|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
العزيز
موصلى
يعنى إنت قايل روحك ما بديع؟
على بالإيمان بديع وزيادة كمان
طبعا كل أعمال الثنائى العجيب، بازرعة وعثمان حسين، رهيبة ومحتشدة بكل أنواع الجمال
لكن أكتر حاجة تعرف يا موصلى ملفتة للنظر فى الأغنية
إنه فيها صدق غريب، غريب جدا وتحس بالكلام مارق من أعماق ما معروفة جوه الروح
بازرعة زى ما قلت ليك هو سلطان الحزن بلا منازع، وطبعا ده ما من فراغ، والقصة معروفة
أما ابو عفان، أنا بعرفه ليك لمن يكون غاطس فى الأداء ومتوحد معاهو تماما، عنده انطلاقة كده فى الصوت/ ما عارف ناس الموسيقى بسموها شنو، لكن زى ما تقول كده صوته بتمدد ويتفتح فى ابعاد خطيرة جدا، طوالى تعرف انه انصهر جوه الأغنية
ومن شدة الصدق العند بازرعة كمان يا موصلى، اتولد حزن غزير فى النص وابو عفان صاغ اللحن على الكلام "قميص عامر بس"
قصتنا دى ومعاها "الجرح الأبيض" لإبن البادية من كلمات محجوب سراج، انا بشوفن اكتر اغنيتين حزينتين فى غنانا كله
ومحجوب سراج ده كمان حكايته حكاية
أكيد يا موصلى ما حنلقى كلمات تعبر ليك عن إمتنانا ومحبتنا وتقديرنا
بس غايتو نقول ليك
انشاء الله تلقى العافية والسعادة
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
بسم الله الرحمن الرحيم العزيز الموصلي السلام عليكم ورحمة الله وبركاته هذا تصحيح لبعض الأخطاء الصغيرة التي وردت في رائعة أبو عفان قصتنا
مع ودي وتقديري ============================================
بالمعزه بالموده البينا بي اغلي الصلات بالهوي العشناهو بي اعصابنا خمسه سنين ومات بالعذاب الشفتو والسر الكتمتو مات وباقي الطيبات استحلفك اترك سبيلي وسيبني وحدي اقاسي وابكي مر الذكريات ++++++++++++ انا بي حناني الغالي (خصيتك) وحبيتك بكل جوارحي وعواطفي العميقه انا شلت من اجلك هموم الدنيا قاسيت من جراحها وكل ضيقه لسعادتك انت كم ضحيت وإتغربت وماخليت طريقه وفي مسيري المضني من اجل الحقيقه كل طائر مرتحل عبر البحر قاصد الاهل حملتو اشواقي الدفيقه ليك ياحبيبي للوطن لترابو لشطآنو للدار الوريقة لكن حنانك لي او حتي مشاعرك نحوي ماكانت حقيقة كانت وهم كانت دموع مسفوحه بي احرف انيقه مابايدي لوضباب الغيره اعماني وزيفلي الحقيقه انت نبع حناني انت كياني انت الدنيا بهجتا ونورا وشروقا وان حصل ذلت خطايا معاك او ضلت طريقه هل تصدق تنتهي قصتنا يا اجمل حقيقه نحن عشناها بدموعنا وبالضني في كل دقيقه ياحبيبي لم تزل قصتنا قصة حب اقوي من الحقيقه ===
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
الموصلى ود خالى
Quote: انا بي حناني الغالي (خصيتك) وحبيتك بكل جوارحي وعواطفي العميقه انا شلت من اجلك هموم الدنيا قاسيت من جراحها وكل ضيقه لسعادتك انت كم ضحيت وإتغربت وماخليت طريقه وفي مسيري المضني من اجل الحقيقه كل طائر مرتحل عبر البحر قاصد الاهل حملتو اشواقي الدفيقه |
وبعد ده كلووووووووو خليتنى وعرست سكينة بت عمتى !!
