عزيزي القارئ عضواَ كنت ام متصفح .. عاجل

Quote: خدر .. ازيك بالنسبة لي ( كبيرة الكلمة دي لكن ربنا يغفر لينا ) البورد لازال جاذب .. لكن .. المشكلة البتمسخو لي مرات هي الشخصنة بحس اننا بقينا زي الاحزاب السياسية زمان بنتخز مواقفنا على حسب الشخوص المعانا هنا افتح بوست عشان امغس بيو فلان البيكتب هنا و اقيف ضد القضية الفلانية عشان جابا فلان و اكره فلان ده و اسكو لانو قبل كده قص لي في بوست بتذكر كلمة عمنا الازهري الله يرحمو نرفضها ولو جاءت مبرئة من كل عيب الكيتا بحس بيها بقت كتيرة شديد نحن بنكتب للمعانا هنا وله للقراء البره ؟ الموقف بيعبر عني كزول وله باخدو عشان امغس فلان ؟ ده المجنني

Quote: بالنسبة لي ( كبيرة الكلمة دي لكن ربنا يغفر لينا ) البورد لازال جاذب .. لكن ..

معز
ياخي انت راجل نسيبنا
ركز لينا في البوست بلاهي
شنو سودانيزاولاين ضكر ولا إنتاية بتاعتك دي , ما تشتت شملنا ياخي



__
يا ضيوف انا مارق برجع بعد كم ساعة , البيت بيتكم

Quote: لماذا تتصفح سودانيزاولاين ؟ - ماذا تتوقع ان تجد في الصفحة الاولي يوميا ؟ - متي تقفل سودانيزاولاين غير نادماَ ؟

Quote: يا ضيوف انا مارق برجع بعد كم ساعة , البيت بيتكم

Quote: Hi Khidir,I am an addicted Sudaneseonline reader, and for a long time I was asking my self the same questions, now since you asked I would love to answer for my self and the sake of your "let us call it research" and also for the fun of it,sorry as one of the members say I do not have Arabic screenFirst لماذا تتصفح سودانيزاولاين I do that because I live out side Sudan and I really miss the big family with every onethe wise parentsthe smart sister or brother the nice sister or brother the rebellion onethe funny onethe one that you wish he or she was never born and they are a shame to the family and every once in a while I would have a favorite character, but I will have to admit my all time favorite is "Esam Gaberalla" beside KIKI and Imad Abdalla - ماذا تتوقع ان تجد في الصفحة الاولي يوميا ؟ to answer this I know what I will see in the first page, Taraji, Nazir,Bagal, each with their package of followers, I am so lucky that I do not see Mohamed Hamid Jimaa any more - متي تقفل سودانيزاولاين غير نادماَ ؟ every day after I smell the nasty sectarian fights and name calling but I come back first thing in the morning. Afraa Sanad USA Virginia

Quote: الاخ الكريم لك التحية والاحترام لقد اعجبني البوست الذي فتحته والذي تتحدث فيه عن مايدور في هذا الموقع .فلقد بدا الموقع بترتيب ممتاذ في بداياته حين كان يعج بالمواضيع الدسمة والتحاليل الصائبة وشيئا فشيئا اصبح ملتقي اصدقاء لا يضر ولا ينفع فبالله عليك ماذا يستفيد القارئ من مهاترات والفاظ بذيئة بين تراجي وفلان او مشكلة شخصية بين اثنين تطرح للشعب السوداني ماذنبنا نحن القراء ان نتطلع علي مشاكل شخصية واتمني ان تصل الرسالة الي بكري ابوبكر وانا اقترح خيار الخصخصة وتعين اقلام جديدة فعلي مايبدوا علي هذه الاقلام قد جف الحبر منها او جفت عقول اصحابها فاليتنحوا ويتركوا الفرصة للاحسن منهم بدلا من ضياع الموقع بالمهاترات التي لاتثمن ولا تغني من جوع شكرا لفتحك هذا البوست

