(عيب شبابي المارحل والله لي ذاك المحل ) إعادة تدوير لبوست قديم

مرحبا Guest
اخر زيارك لك: 03-28-2024, 04:45 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الرابع للعام 2008م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
09-29-2008, 01:58 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
(عيب شبابي المارحل والله لي ذاك المحل ) إعادة تدوير لبوست قديم

    (لادنيا لادين لاعمل..
    يانور هى يانور هى يانور..)
    إستغاثة ود الماحي اعلاه تطفر الدمع من العيون..
    واسمعها فاتحسر على حال من نفذ عمره ولم يكن له عملٌ صالح وخسر الدنيا والدين .
    واسال الله ان اكون من الذين يستمعون احسن القول فيتبعونه..
    من الصباح صحيت وانا اردد المقطع اعلاه من مدحة اولاد حاج الماحي ..قلتُ في نفسي الله يطراك بالخير يا محمد عبد الرحمن)..
    فقد كان المديح ملازماً سيارة اخونا محمد عبد الرحمن ومنذ ان وصلت الدوحة..
    لااعتبر مدح اولاد حاج الماحي هو مجرد مديح لذات النبي الكريم ولآل بيته وصحبة الميامين
    المتأمل لقصائد حاج الماحي رحمه الله يجد ان الماحي يحب النبي ومدينته محبة سودانية خالصة لوجه الله ..
    لاتكاد تفرز محبته من محبته الى ربوع السودان ومشائخهم..
    يرى في كل شي حوله شوق الى الرسول الكريم..
    ولذا كانت ملامح السودان الجغرافية في ثقافة ود الماحي جزءا من ادب المديح عنده..
    تلكم كانت بدايات محبتي لقصائد ود الماحي..
    كان والدي اطال الله عمره كثيرا مايحدثنا عن المحطات النائية التي عمل بها في سكك حديد السودان..
    يبدا الحكي عن قفارٍ وقرىً يقول اننا مكثنا فيها زمانا وينتهي من الحكي تاركا فينا خيطا رفيعا من الاشواق الى تلك القرى والقفار..
    ومع الاذاعة يتمتم بمدائح اولاد الماحي ذاكرا اسماء لمدن وقرى ووديان ودورب ..
    فيما بعد وبتلقائية تامة ربط ذهني مابين اشواقي الى المدن والقرى السودانية ومحبتي لابي ومابين اشواق حاج الماحي السودانيةالفضاء والمزاج للرسول الكريم عليه افضل الصلاة واتم التسليم..
    ومحبتي لاولياء الله في سائر السودان..
    الكاسنجر وطابت وام مرحي ودوائر الصوفية في الخرطوم وطيبة الشيخ عبد المحمود والشيخ عبد الباقي ..
    النداهات الى الصالحين التي اوردها في مدحة التمساح اورد فيها مشايخ واولياء الله في شمال السودان وقرى النيل الشمالي قاطبة:
    يقول حاج الماحي :
    شي لله ياهل الدايرة يالفي الكون اسراركم سايرة
    ارخو السر في السحرة الغايرة خلو السر تتصبح نايرة..
    شي لله يا عبد القادر محي الدين البحر السادر
    ياود زينب قومي لي مبادر.. وياود حاج قول جيتم حاضر
    شي لله يا راجل البركل ياقايم باليل مابتكسل ..
    ياعايم بالله توكل وقول لي الدود من بلدي اتوكل..
    يا ياسيت ياود حميدة يا اهل القبة الباقية فريدة
    انتم ما تباطيطو اكيدة مابتغلبكم هذي الصيدة
    يالزرق ابوات والحاج موسى يالكمل المافيكم دوسة
    البلد الكانت محروسة حجر العوم والناس محبوسة
    يا اهل الركب الفات بي ليلو
    ومافيكم واحدا شاد حيلو
    احمد واحمد شيلو ود عدنانا فوق راسو اديلو..
    يالفكي شيخ العبد الصالح ولحاي في بحر المالح
    ود بيلي وعبود الصالح وين وين حاج موسى القدر الطالح
    يارجالة نوري اتلمو
    خلو الغفلة جميعكم هِـموا
    محمد صالح قام بي عمو لطم الدود بي السر فوق فمو
    يابحمد تب نايب اشسوكة وصاحب سر ايدك مبروكة
    يابنيران الحق ناب ابوكا ..ِهم ياشيخ الناس زموكا
    يابشارب واولادوا الستة امانة عليكم ليش ها السكتة
    اسمع ياشيخ القول ليك انتا جرت الحين في بلادكم نكتة
    ويبدوان طرفةً قد سارت ايامها في قرية الشيخ ابشارب ايامها بخصوص ذلك التمساح
    ياود جابر ليك بنادي وقوم بي اخوانك لي البولادي
    ياالعجمي اب زقا صيادي اخذو الشكرة العادي العادي
    يا ولاد جابر بي عجميكم قوموا الخمسة واكطربوا سريكم
    نادوا ابرابعة وخلو يجيكم وقتل الدودمو قاسي عليكم
    ياوراق جن حوباتك وفي التمساح بين اياتك
    خلي يصوي من بلداتك ولايتمسخر في زوراتك