دايرة اسمع اغنية ياناس نانا
ممكن ؟
ولا اكلم ليك شوبار يعذبك وينجضك ويشربك فيك توديهو السينما زى ماكنت بتعمل فى عم شرف؟
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
بديع وجميل يا موصلي ، كالعادة ،
في اختياراتك للألحان الخوالد للبديع / عثمان حسين ، وفي افتراعاتك لمثل هذه التحليلات التي هي جديدة علينا كمستمعين ، وجديدة علينا كقرّاء . وإذن ، فهي جديرة بالمتابعة والتملِّى . وفي ظنِّّي أنّه من خلال المداخلات المتوقّعة ، سيتسامي هذا العمل الأكاديمي ويلفت انتباه الناس نحو " علوم الموسيقي " وعالمها الراقي الفسيح .
إتجاهك هذا ، أخي الموسيقار يوسف ، في تحليل موسيقي الالحان الخالدة ، سيزيد من قدرة الناس علي الارتقاء بأذواقهم فنِّيا ومعرفيا ..
سنظل متابعين ..
وشكرا ليك كتير يا استاذ ،،/
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
لك التحيه استاذى وانت تغوص فى بحور النغم لتخرج منها الدرر عندما استمع لقصتنا تحملنى الذكرى ليوم كنت فيه احد ركاب حافله سفريه من الخرطوم الى مدنى كنت وقتها يافعا وكان الوقت مساء وحين يمتد بصرى عبر السهول ارى قرص الشمس يميل للغروب وعندما نمر بالقرى الواقعه على الشارع كنت ارى الناس متجمهره حول ميادين الكوره ومعظمهم يرتدى جلاليب بيضاء اغنية قصتنا كانت خلفية اللوحه ربما تكررت هذه الصوره مرات ومرات ولكن مع قصتنا كانت مختلفه
التحيه للاستاذ عثمان حسين ولك يا استاذ موصلى
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
Quote: ثم يعالج عثمان نفس الكلمات السابقه بجانب ايقاعي ممتع غريب جزل فرح |
الأستاذ المتفرد ... موصـلي .. كنت أتساءل دائمآ كيف تسنى للأستاذ عثمان حسـين أن يحوز على رضا الأجيال و اعجابهم .. تابعت تحليلك و آثرت أن أظل قاريء .. لكن لأنك أجبت على تساؤلاتي و أذهبت حيرتي ، قلت أدخل أحييك ، أرجو أن تواصل تثقيفنا و امتاعنا في ذات الآن .. و مزيدآ من التحليل الواعي لرموزنا و قممنا الفنية .. عثمان حسين ,,الذري ابراهيم عوض .... أبو الوطنية ـ ود اللمين ـ .. الديبلوماسي الكابلي .. الثوري عركي .. و أنت أدرى بهم ، فالدقيق الآن لدى خبازه الماهر ..
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
الأستاذ الموصلي : رجعنالك ...
ياريت يا أستاذ تدينا شرح لي الجملة أو الطريقة التي أدي بها الأستاذ عثمان حسين هذا المقطع وتحديداً ترديده لكلمة ( العميقة ) بي أسلوب لحني غريب صراحة كل ما حاولت ان احاكيه في ترديدها بنفس الأسلوب لا أستطيع (بتحصل لي شترة ) ..
تخريمة : من أسة اذا بديت بي سيد خليفة غايتو بقول ليك أشرح لينا أغنية ( ولي المساء ) أها قلت شنو ؟
ليك تحياتي ..
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
موصلي
أعيد اكتشاف عثمان حسين مع اكـتـشافاتك لرائعة للتحليل الموسيقي لبعض أغنياته.
تسهل الآن قراءة ابداعات عثمان حسين.
دائمـاً أردد أنَّ أغنية (الدرب الأخضر) – محمد يوسف موسى - تذكرني بالسير في (طريق الآلام) العذب، بإستسلام مهيب.
تقف هذه الأغنية في قمة ابداعات الفن الغنائي السوداني، حسب رأي كمستمع.
