سودانية قبيلة الهوسا ليست مِـنـَّـة ً من أحد

Quote: تراجى احى فيك الثورية ..و تضامنك اللامحدود مع الهوسا ..و غيرهم ..و اطمئنى تب ما فى زول ناكر اصلو ..و لو كانوا ناكرين ..لما سالت الدماء ..و لا فتح هذا البوست .. عزيزتى عتبك على السودانيين من ذوى الاصول الغرب افريقية .. لعدم انتماءهم للحركات ..لم توفقى فيه .. الخيار السياسي رؤية فردية ..و مسؤولية ذاتية .. تسيس القبائل .. يضر اكثر من ما ينفع ..السياسة فكر و ليس انتماء عرقى.. و بعدين حقيقة الناس ديل فى الحركات قاعدين .. و فى المؤتمر قاعدين .. و ده شيئ طبيعى زيهم و زى كل اهل السودان كلهم ... و بالمناسبة كثير ما اقرا لك .. لكن هناك ملاحظة .. فى مداخلاتك حول مفهموم الجلابة .. اعتقد ان الجلابوية ليست قبيلة بقدر ما هى سلوك .. و كذلك الهامش ظرف اكثر منه لون ... و عليه جبهة الهامش لكى تتحد .. يجب ان تجاوز الرؤية العرقية .. الا و ينطبق عليها النهى عن الشيئ و الاتيان به .. و هذا عين التناقض ... ارجعى لمداخلات .. احمد محمد بشير ..الذى تبنى مبدا ان الهوساليسوا سودانيين .. تؤكد مداخلاته بانه ينطلق من ذاكرة فكر الهامش .. هو يتحدث كنوبى او متاثر بالسدود .. هو يتحدث عن قبائل اصيلة و اخرى وافدة .. سيدتى اما حول مقولتك للفلان .. يبطلوا حركات اداعاء العروبة ..اقولك ياعزيزتى ..الغبن على المستعربين السودانيين ..الجلابة .. كما تحبين ارجو ان لا يكرهك ذلك .. كل الجنس العربى .. فى كل قبيلة او جنس فى الكويسين و البطالين .. تعميم الحكم لا يجوز .. فى جعلية و شايقية فى السودان .. من سماحتهم تاكل و تقش يدينك على جلابيتهم .. و اكيد كسودانية يا تراجى .. مرت عليك الاف من هؤلاء .. عزيزتى اعتقد ان الحديث عن عدم سودانية الهوسا .. امر لم يعد موضوع نقاش .. من يدعى ذلك اما جاهل بالقانون .. و لا فهمه قليل بالواقع السياسي و الاجتماعى و الثقافى السودان ...