|
|
 بورداب الخرطوم ... أها البرنامج شنو ؟؟؟
|
أنا ان شاء الله وبعون الله
وكان ربنا سهل الأمور
وناس الجمارك والأمن دخلوا لي الفورد
بكون عندكم يوم الوقفة ...
والله والله ما تسوو لي زي ما سويتو لـ
1- كي كي اللعين
2- منى خوجلي
3- رندا حاتم
4- دكتورة بيان
5- خالة دوما
القطاااعة القطاااعة القطااااعة
|
|
 
|
|
|
|
|
|
|
 Re: بورداب الخرطوم ... أها البرنامج شنو ؟؟؟ (Re: معتز القريش)
|
Quote: يا زول والله حبابك
تعرف الناس ديل كان جلّونا
تعال نعمل حزب انا وانت
يا زول ان شاء الله نأجر لينا دليل
المهم اجازتنا دي ما تخستك
السيارة عليّ والبنزين عليك قلت شنو ؟ |
حرم يا ود القريش ..
أكان نسويلنا واحده ( دكيكينيه) بس انا وانت ما بنرجع بي اخوي واخوك..
موضوع السياره دا هين ..
ركشات بس عشان نمرق الناس ( اللابده ) في (الجحور) دي.
تخريمه:
ود المسلمي حجاً مبروراً وادعو لينا معاك ..
.
وتعال بسراع..
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: معتز القريش)
|
الاخ معتز سلام
والاخ ابوحوه سلام
اول كدي ختو رجليكم في البلد ,,,
وتاني عيدوا مع اهلكم سمح ,,,
وتالت حاجه بعد تنتهوا من ده كلوا خلونا نجي من الحج ,,,,
وبعد داك بنوريكم الاحتفال الماهو خمج ,,,
نحن لو ما احتفلنا بيكم انتم يا حبيايبنا نحتفل بمنو ؟؟؟
وقبل ده كلو حبابكم ملايين في ارض السودان الخضراء ,, المليانه طيبه ,,,
وسمحه باهلها وناسها ,,,
حبابكم عشره بلا كشره
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: معتز القريش)
|
وبما إني زول مهم ومهم جدا
(دي طبعا بالنسبة ل كي كي اللعين)
أي واحد عازمني
فطور
ولا غداء
ولا عشاء
ولا حفلة
ولا رحلة
ولا حتى ضابح لي خروف خروفين أو حتى تور
لازم يحدد المكان واليوم والساعة والدقيقة
عشان السكرتارية بتاعتنا تسجل ليهو موعد
.
.
سارعوا بحجز مواعيدكم
فالأيام محدودة
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: معتز القريش)
|
Quote: ولا حتى ضابح لي خروف خروفين أو حتى تور
|
دحين ياحبوب مانسيت لك شي؟
السكرتارية توصيك بعدم الإقدام علي هكذا (لهط)..
إلا بعد إبراز شهادات خلو المفعول به من :
1. الحمي القلاعية ( وفي روايM أخري الحمي السهراجه).
2. حمي الوادي السايل ( أقصد المتصدع).
3. أي أكياس بلاستيك وما لف لفها بالزقاقات.
4. حاجات تانيه حامياني..
5. ( الأتِّـــي ) ما معانا عديل كده.
لذلك نوصيك كما أنفسنا أن ( تعصِر ) علي الدكوه وما خالطها من ( ِقشوش )
أو بالعدم ( أم جنقر)..
صدر تحت توقيعنا و ( ختم السلخانه ) ..
سكرتارية العائدين..
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: فاروق أبوحوه)
|
يا فاروق سلام
| Quote: دحين ياحبوب مانسيت لك شي؟ |
ما نسيت يا أخوي إلا قاصد وماني داير اقول ... مالك يا زول
وباقي شهاداتك ديل موووصن وأشرب مويتن
أنا كان باريتن برجع الدوحة جعااان
.
.
يا أخوي نحنا ناس الدويم
حيث الفسيخ ... السمك ... الجبنة ... فول ود المرير
كوارع كحلي وعيييييك ... ما تنسى أم فتفت وكبدة الابل
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: معتز القريش)
|
والله والله يا بكري أبوبكر
ألاقيك في السودان إلا أخلس منك
توقيفي مرتين بدون سبب ظاهر وباطن
.
.
