|
مرحبا باسيا ربيع فى الخرطوم
|
هبطت بسلام بمطار الخرطوم طائره الخطوط الاماراتيه قادمه من لندن دبى الخرطوم وهى تحمل على متنها الزميله والدراميه اسيا ربيع وتنوى الاخت اسيا قضاء شهرين وسط اهلها ومعارفها نتمنى لها اجازه سعيده وان تنعم برؤية والدها وكل عام وانتم بالف خير
|
|
|
|
|
|
|
|
Re: مرحبا باسيا ربيع فى الخرطوم (Re: سامى عتبانى)
|
ياخ دي اروع آسياااااااااااااا
يا سلالالالالالالالالالالالالالالالالام
من حرارة اللقاء
لي هس مشروقة
وكمان كراعا لية خلاص جابت لينا كاس المريخ ان شاء الله تطلع مريخابية كمان
وكان حشد لفيف في انتظارها
ناهد الصورة بديك ليها حية هسة من المطار
| |
|
|
|
|
|
|
Re: مرحبا باسيا ربيع فى الخرطوم (Re: فيصل محمد خليل)
|
Quote: أنتو يا جماعة هي أسيا الربيع دي منو معانا في المنبر ولا درامية ( وبس ) زي ما كتب بعض الأخوة |
ياخي اسيا ربيع دي درامية ومعانا في المنبر وكتابة كتابة لاحولاااااااااااااااااااا
واهم حاجة حافظة التواريخ الماتو فيها الفنانين والقامات في البلدي حفظ
بس يجي التاريخ المعني تقوم طوالي تفتح بوست من الصباح تزكرنا فلان مات في نس التاريخ سنة كذا
ياخ زولة رايعة كيف
كل الود
| |
|
|
|
|
|
|
Re: مرحبا باسيا ربيع فى الخرطوم (Re: سامى عتبانى)
|
علي زمة الراوي وجموع من مر هاهنا
حالة أسيو وية بلسان ود بلد لمن فاته أن يعرف (المنسي)
آسيا كان مرقت تحوم أول شئ بتقيف السموم ينزل الغيث والقش يقوم
لعل الرابط ( التوءمة ) ولربما حدوث مرور جزيئات الماء بين الاراك والقطينة
| |
|
|
|
|
|
|
Re: مرحبا باسيا ربيع فى الخرطوم (Re: nourelhadi awad)
|
Quote: آسيا كان مرقت تحوم أول شئ بتقيف السموم ينزل الغيث والقش يقوم |
بس اسيا القيل فوقها الكلام دا نور الهدى شايقية توقف القطر ... وكانت داية نقلوها من الأراك لي كسلا
بس لسه ماعارفنا اسيتكم دي المهم قلنا حمد على سلامة وصولها
بعدين اب سديرية المستقبلها دا ( منو برضو ممثل مسرحي ولا عضو في البورد ؟؟ )
تحياتي ومودتي نور
| |
|
|
|
|
|
|
Re: مرحبا باسيا ربيع فى الخرطوم (Re: خالد علي محجوب المنسي)
|
ودعمى خالد المنسى
كل سنة وانت طيب مقدما
حبيبنا آسيا ربيع طبعا من ألمع نجوم الدراما فى بلادنا ، أخذتها منا رياح الغربة حينا من الدهر
فهى غير ذلك من بيت فن ورياضة ، عمنا ربيع من قدامى لعيبة فريق الهلال السودانى ( هلال الستينات أعتقد )
إلتقيتها أول مرة منذ حوالى 8 سنوات فى بيتهم العامر بالرياض الخرطوم ، حيث تجمعنى علاقة حميمية بكل أفراد بيتهم
خاصة الراقية جدا نادية ربيع إحدى رئدات الضيافة الجوية فى سودانير الطاقم الخاص بالرئساء .
