. المهم تطور الامر واصبحنا نزرع البرسيم ، الا ان الحلم ظل معى حيث ارى ان البرسيم كله شربان(يعنى سقيان مويه يعنى غرقان) وانا فى حلمى ادور عن قش حتى لا تفضحنى تلك الغنمايه الكبيره بصوتها ، والذى جلدت مرات ومرات بسببها . المهم يا جماعه ارجو ان تخلصونى من هذا الحلم الذى يطاردنى. هناك مثل كان يرده احد جدودى واسمه عبدالعال الله يرحمه يقول ( اوعك تشترى الغنمايه الغريبه والمره الغربيه كلهن بتعبنك. يقول الاولى شراده والتانيه مشاورهاكتيره.]
10-10-2006, 03:23 AM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
أخي أحمد وبقية رعاة الغنم! ألا تتفقون معي في أن وجه الغنماية أكثر وسامة من بقية الحيوانات الإليفة (الجدادة - الكلبة - النعجة - الحمارة - البقرة - الناقة)؟؟ تأملوا في المناخير المسمسمة! والشلاليف الأقرب إلى الشفاه!! بس لو تعلمت شوية إيتكيت وبطلت الرمرمة الكتيرة، تكون ستهم.. وآخر حضارة!
10-10-2006, 03:51 AM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
من القصائد الجميلة الرائعة التي فضلتها على المعلقات السبع فعلقت في ذاكرتي حتى اليوم، قول الشاعر سليل الأندلسيين والعباسيين والأمويين وسليل زهير ود اب سلمى شخصيا:
غنمي ترعى طـول اليوم وسط المرعى طول اليوم وهي تسعى طــول اليوم حتى شبعا طـول اليوم!
10-10-2006, 04:29 AM
احمد العربي احمد العربي
تاريخ التسجيل: 10-19-2005
مجموع المشاركات: 5829
كل المخلوقات بمعادلة النسب الخاصه بها جميله ومعيار الجمال هنا يختلف وانا اوافقك الراي في جمال الغنم ولكن لا يمكن اخذ ذلك بصوره مطلقه قد يختلف معنا عماد عبد الله وقد يتفق
مودتي
10-10-2006, 06:14 AM
gessan gessan
تاريخ التسجيل: 02-05-2002
مجموع المشاركات: 746
ما اريد أن أذكره هنا أن الغنماية حباها ربنا -سبحانه وتعالى- بخاصية فريدة في لبنها .. فهي الحيوان الوحيد الذي يمكنه تربية الحيوانات الأخرى ..بمعنى ان الغنماية يمكن ان ترضِّع مثلاً إبن الضان وإبن البقر وإبن الإبل ..ولبنها يتماشى معه!!!! فهو صالح لكل حيوان .. أما هي فإبنها لا يتربى إلا بلبن الغنم ..!! ويسمونها "ربّاية اليتامى".. وهذا راي سمعته من أهلي ..ومن خلال علاقتهم الوطيدة بحيواناتهم التي يربونها.. وكثيراً ما رأيت عندهم حَمَل الضان وهو يرضع في غنماية وهي تقف له بكل حنية..!!!
ربما هي حيوان أليف اثر مما يجب ..
بعدين يا عربي ..نحنا بنسميها "العَـــز"..والجمع "مِعـــزة"..
اما كلمة "غنماية" دي فإتعلمناها بعد جينا البندر ..
رمضان كريم عليكم..
و كل سنة وإنتو طيبين..
10-11-2006, 00:14 AM
احمد العربي احمد العربي
تاريخ التسجيل: 10-19-2005
مجموع المشاركات: 5829
قيسان شخصيا يا لروعة هذا الصباح استقبل اشعته مغزوله بي نغم الابداع وقيسان اشتقتك كثيرا وانتظرت مهاتفتك طويلا مرورك جميل واضافتك مفتاح اسرار عن الغنم او المعيز خالص مودتي
10-12-2006, 03:50 AM
gessan gessan
تاريخ التسجيل: 02-05-2002
مجموع المشاركات: 746
"غنم الإشـلاق" ايام الكلية وايام التمارين إستعداداً لإمتحان "القُــدرات".. صادقناها بشكل عجيب ..كما صادقنا زهرات واوراق الحديقة النباتية ..وما تبقى من حديقة الحيوان.. غير أن "النحات يسري منصور - له التحية اينما كان" كان ينصحني بمصادقة "حصين الإسطبل" المجاور لأستاد الخرطوم.. عيييك أيــــام ..!!!!
تحياتي يا عربي ..
ساعاود الإتصال بك ..
أبقى عشــرة ..وكل سنة وانتو طيبين ..
10-12-2006, 05:39 AM
بابكر عثمان مكي بابكر عثمان مكي
تاريخ التسجيل: 06-11-2006
مجموع المشاركات: 879
الاخ احمد العربى .. رمضان كريم مع نهايته وكل عام وانت طيب
الغنماية مخلوق مسالم .. يرتبط فى ذاكرتى بشوارعنا الحميمة .. الدكان .. وقدرة الفول ..والغسال والمكوجى وحبل الغسيل الممتد عبر اعمدة خشب موقوفة ومدقوقة فى الارض يتلقف الهواء الجلاليب المشرورة على حبل الغسيل فتهبهب من بعيد كانها اشارات سلام بيضاء . كم هو مسالم الشارع السودانى .