بس كدي أبقى راجل وتعال السودان
ما تعمل لي فيها عندك جواز أمريكي
يعني شنو جواز أمريكي .. كي كي عندو
أهو الرئيس بقى ود عمنا لزم
يعيش أوباما نصير المظلومين
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: معتز القريش)
|
رسالة شديدة اللهجة
للمدعو (حسين ملاسي)
سأرفع عليك قضية جنائية بسبب قطع دراعي مرتين
دون اذن كتابي مني . وبشهادة أعضاء وزوار
موقع سودانيز أون لاين دون كوم
ودعوي مدنية بسبب قطيع مصاريني بمداخلاتك وبوستاتك
ولأنك خليت الناس يقولوا علي مجنون وبضحك براي
أنصحك بتجهيز محامي كاااارب
لأنو لساني صليييت وأدلتي قويييييية
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: انعام حيمورة)
|
Quote: ود القريش كيفنك
تجي بالسلامة يااارب
وتلقانا تامين ولامين وسالمين
وباذن الله ما بنقصر معاك ..
راس السنة كيييييييييف ؟؟؟؟؟؟!!!!! |
انعام حيمورة
بت الرجال واخت الأخوان
والله ما بتقصري ، ما يقصرن أيامك يا بت أمي
والله عارفك أول واحدة بتجي ترحبي بي
ماك شيّالة التقيلة ...
أها يا أختي نلاقيكم كيف ؟؟
ورأس السنة دا والله أقطعوا ليكم وادردقو
درديقة الشمام ... معاكم من الألف للياء
بس جهزوا انتو البرنامج والباقي علينا
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: معتز القريش)
|
مرحب بي ود القريش ..
مرحب بي سيد رجال الخور
Quote: والله والله يا بكري أبوبكر
ألاقيك في السودان إلا أخلس منك
توقيفي مرتين بدون سبب ظاهر وباطن
.
.
بس كدي أبقى راجل وتعال السودان
ما تعمل لي فيها عندك جواز أمريكي
يعني شنو جواز أمريكي .. كي كي عندو
أهو الرئيس بقى ود عمنا لزم
|
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: هجو الأقرع)
|
معتز
سلامااااااااااااااااااات
تجي بالسلامة انشاء الله ومجرد ما تصل ادينا خبر وما بقصر معاك
وبصفتي رئيس لبورداب الخرطوم ساصدر الاوامر والتعليمات لتنظيم لقاء اجتماعي اخوي ترحيباً بعودتك لارض الوطن
الله يجيبك بالسلامة وما بنقصر معاك
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: ابراهيم بقال سراج)
|
Quote: معتز
سلامااااااااااااااااااات
تجي بالسلامة انشاء الله ومجرد ما تصل ادينا خبر وما بقصر معاك
وبصفتي رئيس لبورداب الخرطوم ساصدر الاوامر والتعليمات لتنظيم لقاء اجتماعي اخوي ترحيباً بعودتك لارض الوطن
الله يجيبك بالسلامة وما بنقصر معاك |
سعادة السيد / ابراهيم بقال حفظه الله
رئيس بورداب الخرطوم
شكرا جزيلا على الترحيب ،
بس يا فردة وين العناوين والتلفونات
ولا الاقيك في البلي بلي ...
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: هجو الأقرع)
|
هجو ود عمي الكلس
| Quote: والله يا ناذر سيد رجال الخور دى عملت فيها دبل كيك ، ياخى الزول ما فاضى ليك ، خلوهو يمر على بيوتو الكتار ديل اولا (ماشاء الله ) و الله الله اعلم يلقى لكم وقت . |
يا أخي كشفت لينا لعبة البوست
نحنا عاملين البوست دا عشان نكتر العوازيم
يوم فطور ويوم غدا ويوم عشا
ويوم صاحبي في مدني عازمني
ويم زميلتنا في المنبر عندها عرس بت خالتا
وكل يوم تجي تعمل فيها تعباااااان ...
عارف ليه ؟؟؟
لأنه التلاتة الأخوات ح يكونن معاي في السودان
ودي أول مرة تحصل مع أخوك والراس لافي
شفت كيف كيد المعددين بعد سن الأربعين
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: معتز القريش)
|
سلام يا هجو ..
| Quote: والله يا ناذر سيد رجال الخور دى عملت فيها دبل كيك ، ياخى الزول ما فاضى ليك ، خلوهو يمر على بيوتو الكتار ديل اولا (ماشاء الله ) و الله الله اعلم يلقى لكم وقت . |
غايتو صاحبنا دي عندي معاهو تار
بي سببو قبل فترة من الفترات أكتب أي بوست كان جا ماري عليهو ساي بدون ما يعلق بكري بيشيل البوست ويرميهو في الخور
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: ناذر محمد الخليفة)
|
Quote: غايتو صاحبنا دي عندي معاهو تار
بي سببو قبل فترة من الفترات أكتب أي بوست كان جا ماري عليهو ساي بدون ما يعلق بكري بيشيل البوست ويرميهو في الخور |
سبحان الله في طبعك ياااخ
الفيك بدربو
أنا الكنت متضرر منك ...