سألني أحد الخبثاء كتعليق على رأي هـذا: (لماذا)؟
قلت له لا أدري ولكنها واحدة من أجمل وأروع وأعظم الأغنيات السودانية، ولو كان هنالك نظام الـ (Chart)
لأحتلت مكانها بين أجمل عشرة أغنيات.
الآن أحيل سؤال ذلك الخبيث لك، أستاذ موصلي.
تحياتي
و
( تـهيم خطواتي نشوانة تعانق دربك الأخضر
وحات اللوعة والآهات يا مشوار ما تقصر
على دربك زرعت الحب جمال وكمال رياض وزهور
غزلت صبابة العشاق وشلت اللهفة والأشواق رياض وسلام منابع نور
مواكب روعة وابداعات
بناها خيال وصاغها شعور
وما بتبدلو الأيام ولا في مرة بتغير
وحات اللوعة والآهات يا مشوار وما تقصر
وما قاسينا نار حرمان وما عانينا جور وصدود
وكم مرت بلاك أيام وقفتها في طريق مسدود
وشوفو الليلة إشراقات سناء ونـوَّار بـتقطر وحات اللوعة والآهات يا مشوار وما تقصر
يا مشوار يا رائع كون أول بدون آخر
معالم لا نهائية حنين دفاق حنان زاخر
عانق روح وأحضن قلب وأبهج عين وسُـر خاطر
وفيض يا شوقي ما ترتاح يا ريت أفضل دوام ساهر
معاك فرهد شباب الحب رفَّ علي جناح أخضر
وحات اللوعة والآهات يا مشوار ما تقصر)
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
بسم الله الرحمن الرحيم الحبيب الموصلي أخباك وأحوالك مشتاقين كتير والله والله كنت في مامورية بعيد عن النت.....لذاأرجو المعذرة...لقد فاتني الكثير في هذا البوست المبالغة...إبتديت أسمع شوية في الأغنية وفجأة وجدتني أسرح بعيدآ مع كلماتها وتذكرت أحبابي في السودان....فإن لي معها قصة...سأحكيها لك يومآ ما...لك كل الود والحب فقد أحلت جدب أيامنا ربيعآ بهذا البوست الذي بلا منازع هو بوست العام..
مع الود والتقدير
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
جاءتني الرسالة التالية من الاستاذ عماد عثمان من هولندا
فله شكري ومحبتي
الأخ الأستاذ الموصلي تحية ومحبة
أسعد الله أيامك لإتحافنا بهذه الدرر، وتمكيننا من التمتع بها مجدّداً، بفتح هذه النوافذ المبصرة عليها.
بعض الملاحظات في نص قصيدة " قصتنا"، أوردها أدناه:
· أكاد أرجح كلمة "معاك" بدلاً عن "مات" عقب " السر الكتمتو". · أعتقد أنه لا وجود لكلمة " وابكي"، بين " أقاسي" و " مر الذكريات". · كلمة " خصيتك" موجودة وفي موقعها الصحيح، وأعتقد أنه من الأوفق إزالة الأقواس من حولها. · من الأفضل أستبدال كلمة "ضيقة" ب " ضيقا". · أرجح فصل " زيفلي" إلى كلمتين " زيف لي". · لا وجود لكلمة "ونورا" بين " بهجتا" و" شروقا". · كلمة "زلت" بدلاً عن"ذلت". · " ضلت طريقا" بدلاً عن " ضلت طريقة".
وتجدني أنزلها كاملة كما يلي:
بالمعزة، بالمودة البينا، بي أغلى الصلات بالهوى العشناهو بي أعصابنا، خمسة سنين ومات، بالعذاب الشفتو، والسر الكتمتو معاك، وباقي الطيبات، أستحلفك، أترك سبيلي، وسيبني وحدي أقاسي مر الذكريات أنا بي حناني الغالي خصيتك، و حبيتك بكل جوارحي، وعواطفي العميقة، أنا شلت من أجلك هموم الدنيا، قاسيت من جراحا، وكل ضيقا، لسعادتك إنت كم ضحيت، واتغربت، ما خليت طريقة، وفي مسيري المضني من أجل الحقيقة:
كل طاير مرتحل، عبر البحر، قاصد الأهل، حمّلتو أشواقي الدفيقة، ليك يا حبيبي، للوطن، لترابو، لشطآنو، للدار الوريقة لكن حنانك ليّ، أو حنى مشاعرك نحوي، ما كانت حقيقة.. كانت وهم، كانت دموع مسفوحة بي أحرف أنيقة ................
