|
بيان شجب و استنكار من الباقين
|
نحن الموقعين ادناه الما كتاب ولا صحفين ولا مبدعبن بسودانيز اون لاين و اللذين جاد علينا الزمن بباسزيرد صدفة ولا نمثل اي اضافة ايجابية للمنتدى او الفضاء السايبري السوداني و جايين للونسة و تقضية الوقت و التظارف مع البنات وما عندنا شغلة بالسياسة او المعارضة و همنا الكورة و الكتابة الركيكة حولها .... الخ الخ الخ نعلن رفضنا ما تعرض له موقع سودانيزاونلاين فقط - ما شغلتنا بالمواقع الاخرى - و نعلن ان راسنا قد انقطع في فترة توقف الموقع و تضررنا اشد الضرر عليه نطالب بـ .... نطالب بـ .... نطالب بشنو؟ المهم عندنا مطالب و حاجات كتيرة - اي زول يوقع باللاي يكتب المطالب العايزها وكدا و الله ولي التوفيق
ا/ أبو حتوت و اطالب باعادة المكتبة باسرع ما يمكن
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
أطالب بعدم الاساءات والتجريحات وإذاء الاخرين والتلاعب بسمعة الناس .
عليه أوقع :
الفريق أول اركان حرب / عماد الدين محمود علي صالح وزير الدفاع والطيران والمفتش والقائد العام لقوات شعب الامتداد المسلحة
ونوقع ونبصم على مسئوليتنا الشخصية أنابة عن الاستاذة / إنعام عبد الحفيظ وزيرة الثقافة والتربية والتعليم لمدينة الامتداد
| |
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
نشجب وندين ونوقع باسم اولاد قرف ضد النخبوية ومحاولة كبسلة الابداع والمعرفة في الصوالين النخبوية والصفوية.... نوقع من اجل سودانيز الذي جلب الامر الي الهواء الطلق وصارت بين صفحاته السياسة ليس للسياسيين فقط والثقافة ليس للمثقافتية فقط وناس (اعتقد وافتكر وفي الحتة دي) والاجتماع والدين والاركلوجيا... نوقع من اجل سودانيز الذي اثبت بان المحاورة والمنابر عندما تتاح لكل ابناء هذا الشعوب فانها قادرة علي تحجيم الذين يمشون الي مرافي الابداع فوق كتوف الجماهير نوقع من اجل سودانيز الذي اتاح لاولاد قرف القادمين من اقصي المدينة وهم مسلحون بالمعرفة والتواضع والدراية العميقة ......... كيكي عوض كيكي مواطن سوداني
| |
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
أوقع ضد حادثة الهكر الأخيرة و التلاعب بقاعدة بيانات ضخمة تعكس كل أطياف الشعب السوداني و تعد مصدرا مهما لتوثيق فترة حرجة من تاريخ السودان المعاصر ...