    ومن ثم ينتقل حاج الماحي بعد هذه النداءات البليغة الى فرسان الحلال والقرى
    شي لله يا رجالتنا
    شرف الدين فرسان ازمتنا
    صالح السلمي
    ومن ثم بجاه النبي يستجير..

    الى اخر المدحة المليئة بالبلاغة والصور الذهنية متعددة الملامح

    يذكر حاج الماحي رحمه الله في مدحة (البشير)
    اسماء مدن من بداية ديار الجعليين وحتى ارقو في اقاصي الشمال
    كافة الجزر والحلال والشياخات..
    في مودة وتصالح تام رابطا بينها وبين محبة الرسول الكريم..
    ذلك ماشغلني لامادٍ طويلة ..
    ولا ازال عاجزا عن شرح الشعور الملازم لتلك المدائح..

    لازم المديح دارنا طويلا ..
    وصارت الـمَــدَّة التي في صوت اولاد حاج الماحي جزءا من احساسي تجاه المديح..
    كان الحزن هو السمة الغالبة للمادحين من اولاد الماحي ايامها..
    التلاتة الكانوا بمدحو دوما عبر التلفزيون ..هم اصحاب الانبطاع الاول عن ولاد الماحي..
    كان اوسطهم بملامح محببة الى ذوي النفوس الطيبة..
    كانوا وقورين ومن شدة محباتهم كان يتصبب العرق منهم..
    الصوت عندهم لايخرج إلا وترافقها همهمات وانات تعرف من خلالها ان المادحين هم اولاد الماحي ليس غيرهم..
    يقول حاج الماحي في القبة البلوح قنديلا..
    القباااااااااااااا البلوح قنديلا شوقي وحساري الليلة..
    هذه المدة في الإلف هي التي كنت اميز بها اولاد الماحي ..
    آآ الاشواق هذه هي الميزة ..
    وكما ان في الحنين حائها فان للاشواق عندي الف تمتد فتنطق( آآآ) واحسن من قالها ونطق بها اولاد حاج ا لماحي ..
    ومن ثم التمتامين من عباد الله
    فالتمام عندي في زمرة المحبين وكاتمي الاشواق..
    وكلما قل الكلام كُتمت الاشواق..
    والبكم قمة البلاغة والحنين ..ووالله مانظرت الى ابكم إلا ودمعت عيناي..
    وعودةالى مدة الالف في مدحات اولاد الماحي..
    وهي مدة وان لم تكن في غالب قصائد حاج الماحي فهي ليست في قصائد غيره
    اي انها كانت بينة تثبت ان القصيدة لود الماحي ولكنها لاتنفيها عنه..(بينة اثبات لانفي)
    فيما بعد ومع امتداد المحبة بامتداد العمر، اكتشفت ان حاج الماحي كان رجلا بليغا جدا ..
    وعارفا بالله وباحوال خلق الله وبالبلاد..
    وطبائع البشر..
    كانت الوصوف في قصائدة بالغة الدقة، سديدة الفكرة،سهلة الادراك، صعبةالمنال، واشواقها قاصدة..
    في وصف مباهج المراة ، لم اجد ماهو اشد بلاغة من حاج الماحي في مدحة طه المنومسة ..
    يقول حاج الماحي:
    ولبسانا عالي ومخللو النجاد

