|
فلنجعل تغير كلمة السر Password شعار المرحلة
|
السلام عليكم ورحمة الله وبركاته اشكركم جميعا لصمودكم فى وجه الهجمة التى يتعرض لها الموقع حاليا....... و اشكر كل من اتصل بى بريديا ,تلفونيا او فتح بوستا يسال عنى......و يوسفى اننى لم ارد على اتصالاتكم
اطمنكم جميعا ان الموقع سوف يعود كما كان قريبا.....
كل ما اطلبه من الجميع الان تغير كلمة السر ......
سوف اوضح كل شى بعد الفراق من رفع الموقع و سد الثغرات
يمكنك تغير كلمك السر من هنا
by going to
|
|
|
|
|
|
|
|
Re: فلنجعل تغير كلمة السر Password شعار المرحلة (Re: Elkhawad)
|
الاخ بكري
والاخوة اعضاء المنتدي الكرام
حمدلله علي السلامة وعودا حميدا ، ونسأل الله السلامة دوما لنا ولكم وللمنتدي وان يظل بابه مشرعا للجميع ولكل من احب السودان وعمل من اجله .
لا اعلم كثير عن هذه الاشياء ولكني فقط اسال من المستفيد مما حدث ومدي نفعه بما حدث .؟؟ اتمني ان اجد الاجابة .
انا افهم ان هذا الموقع هو بمثابة ملتقي لكل ابناء السودان ، رغم اختلاف وجهات النظر ورغم اختلافي الشديد مع بكري في ادارته للموقع ورغم تحفظي علي الكثير من المواضيع المطروحة ولكن لن ارضي ان اسكت صوتا له الحق ان يقول مايشاء ان يقول . عموما حمد لله السلامة ونرجو من الاخ بكري الاسراع في كشف الحقائق
شكري وتقديري
الخال حمزاوي حمد لله علي السلامة لقينا مفتاح الباب خلاص والحمد لله ، الحوش باااااااااااارد والجميع موجود في انتظارك ...تسلم ياخال .
اخوكم عبدالمنعم الزين الطيب
| |
|
|
|
|
|
|
Re: فلنجعل تغير كلمة السر Password شعار المرحلة (Re: Elkhawad)
|
سلام يا بكرى يؤسفنى ان اقول لك سبق ونبهتك بعزم البعض على تهكير الموقع طبعا قد بتسائل البعض ؟؟؟ من اين لى بذلك ؟؟؟؟ صدفونى فى احدى الجلسات النخبوية سمعت ذلك ( نخبوية يعنى طشمجية ) ولكن يبدو ان بكرى لم ياخذ كلامى بالجد( كيف كنت انا فى تلك الجلسات ) ذلك هو موضوعى وتلك هى الجلسات التى بقال فيها حتى عن باراك اوباما ومونكا لوينسكى من الهواء وايضا من الراس وحبذا لو استعان بكرى( بانور كينج) او البروف ( محمد محى الدين فى حماية الموقع)
قاسم المهداوى
| |
|
|
|
|
|
|
Re: فلنجعل تغير كلمة السر Password شعار المرحلة (Re: حنين للبلد)
|
Quote: ياجماعة
بطلوا شك..وغيروا باسوورداتكم
ااي ده بكري...فلنساعده لتصحيح الوضع وعدل المايل |
يا حنين سلامات
ياخى البورد ده كان فيه حاجات تخلع عديل اها كدى ورينا انتى حنين ولا لا
فى بوست انتى نزلتيهو عن موضوع اختلاف بين اتنين من الزملاء منو ومنو وبورداب ووووين
لكى فائق احترامى
الحبيب المهندس بكرى سلامات يا هندسه
وحمدلله على السلامه وانشاء الله لا انتا ولا المنبر ولا الاعضاء ما تشوفوا شر
كتير احترامى وتقديرى
| |
|
|
|
|
|
|
Re: فلنجعل تغير كلمة السر Password شعار المرحلة (Re: بكرى ابوبكر)
|
الجن الكلكي اللابس ملكي
مافي زول متابع الهكر كان الفترة الفاتت دي زيي وزي ود الصايم
واسه بقول ليكم ده بكري..خلاص غيروا باسوورداتكم خلينا نتجاوز المرحلة دي..