و أوقع ضد التعامل النخبوي وفي الأزمات تحديدا وما ينطوي عليه من إضافة بعد آخر للتقسيمات المفروضة قسرا على نسيج واحد
عزاز شامي – إنسانة
| |
|
|
|
|
|
|
Re: بيان شجب و استنكار من الباقين (Re: عزاز شامي)
|
Quote: و أوقع ضد التعامل النخبوي وفي الأزمات تحديدا وما ينطوي عليه من إضافة بعد آخر للتقسيمات المفروضة قسرا على نسيج واحد |
والله يا عزاز دا ما كلام باقين ولا حاجة لكن تقولي شنو بس ما شغلتنا الا الظروف جبرتنا
| |
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
والله يا محمد البشري انا من شدة ما ما كتاب حأشارك باقتباس من كيكى
Quote: نشجب وندين ونوقع باسم اولاد قرف ضد النخبوية ومحاولة كبسلة الابداع والمعرفة في الصوالين النخبوية والصفوية.... نوقع من اجل سودانيز الذي جلب الامر الي الهواء الطلق وصارت بين صفحاته السياسة ليس للسياسيين فقط والثقافة ليس للمثقافتية فقط وناس (اعتقد وافتكر وفي الحتة دي) والاجتماع والدين والاركلوجيا... نوقع من اجل سودانيز الذي اثبت بان المحاورة والمنابر عندما تتاح لكل ابناء هذا الشعوب فانها قادرة علي تحجيم الذين يمشون الي مرافي الابداع فوق كتوف الجماهير نوقع من اجل سودانيز الذي اتاح لاولاد قرف القادمين من اقصي المدينة وهم مسلحون بالمعرفة والتواضع والدراية العميقة |
محمد المشرف مواطن ولا نامت اعين المثقفاتيه والهكراب
| |
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
اتذكرت حاجه .. زماااان كنت بكتب شعر وكده.. زمن الجامعه يعنى اها .. نوقع بى هنا ولا بهناك
.. طوبي لكم ايها العاديون جدا العابرون مساء الحزن ارصفة الهزيمه ثمة بريق فى الهناك يلوح تمة حضور قادم لكن ثمة حريق تنكب الطريق صوب نافذه الحبيبه انتم- احبتى - ملح هذا المنبر
.. عاش كفاح طبقه الباقين
| |
|
|
|
|
|
|
Re: بيان شجب و استنكار من الباقين (Re: محمد حيدر المشرف)
|
Quote: نوقع بى هنا ولا بهناك
|
اسى فى داعى للاسئلة المحرجة دى يا ود المشرف ....؟؟
اميرة الشيخ ...حركة الباقين.... امانة المراة ..
___________________________________________
بعيدين عن الباقين واعوانهم ... اخبارك شنو؟؟ تحياتى
| |
|
|
|
|
|
|
Re: بيان شجب و استنكار من الباقين (Re: عزاز شامي)
|
Quote: الناس الشايفين نفسم لا تبع المبدعين لا تبع قريحتي راحت
ديل وضعهم شنو مع تحديات المرحلة الراهنة واللجان المنبثقة من اللجان الفرعية؟ |
السؤال دا محول لكيكى يا جماعة ...
كيكى النبى تجاوب..
| |
|
|
|
|
|
|
Re: بيان شجب و استنكار من الباقين (Re: Amira Elsheikh)
|
Quote: السؤال دا محول لكيكى يا جماعة ...
كيكى النبى تجاوب |
الجماعة ديل يا اميرة ينضموا لسفينتنا اللهي سفينة القريعة الراح السارت التي لاتبالي بالرياح ونوحد الصفوف ونقول لا في وجه اي حركات بتاعة نخبة ما جايبة تمنها وبتشعر الزول بالجد بالاسي علي حاجات كثيرة في السودان العجيب والغريب ده
| |
|
|
|
|
|
|
Re: بيان شجب و استنكار من الباقين (Re: Amira Elsheikh)
|
Quote: السؤال دا محول لكيكى يا جماعة ...
