|
|
|
 Re: بيان شجب و استنكار من الباقين (Re: محمد البشرى الخضر)
|
يا شباب
والله يا ودالبشرى وكيكى وودالصائم دايماً تجيبوا لينا البلاوى.
راجعوا بوست كيكى وحا تلقوا أسامينا ونعوتنا الهنا من ( باقيين/ فانيين/ دهماء/ رجرجة/ بنائيين ) راحت شمار فى مرقة
وبقينا من ( العوام ). ولا يا ربى ما نحنا أصلنا كدا؟
برضو كويس دا يخلينا نمشى فى إتجاه تكوين House of Commons لرعاية الشؤون.
طبعاً هاوسنا دا حا يكون فى مواجهة ( مجلس اللوردات - House of Lords )
للعلم وكدا :
| Quote: Members of the House of Lords are mostly appointed by the Queen, a fixed number are elected internally and a limited number of Church of England archbishops and bishops sit in the House. |
مش زى مجلس العنقالة.
| |
 
|
|
|
|
|
|
|
|
Re: بيان شجب و استنكار من الباقين (Re: rosemen osman)
|
Quote: نحجز للشباب ديل مكانة لحدى ما يظهروا شايفة الزحمة كثيرة
و لو جوا وأختارو هناك برضو بعافيتهم
المهم فى الحالتين بدينوا الحاصل
د.أشراقة مصطفى
الفنان عماد عبد الله
الأستاذ الفاتح جبرا |
حبيبتنا سلمي الشيخ يا رزومين تنتمي الي عالمنا والذي كتب عليه التهكير
مره بالهكر ومره أحري بمن برون انهم فلك الدنيا..
كنوع من الاحراج يتاع الثقيلين الزينا وكده نسألها..
ليه يا سلمي اخترتي المقصوره العاليه..
كراسي الشعب مكسره ياربي؟؟
| |
|
|
|
|
|
|
|
|
|
Re: بيان شجب و استنكار من الباقين (Re: Muna Khugali)
|
يا ماما منى والله أحنا زاتنا الحسنة ما بتنفع فينا
الناس دى أقتطعت من وقتها الثمين ورغم مسؤلياتها وضيعت زمن فى صياغة البيان لتشاركنا فقدنا الجلل
وأحنا لا شكر ولا حمد
شكرا يا جماعة لمشاركتكم هموم الشعب
لكن سلمى دى الا يكونوا ما كلموها
| |
|
|
|
|
|
|
|
|
|
Re: بيان شجب و استنكار من الباقين (Re: rosemen osman)
|
روزمين سلام
من المجحف حقا لم جميع (الباقين)فى سله واحده ..
عليه اقترح تصنيف الاعضاء لمجاميع او فصائل اركلوجيه مختلفه .. تتباين
فى تعاطيها فعل الابداع ومباشرة اللغه وتتقاطع مساراتها المعرفيه حتما بفعل المساوقه التاريخيه
لنهايات متواطأ عليها سلفا كصيروره حتميه لتداعى المداميك المعرفيه الاوليه للثقافه فى محاولاتها التجريبيه الصارمه
وحالات الاستدعاء المباشر للذاكرات الموغله فى احتراف المراوغه وادمان الفشل
..
او هكذا اظن
..
كونى كما انت ( شعر مفلفل وشنطه جلديه محموله على الكتف تتوسطها خارطه لافريقيا)
..
والله حرام نكون هنا
هسع الجماعه ديل لو نسقوا معاي ما كنت وقعت معاهم ولذت بصمتى واستمتاعى الشديد بما يجري
| |
|
|
|
|
|
|
|
|
|
Re: بيان شجب و استنكار من الباقين (Re: oudenoord)
|
أبناء دارفور بدول الإتحاد الأوربى يتظاهرون أمام مقر محكمة الجنايات الدولية بلاهاى
إنطلاقاً من إحدى المحاور الرئيسة لبرنامج عمل الإتحاد العام لأبناء دارفور بالمملكة المتحدة وأيرلندا الشمالية لهذه الدورة ٢٠٠٨/٢٠٠٩م والمتمثلة فى أن قضية السودان فى دارفور هى نقطة إرتكاز أنشطتها المتعددة، فقد فرغت وبحمد الله اللجان التى تم تكوينها منذ وقت مبكر من الإعداد لمظاهرة حاشدة أمام مقر محكمة الجنايات الدولية بلاهاى ، وذلك من أجل إيصال رسالة مفادها أن شعب دارفور لن يرضى بغير العدالة وأن أهل الدم لم ولن يتنازلوا عن حقهم مهما طال الزمن.
سوف تتحرك عدد من البصات والمركبات من بريطانيا العظمى صوب هولندا حيث تم التنسيق مع روابط وإتحادات أبناء دارفور بدول الإتحاد الأروبى خاصة فرنسا، إيطاليا، ألمانيا، بلجيكا، السويد، النرويج، الدنمارك و سويسرا ، هذا فضلاً عن هولندا الدولة المضيفة للمشاركة فى هذه المظاهرة الفريدة.