ده بكري ابوبكر...الفترة الفاتت كان مشغول واسه مشغول...وانا متاكدة مليون في المية خلاص نشوف الموضوع البعده...خلي الزول يركز في شغلوا
عاد نقعد لي جنس ده...اثبت لي واثبت ليك
كرهتونا الانصرافية زاتها
| |
|
|
|
|
|
|
Re: فلنجعل تغير كلمة السر Password شعار المرحلة (Re: عبد العظيم احمد)
|
شوف يا عبد الله أنا معاك في موضوع الأخطاء الإملائية وأوعدك بأن أخضع الباشمهمدس لدورات لغة بإعتباري مدرس سابق - دي معلومة عشان تعرف إني ما هكر - المهم هناك حقيقتان مهمتان ذكرهما بكري وهي أنني قابلته آخر مرة في شيكاغو و إنو آنا أتصلت بيه زي 3 مرات وتركت له رسائل وهي حقائق مهمة أكثر من الأخطاء
| |
|
|
|
|
|
|
Re: فلنجعل تغير كلمة السر Password شعار المرحلة (Re: حنين للبلد)
|
ـــــ السيد بكري انت قلتي مشغول قلنا نعم لكن برضو هو من حقه يضحك واكيد هو الان مع شغله والزحمة(ميت) يموت موتاً من شدة الضحك ليه ؟! لانو الناس أو كثير منهم لم يعرفو السيد بكري هو من يكتب في البوست .....
فهمت ياماما
ــ بعدين ياحنو صيغة سؤالك وكلامك دا( هرش )كدا مااااالو معاي ؟!
| |
|
|
|
|
|
|
Re: فلنجعل تغير كلمة السر Password شعار المرحلة (Re: بكرى ابوبكر)
|
Quote: فهمت ياماما
ــ بعدين ياحنو صيغة سؤالك وكلامك دا( هرش )كدا مااااالو معاي ؟! |
محمد معانا ماتغشانا
والله ياعماد عامل زي المكحل عين وسايب التاني وداير يسالو عشان يتشبك مع الناس
هيا يابا.. لاهرش ولا غيرو...دي زاتو اول مرة نتداخل مع بعض في اي مداخلات.
قول بسم الله ابوي...
| |
|
|
|
|
|
|
Re: فلنجعل تغير كلمة السر Password شعار المرحلة (Re: حنين للبلد)
|
ـــــ
Quote: والله ياعماد عامل زي المكحل عين وسايب التاني وداير يسالو عشان يتشبك مع الناس |
Quote: هيا يابا.. لاهرش ولا غيرو...دي زاتو اول مرة نتداخل مع بعض في اي مداخلات. |
منو القاليك اول مره ياحنو ارجعي لبوستك المشهور هههههههههههههههههه
Quote: قول بسم الله ابوي... |
بسم الله والحمد لله علي عودة حبيبنا بكري ,,, تصدقي انا فرحان جداً بعودته عشان كده مساهر بي مزاج رايق جداً
| |
|
|
|
|
|
|
Re: فلنجعل تغير كلمة السر Password شعار المرحلة (Re: mohmed khalail)
|
حمدالله على السلامه يا باشمهندس والله وقعت قلوبنا معاك قلنا يمكن إنت كمان إتهكرت وما قادر تدخل فى موقعك هههههههههههههه الحمدلله اللى رجعت سالما غانما ومنتظرين الأمور تهدى شويه عشان نسألك عن حاجات كده وخاصه فى الصور اللى راحت دي يعني ممكن ترجع تاني ولآ نقوم ننزلها من جديد
مع عظيم التقدير والإمتنان.
| |
|
|
|
|
|
|
Re: فلنجعل تغير كلمة السر Password شعار المرحلة (Re: اسامة الكاشف)
|
Quote: من ناحية ولدكم ولدكم مش كلنا سودانين أونلاين لكن اللفي بالك دي ما أظنها لك ودي |
هلا سمسم
في دي صدقت والله ولدنا ونص وخمسة
الغريبة سميك اسامة الفضل بتاع قرين اسبورو برضو من البطانة ريفي رفاعة
قرية ود الفضل و متزوج وعندو ولد واحد زيك كده..