كيكى النبى تجاوب |
الجماعة ديل يا اميرة ينضموا لسفينتنا اللهي سفينة القريعة الراح السارت التي لاتبالي بالرياح ونوحد الصفوف ونقول لا في وجه اي حركات بتاعة نخبة ما جايبة تمنها وبتشعر الزول بالجد بالاسي علي حاجات كثيرة في السودان العجيب والغريب ده
| |
|
|
|
|
|
|
Re: بيان شجب و استنكار من الباقين (Re: اساسي)
|
تألمت كثيرا لما حدث لسودانيزاونلاين في الفترة السابقة ،ومصدر الألم يكمن أولا في هدم هذا المجهود الجبار الذي بذله العزيز المهندس بكرى ابوبكرفى سبيل بناء هذا الصرح وفتحه للعديد من الأدباء والمفكرين والكتاب لإثراء الساحة الثقافية في السودان... ويقيني إن العزيز بكرى ابوبكر قد أعطى هذا الموقع الكثير من الجهد والفكر والمال في سبيل الارتقاء به حتى وصل لهذه المكانة وأصبح الموقع السوداني الأول على الانترنت وفى اعتقادي إن من قام بهذا التخريب إنسان ينقصه العقل والفكر وكثير من الاحترام لنفسه وللآخرين وكذلك عدم الأمانة والضمير والدليل على ذلك ألفاظه التي استعملها في هذا المنبر وبوستاته الصبيانية والغير مسئولة ،وهو لا يدرى حجم فعلته الشنيعة هذه وتأثيرها النفسي والمعنوي على ألاف الأشخاص الذين يكتبون في هذا المنبر ناهيك عن القراء والمتابعين.... وثانيا إن هذا الصبي قد أضاع الكثير من المكتبات والمواضيع التي تتضمن توثيقا هاما لكافة جوانب الحياة السودانية ... فمعظم الكتاب في هذا المنبر أناس أصحاب فكر ورأى بذلوا الكثير من الجهد والوقت في سبيل إبداء آراءهم ومشاركة الأخريين فيما يكتبون... ولا اصف نفسي كاتبا أو أديبا ولكن هذا الصبي قد أضاع مجهودا بذلته ومعي أعضاء في هذا المنبر وثقنا خلاله لتاريخ أغنية الحقيبة في بوست الحزن في الأغنية السودانية وأظنه أصبح مرجعا لكثير من المهتمين حيث أن عدد زواره وهو في المكتبة كان في ازدياد يومي مما يدل على انه أصبح مرجعا للكثير من المهتمين في هذا المجال فدمر المكتبة ومعها هذا التوثيق .. وغيري أيضا تأثر بهذه الكارثة وفقدوا الكثير من البوستات المهمة والمكتبات الثرة .. وهذا المجرم لايدرى حجم فعلته هذه بل يفتخر ويعتز بها وهذا يدل على مرض وعلة نفسية . انى أقف مع الأخ بكرى ابوبكر في هذه المحنة والتي تجاوزها بمقدرة ودراية وعلم وأعاد إلينا المنبر كما كان قويا ومعبرا عن آمالنا وأحلامنا وساحة للفكر والثقافة والراى .
| |
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
Quote: الناس الشايفين نفسم لا تبع المبدعين لا تبع قريحتي راحت
ديل وضعهم شنو مع تحديات المرحلة الراهنة واللجان المنبثقة من اللجان الفرعية؟ |
القبطان غلادييتور قائم مقام الصائم!! السلام،، لحقنا طرف السوط،، لم نشارككم في حرب الغوريلا ولكن شهدنا لكم بمطاردة الهكر أينما خت جنبتو،،
نحن فعلا حار بينا الدليل لأننا بصراحة لم يتسنى لنا معرفة المبدعين حقاً من آل القرعة راحت،، = همسة إلى أهلي في دارفور : تمسكوا بنص الوثيقة التي زين بها (كيكي) جيد هذا البورد فهي تصلح أساسا متينا للتضامن مع مشكلات أهلنا هناك إذ تراص الناس هنا دون (تمييز) في إدانة الفعل الشين، وخرج الباغي مدحورا،، =
تحيات لبكري أبو بكر في صمته المقدس ، وليكن الحديث بعد إقتلاع آخر جيوب المقاومة،،
