|
|
|
 Re: ماذا نعنى بـ ( اسرائيليا ) ؟؟؟؟ (Re: العوض المسلمي)
|
ود الصايم ؟
امنع الفوضى ترم م م م *** انت كمان قايلهم ديل كتاب ؟
وكلامات ساى ؟؟ هسه بتجيك طلقة دا فى احسن الفروض 
ونايل بوور ديل ذاتهم ما بتاعين انوار ,,, ارتاح ,,
ود المسلمى
صباحك خير الراجل البركة
طيب يعنى اى ى ى ى اسرائيلى يهودى ؟؟
مش اليهودية دى دين ؟
يعنى مافى اسرائيلى دينو غير اليهوديه ؟
هل الاسرائيلية انتماء لوطن وارض هى الارض المحتلة ؟؟
يعنى مافى اسرائيلى فى اى ى ى مكان تانى ؟
| |
 
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: دينا خالد)
|
شكرا دينا علي تقديرك للبركه وناس البركه
Quote: طيب يعنى اى ى ى ى اسرائيلى يهودى ؟؟
مش اليهودية دى دين ؟
يعنى مافى اسرائيلى دينو غير اليهوديه ؟
هل الاسرائيلية انتماء لوطن وارض هى الارض المحتلة ؟؟
يعنى مافى اسرائيلى فى اى ى ى مكان تانى |
؟
خليك اذاكر واجي راجع ,,سمح ؟؟
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: دينا خالد)
|
..
.
تذاكر شنو يا زعيم ..
قول ليها :
كل يهودى اسرائيلى
وليس كل اسرائيلى يهودى ..
يعنى مممكن تلقى اسرائيلي مسلم
لكن من اعتنق اليهودية دينا فهو لا مسلم ولا كاثوليكى و
لا ارسوذسكى .. زاتو
ياخى كنسيتهم تعوج اللسان
_________
ولا تفتى ولكن نبدى ..
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: Tabaldina)
|
دينا سلامات
اسرائيلي(قانونيا) تشمل كل من اقام من مسلمين ومسيحين ودروز ويهود ولا دنين بتلك البقعه
المعروفه عالميا باسرائيل.
في اسرائيلي تاريخا
وفي ثقافيا
وفي اسرائيلي في مخيلات الاعراب و...الخ.
اما كلام تبلدينا فهو كلام عروبيين دايشين بس:
كضبا كاضب...اسرائيل دولة وليست عقيدة.
هنالك
يهود كندين
يهود فرنسين
يهود سودانين
يهود مصرين
يهود يمنين
يهود عراقين
يهود سورين
يهود ايرانين
يهود مغاربه
يهود المان
يهود امريكان
يهود.....بقاره كله وارد.
اذا كنت تقصد اعتناق الفكر الصهيوني
ايضا ليس كل اليهود مؤمنين بالصهيونيه.
يبقى ليس اي يهودي اسرائيلي.
وليس اي يهودي صهيوني.
Quote: وليس كل اسرائيلى يهودى ..
يعنى مممكن تلقى اسرائيلي مسلم |
طيب كويس ما اهو بتفهم زي الناس ومال بيقول علك كده ليه!!
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: Tragie Mustafa)
|
دندون
مساءك ورد
طبعا بعد كلام تراجي ما في داعي للإفتاء كفت ووفت .
وعموما أنا في فهمي أنو "إسرائيلي" نسب لأي منتمى لبني إسرائيل ، وللدولة المثيرة لأكبر جدل تاريخي والتي تدعى "إسرائيل ".
ما أي يهودي إسرائيلي .
ولا أي إسرائيلي بالضرورة يهودي ..لأنو في كتير من الفلسطنيين المسلمين ماخدين الجنسية الإسرائلية .