أي بوست اكتبو .. تجي انت تدخلو
يقوم بكري يشوتو الخور
ياخي مرة واحدة قول الحقيقة
أصبر لي بجيك هناك وبفرتق ليك حفلاتك
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: معتز القريش)
|
Quote: أنا ان شاء الله وبعون الله
وكان ربنا سهل الأمور
وناس الجمارك والأمن دخلوا لي الفورد
بكون عندكم يوم الوقفة ... |
يا زعيم ياخي نتمنى نشوفك والله
ولحسن الحظ انا ح اكون هناك قبل الوقفة
باذن واحد احد
وليك المودة
ويا بورداب الخرطوم
القالو معتز ده كلو
اعملوا ليهو كوبي بيست
وانا ذاااااااااااتو
ويلا شدوا حيلكم
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: ابراهيم قناوي)
|
Quote: يا زعيم ياخي نتمنى نشوفك والله
ولحسن الحظ انا ح اكون هناك قبل الوقفة
باذن واحد احد
وليك المودة |
ود قناوي والله نحنا بالأكتر
وكان مغالتنا وما مصدقنا
أسأل العنبة الرامية فوق بيتنا
Quote: ويا بورداب الخرطوم
القالو معتز ده كلو
اعملوا ليهو كوبي بيست
وانا ذاااااااااااتو
ويلا شدوا حيلكم |
أهااااااااا
دي الدقارات المابتنفع معانا
يازول شوف ليك بورداب تانين
ناس الخرتوم دي حاجزهم انا
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: Salah Abdulla)
|
| Quote: القال شافني في الخرطوم لاصق في فردتي الظلامي ده مع ( فورديهو ) السمحة الحِميرا دي مااااا كضب.. |
صلاح عبد الله
يازول الفورد وسيد الفورد وأبو أهل الفورد كلهم تحت أمرك
يا زول والله لو بتدور واحد من وليداتي أضبحو ليك
أفو الفورد شنو العفنة ...
يا ريت تسوهيها ونتلاقى هناك عشان نخمج الديم خمج
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: عبدالكريم الامين احمد)
|
Quote: علي الكودار والاصدقاء والصديقات في كل ولايات السودان
وولاية الخرطوم بالخصوص ومدني والدويم
تجميد كل الاحتفالات الرسمية والشعبية والعوازيم والولائم والاعراس
وعزوماتسوق الناقة الي حين انتهاء اجازة معتوز قريش وعودته الي الدوحة بائسا كما هو...
وعلي الاصدقاء من الشمشاسة مجازفة اي فورد احمر لافي في شوارع الخرطوم
(مراية- لستك- اسبير_قد لستك)..
يرجي التنفيذ الفوري الي حين اشعار اخر...
....
وعلي الاصدقاء في جمارك سواكن اجراء اللازم من تاخير وتفتيش وقبانة
وعلي السادة العتالة سرقة ما خف وزنه وما ثقل وزنه ايضا..
يرجي التنفيذ الفوري... |
غايتو يا كي كي اللعين
حسادتك لا حكت لا بقت
ولا يحيق المكر السيئ إلا بأهله
كيتا عليك
انعام حيمورة عازماني رأس السنة
ومنى خوجلي عازماني عرسين في الرياض شارع المشتل
واخوان أعزاء (ما بورداب رسلوا لي ايميلات)
عازمني حاجات كتااار
بسسسسسس موووووت بغيظك أيها اللعين
ولن يستمع اليك أحد
ولا حتى الشماسة
ولا زملاك في الأنادي والكنابي
أيها المتشرد الأممي
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: معتز القريش)
|
Quote: ود قناوي والله نحنا بالأكتر
وكان مغالتنا وما مصدقنا
أسأل العنبة الرامية فوق بيتنا |
العنبة سالتها وكلمتني باي حاجة
ولمن نتلاقى بحكي ليك ان شاء الله
Quote: أهااااااااا
دي الدقارات المابتنفع معانا
يازول شوف ليك بورداب تانين
ناس الخرتوم دي حاجزهم انا |
شنو يا زعيم ياخي بس بي جمبة الفورد
ومنها نحرسا ليك ليك برضو
Quote: القال شافني في الخرطوم لاصق في فردتي الظلامي ده
مع ( فورديهو ) السمحة الحِميرا دي مااااا كضب.. |
والشافني في خطراتك ما كضب يا صلاح عبد الله
Quote: علي الكودار والاصدقاء والصديقات في كل ولايات السودان
وولاية الخرطوم بالخصوص ومدني والدويم
تجميد كل الاحتفالات الرسمية والشعبية والعوازيم والولائم والاعراس
وعزومات سوق الناقة الي حين انتهاء اجازة معتز قريش وعودته الي الدوحة بائسا كما هو...
وعلي الاصدقاء من الشماسة مجازفة اي فورد احمر لافي في شوارع الخرطوم
(مراية- لستك- اسبير_قد لستك)..
يرجي التنفيذ الفوري الي حين اشعار اخر...
....