    كل وادا قسمو الفين حورية انداد

    شبشوب النهاد جايات على المشهاد

    فلغتهن مضغة مافيهن عضمن زاد

    سابلات شعورن ماتحرصقن قرقاد

    طاسة وجوهن وعلى القمر تزداد

    كاحلات عيونن غير جره المرواد

    قمقم نخريهن واذنيهن موعراض

    صبغة خشومن من حكمةالمجاد

    واسنانهن فضة بيضون في الفؤاد

    وبلغمهن عنبر ونفسهن الجلاد

    وصباحن سمبل وعرقهن الزباد

    وقزازرقابن ماهن قصار اوتاد

    ليناتايديهن مافيهن الفصاد

    ضخمات صدورن واكفالهن قعاد

    ضامر حشاهن مادنقرن في زاد

    سمحات قدومن مو مدبلبات غلاد

    وكدي فوق قدومن مو مدبلبات غلاد

    ماراحن حشن مافزعن في بلاد

    للنار ماكاسن ماخمن الرمادو

    ماغزلن نسعة ماضفرن القاعاد

    لاحظ التسلسل من فوق لي تحت..
    والوصف الغارق في محليته الوصف بيها حور الجنان

    محبة حوريات السماء بآمال سودانية خالصة..سودنة لي نساء الجنان الماجدات..
    مديح يخليك تحب النبي والسودان بما فيه ..
    فوااسفاً على الذين قضو شبابهم ولم يرحلو بعد لذاك المحل..
    إن محبتي لاشواق اولاد الماحي هي من محبتي للبلاد وقراها وللرسول عليه افضل الصلاة والسلام..
    في خواتيم هذا الشهر الكريم نساله اللهم ان يجعل الرسول الكريم شفيعنا ..
                  

العنوان الكاتب Date
(عيب شبابي المارحل والله لي ذاك المحل ) إعادة تدوير لبوست قديم DKEEN09-29-08, 01:58 PM
  Re: (عيب شبابي المارحل والله لي ذاك المحل ) إعادة تدوير لبوست قديم عمر صديق09-29-08, 02:09 PM
    Re: (عيب شبابي المارحل والله لي ذاك المحل ) إعادة تدوير لبوست قديم DKEEN10-08-08, 09:53 AM
  Re: (عيب شبابي المارحل والله لي ذاك المحل ) إعادة تدوير لبوست قديم humida09-29-08, 02:09 PM
    Re: (عيب شبابي المارحل والله لي ذاك المحل ) إعادة تدوير لبوست قديم عامر تيتاوى09-29-08, 02:27 PM
  Re: (عيب شبابي المارحل والله لي ذاك المحل ) إعادة تدوير لبوست قديم osman righeem09-29-08, 11:46 PM
    Re: (عيب شبابي المارحل والله لي ذاك المحل ) إعادة تدوير لبوست قديم Emad Abdulla09-30-08, 00:08 AM
  Re: (عيب شبابي المارحل والله لي ذاك المحل ) إعادة تدوير لبوست قديم حمد فتح الرحمن09-30-08, 00:28 AM
  Re: (عيب شبابي المارحل والله لي ذاك المحل ) إعادة تدوير لبوست قديم عصام علي أحمد09-30-08, 00:35 AM
  Re: (عيب شبابي المارحل والله لي ذاك المحل ) إعادة تدوير لبوست قديم DKEEN10-02-08, 08:56 AM
  Re: (عيب شبابي المارحل والله لي ذاك المحل ) إعادة تدوير لبوست قديم محمد أبوالعزائم أبوالريش10-02-08, 10:12 AM
  Re: (عيب شبابي المارحل والله لي ذاك المحل ) إعادة تدوير لبوست قديم محمد أبوالعزائم أبوالريش10-02-08, 10:12 AM
    Re: (عيب شبابي المارحل والله لي ذاك المحل ) إعادة تدوير لبوست قديم سمية الحسن طلحة10-08-08, 00:26 AM
  Re: (عيب شبابي المارحل والله لي ذاك المحل ) إعادة تدوير لبوست قديم ملكة سبأ10-08-08, 08:21 AM
  Re: (عيب شبابي المارحل والله لي ذاك المحل ) إعادة تدوير لبوست قديم محجوب البيلي10-08-08, 09:00 AM
    Re: (عيب شبابي المارحل والله لي ذاك المحل ) إعادة تدوير لبوست قديم Ahmed Yousif Abu Harira10-08-08, 09:47 AM
      Re: (عيب شبابي المارحل والله لي ذاك المحل ) إعادة تدوير لبوست قديم أيزابيلا10-08-08, 10:06 AM
  Re: (عيب شبابي المارحل والله لي ذاك المحل ) إعادة تدوير لبوست قديم Hatim Yousif10-08-08, 10:18 AM
    Re: (عيب شبابي المارحل والله لي ذاك المحل ) إعادة تدوير لبوست قديم Emad Abdulla10-12-08, 06:42 AM
      Re: (عيب شبابي المارحل والله لي ذاك المحل ) إعادة تدوير لبوست قديم موسى الحسين سيد أحمد10-12-08, 12:58 PM
  مؤلم .. كالعادة samo10-12-08, 01:45 PM
    Re: مؤلم .. كالعادة DKEEN10-12-08, 09:49 PM
  Re: (عيب شبابي المارحل والله لي ذاك المحل ) إعادة تدوير لبوست قديم عبدالوهاب علي الحاج10-12-08, 05:22 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de