لكن يا دندونتا سؤالك ده ليه ؟
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: داليا حافظ)
|
دندنة يا عذاب الضمير الجوة
اسرائيل
هو سيدنا يعقوب وسورة الاسراء اسمها اسرائيل
وبني اسرائيل هم القوم الذي ذهب في التيه ايام سيدنا موسي عليه السلام
ومنهم السامري صاحب العجل الشهير ومنهم قاروون (المقندل)
وطبعا منطقة فلسطين اكتر بقعة في الارض بعث اليها الانبياء
وانتي يا بت يا حلوة
كما تعلمين كلما كثر المرض كثر الاطباء
وقع ليك وللا اعيدو ليك
مثقف مش
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: khaleel)
|
تبلدينا قرررربتا .....
تراجى كلامك صاح
خليل يعنى انت عايز تقول انهم بنى اسرائيل ال ذكروا فى القران ؟؟؟
داليا خليك قريبة ,,,
نحن بنقول سودانى لاى زول من حته جغرافيا محددة اسمها السودان
يعنى منسوب لبلد لقطر اسمو السودان
بنقول مصرى للزول البلدو مصر
وبريطانى للزول البلدو بريطانيا
وكورى للزول ولا الحاجات ال من كوريا
امريكى لاى زول من الولايات ال 51 فى امريكا !
طيب مفهوم انو الناس المعترفين باسرائيل يقولوا
انو الزول دا اسرائيلى ...
لكن بالنسبة للناس الما معترفين باسرائيل كيف يقولوا
انو فلان اسرائيلى ؟
الفلسطينيين عاااااادى بقولوا الاسرائيليين !!!
يعنى الشكلة دى ذاتها من شدة ما طولت واستطالت
هم ذااااااتهم بقوا ما عارفين متشاكلين فى شنو ؟
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: دينا خالد)
|
Quote: تلفزيون نابلس - نقلت الاذاعة الاسرائيلية عن رئيس الحكومة المقالة إسماعيل هنية بأن حكومته مستعدة للاعتراف بإسرائيل بحدود 67 وإقرار هدنة طويلة الأمد معها إذا ما اعترفت إسرائيل بالمقابل بحقوق الشعب الفلسطيني .
وجاء تصريح هنية في لقاء مع عدد من البرلمانيين الأوروبيين والصحافيين الذين وصلوا أمس إلى قطاع غزة على متن سفينة انطلقت من قبرص محمَّلة بإمدادات طبية .
وكانت من ضمن الصحافيين مراسلة لصحيفة هأرتس كانت أول صحفية إسرائيلية تدخل قطاع غزة منذ اعتقال الجندي غلعاد شاليط قبل أكثر من عامين.
وأكد هنية خلال اللقاء أنه لا يوجد أي مشكلة لحماس مع الشعب اليهودي بل إن مشكلته هي مع الاحتلال على حد تعبيره رافضاً المقولة إن حماس تريد القضاء على إسرائيل وإلقاء مواطنيها اليهود في البحر.
|
منقول
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: محمد الجزولي)
|
لو البوست للفلسفة والتشدق
نتشالق معاكم
كل البشر اسرائيليين حسب اللغة العبرية
اسرائيل تعني عبد الله
كلمة مركب من اتنين
اسرا ائيل
اسرا معناتا عبد وقريبة جدا من اللغة العربية
اسرا في العربية وبتشبها مفردة اسر او الاسر بمعني القيد والاسر والعبودية صنوان
ائيل معناتا الله لو نطقتها بتلقاها قريب جدا من النطق لكلمة الله بالعربية لو كسرت الالف في اسم الجلالة كما الصوفية (إلله) او كما ينطقها اهلنا النوبيين والحلفاويين تحديدا
وكل الناس عبيد الله
اذن كلنا اسرائليين حسب المعني
الكلام ده لغويا وليس اصطلاحا
والله اعلم .. واهل العلم كذلك
لكن لو البوست للمعرفة الحقة
الاجابة حقتي
ما عارف
______________________________
دينا فردتي صباحك خير
غرضي الرئيسي اسلم عليك ليس الا
وكيتا في دكين