ما بإيدي، لو ضباب الغيرة أعماني، وزيف لي الحقيقة... إنت نبع حناني، إنت كياني، إنت الدنيا؛ بهجتا وشروقا، وإن حصل زلت خطاي معاك، أو ضلت طريقا، هل تصدق تنتهي قصتنا يا أجمل حقيقة، نحن عشناها بدموعنا، و بالضنى في كل دقيقة، يا حبيبي، لم تزل قصتنا، قصة حب أقوى من الحقيقة.
كلمة " الحقيقة" و"حقيقة" وردت ثلاث مرات معرفة، ومرتين بغير تعريف في غير إملال ولا احساس بتكرارها. كلمة " الوطن"، وبمعناها المباشر، غير الرمزي، تنسرب في قصائد بازرعة العاطفية بعفوية، وكأنها من مفردات الغزل الشائعة والمألوفة للسامع. زكما قلت لك في مهاتفتي معك، فكأن هذه الأغنية أغنيتان، واحد من البداية وحتى " كانت دموع مسفوحة بي أحرف أنيقة"، والأخرى هي ما تبقى من القصيدة. وكمان ملاحظتك في المزج البارع بين الدارجي والفصيح، أو قل تدريج الفصيح بعذوبة شديدة، تجدها في هذه القصيدة واضحة جداُ؛ أستحلفك، مسيري، المضني، مرتحل، الدفيقة، شطآن، الوريقة، مسفوحة، أنيقة، لم تزل، وأخر كثيرات.
أها داير أجيك لي غنية غميسة. و هي ليست غميسة لأنها غير مشهورة، ولكن لأنها متفردة، كما أعتقد، عن نظيراتها في الحقيبة، بأوجه عدة، وهي أغنية " وجه القمر سافر". أنا من عشاق الحقيبة، اسمعها بشيئ من الوله، حتى وإن فاتت عليّ الكلمات، وكثيراً ما تفوت عليّ. السماع لتسجيلات الحقيبة القديمة، يعيدك إلى ألق ذلك الزمن الجميل، جميل حتى بقبحه. لا أحدثك إلا حديث مستمع، فلا تأبه لحديثي إن شرّق أو غرّب، فهي خواطر عاشق، إن أخطأ فله أجران وإن أصاب فله" كتييييييييييير"!!! إحساسي الأول تجاه هذه القصيده أنها لا تشبه معظم نظم الحقيبة، فالشاعر قد سلك درباً لعله جديد في بابه!! كيف؟ دي دايرة زول بيعرف يقول لينا!! قرأت مرة في إحدى حواماتي في "النت" بأنها لشاعر اسمه " مسعد حنفي"، فقلت في نفسي: لقد صدق حدسك، فالشاعر نفسه لم أسمع به من قبل بين مشاهير الحقيبة. فهل لديه قصائد أخرى مغناة، وهل وهل؟ لم أجد إجابة، بل لقد قرأت ما زعزع يقيني في كتاب " روائع حقيبة أم درمان" ل " محمد حسن الجقر" الصادر عن " دار عزة للنشر والتوزيع"، عام 2003، وفي صفحة 100، من أنها للشاعر أبو صلاح. ثم قرأت لك مناشدة تبحث فيها عن إبن الشاعر مسعد حنفي، فعدت إلى بعض اليقين، من أنه ربما يكون شاعرها. هل لك يقين عن شاعر " وجه القمر" ؟ الجانب الغميس الآخر فيها، حسب ظني، هو اللحن. ففيها لحن يمكنني، وبجهلي المطبق بالموسيقى و بالألحان، أن أطلق عليه " صعباً"، لا ذماً بل مدحاً. فكأن اللحن قد ألفه ملحن يشتغل بالموسيقى الحديثة، أو قل بالآلات الحديثة. والسؤال هل الملحن هو إبراهيم شمبات؟ والأغنية فوق ذلك بها درجة تطريب عالية لا تخطئها الأذن. لدي بصوت أولاد شمبات، وبصوت تلودي بالعود مع خلفية من الكورس، وبصوت ترباس. كان ممن لفت إنتباهي إليها باكراً الفنان إبراهيم خوجلى، إلا أني لا أملك الآن تسجيلاً لها بصوته. رجاء:
الكلام الفوق دا كلو، إعتبرو هترشة، ولا أطالبك بإثبات إسمي في أي اقتباس منه، الآن أو آجلاً. وسأظل أتواصل معك، إذا أحببت ذلك، عبر بريدك الالكتروني أو الهاتف متى ما سمحت الظروف لأي منهما. ودمت، مع تحياتي للأسرة، ولجميع الأخوات والأخوان الجمهوريين حولكم. المخلص عماد آدم نايميخن، الجمعة 25 فبراير2005
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
الفنان الراقي الموصلي..
ســـلام ومحبة..
متااابعة الحاجة الجميلة اللبتهدي لينا فيهااليومين دي عن الفنان الرائع عثمان حسين.. ومنتظراك تصل لغاية "شجن"..
واصل لتلوين المكان ده بأجمل الحان..
أها انا لقيت "انا بت النيل" كاتبة القصيدة كلها..
بالمعزة ..بالمودة بيننا بي أغلي .. الصلات بالهوي العشناه بي أعصابنا خمسة سنين ومات بالعذاب الشفته والسر الكتمته معاك وبأقل الطيبات استحلفك اترك سبيلي وسيبني وحدي اقاسي مر الذكريات
أنا بحناني الغالي خصيتك وحبيتك بكل جوارحي وعواطفي العميقة وانا شلت من اجلك هموم الدنيا قاسيت من جراحه وكل ضيقة ولس سعادتك انت كم ضحيت واتغربت ما خليت طريقة وفي مسيري المضني من اجل الحقيقة
كل طائر مرتحل عبر البحر قاصد الاهل حملته اشواقي الدفيقة ليك يا حبيبي للوطن لي ترابه لشطآنه للدار الوريقة لكن حنانك او حتي مشاعرك نحوي ما كانت حقيقة ومابيدي لو ضباب الغيرة اعماني وزيف لي الحقيقة
وا نت نبع حناني انت كياني وأخيلتي الطليقة أن حصل زلت خطاي معاك او ضلت طريقة يا اجمل حقيقة برضه سامحتك لحبي ما لاجلك للمعاني الكنت انظم فيها حولك ونحن عشناها بدموعنا بالضنى في كل دقيقة يا حبيبي لم تزل قصتنا قصة حب اقوي من الحقيقة
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: عبد المنعم سيد احمد)
|
عشرة الايام
عشرة الايام ما بصح تنساها كأنه ما حبيتك وكأنه ما عشناها وضمانا احلى غرام ليه تجفا دون اسباب من غير عتاب او لوم اخترت غيرى صحاب واصبحت قاسى ظلوم هان ليك فراقى خلاص واصبحت قاسى ظلوم وانا برضى حولك احوم كان عهدى بيك ترعاها واجمل صلاتنا تدوم امل الاحبة سلام بعدك امانى هواى ياماجنينه عدم ولاعرفت صديق لى قلبى غير السام كم غيرى يشدو سعيد وانا فى هواك مغرم ورينى ايه ضراك لو كان صبرت شويه واسلم من الاوهام ماكان فراقنا المر فى نيتى او فى ايدى لكن ظروفك ابت وقست ظروفى على واتلاشت الاحلام وين حسن ظنك بى ورينى ايه ضراك لو كان صبرت شويه عمر السنين ايام
-------------------------------------------------------------------------------- عيناك غابتا نخيل ساعة السحر او شرفتان راح يناى عنهما القمر [اضف رد] صفحة 1 من 1: << 1 >>
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
أستاذنا الموصلي الفنان" الغواص البارع في محيط النغم السوداني"
رأيت و قرأت و تابعت بكل شوق و إنبهار سلسلة تحليلاتك لموسيقانا السودانية الخالدة و التي أفلحت تماماً في إفتتاحها بالعملاق "الخرافي النغم" أستاذنا عثمان حسين
