|
|
 بوستات البنات
|
ما شاء الله تبارك
اى بت تكتب اى حاجة ( حتى لو كلام فارغ ) تلقى العميان شايل المكسر ، والناس تصفق كمان !!
|
|
 
|
|
|
|
|
|
|
 Re: بوستات البنات (Re: محمد حامد جمعه)
|
| Quote: بدون تعليق ... !!! |
يا سلام عليكى يا أخت سمريــة،
مقال كامل وشـامل فى كلمتين.. أيوة كلمى جنابو دا باللاى..
هى البلاغـة شنـو؟ ما ضغط مقال فى كبسـولـة.. فما بالك فى كلمتين..
مثلك يشـرف هـذا المنبـر، لأن القليلين لديهم المقدرة على إيصال
فكرتهم بمثل هـذه البلاغـة المتناهيـة.
يا سعـادة اللوا،
المرأة الســودانيـة الأن فى طور أن يقبل منها، بل تشجـع، لقول أى شئ.. كلام مليان
فارغ، تشتـم، تحب، تغنى، تتمرد تشيل سلاح.. يجب فقط الإستماع اليها عند الإختلاف، وتشجيعهـا
عند الإتفاق.. وقبل ما يهجموا ناس البليلة حرقتنى، مؤكـد أنك لا تقصـد عبقريات المنبر مثل
إشراقة ودومـة وبيان ومنيـرة وينات خوجلى والصحفيات والقانونيات...الخ.
هى يا دوب مارقـة من سجن كبيـر، وتستحق affairmative action
| |
|
|
|
|
|
|
|
|
|
Re: بوستات البنات (Re: محمد حامد جمعه)
|
Quote: ما شاء الله تبارك
اى بت تكتب اى حاجة ( حتى لو كلام فارغ ) تلقى العميان شايل المكسر ، والناس تصفق كمان !! |
السيد / محمد حامد جمعه . تحيه وسلام ..
وهذا هو حال بعض الذين يمارسون الكتابه فى المنبر !! ..
التداخل من أجل الرأى الموضوعى مطلوب ، ... ولكن هيهات ..!!!
| |
|
|
|
|
|
|
|
|
|
Re: بوستات البنات (Re: محمد حامد جمعه)
|
سلام جاك يا أخ جمعة
قبل ما نرد
أأأأأول حاجة
إنت محمد حامد جمعة ولا مهكر
*** خليت لي ناس هناية وهناي شنو يا سعادتك
بقيت تفتح مواضيع زي دي
مباااااااااالغة
| |
|
|
|
|
|
|
|
|
|
Re: بوستات البنات (Re: محمد حامد جمعه)
|
الاخ محمد حامد
تحية وسلام
اصبت شيء من الحقيقة
وبشيء من الصدق فاكثرية الذين يقومون بالرد على النصوص او المقالات
من الجنسين يغلب عليهم طابع (المجاملة) و(حب الظهور) و(المناكفة) و (التخفف) مع كسر التاء وتشديد
الفاء الاولي
وقليلون من يعقبون بدافع الكتابة والابداع
فاكثرنا ينظر الى اسم من كتب و(جندره) وعلاقتنا به
فهل تصنع المجاملات مبدع؟!!!
| |
|
|
|
|
|
|
|
|
|
Re: بوستات البنات (Re: مجاهد عبدالله)
|
العزيز ابو الريش
لتحقيق ما ذهبت اليه فى قولك من المهم الابتعاد عن المعاملة الخاصة ، بمعنى ان الافراط فى تلميع الفارغ فى حد ذاته لا يقود لمنجز مفيد
لست ضد ان تكتب البت باى مستوى وباى فكرة لكن اقول ما اقول من مدخل التقويم ولا احمل اى روح عدائية ضد انسانة او زميلة
| |
|
|
|
|
|
|
|
|
|
Re: بوستات البنات (Re: Hadia Mohamed)
|
تحياتى يا محمد حامد
غض النظر عن غرضك من هذا البوست -تقويما كان أو لامر خفي-
غير انى ارى ان حديثك لا يخلو من صواب
وجهة نظرى تتعلق بالجانب العام للمداخلة عديمة الجدوى
-ياريت مافى زول يجى يقول لى مافى مداخلة عديمة جدوى
- بعض المواضيع العظيمة تفسدها تماما المداخلات الفارغة
والكثير من المواضيع الفارغة لا يرفع سقفها عدد(كليكات العابرين) ولا ضغطهم على الايقونة (اضف رد)
فى الحقيقة
وودت فى احايين كثيرة لو كانت لى سلطة ان امسح بعض المداخلات سواء كان هذا فى بوستاتى او بوستات الاخرين
لانها غالبا ما(تطفشك من المود) او تشوش على الفكرة وربما ايضا تضر بها
والفكرة اعلاه لها علاقة ببوستات البنات والاولاد على السواء
-أكثر من هذا
ارى ان البنات حين يكتبن...يتحررن مرتين
مرة لكونهن بنات فى مجتمع ذكورى...ومرة ثانية لكون ان الكتابة فى حد ذاتها فعل تحرري للرجل والمراة على السواء
بيد اننى لا اجد هذا سببا كافيا للتطبيل والتصفيق العشوائي
النقد بلا غرض سوى التقويم يمكن ان يقوى من عود الكتاية ويدفع بها
خاصة وان البنات تحديدا لديهن الكثير من الرسائل التى يمكن بثها عبر الكتابة
............