مش غريبة بالله
لك وله كل الود
| |
|
|
|
|
|
|
Re: فلنجعل تغير كلمة السر Password شعار المرحلة (Re: mohmed khalail)
|
معليش يا محمد قرين أ سبورو دي شنو في الأول? بعدين إنت من وين ? و قريت وين? الزول اللي بتتكلم عنه ده وين هسع في أمريكا و لا مكان تاني بعدين زول من ود الفضل متزوج و عندو ولد و إسمو أسامة إذا في شخصية تنطبق عليها المعلومات دي يفترض آكون بعرفها رغم أنني مش من ود الفضل ولكني أعرفهم و درست مهم في المدارس أنا آسف لولا الوضع المعقد في المنبر كنت سأكون مرتاحا أكثر في الحوار معاك لكن إنت شايف الوضع براك
| |
|
|
|
|
|
|
Re: فلنجعل تغير كلمة السر Password شعار المرحلة (Re: El hadi A.bashir)
|
حنين للبلد
صباح الخير
Quote: انا حاعمل تاج وفاء واديه للمشير محمد ود الصايم "حمودي العسل سابقا" لعمله بكل تفان لصد الهجمة الغاشمة على المنبر... ولانامت اعين الجبناء |
والله النص بالنص...!!!! الحبر خلص ...والرصيد كمل تقولي لي حمودي العسل براهو.....؟
بالمناسبة.....
لازلت اشك بانو بكري وانتي وعماد الطيب برضو اتهكرتوا....!!!!
| |
|
|
|
|
|
|
Re: فلنجعل تغير كلمة السر Password شعار المرحلة (Re: بكرى ابوبكر)
|
الاخ بكري تحياتي وودي المتصلة
لقد احزاننا وألمنا ماحدث ولكن هذا شيء طبيعي يؤكد ان موقعنا قد لامس صفحة السماء علي كراسة الشبكة العنكبوتية وهناك فئة كان هذا التقدم والازدهار غصة في حلوقهم ولكن نقول لك ياباشمهندس لاتحزن فكلنا الم وحزن وشجن سكاننا منذ بداية ماحدث ولكن القافلة تسير رغم الهزيمة ونباح الكلاب..ولك الشكر والتجلة ونحن جنود الموقع ورصاصات حارقة في صدور الهكر واثني الاقتراح المقدم من قبل احد الاعضاء بان لا عيب من الاستعانة بالباشممهندس انور كينج اوغيره من المتخصصين في الحماية ... ولك الشكر من قبل ومن بعد
| |
|
|
|
|
|
|
Re: فلنجعل تغير كلمة السر Password شعار المرحلة (Re: esam gabralla)
|
Quote: فلنجعل تغير كلمة السر Password شعار المرحلة |
شعار المرحلة ..؟ والله يا بكري (قرضمتك) دي هي الجايبة ليك ولينا الهوا بعد كدا وبعد العنوان البكراوي دا .. إلا يجيب ليكم (فيديو بلوغ) حتين تصدقوهو ..