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: وليد محمد المبارك)
|
وليد
والله عارف انت كمان فى حاجه ما عارفها ؟
يععنى هسه الناس القاعدين فى اسرائيل ديل وبيحملو
الجنسية الاسرائيلية يهود ومسلمين ومسيحيين
لو عايز ترجع لى اصولهم اكتر من ربعهم من اصول عربية
المسجد الاقصى موجود داخل هذه الدولة والمسلمين بيؤدى
فيه شعائرهم ,,,,
كلمة اسرائيلى فيها اعتراف بالبقعة التى اسمها اسرائيل
ولا ما كدا ؟؟؟؟
| |
|
|
|
|
|
|
|
|
 Re: ماذا نعنى بـ ( اسرائيليا ) ؟؟؟؟ (Re: دينا خالد)
|
Quote:
يععنى هسه الناس القاعدين فى اسرائيل ديل وبيحملو
الجنسية الاسرائيلية يهود ومسلمين ومسيحيين
لو عايز ترجع لى اصولهم اكتر من ربعهم من اصول عربية
المسجد الاقصى موجود داخل هذه الدولة والمسلمين بيؤدى
فيه شعائرهم ,,,, |
ذكرتيني طرفة حكاها لي أحد الأصدقاء...كان حاضر مؤتمر عن السلام والحوار بين الأديان...قال لي في طاولة واحدة قعد
إسرائيلي يهودي...وجاء قعد واحد أردني قريب منو...المهم كل واحد ما عارف رفيقو...خلال التعارف...عرف الأردني أنو الزول ده
إسرائيلي يهودي....فكشّر عن أنيابه وقال للإسرائيلي:
أنا أردني من أصل فلسطيني...
فرد عليهو الإسرائيلي: وأنا إسرائيلي كمان من أصل فلسطيني...أنتا من وين؟
المهم يا وليد ويا دينا...أنو فعلاً...أهل البيت غفروا...والجيران كفروا...
قال عنصرية قال!
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: دينا خالد)
|
اليهود اسم نسبة ليهوذا، من أبناء يعقوب) هم أبناء شعب أو قومية يتميزون بأتباع الدين اليهودي، أو بالثقافة والتراث النابعة من هذا الدين. يعتبر اليهود العصريين أنفسهم من نسل أهالي مملكة يهوذا الذين كانوا ينسبون إلى أربعة من بين أسباط بني إسرائيل الإثني عشر: يهوذا، سمعون، بنيامين ولوي، افترقوا بعد سبي بابل إلى يهود وإلى سامريين. الديانة مرت بتطورات كثيرة عبر التاريخ وخصة بعد انهيار مملكة يهوذا ودمار هيكل سليمان في القرن الأول للميلاد.
يهودي يعني يدين باليهودية .. وممكن يكون اسرائيلي او مصري او حتى سوداني
اسرائيلي جنسية يحملها من يقيمون في تلك الدولة ودولة اسرائيل تعتبر حسب قوانينها دولة يهودية انشئت حديثا وتضم اليهود ولكن من بينهم أقلية عربية كبيرة من المسلمين والمسيحيين وكذلك من الدروز ويطلق عليهم مسمى عرب إسرائيل أو عرب ال48 أو عرب الداخل
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: elfadl abdellatif)
|
Quote: المهم يا وليد ويا دينا...أنو فعلاً...أهل البيت غفروا...والجيران كفروا...
قال عنصرية قال! |
يا انور
كونو انو الجيران ما غفروا شنو يعني؟
هل ابصر اعمى المعري؟
ما انت هنا اسرائلي اكتر من بنجريون زاتو
على الاقال نحن عندنا اسبابنا الاثنية والدينية حتى لو تلصق ساكت في العرب والمسلمين
انت سببك شنو تدعوا لعلاقات طيبة مع دولة غير طيبة؟
قال علاقات طبيعة قال
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: وليد محمد المبارك)
|
العزيز وليد، تحياتي...
| Quote: على الاقال نحن عندنا اسبابنا الاثنية والدينية حتى لو تلصق ساكت في العرب والمسلمين |
أنتو منو؟
وأثنية دي قاصد بيها منو بالضبط؟
وياتو دين بتتكلم عنو؟
بالله جاوب على كل سطر براهو...