Quote: الاخ خدر دي اجمل مبادرة منك كون انك تدي القراء فرصة للتعبير عن اراءهم بالنسبة للمنبر العام لسودانيز اون لاين انا من الناس البيجو داخلين المكتب واول حاجة اعملها افتح المنبر العام لسودانيز اون لاين لكن زي ما ذكرت انو في الفترة الاخيرة ظهرت بعض الاشياء التي لانحبها مثلا انو المنبر بقي يأجج للعنصرية البغيضة والشخصنة ياخ والله الواحد بقي يجيهو طمام عديل كدة من الشيء البيتكتب هنا يعني مثلا في واحد من الاخوان نزل بوست (تعال شوف سماحة الحبشية في البحرين) ياخ والله البوست دي جميل وطريف جاء واحد من الاخوان داخل شمال ومنزل صور من مجلة البلاي بوي عمل مقارنة بين صاحب البوست وصاحب مجلة البلاي بوي دة مثال من امثلة كثيرة ياخ والله في كتاب اول ما تشوف اسمو او مداخلتو بجي داخل فيها شمال عشان اقراها كـ طارق جبريل مثلا الله يديهو العافية او صديق الموج او شخصك (خدر طلبتك بي الله يا خدر نزل الكلام حقي دة بي ضبانتو من غير حذف او تعديل واكون لك شاكرا

Quote: خدر كل سنة وأنت طيب بدأت التصفح على سودانيز أون لاين منذ رمضان الماضي أحسست به صالون ثقافي وصرت من مرتاديه بل من ساكنيه وأشد ما أعجبني فيه ما أل إليه في الفترة الأخيرة إذا صارت مواضيع الصفحة الأولى كالآتي 1- يا بكري فلان واقف على بابك نرجو منحه باس ويرد 2- يا بكري علان اتهكر باس ويرده نرجو إجراء اللازم 3- يا بكري فلان واقف على بابك نرجو منحه باس ويرد 4- يا بكري علان اتهكر باس ويرده نرجو إجراء اللازم 5- يا فلان تعال طالعني في البوست 6- ويا علان تعال لي بي جاي وهكذا دواليك لمن بقى عواليق وزي ما بقول حميدة أنا بحب سودانيز أون لاين وعليك الله خت لي وش بضحك ويدردق من يمين الصفحة لحدي آخر الصفحة وأقعد عافية

Quote: : خدر كل سنة وأنت طيب بدأت التصفح على سودانيز أون لاين منذ رمضان الماضي أحسست به صالون ثقافي وصرت من مرتاديه بل من ساكنيه وأشد ما أعجبني فيه ما أل إليه في الفترة الأخيرة إذا صارت مواضيع الصفحة الأولى كالآتي 1- يا بكري فلان واقف على بابك نرجو منحه باس ويرد 2- يا بكري علان اتهكر باس ويرده نرجو إجراء اللازم 3- يا بكري فلان واقف على بابك نرجو منحه باس ويرد 4- يا بكري علان اتهكر باس ويرده نرجو إجراء اللازم 5- يا فلان تعال طالعني في البوست 6- ويا علان تعال لي بي جاي وهكذا دواليك لمن بقى عواليق وزي ما بقول حميدة أنا بحب سودانيز أون لاين وعليك الله خت لي وش بضحك ويدردق من يمين الصفحة لحدي آخر الصفحة وأقعد عافية

