|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حنين للبلد)
|
ودالصايم
ازيك .............. والله الزول فتر من النجومية والشهرة قال شوية يعتزل الأضواء ويمارس حياة العامةالروتينية
ويني شنو كمان ده سؤال تسالوا ياود الصايم...مااتقبلتها منك يااخي المنبر ده مابقى بحمل اكتر من تلاتة انفار...نفر رابع كترابته تقوم..
عليك الله الولد ده بالجد عاجبني كيف... ضارب الهم بالفرح..واكتر شيء عاجبني في ثقته انه مبدع....يعني الابداع ده احساس داخلي من ذات الشخص وتقديره لموهبته ايا كانت ، بغض النظر عن حقية وجودها من عدمها....وبغض النظر عن تقييم الاخرين اسه الزول ده عليك زمتك المخرومة ياود الصايم ...مامبدع..
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حنين للبلد)
|
المبدع الصغير الاخ طرط طط طرطا ذكرني واحد صاحبنا زمان في اول التمنينات ( شفت نحن صغار كيف يا ود الصايم ) قال فنانو المفضل وردي ..طبعا نحن كاطفال كنا مشروقين باغاني بدري صحيت من نومي و الحاجات دي .. فالزول داير يثبت لينا انو وردي زول مبدع قام غنى لينامقطع من اغنية لوردي فقال :
في زول اكل عمرو .. ترن تنن تنو في زول اكل عمرو .. ترن تنن تنو
و بيقولا بعمق و باحساس و هو مغمض عيونو و يقرب يبكي من شدة الابداع و روعة الكلمات و ضجيج اللحن في دواخلو
ياخ بالجد الابداع ده زي السكر .. توفيق من الله
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حنين للبلد)
|
خلاص ياحنين جريت البنبر وختيته جنب الباب ,,
ويمين "حج وعتق " زول ولا زوله تمر بهنا الا اسلم عليها ,,
وادخلها جوووووووه البيت ,,بس جبنتكم خلوها جاهزه ,,وشاهيكم مايبرد ,,
Quote: انا كويسة.....انت كيف؟؟؟ |
طالما انتي والحمد لله كويسه ,,فالكشف المرفق ومعاهم العبد لله كويسييييييييين ,,
الله ينطيك العافيه ,,اقعدي طيبه اخيتي ,,,
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حنين للبلد)
|
حمور زيادة
انت ماممكن اقول حمور ساكت بدون زيادة؟؟؟؟
طيب
حمور...بتابع في كتاباتك وبتؤامة لي طفولتي "يخيل لي زي الانحنا قدر بعض كدة " بوست الحصة مكتبة بالجد مفيد لو ما الحالة الفيها كنت دايرة اتداخل في كتير جدا...عاين انت كنت برضه لمن يضغطوك في القراية بتخت رجل المستحيل في نص كتاب المدرسة وتنهمك في الدراسة..انا كنت زي دودة الكتب لمن كنت صغيرة..بقرض الكتب بي شراهة عجيبة ..تصدق كتاب ذهب مع الريح انا قريته الجزئين واناطفلة ...قلاصة شديد خلاص مش بالجد كنت استمتع بالروايات الأدبية جنبا الى جنب مع ميكي ماوس وسمير والاصدقاء...اسمع ولا اقول ليك النجيك بالدرب...لانه شكلي قلبت الطرطرطرطا حصة مكتبة
عاين حمور..النبي فيك ماتسلفني سوبر ميكي لو عندك اعداد منها
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حنين للبلد)
|
حنونه ..
انا ما ممكن اقول حنونه بدل حنين للبلد؟؟؟؟
طيب
حنونه انا من زمن لمن كنت بتعصر في القراية بخت المغامرون الخمسة جوه الكتاب و اقعد اقرا .. و الله ذاكرت جنس مذاكرة بناس تختخ ديل .. الله يطراهم بخير محل ما كانوا ..
