|
|
 المناصير...المناصير...المناصير..إلى متى تنتهى القبلية القبيحة فى السودان؟
|
كلما أطالع عنوان بوست يحمل إسم قبيلة معينة أصاب بحالة من الغثيان. فأى منطقة
فى السودان من أقصى شماله إلى أقصى جنوبه ملك لكل السودانيين. ومن المستحيل أن
تجد منطقة معينة مهما بلغ صغرها تقطنها مجموعة قبلية واحدة.
لذا عند التحدث عن مشكلة تمس مكان ما فى السودان الأولى أن يتحدث سكان تلكم المنطقة
بأسم المنطقة وليس بإسم القبيلة. فالناس تتحدث عن مشكلة دارفور مثلا ولا تتحدث عن الزغاوة أو الفور.
نفس الشىء ينطبق على مشكلة مناطق السدود فليس من المعقول حصرها فى قبيلةمعينة. فالمشكلة
فى الأساس مشكلة منطقة وليست مشكلة قبيلة.
دعونا ننسى القبلية ويكون الانتماء لمدننا أو قرانا فقط.
وبهذا أعلن بأننى أتخلى عن أنتمائى للجعليين العمراب.. فأنا سودانى فقط أنحدر من مدينة شندى والتى
فيها سكان من كافة مناطق السودان.
أمبدة
|
|
 
|
|
|
|
|
|
|
 Re: المناصير...المناصير...المناصير..إلى متى تنتهى القبلية القبيحة فى السودان؟ (Re: ombadda)
|
إذا كان الغربيون يتباهون بأن حضارتهم كانت أول حضارة سبقت و أعلنت حقوق الإنسان رسمياً في مختلف دولها لأول مرة في التاريخ و يتفاخرون بأنهم لأول مرة في التاريخ و يتفاخرون بأنهم في القرن العشرين وضعوا الإعلان العالمي لحقوق الإنسان و يعتبرونه النموذج المثالي لهذه الحقوق فإنهم نسوا أو تناسوا أن القرآن الكريم قد قرر هذه الحقوق منذ أربعة عشر قرناً بأسمى مبدأ للبشرية جمعاء يقول تعالى : (يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ) (الحجرات:13) .
و الخطاب في هذه الآية موجه للناس جميعاً و أنهم خلقوا على اختلاف أجناسهم و ألوانهم و دياناتهم من رجل واحد و امرأة واحدة و أنهم متساوون في الميلاد و الأصل ، والقرآن بهذه الآية يركز على وحدة الجنس البشري و لا فضل لأحد إلا بالتقوى .
يقول النبي المصطفى - صلى الله عليه وسلم - : " عليكم بالجماعة إنما يأكل الذئب من الغنم القاصية "
امبده معاك فى نبذاالقبلية والجهوية بس من باب صلات الرحم وانا واخوى على ابن عمى وانا وابن عمى على الغريب مثل تربى المجتمع السودانى علية نعمل شنو عشان نتغير لازم ندفع تمن اغلاطنا ولمن يكتر علينا التمزق والشتات حنصحى ونتوحد كسودان واحد به العيد من القبايل والاعراق والثقافات ويقبل بعضنا بالاخر
وكذلك يقول النبي صلى الله عليه وسلم : " مثل المؤمنين في توادهم وتراحمهم وتعاطفهم كمثل الجسد الواحد إذا اشتكى منه عضو تداعى له سائر الجسد بالسهر والحمى "
وقوله صلوات ربي وسلامه عليه أيضا : " المسلم للمسلم كالبنيان يشد بعضه بعضا "
___________________________________
بره النقاش يااخوى انت تكون قريبى انا وعمو نزار كده راجع بوست محمد عكاشة اهلنا الجعلين وشنب الاستاذ مصطفى سيد احمد
ودى حالةتجبرنا نرجع لانت من ياتو قبيلة وانت اهللك من وين ده موررروث وثقافة برغم سلبياتها
| |
|
|
|
|
|
|
|
|
|
Re: المناصير...المناصير...المناصير..إلى متى تنتهى القبلية القبيحة فى السودان؟ (Re: ombadda)
|
امبدا
كل سنه وانت طيب وعيد مبارك والله يحقق ليك كل امانيك
الموضوع كبير جدا وما اظن في زول بيقدر يتخلي عن قبيلتو
والماعندو اصل ما عندوا فصل
كل شخص مننا بيعتز باهلوا وجزوروا
هم ابن منوا وجدو منوا وجد جدوا منو
مثلا في عائلتي عندنا كتيب (شجرة العائلة ) قديم جدا وفيه اصولنا من قبل الاسلام
وبقولو ليك الليك ليك وده شي موجود في كل القبائل السودانية والعربية كمان
يعني شي موجود في الجزور والكزاب الي بقول ليك ما بيفخر انو ينتمي للقبيلة الفلانية
صح انو القبائل بقت تنصهر مع بعض وده شي حلو شديد
لكن زوال القبلية شي صعب جدا
لانوا موجود في الجزور والدم
تحياتي
سالي
| |
|
|
|
|
|
|
|
|
|
Re: المناصير...المناصير...المناصير..إلى متى تنتهى القبلية القبيحة فى السودان؟ (Re: ombadda)
|
Quote:
حتى الكهرباء المنتجه من سد مروى هى الاغلى فى العالم باكمله
لان السودان سيتحمل فاقد البخر من بحيره سد مروى وهى تعادل 25% من المخزون
وهذه قيمتها حسب سعر المياه العالمى حاليا اكثر من 3 مليار دولار
فى مقابل كهرباء ( 1250 ميجا وات ) يمكن الحصول عليها من سوق الكهرباء يتكلفه اقل من 2 مليار دولار
دون حساب تكاليف التشغيل الاخرى نخسر فى كل سنه مليار دولار فى انتاج الكهرباء
وهذه الخساره ستزيد فى كل عام نسبه للارتفاع المتوقع فى سعر المياه عالميا بينما قيمة الكهرباء فى العالم ستتناقص نتيجه لتطور الطاقه البديلة عالميا |
ياخ مداخلتك دسمة وتشكر عليها...
