كتب الكاتب الفاتح جبرا المتوفرة بمعرض الدوحة
|
Re: واخيرا ظهر عمر بانقا بصوته الحنين الرويان (Re: إسماعيل وراق)
|
ما ظهر يا الموصلي
وكمان بالمرة صحي لينا هادية والسقيد الاتنين ديل طعم الغنا زاتو... وكريم الكلام الطاعم...
ياســــــــــــــــــــــــــــلام
مرات براي كده اتخيل السقيد بالعود وشرطا بالعود وهادية بيغنو سوا ... فالعود عند السقيد ولا اشطر اوركسترا والصوت عند هادية تريان وواثق ووحلو...
كدي اتخيلو معاي الاتنين يغنو رجعنالك وكيف نوصف رجوع القمرة لي وطن القماري بايقاع دليب خفيف انشاء الله في تربيزة وصوت وتر حاد من السقيد ..مع صوت كمبارس خفيف فيه بنتين وتلات اولاد..
والله يا جماعة حاجة زي دي واحشاني لما جايبا لي الهم
لا حولة..
ويا رب اللوتري تجيب لنا فيزا عشان امشي اسمع الفي راسي ده كلو
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: Elmosley)
|
مرحب بالفنان عمر بانقا وشوشناالعبير بانضمامك للبورد وسعدنا باول اشراقات عام البوردالجديد وفى انتظار بقية الكوكبة استاذنا الموصلى عدمعاى اول خبطة فنية فى العام الجديد وهكذا انت جميل وتزداد تألقا عبر بوستاتك كل سنه والجميع بخير
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: عمر بانقا)
|
الله لا عاد ايام ارنب نط وعينك الساعه 12؟؟؟ ونمره كامله عد؟؟ والله حكاية فارايه؟؟ وحمرة الشيخ والابيض والمطره ونحن الطيور ايها الانسان وقبلها الخور الابيض؟؟ والمناقل وما ادراك ما المناقل؟؟؟ وبورتسودان؟؟؟؟ والكشافه البحريه؟؟ ومدنى؟؟؟؟ والخرطوم شرق؟؟ والقياده العامه؟؟؟ ونادى الضباط؟؟ وشوية مداوسات فىبعض العروض؟؟ دى بعض من الايام الشينه السمحه؟؟؟ ولكنك كنت فى منظومه جميله لها وجه اخر تحدى وكابد كل الصعاب وغنيت وابدعت واسست لمدرسه ضريت فى جذور الحقيقه وصارت مثلا يحتذى به ومضربا للامثال افتقدك صديقى وافتقد فيك الوجعه والفزعه كنت انوى ان ارسل لك هذا الكلام فى الماسنجر الخاص ولكنى اثرت الاعلان حتىتشبع احشائنا الجوعى للقاء وصفاء جلادى اصيل فيه كل الوان وانواع العطور عمريه وحمزاويه وافتقدك طياره؟؟ تقف جوار شريف؟؟ وتتمر لى صولو؟؟ ليس كما احمد مظهر؟؟ ولا تكل تكل؟؟ ولكن بصوت اصيل قوى جميل الحمد لله الذى سخر لنا هذا حتى نتواصل ولنا لقاء فى ال14 او بانت شرق والله العمارات اقول ليك نمره 2 والله السجانه وكل الذكريات الجميله ليك التوفيق فيما تصبو اليه وسلامات الى باسل وام باسل وبشار اخوك انور
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: anwar abu gaidaa)
|
أهلا بالرائع الشفيف عمر بانقا ماردونا عقد الجلاد كما كنا تسميه وشكرا للموصلي الرائع الفنان على نجاحه في استقدامه لهذا البورد الذي يؤكد كل يوم أهميته وجدواه.
وما تنسى يا أنور كذلك بيت شارع البلدية وصوت الطمباري عمر يسافر فينا ويملؤنا بالدهشة والحنين.
مرحب يا عمر وكل التحايا لآمنة والأولاد الذين لم نحظ بلقياهم بعد وتلفونك لو سمحت
دالــي رحمة الله الحبوب
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: عمر بانقا)
|
وين مشى ترحيبي الطويل بعمر بانقا وبوحي الحميم ليه . قعدت اكتب فيه زمن من ليلة امبارح . معقول أكون ختيته في بوست تاني ؟ المشكلة يكون ضاع ولا اتمسح . صراحة شديدة ما بقدر اكتب واحد زيو تاني . أنجدوني عليكم الله البلقاه في أي حته يرجعوا لي هنا .