ولنا كلام بعد ذلك...
أنور
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: AnwarKing)
|
يا حبة هو امتحان ولا شنو ؟
بالنسبة لي انتو منو ؟
انا ودينا الشملتنا في مداخلتك فوق
اثنية قاصد بيها بني اسرائيل المميزين جوه اسرائيل
قصدي الناس الذين ينسبون انفسهم الى اسرائيل حاجة كده زي الاشراف عندنا
وباقي الناس سواهم حسب فهمهم امميون
بالنسبة للدين
قصدي الدين الاسلامي القال عنه الله :
(ومن يبتغ غير الاسلام دينا فلن يقبل منه وهو في الاخرة من الخسرين)
صدق الله العظيم
اي سوال تاني ؟
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: وليد محمد المبارك)
|
تحياتي مجدداً يا وليد...
قلت:
Quote:
بالنسبة للدين
قصدي الدين الاسلامي القال عنه الله :
(ومن يبتغ غير الاسلام دينا فلن يقبل منه وهو في الاخرة من الخسرين)
صدق الله العظيم
|
طيب الكلام ده علاقتو شنو بمداخلتي أعلاه؟
إلا أذا كانت في محاولة "ذكية" منك لوصمي بأنني غير "مسلم" أو شئ من هذا القبيل، صححني إن كنت مخطئاً!
الدين الإسلامي ده ليس حكراً على أحد...وإن كان فهمك للدين الإسلامي قادك للعدأ مع إسرائيل الدولة...واليهود -أهل الكتاب- بالنسبة للمسلمين كديانة سماوية تبشيرية...والأقرب من الديانات المحلية مثلاً كالبوذية والكجور والخ...
فنفس هذا الدين الإسلامي...الذي يتيح لغيرك التفكير بصورة مغايرة...ويرون في إسرائيل صديقة أكثر من مصر مثلاً التي تحتل جزء من أرض السودان...ولم نرى فهمك للدين الإسلامي مثلاً...أو حتى فهم المصريين للدين الإسلامي أوقفهم من إحتلال جزء من أرض السودان...والآية واضحة جداً:
{ وإن طائفتان من المؤمنين اقتتلوا فأصلحوا بينهما فإن بغت إحداهما على الأخرى فقاتلوا التي تبغي حتى تفيء إلى أمر الله فإن فاءت فأصلحوا بينهما بالعدل وأقسطوا إن الله يحب المقسطين }
وها هي مصر تحتل جزء من السودان...ولم يمنعها هذا الدين يا وليد من فعل الشرّ...فما رأيك؟
فاذا كان الموضوع ما موضوع دين...فأقول ليك أحسن لينا نعمل علاقات مع إسرائيل...ف الدين الإسلامي ليس سوبر ماركت...نأخذ منه البضاعة التي نريد ونترك الأخرى...وهذا الفهم البراغماتي الإسلاموي بالمناسبة هو الذي يقود لإعادة إنتاج حكومات كثيرة بأسم الإسلام...وبعد فشل أي منها...يأتي الآخرون ليقولوا أن ذلك لم يكن الإسلام الصحيح...ويتم التجريب في الشعوب المغلوبة على أمرها...من حكومات فاشلة وفاسدة....(يدخلون الناس الى الجوامع...ويذهبوا هم الى الأسواق)!
والضحايا في عهد حكومة الإنقاذ الإسلاموية مثلاً: عبارة عن ما يقرب النصف مليون نفس بشرية، من الجنوب الى دارفور (المسلمة)!!!