بلاي يا بكري جيب معاك (فيديو بلوغ) من (البلوقات) العندك .. بس ياريت يكون بعد سن الرشد .. يا بالعدم يكون الفيديو دا قالعين ليهو ضرس العقل .. علشان ما يضرسنا
فتاح يا عليم رزاق ياكريم .. البركة في عضمك دا
| |
|
|
|
|
|
|
Re: فلنجعل تغير كلمة السر Password شعار المرحلة (Re: عامر تيتاوى)
|
عمك عبدالله:
Quote: والبوست ورد باللغة العربية فلم يستعمل كلمة الدخول او الضغط على الرابط ادناه او حتى الاستعمال الصحيح والقول: by ;loging toالانجليزية
|
شكلك خرفت خلاص، حصل نفسك كفاية بعد دا ، تعديت عمر الانبياء. وممكن نشوف ليك شغلة في القسم الجديد للشرطة،كمفتش.
| |
|
|
|
|
|
|
Re: فلنجعل تغير كلمة السر Password شعار المرحلة (Re: عامر تيتاوى)
|
الأخ العزيز بكري
نحن معك قلباً وقالباً.
ولا يهمك ضياع أي بيانات.
نحن هنا أقلامنا مسنونة وحنستمر نكتب بأسماءنا الحقيقية وهوياتنا الحقيقية طالما أراد الله.
وحتى لو بديت من الزيرو حنكون معاك.
ومستعدين نشاركك قوتنا عشان يستمر الموقع واقف على رجليه يسمع العالم كلمة المستضعفين حتى يظل سودانيزأونلاين
صوت من لا صوت له ومنبر من لا منبر له
الملفت للنظر أن تهكير (سودانيزأونلاين) ومواقع أخرى صاحب عملية تهكير (أهل السودان) ويبدو أن وراء الأكمة ما وراءها
لكن من المؤكد أن الجهة التي هكرت الموقع لا تجيد (لغة الحوار) ولا تعترف (بالآخر) لا يردعها وازع أو ضمير أو أخلاق أو قانون فهي أصولية وصولية
لكنها في النهاية تعرف زي جوع بطنها
أن (الكلمة) سلاح أمضى من (القنلبة النووية)
| |
|
|
|
|
|
|
Re: فلنجعل تغير كلمة السر Password شعار المرحلة (Re: بكرى ابوبكر)
|
يا جماعة والله خليتونا زي الطاشمين
ياخي ادونا اي حاجة كدة نفهم الحاصل والله بي سبب المنبر دة انا شاكلت الشغل كله ودقيت اولادي يمين بالله الهكر دة انا الم فيهو علي اوريهو المكشن بلا بصلة
يا ود الصايم اعمل لي ان شاء الله مس كول عشان اتاكد ياخي الواحد ليه اسبوع سادي خشمو من الكلام لامن عفن
يا ربي الهكر دة تقع فيهو حيطة زبالة
| |
|
|
|
|
|
|
Re: فلنجعل تغير كلمة السر Password شعار المرحلة (Re: طارق جبريل)
|
و الله يا بكري الزول ده يحير
طبعا في ناس هجم حتي علي صورة البروفايل و ترك الاخرين ...يعني طرد عديل كده
و قلنا له اخير نضال الكمبيوتر و الماء البارد من ......... علي الاقل بحيد ناس من دخول الوديان
علي كل نغير باسويرد و نغير
المهم هذا لا ينفي ان المنبر كا ساحة للتواصل بدون دماء
شحتو
| |
|
|
|
|
|
|
Re: فلنجعل تغير كلمة السر Password شعار المرحلة (Re: بكرى ابوبكر)
|
سلامات وحمد لله على العودة يا ريس
بس بيني وبينك كلما نطمئن انو الموضوع انتهى يجو الناس يشككونا ويقول لينا دا ما بكري ودا ما عارف منو...
