|
هاشم ودراوى ، ابو فاطنه ، يدق فى بابكم يا بكرى ، يعنى ما سامعو
|
فليكن شعار هذه الفتره من الأرشفه ، دخول ابوفاطنه ، هاشم ودراوى
ظل واقفا امام باب بكرى لفتره طويله ، خبط وخبط ولا حياة لمن تنادى ، يا عملات النميرى
ولما تعبت ايده ، شال درابه وقعد يخبط بيها لغاية ما اتفتفتت ، وفى النهايه وجد ضالته فى
حجر بخيت
رفاق مصر المرجو دعم هذا الرفيق ، حتى يستطيع مشاركتنا فى التوثيق
فيا بكرى نرجو سرعة الأستجابه اذا أمكن ذلك
|
|
|
|
|
|
|
|
Re: هاشم ودراوى ، ابو فاطنه ، يدق فى بابكم يا بكرى ، يعنى ما سامعو (Re: كمال قسم الله)
|
الصديق هاشم
نثني بلا حدود
فنان
ومثقف
وجميل
وزول كامل الروعة
يا بكري
سامع كلامي
هاشم ده مكسب ومكسب كبير
واي زول يجي من رفاق مصر
حقو يخش دون تثنية
وده جاك من كبيرنا كمال قسم الله
يعني تثنية من كمال قسم الله بعشرة تثنيات
عليك الله يا بكري
ما تخلينا ننتظر كتير
لانو ود راوى (ما عارف يكتبوها كيف ، غايتو كتابتها ما زي نطقها ولله في خلقه شئون)
ده لينا زي مليون سنة كده ما شفنا ، وما سمعنا ، وما عرفنا اي حاجة عن أخباره
شكراً كمال
| |
|
|
|
|
|
|
Re: هاشم ودراوى ، ابو فاطنه ، يدق فى بابكم يا بكرى ، يعنى ما سامعو (Re: كمال قسم الله)
|
الاستاذالمخضرم كمال قسم الله
لك التحايا النواضر وين تلفونك مالك عملت حمد لبد والتحية عبرك للشيخ البصير ود راوي وقول ليهو ما فى ليك طريقة تدخل المنبر دا الا ترسل الامانه وبعد داك نشوفها اصلية ولا زايدنها موية من خور ليفربول بعداك نشوف قصة تثنتو دى سلام ناس ابسوتش وجيرانهم التانين
الصديق عبد المجيد
فى انتظار ان تحفنا بكتاباتك عن الشخصية السودانية ومآالات الواقع السياسي
| |
|
|
|
|
|
|
Re: هاشم ودراوى ، ابو فاطنه ، يدق فى بابكم يا بكرى ، يعنى ما سامعو (Re: سيف النصر محي الدين محمد أحمد)
|
الأعزاء الميامين
زهير الزناتى
صديق عبد المجيد
راويه العباسى
ابوساندرا
شاذلى مجذوب
يحيى ابنعوف
سيف النصر
أشكركم على دعمكم لطلب عضوية صديقنا ود راوى ، الذى اشتهر فى قاهرة ذلك الزمان بود راوه. حقيقة هى ود راوى مش ود راوه ، اطلق هذا اللقب على جده لأبيه لأنه كان من الرواه، هكذا قال ود راوى . بعد أن انجب فاطمه ، اطلقت عليه جماهير سدنى أبو فاطنه ، وأطلقوا على فاطمه ( بت راوى ) والبعض يسميها ( بت وى )
حاشيه: أبوساندرا ، أرجو أن ترسل لى ايميلك الخاص لو أمكن ذلك، لدى بعض المواضيع الساخنه
| |
|
|
|
|
|
|
Re: هاشم ودراوى ، ابو فاطنه ، يدق فى بابكم يا بكرى ، يعنى ما سامعو (Re: مجاهد عبدالله)
|
الأخ / كمال قسم الله سلام واحترام ،،،،
يازول والله نثني ونثلث ونربع هاشم ودراوى عديل كدا الأخ هاشم يستاهل كل خير فهو انسان رائع قابلته عندما كنت ادرس بالقاهرة عن طريق ابن عمي واخي جهاد الفكي ومن اول لقاء اصبحت بيننا علاقة قوية جداً جداً لانه انسان جميل جدا بالله يا بكري استعجل لينا الزول الفنان دا فهو بحق وحقيقة اضافة لهذا الحوش العامر . وتحياتنا عبرك لاخونا هاشم واسرته الكريمة وبالله قول ليهو الفاتح الفكي وجهاد الفكي يبلغوك السلام وحتي نلتقي في هذا الحوش العامر لك سلامي وتحياتي أخي ودراوى أبو فاطمة . وتحياتي واحترامي لك أخي كمال
أبو كريم
| |
|
|
|
|
|
|
Re: هاشم ودراوى ، ابو فاطنه ، يدق فى بابكم يا بكرى ، يعنى ما سامعو (Re: اسامة الكاشف)
|
ابراهيم عنكبه تحيات واشواق ساخنه ، وهل لديك أى أخبار عن ود الجبنه شكرا مجاهد عبد الله على دعمك لعضوية ودراوى ربيع السمانى ، ابن ملبورن البار ، كيفك وكيف الأسره لعلهم بخير
الفاتح خليل ، علمت من ودراوى بأنك الشقيق ( الأكبر ) لجهاد الفكى ، لكننى غير مطمئن لهذه
المعلومه باعتبار انها جاءت من ودراوى فى اطار حالات الهزار الكثيره التى تنتابه بين الفينه والأخرى
تحياتى لك ولجهاد
زياد جعفر الذى ترك سدنى ويعيش حاليا فى غربه داخليه ، لا النفس راضيه بها ولا الملتقى من شيعته كثب .
يا نور الدين تحيه والف تحيه ، فأرجو ان أمكن نقل هذا الرابط لبوستنا بتاع مصر ، لازلت أمى ولا أعرف استخدام الجهاز بصوره جيده
صديق أجمل الأزمان ، اسمامه الكاشف
حقيقة شعرت بحزن عميق عندما اطلعت على ما كتبته عن زيارتك للقاهره بكيت معك على كل الأطلال وتذكرت أميز ايام العمرعلى الأطلاق وتجولت معك فى كل الأماكن التى ذكرتها، خاصة رابعه العدويه ، التى أعشقها، حيث قضيت فيها اجمل اللحظات ، التحيه لك ولمن معك.
| |
|
|
|
|
|
|
Re: هاشم ودراوى ، ابو فاطنه ، يدق فى بابكم يا بكرى ، يعنى ما سامعو (Re: كمال قسم الله)
|
الأخ / كمال قسم الله
لك سلامي واحترامي ،،،،
قلت لي ودراوى قال ليك انا الاخ الاكبر لجهاد الفكي والله دا ودراوى ما تغيرت فيهو حاجة انسان جميل ويحب المرح والضحك ، وقد كانت لنا ايام في قاهرة المعز وبالتحديد في مصر الجديدة والهرم ايام جميلة وكان ودراوى نعم الاخ والصديق العزيز جداً . جهاد الفكي هو أخي وابن عمي وهو بخير وعافية وسوف ابلغه تحياتك أخي كمال وبرضو بقول ليهو ودراوى قال انا شقيقك الاكبر نشوف جهاد يقول شنو وياريت كمان جهاد الفكي يجينا هنا لانه ايضاًاضافة لهذا الحوش العامر . يا بكري بالله استعجل لينا ودراوى عشان نحددها معه أخي كمال تقبل تحياتي وتحياتي للعزيز ودراوى .
أبو كريم
| |
|
|
|
|
|
|
|