إننا فى الإتحاد العام إذ نشيد بأبناء دارفور بدول المهجر لدورهم المتواصل فى إيصال قضية أهلهم للرأى العام العالمى، نهيب بكل المهمشين من شرائح الشعب السودانى بدول الإتحاد الأروبى بمختلف روابطهم الإجتماعية وتنظيماتهم السياسية وكل الأحرار ومحبى العدالة بدول العالم من المشاركة الفاعلة فى هذه المظاهرة تحقيقاً للعدالة الدولية ودعماً للإنسانية.
تجدون أدناه تفاصيل الحدث:
· تأريخ المظاهرة ٣١/١٠/٢٠٠٨
· بداية التجمع الساعة الحادية عشرة صباحاً بتوقيت هولندا
· موقع التجمع مدينة دنهاك
DENHAAG – MALIE VELD
(Near DENHAAG station)
· يبدأ التحرك صوب مقر المحكمة عند الثانية عشرة منتصف النهار.
· سوف تستمر المظاهرة لستة ساعات متواصلة وتنتهى عند السادسة مساء.
عاش دارفور نبراساً مضيئاً لكل المهمشين وعاش السودان وطناً للجميع،،،
محمد إبراهيم عبدالوهاب
أمين الإعلام و الناطق الرسمى[email protected]
20/10/2008
لمزيد من الإستفسار يرجى الإتصال على الأرقام التالية:
إيطاليا - سليمان أحمد - ٠٠٣٩٣٤٨٧٩٣٧٩٨٢
فرنسا - عبدالله حسن - ٠٠٣٣٦٧٧٥٣٩٤٥٩
هولندا - جمال عبدالله - ٠٠٣١٧٠٧٨٥٢٥٩٣
بريطانيا - نورالدائم محمد أحمد - ٠٠٤٤٧٩٤٩٠٥٢٣٠١ - الصادق يوسف - ٠٠٤٤٧٥٠٥٤٠٠٢٩٥
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
ود البشري ياخ ما تخرب الرصه..
المبدعون لا يسيرون في المطاهرات..
المطاهرات دي للناس التانيه..
المبدعون ينتجون ما يدفع الحدث لان يتضخم ليخنق الظالم..
ثم يكتبون ما حدث بعد ذلك بحروف من فوسفور..
وبعد ان يغزلوا من شعورهم وشعرهم حبال متسلسله من عظمة الحدث بما فيها المظاهرات..
لقد اتيت امرا عجبا بحديثك هذا!
مبدع في مطاهره؟؟
طيب لو حصل ضرب ومات المبدع..
منو يكتب التاريخ؟؟
ومنو يشجب ما بحدث للعامه؟؟
ومن الذي يخبر العالم بما آل اليه الحال؟؟
ارفعوا اقلامكم وماوسيهاتكم عن المثقفين والمبدعين وما ذكر سابفا منهم..
حتي يتوب الله عليكم من غضبه!
| |
|
|
|
|
|
|
|
|
|
Re: بيان شجب و استنكار من الباقين (Re: Muna Khugali)
|
ss statement For immediate release
October 24, 2008
Demonstration at the ICC in support of the indictment
of the Sudanese president el Bashir
Darfur Union in The Netherlands together with Darfur Unions and Associations worldwide will hold demonstration at the International Criminal Court to support the efforts of The Chief Prosecutor of the International Criminal Court Mr. Moreno-Ocampo in the indictment of the Sudanese president Omar Hassan el Bashir for genocide, war crimes and crimes against humanity in Darfur.
Human rights activists and organizations, Sudanese civil society organizations and political parties and the press are cordially invited on this day.
Date: October 31st, 2008
Time: 12:00 till 17:00 CET
Place: The Hague, The office of ICC
Route: Starting point is Malieveld (near by the central train station of The Hague) and the end point is the ICC office.
Information desk
Interim committee Darfur Union in The Netherlands
Elemam Musa +31 617385135
Nazar Fransawi +31 617472631
Jamal Khamis +31 707852593
Darfur Union in The Netherlands
e-mail: [email protected]
| |
|
|
|
|
|
|
|
|
|
Re: بيان شجب و استنكار من الباقين (Re: Muna Khugali)
|
Quote: لقد اتيت امرا عجبا بحديثك هذا!
مبدع في مطاهره؟؟
طيب لو حصل ضرب ومات المبدع..
منو يكتب التاريخ؟؟
ومنو يشجب ما بحدث للعامه؟؟
ومن الذي يخبر العالم بما آل اليه الحال؟؟
ارفعوا اقلامكم وماوسيهاتكم عن المثقفين والمبدعين وما ذكر سابفا منهم..
حتي يتوب الله عليكم من غضبه! |
منى يا حبيبة البى سلام بى قلدة محنة
الشوق بساسق عليك يعلم الله
التحيه ليك فى كل الاوقات ..
التحيه ليك وانتى الشمعه التى تحترق من اجل الغير
ما تضارى يا السمحه وامرقى بره
خلى دواخلك تسقى النخلة كما عهدناها
هذا الكلام نتيجة ردة فعل للاشىء صدقينى
او سوء فهم ..فدعينا نعتبره كذلك..