فهو فناني المفضل منذ عهود خلت و أسمع و أحفظ كل أغنياته بإحساس غامض و تليد و تعتريني حالة من الوله و الحنين لا أجد لها تفسيراً و لا منبعاً و في أحيان كثيرة أجد عيناي ترقرقتا بالدموع... و الله أنا إحترت في أن أعرف و أحلل سر هذا الوله و الإنصهار الغامض كلما سمعت هذا العملاق يشدو بإحدى أغنياته و على الأخص تلك التي من تأليف "تؤامه الغنائي / بازرعة " سلطان الحزن" كما قال المطر
تقديري لك بلا حدود أستاذنا الموصلي و أنت و كما ذكرت في مكان من هذا البوست" Quote: تعجن لنا احلي كيكات التحليل" |
الأن بدأت أتذوق أغنياته بمذاق آخر بعد تكرمك علينا بوقتك و جهدك و معرفتك الموسيقية المتمكنة و دمت لنا غواصاً بارعاً في محيطات الغناء السوداني.
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Nada Amin)
|
الأخ الأستاذ موصلي دائما تأتي بالدرر من رحلات غوصك في هذا المحيط المترامي الأطراف..وهذا بحر انت عوامه ..بحر الغناء السوداني بكل تنوعه والذي لم اجد مثله ابدا في هذا المضمار ..عالم الشعر الغنائي في السودان حقيبة وغيرها ..وعالم اللحون ان جاز الجمع ..رائعة ومؤثرة الي حد بعيد..اما وتوغلك في عالم عثمان حسين في قصتنا وقصة بازرعة وقصة الروعة والجمال وقصة عثمان حسين المبدع.. حديث ندي علي يحكي قصتي مع الإستماع لعثمان حسين فنحن نلتقي في هذا الإحساس الغامض التليد وازيد بأن حالة اللآ إحساس بمن حولي تعتريني حينما ادخل في هذا العالم بأذني وكلياتي ..
انت يانيل طيبة الأخلاق تسابيح أوعديني أحبك المصير حبيب الروح من أجل حبي أوراق الخريف شتات الماضي الفراش الحائر مات الهوى أحلي البنات نورة عشرة الأيام اللقاء الاول لا وحبك الوكر المهجور حبي قلبي فاكرك أنا والنجم والمساء ان تريدي ياليالي القبلة السكرى شجن عارفنه حبيبي قصتنا زيدني في هجراني خلي قلبك معاي شوية عاهدتني لا تسلني خاطرك الغالي و..الخ
والمزهرية لك استاذ موصلي
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
استاذىالجميل والنبيل الموصلى السلام عليكم ورحمة الله وبركاته هذا هو الحال فى بلاد العجايب السودان ترى لو كان الاستاذ عثمان حسين فى اى بلد آخر ماذا سيكون وضعه ومقامه نحن اهل الفن لا نستطيع ان نضع عثمان حسين فى مكان الا بين النجوم العاليات والتى لاتطالهاالايدى لانطالها الا بالنظر .وبالنظر فقط ليس احتقاراو استخفاف بالذات ولكن عظمة هذه القامة الفنية من الصعب الوصول الى السماوات التى حلقت فيها. كثيرا ما اتساءل واضع المقارنات بين هذا وذاك ولكن لااضع عثمان حتى فى مجال المقارنة اولا لان عثمان ابدع هذا الفكر الموسيقى فى وقت صعب . صعب فى كل شئ الفن ووضعه . العلم الموسيقى وامكانية الولوج فيه . المقارنة بين الفكر الموسيقى السودانى الحديث النشأة وبين اشقاءنا العرب والافارقة وباعهم الطويل فى هذا المجال . مجموعة عوامل واسباب لو قدر لنادراستها بعمق لنرى كيف سمق عثمان حسين وسط كل هذه العوامل فى السماوات