|
بطاقات معايدة للاحبة...
|
مناسبة للتصالح والتسامح والتصافى...
رسائل محبة لاصدقائ فى كل انحاء الدنيا...
احبكم..
كل زول ممكن يرسل بـطاقة محبة عبر البوست لمن يحب..
|
|
|
|
|
|
|
|
Re: بطاقات معايدة للاحبة... (Re: Amira Elsheikh)
|
اميرة الشيخ
عيد سعيد و تقبل الله منا و منكم صالح الاعمال
عبر بوستك ارسل بطاقة معايدة و تهنئة لكل من اعرف .. من احب و من لا احب
عيد الله اجل من ان احتكر دعاويه لمن يوافق هواي
يا كل الذين اعرفهم ..
العيد مبارك عليكم جميعا تقبل الله صيامكم و قيامكم و تجاوز عن سيئاتكم
| |
|
|
|
|
|
|
Re: بطاقات معايدة للاحبة... (Re: حمور زيادة)
|
Quote: اميرة الشيخ احرجتينا بفتيشك لسامي في الفيس بوك |
يعنى مصر ترجع احراجك؟؟
اسى الاحرج اخو منو ؟؟؟
لو ماغيرت الصورة انا ماحا كتب ليك تهنئة بمناسبة العيد فى حيطتكم
لانى من بكرة شايلة طبشيرتى وحايمة بحيط الفيس بوك
الدنيا قبايل عيد النبى تغير الصورة ..
| |
|
|
|
|
|
|
Re: بطاقات معايدة للاحبة... (Re: Amira Elsheikh)
|
كل عام وانت بالف خير يا اميرة الشيخ يا صحبتنا زمان ....
اخبارك وين انتى ....
وعبرك ارسل تحياتى وامنياتى الى كل الاصدقاء فى المنبر
واتمنى ان يكون العام القادم كل مشاكل السودان انتهت ....
واعاد الله غربتنا وغربتكم ....وان نلتقى فى وطننا وان يكون خير البلاد ...
| |
|
|
|
|
|
|
Re: بطاقات معايدة للاحبة... (Re: عاصم ابوبكر حامد)
|
Quote: كل عام وانت بالف خير يا اميرة الشيخ يا صحبتنا زمان ....
اخبارك وين انتى ....
|
عاصم ابو بكر..
ياخ صاحبتكم زمان واسى وبكرة .....
زمااااااااان دى حرقتنى لكن الدنيا قبايل عيد مسامحنك
اها انت وين اراضيك برضك مشرد زئ؟
كل سنة وانت طيب
| |
|
|
|
|
|
|
Re: بطاقات معايدة للاحبة... (Re: Maawya Hussein)
|
للوطن المثقل بالجراح.. امنياتي بان ينتهي المك..
للشهيد شقيقي.. شكرا يا فخرنا..
لوالدي الصالح.. افتقدك كثيرا..
لأهل دارفور.. ربنا يرفع عنكم الأذي ويرجعكم لدياركم سالمين..
لأمي.. ربنا يطول في عمرك يا اغلي من الدنيا..
لآيه حبيبتي .. بحب ياسين زيك..شكرا لاحضار ياسين نورا لحياتنا..
لكل اهل المنبر..اعضاء وزوار.. عيدكم سعيد..
لأميره.. صرخه ووضع ذراعين علي الراس مع قفزه يعقبها..
وووووووب علي!
مشتاقين ياحلوه
| |
|
|
|
|
|
|
Re: بطاقات معايدة للاحبة... (Re: Muna Khugali)
|
منوية....
ربنا يخلي ليك كل البتحبيهم ...
بوسة كبيرة ليسن وامنيات لاية بالصحة والعافية...
تتخيلى يامنى محتاجة اصرخ وانطط فى شوارع عرفتها والفتها
محتاجة اتامل فى ملامح ناس احس باوجاعهم من غير ما يحكو عنها
افتقد ضحكة انعام حيمورة...