Quote: حسي البورد قاعد يراهق،

Quote: sudaneseonline is my source of information for every bit of topic

Quote: الاخ خدر، طارق ابو عبيدة، المبدع اللا منتمى. شكرآ على الاستبيان. المنبر العام يعبر جيدآ عن مجموع المشتركين فيه. والمشتركين افراد ومجموعات يختلفون فى الاذواق والتوجهات والشخصيات والاهداف والدوافع. انا اتساءل منذ فترة عن معايير منح العضوية. وماهى توقعات الادارة من العضو/ة؟ الموقع من ملاحظاتى يمر بدورات تتسم بطابع الاعضاء النشيطين فيه. يعنى ممكن يكون كله كلام عن الكورة اذا نشط الاعضاء المهتمين بالكورة. وممكن كله يكون كلام عن السياسة اذا نشط المهتمون بالسياسة، حكومة ومعارضة. وممكن يكون فيه كلام منتظم عن الثقافة والاداب والموسيقى والغناء والتصوير الخ اذا نشط المختصون والمهتمون بهذه المجالات. والمنبر من طبيعته التغير والتبدل. ذلك أنه منبر تفاعلى، انتراكتيف، بنقرة كيبورد، يقفز موضوع الى القمة . ولقد لاحظت ان هناك مواضيع جديدة كل يوم بل كل دقيقة. والواحد يتساءل من الذى يقرأ اذا كان معظم الاعضاء يكتبون مواضيع جديدة؟ ومن الذى يناقش المواضيع المطروحة فى هذه الحالة؟ العضو خضر حسين خليل يعتقد فى بوست كتبه ان هناك خطة وتكتيكات ذكية لقتل المنبر ببطء وتزهيج الناس منه وتطفيشهم. ولكنه لم يفصّل فى هذه الفكرة ولم يقدم نماذج وامثلة على هذه التكتيكات والخطط المقصودة من قبل بعض الجهات التى لا تريد للمنبر ان يسترد عافيته وحيويته الفكرية والسياسية والثقافية والابداعية. أنا أرى أن الشكوى لا تكفى لاصلاح حال المنبر. القبح ينطرد بقانون الازاحة. القبح ينطرد عند حضور الجمال. والشر ينزوى عند قدوم الخير. بمعنى آخر: على خدر ان يتحفنا بغنائه وموسيقاه وكتاباته بانتظام وعلى عماد عبد الله ان يكتب خواطره وملاحظاته بانتظام وكذلك على تاج السر الملك وايزابيللا وغيرهم وغيرهن على صفاء فقيرى وتماضر الخنساء وتماضر شيخ الدين والجندرية وروزمين عثمان وغيرهن الكتابة بانتظام باختصار اكتبوا واكتبوا واكتبوا واقرأوا واقرأوا واقرأوا