العلا بينها لكانت النتيجة واحدة فقط هى الإندهاش اللامحدود كماهو فكر عثمان حسين الموسيقى فكل واحد يعرف عن الموسيقى شئ يندهش اكثر كلما سمع لحن لعثمان حسين وكلما تعرف اكثر تندهش اكثر . قصتنا من احب الاغانى الى وربما التحليل الموسيقى يوضح عمق اللحن وتنقلاته وقوالبه واسبح كثيرا فى الخيال مع الوكر المهجور وشجن ولا وحبك والنيل الخ... من الروائع. اجريت مرة مقابلة مع بشير عباس وسألته بعد غيابه عن السودان تلك الفترة الطويلة عن مجوعة من الفنانين القدامى والجدد وعندما سألته عن عثمان حسين اجاب انا لااستـطيع ابداء راى فى عثنان حسين لانو مافى تلميذ يبدى رأيه فى الاستاذ والاصح ان تسأل الاستاذ عثمان فى تلميذه شنو ? عثمان حسين لانملك له الا الدعاء بالصحة والعافية وربنا يديه طول العمر لكن ما بنقدر نجازيهو ولا بنصل لي خيالو وفكرو الموسيقى . هذا لوحده دنيا وعالم تانى.
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: Elmosley)
|
خالص التحايا.. الاستاذ يوسف الموصلى .. لاتعتبرها شى سوى مجرد مجدر اجتهاد من مستمع موسيقى معجب بها وبدايات خجوله لم تنطلق من من اول خط فى خطوط توزيع السلم الموسيقى... وانا كانت بداية دراسيه بسيطه جدا لم تكتمل هذا لايحق لنا التطاول او مجرد الشعور بذلك .. عموما وصراحة انا بالجد خجلان وخايف انو احاول الكتابة فى البوست ده ..
عزيزى الموصلى عزرا فعزرا ان اخطائنا كما انك لم تترك لنا شى لى نقوم بمراجعه حتى لو كنا مستمعين او دارسين... فعزرا ان سهوا سيدى او اخطانا...
بداية كما قلت اخذ مقدمتك التعريفه فى الدخول للاغنيه..
مقدمه موسيقيه تتكون من عبارتين زائد عبارة موسيقية اخري تسير في بطء متدرج لتمهد الي صولو الكمان والغريبه المقدمه في نفس السلم او المقام لاغنية لا وحبك يبدو ان الرائع عثمان حسين مغرم بالخلطه الخماسيه لمقام دو الضغير وسي بيمول الكبير وظاهر جدا اجتهاد الة البيكلو في المقدمة بمحاولة التنويع للمقدمة كما ان الايقاع لا يحاول ان يكون رتيبا بل يلعب جملا متنوعة وهذه محمده يتميز بها عثمان حسين ويتفرد مع استثناءات بسيطه لبعض البديعين في هذا الزمان وبعد انتهاء صولو الكمان المكرر تدخل الاوركسترا بجملتين احدهما لحنيه والاخري ايقاعيه ليعود البطء اي اللحن الحر
ثم يدخل عثمان
************************** فى هذا المقاطع..
بالعذاب الشفتو والسر الكتمتو مات وباقي الطيبات استحلفك اترك سبيلي وسيبني وحدي اقاسي وابكي مر الذكريات
نجد بان الاستاذ يترك للموسيقى ان تكمل باقى المقطع دون ان نحس نحن بذلك.
انا بي حناني الغالي (خصيتك) وحبيتك بكل جوارحي وعواطفي العميقه انا شلت من اجلك هموم الدنيا قاسيت من جراحها وكل ضيقه لسعادتك انت كم ضحيت وإتغربت وماخليت طريقه وفي مسيري المضني من اجل الحقيقه
من خلال هذه المقاطع نجد ان الايقاع محافظ على ترزم معين فى الضبط ممهدا دخول للكمنجات والاستمرار واستلام الجمل مع بقية الالات ...
