عازف الكمان المجيد والمغني المستشرف (أحمد باص)

Quote: [من زمن وانا اعدي على البوست المليان شجن وكل ما احاول اقول كلام يغلبني تقيف الحروف معاندة شنو الممكن اتكتب عن ناس عزاز بالحيل الصورة الفوق دي يياموصلي فجرت فينا شوق وذكريات العمر وبكيت زي الطفل المحروم عثمان مبارك الجنتلمان الرقيق الزول الفاهم اشوفو بعد السنوات دي كلها والزمن شال منو شعروا ميكائيل من مصر ما اتلاقينا كان نحلة يعمل بكل صبر واخلاص مع كل الفنانيين ليظهر عملهم بصورة جميلة واحمد باص من جو من نيالا كانوا نتاج موهبتهم وشغل المراكز الشبابية لكنهم لفتو اهل السودان كلوا على اغاني الغرب وصنعزا لنفسهم نجومية لا تأفل كانوا وما زالوا نجوم متألقة في سماء الوطن لهم محبتي ولك يوسف مودتي

Quote: سلام يا موصلي وسلام لزوارك الكرام زي السني و هلالي وعفاف الصادق وباقي الموسيقيين والهواة الافاضل. طيب ياخي أنا مشكلتي مع هذا الفنان إنو إسمو أحمد باص وبيعزف كمان. إنتو قايلين دا ما بيلخبط؟ يعني أصل اللقب وين؟ هل هو عزف سيللو ولا واقف محلو؟ هل عزف باص فيولين ولا عندو أعداء محتملين؟ ورونا بالظبط. معليش الصيام طلع لي في راسي وكدا. بعدين أنا معاي هنا عمر منصور وأضاني مليانة كمان وكمان بس يا ريت تجيبو لينا أمازج أقصد نمازج من أعمال أحمد باص ولكم جميعكم حبي واحترامي ولا يظنن أحد أنني " أتريق" على أحد..

(عدل بواسطة Elmosley on 09-05-2009, 10:03 AM)

Quote: يااااااااااااااااااااااااااااااه معقوله د عفاف بت الصادق حمد النيل!!!!!! اها هلا هلا هسع يخاووك بي وين بالمعهد بالاذاعه بالتلفزيون بالابداع بيكي بي سكينه بي ابوعركي بي اولادك بي اولادي عيييييييييييييييييييك المهم احمد باص متابع البوست ده باهتمام شديد لكن انا بمجرد ان تصبح الواطه بكلمو و طبعا حيقول لي بي صوتو التخين داك ياخ معقول سلام يغشاك آختنا العزيزه المرهفة ولي عقابك ولاخي العزيز المبدع الكبير ابوعركي الذي لدي نية كبيره عندما ازور السودان في نهاية هذا العام آن اغافلو واعضيهو في اصبعو كل المحبة

Quote: أنا عفاف الصادق بابكر .. وليس عفاف الصادق حمدالنيل .. انتهز الفرصة الكريمة .. واحي الاستاذة عفاف الصادق حمدالنيل .. والمبدع دوماً الاستاذ ابوعركي .. وتحياتي للاخ الكريم أحمد باص .. بت الصادق بابكر .. ..

(عدل بواسطة Elmosley on 09-08-2009, 02:11 PM)
(عدل بواسطة Elmosley on 09-08-2009, 02:15 PM)