شكرا ود البشرى ، وفي ناحية البرج العاجي لنا حبايب لا تقسو عليهم،،
| |
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
ودالصايم
عينتنا دى بقت زى ال... يوم القيامة
الواحد قايل روحو شخصية خطيرة ـ ليه ما عارف؟ مع انى لا مبدع لا صحفي لا غيره ـ يقومو الجماعة الما باقيين يطلعو بيان و يفطونى و القا روحى بقيت مع الجماعة الباقيين؟
يعنى اسه انا و كيكي و الصايم و تمبس و البشري و نوبي و الباقيين حاجة واحدة؟
وااااا شخصيتاه وااااا وهمتاه
نوقع
بعد التوقيع: ما تزعلو ساكت ، الجماعة الما باقيين ديل نيتهم كويسة و بيانهم زاتو كويس و كونهم فكرو فيهو و عملوهو برضو كويس، لكنها الشتارة و ضيق النظر و حب التقعر و الفشخرة و البوبار ممن قام بالصياغة ايا كان و لو العريبي محسن، باقي كلامى بي هناك عند الما باقيين
الباقي باقي
اصلو دنيا الحب محن
| |
|
|
|
|
|
|
Re: بيان شجب و استنكار من الباقين (Re: خالد عبد الله محمود)
|
Quote: طوبي لكم ايها العاديون جدا العابرون مساء الحزن ارصفة الهزيمه ثمة بريق فى الهناك يلوح تمة حضور قادم لكن ثمة حريق تنكب الطريق صوب نافذه الحبيبه انتم- احبتى - ملح هذا المنبر
|
اوقـ..... اقصد
ابصم
خلينا التوقيع للصفوة داخل كبسولتهم
معقول هم يوقعوا ونحنا كمان زيهم .......ما بنعرف
ابصم تانى كمان
| |
|
|
|
|
|
|
Re: بيان شجب و استنكار من الباقين (Re: khaleel)
|
اكتر اتنين معترضين على البيان النخبوى الموضوع رابطه اعلاه هم ود البشرى وود الصائم وشخصيا ارى ان احتجاجهم العنيف لا مبرر له اطلاقا فهم الاتنين وبشهادتنا فيهم .. يشملهم البيان النخبوى اعلاه فهم ( حسب وجهة نظرى الشخصيه على الاقل ) ينتمون الى قبيلة المبدعين فى هذا البورد ولهم مساهماتهم الفعاله
اجتماعيا ورياضيا وفنيا وفى الشعر والمسادير
غير ذلك استصحبوا معكم مشاركات ود البشرى فى فعاليات بورداب الامارات ايضا استصحبوا مشاركات ود الصائم مع بورداب الرياض
انظروا لجهدهم فى البورد ضد هجمة الهكر وبصوره خاصه ودالصائم اعملوا بحث لمشاركاتهم كلها واطلعوا لينا بى نتيجه ونحن نرضى بحكمكم لهم او عليهم
فالابداع ليس له وجه واحد ان تكتب لتدخل البهجه فى نفوس الاخرين .. هذا قمة الابداع ان تضرب على كيبوردك فترسم البسمه على شفاه الاخرين فهذا ابداع ما بعده ابداع
ان تشارك الاخرين همومهم واحزانهم .. وان تجعلهم يحبوك لله كدا .. هذا ابداع وبل وقمة الابداع
وصدقونى اللسته تطول وتطول لو حاولت ان اكتب عن مبدعين هنا لم يرد اسمهم فى القائمه النخبويه اعلاه ولا ينتمون الى قبيلة الصحفيين او الكتاب ولكنهم مبدعيين اثروا هذا الموقع بكتاباتهم ومشاركاتهم ومثابرتهم واقتطاع سويعات من وقتهم لكل ذلك
وصدقنى عزيزى القارئ قد تكون انت من ضمن هؤلاء المبدعين وانت تكتب وتشارك وتجتهد حتى تفيد وتستفيد
انعل ابو كسير التلج زاتوووو ...
ولكنها تظل وجهة نظرى الشخصيه فى كتابات اخوة اعزاء نحس نحوهم بكل الحب والموده ونرتاح عندما تعانق اعيننا حروفهم ونتكئ على ظلال كتاباتهم المبهجه .... وغيرهم كثيرين .. صدقونى
| |
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
أوقع نيابة عن بورداب أمبدة وناس أمبـــدة...