كذلك فى مقطع (شلت منك هموم الدنيا) الاولى شغل جميل ....
(لسعادتك انت كم ضحيت وإتغربت وماخليت طريقه) فى شتره فى شغل الكمنجات او بمعنى اصح عندما يشتغل العازفون كلهم على نغمه معينه يكون هناك احيانا فرد يقوم بادخال نغمه مختلفه اسمتها (شتره جميله).. بتدى اللحن طعم من دون ان تغير فيى مسارو ..وهى تتطلب شخص جيد فى العزف..
.........................................
المدخل الموسيقى قبل كل طائر مرتحل عبر البحر قاصد الاهل حملتو اشواقي الدفيقه
الموسيقى كانت فيه اشبه بعملية اللحن المعكوس (بس صعب على تحديو) التناوب كان مابين البكلو فى القياده مع بقية الالات
الثمتيثل الحلنى او لموسيقى للكمله فى شكل التعبير للمناطق الحنينه بلحن حنين وهادى يدل على مقدرته فى تجسيد الحدث من خلال الجمل الموسيقى وتفكيك ابيات الشعر الى شى اقرب الى محسوس لهو شى يدل على ان الاستاذ يغنى من داخله با لانماس فى الاحساس بالحدث المكتوب وتجسيده من خلال اللحن والاداء..
ثم اعتماد النص على كم مقطع ولحن مختلف وشكل الدخول والخروج والدخول بشكل سلس يدل مقدرة الفنان الصوتيته واللحنيه..
هذه عزيزى الموصلى بعد جهد جهيد وهو لايسوى شيئا امامك فى ان نحاول ان تعطى العظماء بعض حقهم باى طريقه ان كانت مدروسه او لا فقط الاحساس بالشى الجميل احيانا التعبير عنه مايكون رربما مختلف او غريب لكن شى من التعبير وكما قالو (من الحب ماقتل)..
كذلك لاننسى بان استاذ لكم مثل الفنان عثمان حسين لابد ان ينجب افذاذ وهو هو بيان العمل امامنا ...(الموصلى يوسف) روح الموسيقى...
نشكركم كتير يا اصحاب الانغام فلو لا موسيقاكم لااعتقد انه كان قد كتبت لنا الحياه الى الان فى هذه الغربه او فى الوطن او فى اى مكان..
فقط كيف يكون الشكر هذا ما احتار فيه .. المهم كما قلت هو تعبير ربما يكون مشاترا وغريبا ولكن تعبير للاعجاب بكم (ومن الحب ما قتل).. شكر روح الموسيقى واعتذر مرة اخرى لهذا الاختبار الصعب ...
فخالص التحايا للاستاذ الفنان العبقرى عثمان حسين وربك يديهو العافيه .. ويديكم انتو كمان وكمان...
عشان تواصلو مسيره الروائع ال زى قصتنا-مات الهوى-احبك- المصير-قبلى فاكرك- شجن...الخ...
| |
|
|
|
|
|
|
Re: غواص في محيط النغم السوداني 2 (قصتنا) للعبقري عثمان حسين (Re: معتز تروتسكى)
|
Quote: انت يانيل طيبة الأخلاق تسابيح أوعديني أحبك المصير حبيب الروح من أجل حبي أوراق الخريف شتات الماضي الفراش الحائر مات الهوى أحلي البنات نورة عشرة الأيام اللقاء الاول لا وحبك الوكر المهجور حبي قلبي فاكرك أنا والنجم والمساء ان تريدي ياليالي القبلة السكرى شجن عارفنه حبيبي قصتنا زيدني في هجراني خلي قلبك معاي شوية عاهدتني لا تسلني خاطرك الغالي و..الخ
والمزهرية لك استاذ موصلي |
| |
|
|
|
|
|
|
|