الا ان غضبا" يعترينى اتجاهها منذ زمن بعيد بسبب (خالى العزيز) الذى اوصانى على رسالة الدكتوراه تبعه الموضوعة فى تربيزة الصالون وكان على وشك الانتهاء منها .. ولم يكن هناك مرجع غير النسخة الوحيدة التى فى تلك التربيزة فقد كان الكمبيوتر عزيز جدا" لايوجد الا فى البنوك ومكتوب على غرفته (غرفة الكمبيوتر ..تحذير ممنوع الاقتراب )
نحن لانملك غنم فى بيتنا فقد كنا لانستسيغ حليبها ونميل كثيرا" الى حليب الابقار .
كنت اترقب مجىء العصر لان هناك مباراة بين (العلم والتاكا ) فى رفاعة وكنت انا سيد الموقف يعول على مهارتى كثيرا" .. وحين اقتراب الموعد تركت الصالون مفتوحا" والباب الكبير كذلك ولم الحظ تجمع الغنم قرب نجيلة (بلاعة) جارنا وانطلقت احلم بالنصر فى مباراتى بينما دخلت الاغنام تشتهى شىء واى شىء ووجدت رسالة الدكتوراة ملقية على التربيزة (مائدة شهية فلم تبقى غير بعض قصاصات لينة بسبب لعابها .
تحياتى لخالى العزيز هو الآن دكتور متخصص فى banana production من جامعة الخرطوم .فقد اعتصر راسه وكتبها من جديد وبت انا ذلك اليوم حزينا" مستاءا" فقد هزمت شر هزيمة فى المبارة .
المبدع قيسان دائما مشاركاتك دسمه وسريعة الهضم في آن واحد ذكريات جميله باضافة النقر غنم القشلاق كان لها دور كبير في تطوير القدرات الفنيه لطلبة كلية الفنون وكانت عباره عن مواضيع رسم متاحه في كل لحظه
عاطر الود
10-12-2006, 05:49 AM
Ahmed Daoud Ahmed Daoud
تاريخ التسجيل: 01-30-2004
مجموع المشاركات: 755
اما الغنماية فلها دور نضالى اخر تقوم به فى عطبرة اتذكر ايام النميرى .. كان العطبراوين يقومون بتشتيت العيش فى شوارع الزلط ... فتتجمع الاغنام بكثرة فى الشوارع وتعيق موكب السفاح .... فينفعل ويغضب ... فهو يكره حتى غنم عطبرة ...
احمد داود
10-16-2006, 05:01 AM
احمد العربي احمد العربي
تاريخ التسجيل: 10-19-2005
مجموع المشاركات: 5829
أول شي الصورة دي الختيتها بتاعت حيوان ( اللاما ) , و هو من فصيلة الجمل و بيعيش في أمريكا اللاتينية .. يعني ما بيشبه الكائن المعولق بتاعنا الإسمو غنماية . شوفو قيافة و عيونو كبيرة و حلوة كيف .. و بعد ده نضيف .. ( حلاة الدنيا عليهو ) أما الكارثة البيئية الإسمها غنماية دي فما عندها أي شي يشكروها بيهو .. تاني بقول ليك .. : - شينة - معولقة و مبشتنة - دمها قرادة بس - بتطرشق قصص الحب الجميلة ( يعني حاقدة ) - مهووسة بالنبيح سبه بلا سبب - بتاكل أي شي .. التقول HOOVER - ريحتها بتقعد سنين معلقة في النخرة لو كنت متربي معاهم في نفس البيت - و فوق ده كلو مستهبلة ( أقصد الغنماية , مش حبيبتي ديك )
فبالله يا أحمد ما تشكر لينا الراكوبة في الخريف ..
يديك العافية ..
10-18-2006, 11:59 PM
احمد العربي احمد العربي
تاريخ التسجيل: 10-19-2005
مجموع المشاركات: 5829
Quote: - شينة - معولقة و مبشتنة - دمها قرادة بس - بتطرشق قصص الحب الجميلة ( يعني حاقدة ) - مهووسة بالنبيح سبه بلا سبب - بتاكل أي شي .. التقول HOOVER - ريحتها بتقعد سنين معلقة في النخرة لو كنت متربي معاهم في نفس البيت - و فوق ده كلو مستهبلة ( أقصد الغنماية , مش حبيبتي ديك )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Emad Abdulla
و كانت جنها تشوف ليك أي حاجة تقوم تقول : واحلاتي يا ناس الله .. والله الحيكومي دي شديدي شدي 
..
رشا سالم
احمد العربي
هجو الأقرع
محمد الأمين موسى
gessan
بابكر عثمان مكي
Ahmed Daoud
salma subhi
فيس بوك
تويتر
انستقرام
يوتيوب
بنتيريست