اتغربنا يا منى واتشتتنا وجمعتنا الكلمه الطيبه والنفس الحنين رغم البعد المكانى
لكن ملتحيمن الحمد لله وجدانيا ..ودى نعمه من الله .. وسمة طيبة من اهل بلدى الاوفياء
الابداع معناه اللفظى عرفناه .. المعنى الحقيقى شنو ؟
هل لديه موصافات وموازين ومقاييس زيو زى اى ماده فى الدنيا ؟؟
هل يتوه الابداع عن دواخلك النديه وخلجاتك المشعه دوما بتراتيل الحروف
كلنا نحس ونتذوق الجميل المبدع.. اذا كلنا له رؤيه مختلفة عن الاخر ..
لكن نلتقى جميعا فى نقطة الجمال اللا متناهى.. اذا الجميع مبدع باحساسه وشفافيته و قلمه المميز
ربنا سبحانه وتعالى خلق لكل بشر ميزه لا يشاركه الغير فيها
يجب ان لا نجحف فى حق انفسنا لاننا غاضبون ..
لا نبالغ فى اللمنا فى اشياء لا تستحق اصلا العناء..
دعونا نجعل الحياة تستمر دون عناء .. دون مطبات فى ابسط الحالات
لا نحطم دواخلنا ونسمر الحياة فى نقطة الانفعال لاننا اختلفنا مع الغير..
الدنيا مليئه بالفرحه والبهجه والمسرات ..والمبدعين ..بشتى انواعهم لذلك كل العالم مبدع على طريقته
دعونا ننظر لهم ولانفسنا بالشىء الجميل الذى لا يستهان به..
دعينا ننظر من حولنا يا منى .. وانتى اكثر واقرب الناس لكل الجمال
تسلمى يا جميلة
تحياتى للجميع
اسماء الجنيد/ مسقط
| |
|
|
|
|
|
|
|
|
|
Re: بيان شجب و استنكار من الباقين (Re: soma)
|
Quote: منى يا حبيبة البى سلام بى قلدة محنة
الشوق بساسق عليك يعلم الله
التحيه ليك فى كل الاوقات ..
التحيه ليك وانتى الشمعه التى تحترق من اجل الغير
ما تضارى يا السمحه وامرقى بره
خلى دواخلك تسقى النخلة كما عهدناها
هذا الكلام نتيجة ردة فعل للاشىء صدقينى
او سوء فهم ..فدعينا نعتبره كذلك..
اتغربنا يا منى واتشتتنا وجمعتنا الكلمه الطيبه والنفس الحنين رغم البعد المكانى
لكن ملتحيمن الحمد لله وجدانيا ..ودى نعمه من الله .. وسمة طيبة من اهل بلدى الاوفياء
الابداع معناه اللفظى عرفناه .. المعنى الحقيقى شنو ؟
هل لديه موصافات وموازين ومقاييس زيو زى اى ماده فى الدنيا ؟؟
هل يتوه الابداع عن دواخلك النديه وخلجاتك المشعه دوما بتراتيل الحروف
كلنا نحس ونتذوق الجميل المبدع.. اذا كلنا له رؤيه مختلفة عن الاخر ..
لكن نلتقى جميعا فى نقطة الجمال اللا متناهى.. اذا الجميع مبدع باحساسه وشفافيته و قلمه المميز
ربنا سبحانه وتعالى خلق لكل بشر ميزه لا يشاركه الغير فيها
يجب ان لا نجحف فى حق انفسنا لاننا غاضبون ..
لا نبالغ فى اللمنا فى اشياء لا تستحق اصلا العناء..
دعونا نجعل الحياة تستمر دون عناء .. دون مطبات فى ابسط الحالات
لا نحطم دواخلنا ونسمر الحياة فى نقطة الانفعال لاننا اختلفنا مع الغير..
الدنيا مليئه بالفرحه والبهجه والمسرات ..والمبدعين ..بشتى انواعهم لذلك كل العالم مبدع على طريقته
دعونا ننظر لهم ولانفسنا بالشىء الجميل الذى لا يستهان به..
دعينا ننظر من حولنا يا منى .. وانتى اكثر واقرب الناس لكل الجمال
تسلمى يا جميلة
تحياتى للجميع
اسماء الجنيد/ مسقط |
يا عزيزه وغاليه..
طبعا ست العارفين
باللغه ومعانيها وطرق استخدامها..
عارفه أكثر بحساسية "كتب الكلام"علي عواهنه ونتيجته..
وعارفه لما الانتفاضة قامت كانت النساء ستات البيوت..بتعليم اكاديمي او بدون تعليم..
من كل الاجيال والاحياء
ومعهم صبيه حرقتهم الشمس وحرقت امعاءهم بقايا الاكل المتعفن في الشوارع..
هم في المقدمه مع الاطباء والقانونيين وما شرقنا التاريه بحصور نشاطه من النقابيين..
ولما كانوا بيهتقوا..كانوا بيهتفوا لوطن واحد..
ولما نسقوا الاضرابات ..كان علشان وحدة الهدف ونجاة الوطن..