Quote: - ماذا تتوقع ان تجد في الصفحة الاولي يوميا ؟

Quote: الاخ خدر السلام عليكم ورحمة الله - لماذا تتصفح سودانيزاولاين ؟ كنت من المتصفحين المداومين علي سودانيز اون لاين وكنت اعتبره فخرا للسودان وانه يحمل بين طياته صفوة الفكر السوداني وايضا يحمل اثنيات الشعب السوداني المختلفي واعراقه المتعدده وكنت اعتبره واحه فكرية تدعم رؤاي وغيرها .ولكن في الفترة الاخيرة تركت التصفح لاحساسي بان ليس هناك اضافه يمكن ان يشكلها لي الطرح المطروح سواء كان فكريا او في اي ضرب ثقافي اخر.وهذا لا ينفي اني اطله في بعض الاوقات ولكنه بالتاكيد لم يعد بالموقع المفضل لدي بالرغم من وجود بعض الاقلام التي ما زالت محافظة علي نهج فكري وثقافي يمكن ان نستزيد منه. - ماذا تتوقع ان تجد في الصفحة الاولي يوميا ؟ سابقا كنت أتوقع ان اجد الكثير من الممتع المفيد وكنت كلما فتحت سودانيز اون لاين اتوقع زياده في المعلومة وزياده في الفكر أما الان فدائما اتوقع بوستات المهاترة والتباغض والكورة والفراغ العريض من المونساتية وجماعات الجهل النشط - متي تقفل سودانيزاولاين غير نادماَ ؟ الان دائما أقفله وانا نادما علي الحال الذي وصلنا اليه وأري العله في ان العقلية السودانية عقلية تبخيسية وكذلك معتده بفكرها ولو كان شحيحا فتجدها تساهم بهذه العقلية في كل المواضيع وتعمل علي افسادها بالمداخلات الغير مسؤولة والغير متخصصة واري ان هناك الكثيرين ممن يهتمون بالمشاركة بغض النظر عن ماهي هذه المشاركة (( اللهم اني شاركت وبس)) كذلك اري ان الشللية صارت تسيطر علي المنبر واتجاه الناس الي انصر أخاك ظالما او مظلوما بمعناها الجاهلي . أيضا انتشار الاساءات وتوزيع الشتائم يمنة ويسرا دون التقيد باي وازع ديني او بعد اخلاقي وكذلك الايحاءات الجنسية بحق نساء المنبر وبعض رجاله بطريقه تثير الأشمئزاز. وخلاصة حديثي ان الدخول الي سودانيز اون لاين بات يزيد الاحباط الذي لدينا في المثقف السوداني ويرسخ للفهم السائد بانه أحد ادوات تأخرنا وان هناك الكثيرين قد وصلوا الي الوعي الاكاديمي ولكنهم حتي الان لم يصلوا الي الوعي الاخلاقي والمسؤوليه الفكرية والثقافية المناطه بهم كطبقه يفترض انها مثقفة ومتعلمه في بلد يرزح تحت براثن الجهل والتخلف. أيضا تحضرني مشكلة المبدعون والعوام وهذه ايضا توضح مدي الازمة التي نمر بها وخاصة ازمة الاعتقاد باننا قد وصلنا الي مصاف المبدعين بمجرد اننا امتلكنا باس وويرد في سودانيز اون لاين بغض النظر عن منتوجنا الثقافي والفكري الملموس في الساحه الثقافية او الفكرية السودانية واعني بالملموس هنا وجود غير الوجود الذي في سودانيز اون لاين من صحف او مجلات او اسفار منشورة. فاري انه من الاجحاف المساواة بيني وبين يحي فضل الله او بيني وبين محسن خالد او محمد السني دفع الله او اي احد من المبدعين الذين لهم بصمات واضحه في مجالاتنا الابداعيه . هذا واسف جدا للاطاله ولدي عوده سرالختم عجيب عبدالرحمن

Quote: حوالى ثلثى مستخدمى الموقع من السودان. هل هذا يعنى ان ثلثى اعضاء وزوار الموقع من السودان؟

Quote: عشان اعمل تمارين قبول الاخر

Quote: الاخ المحترم خضر سلام وعوافي ملحوظه عن سودانيز، منتداكم يضم مجموعه من الرواد في حقولهم و علماء من المفترض ان نباهي بهم الامم. سودانيز اصبحت ليهم وطن، بعد ان صار وطنهم طارد و غير مستوعب لقدراتهم الخارقه، المجموعه دي قل ما تشارك كل الامم علي قمتها علمائها، يقودوهم بمعرفه و درايه، الا في الدول المتخلفه مثلنا، قوداها العساكر واصحاب الحناجر العاليه والعقول الفارغه. كنت ارجو ان تسمحو لعلمائنا باخذ مساحه اكبر في سودانيز، لانه بطبيعه حالهم، خجولين من باب المثال لا الحصر، معاكم سودانيه، حامله دكتوراه، عالمه تمشي بينكم تحسبوها من عوام الناس من شده تواضعها و ادبها، نسبه ذكائها سجلت في بريطانيا في مينسا ضمن شواذ العالم، وانا بالرغم من انه لي صله رحم بها هي لا تعرفها، عرفت بصدفه غريبه جدا. ما من العدل انه حضارات تانيه تباهي باولادنا و بناتنا الامم و احنا نتجاهلهم، ووالله لولا خوفي عليها من القبح و فتنه منتداكم و تكالب السياسيين منكم، لقلت من هي لتتاكدو بانفسكم. احييك علي مبادرتك، الابسط و الاقرب لمنطق اهل السودان، اسئلتك دي كان بكري ابو بكر، سيد المنبر ده يعملها من بدري و تكون بصوره دوريه، لانه سودانيز بقي منبر عالمي وسلام لكل العلماء و المبدعين وتجله و احترامو بجيك تاني سلام وعوافي محمد