ولذلك اقترح ان يقوم البورداب الساكنين مع بكري في الولاية بتسجيل زيارة للأخ بكري عشان يطمئنوا عليه ويطمئنونا نحن كمان ولازم يتصوروا معاه لزوم التوثيق وكدا ولو في طريقة ينقلوا لينا اللقاء على الهواء مباشر عشان نطمئن اكتر
تخريمة والله نحنا لو كان بكري معنا في البلد دي كان من زمان اجرنا لينا لوري ومشينا ليه عشان نطمئن عليه ونطمئن الناس
| |
|
|
|
|
|
|
Re: فلنجعل تغير كلمة السر Password شعار المرحلة (Re: ياسر عدوي)
|
Quote: معليش يا محمد قرين أ سبورو دي شنو في الأول? بعدين إنت من وين ? و قريت وين? الزول اللي بتتكلم عنه ده وين هسع في أمريكا و لا مكان تاني بعدين زول من ود الفضل متزوج و عندو ولد و إسمو أسامة إذا في شخصية تنطبق عليها المعلومات دي يفترض آكون بعرفها رغم أنني مش من ود الفضل ولكني أعرفهم و درست مهم في المدارس أنا آسف لولا الوضع المعقد في المنبر كنت سأكون مرتاحا أكثر في الحوار معاك لكن إنت شايف الوضع براك |
أسامة سلامات
greensboro دي يا سيدي ثاني اكبر مدينة في ولاية كارولينا الشمالية حيث تعرفت فيها على الاخ اسامة الفضل عام 2003 عندما حضر لامريكا لاول مرة.وبالمناسبة اعرف الان بهذه المينة اكثر من 15 فرد من ود الفضل وريفي رفاعة على وجه العموم.
باقي المطلوب يا سيدي خلينا نتمو بي هناك
ايميلي هو
[email protected]
| |
|
|
|
|
|
|
Re: فلنجعل تغير كلمة السر Password شعار المرحلة (Re: EMU إيمو)
|
غايتو سؤال اسامة واجابة بكري
in Chicago, IL and you call me more than 3 times and you left messages thanks for it ....... but I am so bussy uploading and fixing the site
تخلي الواحد يطمئن بالجد
الف مبروك ياشباب ،اخيرا يمكننا ان ننام او نكتب بدون شد اعصاب
| |
|
|
|
|
|
|
Re: فلنجعل تغير كلمة السر Password شعار المرحلة (Re: MOHAMMED ELSHEIKH)
|
ود الشيخ كيفك شوف يا الحبيب أنا والله ما عارف أقول ليك شنو أو أثبت ليك كيف إنو أنا ما هكر أنا أمس اتصلت على عبدالله وداعة فؤ لندن لو الأخ عبدالله موجود أرجو منه تأكيد ذلك إذا عندك أي طريقة أخرى لتتأكد من شخصي فما عندي مانع و حب أزيدك من الشعر بيت أنا متأكد إنو ده بكري لأسباب استجدت قبل قليل بكري موجود و هو يقوم بواجباته هنا هناك بعض المشاكل نعم الوضع يحتاج لعمل أكثر نعم لكن بكري موجود و يصارع من أجل هذا المكان هذا مما لاشك فيه
| |
|
|
|
|
|
|
Re: فلنجعل تغير كلمة السر Password شعار المرحلة (Re: بكرى ابوبكر)
|
وكما تشرق الشمس حتماًلفجر يوم جديد.. سوف ينتصر الحق بإنسانه النبيل، وتهزم طيور الظلام البائسة. ونحن جد سعداء بالحبيب/ بكري/ ربان هذه السفينة المستقبل.. سعداء لأن هذا الحوش السوداني سوف ينضح بالحياة ليعطي لنانحن الغلابة وسائر المهمشين في بلادنا السودان ، نافذة التواصل. هذا الحوش وطن صغير لنا لنطل عبره الي الوطن الكبير ، وطن الأمة السودانية المكلومة. حقاً أنه موقع وصوت من لا صوت له كوسيلة. التحية لحبيبنا /بكري / ومجدداً تمنياتنا له بالتوفيق.. وأكيد وبأسم الجموع نقول لك: لست وحدك..لأن في بلادنا ما يستحق الحياة . ------------- عبد الناصر عبد الحميد يوسف- فريق المحس
| |
|
|
|
|
|
|
|