..............
..............
العزل كيف يكون؟
يكون بالفعل او بالكلمات..
يفعله البعض بجهل او بقصد..
فان فعله بجهل يجب عليه الاعتذار..
وان فعله بقصد يتحمل نتيجة فعله..
.................
نحن ضد الصفوه ولغة الصفوه المتعاليه..
نعم هناك تخصصات ولها مجالاتها في الاحتراف ومحاولة تحويل هذا المكان الي طبقات تجلس تلك الصفوه علي قمتها لهو فعل
نكافح فيه حتي آخر قطره من حبر الكومبيوتر
انا لست غاضبه بمعني الغضب المعتاد..
انا متغاظه لكن بهدوء..
اصله يا حبيبتي التعامل الفوقي ده اتعبنا شديد..,وعشناه كتير
الناس لازم تكون عارفه احساس الناس البتكتب معاها وليها..
يعني الوطن الكبير داك عاملونا فيه بسياسة العزل..
وبره نقعد وسط كل مجموعه بتمسح علي دقنها ولا تجر الجراب علي كتفها
يقوموا يعزلونا..وبعد ما يعزلونا يجونا في المكان حقنا كلنا ويطلعوا لسانهم لينا
بطريفة امشوا يالمابتفهمو..
اما عن البيان فان احببتي قانني علي استعداد تام لمناقشته معك بكل الجيد والسيء فيه وبجديه نامه..
شكرا جبيبتي علي التعقيب والكلام الرايق
| |
|
|
|
|
|
|
|
|
|
Re: بيان شجب و استنكار من الباقين (Re: عزالدين طه)
|
Quote: نطلب من الأخ بكري أن يخصص لنا منبرا منفصلا
لا يحق للغاشي والماشي التداخل فيه
وليس لكل من هب ودب الأخذوالرد معنا
بل يقصر حق الكتابة والتداخل فقط لصفوة البلاد ونخبة الوطن من خيرة الكتاب
و علية المفكرين والمبدعين من الكتاب الحقيقيين الأعلام وأساطين
المفكرين والنجوم المبدعين
ولا مانع لدينا أن يمن الأخ بكري على الباقين بحق التصفح والاطلاع
فقط |
علي اليمين نحن حق الاطلاع والتصفح زاااااتو متنازلين عنو..
غايتو بالكلام الفوق ده يا أبوحتوت ، إنت بقيت ما من (الباقين) ..
خلاص الجماعة أخدوك معاهم وبقيت مع ناس ود عوج الدرب
| Quote: يمين ود عوج الدرب لو نسخ الحاجة دي مرتين إلا يختو ليهو دِرِب |
------------------------------
حفلة وداع ودالبشرى عليّ أنا ، ما دايرين منكم شيرنغ ـ أبقو جايين سااااي..
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
بالرغم من إني إنتمي للفئة الأخري بتاعة المبدعين لأني بتزكر إني الفت لي قصيدة مرة كدا بس هسع نسيتها وكمان اشتركت في مسابقة مدرسية وثقافية ورياضية وكم مرة كدا قدمت لي برامج إحتفالات فبعتبر نفسي من الفئة الأخري إلا وأنني تضامنا مع الفئة دي بوقع هنا واطالب بتوضيح ما حصل كاملا في الفترة الماضية الخلتنا كل دقيقه نخش عشان نطمئن علي الموقع
| |
|
|
|
|
|
|
|
|
|
Re: بيان شجب و استنكار من الباقين (Re: هويدا شرف الدين)
|
يالباقين
انتو مذكورين في بيان الأولين
Quote: إلى جانب تعطيل الموقع، فقد اتّضح أنّ المخترق
قد قضى على بعض من الأرشيف الكتابي الضخم و الذي
بذل كتاب و كاتبات الموقع جهداً و وقتاً ثمينين
من أجل بنائه ليكون رافداً للمعرفة و التوثيق، |
طبعا نحن المصلحين ...
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
ما قصدت بهذا البوست الاساءة لاحد
ما قصدت السخرية او الاستهزاء بالسادة مجموعة كتاب و صحفيين و مبدعين اونلاين
عنيت بالبوست دا الفكرة الاوجعتني
حسيت بيها وجه آخر لدعوة التصفية العنترية تون تاني في نغمة المنبر ما للكورة وتقضية الوقت و ونسة الجكس
ضربة ريشة جديدة في لوحة القضية و ما ادراك ما القضية زيها و زي اغراق البوستات بصور الجرحى و دعوة المسيرة و يوتيوب ضرب العيال
موقع سودانيزاونلاين و من اسمه موقعنا كلنا شرط العضوية الوحيد انك تكون سوداني - ودي زاتها ما خالص كدة
ما قالوا مبدعين اونلاين ولا اصحاب قضايا اونلاين ولا سياسيين اونلاين ولا معارضين اونلاين
كدة بس سودانيين و بس
بحاجاتنا كلها بي راحتنا بي اختلاف اهتماماتنا وهواياتنا بي مواضيعنا و بي عدم مواضيعنا
بقدرتنا على الابداع و عجزنا عنه باتساع افقنا و ضيقه بعلمنا و جهلنا بجديتنا و هزلنا
المجموعة حرة تنزل و توقع على البيان العاجبها بالطريقة البتريحها , انا كمان حر انزل البيان البعجبني و اوقع على الحاجة المريحاني
وكل زول دخل هنا مسؤول عن الحاجة الكتبها
البوست دا ما ثورة ولا امبدة
| |
|
|
|
|
|
|
|
|
|
Re: بيان شجب و استنكار من الباقين (Re: ممدوح أبارو)
|
اخي ودالبشري
اوقع مع الشغيله والكادحين بالبورد
المعز ابونوره
برجوازي صغير منسلخ من طبقة البرجوازيه الصغيره
Quote: اوقع نيبة عن الطُلب والبنايين
وجكس العمارات زاتو |
ياود جبريل جننتنا جن الفيله. مانحن ناس العمارات ذاتو لكن جذورنا امدرمانيه, وريفيه حتي النخاع.
