|
Re: جثمان عبدالنبي كاد يسقط من العنقريب وانسكر احد ارحل العنقريب بسبب صراعات ال المهدي ( صور ) (Re: ABUHUSSEIN)
|
يا أخي الكريم أبو حُسين...
يا اخوي لافي صراعات ولا في مشاكل... الجثمان تدافع الناس المخلصين حوله أدى إلى كسر العنقريب... وبتحصل في أكثر من مرة... لكن المحيرني أخي أبو حُسين ما هُو الغرض من هذا الأمر الشايلو بقال ومباريبُو من بوست لبوست تاني؟؟!!
والله بالجد محتار... معقولة في قلوب زي دي!!!
يا اخوي بقال "الله يهديك"... فلنفترض أن هناك خطأً ما حصل من الإمام أحمد المهدي ـ بالرغم من تحفظي على أن هناك خطأ ما حدث ـ فلماذا تحمل الموضوع أكثر مما يحتمل... لماذا لا تراعي شعور آل المهدي والأنصار هنا في البوست وقراء بوستاتك البقت مكررة دي... وأنت تطالب آل المهدي بالمقابل لمراعاة شعور أُسرة المرحوم...
يا اخوي والله البتعمل فيهو دا شين وماب يشبه واحد صاحب قضية زيك "زي ماب تقول"!!!... تليفزيون السودان عرض وداع الجثمان والحشود التي توافدت لوداع المرحوم د. عبد النبي "رحمه الله" وهناك شرطة واقفة في سياراتها يعني حتى ما منتشرة كما حدث في يوم وداع مولانا السيد أحمد الميرغني "رحمه الله" لكنت قلت أن مشاكل الدنيا حصلت في مسجد السيد علي الميرغني إلا فرقوها بشرطة ولاية الخرطوم كلها!!!... يا اخوي خليك صادق مع نفسك وأرحمنا نحن المتابعين لكل حاجة بتحصل في السودان بالرغم من إبتعادنا عنه... أرحمنا يا بقال أرحمنا الله يرضى عليك...
نصيحة لكل الإخوة الزملاء المرور هنا التحلي بالصدق.. لأن كل كلمة نكتبها هنا سنسأل عنها يوم القيامة حيث ربما تكون حسرة وندامة على كاتبها لو وظفها في غير موقعها الصحيح...
أحسن الله عزا أُسرة الفقيد والأحباب أنصار حزب الأُمة والجميع في وفاة الدكتور/ عبد النبي...
نسأل الله يسكنه فسيح الجنان مع سيدي النبي العدنان... وصحبه الكرام أبو بكر وعمر وعلي وعثمان...
وإنا لله وإنا إليه راجعون...
أبو الحُسين...
| |
|
|
|
|
|
|
|