أمبــــدة مشكلتها مشكلة مناضلى الضل البارد يستعملوا الإسم لرفع رصيدهم النضالى والهاكـــر ميكافيلى زاتو إستغل إسم أمـــبدة ومايرنو فى هجمــته الهكرية على المنبر
ناس أمبدة ليكم اللــــــــه
د.أمبدة
| |
|
|
|
|
|
|
Re: بيان شجب و استنكار من الباقين (Re: طارق جبريل)
|
Quote: فدمر المكتبة ومعها هذا التوثيق .. وغيري أيضا تأثر بهذه الكارثة وفقدوا الكثير من البوستات المهمة والمكتبات الثرة .. وهذا المجرم لايدرى حجم فعلته هذه بل يفتخر ويعتز بها وهذا يدل على مرض وعلة نفسية . انى أقف مع الأخ بكرى ابوبكر في هذه المحنة والتي تجاوزها بمقدرة ودراية وعلم وأعاد إلينا المنبر كما كان قويا ومعبرا عن آمالنا وأحلامنا وساحة للفكر والثقافة والراى . |
الاخ العزيز د/ احمد القرشى حقيقة تالمنا كثيرا وتجرعنا المر فى الفترة السابقة ذكرنى ما حصل لحوش بكرى الالكترونى .. ذكرنى تماما بما حدث لعمان من جراء اعصار جونو دمر الجميل والغالى والنفيس فى لحظات شرد الجموع زرع الالم فى فراق كثير من الاسر بعضهم من توفاه الله له الرحمه .. والكثير من تزعزع وتشرد ومنهم الى يومنا هذا لم يستقر اللعنه والعار للهكر الجبان .. صدقت فى تعبيرك اخى د/ احمد .. تصرف غبى من جاهل فاكر نفسه صنع التضحيات
الاخ محمد البشرى والاخوة والاخوات زوار البوست سلام واحترام ندين ونشجب ما حدث للمتنا السمحه تحت نيمتنا الوريفه فى حوش بكرى اللمانا بعفويه وحسن نيه وبدون اى جهوية الف حمد الله على السلامه والبركه فى العوده وان شاء الله متجمعين جميعا فى وطنا الحر بأذنه تعالى التحية للجميع وشكرا الاخ ود البشرى اسماء الجنيد/ مسقط
| |
|
|
|
|
|
|
Re: بيان شجب و استنكار من الباقين (Re: طارق جبريل)
|
كنت عاوزة اشارك واشجب واطالب بالمساواة لكن اتذكرت اني ماعندي مكتبة
________________________________ دي ذكرتني جوليا روبرتس في بريتي وومن لماقالت عاوزة تصلح البانتي هوز بتاعها قامت اتذكرت انها مالابسة بانتي هوز(دا طبعا بعد ماالحصل حصل )
| |
|
|
|
|
|
|
Re: بيان شجب و استنكار من الباقين (Re: داليا حافظ)
|
أوقع وأبصم بالعشره وأدين وأشجب وأستنكر و...... كدي أرجع لي أحد بيانات القمه العربيه السابقه عشان أجيب ليكم مفردات جديده نحن عنقالة بورداب الخرطوم تحديداً نعتبر الأكثر تضرراً من هذه الهجمة الهكريه فقد إنقطعت رؤوسنا والسنتنا وتقطعت بنا السبل وتشردنا بين المنابر حالياً الدخول من الخرطوم يتطلب حرفنة شديده ولايتم إلا من خلال بوابات البروكسي الوعره التي تحرمنا متعة التصفح السلس حيث يتم حذف الصور ويصبح التصفح بطيئاً جداً .
وياودالبشرى العفو والعافيه ولك مؤونة عشرة أعوام من الود
| |
|
|
|
|
|
|
Re: بيان شجب و استنكار من الباقين (Re: Mohamed E. Seliaman)
|
أها يا ود البشرى وود الصائم جبتو لينا الكلام
Quote: السوقة وجيوش العوام وأسراب المتسكعين وقطعان الهمل وقوافل أشباه المثقفين ومفارز أنصاف المتعلمين |
الواحد كان عندو نية يوقع معاكم لكن بعد الكلام ده اتجهجهنا
يعني لو ما رديتو عليهو الرد الحازم توقيعاتنا كلها حتكون شمار في مرقة
| |
|
|
|
|
|
|
|