افتقد سخرية كابو واستهبال قرمبوز و ووووووو
| |
|
|
|
|
|
|
Re: بطاقات معايدة للاحبة... (Re: khaleel)
|
Quote: الي كل الاهل بالجزيرة وامدرمان وبورتسودان والعالياب وسنار ورفاعة وبحري
|
والنيل الابيض ياخلى...
من القطينة ولحدى تندلتى مرورا بالرقيق واللوج والشوال الدويم
واييييك
| |
|
|
|
|
|
|
Re: بطاقات معايدة للاحبة... (Re: Amira Elsheikh)
|
Quote: اميرة الشيخ احرجتينا بفتيشك لسامي في الفيس بوك رسلت ليك ترشيح صداقة ليو suggestion اقبليو سامي الجن بيبقى عندك
خلاص ما تدوشينا |
يا زيادة خلي بالك الزولة دي النوع الشغال رفض لي اي حاجة بتجيها خليك من السقست بتاعك انا عملت ليها ريكوست ادييييل لي الان ما اشتغلت بي الغريبة قالت بتفتش لي..والله شكلها الزولة دي بتفتش في فيس بوك دوت اورغ ـــــ
البرنسيسة ياخ كل سنة وانتي طيبة والسنة الجاية كدا علي امنياتك اعفصي هنـــــــــــــــــاعشان نقصر عليك الدرب
___________ تخريمة بعد اذن صاحبة السمو: يا معلم اعيادك كملت ولا شنو شايف الجماعة طلبو حائط صد وصاحبك دخل في الموضوع للضمان كدا:عيد الشرطة
| |
|
|
|
|
|
|
Re: بطاقات معايدة للاحبة... (Re: Amira Elsheikh)
|
بطاقات معايده بدون القاب
الي أميرة الشيخ لاتاحة الفرصة
الي انعام حيموره الي سمرية الي خالد ماسا
وجدتهم اليوم يحملون علي اعناقهم كراتين المساعدات الي اطفال دار المايقوما
و الي بورداب الدوحه و علي رأسهم اميرة الشيخ و الي بورداب الامارات و علي راسهم رانيا قاسم و نعمات حمود الذين جعلوا ماحدث ممكنا و الي كل من ساهم في هذا و هو لا ينتظر مني أو من غيري ثناء أو شكر فأجره عند الخالق سبحانه و تعالي
| |
|
|
|
|
|
|
Re: بطاقات معايدة للاحبة... (Re: osman righeem)
|
الاخ عثمان رغيم...
كل سنة وانت وهى طيبين وقادرين على الدنيا دى
اجازة طيبة اتمناها لك...
وايضا تحياتى لبورداب الامارات واخص اصدقائ ودالبشرى..نهال كرار..عصام
ابوصلعة وهيثم الغياظ...
وعبرك امنياتى لبورداب الخرطوم ...
| |
|
|
|
|
|
|
Re: بطاقات معايدة للاحبة... (Re: عامر تيتاوى)
|
Quote: مناسبة للتصالح والتسامح والتصافى...
رسائل محبة لاصدقائ فى كل انحاء الدنيا...
احبكم..
|
الأميرة ... تسلمي ... وكل سنة. أعجبني إستهلالك, لكونه يعكس ملامح قوية من شخصيتك الكريمة, فمن يسعى للتصالح والتسامح والتصافي, فهو ولا شك إنسان متوازن ومحب للخير وللناس.
فأهديك بهذا أولى بطاقاتي للمعايدة.
... ولي عودة
| |
|
|
|
|
|
|
Re: بطاقات معايدة للاحبة... (Re: HAYDER GASIM)
|
Quote: فأهديك بهذا أولى بطاقاتي للمعايدة.
|
الاستاذ حيدر قاسم....
كل سنة وانت طيب وحضورك يضفى على المكان الكثير...
امنياتى لك بكل ماهو جميل...