بوستات البنات عنوان ضيق
ليتك تتحدث عن كل المداخلات الفارغة...عسى ولعل
| |
|
|
|
|
|
|
|
|
|
Re: بوستات البنات (Re: أيزابيلا)
|
Quote: تحياتى يا محمد حامد
غض النظر عن غرضك من هذا البوست -تقويما كان أو لامر خفي-
غير انى ارى ان حديثك لا يخلو من صواب
وجهة نظرى تتعلق بالجانب العام للمداخلة عديمة الجدوى
-ياريت مافى زول يجى يقول لى مافى مداخلة عديمة جدوى
- بعض المواضيع العظيمة تفسدها تماما المداخلات الفارغة
والكثير من المواضيع الفارغة لا يرفع سقفها عدد(كليكات العابرين) ولا ضغطهم على الايقونة (اضف رد)
فى الحقيقة
وودت فى احايين كثيرة لو كانت لى سلطة ان امسح بعض المداخلات سواء كان هذا فى بوستاتى او بوستات الاخرين
لانها غالبا ما(تطفشك من المود) او تشوش على الفكرة وربما ايضا تضر بها
والفكرة اعلاه لها علاقة ببوستات البنات والاولاد على السواء
-أكثر من هذا
ارى ان البنات حين يكتبن...يتحررن مرتين
مرة لكونهن بنات فى مجتمع ذكورى...ومرة ثانية لكون ان الكتابة فى حد ذاتها فعل تحرري للرجل والمراة على السواء
بيد اننى لا اجد هذا سببا كافيا للتطبيل والتصفيق العشوائي
النقد بلا غرض سوى التقويم يمكن ان يقوى من عود الكتاية ويدفع بها
خاصة وان البنات تحديدا لديهن الكثير من الرسائل التى يمكن بثها عبر الكتابة
............
بوستات البنات عنوان ضيق
ليتك تتحدث عن كل المداخلات الفارغة...عسى ولعل |
كلام مية مية يا شذي
اختلف معاك شوية في النقطة الاخيرة بالفعل هي بوستات البنات و هى ليست مسئولية كل البنات في المقام الاول بل مسئولية الاطراف الاخرى التى تنكب و تندلق هكذا و مسئولية بعض البنات اللائي يستمرئن و يستكن و يستغلن هذا الوضع. و فعلا بعض الكتابات النسوية الجيدة تضيع و تندهس في تدافع الكلام اللايوق و الجليط لدرجة تخاف تنجلط حاجة في شاشتك
عموما كل زول حر يعمل الدايرو ... طبعا.
| |
|
|
|
|
|
|
|
|
|
Re: بوستات البنات (Re: محمد البشرى الخضر)
|
ود البشري ... و ما استهبال منى، لكن الكلام ده
| Quote: الكلام اللايوق و الجليط |
معنية بيهو بالفعل الاقلام الجليطة و لايوقة
ياخى في اى محل ممكن العاوز يغازل او يشاغل او يقل ادبو يعملا، لكن بي "حرفنة" دنيا، في ناس بتتصعلق ـ دكين مثلا ـ لما يكيفوك ، في ناس بينبزو ـ حسن موسي مثلا ـ لما تنبسط ، و في ناس ترش القون تااااخ ـ Messi مثلا ـ لما تحس بالكورة بترقص ..... تقول لى الضو سنار جاب قون؟
ياخى في ناس "ريلو" عدييييل كده
يا محمد جمعة
بطل استهبال، ده بوستك واهدافك حقتك ، الناس بتشوف بي طريقتا و تقول كلاما
| |
|
|
|
|
|
|
|
|
|
Re: بوستات البنات (Re: esam gabralla)
|
Quote: معنية بيهو بالفعل الاقلام الجليطة و لايوقة
ياخى في اى محل ممكن العاوز يغازل او يشاغل او يقل ادبو يعملا، لكن بي "حرفنة" دنيا، في ناس بتتصعلق ـ دكين مثلا ـ لما يكيفوك ، في ناس بينبزو ـ حسن موسي مثلا ـ لما تنبسط ، و في ناس ترش القون تااااخ ـ Messi مثلا ـ لما تحس بالكورة بترقص ..... تقول لى الضو سنار جاب قون؟
|
يا عصام ياخى بسحروك ...
| |
|
|
|
|
|
|
|
|
|
Re: بوستات البنات (Re: طلحة عبدالله)
|
Quote: محمد حامد جمعة مبدع لانو (مريخابي )
لكن الاخت ايزابيلا ما فهمت كلامو عنها
المشكلة وين ..؟
لابد ان الرسالة تعرضت للتشويش ..