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
انا ما بوقع الا اعرف موقعي من الاعراب
فااعد من 2002 بصفه عضو مراقب ومستغرب في حاجه واااحده
الناس دي بتلقي الزمن دا كلوووووو وين؟
مرات اتاوق للمنبر يوم يومين امغس مرارتي واطلع
ومرات لمن اجهز الرد اقول يا عم انت زمن تنوم فيه مافي خليه الشغل المردوم
وانا بي صفتي مراقب اشجب لغايه ما يجيني ود الصائم بي جهه تتبناني
قدامي المراقبين قدامي الماخدين باسويرد همله المهم انا مستني تصنيفي
مرات كتيره اقول ادلل الباسويرد في دلاله اسفيريه
لكن ما اظن في الزمن العلينا دا بجيب حاجه الفرصه للسماسره
انا ببيعو لكن بي شروط
الشروط لمن يدفع اكثر في [email protected]لانو للاسف ماسينجركم دا ما شغال عندي
لانو من ماجربتو في 2002 ما اشتغل تاني
ودالخليـــــــــــــــــفه
| |
|
|
|
|
|
|
|
|
|
Re: بيان شجب و استنكار من الباقين (Re: الملك)
|
ود الخليفة يتساءلQuote: فااعد من 2002 بصفه عضو مراقب ومستغرب في حاجه واااحده
الناس دي بتلقي الزمن دا كلوووووو وين؟ |
ابوي انا ... الزمن دا منحة من رب العالمين
زيو و زي المال و الجنا و الابداع و جيب القطر في وقتو
وزعت بحكمة الهية يعلمها مولاي جل شانه نحمده على نصيبنا منها و نشكره و نساله الزيادة
لا نسال ليه فلان عندو وعلان لا ولا ينبغي لنا
دا من ناحية و من ناحية تانية حركة الناس دي عندها زمن للفارغة قدر دا و بتاع قدمت و انسهكت وبقت ما بتجيب حقها
العندو زمن معناها ربنا فاتحة عليهو و مخفف حملو و هو حر يقضب زمنو بالطريقة البتناسبو
و الماعندو زمن كمان ربنا مبتليه بمهام جسام و اعمال جليلة ذات اثر عظيم في مسيرة التارخ البشري- او يحسب ذلك
يبقى كل زول يرضى بنصيبو الربنا قسمو ليهو
وكدا
الملك ....| Quote: ولحين إلحاق صفة "قدام" إسمى |
خدك
ناجي الملك - كاتب و باحث في الفيس بوك
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
نعمتان مغبون فيهما كثير من الناس الصحه والفراغ
المعايش جباره والله قدر الزمن الاداني ليه الله وقدر قدرتي بخش بقرا لي ناس معينين
وبقرا الموضوع زي قائمه المينيو في المطعم بي قائمه الاسعار باسم الكاتب بس ما بطلب الارخص
عشان مااتمغس ويشهد الله انت من الغاليين وما داير اذكر ناس عشان ما اشخصن الموضوع كما درجت العاده لدي البعض
تحياتي لك وانت تدافع عن المهمشين والمراقبين زيي كدا
| |
|
|
|
|
|
|
|
|
|
Re: بيان شجب و استنكار من الباقين (Re: ود الخليفه)
|
ما قلنا شي النعمتين ديل العندو و ما استفاد منهن مغبون فيهن و الما عندو برضو مغبون
ومش مافي داعي لذكر اسماء فقط مافي داعي للموضوع اصلا
البورد ما فرض عين ولا انصبة محدودة كونوا في من تمدد معناها اكل من نصيبك و جار عليه
كل زول وقدرته و مزاجو وزمنو زي ما قلت
المهمين و الماعندهم زمن ما يتضايقو لما يشوفوا الما مهمين و العندهم الزمن متكلين و حارسين الفلم
كلامي ما ليك تحديدا لكن النصيحة اتهرينا و ورم فشفاشنا من الحركة بتاعة مشاركاتكم آلاف و زمنكم و بتاع
بعدين ياود الخليفة القصة ما دفاع عن زول ولا في حد اصلا محتاج دفاع
هو وينو الهجوم البدافعو ليه زاتو علي اليمين دي قون وباك
| |
|
|
|
|
|
|
|
|
|
Re: بيان شجب و استنكار من الباقين (Re: Emad Abdulla)
|
عماد عبدالله ,, يا كاتبي المُفضّل ..