Quote: فكرت ياخدر ياصاحبي قبل قليل في نقابة !!! آي والله نقابة

Quote: لماذا تتصفح سودانيزاولاين ؟

Quote: اختصار اكتبوا واكتبوا واكتبوا واقرأوا واقرأوا واقرأوا

Quote: From: طيبان خالس aata ([email protected]) Sent: Sat 12/20/08 2:31 PM To: [email protected] الأخ العزيز خدر (طارق كما أظن) السلام عليكم .. كل سنة وحالك بهجة .. جيتك من الطاقة دي مستجيبا لدعوتك لقراء سودانيز أون لاين للإجابة علي اسئلتك فرأيت طالما لقيت لي فرقة أقول رايي في مجمل الحاصل ..فاعذرني علي الدخول بمدخل عادي كما يدخل بيتك صديق قديم .. قد تلاحظ ان عنواني البريدي معنون بتام زين ..وهي صدفة محضة كماتعلم ..ولاعلاقة لها بما سأقول .. أتابع سودانيز اون لاين علي فترات منذ 2005 تقريبا ..لست مداوما ولست مجافيا ..يقودني إليها بعض الفضول أحيانا ..وقوقل في أحيان كثيرة .. الجديربالذكر أنني لم أحدّث نفسي بالإنضمام إليها (بافتراض أنها أنثي كما تساءل مناكف لطيف) إلا مرة واحدة لم تتعد مرحلة التفكير لفعل إيجابي باتجاهها..وقد فقدت حتي هذه الرغبة بعد أوان قصير ..لأسباب لاأعرفها ..كما لا أذكر أسبابا لرغبتي الأولي .. فضلت أن أكون قارئا علي فترات ..أأخذ ما أريده أو أشبع نهمي لكتابات معينة أو ملاطفات متوقعة أومشاكسات بريئة وغير بريئة ..حسب الحالة المزاجية التي تطابق ما أطلبه كمستمع..وقيل كقارئ غير حصيف (فالحصافة تطير ).. في الفترة الأخيرة (قبل أزمة الهكر بقليل مرورا به - حمانا الله- ومابعده)لاحظت الآتي :- يتحول المنتدي لبيت بكـا عجوز هالك ماتت مباشرة بعد مباراة تاريخية لهلال مريخ أوماتت بعد حفلة رابّة لندي القلعة وأخري لعقد الجلاد أوماتت بعد خطاب تاريخي حاشد للبشير أو ندوة كاربة للمهدي بحضور ممثلي الأحزاب بدار حزب الأمة.. وجوقة المعزين وعاصري الفراش ..أغلبهم جاء من الإستاد أو من الحفلة أو من مكان الحشد أو من دار حزب الأمة علي بيت البكا عديل ..فصار بإمكان أي زول لافي تخمين طبيعة النقاشات الدائرة .. كل شئ يتم تناوله بطريقة طق الحنك إضافة للشاي وربما المررو ... كل شئ ماعدا سيرة وتاريخ وصلاح والدعاء لهذه العجوز الهالك ..إلا من فئة موجوعة بي الصح علي الحاجة (خدر..وخضرحسين ومني خوجلي وآخرون نماذجا).. أها ياسيدي (بالله مرّر حكاية إني عامل البساط أحمدي دي ) .. طبيعة الحوار الدائر هي في الغالب طبيعة جدلية دائرية بحتة ..وبحتة خالص ..تعجب أصحابها لأنها تحل كربة ما بطريقة ما ..هذه الكربة قد تكون فك القرفة ..أو فك القريفة للكجار والجدال السوداني الشهير لزمرة مغتربين يشتهون النضمي السوداني ..أو فك الرقبة لآخر لايحبونه أو فك الركبة لمن لايجيد اللعب علي طريقتهم ... حاصل الحاصل هو فعل تراكمي ..