ياتو دين إسلامي بتتكلم عنو يا وليد يا أخوي؟
لا أرى أي مبرر لحشر الدين الإسلامي في العلاقات السياسية مع إسرائيل...فلدينا علاقات سياسية مع دول لا دين لها...ودول مسيحية ودول مسلمة والخ...فقل لي بربك...أين موقع الدين في علاقة السودان مع اليابان مثلاً؟
ثانياً كتبت:
الإثنية:
Quote: اثنية قاصد بيها بني اسرائيل المميزين جوه اسرائيل
قصدي الناس الذين ينسبون انفسهم الى اسرائيل حاجة كده زي الاشراف عندنا
وباقي الناس سواهم حسب فهمهم امميون
|
أثنية شنو يا عمك؟
تمت محاسبة رئيس الوزراء الإسرائيلي إيهود أولمرت...من قبل رجال الشرطة العاديين...ولم تقم الدنيا ولم تقعد...
سوط المحاسبة يمشي على الجميع...
فما رأيك في "أمير المؤمنين" عمر البشير وجوقته من أحمد هارون وكوشيب وآخرين...؟
الإثنية...لا دور لها هناك...فهناك يهود من كل الإثنيات...وحنك الأشراف في إسرائيل ده ما بيمشي هناك، على حسب ما أراه في الأخبار، بينما ستقوم القيامة هنا...لو تكلمت على الأشراف السودانيين!
شفتا كيف؟
فبلدنا كلها أشراف... والشارع كلو دعارة!
تقول لي الدين الإسلامي؟!
سؤال أخير: الأسرة كيف؟
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: AnwarKing)
|
مرحب انور تاني
| Quote: إلا أذا كانت في محاولة "ذكية" منك لوصمي بأنني غير "مسلم" أو شئ من هذا القبيل، صححني إن كنت مخطئاً! |
يا ابوي هي
الذكاء والتذاكي ما حقنا
لو داير اقول ليك انك غير مسلم ليس هناك ما يخيفني او يجعلني اتواري واتدثر بمحاولات التذاكي
بقولها ليك توشك
| Quote: الدين الإسلامي ده ليس حكراً على أحد...وإن كان فهمك للدين الإسلامي قادك للعدأ مع إسرائيل الدولة...واليهود -أهل الكتاب- بالنسبة للمسلمين كديانة سماوية تبشيرية...والأقرب من الديانات المحلية مثلاً كالبوذية والكجور والخ... |
ما انا عارفه ما حكر على احد
القال ليك منو اقرب ؟
| Quote: فنفس هذا الدين الإسلامي...الذي يتيح لغيرك التفكير بصورة مغايرة...ويرون في إسرائيل صديقة أكثر من مصر مثلاً التي تحتل جزء من أرض السودان...ولم نرى فهمك للدين الإسلامي مثلاً...أو حتى فهم المصريين للدين الإسلامي أوقفهم من إحتلال جزء من أرض السودان...والآية واضحة جداً: |
كدي قبلي ما تنجر من راسك
راجع البورد بتلفى رائي في موضوع حلايب ده
ما تقول كلام ساكت
وكونو انك لم ترى فهمي في الموضوع ده دي ما مشكلتي دي مشكلتك انت الما متابع
كان على الاقل تسالني عن فهمي يمكن كان تراه
| Quote: فاذا كان الموضوع ما موضوع دين...فأقول ليك أحسن لينا نعمل علاقات مع إسرائيل...ف الدين الإسلامي ليس سوبر ماركت...نأخذ منه البضاعة التي نريد ونترك الأخرى...وهذا الفهم البراغماتي الإسلاموي بالمناسبة هو الذي يقود لإعادة إنتاج حكومات كثيرة بأسم الإسلام...وبعد فشل أي منها...يأتي الآخرون ليقولوا أن ذلك لم يكن الإسلام الصحيح...ويتم التجريب في الشعوب المغلوبة على أمرها...من حكومات فاشلة وفاسدة....(يدخلون الناس الى الجوامع...ويذهبوا هم الى الأسواق)! |