إزيك يا خي
تصدق يا صاحبي أنا الموضوع ما كنت ناقشو ، وقلت يا ربي ودالبشرى ده مالو
المهم لثقتنا في ولدنا أبوحتوت ، قمنا وقعنا ..
أهاااا أمبارح بالليل قمت هبشت موضوع شجب المثقفين والمبدعين ، وفهمت القصة كلها ..
حلفت أجي أوقع تاني بي هنا ..
علي الله أن خجلان للمساكين ديل ..
ما أفرحني هو عدم إدراج إسمك في تلك القائمة التعيسة ، رغم قناعتي (دون مؤثرات شخصية) باستحقاقك أن تكون في أعلى قائمة المبدعين
وذلك من خلال متابعة ردود افعال من يقرا لك ، وهذا هو المقياس الحقيقي ، وليس اسباغ الألقاب (ساي كده) ..
الآن ، وبعد فرز (الكومين) وتحويل المنبر الى مثقفاتية وعوام .. فارجو من عزيزي القارئ (دي ما حقت بشاشا) أن يتابع
عدد وزوار موضوعات وبوستات المثقفاتية والمبدعين ، ويقارنها بزوار بوستات الرجرجة والدهماء والعوام ، وناس قريعتي راحت
ليعلم بعدها عزيزنا القارئ ما هو الابداع ، ومن هم المبدعون الحقيقيون.
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
Quote:
ما قصدت بهذا البوست الاساءة لاحد
ما قصدت السخرية او الاستهزاء بالسادة مجموعة كتاب و صحفيين و مبدعين اونلاين
عنيت بالبوست دا الفكرة الاوجعتني |
مَصَدَّقْ يا أبوى .... مَصَدَّق.
زى ما قُلتَ لكيكى : البوستين عملوا حِراك فى المنبر ، ونقاش جميل ومؤسس .
إتضحت الهوة بين التنظير والعمل ، وما إستغربت فياهو دا حال السودان ، وكل يوم ماشى لوراء مع المنظراتية.
أمنّوا معاى على دعاء من وحى إفلاس بعضهم:
اللهم تقبل صيامنا وقيامنا ، من كل صائمٍ وقائمٍ.
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
عشان القصة شكلها قلبت غم نفكها شوية
للاخت سمرية بوست لطيف ايام ازمة الهكر بعنوان اغاني هكرية
اها اسي مع ازمة البيان استاذنها في استخدام الفكرة و شوية اغاني بيانية
طبعا البورد لسة في النقاهة و الباندودث لسة ما حرق
فبدل اعمل بوست جديد ح اكب ما تيسر من الاغاني البيانية هنا
بيانك يقول لي تعال و تعال
ابداعك يقول لي لا مافي مجال
المثقف دا تاني وين نلقى
تاني ما بنلقى
الليلة يا باقين
الليلة يا جاهلين
يا انتو ما عارفين
وفي القطيع سايرين
المثقف دا تاني وين نلقى
المصنف دا تاني ما بنلقى
سايق بيانو علي ... ببصمة بس ابا لي ابا لي
الليلة الليلة و الليلة الليلة و حرق بي نار التواقيع ديلا
مشيت للنخية قال لي ما تمضى
مشيت للعُلما قال لي ما تمضى
مع الباقين انا بوقع و امضى
حانني حاول حس بي
حانني خلي الصاج علي
حانني بي كِسرة هواك
حانني و ارحمني برضاك
ها المايك مع منو؟
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
حانني حاول حس بي
حانني خلي الصاج علي
حانني بي كِسرة هواك
حانني و ارحمني برضاك
ها المايك مع منو؟
دة سؤال تسالو؟؟؟
لي شهر بحمي فيها..
كلم بتاع الساوند ينزل المايك علي الدلوكة...
يلا يا شباب النقدة النقدة...
الما بيصفق انشاء الله يهكروا...
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
| Quote: مشكلة القراءة بالأذنين |
تعرف يا ودالبشرى نواصل حديثنا- دحين دى برضو حرّموها علينا فى أن يقتصر النشر فى المنبر عل الإبداعات - ما مهم نواصل فى موضوعنا:
إذا كان فى شخص بقرأ بأذنيه - وطبعاً هو بكون أعلم بحقيقة نفسه من غيره- كمُبدِع وكدا.
وقام كتب كلام ما عارف بشنو ....
الشاهد إنو فى واحد قرأ بأذنيه برضو - كمبدع بعنى-
وقام تبعوه باقى القطيع بالقراءة بالأذنين كمبدعين برضو ...
يقوم كاتب الكلام يقول مُشَخِّصاً الحالة على حقيقتها: أن هذا يقرأ بأذنيه - عن تجربة وكدا- ويستكثر عليهو- مستنكراً- وعلى باقى القطيع
إنو يكونوا عندهم أذنين تقرأ .