امرقوا الرجرجة من هنا. |
**
ـــــــــــــ
** نموذج
| |
|
|
|
|
|
|
|
|
|
Re: بوستات البنات (Re: محمد حامد جمعه)
|
والله يا ايزابيلا
انا ما فهمت حاجة من ايرادك لكلمة (نموذج) ادني ردك بعد اقتباس كلامي
لكن علي كل حال قصدي انك ما فهمت كلام محمد حامد جمعة والذي حسب فهمي أثني علي مداخلتك بالإطراء
وحسبتك لم تفهمي رده ..
عموما لك العتبي ان فهمت ما يسوءك ..
هذا ما لزم التنويه
والله من وراء القصد
| |
|
|
|
|
|
|
|
|
|
Re: بوستات البنات (Re: محمد حامد جمعه)
|
محمد حامد جمعه..
إزيك (لأول مره)
| Quote: ياخى في اى محل ممكن العاوز يغازل او يشاغل او يقل ادبو يعملا، لكن بي "حرفنة" دنيا، في ناس بتتصعلق ـ دكين مثلا ـ لما يكيفوك ، في ناس بينبزو ـ حسن موسي مثلا ـ لما تنبسط ، و في ناس ترش القون تااااخ ـ Messi مثلا ـ لما تحس بالكورة بترقص ..... تقول لى الضو سنار جاب قون؟ |
ياخي ريحتني في حناني
| |
|
|
|
|
|
|
|
|
|
Re: بوستات البنات (Re: محمد الباقر)
|
الراوى يا الباقر اخوى الزميل اللدود عصام جبر الله
تعرف ودا اعتراف على الهواء وقدام العالم المهكرة والمتهكرة فى المنعطف التاريخى دا ، اكتر اتنين انا شخصيا بعمل ليهم حساب وبقرا مداخلاتهم معاى بتدقيق وحساب الوغد خدر وعصام دا ، بلعبوها ليك فى التمنايات ويجروك فى صينية جبنة
طبعا لمن خصمك او الواقف فى الضفة الاخرى منك يكون حريف ومقددا برفع مستواك ولاحظ انو الصنف دا من الخصوم مهما يقسو عليك بديك حاجة مفيدة اقلو من باب الاحسان واللطف العام ورفع حتى مستوى التهاتر - ان وجد اصلا - وديل انا بحرص عليهم وبعزهم .
المهم
انا بقول شنو ، المقابضة فى بعض البوستات والدخول بلا تروى فقط لمجرد لمح اسم الكاتبة مسالة عندى فيها نظر ، توجد اجتهادات وكلنا هنا مجتهدين وبنكتب وارد الوقت والفكرة لكن دا ما معناتو نخلى الساحة هنا للقياس من مدخل الاستلطاف الظاهرى او الجندرى - خشينا لغة الدراب - ودى الفكرة ببساطة مع اضافات تانية راجع ليها
| |
|
|
|
|
|
|
|
|
|
Re: بوستات البنات (Re: طلحة عبدالله)
|
طلحة ياخي ما تتحسس ساي و تكتر في الشرح
خلاص الحصل حصل و اتحسبت عليك شماتة
وادي لي كلام جبرالله دا لمحة تانية وانت طالع من هنا | Quote: التعديل لاضافة التوقيع |
يا دي التواقيع البقيتو تهاتو بيها دي
الله يجازي اللي كان السبب اسي كان ضربوا ليك - كان ليل كان نهار - ما كنت رديت
| |
|
|
|
|
|
|
|
|
|
Re: بوستات البنات (Re: طلحة عبدالله)
|
| Quote: ايزابيلا وعصام حددا غرض هذا البوست وشخصا بدقة هدفه وهداه |
تعرف يا محمد حامد جمعة خليتنى أحوم البورد سورو .. بفتش أنت داير تصرف النظر من ياتو بوست .. يا ربى يكون بوست محمد فرح .. الراجل جا يكحلا طبزا 
| |
|
|
|
|
|
|
|
|
|
Re: بوستات البنات (Re: محمد حامد جمعه)
|
تحياتي.. طبعاً ياوجيه طلعتني كيت
أي نعم انا جديد في البورد لكن بفرز ياخ، لذلك جعلت ترتيب مداخلتي بتحية صاحب الخيط ابتداءاً ثم وضعت الكوت و كتبت تعليقي لصاحب الكوت والذي بالجد ريحني ..
مايخص موضوع البوست فأعتقد أن المتداخلين قد أصابوا حقيقه..
دعني أعمم الموضوع قليلاً
ان نصنف هذا انصرافي و هذا جاد و هذا منقاد و هذا ركيك و ووو
في وجهة نظري ، و التي لا الزم بها أحداً، شئ نسبي. فما أراه جاداً قد تراه انصرافياً و قد يراه فلاناً غير رؤيتنا. فالكتابه تقييمها شئ نسبي و تحديداً عندما يحمل الكلام اكثر من معنى.
مجدداً تحياتي
| |
|
|
|
|
|
|
| |
محمد حامد جمعه
سمرية
saif massad ali
Abureesh
محمد مختار جعفر
mayada kamal
أيزابيلا
محمد البشرى الخضر
طلحة عبدالله
رأفت ميلاد
فيس بوك
تويتر
انستقرام
يوتيوب
بنتيريست