راجيك بالدرب فعلا لانو الحتة دي طرط طرا ساااي
بالنسبة لميكي ياخ انا حميت راوية في بوست بطوط و زيزي لو اديتك بتزعل
كدي ارجي المسينجر تشتغل و نتفاهم .. و لحدي الوكت داك الاجابة لأ ما بسلفك .. اتمنى راوية تقرا البوست ده
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حمور زيادة)
|
يعني ياحمور...داير ترسل رسالتك لي راوية من خلالي..
لكن كدة يامان ماااااا خسرتنا الاتنين....
تصدق عرفتك من النوع الكنت فسل في مجلاتك ورواياتك وبتعل الروح لحدي مايقنعوك انه ممكن بدل القصة نستلف ليك اتنين تلاته من فسل تاني انت ماعندك معاه تعامل لكن الوسيطط بعرفو...زكمان سنين لحدي مايقعنوك انه المجلة ماحنقراها ونحنا بناكل...وحنرجعها نضيفة ومافيها شلخة خلي شرطة.. وانت اظنك من النوع البوسطوا لي ناس البيت كلهم حتى ترضى على مضض وبعد مايدوك "دقة" انك تسلف مجلاتك...
طيب ياحمور الفيك اتعرفت....ومش مشروع الصداقة ده زاتو خليناه ليك.... ولا طرطرططرططرا ولا يحزنون
خلي ميمي وراوية ينفعوك
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حنين للبلد)
|
غايتو جنس ناس متسببه بشكل
هسه متين رسلت رسالة لراويه عبرك ؟ قلت ليك انا حميت راوية فلو اديتك هنا هي ممكن تجي تعرف و تزعل ياخ و راوية دي تبع اوباما فموقفي حيكون سئ .. قلت ليك عشان كده نمشي المسينجر نتفق بغادي ..قالو الصلاة فيها السر و فيها الجهر .. غايتو لكن لقيتك حالتك صعبه ..
بالنسبة للسناريو الاتخيلتيو ده فانا ما كنت بسلف مش لو اتوسطو ناس البيت .. لو ناس البيت زاتم دايرين يستلفو ما بديهم خليك من اقبل وساطتم .. اما الاكل فهسسسه في اللحظات الضيقة الفاتت دي انا اتغديت و انا بقرا في سوبر ميكي ..
شفتي كيف
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: Hala Hassan)
|
Quote: حنين، أنا الليلة بكتب بأسم اخرون،،،
ممكن لحظة بس حمور زيادة دة؟
Quote: بيقولا بعمق و باحساس و هو مغمض عيونو و يقرب يبكي من شدة الابداع و روعة الكلمات و ضجيج اللحن في دواخلو
حمور، لأ.. ما فهمت، ممكن تورينا لايف، كان بيغنى كيف؟؟؟ |
هولة
انتم الاولون ونحن الآخرون
يعني يابتي لوم لاسنين وقتك التجي داخلة في حلتنا تجي لي حمور ثمح
مسؤولة من الخير هلة...انتي الحركة الفي شكل وردة الفي اوزون بتاعت الموية الجمبقتنا ديك...شنو مافهمت نظام الجو ممطر ورشاش ودعاش ولاشنو.....بالجد خجلت اسال يومتها لكن اسه الموضوع جاب الموضوع
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حنين للبلد)
|
حنونة،
Quote: يعني يابتي لوم لاسنين وقتك التجي داخلة في حلتنا تجي لي حمور ثمح |
ما الحالة واحدة و كدة،،،
لكن حمور دة لو ما جا ورانا عملى، أقفلى منو البوست، ثمح؟؟
Quote: مسؤولة من الخير هلة...انتي الحركة الفي شكل وردة الفي اوزون بتاعت الموية الجمبقتنا ديك...شنو مافهمت نظام الجو ممطر ورشاش ودعاش ولاشنو.....بالجد خجلت اسال يومتها لكن اسه الموضوع جاب الموضوع |
دة إسمه إتنين (و فى مقولة أخرى تلاتة فى واحد)، يعنى، منو تلطيف للجو، و منو نظام تخفيف للمشروبات التقيلة و كدة، و القال تلاتة، يجى هنا يورينا التالتة شنو؟؟