سببه عدم وجود رؤية واضحة من البداية للناس البخستكوا بالوضع (ماكل الناس أكيد فالبعض يستفيد جدا من حكاية إنو يتحول البورد لشات كبير حسب تعليق موفق لأحدهم ).. وحسب وجهة نظري المتواضعة فإن لصاحب سودانيزأون لاين السيد بكري باع في هذا ..فهو ورغم إني بظن فيهو الخير ..فشل في إدارة المنتدي (ولا أتحدث عن وصاية)ولكن في ظني فإن حوش كسودانيز أون لاين كان - لاحظ كان دي - يحتاج لإدارة بها أعضاء ما أقل من عشرة -ماتشتغل بي الرقم دا كتير-لتثبيت مبادئ حوار معقول ..ولا أقول معافي .. هل تعلم إنو أكتر بوست عاجبني اليومين ديل هو بوست عصام جبر الله عن الحوارات المأزومة ؟؟؟ دا بوست بتلقي فيهو كل شي ..بشرح ليك جزء كبير من مسببات الوضع الراهن ..يسوقك لحكايات الهكر..وللصراع القديم المفتعل بين زمرة المبدعين وزمرة اللامبدعين..يديك لمحة عن خلاف ملاسي وعصام ومحسن خالد من جهة ..وخلاف محمد سليمان ومحسن خالد ومجموعة اللامبدعين من ناحية وعدة نواحي كمان .. بوست يوضح قدرات كيكي العظيمة في عتيل البوستات (وهو يفعل ذلك بمتعة وإقتدار)..وهو أي البوست من حيث عددية لطفاء البورد لاينقصه شئ سوي عدم وجود تمبس ..وهذا الأخير أعترف لك إني من أشد المعجبين بيهو وكت أكون قرفان ..وصراحة كدة موجعني غيابو لا يبقي شطبوهوا كمان .. أقترح ياأخ خدر إنك تضيف للإستبيان بتاعك دا إنو الناس تقول رايا بناءا علي بوست الحوار المأزوم دا لانو بيختصر المنتدي كلو في خمسة صفحات لاغير(دا إذا كيكي مالحّقن ستة وانا بكتب في رسالتي دي ليك)... ياخ شكرا لطولة بالك ..واقبل ونستي دي ..وارجو ما أكون عصرت علي واحد من الجماعة الفوق ديل ..فهم بالنسبة لي زيّهم وزي أبطال مسلسل تركي طويل (ومافيهو مهند) يعني لابيعرفوني لابعرفهم ..ومرات بقول يمكن فعلا هم بمثلوا ..ودا برضو وارد .. أما عن اسئلتك التلاتة - لماذا تتصفح سودانيزاولاين ؟ - ماذا تتوقع ان تجد في الصفحة الاولي يوميا ؟ - متي تقفل سودانيزاولاين غير نادماَ ؟ فأظن أنا جاوبت عليها بطريقة غير مباشرة ..حال الإجابات بالبورد في مثل هذه الأيام من السنة سلام يا أخي العزيز ... اضافة :- أرجو إعتبار هذه الفضفضة من مجهول وهو الحاصل فعلا ..استجاب لنداء كريم من زول كريم ..وأظنك ستفعل دمت بخير ..

Quote: متي تقفل سودانيزاولاين غير نادماَ ؟

Quote: ذلك يعني – تحديداً – أن ثلثي أعضاء وزوار الموقع من السودان.

Quote: ياخ والله في كتاب اول ما تشوف اسمو او مداخلتو بجي داخل فيها شمال عشان اقراها كـ طارق جبريل مثلا الله يديهو العافية او صديق الموج او شخصك (خدر

Quote: زي حكايتك عن التام زينو أولا ياسيدي سيد الاسم مذكر.. التام زينو ود عبد التام...

Quote: لماذا تتصفح سودانيزاولاين ؟

ياخ ماجيت بهناك ليه يااااااااخ ؟!