Quote: بعدين اب سديرية المستقبلها دا ( منو برضو ممثل مسرحي ولا عضو في البورد ؟؟ )
|
وبعدين أبو سديرى دا أستاذنا الشاعر الكبير محمد طه القدال ، وهو علم كبير أعتقد أنه لايحتاج لتعريف لديك ( مـاكد خذلك النظر ياعجوز)
وبجيك راجع
| |
|
|
|
|
|
|
Re: مرحبا باسيا ربيع فى الخرطوم (Re: احمد سردوب)
|
Quote: ودعمى خالد المنسى
كل سنة وانت طيب مقدما
حبيبنا آسيا ربيع طبعا من ألمع نجوم الدراما فى بلادنا ، أخذتها منا رياح الغربة حينا من الدهر |
ابن عمي الحبيب محي الدين تحية طيبة ( يا جماعة ما نشغال عمرنا كلو نكون جادين )
أمس ضبحو خروف وجلدو بني
مساهرات هي وأختها الحنينة ( نادية ) وصديقتها المقربة ( حنان )
أما العلم القدال في الضلماء كان سمعنا صوته بنعرفو
وكان الليل ومافي الحلّة من الحفلة إلا صداها رقيص الشامة بت حمدين وعرضة حامد العولاق وخت الحنّة لي يات من حضور ضفرين ونمات العديل والزين وشنق ودسعد طاقيتو شان في الحلّة ساو كنتين شكلة عامر المسكين وعيط ود مجمر زين عشان الزينة رقصت زين وفي الشعقيبة كان بازمالو شبّلين
تحياتي للأخت أسيا ربيع وكل أسرتها وأصدقائها والتحية محملة بالشوق لرؤياه ذاك الشاعر القامة محمد طه القدال ود حليوة السمحة ونسمة قمحة تعطر ليل دُخلتنا هقيت لي القمر القمر الأبيض لبنّاً هتف من ضرعات السدرن يومن ورتعن بدري وقبل الدنيا تغيب يا أحلى صبية بتمرق مغرب عين في الأرض ويد تتناول من خالاتها الضيق رواب
مودتي أبن عمي محي الدين والعذر كمان موصول للأخ نور الهدى أمسحوها لي في وشي
تحياتي مكررة
| |
|
|
|
|
|
|
Re: مرحبا باسيا ربيع فى الخرطوم (Re: مصدق مصطفى حسين)
|
Quote: ود عمى خالد وفيسل هليل يا أخوانا إنتو وكتين بتعرفوها ماتسكتو تخلونا نتجدع شوية بمعرفة زولة رائعة زى دى كل سنة وإنتو طيبين ___________________ وأنا تانى يوم معيد مع أبارو |
محي الدين أنا سكت لكن فيصل هو الفضح الموقف ولم أجد ما استتر به عيدكم مبارك أنت وأبارو وخطبيته
اسيا ربيع إن شاءالله مرتاحة بين الأهل والأحباب
تحياتي محي الدين وأسيا
| |
|
|
|
|
|
|
Re: مرحبا باسيا ربيع فى الخرطوم (Re: خالد علي محجوب المنسي)
|
آسيا و المختلفين بها عيجكم مبارك ويا آسيا عليك الله دي منو؟؟؟
Quote: اسيا الان وسط اهلها ومعها صديقتها الفنانه حنان ابراهيم |
دي حنان بتاعت جنة الاطفال زمان واغنية امي؟؟؟
سلمي عليها وقولي لها ياما عطرت ايامنا بصوتك الحلو وياريت نرجع ونسمع لك ثاني.
شكرا سامي.
| |
|
|
|
|
|
|
Re: مرحبا باسيا ربيع فى الخرطوم (Re: سامى عتبانى)
|
آسيا بابورك في الأراك يا آسيا بابورك في الأراك
العجو الجايّ من المحوس وأن عول ما بينقرو السوس المفلس شن داير يكوس بس يعاين ويشبع مغوص
في آسيا بابورك في الأراك
آسيا فيها طبعاً يا اخي مفهوم وفي الفريق أن دارت تحوم أول حاجة تقيف السموم وينزل الغيث والقش يقوم
لآسيا بابورك في الأراك
آسيا واقفه دغري بلا تدابير وعودا صندل وعرقو أكسير شاهد الله أن وقفت عديل تشوف وشيك في ساقه فليل
دي آسيا بابورك في الأرك
أنا لو ماكت من بخاف الله الحساب وأخشى انتو تقولوا كضاب أنا كت بحلف فوق الكتاب آسيا من نور ماك من تراب
يوم رحيله أنا كت داير أموت وصفر البابور داير يفوت البحر صفا ليها مبسوط وشوف عيني أتشرف الحوت
لآسيا بابورك في الأراك
لزيارة كسلا راحن التاكسي اتبرعن والضرايح ذاته رزن وكان داير يقوم سيدي الحسن
لآسيا بابورك في الأراك
ابراهيم ود الزومه
| |
|
|
|
|
|
|
|