أنا المحيرنى بس، كمية السكر و الذى منو الببوظ كل يوم دة برش الموية، لزومو شنو؟؟
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حنين للبلد)
|
Quote: التالتة ياهالة عشان يثبتوا انهم اصدقاء للبيئة وبخففوا الحر مش اسمها "أوزون" |
والله فعلا يا حنين، شفتى، أنا كنت عارفة، فى سبب تالت، عشان كدة سبت ليهو سطر فاضى،،،
Quote: لا بالجد الرشريشة دي قدر ما اتضايرنا منها لحقتنا...يعني ياهالة الماشي اوزون "مكوة شعر مافي لي" |
الظاهر هم معتمدين البجيهم كلهم نوعية الخواجات ديل، ما محتاجين المكوة،،،
غايتو، كان سألتينى... ما تحرمى نفسك، إلا إنكربى كويس،،،،
Quote: ود البشرى بالغ مش...والله كنت قايلاه بريء |
التهمة ثبتت،، ود البشرى يستاهل،،، شفتى، الايام دى مبارينى، مرة داير يسرق واسطتى، و مرة داير يرفدنى من الشغل....
لكن، الله فى،،،،
__________________________________________ يا جماعة، فى زول حضر: حسب الله و نعم الوكيل؟؟؟
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حمور زيادة)
|
Quote: معقوله ياخ تتهم اخوك انو رافع القزاز منك ؟ انا بس قاعد قدام الرفوف بتاعة ميكي حارسا عشان ما يجي زول اي زول و يحاول يشيل عدد |
دي ثقافة نحنا ما عندنا ليه الجدية اللازمة نحن جيل ديغيتل ناس توم & جيري ، تلتبيز ( ناس بو بيبسي ، و ابطال الديغيتل ، بوكيمون " بيكاتشو " ، اسبايكي ، و سونك ( مرة " فادي " ولدي رسلتو يجيب لي مخدة من الاوضة التانية جابا لي سريع لما اتكيفت منو و قال لي : مشيت و جيت بسرعة سونك ، غايتو سونك دا في زمنا ما سمعنا بيهو لكن النصيحة لي الله سريع جد جد . . . )
Quote: اخبارك شنو ؟ شذى بدت تحركات لموضوع القراءة .. لكن .. المهم غايتو ..
ادينا خبرك |
دي اخبار جيدة كل التوفيق يا حبيب
و نحن برضو ح نحرك اللعب . . . تفاصيل اوفى في التلفون
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حنين للبلد)
|
Quote: قيقراوي
جاي مالك..ماكان ماتجي...
وكمان تقول لي آخرون........عاد كان حامسكوا ليك تار بابكر لو ماجيت بوستيني..انت بالمناسبة قصة المجاملات بالبوستات دي شنو؟؟؟غايتو السودانيين ديل اصلوا مابخلوا دراماتهم دي...\ |
يا حنين انا بقدر أتاخر بس اليومين ديل قررت اخش لي في شخصية زول حساس . . . لكن صدقيني بطلع منها قريب دا . . . الحسس متعب شديد أخير لي العفوية بي شتارتا و دخولا في الناس زي السريحة .
اصلوا اللوم بجي بالغفلات . . .
اها دي من جنس المقولات البترسخ في الدراما دي البستغرب ليهو انو الشغلة تار جمل بس عشرين سنة ما بنسوها ليك و الاغرب انو حاجة آمنة بت السيمت ما غشت مدارسو ما بتعرف تفك الخط لكن حرّم ما تواجب ليك زول ما واجبا بالغلط ، تقول ليك من زمن وافاة ابوك . . . تعرفي ابوي دا ميت ليهو 22 سنة .
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: قيقراوي)
|
Quote: طرطرطرطا....طرطرطرطاآه |
الملافظ سعد ياحنونة...
باب الابداع دا واسع وكبير وعندو مليون باب
يعنى ما لقيتى غير باب الطريط دا عشان توصلى لينا ابداعك..