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: عمر بانقا)
|
عزيزى عمر بانقا رغم انه الترحيب بيك جاء متاخر لاطلاعى على هذا البوست الان لكن اقول ليك الف مرحب بيك وحليلك وحليل ايامك وفرقة الشباب فى عروس الرمال الذاهية وحفلاتنا الصباحى فى بـارةوايام لاتنسي والف مرحب ولنا لقاءانشاء الله والحى بيلاقى ياعمر وتحياتى لك ولاسرتك
مـدام شامى
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: عمر بانقا)
|
ياااااااحليلك يا عمر . كم أشتاقك . وكم أتحسر على غياب صوتك عن "عقد الجلاد" . دعني أتكلم بصراحة : لقد عاديت جداً انضمامك إلى مجموعة عقد الجلاد ، كنت حيينها سياسياً متشدداً وغبياً ، وكنت أحتج كيف تقبل "عقد الجلاد" شخص قادم من مجموعة "الكيزان" الغنائية (نمارق) . عبّرت عن احتجاجي لصديقي الحميم جداً عثمان النو ، وقد تم ذلك على هامش أول حفلة تشارك فيها مع (عقد الجلاد) ، واذكر ان عكرمة ود عثمان ، وكان حينها طفلاً في سنواته الأولى ، اتفق معي في الرأي . وقال لي أبوه : "يابابا نحن عمر ده ما عاوزنوا ، هو ذاتو أطول من المايكرفون" لم يجادلنا عثمان النو ابداً بل قال جملة واحدة : "عمر لعّاب" . وبعدها تأكدت تماماً من صدق كلمة النو ، وعرفت إنك فعلاً لعّاب فعلاً . عندما أسمع تسجيلات عقد الجلاد وأنت ضمنها كنت أتساءل كيف كان لهذه المجموعة أن تقوم وتستمر بدون هذا الصوت وبإسهاماته المتفردة في أغاني المجموعة ؟ وظللت أشعر ان صوتك واحد من أهم الأصوات في المجموعة ، وأصبحت مولعاً به . ولعلك شعرت بذلك خلال تلك الأيام النديات التي قضيتموها في صنعاء . وكرّمتنا بأن كنت في معظمها معنا في تلك الشقة الصغيرة المتواضعة .
وعندما علمت انك وأنور وسليمان فارقتم المجموعة ظننت ان تلك نهاية "عقد الجلاد" . ولكن ما شاء الله كان النو ساحراً عندما استطاع ان يفاجأنا باستمرار وخروج المجموعة مرة أخرى من تحت الرماد ، تماماً ، كالعنقاء وبأصوات جديدة ممتلئة بالجمال وقدرة الإبداع .
أقمت ندوة في صنعاء قبل شهر تقريبا ، تحدثت فيها عن الأصوات التي فقدتها عقد الجلاد ، وعن كيف كانت تلك الأصوات مركزية وهامة وضرورية لوجود المجموعة واستمرارها ، وقدمت في الندوة نماذج سماعية من تلك الأصوات ، وفي مقدمتها صوتك وصوت أنور , وسليمان ، وقبلكم منال ومجاهد والآخرين ممن فقدتهم المجموعة . ثم تحدثت بعد ذلك عن قدرة الفنان المبدع عثمان النو على إحياء المجموعة رغم فقد هذه الأصوات . وأسمعت الحاضرين أغاني شريط المجموعة الأخير (فأجاني النهار) مع التعليق على كل أغنية فيه ورصد الأصوات الجديدة فيه . لقد كانت ندوة ناجحة جداً وحضرها عدد كبير من السودانيين والمهتمين اليمنيين . حظيت قبل أيام بلقاء استمر لعدة ساعات مع عثمان النو في مطار صنعاء وقد مر به (كونكشن) في طريقة إلى السودان من جيبوتي حيث شاركوا هناك في مهرجان القرن الأفريقي ، تحدثنا طويلاً عن المجموعة ، وأسالته بإلحاح كيف فرطوا في عمر بانقا أنور وسليمان ، ولعدة ساعات ظللت استمع للنو وهو يدافع عنكم , ويبرر هجرتكم , ويعبر عن امتنانه وحبته وتقديره التام اليكم وتفهمه الكامل لأسباب هجرتكم , وحتى الدفاع عنها . لهذا المبدع الكبير كل التجلة والتقدير . ولكم الأمنيات كلها بتحقيق كل ما تصبوا إليه ؟ عثمان تراث صنعاء
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: Elmosley)
|
صديقي وحبيبي عمر بانقا مرحب بيك في بيتك والله مشتاقين شديد لي روحك السمحة ومزحتك اللطيفة وقفشاتك وتلك الرحلات يااااااااااااااه كلام كتير لكن المجال ما بسمح نخليها ترحيب والباقي شوية شوية بجي بالتدريج وشكري وعرفاني وودي للراجل الساكيك زمن موصلي
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: بدرالدين شنا)
|
كنت مخليه البوست ده للتحليه..