طيب المشكلة وين فى الكلام دا ؟
للحديث بقية.
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
أبو حتوت
...
بالله لست مطالباً..بكتابة تفسير لكونك كتبت هذا البوست
لو لم تكتبه لكتبه واحداً منا
"شلة السودانيين العاديين"الباقيين
الذين يأكلون الفول ويتعاطون "العمارى" ويتونسون بصوت عالى,,,!!
ولا يمسكون "المايكـ" الا ,,,صدفاً او بعض حين
..
..
ولا يبدعون ,,,
لا تبرر كلنا واحد لنرى من "المبدع"
ومن أطلق عليه" صفة الإبداع"...وهل يصح أن يطلق شخص على نفسه كلمة الإبداع
..
..!
ناجى
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
Quote: نحجز للشباب ديل مكانة لحدى ما يظهروا شايفة الزحمة كثيرة
و لو جوا وأختارو هناك برضو بعافيتهم
المهم فى الحالتين بدينوا الحاصل
د.أشراقة مصطفى
الفنان عماد عبد الله
الأستاذ الفاتح جبرا |
الإبنة العزيزة الرائعة روزمين
سلامى الكتير ..
شكراً لحجزك لى مكانا بينكم (لحدت) ما جيت !! أوقع طبعن وأبصم بالعشرة
كسرة :
_____________________________________________________________________________________________
الزول يا جماعة الخير ما يطلع ليهو بيان يعنى تانى !!
| |
|
|
|
|
|
|
|
|
 Re: بيان شجب و استنكار من الباقين (Re: الفاتح يوسف جبرا)
|
| Quote: اوقع نيابة عن تمبس وودالصايم وحنين وسارة وعلى ...مش باقين برضو؟؟ |
.. بعد توقيع اميرة الشيخ دي كزولة مسرحية ومبدعة واي حاجة .. حقو الواحد يقوم ينبثق تاني من جديد .. ويطلع بيان شجب واستنكار .. مش قالو اي زول يحق ليهو الحركة دي ..؟
والمبدعين حاجاتم بتمشي طوالي ..؟ واللا الحاصل شنو..؟
بوقع تاني..
وكلما اجي بي هنا بوقع..
وبوقع ..
Quote: أبو حتوت
...
بالله لست مطالباً..بكتابة تفسير لكونك كتبت هذا البوست
لو لم تكتبه لكتبه واحداً منا
"شلة السودانيين العاديين"الباقيين
الذين يأكلون الفول ويتعاطون "العمارى" ويتونسون بصوت عالى,,,!!
ولا يمسكون "المايكـ" الا ,,,صدفاً او بعض حين
..
..
ولا يبدعون ,,, |
.. يا ود البشرى بوقع ليك توقيع (ملكي) خاص جدا مع ناجي ..
زمان عندي زولة صاحبتي مبدعة هنا في المكان دا .. قالت لي يا تمبس ما تبرر الحاجة البتعملة ، قلت ليها ياخ احيانا في ناس بتعزهم بقروك غلط .. علشان كدا التبرير لازم يكون مصاحب لما قصدته ..
لكن يا ود البشرى .. اتضح في المكان دا إنو وجهة النظر + التبرير المرفق ليها بيكونو مغريات كويسة علشان يطلعوك بيها اي كلام ..
اديها ... وزي ما تجي تجي ..
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
فى اواخر تمانينيات القرن الماضى (المنصرم) قام بنى كوز باحتلال الجامعة بواسطة المليشيات
الطلابية ومنعوا دخول الرسميين والموظفين وذلك جاء نتيجة لتعليق المدلل حاج ماجد لمدة عامين
من الدراسة كعقوبة لما اقترفه من سوء الادب وقلة التربية فى مجابهته لعميد كلية القانون
المهم .. اتانى نفر كريم من زملائى بالكلية ومعهم قائمة توقيعات عريضة يسالوننى ان اضم اسمى
اليها ليرفعوها الى جهة ما كاجراء مضاد لموقف بنى كوز فرفضت التوقيع لسببين:
الثانى السمستر كان على الابواب وكنت ح ادعم اى جهة تعمل على تعطيل الدراسة
اما السبب الاول والاساسى بحكم انى زول ضهارى فكنت باشوف قصة التوقيعات دى قرضمة
ناس بندر ساى كدة لاتقل قرضمة عن عشاء الكوكتيل الذى لايسمن ولايغنى عن جوع
لكن حسع فى الزمن العلينا دة ندمت انى ماوقعت مع اصحابى على العريضة ديك على الاقل
عشان خاطر اصحابى (تعاضد) وطبعا دة من وحى الدخول فى التقدم فى السن وكدة فكلما شاخ الرجل
صار حنونا (كمثال لو شفتوا بكاء ود الامين فى عيد الاذاعة الخمسين )
المهم ماشايف فى اى داعى للتوقيع لا هنا ولا هناك
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
سرور بت عمي يا حليلك
فقدتك والله اتاريك مهكورة كنت قايلك بتبدعي ولا حاجة
ياخي ما ترسلي لي ايميلك ضروري
شمار كان ما فتيتو بموت عديل كدة
ابوبكر يا عمك ...