وانا اهديك بـطاقة محبة اولا وبعدها بطاقة معايدة
ودى وتقديرى..
| |
|
|
|
|
|
|
Re: بطاقات معايدة للاحبة... (Re: sami Alzubair)
|
الى والدى متعهما الله بالصحة والعافية
الى كل زملاء وزميلات الدراسة والعمل
الى كل من اجبرته طروف الحياة الى مفارقة الاهل والاحباب
بطاقة عيد للاخت اميرة
وبطاقة اخرى لكل عضاء الموقع وعلى راسهم الباشمهندس بكرى ابوبكر
وبطاقة اخرى الى كل الذين حرموا نعمة الامن والامان فى بلادى وسائر بلاد المسلمين
الى كل فقراء بلادى
الى كل من حمل لقب سودانى فى الشمال ،الجنوب،الشرق،الغرب والوسط المهمشوو ماعندو وجيع لهم ولهن جميعا عيد سعيد
| |
|
|
|
|
|
|
Re: بطاقات معايدة للاحبة... (Re: محمد فضل الله المكى)
|
Quote: القابله عروس إن شاء الله
|
جنابو محمد فضل الله...
غايتو مافى زول قريب دا قال انشاءالله عروس الا انت
يكون مالى يارب???
غايتو للضمان كدا امين ومعزوم العقد مقدما وناجية عليها العصيدة
بملاح النعيمية وطارق يدق الصيوان ويقدم الحفلة..
تانى فى حاجة ناقصة?
| |
|
|
|
|
|
|
Re: بطاقات معايدة للاحبة... (Re: Mohamed Khalid)
|
Quote: وبطاقة اخرى الى كل الذين حرموا نعمة الامن والامان فى بلادى وسائر بلاد المسلمين
الى كل فقراء بلادى
الى كل من حمل لقب سودانى فى الشمال ،الجنوب،الشرق،الغرب والوسط المهمشوو ماعندو وجيع لهم ولهن جميعا عيد سعيد |
عيد سعيد ليهم وليك يامحمد خالد...
اتمنى ان نلتقى جميعنا يوما وزمان ما فى وطن
ماااااهل اسمو السودان...
بلد كل يوم بتشرد فيهو زول ...
نحلم ونتمنى عسي ولعل..
| |
|
|
|
|
|
|
Re: بطاقات معايدة للاحبة... (Re: عصام علي أحمد)
|
Quote: وعبرك ارسل بطاقة معايدة لكل الاحبة بالدوحة
|
عصام انا رسلت ليك تهنئة عبر مداخلة
عثمان رغيم وما تسالنى قلت شنو...
غايتو الحمدلله ولدك بشبه امو عشان كدا ممكن نديكم
بتنا ونحن مغمضين...
كل سنة وانت واسرتك بالف خير..
| |
|
|
|
|
|
|
Re: بطاقات معايدة للاحبة... (Re: Amira Elsheikh)
|
Quote: طارق جبريل الحااااااااااقد
قالو العيد في المغرب اجلوهو لشهر تلاته
وين صديق الموج ما ظاهر ؟
|
يا ود زيادة اقول ليك شنو لي هس ما عارفين عيدنا يوم الاربعاء ولا الخميس هسي نحن لسة صايمين المغاربة ديل فاتوا الفلاتة والله
كل سنة وانتو بالف خير ياخي
| |
|
|
|
|
|
|
Re: بطاقات معايدة للاحبة... (Re: محمد سنى دفع الله)
|
Quote: كل سنة وانت الجمال كلو لكل الأحبة الذين نصطفيهم محبة ابدية
|
استاذى السنى...
رايك شنو فى بطاقة واحدة عليها توقيعنا الاتنين
الى الذين نصطفيهم...
مصطفى احمد الخليفة..
جعفر سعيد الريح..
سلمى الشيخ سلامة..
محمد عبدالرحيم قرنى..
الرشيد احمد عيسى...
وكل الجميلين الهناك
| |
|
|
|
|
|
|
Re: بطاقات معايدة للاحبة... (Re: Amira Elsheikh)
|
لأمي ... كل سنة و انت طيبة و منورة حياتي بدعواتك و طيبتك
لأهلي و أحبابي و أصحابي ... كل سنة و انتو طيبين و ملمومين و متهنيين و الله لا يحرمني منكم و بلاكم حياتي خلا
ليك يا أميرة .. كل سنة و انتي بألف خير و القابلة على امنياتك
للبورداب و للقراء، كل سنة و انتو طيبين و أيامكم ديمة فرح
| |
|
|
|
|
|
|
Re: بطاقات معايدة للاحبة... (Re: عزاز شامي)
|
Quote: لأمي ... كل سنة و انت طيبة و منورة حياتي بدعواتك و طيبتك
|
عزاز العسل....