دائما محرجننا الله يحرجكم .. اسى الواحد ينوم كيف من طرطر طررررررطا ..
والله ياحنين ميتة من الضحك اسى
انتو بتجيبو الابداع دا من وين؟؟
_________________________________________________________________________ انا الايام دى معذورة ياحنين شوفى بقى طشاااش والبورد دا بجيهو زى الحرامى وحاتك
طبعا ما حاقول ليك انت وين .... عارفة ليه؟
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حنين للبلد)
|
الأخ محمد الجزولي
احترامي...والله شوفة الصور ساكت تورت علينا الذكريات ايام جميلة خلاص...
رغيم ياعمك..والله اوزون دي قصة براها ، عزومني اجمل نساء الخرطوم فيها بوردابيات زي الورد وقال كدة مشينا وقعدنا والمطر يقول ليك شو شو شو قلت ياجماعة المطرة شنو الداقة فينا قالوا ديل ناس اوزون عاملين جو اكليكي للناس الاتنين اتنين...ثمح نحنا شقاوتنا شنو تطير عيشتنا ماشايفنننا ثمانية نسوان..اقصد بنات..المهم قدر يا الجرسون ما حاولنا نقنعك توقف المطرة دي مانفع غايتو قمنا نقح قح ...قال جو أكليكي قال
حمور....
سكتني
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: حنين للبلد)
|
Quote: بالجد القبيل دي ما انتي |
والله العظيم ياحنين دى ما انا ..
تعرفى دخلت وفتحت البوست بتاع كمال لاول مرة لقيت المداخلة المحزوفة
قلت كدى اعمل ساين ان امكن فى زول سرق الباسويرد بتاعى
اها لقيت روحى توووووش دخلت...
لكن مابعيد يكون بعمل فى تست للسرقة الزول دا ...
جهىز شباشبك ساى امى وخليك قريبة وبالمرة كلمى باقى العصابة العاملة
ليهم ظيطة بتاعة طرطر طرطا ..
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: Amira Elsheikh)
|
Quote: جهىز شباشبك ساى امى وخليك قريبة وبالمرة كلمى باقى العصابة العاملة
ليهم ظيطة بتاعة طرطر طرطا |
وااااااااااااي والله يا اميرة بضحك لمن جضومي وجعتني يااخي انتي مصيبة ههههههههههههه مالك مربية فينا الخفيف..كدي بت امي النتخارج علا اصحابك اولاد ماما ديل فجاة كدة بقوا مكاجرني لله في لله كدة...وخيتك حبيبتي ماناقصة عوووة ..العفو والعافية اسمعي يا اميرة والله ماندمانة الا تلفونك ماسجلتوا البت عاملة فيها الخاص بتاعها واثقة في اها قام التلفون راح في الهجمة الأخيرة على امدرمان. عوضنا الله....عوضنا الله بس
قرينا بت امي...لو عندك زوغة كبيها الحزب بينشط في الفترة دي...قومي بت امي قبل الواطة ماتغيب شوفي ليك جحر ادسي في
| |
|
|
|
|
|
|
Re: حمور زيادة، سارة علي، طارق جبريل، ودالبشرى،ودالصايم،اميرة الشيخ وآخرون (Re: محمد عبد الماجد الصايم)
|
كيفنك يا حنة وبركة بالشوفة ياخ قلنا نجيك بهنا علشان ما نحرف مسار البوست داك فى سلامات جانبية قلت لى قام ليك شوك ... لازم يا حبيبة وأهو أتعلمنا ومن عاشر أشواكا أربعين يوما صارا مثلهم والشكر موصول لأحد الأخوة الذى لقنى أهم درس فى حياتى وهوأنو فى ناس لو سكتى ليهم بطلعوا فى راسك وبدلدلوا رجليهم ونهدى الأغنية لكل الاهل بالحلة والأعمام بالسعودية والخالة بأمريكا (مش بقولوا كدة فى التلفزيون ) يلا فتناكم بعافية
| |
|
|
|
|
|
|
|