بس أنا لم أرم قبيلة المناصير بالعنصرية ..ولم أنكر الظلم الواقع على المنطقة...فقط
طالبت أن يكون التحدث باسم المنطقة وليس القبيلة...
| |
|
|
|
|
|
|
|
|
|
Re: المناصير...المناصير...المناصير..إلى متى تنتهى القبلية القبيحة فى السودان؟ (Re: ombadda)
|
| Quote: طالبت أن يكون التحدث باسم المنطقة وليس القبيلة... |
إذا كان الظلم أحاق بهذه المنطقة المسماه بإسم أهلها المناصير
وإذا كان الظلم وقع على تلك القبيلة , نبقى نلقى ليها اسم تاني يرضى سيادتك ؟
دا اسمه استهبال وضحك على الدقون يا الأخ أمبده
لمن تتعامى عن رؤية مئات البوستات التي تمجد القبلية وتفخر بها , وناس تقوم وتقعد على كيفها!!
ومايلفت إنتباه سيادتك إلا البوستات التي تتحدث عن معاناة أناس من الناس اسمهم المناصير, لترميهم بالعنصرية القبيحة !!
ولبؤس حالهم وشقائهم اسمهم المناصير, لذا كتب عليهم أن يظلموا دون غيرهم في أرضهم , واستنفر أمثال أمبده وأغضبهم الحديث عن معاناتهم والظلم الذي حاق بهم !! معترضا على ذكر اسمهم.
هل نسميهم س من الناس ؟ إرضاءا لسادتك!!
| |
|
|
|
|
|
|
|
|
|
Re: المناصير...المناصير...المناصير..إلى متى تنتهى القبلية القبيحة فى السودان؟ (Re: ombadda)
|
| Quote: إذا كان الظلم أحاق بهذه المنطقة المسماه بإسم أهلها المناصير |
نهال كرار
سلام...
برغم متابعتى اللصيقة للمنبر إلا أننى أجهل إسم المنطقة التى تأثرت بمياه السد..
لو عملت فائدة وذكرت لينا إسم المنطقة تكون عملت فائدة.*..
بالمناسبة هل المناصير إسم منطقة ولا قبيلة؟*
إذا إسم منطقة فدة يعنى أنا مطالب بإعتذار...
بعدين البوست دة كتبتو من شهر نوفمبر حتى قبل البوست الشهير بتاع أخونا أشرف مصطفى...
---
* والله التساؤلات أعلاه جادة ولم أطرحها لشىء فى نفس يعقوب
| |
|
|
|
|
|
|
|
|
|
Re: المناصير...المناصير...المناصير..إلى متى تنتهى القبلية القبيحة فى السودان؟ (Re: ombadda)
|
طيب يا أخ أمبدة , لو كنت ماعارف المناصير منطقة أم قبيلة فليه التسرع برميهم بالعنصرية !!
المناصير منطقة وقبيلة معا, قبيلة صغيرة قد لا يتجاوز عدد أفرادها 50 ألفا , استوطنوا هذه المنطقة التي سميت بإسمهم
المناطق المتأثرة بقيام السد كثيرة, لماذا التركيز على المناصير ؟! لأن أغلب المتأثير قدمت لهم تعويضات جيدة
أما المناصير, ولنفس السبب أعلاه, فلم تكن تعويضاتهم كغيرهم, كونهم قلة - ولسوء حظهم البشير ليس منهم ولا علي عثمان أوأسامه عبدالله وغيره- كذلك خرقت إدارة السد عهدها معهم عدة مرات آخرها بإغراقهم قبل بناء منازل الخيار المحلي حول البحيرة التي وعدوا بها,هؤلاء الناس ( المناصير ) يعيشون الأن في خيم بلاستيكية ويصرون على إعادة بناء بيوتهم التي أغرقت.
لو كان التحدث عن معاناتهم عنصرية فأنا عنصرية, في بلد لا يبالي مواطنوها بمعاناة غيرهم وإن كان يجمعهم وطن واحد
| |
|
|
|
|
|
|
|
|
|
Re: المناصير...المناصير...المناصير..إلى متى تنتهى القبلية القبيحة فى السودان؟ (Re: نهال كرار)
|
الاخ امبدة تحياتي...
لو في ناس اتظلموا والسودان كله واقف يتفرج بكونوا اهلنا المناصير....
الغرق والتشريد ديل الزول عشان يحسهم لازم يكون في نصهم...
في ناس قبل كدة غرقت وهسة ما لاقية موية تشربها زي حلفا القديمة...
لما الزول يحس بالظلم برجع لقبيلته عشان تقيف معاه وتسانده ...ولو كان في منظمات مدنية بتحمي المواطن ما كانت الناس اتكلمت باسم قبائلها ولا عوائلها.....
تحياتي وكل عام والجميع بالف خير
| |
|
|
|
|
|
|
| |
ombadda
Yassir Tayfour
شول اشوانق دينق
salee
GamarBoBa
يعنى ماعشان انتماءنا القبلى
فيس بوك
تويتر
انستقرام
يوتيوب
بنتيريست