اصلو ما قايله لما ادخل بلقى قيه عمر بانقا..قلبا...وجلبابا..
انا كنت عندى جفاف فى الحلق من..كثرة..النبيح...اليومين الفاتن..
لكن حنجرتك..المرحمنه يا عمر..حتخلى حبالى الصوتيه...تنوم..قفا..
ياسيد الكل
نورك جهر..تب..
قبيل ضرب لى المقداد..قال جايى يزورنا..وجايب لي معاه هديه من على السقيد...شريطو الجديد
اتمنى انى اعرف اشكرو..الشكر البستحقو هنا قدام الناس ديل..
واعوه دعوه مجدده للدخول للمنتدى...والصديقه هاديه...عشان اماكنهم شاغره
لك كل الاحترام.. يا عمر...وليطيب لك المقام...انشا الله معانا
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: Tumadir)
|
اختي وصديقتي الفنانه تماضر شيخ الدين شوقنا ليك مطر شكرا علي ترحابك وسلامة صوتك وانتي البوديك تكوركي شنو الكوراك ده خلي لينا نحنا الله يديك العافيه واناويوسف الموصلي بنعمل ونجهز لسي دي جديد وهديتك في الطريق وان شاء الله تعجبك من هسع لك التحية والمحبة والاحترام
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: بدرالدين شنا)
|
اين انت ايها الصديق الحبيب الجميل من ديك وعيك والله زمان ماكنت اتخيل لقاؤك بهذه السهولة وشكرا لقريتنا الالكترنوية والتي تقرب المسافات البعيدة والله سعدنا بسماع صوتكم الجميل وان شاء الله لسه صوتك جميل كما عرفناه ونحن كنا خايفين منافستك فتنفسنا الصعدا حينما سافرتم ياراجل ياظريف تحياتي
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: Elmosley)
|
بكري ابو بكر صوره يوسف عسل لو سمحتوا حاخد لي فيها سحبه بعد صوره احمدوني دي
العزيز موصلي اخــــــــــــــــــــــــــيرا اصبحت قادره على سماع الاغاني البتنزلها وفعلا شكرا لزميل البورد الساعدني فيها
عمر وانا كمان سائله منكم شديد و اتمنى اشوف امنه كمان عضوه معانا في البورد
ولو تعذر عليك الله خليها مرات تكتب بي الاشتراك بتاعك دا كلو عشان مشتاقين ليها شديد
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: Elmosley)
|
ود بانقا .. لكن ما خطير بالجلابية أحب هذا البورد لأنه يجمعنا بكل من نحب فمليون مرحب المبدع بانقا ومليون تحية للرائع الموصلي وأتمنى أن نرى منكما عملاً مشتركا. ويا عمر آخر حفل حضرتو ليك كان تخريج أبناء الصحافة بجامعة النيلين بمرافقة العازف قصاص قبل ثماني سنوات تقريباً ليلة لن أنساها ما حييت . مش حرام تحرمنا كل هذه السنوات من ابداعك.
| |
|
|
|
|
|
|
Re: واخيرا ظهر عمر بانقا بصوته الحنين الرويان (Re: كبسيبة)
|
الاخ كبسيبه الشوق مطر يارجل ماشاءالله ذاكرتك حديد
اعتقد الحفله دى كانت فى نادى التنس امابخصوص العمل المشترك مع الاستاذ يوسف الموصلى نحنا فعلا فى ورشه عمل ليل نهار لاخراج شريط جديد بالتعاون مع الصديق الفنان حمزه سليمان تحياتى
| |
|
|
|
|
|
|
اخيرا ظهر (Re: Elmosley)
|
الف مرحب بالفتات الجميل عمر خاجة كدة من وردى وشى من عركى صوت ريان واحساس عالى بالغنا كانت مدهشة حفلاتكم فى صنعاء وسهرتكم الجميلة فى منزلنا بصنعاء بصحبة انور وهندى تذكر اليوم داك ياتراث نحياتى لامنة والابناء
| |
|
|
|
|
|
|
|