|
Re: مبروك فوز اوباما، رجاء لاتجعلوه عنصريا (Re: Tragie Mustafa)
|
يا ام حازم مبروك الفوز وانشاء الله اوباما يثبت انه انا على خطامع خالص تمنياتنا له بالتوفيق شايفك مسكت في موضوع بالين وانا قلتها نوع من الممازحة وانت يا ام سند شبكتيها لي جد لمن دايرا تجيبي لي الهوا. بس يا تراجي اهم نقتطين ما رديتي لي عليهم وهم نقطة سياسة اوباما تجاه متطرفي المنطقة وتجاه دارفور، تجاه دارفور والله جد ما عارف سياسته شنو لانه ماسمعته زي ماقلت لك بيتكلم عنها. اما سياسته في الشرق الاوسط فما رديتي لي عليها، والله انا ما حزين على هزيمة مكين ورغم اختلافي مع اوباما لكن برضه لما اتذكر انه افريقي بفرح لكن والله لما اتذكر انه اكتر ناس مبسوطين الليلة هم المجرم مشعل والمخبول نجاد وناس نصر الله والجهاد وهلم جرا من مصائب ابتلى بها هذا الكون الدنيا دي بتبقي لي اضيق من خرم الابرة.ما قادر اتصور انه ممكن في حاجة تفرحني مع العالم ديل والله يا تراجي انا من شدة كرهي ليهم لو هسي قالوا لي نخسف بهم كلهم الارض بس انت تكون معاهم انا موافق. في حاجة تاني يا تراجي، مكين في خطابه لجماهيره كان في قمة الذوق والادب وقال في حق اوباما كلمات راقية فحرام وصفه بالكوز ولا ما كدا، كمان ما تنسي هيلاري كلينتون ورغم هزيمتها على يد اوباما الا ان ذلك لم يمنعها من الوقوف بجانبه بشدة. لا تنسي ولايات مثل فيرجينيا، وكارولينا الشمالية وبنسلفانيا وهي ولايات ذات غالبية من السكان البيض والاتنين الاوائل محسوبين على الجمهوريين لكنهم ساندوا اوباما. حرام ان لا نقول الحق، رجاء قولوا فاز اوباما الديموقراطي على مكين الجمهوري ولا تقولوا فاز باراك الاسود على مكين الابيض لان في ذلك مجافة للحقيقة وفيه اهانة للملايين من محبي اوباما من البيض وفيه تهميش مخل لشعبية اوباما التي لا مجال لانكارها.
|
|
|
|
|
|