ياخي ما تكسب في اخوك ثواب و توقع لي بالضبط كدة قصة قراية الاضنين دي مقصود بيها شنو
مع اني بستعملها مرات لكن اظني ملخبت
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
الملك يا عمك
تمبس يا عمك
ما مسالة تبرير او شرح وكدا لكن حسيت انو البعض فهم القصد من البوست بطريقة مخالفة لما عنيته
البعض افتكرو تصدي و رباطية و تقعيد ناس في علبها و الآخر اعتبروه ثورة قطيع او ما شابه
في حين انا ما شايف فيه الا ممارسة حق و حرية اختيار ما اكتر
روغيم يا عمك ...
زيت سمسم اصلي و جبنة بيضا و خشب
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
ابو حتوت
سلام
| Quote: في حين انا ما شايف فيه الا ممارسة حق و حرية اختيار ما اكتر |
وبرضو محاولة لاعادة الامور الي نصابها.....!!!
دي اكان فهمتها يدقشني القندراني.
وبرضو.....
كااااااااااااااااكـ
للرجرجة والدهماء والغوغاء
( ديل نحنا ياعمكـ)
| |
|
|
|
|
|
|
|
|
|
Re: بيان شجب و استنكار من الباقين (Re: سارة علي)
|
Quote: فوقع توقيعك اخير [/QUOT
أبو حتوت يا عمك..
شنو يا خوى نفسك قايم وحتى النكتة بقيت ما بتشوفها..
أنا أساساً وقعت بس حبيت أديها شوية دعابة لكسر رتابة البوست..
تقوم طوالى تبلعنى كلمتينى..
وبعدين دة كلو كوم ..
سلام مافى ياخى..تحية مافى..
يمين شدة ما إتحسست لمن رجعت قريت لستة (الما باقين) قلت إمكن إسمى إكون
معاهم جد جد عشان كدة أبو حتوت دة مسخن معاى كدة..
عموماً ياعمك..
كل سنة وإنت طيب..
وتحياتى إلى الأسرة..
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
الحمد لله الواحد بقى مع إطلالة كل صباح بنلقى لينا " دَلْقَة " وصف جديد للرجرجة والعوام
تساءلت:
Quote:
ياخي ما تكسب في اخوك ثواب و توقع لي بالضبط كدة قصة قراية الاضنين دي مقصود بيها شنو
|
والإجابة تجدها هنا"
Quote:
أوّل هذه المشاكل التي أظهرها التعامل مع البيان هي مشكلة القراءة بالأذنين (أو أي تعبير يفيد عدم فهم المكتوب و محاكمته بما استُمدّ من سواه)، و في هذا إبداعات نرصدها..
|
الموضوع تخريجة متصلة بالسياق والرصد الإبداعى بعاليه.
تعرف الواحد يحاول يشرح مستصحباً رؤية البعض الإبداعية لما يكاد يخرج من زمرة الرجرجة والدهماء.
اللهم أحيينا وأمتنا وأحشرنا مع زمرة الرجرجة والدهماء.
| |
|
|
|
|
|
|
|
|
|
Re: بيان شجب و استنكار من الباقين (Re: أبوبكر أبوالقاسم)
|
Quote: الملك يا عمك
تمبس يا عمك
ما مسالة تبرير او شرح وكدا لكن حسيت انو البعض فهم القصد من البوست بطريقة مخالفة لما عنيته
البعض افتكرو تصدي و رباطية و تقعيد ناس في علبها و الآخر اعتبروه ثورة قطيع او ما شابه
في حين انا ما شايف فيه الا ممارسة حق و حرية اختيار ما اكتر
روغيم يا عمك ...
زيت سمسم اصلي و جبنة بيضا و خشب |
فهمناهو صاح .. ولكني أوقع هنا لإدانة الهكر من كافة المستويات..!
| |
|
|
|
|
|
|
|
| |
خدر
haroon diyab
طارق جبريل
Rawia
Muna Khugali
Kostawi
عبداللطيف حسن علي
محمد عبد الماجد الصايم
أبوبكر أبوالقاسم
محمد البشرى الخضر
عبدالكريم الامين احمد
rosemen osman
محمد حيدر المشرف
oudenoord
saif massad ali
سارة علي
عزالدين طه
ماجدة عوض خوجلى
على محمد على بشير
Mohammed Ibrahim Othman
العوض المسلمي
Tragie Mustafa
osman righeem
داليا حافظ
Emad Abdulla
doma
هويدا شرف الدين
صلاح ليون
ناذر محمد الخليفة
عصام دهب
طارق عبد اللطيف نقد
Mohammed Elhaj
ممدوح أبارو
Elmoiz Abunura
bent awad el kareem
ود الخليفه
الملك
emad altaib
حمور زيادة
الفاتح يوسف جبرا
tmbis
احمد التجانى احمد
يحيي مصطفي
فيس بوك
تويتر
انستقرام
يوتيوب
بنتيريست