وعلي الاصدقاء في جمارك سواكن اجراء اللازم من تاخير وتفتيش وقبانة
وعلي السادة العتالة سرقة ما خف وزنه وما ثقل وزنه ايضا..
يرجي التنفيذ الفوري... |
والله يا عبد الكريم إبدااااااااع
ياخي دي غتاتة ما بفكر فيها
ذو الدغالة بن غتيت ذاتو
أها يا ناس بحري بجيكم براكم بي هناك
بس اصبروا
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: معتز القريش)
|
بما أني صحفي كحيان
وما بعرفك شدييييييييد يعني
فعازمك (فتة) في الدار الاولمبية.
اليوم داك حانعمل فيها علي غير العادة بيض بالطوة
(حرم) ما بنعمل إضافات للـ(الفتة) بتاعتنا الا يكون هناك الشديد القوي
إذا قبلت ذلك .. فسأجعل منها حدثاً في الصحيفة (بالقلم والصورة مع ود القريش في زريبة العيش)
والعيش مافيش..
و
(الجود بالموجود)، و(عيب الزاد ولا عيب سيدو)، و(بليلة مباشر ولا ضبيحة مكاشر)
هذا رغم أنو عامل ليك (سكرتارية وحجوزات وكدا) لزوم (سوق الناقة، وقندهار)
ياخي الدنيا دي طارت؟ مافيها غير (كلوا وأشربوا)..
ممكن أعزمك (جبنة حبشية، أو شيشة مصرية، أم أقاشي أرتري؟)..
غلامابي (جريدة الاخبار)
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: محمد غلامابي)
|
Quote: 16-11-2008, 03:14 م
محمد غلامابي
.
تاريخ التسجيل: 30-07-2007
مجموع المشاركات: 360
Re: بورداب الخرطوم ... أها البرنامج شنو ؟؟؟ (Re: معتز القريش)
بما أني صحفي كحيان
وما بعرفك شدييييييييد يعني
فعازمك (فتة) في الدار الاولمبية.
اليوم داك حانعمل فيها علي غير العادة بيض بالطوة
(حرم) ما بنعمل إضافات للـ(الفتة) بتاعتنا الا يكون هناك الشديد القوي
إذا قبلت ذلك .. فسأجعل منها حدثاً في الصحيفة (بالقلم والصورة مع ود القريش في زريبة العيش)
والعيش مافيش..
و
(الجود بالموجود)، و(عيب الزاد ولا عيب سيدو)، و(بليلة مباشر ولا ضبيحة مكاشر)
هذا رغم أنو عامل ليك (سكرتارية وحجوزات وكدا) لزوم (سوق الناقة، وقندهار)
ياخي الدنيا دي طارت؟ مافيها غير (كلوا وأشربوا)..
ممكن أعزمك (جبنة حبشية، أو شيشة مصرية، أم أقاشي أرتري؟)..
غلامابي (جريدة الاخبار) |
مع انو الاسم الاخير بتاعك دا بخوّف
ومع انك ما بتعرفي شديد ودا البخوّف أكتر
لكن بالجد دعوتك دي من أجمل الدعوات
قرط على كدا يا فردة ..
بس يا حبيب ما وريتنا طريقة الاتصال ..
الله يجيب العواقب سليمة
قال ايه قال (غلامابي)قال
دا اسم تلاقي بيهو ربنا
| |
|
|
|
|
|
|
|
|
|
Re: بورداب الخرطوم ... أها البرنامج شنو ؟؟؟ (Re: معتز القريش)
|
سلامين
Quote: أي واحد عازمني
فطور
ولا غداء
ولا عشاء
ولا حفلة
ولا رحلة
ولا حتى ضابح لي خروف خروفين أو حتى تور |
عان زي دة قال خروف خروفين قال
والله تشمها قدحة الا كان تحصل ضحيتنا تضوق ليك شية
انتو قايلين ناس السودان ديل مروقين كلهم ولا شنو
وبناءا عليه حنمسك قوي في وصية عبد الكريم
لكن لو مافيها دعوات ومصاريف بنعمل روحناما بنعرفو
ودعوتنا سلام ساي بس
ينفع ولا نشيل اوراقنا وندردق
صفية
| |
|
|
|
|
|
|
| |
معتز القريش
فاروق أبوحوه
العوض المسلمي
Nasir Ahmed Elmustafa
انعام حيمورة
ناذر محمد الخليفة
هجو الأقرع
ابراهيم بقال سراج
ابراهيم قناوي
Abuelgassim Gor
Safia Mohamed
ابوبكر الامين يوسف
عبدالكريم الامين احمد
عبدالوهاب علي الحاج
سناء عبد السيد
عماد الشبلي
عبد المنعم سليمان
Yassir Tayfour
فيس بوك
تويتر
انستقرام
يوتيوب
بنتيريست