يا نور الكلام ده
لب لب لب
على قول الخواجات وبنسحب عليك برضو
الدين الاسلامي ما سوبر ماركت تشيل انت منو البضاعة التي تريد وتترك الاخرى .. وفهمك ده بيقودنا لانتاج حكومات العن من الموجوده
| Quote: والضحايا في عهد حكومة الإنقاذ الإسلاموية مثلاً: عبارة عن ما يقرب النصف مليون نفس بشرية، من الجنوب الى دارفور (المسلمة)!!! |
المعني عشان الانقاذ كعبة .. نصفق لاسرائيل ؟
اسرائيل والانقاذ عندي سيان
كيف معاك كده؟
Quote: ياتو دين إسلامي بتتكلم عنو يا وليد يا أخوي؟
لا أرى أي مبرر لحشر الدين الإسلامي في العلاقات السياسية مع إسرائيل...فلدينا علاقات سياسية مع دول لا دين لها...ودول مسيحية ودول مسلمة والخ...فقل لي بربك...أين موقع الدين في علاقة السودان مع اليابان مثلاً؟ |
يا نور ده حنك بيش
لا اليابان ولا تايوان ولا الواق الواق محتلة الاقصى
من باب السياسة ساكت العاوز تفصلها عن الدين دي .. خلي اسرائيل تقيم دولتها خارج فلسطين .. بعد داك نشوف نسوي معاها علاقات ولا لا
ما السياسات العلمانية دكت حصون اليابان وكت ما تجبرت واحتلت اجزاء من الصين ونص شرق اسيا وما جاورها
Quote: أثنية شنو يا عمك؟
تمت محاسبة رئيس الوزراء الإسرائيلي إيهود أولمرت...من قبل رجال الشرطة العاديين...ولم تقم الدنيا ولم تقعد...
سوط المحاسبة يمشي على الجميع...
فما رأيك في "أمير المؤمنين" عمر البشير وجوقته من أحمد هارون وكوشيب وآخرين...؟ |
تااااااااااااااااني جاب سيرة البحر
قلت ليك في بوستيك بتاع اسرائيل
افتح بوست عن الانقاذ وحا اجي اقول ليك رائي هناك فيها
Quote: فبلدنا كلها أشراف... والشارع كلو دعارة!
تقول لي الدين الإسلامي؟! |
عيب منك
وما تقذف ساكت
الشارع الكله دعارة ده فيه اختي واختك
امي وامك
حقو تنقي الفاظك وما تعمم ساكت
بعدين يعني عشان الناس داعرة
تفتكر انو ده سببه انتشار الدين الاسلامي ؟
انا جاوبتك ارجو تجاوب على سوالي ده بكل صراحة ووضوح
هل تعتقد انو تفشي الدعارة في السودان ان تفشت سببها الدين الاسلامي واقصد الدين الاسلامي ما دين الانقاذ
الدين الاسلامي الواحد ده
__________
الاسرة بخير
انت كيف ؟
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: وليد محمد المبارك)
|
الحبيب وليد...تحياتي مكرر...
سألت:
Quote: تفتكر انو ده سببه انتشار الدين الاسلامي ؟
انا جاوبتك ارجو تجاوب على سوالي ده بكل صراحة ووضوح
هل تعتقد انو تفشي الدعارة في السودان ان تفشت سببها الدين الاسلامي واقصد الدين الاسلامي ما دين الانقاذ
|
ولو رجعتا لكلامي فوق حا تلقى الإجابة أنا أديتك ليها سلفاً...
ستأتي وتقول أن هذا دين الإنقاذ الإسلامي...أي فهم الإنقاذ للدين الإسلامي...
وبالطبع لديك رؤيتك للدين الإسلامي "الصحيح"...مش كده؟
أنتا قايل دعوة تحييد الدين عن السياسة دي جات ساكت؟
ما ياهو عشان الكلام ده...عشان ما تنجس قداسة الدين...بأسم رجل الدين الفاسد...
ألأنه "فكى" يدرسهم القرآن خففوا عقوبة اغتصابه الطفل!!!