وانا كمان برسل امنياتى لامى ولاول مرة فى حياتى عيدين واكون بعيدة
من حضنها ومن دعواتها كل صباح...
العيد هنا ماعندو طعم ياعزوز طالما انك محروم من اعز الناس..
بطاقة معايدة خاصة جدا ليك ياعزوز ولروحك الحلوة..
| |
|
|
|
|
|
|
Re: بطاقات معايدة للاحبة... (Re: سلمى الشيخ سلامة)
|
Quote: اميرة بت ابوى كل لحظة وانتى بخير عليك الله امشى بيت حسان اخوى فى الدوحة تلاقى معاهو عفراء اختى عيدى لى عليهم
|
سلمى الحبيبة....
رغم العشرومية عيد القضيتهم فى بلاد العجم انا متاكدة انو حنينك
لعيد فى حوارى وازقة امدرمان لايضاهيه حنين...
عيد بخيت وسعيد عليك وعلى عزوز وربنا يخليكم لبعض..
بس ادينى تلفون حسان وخلى الباقى على..
| |
|
|
|
|
|
|
Re: بطاقات معايدة للاحبة... (Re: Omar Bob)
|
Quote: لد. منال زوجتي ........................................كل عام وانت حبيبتي |
منال..
عمر...
لين....
باسل....
كل عام وانتم اصدقائ واحبتى...
كل عام وانتو جميلين ومتاحبين ...
الان فقط تاكدت ان العلاقات الانسانية لا تقاس بعمرها الزمنى
بل بما هو اعمق بكثير......
دائما فى المحكات الحقيقة يخزلنى التعبير وخصوصا اذا المقام مقام محبة
واصدقاء...ضعيفة انا امام اصدقائ واحبتى....
كل عام وانتم بخير...
اليوم يصادف عيد ميلاد زواجكم...وتبقى التهانى مضاعفةوكذلك الامانى والمحبات..
ربنا يخليكم ويحفظكم ...
| |
|
|
|
|
|
|
Re: بطاقات معايدة للاحبة... (Re: معتصم ود الجمام)
|
ألى الغالية سـت الحبـــــــايب ألى والدى الأستاذ مصطفى عبد العال ألى إخوانــــــى أخواتــــــــى ألى الغالـــية أميــــرة الشيـخ ألى جميع الأهــــــل بالســـودان ألى أسرة سودانيز اون لاين فى كل بقاع الأرض أليكم أحبتى كل عام وأنتم بالف خير وصحة وعافية
| |
|
|
|
|
|
|
Re: بطاقات معايدة للاحبة... (Re: ناجية مصطفى)
|
اميرة بوست ومبادرة تحاكيك تحاكي روحك الوثابة لنشر الخير والفرح دمتي بعافية وكل سنة وانتي بألف خير
فالعيد عزيزتي رغم الجراحات والألم هو تذكرة لنا بان الفرح والامل هما سنة الحياة وملحها وان وراء التلاقي والحس الاجتماعي تكن الرغبة في عيشها وتذوق طعمها
وعبرك تحية خاصة لاهلي في الخرطوم ووسط السودان وقد اصبحوا غرباء في ديارهم بعد ان استبيحت كرامتهم واموالهم وارثهم
وسلام عليكم سلام عليكم أهلي في دارفور ..... ومعاناتكم من اجل البقاء والعيش بكرامة قد طال امدها ولكم أهلي في الجنوب وانتم تعانون الفقر والجهل والمرض على الرغم من اقتسام السلطة والثروة
والشرق والغرب والشمال
وإلى جموع العاطلين من الشباب وقد وئدت كرامتهم وحقهم في التطلع للمستقبل وإلى جميع نساء بلادي ......نعلم كم المعاناة ... تنوع اشكالها وتعددها ولكن انتم املنا لزرع العيد الامل التفاؤل
| |
|
|
|
|
|
|
|