|
|
 Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) (Re: هجو الأقرع)
|
منقذ الطفلة (أم شوايل) التي عاشت (40) يوماً داخل بئر يحكي:
عبدالخير سعيد: غصن شوك كان حافظاً لها من ثعبان كبير حاول منعي من إنقاذها
البير ملانة دبايب وطيور وعقارب.. وسر حياتها أمر رباني!
تحقيق: أمير الشعراني
اختارت الطفلة (ام شوايل) ذات الـ13 ربيعاً، بإلهام رباني البئر بديلاً عن الموت واللحاق بوالدتها المرحومة، عندما قال لها والدها لما اضاعت اربعة اغنام من مراحه الكبير:
ـــ (تلحقي امك وللا ارميك في البير؟)
سقطت (ام شوايل) في البئر قبيل غصن الشوك الملفوف بجانبها، فأصبح لها (زريبة) حمتها الهوام والطيور والثعابين، وظلت على هذا 40 يوماً، داخل البئر العميقة.
(حكايات) اجرت حواراً مع عبدالخير سعيد، الرجل الذي اخرجها من البئر، فكشف اسرار وخبايا وتفاصيل مثيرة عن وضع الطفلة داخل البئر.. فإلى تفاصيل افاداته.
* عبدالخير، كيف علمت بوجود الطفلة (ام شوايل) داخل البئر؟
ــ حدثنا صبي (جفت) اغنامه ناحية البئر، فحاول تغيير اتجاه سيرها باستعماله لفرقاعات صوته (فرطوق)، وما ان بدأ يفرقع بسوطه حتى سمع صوت صرخة من داخل البئر، فحضر وأخبرنا به.
* عملتو شنو؟
ــ اتحركنا نحو البير، سألناها، انت انسان وللا شيطان؟ قالت انا انسان.. انا (ام شوايل)..
* عرفتها؟
ــ لا.. انا ما عرفتها لكن لمن سألناها ابوك منو عرفناها.
* طلعتها كيف من البير؟
ــ جبنا عضلة (عود كبير) عارضناها على خشم البير، وقلت ليهم اربطوني بالحبال وأنا بنزل ليها، لو بقت (ام شوايل) وللا بقت شيطان..!
* شيطان؟
ــ في ناس سمعوا الصوت دا قبل كده، وقالوا ده شيطان.
* البير عمقها كم؟
ــ زي 17 راجل (الراجل حوالي 175 سم)
* نزلوك في البير؟
ــ في وسط المسافة لجوه البير، كان في طير (ابورقيع) كثير شديد لمن غمضت عيني.
* خفت..؟
ــ لا.. انا اتوكلت على الله وقلت لازم اصل الصوت دا..!
* لما وصلت جوه البير.. لقيت شنو؟
ــ كان البير مضلمة شديد.. ما شفت حاجة.. طلبت نزلوا لي بطارية.. اول ما ولعت البطارية ظهرت لي ثلاثة عيون.. العين الأولى لقيت فيها ثعبان كبير كان متقدم عليّ، ولعت فيهو البطارية رجع وإداني ضهرو.. فتشت كل العيون ما لقيت حاجة.. سألتها.. انت وين.. قالت لي انا هنا.
* لقيتها وين؟
ــ ما لقيتها، قربت اصدق انها شيطان.. لكن فجأة شفت مسيرتها (ضفيرة شعرها) واقعة في الموية.
* هي كانت وين؟
ــ كانت تحت الشوك..
* صحتها كانت كيف؟
ــ كانت عبارة عن هيكل.. (كملانة من لحم الدنيا).. حاولت اطلعها من تحت الغصن، ضفيرتها اتشربكت في الشوك، ما قدرت اخلصها طلعت السكين وقطعت الضفيرة.. ربطتها من كرعيها وطلعت بيها بره.
* الحصل شنو بعد طلعتوها بره؟
ــ لقيناها بلا هدوم.. لقينا ملابسها اكلتها الأرضة.. سقيناها لبن طلعتو بأنفها.. تاني سقيناها طلعتو بأنفها، لمن جوا جماعة قالوا لينا اسقوها سمن.
* وجدتوا في ملابسها شنو؟
-ملابسها كانت منتهية نهائي، ماكلاها الأرضة، لكن وجدنا في شعرها عقربين واحدة حية والثانية ميتة.
*كانت بتتكلم؟
ــ نعم بتتكلم بعد شربت اللبن بعد السمن سألناها الرماك هنا شنو؟ قالت رماني ابوي في عشان (ودرت) الغنم.
* وعملتوا شنو بعد كلمتكم؟
ــ علمنا ورقة في شرطة ام سنطة، العساكر بعد جوا ورسموا الحادث في البير.
** تابع غداً بالمستندات:
* مراحل علاج الطفلة (ام شوايل) من ام سنطة وسودري والأبيض وحتى مستشفى عبدالله الطيب بالخرطوم.
* حقيقة الرجل الذي كان يسقيها اللبن بالملح داخل البئر!!
* لماذا غيرت (ام شوايل) اسمها الى آمنة بنت وهب؟
|
|
 
|
|
|
|
|
| العنوان |
الكاتب |
Date |
| أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-16-08, 08:30 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | ود الباوقة | 11-16-08, 08:35 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-16-08, 08:41 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-16-08, 09:14 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-16-08, 09:18 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-16-08, 09:19 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-16-08, 09:20 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-16-08, 09:22 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-16-08, 09:32 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | عصام دهب | 11-16-08, 09:53 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-16-08, 10:16 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | عمر صديق | 11-16-08, 10:22 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-16-08, 10:54 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-17-08, 00:44 AM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | Hassan Makkawi | 11-17-08, 06:02 AM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | Hassan Makkawi | 11-17-08, 06:05 AM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | Mirghani Ali AlAmin | 11-17-08, 07:07 AM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | خالد أحمد شطة | 11-17-08, 04:25 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | Hassan Makkawi | 11-17-08, 07:30 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | Mohammed Ibrahim Othman | 11-19-08, 10:44 AM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | Abdelgadir Galal Ahmed | 11-19-08, 11:06 AM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-19-08, 04:37 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | خالد أحمد شطة | 11-19-08, 07:26 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | هجو الأقرع | 11-20-08, 02:13 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | بشير أحمد | 11-20-08, 02:35 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | محمد سنى دفع الله | 11-20-08, 02:55 PM |
| Re: أم الشمائل طفلة سودانية بقيت حية فى قاع البئر اربعون يوما (مطلوب تفاصيل ) | ASHRAF TAHA | 11-20-08, 03:06 PM |
|
| |
هجو الأقرع
فيس بوك
تويتر
انستقرام
يوتيوب
بنتيريست