الدين الإسلامي...كغيره من الديانات...يحث أتباعه على الفضيلة وتجنب الرذيلة...لذلك لا أشك ولو للحظة أن للدين الإسلامي علاقة بما يحدث من دعارة في شوارع الخرطوم أو غيرها...(ولا أبرئ أخواتي وأخواتك بالمناسبة، ولا أبرئ نفسي، ولا أنت)
لكن نحن نتحدث عن متبعي الديانة...وليس عن الديانة نفسها...فوصم الإسلام بالإرهاب عقب أحداث 11 سبتمبر
في أمريكا...نجح فيه أعداء الإسلام...لأن من قاموا بهذا الفعل...من المسلمين...وفاخروا/يفاخروا بذلك!
فمن باب أعقلها وتوكل يا وليد...
----
الله يخلي لينا الخواجة
...ما تقيف قدامنا حاجة،
إلا يرطن فيها حاجة
يا خلق يا عقل صبة...
تلحسوا الرز بالمربة...
وتلدوا كبّة وراها كبّة...
عشانتفوت ما تاخدوا حبّة!
----
يوجد ما يسمى بالتثقيف الجنسي...وهو متاح ومطلوب،
بل وأصبح ضرورة في مجتمع "مسلم" ينتج ألفين طفل غير شرعي شهرياً في الخرطوم وحدها؟!!!
أنا آسف على عدم متابعتي لما كتبت حول حلايب...
وبالطبع نتفق حول أن حلايب سودانية...وهي سيادة منقوصة من الأراضي السودانية...وليس موقف طارئ أو تكتيكي من أي منّا...
بل هو موقف أصيل تجاه كل الأراضي السودانية...في كل زمان وكل مكان...
مع عميق محبتي وتقديري
---
والله تمام نحمدو ونشكرو...وخجلانين من الخالق، مغرقنا بنعمو...
الحكومة الإلكترونية حصل فيها شنو؟
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: دينا خالد)
|
لاحولا يادينا !! كنتى حتزعلى ناس كتار ,, وكنت حأكون أشهر من أوباما ,,
أأأأخ ما عندى حظ ,, كان حيكون بوست 2009 بلا منازع ,, يلا ,, خيرا فى غيرها ,,
شكرا على سؤالك ,, وانشاء الله عمرك ماتتضهبى ,, أنا كنت فى اجازه فى السودان امتدت
لأكثر من شهر ,, وما كان فى أى وقت للدخول هنا ,, السودان عالم تانى يادينا ,, تصدقى
90% من الذين سألتهم عن موقع اسمه سودانيز أون لاين وجدتهم لم يسمعوا به !!
أما من يتعامل مع الانترنت من الاربعين مليون سودانى فلا يتعدى بضع مئات من الآلاف ,, غايتو
آمنت بأننا قله قليله من سودانيى الشتات بنتونس هنا ,, والحمدلله على ذلك برضو .
نص الاجازه قضيتها فى الفواتح والبكيات ,, الموت فى السودان يادينا بقى أكتر من الفلوجه ,
الحاصل شنو ؟
تحياتى ,, ومشتاقين الشووق الوأأأحد ده ,,
| |
|
|
|
|
|
|
|
|
|
Re: ماذا نعنى بـ ( اسرائيليا ) ؟؟؟؟ (Re: كمال سالم)
|
Quote: الموت فى السودان يادينا بقى أكتر من الفلوجه ,
الحاصل شنو ؟ |
ما ده ياهو زاتو...إسرائيلياً القاصداها دينا... 
حمد لله على السلامة...
دينا سلام مكرر...من هنا الى حيث أنت...
وليد...كان الله في عون الحكومة، أونلاين...أو أوف لاين...مع العلم
بأنو في ناس أغتنوا من وراء الحكومة الإلكترونية التي لم تقم بعد!
متل عمارة عبد الرحيم محمد حسين...التي وقعت قبل أن تقوم!
وكده!
| |
|
|
|
|
|
|
| |
دينا خالد
محمد عبد الماجد الصايم
العوض المسلمي
Tragie Mustafa
داليا حافظ
khaleel
nadus2000
Yassir Tayfour
محمد الجزولي
وليد محمد المبارك
AnwarKing
Adil Osman
elfadl abdellatif
كمال سالم
فيس بوك
تويتر
انستقرام
يوتيوب
بنتيريست